Epilogue
"Nel, wake up." Kinusot ko ang aking mga mata bago tuluyang napadilat. Nasa isang puting kuwarto ako at nakahiga sa puting kama.
"You wake up Nel. You don't belong in here." Kumunot ang aking noo.
"Calvin?" gulat kong utas. Katabi ko ito sa kama at nakatitig lamang ito sa kisame.
"Nasaan ako?" Hindi siya kumibo at pumaling sa akin. Isang matamis na ngiti ang itinugon niya sa akin. Dumantay naman sa aking pisngi ang kanyang kanang palad at marahan niyang hinaplos ang aking pisngi.
"Nel, go back now. They're waiting for you." Tuluyang bumagsak ang mga luha ko sa aking mga mata.
"Nel, you knew I always loved you. But yet, it's not your time to be with me. Go back now to them. They're waiting." Tuluyan na akong napahagulhol. He kiss my forehead then I suddenly fell asleep.
"Huh!" singhap ko at napalunok.
"Thank god! You're finally awake! Three days mo rin kaming pinag-alala Nel!" Dahan-dahan akong napabaling kay Andy.
"T-ubig," mahinang usal ko.
"Oh!? Here."
Pinainom niya ako ng tubig gamit ang straw. Napaungol pa ako nang maramdaman kong may biglang kumirot sa aking tiyan. Marahan kong nasapo ang aking tiyan at agad akong natigilan. Nangilid agad ang mga luha ko.
"Ano'ng nangyari? Ang mga anak ko Andy!?" Sumeryoso naman ang mukha ni Andy.
"Damn Nel! Ayaw kong magalit pero inilalagay mo sa alanganin ang sarili mo! Bakit hindi mo sinabing buntis ka? You're always risking your life!"
Ayaw pumasok sa kukute ko ang mga sinabi ni Andy.
"My babies," nanginginig ang mga balikat ko habang umiiyak.
Bumuntong-hinga naman si Andy.
"You are totally fine and away from danger Nel. Mabuti na lang talaga at hindi ka masiyadong napuruhan ni Elena. That sick woman! Muntikan nang malaglag iyang mga bata sa sinapupunan mo. God! Caldwill will definitely kill me if something bad happens to you, especially sa babies niyo."
Mariin akong napapikit. Thank you God!
"Patawarin mo ako Andy. Nadala lang ako sa galit ko."
"Naintindihan ko naman 'yon Nel, but please, try to tell everything to me or to Nica." Napatango ako.
"Kumusta siya? Nabaril ko siya Andy." Nangilid muli ang mga luha ko sa mata.
"It's not your fault Nel. Puwede bang huwag mo muna isipin 'yan."
"I need to know the truth Andy," pamimilit ko. He sighed.
"Elena is dead. Tinamaan mo siya sa leeg at dibdib. But Nel, it was a self defense so don't think too much." Napasinghap ako. Nanginginig kong pinagmasdan ang mga kamay ko.
"N-nakapatay ako Andy," umiiyak kong sambit.
"Hey, please Nel, huwag kang magsalita ng ganyan. Ipinaglaban mo lang naman ang sarili mo. She almost killed you too!"
"Hindi Andy! Parang wala na rin akong pinagkaiba kay Moana! Hindi!" Tinakpan ko ang aking mukha gamit ang aking mga palad pero agad itong binawi ni Andy.
"Look at me Nel, kung hindi mo naunahan si Elena, sa tingin mo ba matutuwa ang mag-ama mo kapag nakita ka nilang nasa kabaong na? Hindi kakayanin ni Clayd kapag nawala ka. Do you understand me? Hindi mo kasalanan iyong nangyari. Hindi mo naman piniling malagay sa ganitong sitwasyon, 'di ba? You need to fight and live for them Nel." Napasinghot ako at napaisip. Tama si Andy, wala akong kasalanan. Hindi ko sinasadya ang nangyari.
