أصبحـت الصباح وكـان يـوم جمعـة... قمـــت استحميـت ووقفـت ف الصـلاة... لما جيـت ف السجـود لقيـت روحـي تلقـائيـا بدعـي لـ أحمـد😨 بعـد خلصـت صلاة.. دعيـت كتيـر إنـو ربنا يسهـل لـي أمـوري😢 لأنـي بجـد م كنت عارفة أعمـل شنـو ولا الحاصل معاي شنـو بالضبط 😢💔 بعـدها قريت سـورة الكهـــف😴 ( كميـة الراحـة البتهديها لينا سورة الكهـــف ف يوم الجمعـة🍀) ومسكـت فونـي وفتحـت الشبكـة... أول شـي دخلـت الفيس وكتبـت... " والغريب في الأمر أنّنـي أصبحتُ أتذكره في صلاتي .. 💜"
بعـدها دخلـت الواتس أول شـي رفعـت الإستـوري البرفعـو كل جمعـة.. ( فيـديو ب صـوت محمـد الزين) وبعديـن رديت ع ممـوية ومحـي😍 وبعديـن ع باقـي الدردشـات.. وآخـر شي دخلـت قـروبنا حق البنـات🍀 لقيتـهم كانـو بيتكلمـو عن أحمـد وكالعـادة مكسريـن فيهـو😒 رسلـت ليهـم ياخ قديتونا ف كل مكان أحمـد.. شنـو هو الله م خلق غيـرو مالكم مركزيـن معاهـو كدا😡... رؤى قالت بسـم الله ي بت... الواحـد بيقول صباح الخيـر بالأول 😒 انتو خليتـو فيها خيـر😒 دعـو قالت لي ي بت انتـي مالك من أمس🙄 طبعـا ي داب ركزت ع إنـي بالغت وزودتها شديد🤦♀️ اعتذرت منهـم وقفلت الشبكة وطلعـت وأنا زهجانة... لقيتهم ي دوب بيصحصحـو🍀 رجعت الغرفة صحيت أمنيـة وقريت سورة يوسـف ويس لحـدي م الزهجـة فكـت وبعديـن طلعـت شربت معاهم الشاي وبقيت اتونس مع ناس بيتنـا😍😍 مشتاقـة ليهـم كنت ياخ😭😍بعـد م كلهم قامو فضلنا أنا وماما بس.. قالت لي لاريـن... أمممم... انتـي بالجـد مشيتـي لي ناس أمـي ( حبوبتـي من ناحية ماما يعنـي) قلت ليها يب... وطيب لي م وريتيـني.. ي ماما انتـي مش السمستر الفات قلتـي أمشـي السمستر الجاي تانـي مالك😕 وبعديـن هم مبالغة طيبيـن حتى خالتـو فاطمة دي حنيـنة شديد ياخ😕 ماما اتنهـدت كدا ( زي الكأنو ف هم نزل منها أو زي الكانت خايفاني أعرف حاجة مثلا😕💔) قالت لي اااي هم طيبيـن ي لاريـن أنا بس بقـول ليك كدا عشان الطريق والمسافة وانتي لسة م اتعودتـي ع البلـد.. اتذكـرت يوم كنت راجعة و أحمـد اتشاكل مع الأولاد الضايقونـي وبقيت أبتسـم براي😊 ماما قالـت بسم الله🙂 قلت مالك ياخ... قالت لي شكلو ف جديد شديد... ضحكـت قلت ليها لا جديد لا قديم ي نبع الحنان😂😂😂😂وقمنا عشان نجهـز الفطـور... كل زول مسك ل حاجة خلصنا سريع وختينا الفطـور قعـدنا كلنا😍( لمة الأسـرة ياخ😭😍).. وبعـدها كل زول اتخـارج... أنا مشيـت الغرفة دخلت الواتس لقيـت جـود مرسلة لي خاص( طبعا جـود ياها فردتـي وزولتـي شديد ف الشلة وبنحكـي ل بعض أي شـي والحمـدلله سنجـل زيي😂😂😂 (... رديت ليها وكانت أون لاين طوالـي قالت لـي فلانة البقـت تحب😉 قلت حب منـو ي بتـي...😂 ياهـو ف سنجلتـي.. قالت لي لكن قريب أحمـد حيخارجك منها😉 أحمـد منو ي بتـي😳😳.. مالك ي لارين اتخلعتـي.. عايـزة تقنعينـي إنك م بتحبـي😒 حب شنـو ي جـود وإنتـي أكتر وحدة عارفة مواقفي معاهـو وإنـي بكـرهو😒 قالت لي كنتـي بتكرهـي لكن أسـي لا.. ياخ خلـي أي شـي إنتي م شايفة روحك بتضايقـي كيف لمن نتكلم عنو😊😒 قلت ليها دا عادي عشان بكرهو م بحب سيرتو.. قالت لي صدقتك😁.. قلت ليها لازم😌 وبعديـن خليـك منـي شايفاك أمس كنتـي مـع مؤيـد🌚🌚😁 ( طبعا هـي بتشوف مؤيد ف الصور كانت ومكسرة بل مدشدشة فيهو😂) قالت لي وااااي من مؤيد واااي🙈🙈🙈 قلت شوفـو الخجل بالله😂😂 وضحكنا وطلعنا... وع نفس الوتيـرة عدت الأيـام😴😴 وبقيـت م بشـوف أحمـد كتيـر و م بيجـي كليتنا إلا مرات بسيطة لأنو هو فاينل ودا آخـر سمستر ليهـو🍀( الناس البتسأل أحمـد لي بيجـي كليتنا أصلا وهو بيقـرا طيـران😁 يلا أحمـد أصلا شلتو ياهـم السيمـي فاينال حقينا )والغريـب كنت بحس روحـي مشتاقة ليهـو شديد م زي زمان بقـول الحمـدلله الـم شفتـو😒... يـوم م قدرت أستحمـل قلت ل رؤى أرح معاي كلية طيران ( م قلت ل جود عشان م تشغلا لي) قالت لي عندك شنو ف طيران😳... قلت ولا شـي بس نفسـي أشـوف الكلية دي لأني بحب طيران من زمان ( بالمناسبة بجـد بحب مجال الطيران أنا ياخ😍😍😍) قالـت لي خلاص أرح... مشينا بالله دخلت القـاعات ـ الكفتريا يمكـن ل المكتبة برضو م لقيتو😐 يااخ زهجـت زهـج😐 قلت ل رؤى أرح خلاص.. بسم الله ي بت مالك قلبت ي كدا... قلت م ف شـي بس زهجـت... خلاص نرجع لكن طالما جينا عن دي صحبة أختـي بتقـرا هنا خلينا نسلم عليها... قلت ليها تمام ( طبعا م كان نفسـي أقعـد ولا ثانيـة تانـي لكن سكتت عشان رؤى م تحس ب شـي) اتصلت ليها جاتنا سلمنا عليها واتونست معانا .. ظريفة وكيوتة كدا😊 وحلفتنا إلا نجـي نسلـم علـى أصحابها... رؤى قالت ليها طوالـي😍 م حبيـت أحرجها وسكتت مشيـت معاهـم... سلمنا وقعـدنا معاهـم كدا وظراف هم بقـو يتونسـوا وف واحـد كدا كان مركز معاي لكن أنا م اشتغلت بيهـو... بعدها استأذنا وقمنا ماشيـن رؤى قالت لي داك مش أحمـد😳 أنا طوالـي قبلت... وي ريت م قبلت😒 لقيتـو قاعـد مع واحـدة😒 رؤى قالت ننادي نسلم عليهـو.. قلت ليها لأ م شايفة مشغول ( طبعا اتغظت فيهو م عارفة لي) وهـي ولا سمعت كلامـي طوالـي نادتو... وف دا الولـد الكان مركز معاي قبيـل... قالـي لارين اتلفتت😊 ممكـن رقمك بس عشان نتواصل... لالا معليش مرة تانيـة... قالـي ولا يهـمك ومشى😊 قبلـت لقيـت أحمـد بيعايـن لي كدا😡 قلت لي أحمـد كيفك?? قالـي بلا كيف بلا زفت... لا بالله كان تدي الرقم😡 مرة تانية قال😡.. قلت لـي أسـي ف شنـو مالك انت.. أدي الرقم ولا لأ ذي حاجة بترجع لي وم بتخصـك☺️ قالـي فعـلا م بتخصنـي أنا آسـف ومشى طوالـي... عاينت لقيـت رؤى مشغولة مع صحبة أختها.. حمـدلله عشان م تقعـد تسأل فينـي☺️ وبقيـت أفكـر هو لي زعل كدا.. ي ربـي عشان بيغيـر علي ولا م عايز ود كليتو يتكلم مع وحدة زيي😕 طيـب لي زعل لما قلت لي م بيخصـك... وتانـي بقيت ألـوم نفسـي أنا لـي اتكلمت معاهو ب الطريقة دي😕 فجأة انتبهت ع طقطقة أصابع قدامـي.. رؤى قالت لي ي بت سرحانة وين انتـي لي ساعة بتكلم معاك... قلت ولا شـي خلينا نمشي... وياهـو مشينا ع كليتنا بس... ومع الأسف الأسيـف😹 لاقيتنا جود وقالت لينا كنتو وين... ورؤى قالت ليها كنا ف طيران🤦♀️🤦♀️ وعنـدكم شنو ف طيران وهي رافعة لي حاجبها.. سريع رديت ليها عشان رؤى تسلم ع صحبة أختها😊 رؤى قالت ليها ااي بعد مشيت مع لارين عشان تشوف مبنى طيران قلت أسلم بالمرة ( وااااي من رؤى كان تستريني ياخ😂😂😂) جود قالت آهااا وغمزت لي... والمهـم مشينا بعدها... وعـدت الأيـام ع نفس الوتيـرة لحـدي م جات امتحانات السمستر وعدت ب خيـرها وشـرها.... وطبعا الإجـازة دي كان مفروض أقضيها ف السـودان عشان عرس مصعـب💃 وناس بيتنا أصـلا هنا وحتى مودة ومحـي حيجـو💙💃
يعنـي الإجــازة دي حتكـون ظابطة من كل النواحـي😍 وأهـم شـي إنـي حأحضـر عرس سـوداني💃💃💃💃
وبعـد أسبوعين كدا النتايج ظهـرت أنا كنت أولـى الدفعـة والشلة كلها كانت امتيـاز😍😍..يوم كدا صحـيت دخلت الحمـام جيت لقيت خالتو بتصحـي ف أمنية🙄 وأمنية طبعا كالعادة راقـدة ززي البقـرة😂 قلت ليها خالتو يسعـد صباحك🍀 مالك خيـر إن شـاء الله😊 وصباحك ي بتـي.. لالا خيـر بس مصعـب جاي الليـلة وبصحـي ف البت دي عشان تبـدو نضافة وشغل من بدري... لأنـو ضابحيـن.. انتـي عارفاك أنا بتصي بدري أصلا لكن المشكلة ف دي😂😂😂ولسة بتحاول أمنية وبتقول انتي كنتي بتصحي للجامعة كيف أصو😂😂( ي حليـلها خالتـو م عارفة إنـي كنت بحاول معاها من الساعـة 4 عشان تصحى لي6😂😂😂) قالت لي بري ي لارين دي إلا كان ميتـة كدي جيبـي لي جك الموية دا😁... مع كلمة موية فلانة طوالـي قامت😂😂😂 قالت ليها م عاملة ميتة من زمان طيب😒😂.. قالت ليها ماما ياخ مالك ونعست ليها عيـونا😞 أنا طبعا بقيت عاملة كدا😟 قالت ليها مصعب جاي الليـلة قومـي عشان تنضفو... أمنية قالت ليها وبابا ضابح مش?? أيوا ضابح مالك انتي🙃 قالت ليها لالا م ف شـي... خالتو انتظرتها لحـدي م قامت خشت الحمام بعداك طلعت( لأنو عارفاها عادي بعد تطلع ممكن ترجع تنوم😂) بعـدها أنا صليـت وقريت شوية قرآن.. ونزلنا تحـت سوى صبحنا ع ناس البيـت وشربنا الشاي🤓 وبعـدها بدينا نضـافة...نضفنا البيت دا كلو ومسحنا... وف غرفة كدا مقفولة قالـو ياها حقـت مصعـب ومن زمن سافر زول هبشا م ف ... دخلنا لقيناها مليانة تراب نضفناها ومسحناها وبخرناها😍 وجينا طالعيـن حالتنـا بالبـلاء😂 عمار قالينا حقو يختو ف المتحف والله بأشكالكم دي.. عملنا لي كـدا😒😒 ومشينا.. قلنا ل خالتو ف شي تانـي قالت لينا لا بس امشـو استحمـو وغيـرو..وهي كاتمة الضحكة طبعا😂 😂 أها طلعنا نتجارى أنـا وأمنيـة عشان نحصل الحمام بالأول 😂 ف النهاية أنا وصلت قبلها شلت ملابسـي ودخلت وأنا بعمـل ليهـا كدا😝 استحميـت وجيت لبسـت تشيـرت أسـود وبنطلـون بيجـي تنيـت طرفـو من تحـت😍 ولبسـت لي عباية خليجية سوداء😍😍😍 مع إسبورت نمـري ولبست ساعة نمـرية وطرحـة بيـج😍♥️ وم عملت شي ف وشـي غير الكحل... وأمنية طلعت ولبست برضو🍀 وف دا سمعنا صوت جوطـة تحـت🌚 عرفنـا إنـو العريس وصل😍😍.... نزلنـا لقينـا سلم عليهـم كلهم وبيسأل من أمنيـة... أمنية جرت طوالـي وهي بتقول مصعـــــب😭😍 فتح ليها يدينـو كدا وسلم عليها وباسا ف راسا.. قاليها كيفك?? قالت لي تمـام تمام بـ وجـودك ي أخـوي😭.. مؤيد قالـي عمار ألححححححق البت سنة كاملة انت بتودي وتججيبها من الجامعة وهي بتقول لي مصعب ب وجودك ولا تقول كانت مسجونة😂 عمـار قالـي أسكت بس أنا حقـي خليتـو لـي الله سـاي😂.... ياخ ضحكنا ضحك.. بعـدو جيـت أنا سلمـت عليهـو وقلت ل حمدلله ع السلامة وربنا يتم ليك ع خيـر وسكتت ( طبعا أنا نوع الزول البيكون عاقل وهـادي شديد مع الناس الـم بيعرفهم) عمار قالـي ل مؤيـد والله الليـلة الناس ديل كلهـم م طبيعيـين ياخ😳 عاين لارين دي باقية هادية كيف😳 عاينت لـي كدا😒 وسكتت😂😂بعـدو الأولاد اتحركو ع الصالــون وإحنـا ع جـوة عشـان نخت الغـداء😊 وبدت جوطة الغداء وعمار ومؤيد فوق راسنا وسريع وم يكون شوية وشنو... وبعـد الغداء مشاريع الشاي والقهـوة وم أدراك... غايتـو اليـوم عدا ب خيـر وسلامة.... العشاء دا لمن أذن كنا خلصنا اااي شي والبيت رجع اترتب كمـا كان😍 وكل زول من التعـب اتوكل ع غرفتو... بس صليت استحميـت ونمت طوالـي😴يتبع......
