أجـي ي صـوت الشافـع لا وكمان بيقـول جدو🙄
....
اتلفتنـا كـدا ع بوابـة الجنيـنة لقيـنا دي مـودة أختـي بـ أولادها😻😻 طبعا هـي عندها توأم عمـر سنتيـن يامـن ويمنـــى😍 وي داب بـدو يتكلمو عشان كدا سمعنا ثـوف م شوف وددو م جدو 😂😂😂 يـاخ فرحـت فـرح ب جيتهم وجريـت عشان اتعلق ف رقبة مودة( ااي بتعلق ف رقبة اي زول مالكم انتو😂😂 مش داك أبوي ودي أختي😒) بس ويـن مع يامـن تانـي😂... جرا علـي هو طوالـي قعـدت ف النجيلة وفتـحت ليهو يديني وأنا بقـول يامـن😍😍 جـا جاري عايـزة أضمـو كدا لقيـت روحـي ضميـت يديني ساي🙄 عاينـت ليهو لقيتـو فوق بابا وهـو بيقـول ددددو عاينت لي كدا😒😒 حكا لي شعرو نظام أحرجنـي وكدا😂 تخيلـو ود السنتيـن دا عمل لي كدا😒😂 ومؤيـد شغال يضحكك فيـني ويقـول حرجـو منـو حرجـو.... عاينت لي هو برضو كدا😒 وقبلـت ع يمنـى الجات جارية عايزة أفتح يدي تانـي لقيتها بتقول حالـوووو.... طوالي لميـت يدي علـي... م ناقصـة إحراج تانـي🤦♀️ مؤيـد شغال يعايـن لي ويقول ليها حبيـبة خالو انتي رووح خالـو انتـي وفاتح يدينـو.... لكـن وين هـي😆😆فاتتو زي الم حصل شـي وجرت ع مازن ال كان واقف جنب باب البيـت😂 أجـي يخوانـي الشفع ديل مالم😂😂 المهـم قعـدت أضحك ف مؤيـد وإحساس كرامتـي رجعـت لي وكدا😂😂😂 دا كلـو وإحنا م سلمـنا ع مودة لسة متخيليـن😂 غير أبوي م ف زول سلم عليها كان.... حتى ي دوب مؤيد سلم عليها وأنا لسة بشاغل فيهو وبعمـل ليهـو كدا😝😝 ومشيـت سلمـت ع مودة شديد وبكيـت😭 كنت مشتاقة ليها ياخ سمعـت صوت بيقـول لي جنـو منـو إنتـي لسة م عقلتـي🙄 أجـي يخوانـي دا منـو... لا😱😱 محـي.. أصـو م بصـدق إنت جيـت... قالـي لا مشيــــت... قلت لي أنننننن تماها لي طوالـي ظريف😂😂😂😂 طبعا استغربت من جية محي لأنو نادرا م يدو إجازة ززي الأيامات دي.... ضحكـت وسلمت عليهو برضو... طبعا جـو نظام يودعوني ويقعـدو معاي الأسبـوع دا... شفتـو أنا مهمـة كيف😌😌 الناس جات من حد قطر عشان تودعنـي... خليكم انتو قعديـن ساي زول جايب خبركم م ف😂 المهـم دخلنا كلنا جـوة... وماما جات طالعة طبعا من قبل نخش احنا يامـن مشى صحاها😂😂 شقـي ياخ الولد دا😂 ( هيي الناس البتقـول طالع ع خالتـو سامعاكم أنا😂😂) و تاني ماما ومودة بدو بيـت بكاء وسلام وشنو م بعـرف... وبعدها هم دخلـو عشان يرتاحـو من تعب السفـر وكدا ( أريت تعبنا كلو تعب سفـر ياخ🤤) يلا م علينا نواصل روايتنا... أها هم دخلو وأنا وماما دخلنا المطبخ عشان نجهـز الغداء اللـي هو قريب للعشاء زاتو😆 المهم ماما عملت الطبايخ وأنا عملت البيتـزا وكم نوع كدا من الحلا... وقعـدنا نتونس أنا وهي ف سفري للسودان طبعا😹 أصلا ونساتنا أنا وماما كلها بقت كدا محسساني إني ماشة الموت😂 المهم اتونسنا شوية وكالعادة بتنصح وتوصي فيني 😍 وبعدها كل واحد دخل غرفتو يستحمى... وأنا قلت ليها تنوم أنا بخت الغداء بعدين وبصحيها... هي دخلت نامت وأنا استحميـت وجيت شلـت حب قلبـي 😍 طبعا عرفتو حب قلبي دا فـوني😂 فتحت الشبكة وي ريت م فتحتها😂 الرسايل دي تتطاقش ورى بعض وكلو من ناس القروب وشلتي بيشاكلو فيني وي داب تكلمينا وكيف يعنـي أسبـوع وشنو م بعرف... المهم اتونست معاهم مسافة كدا واتفقنا نتلاقى يوم كلنا قبل أسافـر♥️ بعـدها دخلت الفيس شويـة كدا وطلعت... سمعت صوت مودة بتتكلم مع يامن عرفتهم صحـو.. قمت مشيت رصيت الغداء ف الصفـرة وصحيت مامتي😍❤️ وقعدنا كلنا... اتغدينا بعدها جبت ليهم الحلو.... وفوقا سيرمس قهـوة مظبوطة😍 محـي قالـي ي سلام ياخ طولنا من قهوتك الظابطة دي ياخ😍 قلت لي ي زول م بتحنك أنا تدفع طوالـي😂😂 قعـد يضحك قالـي ي زولة انتـي ب جنك دا حيطردوك من أول محاضرة😂😂 قلت لي هييي وتاني هيييي ي محي مالك.... بتك أنا ي يحيى... ودايرة أواصل قالي خلاص خلاص😂 بعرفك أنا كان قمت للردح صعبة😂 المهم ضحكنا كلنا كدا.... بعدها محي وبابا طلعو ل صلاة المغـرب ف الجامع ويامن ويمنـى مشو ل مازن ف غرفتو... وأنا دخلت عشان ألم العـدة وأغسلها😭 وخليـت ماما ومـودة بيتونسـوا.... المهـم لميـت العـدة وغسلتها... لما جيـت طالعة... سامعة مودة بتقول ل ماما إن شـاء الله م حيحصل شـي انتـي بس ادعي ليها وم تحاولي تحسسيها ب شي😢 م عارفة لي حسـيت إنـو الموضـوع متعلـق ب مشيتـي للسـودان... المهم جيت قلت ليهم وأنا بضحك كدا بتقطعـو ف منو انتو😂😂 حسيـت ماما ارتبكـت لما شافتنـي ومودة سريع سريع كدا قالت لي فيك طبعا😂😂😂 قلت ليهم حقـي قدام أنا مسكينة وم بقـدر ع الرد... مع كلمة مسكينة دي الإتنيـن عاينو لي كدا😒😒😒 قلـت ليهم مالكم كذبت ف حاجة... ب صوت واحد قالو لي لا نهائـي هـو انتـي كمان بتعرفـي للكـذب😂 المهـم ف نص المشاغلات دي سمعنا صوت صرخـة من غرفة مازن.. مشينا لقينا يامـن جاري ليهو شعـرو ويمنـى بتعضـي فيهو هو حالتو بالبلاء😂😂 وفكينا الضحكة وأنا شغالـة ليهـو واااي ي كبيـــر وأضحكككك😂😂😂 اتغاظ منـي وقالـي
ليك يوم ي كلبة... أصلا بركـة زاتـو حنرتاح منك بعـد أسبـوع أنا طوالـي هنا دمعـت ومشيـت ع غرفتـي.... قعـدت أبكـي وأبكـي وكيـف أنا حقـدر أقعـد 6 سنة بدون م أشاغل أخوانـي بدون م أغيظ مازن لما يصحى للمدرسة الصباح... بدو م أهدد مؤيـد ب مززو وإنـي حفضحـو قدام بابا😂😂😂 ودا كلو عشان يطلعني رحلة ولا يشتري لي شوكولاتة ولا خاتم زي حق صحبتو ولا ولا😂😂😂 بدون م أشغلا لماما إنو حعرس ل بابا... بدون الجوطة البنعملا أنا وبابا ف البيـت وماما تقول أنا عندي طفلين لسة م ربيتهم😂😂😂 بدون الجـو الأسـري بدون حاجات كتيـرة😢😭 رفعـت راسـي لقيتهم كلهم واقفيـن جنب الباب ومحـي يقول لي من متيـن بقينا نحس وأصو م عرفتك وشنـو... لالا لو حتبكي كدا م حعرس ليك صحبي😂 طوالـي اتنفضت ومسحت ليك دموعي دي زي ال م حصل شي😂 اااي شـي ولا أصحاب محـي المزز ديك ياخ😂😂 قالـو لي كلبة
قلـت ليهم عـاد دا كلامكم وطلعت برة لقيـت مازن واقف بعيـد وبيعاين لـي عرفتو اتحسس وزعل من نفسـو... قلت لي مازن الكعـب والله م أجيـب ليك شـي من السودان ولا أرسل ليك صور المزز الهناك.... قالـي لالا يـاخ معقـولة دا انتـي ثككـر بيتنا... بالله شوفو ود سنة سابعة دا ي جماعة😒 بـابا ضرب يدينـو سوى قال لا خيـر ف هذه ولا ذاك🤦♂️ محـي قال ليهت الله يعوضك ي عمـي😂 مؤيـد قال ليهـم اااي والله... أبوي ل مؤيد انت بالذات تسكـت خالص وإنك لكبيـرهم الـذي علمهم😂 عجبنـي ليك ي مؤيد عشان تاني تتشالق وتعمـل فيها عاقل... وطلعنا كلنا قعدنا ف الجنيـنة .... اتونسنا مسافة وقالـو م عايزين عشاء مشيـت عملت ليهم شاي ب كيـك إسفنجـي رهيـب🤤🤤 ضربنا تمام وبعـدها كل زول مشى ع غرفتـو😴😴
يتبع......
