فضفضة✋
لما تروحي السوبر ماركت مش ضروري تحطي الفلوس في إيد البياع، لانه ممكن ايدك تلمس ايده بالغلط✋✋
مش ضروري تضربي السواق بإيدك على كتفه وانتي قاعده وتقوليله لو سمحت اتفضل عشان ماسمعكيش من أول مرة
مش ضروري لما تكوني قاعدة في قاعدة عائلية وواحد قال نكتة تروحي تخبطي ابن عمك كف بكف
لما تكوني بره البيت في سوبر ماركت أو درس أو في الشارع ياريت متضحكيش بصوت عالي وتجذبي انتباه اللي حواليكي أو أقولك بلاش تضحكي خالص 😕لان ضحكتك ممكن تكون سبب في فتنة البعض لكن جوه البيت اخربيها 😂هزري واضحكي واتنططي 😏 لكن برا البيت خليكي راجل 💪😉
لما تكوني ماشية في الشارع وصادف ان فيه راجل ماشي في نفس الشارع بلاش تعملي فيها جاكي شان ومتعمليش فيها البطل اللي ف فيلم توايليت وياريت متسابقيهوش امشي براحة وعلى مهلك وافتكري قول الله تعالى واصفا مشية المرأة المسلمة قائلا "تمشي على استحياء "🌸
لما تبقي ماشية في الشارع وتعدي على مجموعة شباب قاعدين متقوليش السلام عليكم ....
عارفه انك هتقولي دا ربنا بيقول "واذا حييتم بتحية فحيوا بأحسن منها او ردوها"
هقول لحضرتك ان الآية نزلت لرد التحية بين الرجال وبعضهم او بين الرجال ومحارمهم . وحضرتك مش من محارمه
مش ضروري تمشي وانتي رافعة راسك في السما ومش لازم تبصي على كل خلق الله وانتي ماشية ربنا بيقول "وقل للمؤمنات يغضضن من أبصارهن "...يعني حطي عينك في الارض وانتي ماشية وعلى فكره مع كل غضة بصر هتاخدي حسنة..ابسطي بقا😂
#هتغير عشان الجنة تستاهل💛🌸
