على فكرة شافك .. وشافها .. 🌸
..
شافَك لما كنت ماشي في الشارع وسمعت الأذان وكملت طريقك عادي خالص كأن مفيش أي حاجة حصلت..
..
شافِك لما اتخانقتي مع مامتك وفضلتي تزعقي لها لحد ما عيطت .. ولما حسيتي بتأنيب ضمير كبرتي دماغك وقولتي ماهي اللي بتستفزني !
..
..
شافِك لما قررتي تتنازلي عن الجيبة وتلبسي بنطلونات زي البنات .. ولما جربتي لأول مرة وحسيتي إنك متضايقة وإنتِ واقفة قدام المراية .. فوراً قتلتي الإحساس وقولتي ماكل البنات بيلبسوا كدة !
..
وشاف صاحبتك برضو وهي بتعمل نفس الفعل .. بس مع خمارها لما بدلته بالطرحة القصيرة
..
شافِك وإنتِ ملتزمة وجميلة كدة ظاهرياً .. بس أول ما تعرفي إن واحدة أذنبت تقعدي تتكلمي عليها وتتريقي على ذنبها .. وكإنك عمرك ما أذنبتي إنتِ كمان !
..
شافَك لما قعدت تكلمها طول الليل في كلام تستحي إنك تسمع راجل بيقوله لمراته .. وهي استمرت معاك في الكلام علشان خايفة على زعلك
..
شافِك وإنتِ قدامها بتتكلمي عليها حلو .. وأول ما تمشي لسانك بينقل سم قاتل ويغرسه في قلوب الناس بإعتبار إنها غلطانة وبتعمل كذا وكذا .. ده بدل ما تنصحيها هي لو فعلاً عاوزاها تعمل الصح !
..
شافَك .. وشافها .. وشافنا كلنا وإحنا بنعمل اللي يغضبه
..
شافنا وإحنا بنطبق كل حرف في الآية دي ؛
" يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ "
..
شافنا وإحنا بنستخبى من البشر .. بس بنعمل كل حرام أمام رب البشر
..
شافنا .. ومع ذلك بيغفر وبيسامح.. 🌸
..
شافنا .. بس لسة بيدينا فرصة إننا نتوب ونرجع 💙
..
ياترى جه الوقت اللي هنفوق فيه بقى ؟ ولا هنفضل مكملين لحد مانلاقينا واقفين نتحاسب ومش عارفين نتكلم !
..
يا شباب .. ويا بنات .. الله يكرمكم .. فكروا في الآخرة شوية 🌸
..
محتاجين بجد نفوق من الغيبوبة..
..
الموت كتير ومش عارف امتي هينتهي اجلك
..
اللهم اغفرلنا وارحمنا يارحيم.. 💙
