#انكسار_فتاة_بريئه
بقلم رونق
#بارت١٦
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻣﺘﺤﻜﻤﻮﻥ ﻉ ﻋﻠﻲ ﻟﻮ ﺍﻫﻠﻬﺎ ﺑﺎﻟﻈﻠﻢ ﺗﻌﺮﻓﻮﻥ ﻟﻮﻳﺶ ﻻﻥ ﺍﺣﻨﻪ ﺑﻤﺠﺘﻤﻊ ﺷﺮﻗﻲ ﻭﺍﻟﻌﺮﺍﻗﻲ ﻣﻌﺮﻭﻑ ﻋﻦ ﻏﻴﺮﻩ ﻣﻦ ﺍﻟﻨﺎﺱ ﺑﻐﻴﺮﺗﻪ
ﺍﻟﻜﻞ ﻣﺘﻌﺎﻃﻒ ﻭﻱ ﻣﻼﻙ ﻻﻥ ﺍﻟﻜﻞ ﻋﺮﻑ ﺑﻴﻬﺎ ﺑﺮﻳﺌﻪ ﻣﻦ ﺧﻼﻝ ﻣﺘﺎﺑﻌﺘﻨﻪ ﻟﻠﻘﺼﻪ
ﻟﻜﻦ ﻫﻞ ﻳﺎﺗﺮﻯ ﻟﻮ ﻛﻨﺎ ﺑﻤﻜﺎﻥ ﻋﻠﻲ ﻟﻮ ﺍﻫﻠﻬﺎ ﻭﻣﻨﻌﺮﻑ ﺍﻟﺤﻘﻴﻘﻪ ﺭﺍﺡ ﻧﺴﺎﻣﺤﻬﺎ ﻟﻮ ﻻ
ﺍﻧﻲ ﻣﺘﺎﻛﺪﻩ ﻣﺤﺪ ﻳﺼﺪﻛﻬﺎ ﺗﻌﺮﻓﻮﻥ ﻟﻮﻳﺶ ﻻﻥ ﺍﻻﺩﻟﻪ ﻛﻠﻬﺎ ﻇﺪﻫﺎ ﻣﺎﻋﺪﻫﺎ ﻭﻻ ﺩﻟﻴﻞ ﻣﻦ ﺻﺎﻟﺤﻬﺎ ﻭﺍﻟﻤﺸﻜﻠﻪ ﺯﻳﺪ ﻣﻜﺎﻋﺪ ﻳﻌﺘﺮﻑ ﻭﻻ ﻛﺎﻋﺪ ﻳﻌﻮﻓﻬﺎ ﺑﺤﺎﻝ ﺳﺒﻴﻠﻪ
ﺍﻟﺤﻘﻴﻘﻪ ﻭﺍﻟﻮﺍﻗﻊ ﻣﻮ ﻣﺜﻞ ﺍﻟﻘﺼﺺ ﻭﺍﻟﺨﻴﺎﻝ
ﺍﻧﻲ ﻣﺘﺎﻛﺪﻩ ﻣﻦ ﺍﻟﺪﻧﻴﻪ ﺍﺫﺍ ﺗﻀﺤﻚ ﻟﺒﺸﺮ ﺗﻀﺤﻜﻠﻪ ﻫﻮﺍﻱ ﻭﺗﺼﻌﺪﻩ ﻟﺴﺎﺑﻊ ﺳﻤﺎ
ﺑﺲ ﺍﺫﺍ ﻋﻜﺴﺖ ﺍﻟﺪﻧﻴﻪ ﻭﻱ ﺷﺨﺺ ﺍﺩﻣﺮﻩ ﺩﻣﺎﺭ ﻭﺗﻨﺰﻟﻪ ﻟﺴﺎﺑﻊ ﺍﺭﺽ ﻭﺗﺼﻴﺮ ﺿﺪﻩ ﻟﻤﻦ ﺍﻟﻠﻪ ﻳﻔﺮﺟﻬﺎ ﺑﻴﻮﻡ ﻭﻫﺬﺍ ﺍﻟﺸﻲ ﻣﻮ ﻏﺮﻳﺐ ﻋﻠﻴﻨﻪ ﺑﺤﻴﺎﺗﻨﻪ ﺍﻟﻴﻮﻣﻴﻪ
ﺍﺳﻔﻪ ﻉ ﺍﻻﻃﺎﻟﻪ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
ﺍﻟﺒﺎﺭﺕ 16
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﻣﻼﻙ : ﻣﻦ ﺭﺣﻨﻪ ﻟﻠﻤﻮﻝ ﺍﻧﺠﺒﺮﺕ ﺍﺷﺘﺮﻱ ﺍﺧﺬﺕ ﺩﺷﺪﺍﺷﻪ ﻭﺣﺪﻩ ﻭﺍﺧﺬﺕ ﺷﺎﻝ ﻭﻋﻄﺮ ﻭﻣﻌﻄﺮ ﻭﺷﺎﻣﺒﻮ ﻻﻥ ﻣﺎﻋﻨﺪﻱ ﺍﺻﻼ ﻭﺷﻔﺖ ﻧﻔﺴﻲ ﻣﺤﺘﺎﺟﺘﻬﻦ
ﺑﺲ ﻣﻦ ﻭﺻﻠﻨﻪ ﺍﺗﻔﺎﺟﺎﺕ ﻟﻜﻴﺖ ﻣﻦ ﺿﻤﻦ ﺍﻟﻐﺮﺍﺽ ﻋﻼﻛﻪ
ﻓﺘﺤﺘﻬﺎ ﻟﻜﻴﺖ ﻣﻼﺑﺲ ﻛﻠﺖ ﻫﺎﻱ ﺍﻝ ﻟﺠﻴﻦ ﺍﻛﻴﺪ
ﺑﺲ ﻣﻦ ﺳﺎﻟﺖ ﻋﻠﻲ ﻛﻠﻲ ﺍﻟﺞ
ﻛﻠﺖ ﻋﻴﺐ ﺍﺭﺟﻌﻬﺎ ﻃﺒﻌﺎ ﺫﻭﻗﻪ ﻳﺠﻨﻦ ﻣﺜﻞ ﺧﺎﻟﻪ
ﻭﺳﺠﺎﺩ ﺍﻧﻄﺎﻧﻲ ﻋﻼﻛﻪ ﺣﻠﻮﻳﺎﺕ ﺍﺷﻜﺎﻝ ﺑﻴﻬﺎ ﻓﺮﺣﺖ ﺑﻴﻬﺎ ﻻﻥ ﺩﺍﺋﻤﺎ ﺍﺳﺘﺤﻲ
ﺑﻘﻴﺖ ﻟﻮﻗﺖ ﻣﺘﺎﺧﺮ ﺭﺗﺒﺖ ﻛﻮﻝ ﺍﻟﻐﺮﺍﺽ
ﺳﺎﻟﺘﻪ ﺷﺤﺎﺏ ﺍﺳﻮﻳﻠﻚ ﻏﺪﻩ
ﻓﺎﺟﺄﻧﻲ ﻣﻦ ﻛﻠﻲ ﺍﻱ ﺷﻲ ﻣﻦ ﺍﻳﺪﺝ ﻃﻴﺐ
ﺣﻴﻞ ﺍﻓﺮﺣﺖ ﻭﺟﺎﻥ ﺗﺸﺠﻴﻊ ﺍﻟﻲ
ﺭﻏﻢ ﻣﺎﺟﻨﺖ ﻣﺎﺍﻃﺒﺦ ﻣﺎﺍﻋﺮﻑ ﻭﺍﺿﻮﺝ ﻣﻨﻪ
ﻫﺴﻪ ﻻ ﺣﺒﻴﺖ ﺍﻟﻄﺒﺦ ﻻﻥ ﺍﺷﻮﻑ ﻋﻠﻲ ﻳﻤﺪﺡ ﺑﻄﺒﺨﻲ
ﺑﻘﻴﺖ ﻳﻮﻣﻴﻪ ﺍﻃﺒﺦ ﺷﻲ ﺷﻜﻞ
ﺣﺴﻴﺖ ﺑﻠﺠﻴﻦ ﻫﻮﺍﻱ ﻛﺎﻋﺪ ﺗﻀﻮﺝ
ﻭﺧﺎﺻﻪ ﻣﻦ ﻳﻤﺪﺡ ﺑﻴﻪ ﻛﺪﺍﻣﻬﺎ
ﻣﺮﺍﺕ ﺍﺗﻌﻤﺪ ﺍﻛﻞ ﻭﻳﺎﻫﻢ ﻉ ﻋﻨﺎﺩ ﻟﺠﻴﻦ
ﺗﻘﺮﺭ ﺍﻟﻌﻘﺪ ﻣﺎﻟﺖ ﺍﺧﻮﻳﻪ ﺍﻭﻝ ﻳﻮﻡ ﺍﻟﻌﻄﻠﻪ ﻳﺼﺎﺩﻑ ﺟﻤﻌﻪ
ﺟﻨﺖ ﺣﻴﻞ ﺿﺎﻳﺠﻪ ﻭﺍﺷﻮﻑ ﻟﺠﻴﻦ ﻛﺪﺍﻣﻲ ﺗﺠﻬﺰ ﺑﻨﻔﺴﻬﺎ
ﻭﺗﺘﻌﻴﻘﻞ ﻓﻮﻙ ﺭﺍﺳﻲ
ﻣﺮﺍﺕ ﺍﺣﺲ ﺭﻭﺣﻲ ﺗﻄﻠﻊ ﻣﻦ ﺍﻟﺪﻧﻴﺎ
ﻭﻣﺮﺍﺕ ﺍﻛﻮﻝ ﻋﺎﺩﻱ ﻫﻢ ﺍﻫﻠﻲ ﺍﻟﺨﺴﺮﺍﻧﻴﻦ
ﺑﺎﻻﺧﻴﺮ ﺑﺲ ﻳﻌﺮﻓﻮﻥ ﺍﺑﺮﺍﺋﺘﻲ ﺭﺍﺡ ﻳﺘﻨﺪﻣﻮﻥ
ﺑﺲ ﻣﺮﺍﺡ ﺍﺳﺎﻣﺤﻬﻢ ﻛﻮﻟﻬﻢ
ﻻ ﺍﺧﻮﺍﻧﻲ ﻭﻻ ﺍﺧﻮﺍﺗﻲ ﻭﻻ ﻣﺎﻣﺎ ﻭﻻ ﺑﺎﺑﺎ
ﺍﻟﻴﻮﻡ ﺍﺟﻪ ﺍﻟﻤﻮﻋﺪ ﻣﺎﻟﺖ ﺍﻟﻌﻘﺪ
ﺑﺪﻟﻮ ﻋﻠﻲ ﻭﻟﺠﻴﻦ ﺍﺣﺲ ﺍﻟﻬﻮﻯ ﻣﻴﺪﺧﻞ ﻟﺮﺋﺘﻲ
ﺣﻴﻞ ﻣﺨﺘﻨﻜﻪ ﻭﺿﺎﻳﺠﻪ
ﺍﺑﺪ ﻣﻄﻠﻌﺖ ﻣﻦ ﺍﻟﻐﺮﻓﻪ
ﺍﻓﻜﺮ ﺍﻛﻮﻝ ﻫﺴﻪ ﺍﺧﻮﺍﺗﻲ ﻭﺍﺧﻮﺍﻧﻲ ﻭﻣﺎﻣﺎ ﻭﺑﺎﺑﺎ ﻛﻠﻬﻢ ﺟﺎﻳﻴﻦ
ﺍﻣﻨﻴﺘﻲ ﻳﻔﻜﺮﻭﻥ ﻳﺸﻮﻓﻮﻧﻲ
ﺷﻠﻮﻥ ﺍﻧﻄﺎﻫﻢ ﻛﻠﺒﻬﻢ ﻭﻫﻴﺞ ﻳﺴﻮﻭﻥ ﺑﻴﻪ
ﺑﺠﻴﺖ ﻟﻤﻦ ﻣﻠﻴﺖ
ﺣﺘﻰ ﺍﻛﻞ ﻣﺎﺍﻛﻠﺖ ﻻﻥ ﻣﺎﺍﺷﺘﻬﻲ
ﺑﻘﻴﺖ ﺑﻔﺮﺍﺷﻲ ﻣﺘﻤﺪﺩﻩ
ﺑﺲ ﺍﻓﻜﺮ ﻫﺴﻪ ﻋﻘﺪﻭﺍ ..... ﻟﺒﺴﻬﺎ ﺍﻟﺬﻫﺐ ..... ﺍﻣﻲ ﻓﺮﺣﺎﻧﻪ
ﻟﻮ ﺍﺧﻮﺍﺗﻲ .... ﺯﻳﻦ ﻣﻨﻮ ﺗﺮﻛﺺ
ﻣﻨﻮ ﻓﺮﺣﺎﻧﻪ ..... ﻫﻢ ﺍﺣﺪ ﻣﻨﻬﻢ ﻳﻔﻜﺮ ﺑﻴﻪ
ﺍﻛﻴﺪ ﺍﻟﻜﻮﻝ ﻧﺴﺎﻧﻲ
ﺟﺎﻥ ﺍﺻﻌﺐ ﻳﻮﻡ ﻳﻤﺮ ﻋﻠﻴﻪ
ﻓﻜﺮﺕ ﻻﺯﻡ ﺍﻧﺘﺤﺮ ﻭﺍﺧﻠﺺ ﻣﻦ ﺍﻟﺪﻧﻴﺎ
ﻭﺍﺭﻳﺢ ﺍﻫﻠﻲ ﻛﻮﻟﻬﻢ
ﻓﻜﺮﺕ ﻛﻠﺖ ﺧﻞ ﺍﺑﻠﻊ ﺣﺒﻮﺏ ﻭﺍﺧﻠﺺ
ﺑﻌﺪﻳﻦ ﻛﻠﺖ ﻣﺮﺍﺡ ﺍﺳﻮﻱ ﺷﻲ
ﺍﺍﺫﻱ ﻧﻔﺴﻲ ﺍﺭﻭﺡ ﻟﺠﻬﻨﻢ ﻭﻫﻢ ﺑﺮﺍﺋﺘﻲ ﻣﺘﻄﻠﻊ
ﻋﻴﻨﻲ ﻉ ﺍﻟﺴﺎﻋﻪ
ﺍﺣﺴﺐ ﻟﺤﻀﻪ ﻟﺤﻀﻪ ﺷﻮﻛﺖ ﻳﺮﺟﻌﻮﻥ ﻋﻠﻲ ﻭﻟﺠﻴﻦ
ﺣﺘﻰ ﺍﺳﺎﻝ ﻋﻠﻲ ﻋﻦ ﺍﻫﻠﻲ
ﻛﻠﻤﺎ ﺍﺗﺬﻛﺮ ﺍﻛﻮﻝ ﻻﺯﻡ ﺍﻧﺴﺎﻫﻢ ﻣﺜﻞ ﻣﻨﺴﻮﻧﻲ
ﻣﻴﻨﻄﻴﻨﻲ ﻛﻠﺒﻲ ﺍﻓﻜﺮ ﺑﻴﻬﻢ ﻏﺼﺒﺎ ﻋﻠﻴﻪ
ﺳﻤﻌﺖ ﺍﻟﺒﺎﺏ ﻳﻨﻔﺘﺢ ﻓﺮﺣﺖ
ﻛﻠﺖ ﻣﺎﺍﻃﻠﻊ ﺑﺎﻟﻠﺤﻀﻪ ﺧﺎﻑ ﻟﺠﻴﻦ ﺗﺸﻤﺖ ﺑﻴﻪ ﻭﺗﻔﺮﺡ ﻣﻦ ﺗﺸﻮﻓﻨﻲ ﺑﻬﺎﻱ ﺍﻟﺤﺎﻟﻪ
ﻛﻠﺖ ﺧﻞ ﺍﺑﻘﻰ ﺑﺎﻟﻐﺮﻓﻪ ﻭﺍﺳﻮﻱ ﻧﻔﺴﻲ ﻣﻤﻬﺘﻤﻪ
ﺑﺲ ﺍﺗﻔﺎﺟﺄﺕ ﺑﺎﻟﺒﺎﺏ ﺗﻨﺪﻓﺮ ﺣﻴﻞ
ﻭﻋﻠﻲ ﻳﺼﻴﺢ ﺍﻓﺘﺤﻲ ﺍﻟﺒﺎﺏ
ﺧﻔﺖ ﺧﺎﻑ ﺻﺎﻳﺮ ﺷﻲ
ﻓﺘﺤﺘﻪ ﻟﻠﺒﺎﺏ ﻭﺟﺎﻥ ﺍﺗﻔﺎﺟﺄ ﺑﻌﻠﻲ ﻋﻴﻮﻧﻲ ﺣﻤﺮ ﻣﻦ ﺍﻟﻌﺼﺒﻴﻪ
ﺩﺧﻞ ﻛﺒﻞ ﻭﻛﺎﻡ ﻳﺼﻴﺢ ﻭﺿﺮﺑﻨﻲ ﺭﺍﺟﺪﻱ
ﻣﻼﻙ ﺍﻧﺼﺤﺞ ﻧﺼﻴﺤﻪ ﺍﻟﺠﻬﺎﺯ ﺍﻟﻀﺎﻣﺘﻪ ﻃﻠﻌﻲ
ﻳﺎﺟﻬﺎﺯ ﺷﺒﻴﻚ ﻋﻠﻲ ﺷﺪﺗﺤﺠﻲ
ﻟﺘﻐﺸﻤﻴﻦ ﻧﻔﺴﺞ ﻟﺘﻜﻔﺮﻳﻨﻲ ﻃﻠﻌﻲ ﺍﻟﺠﻬﺎﺯ ﺑﺴﺮﻋﻪ
ﻭﺍﻟﻠﻪ ﻣﺎﻋﻨﺪﻱ ﺍﻱ ﺟﻬﺎﺯ
ﺿﺮﺑﻨﻲ ﻣﺮﻩ ﻟﺦ
ﻟﺘﺠﺬﻳﻦ
ﺑﺪﻩ ﻳﺪﻭﺭ ﺑﺎﻟﻐﺮﻓﻪ ﻣﺜﻞ ﺍﻟﻤﺨﺒﻞ
ﻟﻌﺐ ﺟﻮﻟﻪ ﺑﺎﻟﻐﺮﻓﻪ
ﺣﺘﻰ ﺟﻮﻩ ﺍﻟﺠﺮﺑﺎﻳﻪ ﻭﺟﻮﻩ ﺍﻟﺪﻭﺷﻚ
ﻣﻼﻙ ﻟﺘﺨﺘﺒﺮﻳﻦ ﺻﺒﺮﻱ ﻭﺍﻟﻠﻪ ﺍﺧﻠﻴﺞ ﺗﺘﻨﺪﻣﻴﻦ
ﻓﻬﻤﻨﻲ ﺷﺼﺎﻳﺮ
ﻟﺞ ﻛﻠﺒﻪ ﺣﻘﻴﺮﻩ ﻟﻬﺴﻪ ﻉ ﺍﺗﺼﺎﻝ ﺍﻧﺖ ﻭﺍﻟﻨﺬﻝ ﺍﺑﻦ ﺧﺎﻟﺘﺞ
ﻭﺍﻟﻘﺮﺍﻥ ﻫﺎﻟﻤﺮﻩ ﺍﻛﺘﻠﺞ ﺑﻴﺪﻱ ﻭﻣﺎﺍﺭﺣﻤﺞ
ﻫﺎﻱ ﺷﺪﺗﺤﻲ ﺍﻧﺖ ﻣﻦ ﻛﻮﻝ ﻋﻘﻠﻚ ﺍﺗﺼﻞ ﺑﻲ
ﺷﻨﻮ ﺍﺗﺨﺒﻠﺖ
ﻟﺞ ﻟﺘﺨﺒﻠﻴﻦ ﻣﻼﻙ
ﺑﺲ ﻛﻮﻟﻲ ﻭﻳﻦ ﺍﻟﺠﻬﺎﺯ
ﻭﺍﻟﻘﺮﺍﻥ ﻣﺎﻋﻨﺪﻱ ﺍﻱ ﺟﻬﺎﺯ
ﻟﺞ ﺍﻧﻄﺎﻧﻲ ﺗﻔﺎﺻﻴﻠﺞ ﺑﺎﻟﻈﺒﻂ
ﻭﺍﻟﻠﻪ ﺍﻱ ﺍﺗﺼﺎﻝ ﻣﺎﻋﻨﺪﻱ ﻭﻱ ﺑﺸﺮ
ﺗﻌﺎﻟﻲ ﺧﻞ ﺍﻓﺘﺸﺞ ﺧﺎﻑ ﺿﺎﻣﺘﻪ ﺍﻟﺠﻬﺎﺯ
ﻟﻬﻨﺎ ﻭﻛﺎﻓﻲ ﻋﻠﻲ
ﻋﻴﺐ ﻋﻠﻴﻚ ﻫﻴﺞ ﺗﺴﻮﻱ
ﻭﺍﻧﺖ ﻣﻮ ﻋﻴﺐ ﻋﻠﻴﺞ ﻣﻦ ﺗﺘﺼﻠﻴﻦ ﺑﻲ ﻭﺍﺩﺯﻳﻦ ﺍﻟﻪ ﺭﺳﺎﺋﻞ ﻏﺮﺍﻣﻴﻪ
ﻫﺎﻱ ﻳﺎﺭﺳﺎﺋﻞ ﻭﺍﻟﻠﻪ ﺍﻟﻌﻈﻴﻢ ﻣﺎﻋﻨﺪﻱ ﺍﻱ ﺟﻬﺎﺯ
ﻟﺘﺤﻠﻔﻴﻦ ﻣﻼﻙ ﻭﺍﻟﻘﺮﺍﻥ ﺍﺧﻠﻴﺞ ﺗﺘﻨﺪﻣﻴﻦ ﻉ ﺍﻟﺴﺎﻋﻪ ﺍﻟﻲ ﻧﻮﻟﺪﺗﻲ ﺑﻴﻬﺎ
ﺍﺗﻘﺮﺏ ﻋﻠﻴﻪ ﻳﺮﻳﺪ ﻳﻔﺘﺸﻨﻲ
ﻋﻠﻲ ﺭﺟﺎﺀﺍ ﻟﺘﺘﻬﻮﺭ ﻭﻟﺘﻬﻴﻨﻲ ﺑﻬﺎﻱ ﺍﻟﻄﺮﻳﻘﻪ
ﻻ ﺑﺎﻟﻌﻜﺲ ﻣﺎﺍﻫﻴﻨﺞ ﺑﺲ ﺍﺭﻳﺪ ﺍﺣﺎﻓﻆ ﻉ ﻛﺮﺍﻣﺘﻲ ﺍﻟﺒﺎﻗﻴﻪ
ﻣﺨﻠﻴﺘﻨﻲ ﻃﺮﻃﻮﺭ ﺗﺘﺼﻠﻴﻦ ﻭﺗﺘﺮﺍﺳﻠﻴﻦ ﺑﺤﺒﻴﺒﺞ ﻣﻦ ﻭﺭﻩ ﻇﻬﺮﻱ
ﻋﻠﻲ ﺍﻟﺒﻴﻪ ﻣﻜﻔﻴﻨﻲ ﺭﺣﻤﻪ ﻟﻮﺍﻟﺪﻳﻚ ﻋﻮﻓﻨﻲ ﺑﺤﺎﻝ ﺳﺒﻴﻠﻲ
ﻭﺍﻟﻠﻪ ﺍﻟﻴﻮﻡ ﺍﻓﺘﺸﺞ ﻭﺍﻛﻠﺐ ﺍﻟﺪﻧﻴﺎ ﻋﻠﻴﺞ ﻟﻤﻦ ﺍﻋﺮﻑ ﺍﻟﺠﻬﺎﺯ ﻭﻳﻦ ﺿﺎﻣﺘﻪ
ﺷﻨﻮ ﺍﻧﺖ ﻳﻬﻮﺩﻱ ﻭﻣﺘﺼﺪﻛﻨﻲ
ﻭﺣﻖ ﻛﻮﻝ ﻧﺒﻲ ﻣﺮﺳﻞ ﻭﺣﻖ ﺍﻻﻣﺎﻡ ﺍﻟﺤﺴﻴﻦ ﺍﻱ ﺟﻬﺎﺯ ﻣﺎﻋﻨﺪﻱ
ﻭﻻ ﻣﺮﺍﺳﻠﺘﻠﻲ ﺷﺨﺺ
ﻣﻴﻬﻤﻨﻲ ﻫﺬﺍ ﺍﻟﺤﺠﻲ ﺗﻌﺎﻭﻧﻲ ﻭﻳﺎﻳﻪ ﺍﺣﺴﻦ
ﺧﻞ ﺗﻔﺘﺸﻨﻲ ﻟﺠﻴﻦ ﻣﻮ ﺍﻧﺖ
ﻻ ﺍﻟﻪ ﺍﻧﻲ ﺑﻨﻔﺴﻲ
ﺣﻴﻞ ﺿﺠﺖ ﻭﺍﺣﺘﻘﺮﺗﻪ ﺑﻨﻔﺲ ﺍﻟﻮﻗﺖ
ﺑﺪﻩ ﻳﻔﺘﺸﻨﻲ ﺟﺴﻤﻲ ﻛﻮﻟﻪ ﺗﻘﺸﻌﺮ
ﺣﺴﻴﺖ ﺑﺬﻝ ﻣﻮ ﻃﺒﻴﻌﻲ
ﺩﻣﻮﻋﻲ ﻛﺎﻣﺖ ﺗﺠﺮﻱ
ﻳﻤﺸﻲ ﺍﺩﻱ ﺑﺠﺴﻤﻲ ﻛﻮﻟﻪ
ﻳﺎﺑﻪ ﻭﻏﻼﺕ ﺍﻣﻲ ﻭﺍﺑﻮﻳﻪ ﺍﺫﺍ ﻟﻜﻔﺖ ﺍﻟﺠﻬﺎﺯ ﻋﻨﺪﺝ ﻧﻬﺎﻳﺘﺞ ﻉ ﺍﻳﺪﻱ
ﺷﻤﺮﻧﻲ ﺣﻴﻞ ﻉ ﺍﻟﺤﺎﻳﻂ
ﺗﺮﻛﻨﻲ ﻭﻃﻠﻊ
ﻛﺮﻫﺖ ﻧﻔﺴﻲ ﻭﻛﺮﻫﺖ ﻋﻠﻲ ﻭﻛﺮﻫﺖ ﺯﻳﺪ
ﻣﺎﺍﻋﺮﻑ ﺷﻴﺪﺯﻟﻪ ﺯﻳﺪ ﻭﻫﻴﺞ ﻳﺘﺼﺮﻑ ﻭﻳﺎﻳﻪ
ﺑﺲ ﺍﻟﻤﻔﺮﻭﺽ ﻣﻨﻪ ﻳﺜﻖ ﺑﻴﻪ ﻭﻳﺼﺪﻛﻨﻲ
ﺍﻟﻴﻮﻡ ﺟﺎﻥ ﺍﺳﻮﺀ ﻳﻮﻡ ﺑﺤﻴﺎﺗﻲ
ﺳﻤﻌﺖ ﺍﻟﺒﺎﺏ ﺍﻟﺨﺎﺭﺟﻴﻪ ﺍﻧﻄﺒﻜﺖ
ﻃﻠﻌﺖ ﺩﺧﻠﺖ ﻟﻠﺤﻤﺎﻡ ﺍﺑﺠﻲ ﻭﺍﺳﺒﺢ ﺍﺣﺲ ﺑﻨﻔﺴﻲ ﺍﺭﻳﺪ ﺍﻧﻔﺠﺮ
ﻭﺍﻟﻠﻪ ﻟﻮ ﻣﺎﺍﺧﺎﻑ ﻣﻦ ﺭﺑﻲ ﺟﺎﻥ ﺍﻧﺘﺤﺮﺕ ﻭﻻ ﻫﺎﻟﺬﻝ
ﺍﻟﻠﻪ ﻟﻴﻮﻓﻘﻚ ﺯﻳﺪ
ﻫﺴﻪ ﻣﻮ ﺗﺰﻭﺟﺖ ﺷﺘﺮﻳﺪ ﻣﻨﻲ ﺑﻌﺪ
ﺣﻴﺎﺗﻲ ﻭﺩﻣﺮﺗﻬﺎ ﻭﻣﺴﺘﻘﺒﻠﻲ ﻫﻤﻴﻦ
ﺑﻘﻴﺖ ﻳﻤﻜﻦ ﺳﺎﻋﻪ ﺍﻭ ﺍﻛﺜﺮ
ﺑﻌﺪﻳﻦ ﻫﺪﺋﺖ ﺷﻮﻳﻪ ﻃﻠﻌﺖ
ﺟﻨﺖ ﺣﻴﻞ ﺟﻮﻋﺎﻧﻪ ﺑﺲ ﻣﺎﺍﻟﻲ ﺧﻠﻮﻙ ﺍﻛﻞ
ﺭﺟﻌﺖ ﻟﻠﻐﺮﻓﻪ ﻧﺸﻔﺖ ﺷﻌﺮﻱ
ﺑﻌﺪﻫﺎ ﺭﺣﺖ ﺍﺗﻮﺿﻴﺖ ﻭﻗﻔﻠﺖ ﺑﺎﺏ ﺍﻟﻐﺮﻓﻪ ﻋﻠﻴﻪ
ﻗﺮﻳﺖ ﻗﺮﺍﻥ ﻭﺻﻠﻴﺖ ﻭﺩﻋﻴﺖ ﺭﺑﻲ ﻳﻔﺮﺟﻬﺎ ﻋﻠﻴﻪ
ﺍﺗﻤﻨﻰ ﺗﻨﻜﺸﻒ ﺣﻘﻴﻘﺔ ﺯﻳﺪ ﻭﺳﺠﻰ
ﺻﺎﺭ ﺍﻟﻠﻴﻞ ﻃﻔﻴﺖ ﺣﺘﻰ ﺍﻟﻀﻮﻩ ﺍﻟﻲ ﺑﺎﻟﻐﺮﻓﻪ
ﺟﻨﺖ ﺣﻴﻞ ﻣﻜﺘﺄﺑﻪ ﻭﺭﻭﺣﻲ ﻃﺎﻟﻌﻪ ﻣﻦ ﺍﻟﺪﻧﻴﺎ
ﺑﻌﺪﻫﺎ ﺣﺴﻴﺖ ﺑﺎﻟﺒﺎﺏ ﺍﻧﻔﺘﺤﺖ ﻭﺍﺟﻮﻱ ﺳﻤﻌﺖ ﺻﻮﺕ ﻟﺠﻴﻦ ﺑﺲ ﺗﻀﺤﻚ ﻭﺗﺴﻮﻟﻒ ﺑﺼﻮﺕ ﻋﺎﻟﻲ
ﺍﺩﺭﻱ ﺑﻴﻬﺎ ﺗﺮﻳﺪ ﺗﻐﺜﻨﻲ
ﻣﺎﺗﺪﺭﻱ ﺑﻴﻪ ﺍﻧﻲ ﺭﻭﺣﻲ ﻃﺎﻟﻌﻪ ﻭﻣﻐﺜﻮﺛﻪ ﻭﻣﻤﺤﺘﺎﺟﻪ ﺑﻌﺪ ﻣﻐﺜﻪ
ﺣﺘﻰ ﺍﻟﺴﺎﻋﻪ ﻣﺎﺍﻋﺮﻑ ﺑﻴﺶ ﺑﺲ ﻣﻦ ﺍﻟﺠﻮﻉ ﻣﺎﺍﻛﺪﺭ ﺍﻧﺎﻡ
ﺣﺘﻰ ﺣﻠﻮﻳﺎﺕ ﻣﺎﻋﻨﺪﻱ ﺧﻠﺼﻦ
ﻓﺘﺤﺖ ﺍﻟﺜﻼﺟﻪ ﻟﻜﻴﺖ ﺑﺲ ﻓﻮﺍﻛﻪ
ﺍﺧﺬﺕ ﺗﻔﺎﺣﻪ ﻭﺍﻛﻠﺘﻬﺎ
ﻓﺘﺮﻩ ﻭﺍﻧﺪﻙ ﺍﻟﺒﺎﺏ ﻋﻠﻴﻪ
ﺍﻛﻴﺪ ﻋﻠﻲ ﻣﻔﺘﺤﺘﻪ ﻭﻻ ﺍﻟﻲ ﺧﻠﻮﻙ ﺍﺣﺠﻲ ﻭﻳﺎ
ﺑﻘﻪ ﻳﺪﻭﻙ ﺑﺎﻟﺒﺎﺏ
ﺣﺠﻪ ﺍﻓﺘﺤﻲ ﺍﻟﺒﺎﺏ ﺍﺩﺭﻱ ﺑﻴﺞ ﻛﺎﻋﺪﻩ
ﻟﺘﺨﻠﻴﻨﻲ ﺍﻛﺴﺮﻩ ﻟﻠﺒﺎﺏ
ﺭﺣﺖ ﺫﺑﻴﺖ ﻣﻲ ﻉ ﻭﺟﻬﻲ
ﻛﻤﺖ ﻓﺘﺤﺘﻪ ﺍﻟﺒﺎﺏ ﺑﺲ ﻋﻴﻮﻧﻲ ﻣﻮﺭﻣﺎﺕ ﻣﻦ ﺍﻟﺒﺠﻲ
ﺩﺧﻞ ..... ﻓﺘﺢ ﺍﻟﻀﻮﻩ
ﺷﻌﻨﺪﺝ ﻗﺎﻓﻠﻪ ﺍﻟﺒﺎﺏ
ﺣﺎﺑﻪ ﺗﺎﺧﺬﻳﻦ ﺭﺍﺣﺘﺞ ﻭﺗﺘﺮﺍﺳﻠﻴﻦ ﻉ ﺭﺍﺣﺘﺞ
ﺭﺟﺎﺀﺁ ﻋﻠﻲ ﻟﺘﺤﺠﻲ ﻫﻴﺞ
ﻳﻌﻨﻲ ﻭﻳﻦ ﻗﺎﺑﻞ ﺿﺎﻣﺘﻪ ﺍﻟﺠﻬﺎﺯ
ﺍﺷﻮ ﺍﻟﻐﺮﻓﻪ ﻓﺘﺸﺘﻬﺎ ﻭﺍﻧﻲ ﻫﻤﻴﻦ
ﺭﻭﺡ ﺻﻴﺢ ﻟﺠﻴﻦ ﺧﻞ ﺗﻔﺘﺸﻨﻲ ﺯﻳﻦ
ﺍﺳﻜﺘﻲ ﻻ ﺍﻛﺼﻪ ﻟﺴﺎﻧﺞ
ﺳﻜﺘﺖ ﺑﻌﺪ ﻣﺤﺠﻴﺖ ﺷﻲ
ﺭﻭﺣﻲ ﺍﺗﻌﺸﻲ
ﻋﻔﺘﻪ ﻳﺤﺠﻲ ﺑﻮﺣﺪﻩ ﺭﺣﺖ ﻟﻔﺮﺍﺷﻲ ﻭﺍﻧﻄﺮﺣﺖ
ﻭﻏﻄﻴﺖ ﺣﺘﻰ ﻭﺟﻬﻲ
ﻫﻮ ﺍﺗﺨﺒﻞ
ﺟﺮ ﺍﻟﺒﻄﺎﻧﻴﻪ ﺣﻴﻞ
ﺍﻧﻲ ﻣﻮ ﺍﺣﺠﻲ ﻭﻳﺎﺝ
ﻣﻤﻌﻘﻮﻟﻪ ﺗﺮﻳﺪ ﺗﺠﺒﺮﻧﻲ ﻉ ﺷﻲ
ﻣﺎﺍﺷﺘﻬﻲ ﻭﻻ ﺍﺭﻳﺪ ﺍﻛﻮﻝ
ﻻﻏﺼﺒﺎ ﻣﺎﻋﻠﻴﺞ ﺗﻜﻮﻣﻴﻦ ﺗﺎﻛﻠﻴﻦ
ﻭﺑﺎﺏ ﺍﻟﻐﺮﻓﻪ ﺍﺫﺍ ﻗﻔﻠﺘﻲ ﻋﻠﻴﺞ ﺍﻛﻔﺮ ﺑﻴﺞ
ﻣﻤﻨﻮﻉ ﺗﻘﻔﻠﻴﻨﻪ ﻭﻻ ﻟﺤﻀﻪ
ﺍﻭﻙ .... ﺍﻛﻮ ﺍﻭﺍﻣﺮ ﺛﺎﻧﻴﻪ
ﺍﻃﻠﻌﻲ ﻛﺪﺍﻣﻲ ﺍﺗﻌﺸﻲ
ﺍﻋﺘﻘﺪ ﺍﻟﺤﺠﻲ ﻣﺎﻟﺘﻲ ﻭﺍﺿﺢ ﻣﺎﺍﺣﺐ ﺍﻋﻴﺪﻩ ﻣﺮﻩ ﻟﺦ ﻣﺎﺍﺷﺘﻬﻲ
ﻭﺍﻧﻲ ﻫﻢ ﺣﺠﻲ ﻭﺍﺿﺢ ﻭﻣﺎﺍﺣﺐ ﺗﻌﺎﻧﺪﻳﻨﻲ
ﺭﻭﺣﻲ ﺍﺗﻌﺸﻲ ﻭﺑﻼ ﻟﻐﻮﻩ ﺯﺍﻳﺪﻩ
ﻟﺨﺎﻃﺮ ﺍﻟﻠﻪ ﻭﻣﺤﻤﺪ ﻋﻮﻓﻨﻲ ﺑﺤﺎﻟﻲ ﺍﻟﺒﻴﻪ ﻣﻜﻔﻴﻨﻲ
ﻭﺍﻧﻲ ﻣﻦ ﺍﺟﻮﻉ ﻋﻮﺩ ﺍﻃﻠﻊ ﻭﺍﺍﻛﻮﻝ ﻣﻤﺎﻧﻌﻨﻲ ﺍﺣﺪ
ﻋﺎﻓﻨﻲ ﻭﻃﻠﻊ
ﺭﺟﻌﺖ ﻟﻔﺮﺍﺷﻲ ﺑﺲ ﺍﺑﺠﻲ
ﺑﻌﺪﻫﺎ ﻧﻤﺖ
ﺍﻟﺼﺒﺢ ﻛﻌﺪﺕ ﻟﻜﻴﺘﻬﻢ ﺑﻌﺪﻫﻢ ﻧﺎﻳﻤﻴﻦ ﻻﻥ ﺻﺎﺩﻑ ﺳﺒﺖ
ﺟﻨﺖ ﺣﻴﻞ ﺟﻮﻋﺎﻧﻪ
ﺣﻤﻴﺘﻠﻲ ﺧﺒﺰﻩ ﻭﺍﻛﻠﺖ ﻗﺸﻄﻪ ﺑﺲ ﺍﺣﺲ ﺍﻟﻠﻜﻤﻪ ﻛﻮﻩ ﺗﻨﺒﻠﻊ
ﻣﻜﺪﺭﺕ ﺍﻛﻞ ﻫﻮﺍﻱ ﻟﻜﻤﺘﻴﻦ ﻭﻛﻤﺖ
ﺑﻠﺸﺖ ﺑﺎﻟﻐﺪﻩ
ﺳﻮﻳﺖ ﻣﺮﻙ ﺑﺎﻣﻴﺎ ﻣﺠﻤﺪﻩ ﻣﻦ ﺧﺎﻟﻪ
ﻭﺟﻬﺰﺕ ﺍﻟﺘﻤﻦ
ﻛﻌﺪ ﻋﻠﻲ
ﻛﺎﻝ ﺻﺒﺎﺡ ﺍﻟﺨﻴﺮ
ﺍﺗﺠﺎﻫﻠﺘﻪ ﻭﻻ ﻛﺎﻧﻮ ﺍﺳﻤﻌﻪ ﺣﻴﻞ ﺿﺎﻳﺠﻪ ﻣﻨﻪ
ﻃﻠﻊ ﺟﺒﻦ ﻭﻗﺸﻄﻪ ﻣﻦ ﺍﻟﺜﻼﺟﻪ
ﺭﺣﺖ ﺣﻤﻴﺖ ﺍﻟﻪ ﺧﺒﺰﻩ ﻭﺣﻤﻴﺖ ﺍﻟﺠﺎﻱ
ﺣﻄﻴﺘﻬﻦ ﻛﺒﺎﻟﻪ ﻣﺤﺠﻪ ﺷﻲ
ﻃﻔﻴﺖ ﺍﻟﻤﺮﻛﻪ ﻭﻧﺼﻴﺖ ﺍﻟﺘﻤﻦ ﻭﺭﺣﺖ ﻟﻐﺮﻓﺘﻲ
ﻣﺎﻋﻨﺪﻱ ﺣﻞ ﻏﻴﺮ ﺍﻟﻨﻮﻡ ﻭﺍﻛﺜﺮ ﺍﻟﻤﺮﺍﺕ ﻣﺎﺍﻧﺎﻡ ﺑﺲ ﺍﺗﻜﻠﺐ ﺑﺎﻟﻔﺮﺍﺵ
ﻋﻔﺖ ﺍﻟﺒﺎﺏ ﻣﻔﺘﻮﺡ ﺍﺩﺭﻱ ﻳﺸﻚ ﺑﻴﻪ
ﻭﺭﻩ ﺷﻮﻳﻪ ﺣﺴﻴﺖ ﺑﺎﻟﺒﺎﺏ ﺍﻧﻔﺘﺢ
ﻋﻠﻲ : ﻣﻦ ﺟﻨﺖ ﻳﻢ ﺍﻫﻠﻲ ﻭﺍﺟﺘﻨﻲ ﺍﻟﺮﺳﺎﺋﻞ ﻭﻓﺘﺤﺘﻬﻦ
ﺍﺗﺨﺒﻠﺖ ﺍﻟﻪ ﺷﻮﻳﻪ
ﻣﻦ ﺯﻳﺪ ﻛﺎﺗﺒﻠﻲ ﻟﻮﻳﺶ ﻋﺎﻳﻔﻴﻦ ﺣﺒﻴﺒﺘﻲ ﺑﻮﺣﺪﻫﺎ ﺑﺎﻟﺒﻴﺖ
ﻣﺘﺨﺎﻑ ﻋﻠﻴﻬﺎ
ﺍﺫﺍ ﺍﻧﺖ ﻣﺘﺨﺎﻑ ﻋﻠﻴﻬﺎ ﺍﻧﻲ ﻻ ﺍﺧﺎﻑ ﻋﻠﻴﻬﺎ
ﻭﺧﻞ ﻳﻜﻮﻥ ﺑﻌﻠﻤﻚ ﺍﻟﻚ ﻣﻬﻠﻪ ﻣﻨﺎ ﻟﻤﻦ ﻳﻘﺒﻂ ﻉ ﺍﻟﻌﻘﺪ ﻣﺎﻟﺘﻜﻢ ﺳﻨﻪ
ﺍﻟﻄﻠﻜﺘﻬﺎ ﺑﺎﻟﺘﻲ ﺍﺣﺴﻦ ﺯﻳﻦ ﻉ ﺯﻳﻦ
ﻭﺍﻟﻤﻄﻠﻜﺘﻬﺎ ﺍﺧﻮﺫﻫﺎ ﻣﻦ ﻛﺪﺍﻡ ﻋﻴﻮﻧﻚ ﻭﻧﺴﺎﻓﺮ
ﺍﺣﻨﻪ ﻣﺘﻔﻘﻴﻦ ﻉ ﻛﻮﻟﺸﻲ ﺍﻧﻲ ﻭﺣﺒﻴﺒﺘﻲ
ﻭﺧﻞ ﻳﻜﻮﻥ ﺍﺑﺎﻟﻚ ﺍﺣﺒﻬﺎ ﻭﺍﻣﻮﺕ ﻋﻠﻴﻬﺎ
ﻭﻫﻲ ﺗﺤﺒﻨﻲ ﻭﺗﻤﻮﺕ ﻋﻠﻴﻪ
ﻭﻛﻠﺘﻠﻲ ﻣﻨﺘﻈﺮﻩ ﺍﺑﻦ ﻋﻤﻮ ﻳﻄﻠﻜﻨﻲ ﺣﺘﻰ ﻧﺘﺰﻭﺝ ﺍﻧﻲ ﻭﻳﺎﻙ
ﻭﻟﺘﺼﺪﻛﻮﻥ ﺗﻜﺪﺭﻭﻥ ﺗﻔﺮﻗﻮﻧﻪ
ﻫﺎ ﻭﺧﻞ ﻳﻜﻮﻥ ﺑﻌﻠﻤﻚ ﺩﻳﺮ ﺑﺎﻟﻚ ﺍﺗﺎﺫﻳﻬﺎ
ﻻﻥ ﻭﺍﻟﻠﻪ ﺍﺧﻠﻴﻚ ﺗﺘﻨﺪﻡ ﻉ ﺍﻟﺴﺎﻋﻪ ﺍﻟﻲ ﻧﻮﻟﺪﺕ ﺑﻴﻬﺎ
ﻋﻘﻠﻲ ﻃﺎﺭ ﻳﻌﻨﻲ ﻉ ﺍﺗﺼﺎﻝ ﺍﺑﻴﻨﻬﻢ
ﻭﺗﺒﻴﻊ ﺛﻜﻞ ﺑﺮﺍﺳﻲ
ﺍﻛﻴﺪ ﺟﻬﺎﺯ ﻟﺠﻴﻦ ﻋﺪﻫﺎ
ﺍﻧﻲ ﻛﺎﻋﺪ ﻭﺑﺎﻟﻲ ﻳﻤﻬﺎ ﻭﺍﻛﻮﻝ ﺧﻄﻴﻪ
ﻭﻃﻠﻌﺖ ﻣﻜﻴﻔﻪ ﺑﻄﻠﻌﺘﻨﻪ ﺗﺎﺧﺬ ﺭﺍﺣﺘﻬﺎ
ﻋﻔﺖ ﻛﻠﺸﻲ ﻭﺭﺟﻌﺖ ﻟﻠﺒﻴﺖ
ﺍﻋﺘﺬﺭﺕ ﻣﻨﻬﻢ ﻛﺘﻠﻬﻢ ﺧﺎﺑﺮﻧﻲ ﻭﻟﺪ ﺻﺪﻳﻘﻲ ﺑﺎﻟﻤﺴﺘﺸﻔﻰ ﺣﻴﻞ ﻣﺘﺨﺮﺑﻂ
ﺭﺟﻌﺖ ﻟﻠﺒﻴﺖ ﻭﻟﻜﻴﺘﻬﺎ ﺑﺎﻟﻐﺮﻓﻪ
ﻭﻻ ﻛﺎﻧﻮ ﺷﻲ ﺻﺎﻳﺮ
ﺿﺮﺑﺘﻬﺎ ﻭﺟﻨﺖ ﻣﻮ ﺑﻮﻋﻴﻲ ﺍﺗﺼﺮﻑ
ﻛﻠﺒﺖ ﺍﻟﻐﺮﻓﻪ ﻛﻼﺏ ﻣﺎﺍﻟﻪ ﺍﺛﺮ ﺍﻟﺠﻬﺎﺯ
ﺑﻌﺪﻫﺎ ﻛﻠﺖ ﺍﻛﻴﺪ ﺗﻀﻤﻪ ﺑﺼﺪﺭﻫﺎ ﺭﺩﺕ ﺍﻓﺘﺸﻬﺎ ﻭﺭﻓﻀﺖ
ﻣﻦ ﺭﻓﻀﺖ ﺍﺗﺨﺒﻠﺖ ﻛﻠﺖ ﺍﻛﻴﺪ ﺿﺎﻣﺘﻪ
ﺻﻤﻤﺖ ﺍﻟﻪ ﺍﻓﺘﺸﻬﺎ ﻃﻠﺒﺖ ﻣﻨﻲ ﻣﻦ ﺗﺠﻲ ﻟﺠﻴﻦ ﺗﻔﺘﺸﻬﺎ ﺍﻧﻲ ﺭﻓﻀﺖ
ﻣﻨﺎ ﻟﻤﻦ ﺗﺠﻲ ﻟﺠﻴﻦ ﺍﻛﻴﺪ ﺗﻀﻤﻪ ﺑﻐﻴﺮ ﻣﻜﺎﻥ
ﺍﺗﻘﺮﺑﺖ ﻋﻠﻴﻬﺎ
ﺑﺪﻳﺖ ﺍﻓﺘﺶ ﺑﻴﻬﺎ ﺑﺲ ﺩﻣﻮﻋﻬﺎ ﺗﻨﺰﻝ ﻉ ﺧﺪﻫﺎ
ﻣﺪﺭﻱ ﺷﺼﺎﺭ ﺑﻴﻪ
ﺑﺲ ﻻﺯﻡ ﻣﺎﺍﺿﻌﻒ ﻛﺪﺍﻣﻬﺎ
ﻣﻴﺼﻴﺮ ﺑﺬﻣﺘﻲ ﻭﺗﺘﺼﻞ ﺑﺤﺒﻴﺒﻬﺎ
ﺗﻌﺘﺒﺮ ﺍﻛﺒﺮ ﺧﻴﺎﻧﻪ
ﺑﺲ ﺍﻟﻌﺠﻴﺐ ﺑﺎﻻﻣﺮ ﻣﺎﺍﻟﻪ ﺍﺛﺮ ﺍﻟﺠﻬﺎﺯ ﺍﺑﺪ
ﺩﺧﺖ ﻋﻔﺘﻬﺎ ﻭﺭﺟﻌﺖ ﻻﻫﻠﻲ
ﻭﺭﻩ ﻓﺘﺮﻩ ﺧﻠﺼﺖ ﺍﻟﺤﻔﻠﻪ ﻭﺍﻟﻴﻮﻡ ﻋﻄﻠﻨﺎﻫﻢ ﺭﺍﺡ ﻳﺒﺎﺗﻮﻥ ﻳﻤﻨﻪ ﺑﻴﺖ ﻋﻤﻲ
ﻋﺠﻴﺐ ﺍﻣﺮﻫﻢ ﺑﻴﺖ ﻋﻤﻲ
ﻣﺤﺪ ﺳﺎﻟﻨﻪ ﻉ ﻣﻼﻙ ﻻ ﺍﺧﻮﺍﺗﻬﺎ ﻭﻻ ﺍﺧﻮﺗﻬﺎ
ﻳﻌﻨﻲ ﻣﻦ ﺻﺪﻙ ﺣﺎﺳﺒﻴﻬﺎ ﻣﻴﺘﻪ
ﺷﻠﻮﻥ ﺍﺫﺍ ﻃﻠﻜﺘﻬﺎ ﻣﺎﺍﻋﺮﻑ
ﺑﺲ ﻳﻤﻜﻦ ﺍﺗﺨﺒﻞ ﺍﺫﺍ ﺍﺗﺰﻭﺟﻬﺎ ﺍﺑﻦ ﺧﺎﻟﺘﻬﺎ
ﺍﻫﻠﻲ ﻣﻘﺒﻠﻮ ﻧﺮﺟﻊ ﺍﻟﻪ ﻭﺭﻩ ﺍﻟﻌﺸﻪ
ﺑﻘﻴﺖ ﺑﺲ ﻉ ﺍﻋﺼﺎﺑﻲ
ﺑﺎﻟﻲ ﻛﻠﻪ ﻳﻢ ﻣﻼﻙ
ﺳﺎﻋﻪ ﺍﻛﻮﻝ ﺍﺳﺘﻌﺠﻠﺖ ﺑﺘﺼﺮﻓﻲ ﻭﺍﻟﺒﻨﻴﻪ ﻣﺎﻋﺪﻫﺎ ﺟﻬﺎﺯ ﻭﻫﺬﺍ ﺍﺑﻦ ﺧﺎﻟﺘﻬﺎ ﺟﺬﺍﺏ
ﺳﺎﻋﻪ ﺍﻛﻮﻝ ﻻ ﺻﺪﻙ ﻋﺪﻫﺎ ﺟﻬﺎﺯ ﻭﺗﺴﺘﺎﻫﻞ ﺍﻟﺴﻮﻳﺘﻪ ﺑﻴﻬﺎ
ﻛﻤﻠﻨﻪ ﺍﻟﻌﺸﻪ ﻭﻫﺎﻱ ﻟﺠﻴﻦ ﺧﺒﻴﺜﻪ ﺍﺩﺭﻱ ﺑﻴﻬﺎ ﻣﺎﺗﺮﻳﺪ ﻧﺮﻭﺡ ﻣﻦ ﻭﻛﺖ
ﺍﺗﺮﺧﺼﺖ ﻣﻦ ﺍﻫﻠﻲ ﻭﺭﺟﻌﺖ ﻟﻠﺒﻴﺖ
ﻟﻜﻴﺖ ﺍﻟﺒﻴﺖ ﻫﺪﻭﺀ
ﺍﻟﻤﻄﺒﺦ ﻣﺎﺑﻲ ﺍﻱ ﻋﻼﻣﻪ ﻟﻠﻄﺒﺦ
ﺍﻛﻴﺪ ﻟﻬﺴﻪ ﻣﻤﺎﻛﻠﻪ
ﻭﺣﻠﻮﻳﺎﺕ ﻳﺠﻮﺯ ﻣﺎﻋﺪﻫﺎ
ﻣﻦ ﻓﺘﺮﻩ ﻣﺎﺟﺎﻳﺐ ﺍﻟﻬﺎ
ﻻﺯﻡ ﺑﺎﺟﺮ ﺍﺟﻴﺐ ﺍﻟﻬﺎ ﺣﺘﻰ ﻣﻦ ﻣﺘﺎﻛﻞ ﺍﻃﻤﺄﻥ ﻋﻠﻴﻬﺎ
ﺣﻴﻞ ﻣﺘﻐﻴﺮﻩ ﻭﺿﻌﻔﺎﻧﻪ ﺑﺸﻜﻞ ﻻﻥ ﺍﻛﻠﻬﺎ ﻗﻠﻴﻞ ﻭﺍﺿﺢ ﻋﻠﻴﻬﺎ
ﺑﺪﻟﺖ ﻭﺑﻌﺪﻫﺎ ﻧﻤﺖ ﻭﻱ ﻟﺠﻴﻦ ﻭﺳﺒﺤﺖ
ﻟﻜﻴﺖ ﻟﺠﻴﻦ ﻧﺎﻳﻤﻪ
ﻛﻠﺖ ﺧﻞ ﺍﻛﻮﻡ ﺍﺧﻠﻴﻬﺎ ﺗﺎﻛﻞ
ﺩﻛﻴﺖ ﺍﻟﺒﺎﺏ ﻫﻮﺍﻱ ﻭﻣﻔﺘﺤﺘﻬﺎ ﺍﻧﻲ ﻣﺘﺎﻛﺪ ﻛﺎﻋﺪﻩ ﺑﺲ ﻣﺘﺮﻳﺪ ﺗﻔﺘﺢ ﺍﻟﺒﺎﺏ
ﻛﺘﻠﻬﺎ ﻟﻮ ﺗﻔﺘﺤﻲ ﻟﻮ ﺍﻛﺴﺮﻩ ﻟﻠﺒﺎﺏ
ﻓﻌﻼ ﻓﺘﺤﺘﻪ ﻭﺩﺧﻠﺖ ﺷﻌﻠﺖ ﺍﻟﻀﻮﻩ
ﻋﻴﻮﻧﻬﺎ ﺣﻤﺮ ﻭ ﺣﻴﻞ ﻭﺍﺭﻣﺎﺕ
ﺍﻛﻴﺪ ﺑﺎﺟﻴﻪ ﻫﻮﺍﻱ
ﺣﺎﻭﻟﺖ ﻭﻳﺎﻫﺎ ﺗﺎﻛﻞ ﺑﺲ ﺭﻓﻀﺖ
ﻭﺍﺗﺠﺎﻫﻠﺘﻨﻲ ﻭﻧﺎﻣﺖ ﺣﻴﻞ ﻋﺼﺒﺖ
ﺍﺗﻤﺎﻟﻜﺖ ﺍﻋﺼﺎﺑﻲ ﻭﻣﺎﺿﺮﺑﺘﻬﺎ
ﺑﻌﺪﻳﻦ ﺭﻓﻀﺖ ﺗﻄﻠﻊ ﻋﻔﺘﻬﺎ ﻭﺭﺣﺖ ﻧﻤﺖ
ﺛﺎﻧﻲ ﻳﻮﻡ ﺟﺎﻥ ﺳﺒﺖ ﻭﻣﺎﻛﻮ ﺩﻭﺍﻡ
ﺑﻘﻴﺖ ﻧﺎﻳﻢ ﻟﻮﻗﺖ ﻣﺘﺎﺧﺮ
ﻛﻌﺪﺕ ﺍﻟﺴﺎﻋﻪ ﺏ 11
ﻟﻜﻴﺖ ﺭﻳﺤﺔ ﺍﻻﻛﻞ ﻃﺎﻟﻌﻪ
ﺩﺧﻠﺖ ﻟﻠﻤﻄﺒﺦ
ﺳﻠﻤﺖ ﺑﺲ ﻣﺮﺩﺕ ﺍﻟﺴﻼﻡ
ﻋﻔﺘﻬﺎ ﻣﺎﺍﺭﻳﺪ ﺍﺿﻐﻂ ﻋﻠﻴﻬﺎ
ﻃﻠﻌﺖ ﺭﻳﻮﻙ ﺍﻟﻲ ﻭﻫﻲ ﺣﻤﺖ ﺍﻟﺨﺒﺰ ﻭﺍﻟﺠﺎﻱ
ﻋﺎﻓﺘﻨﻲ ﻭﻃﻠﻌﺖ ﺭﺍﺡ ﻟﻠﻐﺮﻓﻪ
ﻛﻤﻠﺖ ﺭﻳﻮﻛﻲ
ﻭﺭﺣﺖ ﻛﻠﺖ ﺍﺩﺧﻞ ﺍﺣﺠﻲ ﻭﻳﺎﻫﺎ ﻭﺍﻋﻠﻤﻬﺎ ﻉ ﺍﻟﻐﻠﻂ ﺍﻟﻲ ﺩﺗﺴﻮﻱ
ﻟﻜﻴﺖ ﺍﻟﺒﺎﺏ ﻣﻔﺘﻮﺡ
ﻭﻫﻲ ﻻﻓﻪ ﺣﺘﻰ ﻭﺟﻬﺎ ﺑﺎﻟﺒﻄﺎﻧﻴﻪ
ﻛﻌﺪﺕ ﺑﺼﻔﻬﺎ ﻭﺣﺠﻴﺖ
ﺍﺳﻤﻌﻴﻨﻲ ﻣﻼﻙ ﺍﻟﻲ ﺩﺗﺴﻮﻱ ﻏﻠﻂ ﺑﻐﻠﻂ
ﺣﺘﻰ ﻟﻮ ﺍﻧﻲ ﻭﻳﺎﺝ ﻣﺘﺰﻭﺟﻴﻦ ﺑﺲ ﻉ ﻭﺭﻕ ﻣﻴﺼﻴﺮ ﺗﺨﻮﻧﻴﻨﻲ ﻭﻱ ﻭﺍﺣﺪ ﻏﻴﺮﻱ
ﺍﻭﻋﺪﺝ ﻭ ﻭﻋﺪ ﺷﺮﻑ ﺑﺲ ﺗﻘﺒﻂ ﺍﻟﺴﻨﻪ ﺍﻟﻨﻪ ﺑﺎﻱ ﻭﻗﺖ ﺍﻃﻠﺒﻴﻦ ﺍﻟﻄﻼﻙ ﺭﺍﺡ ﺍﻃﻠﻜﺞ
ﻭﺑﻌﺪﻫﺎ ﺗﺤﺒﻴﻦ ﺗﺰﻭﺟﻴﻦ ﺍﺑﻦ ﺧﺎﻟﺘﺞ ﻏﻴﺮﻩ ﻣﻴﻬﻢ
ﺑﺲ ﻻﺯﻡ ﺗﺤﺎﻓﻀﻴﻦ ﻉ ﺷﺮﻓﺞ ﻭﺷﺮﻓﻲ ﺑﻬﺎﻱ ﺍﻟﻔﺘﺮﻩ
ﺍﺗﻤﻨﻰ ﺗﻔﺘﻬﻤﻴﻦ ﻛﻼﻣﻲ ﻭﻳﺎﺭﻳﺖ ﺍﻟﺠﻬﺎﺯ ﺍﻃﻠﻌﻲ ﻭﻳﻨﺴﺪ ﺍﻟﻤﻮﺿﻮﻉ
ﺗﺪﺭﻳﻦ ﺑﻴﻪ ﺍﻧﻲ ﺿﺪ ﺍﻟﻌﻨﻒ ﺍﺗﺠﺎﻩ ﺍﻟﻤﺮﺃﻩ ﺑﺲ ﻫﺬﺍ ﺍﻟﺸﻲ ﺍﻟﻮﺣﻴﺪ ﺍﻟﻲ ﻳﻄﻴﺮ ﻋﻘﻠﻲ ﻣﻦ ﺭﺍﺳﻲ ﻭﺍﺗﻤﻨﻰ ﺗﻔﺘﻬﻤﻴﻨﻲ
ﻣﺎﻛﻮ ﺍﻱ ﺟﻮﺍﺏ ﻣﻨﻬﺎ
ﻣﺴﺘﺤﻴﻞ ﻧﺎﻳﻤﻪ ﺍﻧﻲ ﻣﺘﺎﻛﺪ ﻛﺎﻋﺪﻩ
ﻣﻼﻙ .... ﻟﻴﺶ ﻣﺎﻛﻮ ﺟﻮﺍﺏ
ﻭﺧﺮﺕ ﺍﻟﺒﻄﺎﻧﻴﺎ ﻭﺟﺎﻧﺖ ﺗﺒﺠﻲ
ﺍﺳﻤﻌﻨﻲ ﻣﻦ ﺍﻻﺧﻴﺮ ﺛﻖ ﺑﺎﻻﻣﺎﻡ ﻋﻠﻲ ﻟﻮ ﻳﺒﻘﻰ ﺑﺲ ﺯﻳﺪ ﺑﺎﻟﺪﻧﻴﺎ ﻫﻢ ﻣﺎﺍﻗﺒﻞ ﺑﻲ
ﻭﺑﺎﻟﻨﺴﺒﻪ ﺍﻟﻚ ﺍﻟﻄﻠﻜﺘﻨﻲ ﻭﺍﻟﻤﺎﻃﻠﻜﺘﻨﻲ ﻧﻔﺲ ﺍﻟﺸﻲ ﻣﻴﻔﺮﻕ
ﻻﻥ ﺍﻧﻲ ﻣﺴﺘﺤﻴﻞ ﺍﻓﻜﺮ ﺑﺰﻭﺍﺝ ﻟﻮ ﺍﻣﻮﺕ
ﻭﺍﻛﻮ ﺷﻐﻠﻪ ﺛﺎﻧﻴﻪ ﻭﺍﻟﺼﺪﻛﺘﻨﻲ ﻭﺍﻟﻤﺼﺪﻛﺘﻨﻲ ﻣﻴﻬﻢ
ﻣﺎﻋﻨﺪﻱ ﻻ ﺟﻬﺎﺯ ﻭﻻ ﻋﻨﺪﻱ ﺍﺗﺼﺎﻝ ﺑﺎﻱ ﺷﺨﺺ
ﺍﻧﻲ ﺭﺍﺡ ﺍﺣﺎﻭﻝ ﺍﺻﺪﻛﺞ ﺍﺗﻤﻨﻰ ﻫﺬﺍ ﺣﺠﻴﺞ ﻳﻄﻠﻊ ﺻﺤﻴﺢ
ﺑﺲ ﺍﻟﻲ ﺍﺭﻳﺪﻩ ﻣﻨﺞ ﻟﺘﻜﻄﻌﻴﻦ ﺍﻻﻛﻞ
ﺍﻻﻛﻞ ﻣﺎﺍﻟﻪ ﻋﻼﻗﻪ ﺑﺎﻟﺰﻋﻞ
ﺑﺲ ﻋﻠﻲ ﺗﺪﺭﻱ ﻧﺬﻟﻴﺖ ﻫﻮﺍﻱ ﻭﻣﻦ ﻣﻨﻮ
ﻣﻦ ﺍﻗﺮﺏ ﺍﻟﻨﺎﺱ ﺍﻟﻲ
ﺍﻧﻲ ﻟﻮ ﻣﺎﺍﺧﻒ ﺍﻟﻠﻪ ﺟﺎﻥ ﻣﻮ ﻛﻄﻌﺖ ﺍﻻﻛﻞ
ﺟﺎﻥ ﺍﻧﺘﺤﺮﺕ ﻭﺍﺭﻳﺤﻜﻢ ﻣﻨﻲ
ﺍﺩﺭﻱ ﺑﻨﻔﺴﻲ ﻭﺻﻤﺔ ﻋﺎﺭ ﻋﻠﻴﻜﻢ ﻭﻉ ﺍﻋﺼﺎﺑﻜﻢ ﻣﺘﺤﻤﻠﻴﻨﻲ
ﺑﺲ ﻣﺎﺑﻴﺪﻱ ﺷﻲ
ﺛﻖ ﺑﺎﻟﻠﻪ ﻭﺍﻟﺮﺳﻮﻝ ﺑﻴﻮﻡ ﺍﻟﺘﺜﺒﺖ ﺑﺮﺍﺋﺘﻲ ﺭﺍﺡ ﺍﺭﻳﺤﻜﻢ ﻣﻨﻲ ﻟﻼﺑﺪ ﻭﻫﺬﺍ ﺍﻋﺘﺒﺮﻩ ﻭﻋﺪ ﻣﻨﻲ
ﺣﺘﻠﻮ ﺍﺭﻭﺡ ﻟﻨﺎﺭ ﺟﻬﻢ ﺍﻧﻲ ﻗﺎﺑﻠﻪ ﺗﺪﺭﻱ ﻟﻮﻳﺶ
ﺣﺘﻰ ﻣﺎﺍﻧﻄﻴﻜﻢ ﻓﺮﺻﻪ ﺗﻌﺘﺬﺭﻭﻥ ﻣﻨﻲ ﻻﻥ ﺍﻛﻴﺪ ﺭﺍﺡ ﺗﺘﻨﺪﻣﻮﻥ
ﺍﻟﺼﺮﺍﺣﻪ ﺩﺧﺖ ﺑﺤﺠﻴﻬﺎ ﻫﻮﺍﻱ
ﻣﻌﻘﻮﻟﻪ ﺗﻄﻠﻊ ﺑﺮﻳﺌﻪ
ﺷﺮﺍﺡ ﻳﻜﻮﻥ ﻣﻮﻗﻔﻨﻪ ﻛﺪﺍﻣﻬﺎ
ﺗﺤﺠﻲ ﻭﺗﺒﺠﻲ
ﻋﺎﻗﺒﺘﻮﻧﻲ ﻋﻘﺎﺏ ﻗﺎﺳﻲ
ﻣﺎﺍﻋﺘﻘﺪ ﺑﻌﺪ ﻫﺎﻟﻌﻘﺎﺏ ﺭﺍﺡ ﺍﻛﺪﺭ ﺍﺷﺘﻬﻲ ﺍﻻﻛﻞ
ﺑﺲ ﺍﻧﺖ ﻫﻢ ﻛﺎﻋﺪ ﺗﻌﺎﻗﺒﻴﻦ ﻧﻔﺴﺞ ﻣﻦ ﻣﺘﺎﻛﻠﻴﻦ
ﺍﻧﻲ ﻣﻦ ﺍﺟﻮﻉ ﺍﻛﻴﺪ ﺍﻛﻮﻝ
ﻉ ﺭﺍﺣﺘﺞ ﺑﺲ ﺍﺗﻤﻨﻰ ﺗﻔﻜﺮﻳﻦ ﺑﺎﻟﺤﺠﻲ ﺍﻟﻲ ﻛﺘﻠﺞ ﻋﻠﻲ
ﻋﻔﺘﻬﺎ ﻭﻃﻠﻌﺖ ﻛﻌﺪﺕ ﺑﺎﻟﺼﺎﻟﻪ
ﻭﺟﻨﺖ ﺩﺍﻳﺦ ﺣﺴﺒﻪ ﺗﺎﺧﺬﻧﻲ ﻭﺣﺴﺒﻪ ﺗﺮﺟﻌﻨﻲ
ﺍﺫﻥ ﺍﻻﺫﺍﻥ ﺷﻔﺘﻬﺎ ﻃﻠﻌﺖ ﻣﻦ ﺍﻟﻐﺮﻓﻪ
ﺍﺗﻮﺿﺖ ﻭﺭﺟﻌﺖ
ﺭﺣﺖ ﻛﻌﺪﺕ ﻟﺠﻴﻦ
ﺑﻌﺪﻫﺎ ﺍﺗﻐﺪﻳﻨﻪ ﻭﺭﺣﺖ ﻟﻠﻤﻜﺘﺐ
ﻛﺎﻝ ﺑﺎﺑﺎ ﻧﺮﻣﻴﻦ ﺑﺎﻟﻌﻄﻠﻪ ﻳﺎﺧﺬﻭﻫﺎ ﻟﻤﻦ ﺗﺘﺨﺮﺝ
ﻛﻠﻲ ﺟﻴﺒﻬﺎ ﻣﻼﻙ ﻭﻣﻦ ﻳﺠﻮﻥ ﺑﻴﺖ ﻋﻤﻚ ﺍﺧﺬﻫﺎ ﻟﺒﻴﺘﻚ
ﻛﺘﻠﻪ ﻻ ﻳﺎﺑﻪ ﺧﻠﻴﻬﺎ ﻳﻤﻲ ﻭﺍﺳﺘﻘﺮﺕ
ﺍﺧﺎﻑ ﻳﺠﻮﻥ ﻓﺠﺄﻩ ﻣﺘﺮﻫﻢ ﺑﻌﺪ
ﺍﻟﺼﺮﺍﺣﻪ ﺍﻧﻲ ﺍﺗﻌﻮﺩﺕ ﻋﻠﻴﻬﺎ ﻭﻉ ﻟﻤﺴﺎﺗﻬﺎ ﺑﺎﻟﺒﻴﺖ ﻭﻧﻈﺎﻓﺘﻬﺎ ﻭﻃﺒﺨﻬﺎ
ﻛﻠﻲ ﻟﻌﺪ ﺟﻴﺒﻬﺎ ﺑﺎﺟﺮ ﻭﻱ ﺍﻟﺒﻨﺎﺕ ﺍﺫﺍ ﺣﺒﺖ ﺗﺒﺎﺕ ﺧﻠﻴﻬﺎ ﻭﺍﺫﺍ ﺭﺍﺩﺕ ﺗﺮﺟﻊ ﺑﻜﻴﻔﻬﺎ
ﺗﺪﻟﻞ ﻳﺎﺑﻪ ﻣﻦ ﺍﺭﻭﺡ ﻟﻠﺪﻭﺍﻡ ﺍﺟﻴﺒﻬﺎ ﻭﻳﺎﻳﻪ
ﻛﻠﻲ ﻭﺷﻮﻑ ﻣﺘﻄﻠﺐ ﺍﺟﺎﺯﻩ ﺣﺘﻰ ﻧﺮﻭﺡ ﻟﻠﻨﺠﻒ ﻣﻦ ﺍﻟﺼﺒﺢ ﻟﻠﻴﻞ
ﺍﻟﻠﻪ ﻛﺮﻳﻢ
ﺭﺟﻌﺖ ﺑﺎﻟﻠﻴﻞ ﻟﻜﻴﺖ ﻟﺠﻴﻦ ﺑﺲ ﻉ ﺍﻟﻤﻮﺑﺎﻳﻞ
ﻳﻤﻜﻦ ﻛﻮﻟﺸﻲ ﻣﺘﺴﻮﻱ
ﻟﻜﻴﺖ ﻣﻼﺑﺴﻲ ﺍﻻﻏﻠﺒﻴﻪ ﻣﻮ ﻧﻈﻴﻔﻪ
ﻛﻤﺖ ﺍﺻﻴﺢ ﻋﻠﻴﻬﺎ ﻛﺘﻠﻬﺎ ﺷﻨﻮ ﺷﻐﻠﺞ ﻣﻦ ﺍﻟﺼﺒﺢ ﻟﻬﺴﻪ
ﺍﺷﻮ ﻻ ﺗﻨﻈﻔﻴﻦ ﻭﻻ ﺍﻃﺒﺨﻴﻦ ﻭﻛﻠﺖ ﻣﻴﺨﺎﻟﻒ
ﺑﺲ ﻣﻼﺑﺴﻲ ﺷﻠﻮﻥ ﺭﺍﻳﺞ ﻫﻢ ﺍﺧﻠﻲ ﻣﻼﻙ ﺗﻐﺴﻠﻬﻦ
ﺷﺪﻋﻮﻩ ﻋﻠﻴﻚ ﻳﺎﺣﺒﻴﺒﻲ
ﻫﺴﻪ ﺍﻛﻮﻡ ﺍﻏﺴﻠﻬﻦ ﺍﻟﻚ ﺑﺲ ﺍﻫﺪﺉ
ﻣﻴﺼﻴﺮ ﻫﻴﺞ ﺍﺫﺍ ﺗﺒﻘﻴﻦ ﻫﻴﺞ ﺍﺭﺟﻌﻬﺎ ﻟﻤﻼﻙ ﻟﺒﻴﺖ ﺍﻫﻠﻲ
ﻭﺍﺭﺟﻌﻲ ﻣﺜﻞ ﻗﺒﻞ
ﺍﻫﻮﻭﻭ ﻳﺎﻋﻠﻲ ﻫﺴﻪ ﺍﻧﻲ ﺷﻤﺴﻮﻳﻪ ﻗﺎﺑﻞ
ﺍﺷﻮ ﺣﺘﻰ ﻣﺎﺍﺣﺠﻲ ﻭﻳﺎﻫﺎ ﻣﺜﻞ ﻣﻜﻠﺖ ﻭﻻ ﺍﺗﻘﺮﺏ ﻋﻠﻴﻬﺎ
ﻭﺍﺫﺍ ﻉ ﺍﻟﻤﻼﺑﺲ ﻫﺴﻪ ﺭﺍﺡ ﺍﻏﺴﻠﻬﻦ
ﻛﺎﻟﺖ ﺧﻞ ﻧﺘﻌﺸﻪ ﻭﺭﺍﻫﺎ ﺍﻏﺴﻠﻬﻦ ﺍﻟﻚ
ﻃﻠﻌﻨﻪ ﻟﻜﻴﻨﻪ ﻣﻼﻙ ﺗﺴﻮﻱ ﺑﺎﻟﻌﺸﺎ
ﺷﺎﻭﻳﻪ ﺍﺟﻨﺤﻪ ﻭﺗﻜﻠﻲ ﻛﺒﺎﺏ
ﺧﻠﺖ ﺍﻻﻛﻞ ﻛﺒﺎﻟﻨﻪ
ﻃﺒﻌﺎ ﻋﻴﻮﻧﻬﺎ ﺣﻤﺮ ﻣﻦ ﺍﻟﺒﺠﻲ ﺍﻛﻴﺪ
ﻃﻠﺒﺖ ﻣﻨﻬﺎ ﺗﻜﻌﺪ ﺗﺘﻌﺸﻪ ﺭﻓﻀﺖ
ﺑﻘﺖ ﺗﺨﺪﺭ ﺑﺎﻟﺠﺎﻱ ﻭﺗﻐﺴﻞ ﺍﻟﻤﻮﺍﻋﻴﻦ
ﻛﻤﻠﻨﻪ ﺍﻟﻌﺸﻪ
ﻃﻠﺒﺖ ﻣﻦ ﻟﺠﻴﻦ ﺗﻐﺴﻞ ﺍﻟﻤﻼﺑﺲ ﻻﻥ ﺍﺩﺭﻱ ﺑﻴﻬﺎ ﺗﻨﺴﻪ
ﻛﻠﺖ ﻟﻤﻼﻙ ﺟﻬﺰﻱ ﻧﻔﺴﺞ ﺑﺎﺟﺮﺍﺩﺯﺝ ﻻﻫﻠﻲ
ﻣﻦ ﺍﺭﻭﺡ ﻟﻠﺪﻭﺍﻡ ﺍﺧﺬﺝ ﻭﻳﺎﻱ
ﺍﻟﻠﻪ ﻛﺮﻳﻢ ......قصص عراقيه حقيقيه من واقعنا.روعه الطائي
ﻛﻤﻠﺖ ﺷﻐﻠﻬﺎ ﻭﺭﺍﺣﺖ ﻟﻠﻐﺮﻓﻪ
ﺍﺣﺴﻬﺎ ﻣﺜﻞ ﺍﻟﻮﺭﺩﻩ ﺍﻟﺬﺍﺑﻪ
ﺭﺟﻌﺖ ﻟﻠﻐﺮﻓﻪ ﻭﺧﺒﺮﺕ ﻟﺠﻴﻦ ﻉ ﺑﺎﺟﺮ
ﻛﺎﻟﺖ ﻟﻮ ﺗﻮﺩﻳﻨﻲ ﻟﺒﻴﺖ ﺍﻫﻠﻲ ﻟﻮ ﻟﺒﻴﺖ ﺍﻫﻠﻚ
ﺧﻔﺖ ﺗﺴﻮﻱ ﻣﺸﺎﻛﻞ ﻭﻱ ﻣﻼﻙ
ﻛﺘﻠﻬﺎ ﺍﻭﺩﻳﺞ ﻳﻢ ﺍﻫﻠﺞ
ﻛﺎﻟﺖ ﻭﻏﺪﺍﻙ
ﺍﺭﻭﺡ ﻳﻢ ﺍﻫﻠﻲ ﺍﺗﻐﺪﻩ ﻭﺍﻃﻠﻊ ﻭﻱ ﺍﺑﻮﻳﻪ ﻟﻠﻤﻜﺘﺐ
ﺍﺧﺬﻧﻲ ﻭﻳﺎﻙ ﻟﺨﺎﻟﻪ ﺍﺑﻘﻰ ﻳﻤﻬﺎ
ﺑﻜﻴﻔﺞ .... ﺑﺲ ﺑﺪﺍﺧﻠﻲ ﻣﺎﺭﺍﺿﻲ
ﻧﻤﻨﻪ ﻭﺛﺎﻧﻲ ﻳﻮﻡ ﻛﻌﺪﺕ ﻭﻛﻌﺪﺕ ﻟﺠﻴﻦ ﻭﻳﺎﻱ
ﻣﻼﻙ ﻳﻤﻜﻦ ﻟﻬﺴﻪ ﻧﺎﻳﻤﻪ
ﻃﻠﺒﺖ ﻣﻦ ﻟﺠﻴﻦ ﺗﺮﻭﺡ ﺗﻜﻌﺪﻫﺎ ﻣﻘﺒﻠﺖ
ﺭﺣﺖ ﺍﻧﻲ ﺩﻛﻴﺖ ﺍﻟﺒﺎﺏ ﻣﺎﻛﻮ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﻜﻴﺘﻬﺎ ﻧﺎﻳﻤﻪ ﻣﺜﻞ ﺍﻟﻤﻼﻙ
ﺑﺲ ﻻﺑﺴﻪ ﺍﻟﺤﺠﺎﺏ ﺣﺘﻰ ﻭﻫﻲ ﻧﺎﻳﻤﻪ
ﻛﺘﻠﻬﺎ ﻣﻼﻙ .... ﻣﻼﻙ .....
ﻃﻔﺮﺕ ﻣﺜﻞ ﺍﻟﻤﺨﺒﻠﻪ
ﻫﺎﻱ ﺷﺒﻴﺞ ﺍﻛﻌﺪﻱ
ﺍﺳﻔﻪ ﺍﺧﺬﺗﻨﻲ ﺍﻟﻨﻮﻣﻪ
ﻋﺎﺩﻱ ﻣﺼﺎﺭ ﺷﻲ ﺑﻌﺪ ﻭﻛﺖ
ﻛﻮﻣﻲ ﺟﻬﺰﻱ ﻧﻔﺴﺞ
ﻋﻴﻮﻧﻬﺎ ﺣﻴﻞ ﻣﻮﺭﻣﺎﺕ ﺍﻛﻴﺪ ﻫﻢ ﻣﻦ ﺍﻟﺒﺠﻲ ﻭﻫﻢ ﻣﻦ ﺍﻟﺴﻬﺮ ﻭﺍﺿﺢ ﻋﻠﻴﻬﺎ
ﻋﻔﺘﻬﺎ ﻭﻃﻠﻌﺖ ﺭﺣﺖ ﻟﻠﻤﻄﺒﺦ
ﺑﺎﻟﻨﺴﺒﻪ ﺍﻝ ﻟﺠﻴﻦ ﻟﻮ ﺗﻤﻮﺕ ﻣﺘﻔﻜﺮ ﺗﺴﻮﻳﻠﻲ ﺭﻳﻮﻙ
ﺭﺣﺖ ﻃﻠﻌﺖ ﻗﺸﻄﻪ ﻭﻋﺴﻞ
ﺍﺟﺖ ﻣﻼﻙ ﺳﻮﺕ ﺟﺎﻱ
ﺻﺒﺘﻠﻲ ﺷﺮﺑﺖ ﺟﺎﻧﺖ ﺟﺎﻫﺰﻩ ﻣﺎﻋﺪﻫﺎ ﺷﻲ ﺍﻟﻪ ﻟﺠﻴﻦ
ﺭﺣﺖ ﻟﻠﻐﺮﻓﻪ ﻛﺘﻠﻬﺎ ﻓﻀﻴﻬﺎ ﻭﻛﺘﻲ ﺭﺍﺡ
ﺑﻌﺪﻫﺎ ﺩﺯﻳﺘﻬﻦ ﻻﻫﻠﻲ
ﺭﺟﻌﺖ ﺍﻟﻈﻬﺮ ﺳﺎﻟﺖ ﻣﺎﻣﺎ ﻉ ﺍﻟﺒﻨﺎﺕ
ﻛﺎﻟﺖ ﻓﻮﻙ
ﻭﻟﺠﻴﻦ .... ﻓﻮﻙ ﻫﻤﻴﻦ ﻳﻢ ﻫﺪﻯ
ﺍﺻﻼ ﻣﺸﻔﺘﻬﺎ ﻣﻦ ﺍﺟﺖ ﻟﻬﺴﻪ
ﺍﻛﻮﻝ ﻣﺎﻣﺎ ﻟﻮﻳﺶ ﻣﺘﺨﻠﻴﻬﺎ ﺗﺮﺍﺟﻊ ﺍﻟﺪﻛﺘﻮﺭﻩ ﻉ ﻃﻔﻞ
ﻣﻮ ﺍﺧﺬﺗﻬﺎ ﻻﺣﺴﻦ ﺩﻛﺘﻮﺭﻩ ﺍﺑﻐﺪﺍﺩ ﻭﺍﻧﻄﺘﻬﺎ ﻋﻼﺝ
ﻣﻤﺘﻮﺍﺯﻳﻦ ﺷﻮﻛﺖ ﻣﺎﺍﻟﻠﻪ ﺭﺍﺩ ﻳﺼﻴﺮ ﺍﻥ ﺷﺎﺀ ﺍﻟﻠﻪ
ﺑﺲ ﻭﺍﻟﻠﻪ ﻳﺎﺍﻣﻲ ﺣﻴﻞ ﻣﺘﻌﺒﺘﻨﻲ ﻳﺎﺭﻳﺖ ﺗﺤﺠﻴﻦ ﻭﻳﺎﻫﺎ
ﺷﺒﻴﻬﺎ ﻣﺎﻣﺎ
ﻭﺍﻟﻠﻪ ﻣﻼﺑﺴﻲ ﻛﻠﻬﻦ ﻭﺳﺨﺎﺕ ﻟﻮ ﺍﺗﻌﺎﺭﻙ ﻭﻳﺎﻫﺎ ﺗﻐﺴﻠﻬﻦ ﻟﻮ ﻻ
ﻭﺟﻨﺖ ﺍﻻﻛﻞ ﻛﻠﻪ ﺟﺎﻫﺰ ﻭﺍﻧﺖ ﺗﺪﺭﻳﻦ
ﺑﺲ ﻫﺴﻪ ﻣﻦ ﺍﺟﺘﻲ ﻣﻼﻙ ﻟﻠﻴﻮﻡ ﺍﺭﺗﺎﺣﻴﺖ
ﻛﻤﺖ ﺍﻛﻞ ﺑﺎﻟﺒﻴﺖ ﺍﻛﻞ ﻧﻀﻴﻒ ﻭﻃﻴﺐ
ﻭﺍﻟﻠﻪ ﻳﺎﻣﺎﻣﺎ ﺍﻟﻌﻮﺩ ﻣﺘﮕﻴﺴﻪ ﻣﻦ ﺍﻟﻜﺎﻉ
ﺍﻟﺒﻴﺖ ﻛﻠﻪ ﻉ ﻣﻼﻙ
ﺣﺘﻰ ﺍﻟﻤﻮﺍﻋﻴﻦ ﺍﻟﻨﺎﻛﻞ ﺑﻴﻬﻦ ﺗﺨﻠﻴﻬﻦ ﻉ ﻣﻼﻙ ﺗﻐﺴﻠﻬﻦ
ﻭﺍﻟﻠﻪ ﻳﺎﻣﺎﻣﺎ ﺣﺘﻰ ﻫﺎﻱ ﺍﺧﺘﻬﺎ ﻫﺪﻯ ﻧﻔﺲ ﺍﻟﺸﻲ ﻭﻫﺴﻪ ﺯﻭﺩﺗﻬﺎ ﻣﻦ ﻃﻠﻌﺖ ﺣﺎﻣﻞ
ﺟﻨﺖ ﻣﺮﺗﺎﺣﻪ ﺣﻴﻞ ﻣﻦ ﺟﺎﻧﺖ ﻣﻼﻙ ﻳﻤﻲ
ﺍﻟﺒﻨﻴﻪ ﻧﻀﻴﻔﻪ ﻭﻣﺮﺗﺒﻪ ﻋﻜﺲ ﺫﻧﻲ
ﺑﺲ ﺍﺭﻭﺡ ﻟﺨﺎﻟﻚ ﺍﺣﺠﻲ ﻭﻳﺎ
ﻣﺎﻣﺎ ﺻﺎﺣﺖ ﺍﻟﺒﻨﺎﺕ
ﻧﺰﻟﺖ ﻣﻼﻙ ﻭﺍﻟﺒﻨﺎﺕ
ﺻﺒﻦ ﻏﺪﻩ ﻭﺍﺗﻐﺪﻳﻨﻪ ﻭﻟﺠﻴﻦ ﺍﺧﺬﺕ ﻏﺪﻩ ﻟﻬﺪﻯ ﻭﺻﻌﺪﺕ ﻭﻳﺎﻫﺎ
ﻛﻤﻠﻨﻪ ﻭﻛﻠﺖ ﻟﺤﻨﻴﻦ ﺻﺒﻴﻠﻲ ﺟﺎﻱ
ﺻﺒﺘﻠﻲ ﺷﺮﺑﺖ ﺑﻘﻴﻨﻪ ﺷﻮﻳﻪ
ﻭﺭﺣﻨﻪ ﻟﻠﻤﻜﺘﺐ
ﻟﻠﻴﻞ ﺭﺟﻌﺖ ﺍﺗﻌﺸﻴﻨﺎ
ﻭﻣﻼﻙ ﻭﻳﺎﻧﻪ ﻋﻴﻮﻧﻲ ﺗﺮﺍﻗﺒﻬﺎ
ﺗﺎﻛﻞ ﻣﺜﻞ ﺍﻟﻌﺼﺎﻓﻴﺮ ﺗﻨﻘﺶ ﺗﻨﻘﺶ
ﻛﻤﻠﻨﻪ ﺍﻟﻌﺸﻪ ﻭﺻﺒﻮ ﺟﺎﻱ
ﻛﺘﻠﻬﻦ ﻣﻼﻙ ﻭﻟﺠﻴﻦ ﺟﻬﺰﻥ ﻧﻔﺴﺠﻦ ﺧﻞ ﻧﺮﻭﺡ
ﻛﺎﻝ ﺍﺑﻮﻳﻪ ﻋﻮﻓﻬﺎ ﻣﻠﻮﻛﻪ ﺧﻠﻴﻬﺎ ﻳﻢ ﺍﻟﺒﻨﺎﺕ
ﺷﻔﺘﻬﺎ ﻓﺮﺣﺖ
ﺑﻬﺎﻱ ﺍﻻﺛﻨﺎﺀ ﺍﺟﺘﻲ ﺭﺳﺎﻟﻪ ﻓﺘﺤﺘﻬﺎ
ﻟﻜﻴﺘﻬﺎ ﻣﻦ ﺯﻳﺪ ﻛﺎﺗﺐ ﺑﻴﻬﺎ
ﻟﺞ ﺣﺒﻴﺒﺘﻲ ﻣﻠﻮﻛﻪ ﻓﺪﻭﻩ ﺍﺭﻭﺣﻠﺞ ﺣﺎﻭﻟﻲ ﺗﻘﻨﻌﻲ ﻟﻠﻤﺰﻋﺞ ﻭﺍﺑﻘﻲ ﻳﻢ ﺑﻴﺖ ﻋﻤﺞ
ﻟﺞ ﻣﺸﺘﺎﻕ ﺑﻜﺪ ﺭﺣﻤﺔ ﺍﻟﻠﻪ ﺍﺭﻳﺪ ﺍﺷﻮﻓﺞ ﺑﺎﻟﻜﺎﻡ
ﺻﺎﺭﻟﻲ ﺍﺳﺒﻮﻉ ﻣﺸﺎﻳﻔﺞ ﮔﻠﺒﻲ ﻃﻚ ﻋﻠﻴﺞ
ﻭﻟﺘﮕﻮﻟﻴﻠﻲ ﻣﻮ ﻛﺘﻠﻚ ﻻﺑﺴﻪ ﻓﺴﺘﺎﻥ ﺑﺼﻠﻲ
ﻣﺎﺍﻗﺒﻞ ﻣﺎﺍﻗﺘﻨﻊ ﺍﻟﻰ ﺍﺷﻮﻓﺞ ﺣﺒﻲ
ﻭﺍﺫﺍ ﻣﻘﺒﻞ ﺍﻟﻠﺰﻛﻪ ﺣﺎﻭﻟﻲ ﺗﻔﺘﺤﻴﻦ ﻛﺎﻣﻴﺮﺍ ﺣﺘﻠﻮ ﺑﺎﻟﺤﻤﺎﻡ ﻣﻦ ﺗﺮﺣﻴﻦ ﻟﺒﻴﺘﻪ
ﻭﺭﻩ ﺛﻮﺍﻧﻲ ﺗﻢ ﺍﻟﺤﺬﻑ ﺍﻛﻴﺪ ﺍﺗﻮﻫﻢ ﻣﻦ ﺩﺯﻫﺎ ﺍﻟﻲ
ﺑﺲ ﺍﻟﻠﻪ ﺭﺍﺩ ﻳﻔﻀﺤﻬﻢ
ﺭﻛﺰﺕ ﻉ ﻣﻼﺑﺴﻬﺎ ﺻﺪﻙ ﻻﺑﺴﻪ ﻓﺴﺘﺎﻥ ﺑﺼﻠﻲ
ﺍﻧﻲ ﺗﺨﺒﻠﺖ ﻋﻘﻠﻲ ﻭﻛﻒ ﺑﺲ ﺣﺎﻭﻟﺖ ﺍﺗﻤﺎﻟﻚ ﺍﻋﺼﺎﺑﻲ
ﻳﻌﻨﻲ ﺷﻨﻮ ﺗﻨﻄﻲ ﺗﻔﺎﺻﻴﻞ ﺣﻴﺎﺗﻬﺎ ﻛﻠﻬﺎ
ﻭﻳﻦ ﺗﺮﻭﺡ ﻭﺷﺘﺎﻛﻞ ﻭﺷﺘﻠﺒﺲ
ﻣﺎﺍﺭﻳﺪ ﺍﺗﻬﻮﺭ ﻛﺪﺍﻡ ﺍﺑﻮﻳﻪ ﻭﺍﻣﻲ ﻭﺍﺧﻮﺍﺗﻲ
ﺑﺲ ﺍﻟﻴﻮﻡ ﺍﺭﺗﻜﺐ ﺟﺮﻳﻤﻪ ﺑﺤﻘﻬﺎ ﺍﻛﻴﺪ
ﻭﺟﺎﻥ ....... ﻳﺨﻠﺺ ﺍﻟﺒﺎﺭﺕ .... 😂😂😂😂
ﻭﺟﺎﻥ ﺗﺒﺪﻱ ﻣﻌﺎﻧﺎﺓ ﻣﻼﻙ ﺍﻟﺤﻘﻴﻘﻴﻪ
ﺍﻟﻲ ﺭﺍﺡ ﻛﻠﻪ ﻳﻬﻮﻥ ﺑﺲ ﺍﻟﻘﺎﺩﻡ ﺍﺻﻌﺐ ﺑﻬﻮﺍﻱ ﺍﻛﺜﺮ ﻣﻦ ﻣﺎﺗﺘﻮﻗﻌﻮﻥ
ﺍﻧﺘﻈﺮﻭﻧﻲ ﺑﺎﻟﺒﺎﺭﺕ ﺍﻟﻘﺎﺩﻡ
