كل فترة لازم تقعد مع نفسك تهذبها وتربيها
ايه الألفاظ الي مكنتش بقولها وبدأت اقولها ؟
مين من الناس أسأت الظن فيه وطلع أحسن مني ؟
ايه العبادة الي كنت مواظب عليها وحاليا مبعملهاش ؟
ايه الذنب الي كنت نافر جدا منه وحاليا بقع فيه أحيانا ؟
ايه الأثر الي لو توفيت حالا هيفضل موجود وباق مني في قلوب الناس ؟
هتلاقي كمية تنازل ووقوع رهيب من اليوم للتاني .. للاسف احنا في زمن فتنة
فتنة عجيبة فجأة الي مكنتش بتعمله هتلاقي نفسك بتعمله وتجاهر بيه
لو موقفتش وقفة صارمة .. وكنت حازم جدا مع نفسك فللاسف هتبدأ تنحدر في السقوط كل مدى بزيادة جدا ولدرجة مش هتعرف تسيطر على نفسك بعدها ..
متحاولش تلاقي مبرر لنفسك .. مفيش أصل الناس كلها بتعمل .. انت هتتحاسب على اعمالك انت
مفيش اصلي لو معملتش هيقولوا عليا .. الخوف من الله وفقط .. وقفة تفوق بعدها
نفسك اللوامة لو مغلبتش نفسك الأمارة بالسوء .. فأنت في خطر
خطر شديد جدا ومحتاج وقفة وإعادة تأهيل :))
