أرتباط بس غير شرعى 😀
بيقولوا اليومين دول في حاجة اسمها ارتباط وحب وكلام كدة كبير اوى ☺️
ارتباط ازاى يعنى يا أنسة
متزوجة يعنى ؟
لا زواج مين اصلا هو لسه بيكون نفسه واهلى مش هيوافقوا على الجواز دلوقتى وكمان انا لسة فى التعليم اصلا 😃
قولتيلى طب خطوبة مثلا ؟
لا خطوبة اية بقولك لسه مفيش فرصة نتخطب 😆
امال بتحبيه ازاي ؟
بحبه وبحب كل حاجة فيه وبيكلمنى يطمن عليا بقى ويعرف كل اخباري حد بيهتم بيا كدة وطيوب وكيوت وابن حلال و طبعا لازم احبه واحترمه واحافظ عليه ..
ايوة يا اختى بس هو مش بيحافظ عليكي 😈
ازاى بقى دا بيخاف عليا جدااااا ولما بنكون ماشيين مع بعض فى الشارع بيبقى هيموت من الغيرة من الناس اللى بيشوفونى وعايز يبعدنى عن عيون الناس عاوز يلبسنى نضارة ويحط عليها قماش علشان محدش يشوف جمالى بسبب حبه ليا .. كل دة ومش بيحافظ عليا .. بقولك دة بيمسك أيدى وينزلنى من المكروباص علشان مش أتشنكل وأتقع ويخطفلى ورد من الجنينة ويقعد على الأرض ويقولى أتفضلى 😄
خلصتى يا أنسة ولا لسة هنتكلم كتير 😏
ممكن تسمعيني بس بعقلك مش بقلبك شوية .. هو لو بيحبك وبيخاف عليكي مش هيمشيكي يفرجك للناس فى الشارع وانتى عارفة ان البنت سمعة والناس مش بتسيب حد فى حاله وانتى اللى بتدي للناس فرصة انهم يتكلموا من خلال تصرفاتك . ❕
هو لو بيحبك بجد هتبقى بالنسبة له ملكه متوجه وفى بيت اهلك وهيجي يخبط على الباب لما يلاقي فرصة انما مش هنفضل مقضينها كلام وخروجات وتليفونات لحد ما تيجي الفرصة 😢
نفرض انه مش من نصيبك وماجتش الفرصة يبقى ايه الوضع وقتها يبقى رخصتى نفسك والناس اتكلمت وعملتى حاجات غلط فى حياتك لمجرد انك بتحبي واحد وانتى مش عارفة اصلا نهاية الارتباط بيه ايه ؟
وافرضي بقى الفرصة جات واتقدملك فعلا بس اهلك ليهم وجهه نظر فيه ومش وافقوا او محصلش نصيب لأن ربنا كاتب كدة هيبقى ايه الموقف بقى 😑
عارفة هيبقى ايه الموقف وقتها هتبقى كسرتي قلبك وجرحتيه ودخلتى جواه حب مش من حقك هتبقى ظلمتي نفسك اللى ربنا كرمها واللى الأسلام عظمها هتبقى مجروحة وتعبانة بسبب ان حلمك دة ماتحققش 💔
طب ماتيجي نتفق اتفاق بالنسبة اللي بيقولوا عايزين نرتبط لحد ما ربنا يسهل وييسر الامور والاخ يجي يتقدم ويخطبنى
طب ما الاخ يعيش حياته وحضرتك تعيشي حياتك معززة مكرمة فى بيتك لحد ما ربنا ييسر الامور ويجي البيت ويبقى كل حاجة فى النور وساعتها كوني عفيفه لتجدي عفيف مثلكي ☺️
- البنت ال بتحب ولد قصاد أهلها والناس واسمهم مصاحبين
..أسألك بقي . هو دا يرضي ربنا
هل ربنا هيبارك فى العلاقة دى اكيد لا أصل ربنا مأمرش بكده لازم نعمل ال يرضي ربنا مش ال يرضيكي أو ال يرضي الناس
خلي شعارك " فليرضي عني الناس أو فليسخطوا انا لم أعد اسعي لغير رضاك يا الله "
انتي كده بتخدشي نفسك بعد ما كان ليكي لمعان ليه بس من يستحق ق الكون انك تغضبي رب الكون عشانه
متديش نفسك سعر قليل كدا انتي اغلي من كدا
بصي اوعي ف مره تقولي انا مش جميله لا انتي جميله بأخلاقك بروحك المرحه بأسلوبك بطريقتك برقتك خليكي ورده🌸 عطرها لسه جميل مراحش انتي بكده تكوني أجمل من الجمال حافظي علي نفسك انتي مش للبيع انتي غااليه اوعي تنزلي سعرك بالعكس زوديه
كووووووووووني عفيفه...💛
