هي انتـو منو وأنا وين🙄.. آهاا اتذكـرت أنا ف 😂( يلا مـن هنا نحيي الناس اللمـا تصحى من النوم م بتكـون عارفة راسها من رجلينها😂😂😂)
م علينا نواصـل...
هبطت طيارتـي بـ سلام وطبعا م حيخلـو زول يجينـي جـوة... ف شنـو كان لازم أظبـط أموري براي... وواحـد مـن الناس الشغاليـن جوة لما لقاني م عارفة شي😂😂 ساعدنـي كتيـر م قصـر ودي كانت حاجة رغم بساطتها لكن خلتنـي أتفاءل ب جيتـي للسـودان🍀 لكـن هل ح أواصـل كدا ولا ف حاجـات حتغيـر نظرتي🤔.. يلا حنشــوف ل قدام..
المهـم شكـرت الولـد الساعدنـي وطلعـت بقيـت واقفة محتارة لأنـي م بعرف شكل عمار دا وم شايفة قبل كدا ولا حتى ف الصور🤦♀️ فجـأة وقف قدامـي ولـد مزززة😍 طول ووجاهـة ومادي يدو وهو بيبتسم... عاينت لي كدا😒😒😒 ورجعت قبلت منو... فجأة أسمعـو بيقول اااي ي مؤيد وصلت وياها قدامـي... خلاص تسلم وكلم عمـي كمان عشان م يقلـق... أنا😳😳 انت... وقبـل أتم كلامـي فك الضحكة😂😂😂😂😂 قال لـي أيـوا أنا عمـار وهو لسة مواصل ف ضحكو😂 أنا زاتـي ضحكت😂😂😂 وقلت لي معليش ياخ بس الـ م بعرفك بجهلك.. قالـي هـوي ع الله حتى لو م أنا عمار ولـد زي قطعة المارشيملـو زييي كدا بيفوتو لا وكمان مكشـرة لي وشك😂😂 عرفتـو طوالـي النوع المجنـون داك... قلت بالله عاينـو الفرحان دا😝 قـال زي المارشيملـو قال😂 اتلهـي بالله😝😂 المهـم قالـي أرح عشان م نتأخـر ... دخل الشنط ف العربية... وأنا فتحـت العربية من ورى ركبـت عشـان أنوم براحتـي😴 م أحس ليك إلا وصوت البوري ف أضانـي🙄 اتخلعـت قمـت... أجـي دا مالـو كان م راكبة معاهـو🙄 قالـي سواقك أنـا تركبـي ورى... تعالـي اترزعـي قدام... أنا طبعا بس بقيت أعايـن كدا😒😒 ونزلت ركبت قدام... المهـم ونسنـي لحـدي م وصلنا طلع ظريف ياخ☺️... نزلـت لقيتـهم منتظرنـي كلهم عمـو محمـد ومرتـو سلمى ( زولـة طيبانة وحنينة وراقية) وبتهـم برلومة برضو اسمها أمنيـة ( خضـورة كدا وحلاتها) وطبعا عنـدهم ص مصعـب برضـو ودا الكبيـر بس ف كنـدا م قاعد. .. المهـم داك ي السلام الكيف والكلام الحنيـن😍 حبيتهـم ححب يـاخ😍( من هنا نحيي ناسنا الحنان) وعمـو محمـد دا لامـن بيبكـي عديل ياخ😭 وفضلـوني جـوة.... المهـم قعدنا كدا والأسئلة المعتادة أهلك كيـف? وأخوانك وشنو... بعـدها الشغالة جابت لي العصيـر والمويـة شربت وقمـت دخلـت غرفة أمنيـة عشان أنـوم فيها لأنـو لسة غرفتـي م كانت جاهزة.... دخلـت استحميـت ولبسـت لي بجامة تلـت اربـع لونو كوبـي ولفيــت شعـري كعكتيـن وشغلت المكيـف ورقـدت نمت... بالله نمـت نوم تقول سنة م نمـت😂صحيـت بعـد العصـر..( قولو م شاء الله بتسحروني😂😂) قمـت صليـت لقيتهم بيجهـزو ف السفـرة خلاص.. ختيـت معاهم الغـداء واتغديـنا وديانا جات لمت السفـرة ( ديانا دي الشغالة) واحنا قعدنا نتونس ياخ طلعـو ظراف ب شكل😂😂 وعمـار يشيل ويشاغل فينا😂 وعرفت إنو أمنيـة جابت 85 وشالوها جامعة السودان بس هي هندسة معمار😍 كانت شايلة هندسية ( تحيـة لكككل الهندسات بالله😍)... قالـت لي وااااي مبسووووووطة بيـك ياخ ي ريت كنا ف نفس الجامعة لكـن ي لاريـن معليش يعنـــــي بس الطب الخاص ف جامعة الخرطوم دي م غالية😕 عمـار قالـي طب شنو زاتـو البتخشـي أسـي انتـي شبه ناس طب بالله🌚 عاينت ل عمار كدا😒 ورجعـت قبلـت ع أمنيـة قلت ليها اااي بيكـون غالـي م بعـرف والله الخاص ب كم أنا?? قالت لي كيف يعنـي قدمتي بدون تسألـي😳 قلـت ليها ي بت أنا م داخلة خاص داخلة ب نسبتـي... كلهم عاينـو لي كدا😳😳😳 أمنيـة قالـت لي انتـي نسبتك كم?? قلت ليها95 قالت لي يلا هنا بينقصـوك13% قلـت ليها اااي عارفة لكن أنـا ممتحنة شهادة سودانية .. ف دبي ف مدارس بتدرس مناهج سودانية... قامت تنطط قالـت لي يعنـي انتي جبتـي95 ف منهجنا💃💃💃💃واااي خطيـرة ياخ... عمـار قالـي والله مززززة وحفارة كمان ياخ😻 قلـت أفوووو بنلعـب كمان احنا😂 عمـو محمـد وعمتـو سلمى ديل يموتو بالضحككك😂😂 وقالـو لي ربنا يحفظـككك ي بتـي😍 قلت ليهم تسلمـو ياخ😍 قمـت قلـت ل عمار يشـوف لي داخلية كويسة وقريبة من الجامعة عشان أقعـد فيها لأنو الجامعة فاضل ليها تلاتة أيام بس وأنا حكــون مضغوطة مع التسجيل وشنو عشان إتأخـرت😂 و ي داب ألحـق... عمـار قال لـي عمـو ي حـاج شـوف البت دي بتقـول ف شنو... عمـو قالـي ي بتـي الكـلام دا عيـب داخليـة شنـو التقعـدي فيها وبيت عمك واقف😕 وعمتـو سلمـى قالت لي لو بتعتبرينـي زي أمك م بتقولـي كدا... وأمنيـة قالـت لي يخـس عليك أنـا م صدقـت لقيـت أخت وبدت تبكـي😭 عاينـت ل عمار لقيتـو رافـع لـي حاجبـو🤨 طوالـي عملت لي كدا😒 وقلت ليهم خلاص بقعـد أنا م قصـدي عشان حاجة بس عشان أكون قريبة والله... طبعا هم ساكنيـن ف كافـوري😍😍( ناس كافـوري كيفتمام🤝) عمـو قالـي عمار حيجيبكم ويوديكم عملت ل عمار كدا😼 أمنية قالت لي أهاا تانـي عندك كلام قلـت ليها نوهائي😹والونسـة جـرت😍 بعـدها ظبطـــــــت لـي كيكـة شوكـولاتة مع سيرمس قهـوة وقعـدنا ف جلسـات الجنيــــنة😍 عمـو قالـي قهـوة مظبوطـة وتعـدل المـزاج وعمتـو سلمى قالت لـي والكيكـة حاجة تانية...😍 ابتسمت ليهـم وقلـت ليهم تنفعكم.. عمـار كـان ي داب جاي يقعـد ( قبيـل مشى يغيـر) قالـي والله لا سمحـة لا شـي ساي بيغشـوك ديل😒 جا قعـد شرب كباية واتنيـن وعايز يزيد تانـي... قلت م قلنا بيغشــــوك😒 قالـي والله طلعتـي م هيـنة ياخ عاينت لي كدا😌😌 قال الإفتـرا الإفتـرا😂 قلـت لي ب حقنـا... عمـو قالـي عمار مالك ي ولد مع بت عمك دي من جات مضايقة... عجبنـي ليك😝 قالـي والله ي أبـوي انت عارف جنـي هظار لكن م بشاغل زول كدا إلا أريدو شديد ولاريـن دي ختيـتا مكان أمنيـة والله لكـن ي لاريـن لو بتزعلـي معليـش يـاخ وتانـي م بعيـدا ليك😢 قلـت وااااي الود طلـع بيحس ياخ😂😂😂😂😂 قالي أبوهـو شفـت دي الحسنة م بتنفـع فيها أصلا😂 عمـو دا يموت من الضحك قالـي شلتـي جنـون أبوك😂 المغـرب كان خلاص عمـو وعمار طلعـو للصـلاة وعمتـو سلمـى قالت حتصلـي وتنـوم شوية وأنا أمنيـة دخلنا غرفتا♥️ طبعا غرفتـي جهزت بس أمنيـة قالـت نقعـد سوى😍😍 وأنا حبيـت الفكـرة... صلينا وقعـدنا نقـرا قرآن وشوية كدا وتلفـون أمنيـة اتصـل شالت التلفـون وابتسمـت طوالـي ووشها دا بقى قلـوب قلـوب😍 وقالـت ألـو وشويـة جرت ع البلكـونة وهي بتضحك... ضحكـت فيها وشلـت فونـي اتصلـت مكالمة فيـديو ع ناس البيت وبكيـنا وقالـو لي ناس محي ماشين بكـرة ومازن قالـي ياخ يامن دا بيصحيك كل يوم بطريقتو دي😂😂😂😂 ومؤيـد قالـي جنـو اشتقنا ياخ♥️😭 قلـت لي لا مؤيـد أصـو م بصـدق بسجل ليك واذلكك بعـد دا😂 قالـي يومك ياخ الزول م يجاملك أصو😂😂 قلـت لي لا احنا م بنفوت الفرص واتونست معاهـم كلهـم كتيـر وقفلـت... دا كلـو وفلانة لسة م جات🌚😂 المهـم ختيـت فونـي ف الشاحـن ونمـت صحيـت الساعة9 قمنـا اتعشينا ع خفيـف كدا وكل زول رجـع غرفتو تانـي... أنا فتحـت التلفزيون وقعدت أقلـب ف القنوات وبتونس مع أمنيـة وهي كل شوية تعاين تلفـونها عاينت ليها كدا🧐 ضحكـت وقالـت لـي أطفـي الشاشـة دي وتعالـي أحكـي ليـك عـن هيثـم قلـت ليها أجـي هيثـم منو كمان🙄 قالـت لي حتجـي ولا كيف😂 طفيـت التلفزيون ومشيت جنبها وعرفت إنو دا البـوي فرينـد بتاعا... البت طلعـت حابة ي حليـلي أنا السنجل البائس😢 حتى المعاي ف الغرفة طلعـت مرتبطـة😂💔 ( السناجل ولا يهمكـم ياخ أصلا الإرتباط إحباط) المهـم قالـت لـي عرفتـو ف قروب دخلتنـي فيهـو صحبتـي وهـو من خلال كلامـي ف القروب جانـي ف الخاص وقالـي نتعـرف وكدا وأنا أبيـت وشوية شوية بقينا نتكلم ونتونس لحـدي م مرة قالـي حاتصل ليك عايزك ف موضوع اترددت ف البداية بس بعديـن قلت طالما اخد اذنـي بالأول معناهـو زول كويس وقلـت لي خيـر واتصـل علـي وبقينا نتكلم ولقيـت اننا بنتفق ف حاجات كتيـرة وشوية الإتصالات كتـرت لحـدي م يوم قالـي أمنية إنا بجـد بحبك واتعلقـت بيك وأنا زعلت منو وقطعتها معاهو... هو قالـي لو م حابة نرتبط خلينا اصحاب ززي م كنا... بس انتي فكـري وبجـد ي لارين لقيـت روحـي متعلقـة بيهـو شديد😭 وف النهاية اعترفت لـي وياهـو ارتبطنا ولـي يوم الليـلة م حصـل ندمت ع الإرتباط دا وكل يوم بيثبت لي إنو راجـل ووقف معاي كتيـر... قلـت ليها من متين الكلام دا قالت لي من بعد امتحانات تالت التجريبـي.. قلت ليها والله ي أمنيـة فرحت ليك وأنا م ضد الإرتباط والحـب لكن يعنـي حكاية إنـو تتعرفـو بالواتس وتحبو دي م شايفاها غريبة شوية.. قالت ولي والله أنا برضو قلت كدا لكن هو أثبـت لي إنـو زول كويس وأسـي هو آخر سنة ليهو وبيقـرا مختبرات الخرطوم وبيشتغل برضو وبعـد يتخـرج طوالـي حيتقـدم قالت لي بالعكـس كتيـر هو بيقول لي كلمـي ناس البيـت أو أنا بنفسـي بكلـم عمار وأنا البرفض... طبعا من كلاما احترمت هيثم شديد😍 وقلت ليها ربنا يتم ليكم ع خيـر قالت لـي آميـن ي رب.. قالـت لي انتـي عارفة ي لاريـن مـن اتعارفنا ل يوم الليـلة م حصل قالـي رسلي صورتك ساي... طبعا بعـد كلاما دا كبـر ف نظـري شديد لأنـو أنا الولـد لو شنو داك من يقول لل البت رسلـي صورتك طوالـي بيطلـع من نفسـي... وقلـت ليها م حصل اتلاقيتو قالت لي ايييـك كم مرة... وأيام الإمتحانات النهائية كان بيجيـني كتيـر ف المدرسة ومن أجزنا اتلاقينا مرتين بس مرة أيام التقديم ومرة أسـي أيام التسجيـل لأنو كان بيقول لـي كتـرت اللقاءات حتمسخ العلاقة وتجيـب ليك كلام وأنا م برضى ف مرتي المستقبلية( السناجل ادردقـو بالصف بالله😂😂) ياخ بجـد ف لسة أولاد كويسيـن وواعيـن ياخ ف الناس م تحكم عليهم طوالـي وزي هيثم دا مثلا ( اللهـم هيثـم ي جماعة😭😂) السناجل قولو آميـن😂😂😂😂) المهـم بنتونس كدا تلفونها اتصـل😂 أحيي وأحييي تلفوني الم بسمع نغمتو😂 وهي مشـت ه البلكونة وأنا جريت بطانيتـي عشان أنوم لأنو بكرة راجيني يوم طويل التسجيل وم أدراك🠊
