وطالما إنت على طول مخنوق وزهقان وشايف إن حياتك مملة 😑
اعرف أن علاقتك بربنا مش متظبطة 😕
اعرف أن في حاجة مهمة جداً في حياتك إنت ناسيها .. أو بتتناساها .. 😐
صلاتك مثلاً مش في مواعيدها ..
ذنوبك اللي بتخفيها على أد ما تقدر عن الناس ،
بس ربنا شايفها ..😑
أهدافك في الحياة مش خالصة لوجه الله .. أو مفيش أهداف أصلاً
مـ الآخر ؛ ✋
أيامك كلها شبه بعضها ومفيش فيها أي اختلاف ..
طب وبعدين ي معلم ؟ 😈
محتاجين بقى نظبط الكلام ده ..😉
أولاً : لازم ولابد وحتماً تحافظ على فروضك الخمسة .. ولو " شاب" يبقى المسجد يومياً من أهم أولوياتك ❤
ثانياً : كلم ربنا دايماً .. اوعى تفكر إن في حد هيريحك غيره ☺
عود نفسك على كده .. لو مش بتعرف جرب مرة واتنين وتلاته لحد ما توصل لمرحلة إن اسرارك كلها تكون مع ربك وبس 😇
ثالثاً : دور على دورك في الحياة .. دور يوم واتنين وتلاته وشهر .. هتوصل أكيد في الآخر .. وأهم حاجة ظبط نيتك في أي حاجة اعم 😉
رابعاً : الناس .. وما أدراك ما الناس !! انسى أي كلام ممكن يقولوه طالما الحاجة اللي هتعملها#مش_حرام ، لأن ده المفروض يكون مقياسك الوحيد اعم 😇
وأخيراً : خد بالأسباب وامشي في طريقك .. حاول تسيب بصمتك في الحياة .. ومتنساش تدعي كتير بالتوفيق والإخلاص ..
#شخابيط_منتقبه
#خواطر_دعوية
