وصحيـت يوم الأربـع ب تلفـون من أحمـد♥️ وقالـي صحيـت ماشـي ع الصـلاة وحبيـت أبدا يومـي ب صوتك♥️🍀 وعقبـال أنا وانتـي نصلـي سوى وأكون إمامك.. طبعا خجلـت 🙈 وقلت لـي إن شاء الله بس.. هو عرفنـي خجلت ومع نفسـو بقـى يقول ربنا يلمنـي معاك ف بيت واحـد بالحلال😍🤲... اتونسنا كدا وقفلنا عشان كل واحـد يصلـي ويدعـي.. عاينـت لقيـت أمنيـة نايمة😂😂😂😂 قلت فلانة دي م بتحس ي ربـي😂... دخلـت الحمـام استحميـت وجيـت صليـت... ونزلـت تحـت صبحـت ع ناس البيـت😊... وعمتـو دي طبعا متكيفـة منـي ل درجـة مبالغة😍🍀 وكل شويـة تشيـل وتشكـر فينـي😊.. وعـدا اليـوم سريع.. وجا وقت نلبس عشان نمشـي حنة العروس💃💃💃 ... كنا ماشيـن أنا وعمار ومؤيد وياسـر وروان وأحمـد وتقـوى برضو حتجـي...( تقوى طبعا من يوم حنة مصعب مشت مع أبوها عشان تسلم ع حبوبتها وكدا... لكن حترجـع الليلـة معانا) ...
أمنيـة لبسـت فستـان كبـدي ظريف وكسرتـو بالبيجـي😍 وهيثـم قميص بيجـي وبنطلـون كبـدي ( حلويـن سوى يـاخ😍🍀)... وروان وعمار لبسـو سوى😍😍😍🍀.. طبعا روان حتجـي من بيتهم مكان الحنة😍وإلا ناس البيـت كانو شكو لمن يشوفو اللبس😂😂...وآخـر شـي أنـا لبسـت فستان لحمـي تقيـل😍😍♥️ وكسرتـو بطرحة وجزمة كحلـي وحتى جراب الفـون كحلـي😍😍 وعملت روج وكحل بس😍🍀 واتصـورت سيلفـي ونزلـت😍... طبعا الإعجاب بدا ب ناس البيت😂😂 وعمتـو دي تشيـل وتحصنـي وتقول ربنا يجعلك قسمتنـا وتعاين ل ياسـر😊 أنا طبعا فاهمة وعاملة رايحة... وياسـر دا بس يعايـن لـي😊🍀... شويـة واتحركنا.. ولاقـونا أحمـد وتقوى جنب الباب عشان ندخل سوى... أنا طبعا الوقت داك مع اللخمة م ركزت أحمـد لابس شنو🍀 بعـد دخلنـا... وفضلـونا وخشينا ف الدايـرة كدا مؤيـد جا قالـي براحة.. وريتـونا الطقيـم لكن😉 عاينت لـي نظام قصـدك شنو🌚 لقيـت أحمـد لابس قميص لحمـي نفس درجة بتاعـي😍😍😍 اتخلعـت طبعا😱 لا والعجـب البنطلـون كحلـي😱😍... طبعا م قدرت أصـدق عديل وأحمـد برضو م كان ملاحظ😂 طبعا لما شافنـي بقى عامل كدا بس😍😍... شويـة ومؤيد زحا من جنبـي .. وحسيـت ليك زول بيقـول لي شايفة حتى الصدف جمعتنا.. وغمـز لي😉 ياخ الـود دا بيجهجـه كيانـي عديل كدا😍♥️..وهنـاك واحـد إسمـو خالـد من أهل العروس كان بيحاول يتظارف معاي😂 أحمـد دا طبعا بس يحمـر لي لمـن أرد عليهـو..ف النهاية جا قالـي لارين قالـو ليك طالعيـن خلاص😂😂😂 وطبعا كذب لا طالعين لا شـي... ضحكت ف أحمـد وإستأذنت من خالـد ومشيـت منـو... جا يقولـي لا بالله ماخـدة راحتك ف الونسة صح😕 عملت ل كدا😆 حبيبـــي الغيـور إنت الأساس ياخ♥️ قالـي قلتـي شنو.. قلت ليك إنت الأساس😍 لا قبلها.. م قلت شي تانـي😂😂 لارين قبلها قلتـي شنو.. آهاا اتذكرت.. ايوا😃😀 قولـي يلا.. قلت لي قصـدك الغيـور صح🤣 عمـل لـي كدا😒😒 وقال اااي قصـدي الغيـور ي لاريـن😒.. ضحكـت فيهـو ضحك.. وبعـدها اتصـورنا سيلفـي بـي فونـي وطلعنا كلنا😍 مشينـا البيت ومصعـب دا يموت عشان نوري صور سمـر😂 لكـن حلفنا كان نبرد لي قلبـو😂😂😂... وعـدا باقـي اليـوم عـادي... وأصبحـنا الليـلة الخميس وكالعادة أنا عملـت طقوسـي حقت الصباح😂 ونزلت.. صبحـت عليهـم كلهـم ماما قالت لي لاريـن ع الله ودي صينيـة الشاي دي مع السيرمس للأولاد جـوا وشوفيهـم لـو صحـو😊🍀 قلـت ليها حاضـر.. شلت الصينية ودخلت لقيتهـم م ف إلا زول واحـد بس متغطـي ونايم.. قلت دا خلاص بيكون مؤيد😂 وبقيـت أجر البطانية منـو. وهو يجرها.. قلت مؤيد ي قلـب ي حب♥️أحسـن ليك قوم قبل أحميـك بمويـة بـاردة😁 طوالـي فتح الغطاء😱😱 الليـلة انت الجابك شنو هنا😱 طبعا كان أحمـد😂😂 قالـي دا بدل تقولـي أحلـى صباح الشفتك فيهـو ي عديمة الرومنسية😂😂😂 بعديـن انتـي نسيتي إنـي وزيـر العريس يعنـي لازم أكون معسكـر هنا😉😉😉 اتكلمنا كدا وخليتـو وطلعـت وأنا طالعة لاقيـت ياسـر جنب الباب🌚 صبحـت عليهـو عادي ومشيـت لكـن يبـدو هو سمـع الكلام كلو😕 وعرف إنـو أنـا وأحمـد مرتبطيـن🍀 لكـن الحاجة دي هل حتعجبـو وهل حيسكت ع كدا.. دا الـ م معروف😕💔.... وكذلك عـدا اليوم عادي وكنا جايطيـن شديـد😕😕 ف م لقيـت طريقـة أتكلـم مع أحمـد اليوم كلـو.. وحتى لما جيت أنـوم كنت تعبانة م شفت تلفـوني.. رقدت طوالـي😴أصبـح صباح العرس💃💃💃💃 وخالتـي فاطمة وبتها جـو( بتها اسمها رفيـدة قدري كدا.. ودي الكنت متواصلة معاها ووصفت لي البيت لو متذكرين) وحسيـت ماما اتوترت شوية كدا لكـن رجعت طبيعية😊🍀 واحنا من الصباح شغاليـن شيلـو دا وختو وجيبـو دا لحـدي قريب وقت الغـداء كان لازم نطلـع أنا وأمنيـة ع الكوافيـر لـي سمـر لأنها كانت مصـرة إنو نكـون معاها.. بعـد ظبطنا معاهـم ااي شـي🍀( ممـوية اتذكـرت تعب عرسك طبعا😂 لكـن م مشكلة عليكم بالدكوجـي😂😂😂) المهـم م علينا...نواصل روايتنا...طلعنا ع الكوافيـر ولقيـناهم بدو يجـهزو العروس وكان معاها بنات أهلها ظراف كدا😂😊اتونسـنا ولبسنـا كلنا😍😍.. أنا كنت لابسـة فستان بتـرولي سادة ضيـق من فوق ومن تحـت فاري.. .. لبسـت معاهـو جكـت دهبـي 😍وشبط دهبـي عالـي مظهـر منظـر الفستان بطريقـة حلـوة♥️😍🍀 ... كلهـم عجبـو تصميـم الفستان حتى بتاعت الكوافيـر😍🍀...
وطبعا بتاعت الكوافيـر م قصـرت ظبطت لي ميكاب خطيـر😍😍♥️.. لامـن أنا زاتـي م عرفت نفسـي💃😍🍀..واتصلـو قالـو العريس جـاي... سمر دي اتوترت بشكل ياخ😂😂😂😂شويـة كدا ومصعـب جا وكان سايق ليهم مؤيد😍 وخالـد جا وركبـو معاهو بنات أهلـو.. طبعا كان عايزنـي أركـب معاهـو لكـن أنا رفضـت واعتذرت ليهـو😊🍀 فضلنا أنا وأمنيـة بس قالـو هيثـم حيسوقنا.. جا هيثـم ومعاهـو أحمـد طبعا😍 كل واحـد ب عربيتـو.. هيثم سـاق أمنية وقال لي أحمـد م ف زول تانـي خلاص سوق لارين انت عشان م ترجع فاضـي🍀...ديك اتحركـو وأنا ركبت مع أحمـد قـدام طبعا كنا مطقميـن سوى😍😍 لكـن المـرة دي م صدفة😂😂😂هو كان لابس قميص بترولـي نفس درجة فستانـي😍 وبنطلـون بيـج🍀 ... قالـي جبتـي العلبة القلتها ليك.. قلت لي أيـوا ومديتها ليهـو😊 شالو منـي فتحـو وطلـع منـو سلسـل بتاع دهـب رهيــب😳😍😳😍😳😍.. مكتـوب عليهـو .... مملكتـي😍♡( عرفتـو دي ياتا علبة😊 متذكريـن الهدية الأدانـي ليها ف عيـد ميلادي وقالـي م تفتحيها إلا يجـي اليـوم التعرفـي أنا لـي عملـت كدا🍀 بس ياها دي😍♥️) قلـت لي أحمـد....قالـي هش.. انتـي تستاهلـي أكتـر مـن كدا وعقبال ألبسك زيـو وانتـي حلالـي♥️🤲... طبعا بعـد كلامـو دا م قـدرت أقول شـي.. سكتت وبقيـت أدعـي ب سري إنـو ربنا يخليهـو لي وم يوجعنـي فيهو😍🤲.... وصلنـا لقينا ديك برضو ي داب وصلـو.. وطبعا كنا متفقيـن إنو كل اتنين يدخلـو سوى... مصعب وسمر. وبعدين عمار وروان( كانو لابسين سوى برضو) وبعـدهم هيثم وأمنية وبرضو مطقميـن.. وبعدين جـود ومؤيد ( وديل طبعا أنا طقمت ليهـو سوى😍 سألت جود من لبسها وكلمت مؤيد) وآخر شـي أنـا وأحمـد...طبعا من دخلنا الأنظـار كلها اتوجهـت لينا والمصـور بقى مركـز معانـا بس😍♥️ والناس دي كلها بتعلق علينا.. واليقول جاييـن سوى♥️🍀 وكل زول بيقـول حاجة... وثبتـو صورتنا سوى ع الشاشة😍🍀 وياهـو دخلنـا.. وبدينا نرقص.. والحفلة كانت ب حسيـن😍 ياخ حتيناهـو حت💃💃💃💃.. أنا طبعا ف الربـة والرقيص م بقصـر😂😂 لكـن احترمت نفسـي لما أحمـد بقي يحمـر لـي😂😂😂وانتهـت الحفلة وبعـدو جرتقـوهم😍 طوالـي كانو حيتحركو مسافرين فرنسا وب هناك حيمشـو كنـدا طوالـي لأنــو إجازة مصعـب خلصت🍀 هم اتحركو و عمار مشى يوصلهم المطار...وبـ كدا انتهـى الجيرتق وانتهى العرس😍🍀... ورجعنا البيـت.. طبعا البيـت م كان فيهـو ناس كتار ياهم ناس البيت زاتهم وناس عمتـي وخالتـي فاطمة بس.. لأنـو كل المعازيـم جـو ف الصالـة😊🍀بعـد دخلنا غيـرنا ورتبنا البيت والأولاد م قصـرو برضو عملـو معانا وحتى أحمـد... عمار ومؤيد حلفـوا عليهو م يمشـي بالليل دا. ( قلنا نرتبـو عشـان الصباح نصحـى ع راحتنا) .... أهـا أنـا دخلت غرفتـي كدا خالتـو فاطمة جات اتونست معاي🍀 وبقت تحكـي لي عن طفولتـي وكيف أنا كنت شقية 😂( طبعا هي الفترة الولدونـي فيها كانت ف دبي) وهـي بتونس فينـــي كدا.. ماما جات داخلة واتوترت كدا لما لقتنا أنا وخالتو سوى... وقالـت لي لاريـن أنزلـي تحت ساعديهم.. قلت ليها مامـا م ف شـي تانـي خلينـي أتونس شوية مع خالتو م لقيـت معاها فرصة😕 أصـرت علي إلا أنزل.. سكتت ونزلت.. بعـد مشيـت تانـي اتذكـرت إنـي نسيـت تلفـوني😅 جيـت راجعـة عشـان أشيلـو.. (وي ريت م جيـت راجعة😞) سمعتهم بيتكلمـوا.. وأنا م مـن عادتي أتسمـع ع الكلام ف جيـت عايـزة أخش لكن وقفـت لما سمعـت إسمـي ف الكـلام😞 واقفة وبسمـع وكل م ليهـو بتصـدم من كلامهم... ف النهاية انهـرت عديل من الكلام وقعدت تحتـي بس😭 م قدرت أتحـرك... ماما جات عشان تقفـل الباب لقتنـي قاعدة ودموعـي ماشة😭 ... اتخلعـت وبقـت تقول لي لارين قومـي حبيبتي وتبكـي... وأنا بس أعاين ليها وكل م اتذكـر الكلام أبكـي زيـادة😭💔 مسكتنـي قالت لي ي قومـي ي بتـي م توجعـي لي قلبـي عليك💔.. نفـرت كدا وزحيت يدها منـي😭 قلـت ليها م تقولـي لي بتـي.. أنا م بتك.. م بتك أنا وبقيـت أصـرخ ب صوتـي العالـي😭😭😭 كلهـم اتخلعـو وجـو جارين😢 وبابا دا لامـن نفسـو قايم😢 ويقـول لي لارين حبيبتـي مالك.. صرخت فيهـو وقلت ليهـو أسكـت.. م حبيبتك أنا م بتك أنا😓 كلكم كذابيـن.. معقـولة18 سنة تعيشونـي ف كذبة😓😭ودخلـت غرفتـي وقفلتها علـي مـن جوة😔💔 وقلـت ليهم م عايزة زول فيكم خلـوني براي... طبعا حاولـو يفتحـو الباب وف النهاية كانـو عايزين يكسـرو عديل😢 لكـن وقفو لما قلت ليهم تانـي لو واحد فيكم حاول بس يخبط الباب ساي حقتل نفسـي وارتاح واريحكم💔بقيـت قاعـدة ف غرفتـي بس ودموعـي نازلة وبقيـت اتذكـر من لما جيـت وقفـت جنب الباب وسمعت إسمـي....( منـال ي أختـي أنا عارفاك خايفة منـي ومن إنـي أوري لاريـن حقيقـة إنـو هي م بتك😢... لكـن أنـا مستحيـل أعمـل كدا💔 أنـا عارفة إنـي كم مـرة قلت ليك إني حكلم لارين إنو هي م بتك وم كنت برضى بحكاية إنك تربـي ليك بت م بتك وكنت بشاكلك وأقـول ليك إنتـي م مضطـرة تتعبـي فيها.. لكـن أنا اتغيرت ي منال وشفت قدر شنو انتي بتحبيها وهي بتحبك... يمكن العلاقة البيناتكم حتى بينها وبين أمها م كانت حتكـون فـي💔 ويشهـد ربـي بقيت بعزها زيها ووزي رفيـدة واحـد وم تنسـي أنا الرضعتها مع رفيـدة لما جبتوها لي صغيرة زمن كنت ف دبـي... يعنـي مهما كان مستحيل أعمـل حاجة تأذيـها ولا توجعها💔 أنا بوعدك ي منال.. رجاء حاولـي تصدقينـي وبقـت تبكـي...
وبعدها ماما فتحـت خشمها وكنت منتظـرة منها تقول لا ولا تنكـر كلام خالتو دا ع الأقل... لكن مع الأسف هي أكـدت لـي كلام خالتـو😕💔 لما قالت ليها.. لارين أنا م ولدتها لكن والله بعـزها وبريـدها ززي أولادي وأكتـر... وعشان كدا كنت خايفة عليها من جية السودان وإنك توريها الحقيقة... لكن انتـي بكلامك دا طمنتيـني ي فاطمة الله يطمنك♥️🍀 وياهـو انتبهت لـي إنو الباب فاتح وجات عشان تقفلو ولقتنـي...)وككل م اتذكـر الكلام دا دموعـي تنـزل زيادة😭😭وبقيـت اتذكـر كيف ماما أقصـد منال.. كانت خايفة من جيتـي للسـودان وكيف كانت بتحذرنـي من خالتو فاطمة.. وتوترها لما عرفت إنـي مشيت بيت ناس حبوبة... وكل حاجة متعلقة بالموضوع دا😭 وعرفت إنـو الحقيقـة كانت قدامـي وواضحـة من زمان لكـن أنا الم كنت عايزة أشوف😭😢💔 وكل م ليهـو أزيـد ف البكـاء...وفجأة بقيـت أفكـر أنا منـو وبت منـو...أبوي وينـو وأمـي ي ربـي حيـة😢 وديل لقونـي وين💔...تانـي بقيـت أقـول أنا م لـي حق ف البيـت دا.. زمان كنت قعـدة ع أساس بيت عمـي💔 أسـي حقعـد لـي?? ? وكل م ليهـو بلوم ف نفسـي... ياخ أنا بجـد م عنـدي ولا ملامح منال ساي... كيف م فكرت ف الحاجة دي💔😢 وطيب مش بيقولو لي بتشبهـي أبوك...يعنـي دا كلو كذب💔 ومشيـت وقفت قدام المرايا وبقيت أعاين ل نفسـي واتذكر ملامح يحيى... طيب بجـد ف شبه بيناتنا لكن😭 يعنـي حتى الشبه بقى صدفة بس😭.. طيب جابونـي من وين😭 لقـوني ف الشارع ولا شالوني من ملجأ😭💔 أنا لازم أطلـع من هنا💔 دا كان آخـر قرار لـي😭💔....تحـت الكـان حاصل إنـو كلهـم بقـوا يسألو أمـي وخالتـو فاطمة عن الحاصل... وبابا وماما حكـو ليهـم أي شـي💔( طبعا أصلا م كان ف زول عارف بالقصة دي) وأحمـد سمع الكلام كلـو وقلبـو وجعـو ع حالتـي😭💔....هم قعدين كدا💔 أنا جيت نازلة...كلهـم جرو علـي... أشرت ليهـم بـ يدي م ف زول يقـرب...اتمالكـت نفسـي ووقفـت قدامهم وقلت ليهـم( انتـو م قصرتـو معاي18 سنة ربيتونـي زي الكأنـي بتكم...وعمـو يحيى وخالتـو منال م حصل يوم حسستوني إني م بتكـم😢💔 لكـن لحـدي هنا خلاص... أنا م حقـدر أبقى تقيلة عليكم أكتر من كدا😭💔 ولازم أطلـع من هناورجـاء م ف زول يلحقنـي)وطلعـت طوالـي...هم هناك بقـوا مخلوعيـن😳 من الكلام الأنا قلتـو...وعمـو يحيى كان عايز يجـي وراي.. لكـن أحمـد وقفـوا وقال ليهـو خلـيها علي ي عمـي..وأنا بوعدك بتـك تجيك راجعة💙وطلـع وراي...الحلقة الجاية حنشوف إذا كان أحمـد حيحصلنـي ولا لأ.. وإذا أنا أصلا ممكـن أتقبـل وجود أحمـد ف حياتي بعـد عرفت الحقيقة...يتبع......
