أصبح صباح التـلاتـاء وبكـرة حنة سمـر💃( سمـر دي العروس) صحيـت استحميـت صليـت ودعيـت كتيـر إنـو ربنا يجمعنا بالحلال أنا وأحمـد😍🤲 وبعـدها قريت شوية قرآن وقعـدت أتذكـر ف تفاصيـل أمس😍 وكيـف أنا سمعت وفهمـت غلط وختيـت إنو أنـا وأحمـد مستحيـل نتلما وف لحظة بس ربنا جمعنا♥️ طوالـي فتحت الشبكة ودخلـت الفيس كتبت
"و يحدث أن يجمعك الله بما تمنيته ، رغم إستحاله الأسباب♥️"بعديـن دخلـت الواتس دردشت مع الشلة وشاكلتهم عشان م جـو 😒 ووعدونـي يجـو كلهـم ف العرس♥️ ورسلـت ليهم صور الحنة😍أنا لسة داخلة ف الواتس تلفـوني اتصل وكان رقم غريب استغربت.. وم رديتاتصل لامن فصل وتانـي اتصل.. المـرة دي رديـت.. أول م قلت ألـو جانـي الصوت البيريحنـي وقال... يسعـد صباحك.. قلت لي وصباحك ي رب... رد لـي مشتاق ليك♥️😍 رديـت ليهـو وبعـدها اتونسنا كتيـر.. وطبعا الليـلة م حيقـدر يشوفنـي😂😂 لأنـو م ف سبب يجيبو البيت😂 قالـي ي زولـة أنـا م راضـي كدا😕 ضحكـت فيهـو😂 وبعـدها اتكلمنا وقفلنـا♥️... ويمكـن دا أحلى صباح يمـر علـي😍❤️🍀( طبعا استغربت جاب الرقم من وين لكـن قلت م ظريفة أسألـو😊) بعـدها قمـت نزلـت تحـت وياها الأوضـاع المعتادة وجوطة العرس والناس داخلة ومارقـة.. وطبعا جـود جاتنـي من الصباح😍 وروان برضـو كانت فـي😂😍( كيوتـة وعثل ياخ😂 هي وعمـار مبالغة جاييــن سوى😂😍( لحـدي العصـر كدا حتى رقنا.. بعدها طلعنا كلنا الجنيـنة... أنا وروان وجـود وأمنيـة😍♥️ ومعانا مصعب وعمار ومؤيد ( طبعا مؤيـد وجـود كل واححـد كاسر ف التاني ضلعة😂 والنظـرات م تديك الدرب😂 والعجـب جود والخجل لامن م عرفتها عديل😍😂 ... طبعا أنا ملاحظة ليهم بس عاملة رايحـة😂) ومصعب زاتو وياسـر وهيثم... قعدنا اتونسـنا كـدا وبعديـن م لقينا موضوع قلنا خلاص نلعـب صراحة وجراءة🍀😍 ( ناس الـbatch متذكرين الكرسي الساخن😂😂😂 وقرعة وضاح البيعملا ف راسـو😂) عايزين نبـدا كدا ف صوت من ورى قال معقـولة تبـدو بدوني🌚 عرفتـو من طبعا😂 أيـوا أحمـد😂 مصعـب قالي معقـولة ي حبيبنا ياخ وين انت من زمان منتظرك... وبعدين أنا زاتـي مشتاق ليـك ياخ وعاين لي وضحك... أنا طبعا بالخجل محل أخش م عرفت.. الحمـدلله إنو م ف زول لاحظ زاتـو... ' لكـن شكلـو ياسـر كان ملاحظ والحاجة دي م عجبتو وخصوصا إنو عايز لازين' ( يلا أفهمكـم الرصة... متذكرين يوم مصعب عزم أحمـد.. يوم عملت ليهـم القهـوة.. بس اليـوم داك أحمـد بعد مشى مصعب قالي مالك إتأخرت ي زول م كانت جاهـزة ولا شنو... ومالك بتتبسـم كدا🙄 ف أحمـد حكى لـي أي شـي وإنـو حاسـي روحـو بيحبنـي ♥️😍 مصعـب قالـي والله لارين دي بغـلاوة أمنية وأكتـر ومتأكـد إنو م حلقى ليها زول أحسـن منك😍 انت عشـرة عمـر وأنا أكتر زول عارف أخلاقك ومدى رجولتك🍀 لكـن م تستعجـل ليها أسـي.. أخـد راحتك وبعد تتأكـد من مشاعرك أنا البقيـف ليك ع الموضوع دا🌸 وعشـان كدا يوم الحنة مصعـب قالـي خلـي ياسر وحننـي أحمـد لأنو عارف صحبو وغيرتو💙 وكـدا عرفتو مين الأدا رقمـي ل أحمـد صح?? أيوا شطار.. مصعب أداهـو...) يلا نرجع ل الحاصل أسـي... أها سلـم علينا كلنا ولما حا دوري ضغط ع يـدي شديـد وبعدها قعـد💙 بديـنا اللعـب... وأول حاجة وقـع ع مؤيـد وروان... مؤيـد قال ليها حبيبك بيناتنا?? ? ( طبعا م ف زول عارف إنو روان حبيبة عمار غيـري أنا ومؤيد وعمار... وكلهم مفتكرنها جاية ع أساس صحبتـي) ياخ البت بالخجل م عرفت تطيـر وين😂 وعمار دا بس يحمـر ل مؤيد... وأنا أموت بالضحك😂😂😂 ... طبعا الباقيـن زول فاهم م ف😂😂😂... وتانـي وقع علـي أنا وجـود... قلت ليها الود المكسرك أول حرفو ب شنو... سكتت كدا وعاينت ل مؤيد وهو عاين ليها بعديـن قالت لي ميـم😍 وتانـي لفا الدور وبقـى ع ياسـر وأحمد.. ياسـر قال لي أحمـد لاريـن بالنسبة ليك شنو؟؟...طبعا كلنا اتخلعنا من سؤال ياسـر😳 وأنـا زعلـت عديل طبعا😕... أحمـد عايـن لـي ورد لـي.. أختـي😍♥️ وبعـدها لعبنا كتيـر وف النهايـة تعبنا وقفنـا... أنـا كنت داخلة جـوة فـوني اتصـل... كان أحمـد♥️ قالـي أقيفـي ف مكانك جاييـك.. طبعا أحمـد لما قام ياسـر طوالـي اتحرك وراهـو لكن مصع ب شغلـو بالكلام🍀 أحمـد جانـي قلـت لـي مرحـب بـ أخـوي😂 قالـي انتـي عارفة أنـا م كذبت لما قلـت لـي أختـي♥️ قلـت لـي كيف😕💔 قالـي حيجـي وقت وتعرفـي.. لكن المهـم أسـي مشتاق ليك... قلت لي انت الجابك شنو ي ولد🌚 قالـي ي عديمة الرومنسية😐✋ ف وحـدة تقـول ل حبيـبها الجابك شنو😂 قلـت أيـوا أنا😂😂 دقيـقة وبعديـن مصعـب كان قصـدو شنو ب كلامـو داك🙄 قال يعنـي حيكـون قصدو شنو😉 بس إنو هو اشتاق لي😁 لي انتـي بتعرفـي زول تانـي اشتاق لي😉😉😉 قلـت لي لا م بعـرف... وف دا مؤيد ناداني قلـت أيـوا ي مؤيد... قالـي خلصـي وتعالـي...قلت تمام😊 (طبعا م ركزت ف إنـو قالـي خلصـي دي🙄) بعـد اتونسنا مع أحمـد وآخـر شـي قالـي بحبكك♥️ وخلـي بالك منـي فيـك🍀 ... مشيـت لـ مؤيـد... قال لـي خلصتـي...طبعـا ي داب انتبهـت😱 قلت لي خلصت شنو😱 قالـي خلط يعنـي شنو😉 قلـت خلط شنو بسم الله... قالـي أقعـــدي... قعـدت.. قالـي لاريـن انتـي بعد دا م صغيـرة... وم شـاء الله عليك خلقة وأخلاق وألـف زول يتمنـاك😊🍀 وزولـة عاقلة وبتعرفـي تميـزي الصح من الغلط... بتعـرفي متيـن تتكلمـي ومع منـو... ومتيـن تسكتـي🍀 وأنـا ااي أكبر منك لكـن بثق فيك أكتـر من نفسـي♥️ وعارف ومتأكـد إنك قدر الثقة دي وأكتـر🍀( الأخـوان لمـا يكونو أصحاب ف نفس الوقت نعمـة عمـرها م ببتعوض😍)وواصل كلامو... وف مرحلتك دي أي وحـدة ممكـن تحـب وتتحـب💙 أنـا م بقـول ليك م تحبـي... ولا الحـب م حرام.. لكـن لما تجـي تحبـي حبـي ب طريقة صح🍀 حبـي الزول الـم بيرضى فيك... حبـي الزول البيحتفظ بيـك لـ نفسـو😍 حبـي الزول البيكلم أمـو عنـكك م البيكلم ويونس بيـك أصحابـو😊.. حبـي الزول الـم بتخجلـي إنـو تقـول لي أهلك دا حبيبـي🍀 لأنـو هو راجـل وراجل ب معنـى الكلمة🍀 حبـي الزول البيقيـف معاك ف كل ظـروفك... مش اليخليك تحاربيها براك.. حبـي الزول الـ م بتهـوني عليهـو♥️😍 الم بيسمـح ل دموعك تنـزل... حبـي الزول اللمـا يغلـط بيعتذر.. ولما انتـي تغلطـي وتكـوني م عارفة تبـدي الكلام كيف... م يهمـو أي شـي ويبدا يتكلم معاك ويوريك غلطك مش اليمشيـك أو ينهـي علاقتو بيك عشان تفاصيل صغيـرة💔 حبـي الـزول الـبيغض بصـرو عن باقـي البنات عشان خايف ربنا يختبـرو فيـك🍀 حبـي زول يكون عايزك وشايف فيك مرتـو وأم أولادو... وآخـر شي وأهـم شـي حبـي زول يخاف ربـو فيك وف نفسـو♥️يـاخ طبعا بكيـت بكاء من كـلام مؤيـد😭😭😭😭( ربنا م يحـرمنا من الأخـوان والله😭💔 أكتـر ناس بيخافـو علينا ف الدنيا) ... قالـي بالمناسبة أحمـد كلمنـي من يوم ميلادك إنـو هو بيحبك😍 وقال إنـو م كلمك لسة... ودي الحاجـة الخلتنـي أحترمو أكتـر.. كونـو ورانـي قبل يوريك دا بيـدل ع إنـو راجـل وأنـا ولد وبعرف الأولاد كويس... وعارف إنو م حتلقي أحسـن من أحمـد لكن م حبيـت أوريك لأنـو م كنت عايز أضغط عليك😊 كنت عايزك تختـاري شريك حياتك براك😊وكنت متأكـد إنك حتى لو م اخترتـي أحمـد ف حتختاري زول راجـل🍀بعـدها اتونسنا كتيـر😊 وقالـي يعنـي أسـي لارين المجنونة مرتبطة😂😂 عوجـة دي يـاخ والله.. بالله إنتـي أسي شبه ارتباط شوف وشك الواحـد دا😂 ( مع نفسـي قلت ألعـب بـ أعصـاب مؤيد شوية😁) قلت ااي والله والغريبة إنـو أنا وجـود ارتبطنا ف نفس اليـوم🌚 بالله مؤيد دا لامن حسيت الكلام غلبـو😢 قالـي يعنـي جود مرتبطة😢 قلـت لـي لا م كانت مرتبطة بس ود خالها كان عايزها😊 لكـن هي كانت معجبة بـ واحد ولما لقتـو م عايز يتكلـم... أنـا قلت ليها م توقفـي حياتك ع زول م قادر يفهم مشاعرك أو يصارحك حتى... مش يمكن يكون م بيحبك أصلا ي جود🍀 وف النهاية قنعت منـو ورضت ب ود أهلها وأسـي بتحكـي لي قدر شنو هو زول كويس وبيحترمها🍀 مؤيـد دا شوية وكان حيبكـي قدامـي😂 قالـي لـي لكـن يمكـن يكون الود زاتـو معجب بيها ي لارين انتـي لي تقولـي ليها كدا😢؟؟قلـت لي يمكـن ي مؤيـد يمكـن... يعنـي م حاجـة مؤكـدة.. انفعـل وقالـي والله بحبها عديل كمان مش معجـب بيها بس😢💔.. كنت عايـزة ألعـب بـ أعصابـو لسة لكن حنيـت عليهـو😂... قلت لـي مؤيد جـود م ارتبطت ولا شـي.. أنا قلت كدا عشان أقدر أخليك تتطلـع الجـواك... لو بتحبها م تخليها تضيع من يدك ي مؤيـد... أمسك فيها قوي🍀 واعتـرف ليها قبل م زول يسبقك بالحاجة دي.. وساعتها الندم م حينفعك🍀 واتكلمنا كدا ووعـدني إنـو ف أقرب فرصة حيوريها... وطلعـت منو.. ومر باقي الليـل عادي.. وبعـدها كل زول دخل ع غرفتـو عشان ينووم😴😴كسـرة#بالنسبـة للناس البيقـولو أخوانهم معقـدين وم بيشاركـوهم تفاصيلهم😊هـم م معقدين لكـن م بيرضو ف أختهـم.. م بيرضو زول يكسـر قلب حبيبتهم♥️ لأنـو عايزين ليك السممح كلو.. وهـم كونو بيشاكلوك م عشان م عايزين سعادتك زي م انتـي فاكرة لا بالعكس لأنو سعادتك أهم شـي عنـدهم♥️وخليك صريحة مع أخوك من البدايـة عشان بعديـن م تقولـي م بيثق فينـي.. انتـي لو من البدايـة أديتـي الثقة دي ووريتـي الحاجات المفروض يعرفا.. عمـرو م حيقيف ف طريقك بالعكس لو لقى حبيبك دا راجل ويستاهلك هو أول زول ح يقيف معاك ويساعدك عشان موضوعك يتـم...أنـا م بقول إنـو م يكون عندك خصوصياتك .. يعنـي حاجاتك الخاصة والبتعرفيها براك.. لأنـو دا من حقك🍀 لكـن أعرفـي فرقـي بين حقوقك وحقـوق أهلك عليك.. ساعتها عمرك م حتغلطـي حتى لو حبيتي مية سنة🍀يتبع.....
