أصبحـت صحيـت بدري لقيـت حبوبة نايمة قمت استحميـت ولبست من ملابس تقوى وصليـت وقريت شوية قرآن ... نزلت صحيت جدو عشان الصـلاة🍀 ودخلـت المطبخ ظبطـت لـي شنو😂😂😂 فالحيـن.. أيوا كيكة 😂 وعملت الشاي وشلتو بالسيرمس ومشيـت ل غرفة جدو لقيت حبوبة قعـدة... صبحت عليها وحبيـت ع يدها ( بست يدها يعنـي😍) قالت لي صحيتـي بدري شكلك.. جدو قاليها هي الصحتني للصـلاة😍 قالـو لي م شاء الله ربنا يحفظك❤️ فالحة وعاقلة م زي بنات اليوميـن ديل( والله حبوبة انتـي م عارفة حاجة ساي😂😂😂) قلت ليها يديك العافية😍 مبسوطة طبعا.. عاد حبوبة شخصيا شكرتني😂 كيف م انبسط😍😂... المهــــم عـد اليوم سريع والعصـر كدا عمار اتصـل لي وقال اجهـزي سريع عشان مستعجـل لبسـت وبقيـت منتظراهو... م طول جا وسلم ع ناس جدو سريع وابا يقعد قال مستعجل... المهم ودعت ناس حبوبة وطلعـت ووعدتهم إنـي أجيهم تاني ( أهلـي الحنان يـاخ😍) وطلعـت ركبت مع عمـار...وبقى ماشـي سريه قلـت ليهـو مالك ياخ🌚 قالـي ف مشكلة ف الشركة وأنا لازم أمشـي أشوف الحاصل سريع... قلت لي مشكلة شنو قالـي م عارف لكن من قبيـل بيتصلـو علي... المهـم وصلنـي ومشى... دخلت سلمـت عليهـم وأمنية من قبل أخش تكـورك ( مجنونة ياخ😂) قالت لي اشتقت ل جنك ياخ وخالتو سلمى قالت لي والله البيت م ليهـو طعـم بدونك زي التقولي قعـدة معانا عمرك كلـو😭 قلت ليها الله يخليك ي خالتو... دخلت غيـرت وجيـت قعـدت أتونس معاهـم... لحـدي م جو عمو وعمار ختينا العشاء وبعد العشاء اتونسنا وسألوني جدو وحبوبة كيف وبعدها كلـو زول قام ع غرفتـو... أنا مشيـت ل عمـار عشان أسألـو من مشكلة الشركة وقالـي كانت ف لخبتة ف الحسابات لكن اتحلـت حمدلله😊 اتونسنا شوية وحكــى عن حبيبتـو♥️♥️♥️( وعمار طلـع مرتبط😂) يعنـي سنجل براي ف البيـت كلو😂( يلا م مشكلة أصلا السنجلة جنتلة😂) قالـي لازم أعرفك عليها أصلا حكيـت ليها عنك كتيـر... قلت ليهـو خلاص تمام... وبعدها قمت عشان الوقت إتأخـر وأنا بكـرة أول يوم لي ف الجامعة😍😍 نمـت صحيـت بدري استحميـت ولبسـت اسكيرت كبـدي وقميص بيجـي وجزمة بيجية وساعة كبدية وشنطة بيجية ويدينها كبـدي وطرحة باللونيـن واتكحلـت وعملـت رووج كبـدي😍 طلعـت مزززززة 😍 نزلـت لقيـت عمار منتظرنـي قالـي وريتينا لكن😍😂♥️ قلـت دا كلامك ركبنا وصلنـي ووصانـي وقالـي أنا عارف إنو انتـي م الزولة البيوصوها وثقتـي فيك كككبيـرة♥️( ححب كككبيـر ل عمارنا دا ياخ♥️) دخلـت لكـن المشكلة أنـا م عارفة قاعتنا🤦♀️ لقيـت شلة أولاد وبنات قعديـن... قلـت أسألهـم تانـي قلـت ديل حيبرلمونـي... خصـوصا إنو أنا سامعة عـن البرلمة كتيـر😂😂😂( دفعتنا كيفتمام ومتذكرين برلمة الDr😂😂) مشيـت مسافـة كدا لقيـــت واحـد قاعـد براهـو قلـت بس خلاص حسأل دا😍 سألتـو وصـف لي😍 مشيـــت لقيـت القاعـة شبه مليانة... عاينت ليهـم لقيتهـم ززي كبار كدا.. يعنـي م بتحسهـم برالمة وزاتـو زي الكلهـم بيعرفـو بعض.. عرفت إنو الود برلمنـي😬 لكـن المشكلة إنـو كنت دخلت القاعة خلاص وم ف طريقة للرجعة😑 والقاعة دي كلها بتعايـن لي وموقفـي بقى بيش😶 وف منهم البدا يضحك شكلو فهم إنـو برلمونـي😬 طوالـي طلعـت وقفـت قدامهـم وضربت التربيـزة ب يـدي لامـن عملت صوت عالـي... كلهم اتخلعو وبقو يعاينـو لي... قلـت ليهـم أنا قلـة الأدب والكلام الفارغ دا م ينفـع معاي... طبعا بقو صانيـن... قلت ليهم أنا دكتورة جديـدة وحمسك معاكم مادة البايـو... لأنو الدكتور القبلـي حصلـت ليهو ظروف واتضطـر يسافـر برة البلــد.. ومن أسـي عشان نكون كويسين أنا الحضور عنـدي أهم شـي ولو تندست ليك محاضرة واحـدة ولا طردتك منها بخصم منكم 10 درجات... أنا كنت بدرس ف بريطانيا وانتو عارفيـن إنو هناك أهـم شي الزمن...وجيت هنا ب طلب من العميـد..💅 تمشـو كويسين م حتلقو أحسن مني وحتعاون معاكم ف كل شـي... تقلـو أدبكم بوريكم شي م شفتو قبل كدا... مفهـوم... طبعا الناس ديل دخلت فيهم رعبة كدا وقالو لي كلهم مفهـوم ب صوت واحـد... قلـت ليهـم الناس الكانت بتضحك لما جيت داخلة م نسيت وشوشكم وأصلا أنا سكتت ف البداية عشان أقدر اعرفكم... طبعا بقو يعاينو لي ب خوف... واصلت كلامي قلت ليهم دي عشان أول محاضرة خليتكم وم حشيل حضـور.. لكن من المحاضرات الجاية اعملـو حسابكم وكلمو زملاءكم تمام قالو لي تمام😌😌( ياخ اتكيفـت من نفسـي كيف😂😂 أنا زاتـي لامن صدقـت روحـي😂😂) قلت ليهـم خلاص باقي المحاضـرة دي نتعرف.. المهم كل واحد قام قال إسمـو.... قلت ليهم اتشرفنا🤝 وسألتهم من قاعة البرالمة عشان عندي محاضرة معاهم برضو وصفو لي شكرتهم وعايزة أطلع واحد قالي عرفينا ع نفسك ي دكتورة... رجعـت قلـت ليهـم أنا لاريـن يحيى وبرلومـة ف الجامعة دي ودا أول يوم لي وضحكـت😂😂😂😂😂😂 ياخ اتخلعـو خلعة😳😳 وساعـة حتى قدر يستوعبو الحاصل😂 وهم زاتهم ضحكـو ضحك😂😂 وبكـدا اشتهـرت من أول يوم ف الجامعة😂 ب البرلومة البرلمت السنايرة😂 وأنا طالعة لقيـت الود البرلمنـي عاينت ل كدا😒😒 طبعا شميتو ب شكل عمل لي كدا😁 ودخل ونافش ريشـو إحساس برلمنـي وماشي يسأل أصحابو عن موقفي وكدا😂 واحـد قاليـهو أبوحميـد خبرك ي مان💙 قاليهـو تمام والله أمورك... أها البرلومة دي كيف بالله... ضحكـو و قالو لي عرفتها كيف برلومة😆 قاليهـم أنا البرلمتها ووصفت ليها قاعتكم وعارفكم م حتقصـرو معاها😆 عاينـو لي😆 كدا وكلهم فكو الضحكة فيهـو قالـو لي م رضيناها ليك لكن😆 قاليهم ف شنو... حكو لي الأنا عملتو😂😂😂😂 وبالناحية التانية أنا مشيت قاعتنا بكل ثقة م خلاص عرفتها😂 دخلت لقيت بنش كدا ورى شبه فاضـي.. قعـدة فيهـو وحدة بس مشيت قعدت جنبها شكلها كيوت قالت لي نتعرف قلت ليها أنا لارين وانتـي... قالت لي انتي لارين😍😍😍 قلت ليها اااي... قالت لي طلعتـي مززة ياخ... قلت ليها عفـوا... قالت لـي أنا نرجس طبعت قلت ليها أهليـن وسكتت طوالـي... قامت قالت لي عارفاك زعلانة مني والله لكـن أنا آسفة بجـد ياخ ورسلت ليك كتيـر ف الواتس عشان اعتذر منك بس شكلك م دخلتي تاني... وعايزة اتصل عليك لقيت رقم الواتس بتاعك خليجـي... المهم حسيتها ندمانة بالجـد ع كلامها😢 سامحتها وبقت صحبتـي ومشيت معاها عرفتنـي ع سامر وباسم وجود وقعـدنا كلنا واتونسنا... وعملنا شلة من أول يوم واتلمو معانا وحدة اسمها أروى ووحدة اسمها دعاء... وواحد اسمـو لؤي وغيـث وبكـدا شلتنا اكتملـت من أول يوم... واتونسنا اليوم داك كلـو😍 اصلا م كان عندنا محاضرات وطلعـو ظراف وكل زول عندو الحاجة البتميـزو😍 زي الساعة3 كدا عمار اتصل لي قالي خلصتـي?? قلت اي أصلا م عندنا شي.. قالي خليك جاهزة خلاص طيب بجيك وأنا راجع ع البيت قلت تمام... وودعتهـم واستأذنت منهم وطلعـت وأنا ماشة لقيـت أحمـد جنب الباب ( أحمـد دا الود البرلمنـي ) عاينت ل كدا😒😒 وهو عاين لي نفس النظـرة... يبدو الكره متبادل بيناتنا😒 المهـم طلعت لقيـت عمار جا ركبت معاهو ومشينا... قالـي كيف كان أول يوم ف الجامعة قلـت لي حلووو😍 واتعرفت ع ناس ظراف قالي تمام بس برضو خلي بالك وم تدي ثقتك ل الناس ساي كدا من البداية قلت لي تمام😊 وف طريقنا وقف نزل وجاني مدا لي شريحـة سوداني ومعاهو رصيد ب20 ... قالي حتحتاجي بعد دا♥️ قلـت لي الحححب ياخ تسلم😍 قالـي ي زولة م تشاغلينـي😂 قلت بالله شوف وشك الواحد دا😒... وصلنا سلمت عليهم واستحميـت ونمت صحيت بعد المغرب لقيتهم صليت ونزلت اتونست معاهم وختينا العشاء... وف العشاء حكيت ليهم عن الحصل😂😂😂والله ضحكـو فينـــي ضحك😂 عمار قالـي قادرة والله😂 بعدها مشيت الغرفة واتصلـو علي ناس البيت واتونست معاهم وحكيت ليهم برضو😂😂 مؤيد قالي م بينخاف عليك لو من أول يوم عملتـي كدا😂😂 قلت كيف دا كلامك😌😌 وبعدهاا اتصلـو علـي ناس مودة برضو واتكلمت معاهم... قفلـت منهم وقمت صليت وجيت اتونست مع أمنيتـي♥️😍 وكالعادة بتحكي لي عن هيثم وتجيب لي جفاف😭 وتلفونها اتصل قامت وأنا م كنت نعسانة.. عشان كدا فتحت الشبكة اتونست مع شلة دبي😍 وأهم شي حكيت ليهم الحصل😂 وقعدو يضحكو ويشغلوها لي😂 واتكلمت مع مجاهد برضو😍 ودخلت ف قروب الدفعة اتونست معاهم... وقفلت الشبكة ونمـت... وانتـو أمشـو نومو برضو يلا😁
