#انكسار_فتاة_بريئه
بقلم رونق
#بارت٣
مساء الخير ع اجمل متابعين اتمنى لكم قراءه ممتعه
🍀 انكسار فتاة بريئه 🍀
هواي حاولت ماما تغير رايي بس اني اصريت
والبنيه عجبتني بشكل
بقت ماما تحاول وياي ورادتني اغير رايي بس اني اصريت
وفعلا بالاخير استسلمت ماما ووافقت
وراحو لبغداد وجنت اتمنى يجوني بالموافقه
بقيت منتظرهم ع نار
بعدين خابرني بابا وكلي البنيه طلعت مخطوبه
حيل ضجت بس كلت هاي هي كولشي بالقسمه والنصيب
رجعوا للبيت وجان بابا احسه اسعد واحد
اجه بوسني وكلي مبروك ابني البنيه الك
حسيت ملكت الدنيا حيل فرحت
بعدها اخذوا النيشان والذهب والفلوس
بس الحلقه اني اشتريتها ومااعرف قياسها
بس طلعت جبيره
وبعدها اتفقوا ع موعد العقد وجان بالنجف
بدلت الحلقه وهالمره جايبين قياس الها
ومتلهف اهواي لشوفتها
وفعلا جوي بيت عمي وهي وياهم
جانت حيل نازكه وعينها مرفعتها ابد
راقبت كول حركاتها
اكثر شي جذبني الها وجها عالطبيعه
مااحب الوحده الي تخلي مكياج بره البيت
عقدنه السيد ولبستها الحلقه وجانت ايدها ترجف
هالمره اجت فيت ع ايدها
وهم طلعت جايبه حلقه الي ولبستنياها وجانت ع قياسي بالظبط
الصراحه الكل متفاجأين بيها وجها صافي حتى بهيج مناسبه
كلتلي ماما ميجوز هيج وجها
كتلها اني قابل ومااحب تخلي شي من نطلع
بعدها رحنه للمطعم
بس حسيت بيها مرتبكه ومو طبيعيه وعينها ع جهازها
مقبلت تاكل يادوب لكمتين
كملنه الغده واحسها مو طبيعيه
كملنه الغدة ورجعنه يم المرقد
رجعنه يم الامام وكعدنه
اخذتها ع جها يم اهلنا وكعدنا بمكان معزول حبيت احجي وياها
اخاف مجبورة عليه مستعد انهي كولشي
ردت الزم ايدها سحبتها
اني حبيت اجربها
