ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
ﺍﻟﺒﺎﺭﺕ 17
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﻛﻤﺖ ﺍﺻﻴﺢ ﻋﻠﻴﻬﺎ
ﻣﺘﻔﻀﻴﻬﺎ ﺷﺒﻴﺞ ﺻﺎﻓﻨﻪ ﺟﻨﺞ ﺣﻴﻮﺍﻥ ﻣﻮ ﻛﺘﻠﺞ ﺟﻬﺰﻱ ﻧﻔﺴﺞ
ﻣﻮ ﻋﻤﻮ ﻛﻠﻚ ﺧﻞ ﺍﺑﻘﻰ
ﺑﺲ ﺍﻧﻲ ﺩﺍ ﺍﮔﻠﺞ ﺟﻬﺰﻱ ﻧﻔﺴﺞ ﻭﻳﻠﻪ ﺑﺪﻭﻥ ﻟﻐﻮﻩ ﺯﺍﻳﺪﻩ
ﻫﺎﻱ ﺷﺒﻴﻚ ﻳﺎﺑﺎﺑﺎ ﻣﻮ ﻛﺘﻠﻚ ﺧﻠﻴﻬﺎ ﻭﻱ ﺍﻟﺒﻨﺎﺕ
ﻻ ﻳﺎﺑﻪ ﻏﻴﺮ ﻭﻗﺖ ﻟﺠﻴﻦ ﺧﻄﻴﻪ ﺗﺒﻘﻰ ﺑﻮﺣﺪﻫﺎ
ﺷﻨﻮ ﻫﺬﺍ ﺣﺠﻴﻚ ﻋﻠﻲ
ﻳﻌﻨﻲ ﻳﻮﻣﻴﻪ ﻋﺎﻳﻔﻴﻨﻬﺎ ﻭﺣﺪﻫﺎ ﻟﻤﻼﻙ ﺍﺷﻮ ﻣﺘﻜﻮﻝ ﺧﻄﻴﻪ
ﻣﻮ ﻫﺬﺍ ﻗﺼﺪﻱ ﺟﺎﻥ ﺑﺲ ﺍﺗﻌﻮﺩﻧﻪ ﻋﻠﻴﻬﺎ
ﻉ ﺭﺍﺣﺘﻚ ﻳﺎﻳﻪ ﺑﺲ ﻛﻠﺖ ﺧﻄﻴﻪ ﺧﻞ ﺗﻐﻴﺮ ﺟﻮ ﻭﻱ ﺍﻟﺒﻨﺎﺕ
ﻏﻴﺮ ﻭﻗﺖ ﺍﻥ ﺷﺎﺀ ﺍﻟﻠﻪ
ﺍﻓﻮﺭ ﺩﻡ ﺍﺣﺲ ﻧﺎﺭ ﺗﻄﻠﻊ ﻣﻦ ﻋﻴﻮﻧﻲ
ﺳﻘﺖ ﺳﺮﻳﻊ ﺍﺭﻳﺪ ﺑﺲ ﺍﻭﺻﻞ ﻟﻠﺒﻴﺖ
ﻭﺻﻠﺖ ﻟﻠﺒﻴﺖ ﺩﺧﻠﻦ ﻛﺪﺍﻣﻲ
ﻛﻠﺖ ﺍﻝ ﻟﺠﻴﻦ ﻋﻨﺪﻱ ﻣﻮﺿﻮﻉ ﻭﻱ ﻣﻼﻙ
ﻣﺎﺍﺭﻳﺪﺝ ﺗﺰﻋﺠﻴﻨﻲ ﺍﺑﺪ ﻭﻻ ﺍﺩﮔﻴﻦ ﺍﻟﺒﺎﺏ ﻟﻤﻦ ﺍﺟﻲ
ﺷﻨﻮ ﻋﻴﻨﻲ ﻧﺎﻭﻱ ﺗﻨﺎﻡ ﻭﻳﺎﻫﺎ ﺣﺘﻰ ﺍﻛﻠﺐ ﺍﻟﺪﻧﻴﺎ
ﻟﺞ ﻟﺘﺼﻴﺮﻳﻦ ﺛﻮﻟﻪ ﻟﻮ ﺍﻣﻮﺕ ﻣﺎﺍﺗﻘﺮﺏ ﺍﻟﻬﺎ
ﺑﺲ ﺍﺭﻳﺪ ﺍﻟﻠﻮﻱ ﺍﺫﺍﻧﺎﺗﻬﺎ ﺷﻮﻳﻪ
ﻟﻴﺶ ﺷﻤﺴﻮﻳﻪ
ﻣﻮ ﻛﺪﺍﻣﺞ ﺗﻌﺎﻧﺪﻧﻲ ﻭﺗﺮﻳﺪ ﺗﺒﻘﻰ ﻳﻢ ﺍﻫﻠﻲ
ﻫﺎ ﺍﺫﺍ ﻫﻴﺞ ﺭﻭﺡ
ﺭﺣﺖ ﻟﻐﺮﻓﺔ ﻣﻼﻙ ﻟﻜﻴﺘﻬﺎ ﻣﻘﻔﻮﻟﻪ
ﺍﺗﺨﺒﻠﺖ ﺑﺎﻟﺰﺍﻳﺪ ﺍﻧﻲ ﻣﻨﺒﻪ ﻋﻠﻴﻬﺎ ﻣﺘﻘﻔﻠﻬﺎ ﺍﺑﺪ
ﻛﻤﺖ ﺍﺩﻙ ﺳﺮﻳﻊ ﻓﺘﺤﺘﻬﺎ
ﻭﺟﺎﻧﺖ ﻣﺘﻔﺎﺟﺌﻪ
ﺿﺮﺑﺘﻬﺎ ﺍﻧﻲ ﻣﻮ ﻛﺎﻳﻠﺞ ﻟﺘﻘﻔﻠﻴﻦ ﺍﻟﺒﺎﺏ ﻟﻴﺶ ﺗﺤﺒﻴﻦ ﺗﻌﺎﻧﺪﻳﻦ
ﻣﻮ ﺩﺍ ﺍﺑﺪﻝ ﻭﺍﻟﻠﻪ ﻭﻛﻠﺖ ﺑﺲ ﺍﻛﻤﻞ ﺍﻓﺘﺤﻬﺎ
ﺑﺲ ﺍﺭﻳﺪ ﺍﻋﺮﻓﺞ ﺷﻨﻮ ﻣﻦ ﻃﻴﻨﻪ ﺍﻧﺖ
ﻟﺞ ﺍﻫﻠﺞ ﻣﺘﻔﻜﺮﻳﻦ ﺑﻴﻬﻢ ﻭﻫﺴﻪ ﺍﺣﻨﻪ ﻫﻢ ﻣﺘﻔﻜﺮﻳﻦ ﺑﻴﻨﻪ
ﺑﺪﻳﺖ ﺍﺿﺮﺑﻬﺎ
ﻭﻫﻲ ﻣﺴﻮﻳﻪ ﻧﻔﺴﻬﺎ ﻣﺘﻌﺮﻑ ﻟﻴﺶ ﻫﻴﺞ ﺍﺳﻮﻱ
ﻣﻼﻙ : ﺣﻴﻞ ﺍﺗﺎﺫﻳﺖ ﻣﻦ ﻋﻠﻲ ﺑﺪﻩ ﻳﺸﻚ ﺑﻴﻪ ﻫﻮﺍﻱ
ﻭﻋﺒﺎﻟﻪ ﺍﻧﻲ ﻭﺯﻳﺪ ﻉ ﺗﻮﺍﺻﻞ
ﻣﺎﻳﺪﺭﻱ ﺑﻴﻪ ﻟﻮ ﺍﻣﻮﺕ ﻣﺎﺍﻓﻜﺮ ﺑﺰﻳﺪ ﺍﺑﺪ
ﺑﺎﻟﻠﻴﻞ ﻛﻠﻲ ﺑﺎﺟﺮ ﺍﺧﺬﺝ ﻳﻢ ﺍﻫﻠﻲ ﺣﻴﻞ ﺍﻓﺮﺣﺖ
ﻛﻠﺖ ﺍﻏﻴﺮ ﺟﻮ ﻭﻱ ﺍﻟﺒﻨﺎﺕ ﻭﺑﻠﻜﻲ ﺍﺷﻮﻑ ﺍﻫﻠﻲ ﺑﺎﻟﺼﻮﺭ ﻭﻳﺴﻮﻟﻔﻠﻲ ﻉ ﺍﻟﺤﻔﻠﻪ
ﻣﺎﻛﺪﺭﺕ ﺍﻧﺎﻡ ﻣﻦ ﺍﻟﺘﻔﻜﻴﺮ ﻭﺍﻟﻔﺮﺣﻪ ﻣﻌﻘﻮﻟﻪ ﺑﺎﺟﺮ ﺭﺍﺡ ﺍﻛﺪﺭ ﺍﺷﻮﻑ ﺍﺧﻮﺍﻧﻲ ﻭﺍﺧﻮﺍﺗﻲ ﺣﺘﻠﻮ ﺑﺎﻟﺼﻮﺭ
ﺑﻌﺪﻳﻦ ﻧﻤﺖ ﻭﺍﺧﺬﺗﻨﻲ ﺍﻟﻨﻮﻣﻪ
ﻟﻤﻦ ﻛﻌﺪﻧﻲ ﻋﻠﻲ
ﺭﺣﺖ ﻟﺒﻴﺖ ﻋﻤﻮ ﺑﺲ ﻟﺠﻴﻦ ﻫﻢ ﺍﺟﺘﻲ ﻭﻳﺎﻳﻪ
ﺣﺴﻴﺖ ﺧﺎﻟﻪ ﺍﻡ ﻋﻠﻲ ﻫﻢ ﻓﺮﺣﺖ ﻣﻦ ﺷﺎﻓﺘﻨﻲ
ﺳﻠﻤﺖ ﻉ ﺍﻟﻜﻞ
ﻫﺪﻯ ﻣﺠﺎﻧﺖ ﺟﻮﻩ
ﻋﻤﻮ ﺭﺍﺡ ﻟﻠﺪﻭﺍﻡ
ﺧﺎﻟﻪ ﻣﺠﺎﻥ ﻋﺪﻫﺎ ﺩﻭﺍﻡ ﻫﻲ ﻭﺍﻟﺒﻨﺎﺕ ﻻﻥ ﻋﻄﻠﻪ
ﺍﺳﺘﻐﺮﺑﺖ ﻣﻦ ﺷﻔﺖ ﺧﺎﻟﻪ ﻭﺍﻟﺒﻨﺎﺕ ﻳﺴﻮﻟﻔﻦ ﻭﻳﺎﻳﻪ ﻭﻳﻀﺤﻜﻦ
ﻛﺘﻠﻬﻦ ﺧﻠﻲ ﻧﺴﻮﻱ ﺣﻤﻠﻪ ﻉ ﺍﻟﻤﻄﺒﺦ
ﺍﺩﺭﻱ ﺑﺨﺎﻟﻪ ﻣﻴﻌﺠﺒﻬﺎ ﺷﻜﻞ ﺍﻟﻤﻄﺒﺦ
ﺑﺲ ﺟﺎﻥ ﻋﺪﻫﺎ ﺩﻭﺍﻡ ﻭﻣﺘﻠﺤﻚ
ﻛﻤﻨﻪ ﺍﻧﻲ ﻭﺍﻟﺒﻨﺎﺕ ﻧﺰﻋﺖ ﻣﻼﺑﺴﻲ ﻭﻟﺒﺴﺖ ﻓﺴﺘﺎﻥ ﺑﺼﻠﻲ
ﺳﺎﻟﺖ ﺧﺎﻟﻪ ﻉ ﺍﻟﻐﺪﻩ
ﻛﺎﻟﺖ ﻣﺎﻋﻠﻴﺞ ﺍﻧﻲ ﺍﺳﻮﻱ ﻛﺒﻪ ﺳﻠﻚ ﻭﻱ ﺍﻟﻠﺤﻢ
ﻛﺎﻟﺖ ﻛﻤﻠﻦ ﻭﺍﺻﻌﺪﻥ ﻓﻮﻙ
ﺑﻌﺪﻫﺎ ﺳﻮﻳﻨﻪ ﺭﻳﻮﻙ ﻭﺍﺗﺮﻳﻜﻨﻪ
ﺧﻠﺼﻨﻪ ﻭﺻﻌﺪﻧﻪ
ﻛﺘﻠﻬﻦ ﺳﻮﻟﻔﻠﻲ ﺑﺎﻟﺒﺪﺍﻳﻪ ﺧﺎﻟﻪ ﻣﻮ ﺟﺎﻧﺖ ﻣﺎﻧﻌﺘﺠﻦ ﻣﻨﻲ
ﻛﺎﻟﻦ ﻫﺎﻱ ﻣﻦ ﺯﻣﺎﻥ ﻫﺴﻪ ﻻ ﻛﺎﻟﺖ ﺧﻄﻴﻪ ﺍﺣﺠﻦ ﻭﻳﺎﻫﺎ
ﻟﻌﺪ ﺗﻌﺎﻟﻦ ﺳﻮﻟﻔﻠﻲ ﻉ ﺍﻟﺤﻔﻠﻪ ﺑﺎﻟﺘﻔﺼﻴﻞ ﻭﺭﺍﻭﻧﻲ ﺍﻟﺼﻮﺭ
ﺣﺠﺖ ﻧﺮﻣﻴﻦ ﻛﺎﻟﺖ ﺣﻠﻮﻩ ﺍﻟﺤﻔﻠﻪ ﺻﺎﺭﺕ ﺭﻏﻢ ﻣﺎﻋﺎﺋﻠﻴﻪ
ﺍﺟﻦ ﺍﺧﻮﺍﺗﺞ ﺍﺛﻨﻴﻨﻬﻦ ﻭﺟﺎﻧﻦ ﺣﺒﺎﺑﺎﺕ ﻭﺍﺟﻪ ﺳﺮﻣﺪ ﻭﺯﻭﺟﺘﻪ ﺑﺲ ﺍﺑﺪ ﻣﺤﺒﻴﺘﻬﺎ
ﺟﺎﻧﺖ ﺷﺎﻳﻠﻪ ﺧﺸﻤﻬﺎ ﻭﻣﻮ ﻣﺮﻳﺤﻪ ﺍﺑﺪ
ﻟﺞ ﻫﻲ ﻫﺎﻱ ﺳﺒﺐ ﻫﻤﻲ ﻭﺗﻌﺎﺳﺘﻲ ﻛﻮﻟﻬﺎ
ﻟﻮ ﻣﺎ ﻣﺘﻔﻘﻪ ﻭﻱ ﺍﺧﻮﻫﺎ ﻣﺼﺎﺭ ﺍﻟﻲ ﺻﺎﺭ
ﺑﺪﻥ ﻳﺮﺍﻭﻧﻲ ﺑﺎﻟﻨﻴﺸﺎﻥ ﻭﺍﻟﺬﻫﺐ
ﻛﺘﻠﻬﻦ ﺍﻫﻢ ﺷﻲ ﺍﺭﻳﺪ ﺍﺷﻮﻑ ﺍﻟﺼﻮﺭ
ﺑﺪﻥ ﻳﺮﺍﻭﻧﻲ ﺑﺎﻟﺼﻮﺭ ﺍﺣﺲ ﮔﻠﺒﻲ ﺍﻧﻘﺒﺾ ﺣﻴﻞ
ﺷﻔﺖ ﺍﻟﻜﻮﻝ ﻓﺮﺣﺎﻥ ﻭﻳﺮﻛﺺ
ﺍﻟﻈﺎﻫﺮ ﻧﺎﺳﻴﻨﻲ ﻉ ﺍﻻﺧﻴﺮ
ﺍﺑﺎﻭﻉ ﻉ ﺗﻘﻰ ﻭﻟﻤﻰ ﺍﺧﻮﺍﺗﻲ ﻓﺮﺣﺎﻧﺎﺕ ﻉ ﺍﻻﺧﻴﺮ
ﺩﻣﻮﻋﻲ ﻛﺎﻣﻦ ﻳﻨﺰﻟﻦ ﺍﻧﻬﺎﺭ ﻣﺴﻴﻄﺮﺕ ﻉ ﻧﻔﺴﻲ ﺍﺑﺪ
ﻭﺧﺮﻥ ﺍﻟﻤﻮﺑﺎﻳﻞ ﻣﻦ ﺍﻳﺪﻱ
ﻛﺎﻟﻦ ﻛﺎﻓﻲ
ﻛﺘﻠﻬﻦ ﻻ ﻋﻔﻴﻪ ﺧﻠﻲ ﺍﻓﺮﻍ ﺍﻟﻲ ﺑﻜﻠﺒﻲ ﺣﺘﻰ ﺍﺭﺗﺎﺡ
ﻣﻌﻘﻮﻟﻪ ﻣﺤﺪ ﺳﺎﻝ ﻋﻠﻴﻪ
ﻣﺤﺪ ﻛﺎﻝ ﻭﻳﻦ ﻣﺎﻫﻲ
ﻣﺤﺪ ﻛﺎﻝ ﺷﻠﻮﻧﻬﺎ ﺯﻳﻨﻪ ﻣﻮﺯﻳﻨﻪ
ﻣﺤﺪ ﻛﺎﻝ ﻣﺮﺗﺎﺣﻪ ﻋﺪﻛﻢ ﻟﻮ ﻻ
ﻣﺤﺪ ﻛﺎﻝ ﻋﻠﻴﻪ ﺧﻄﻴﻪ ﺑﺲ ﺧﻞ ﻧﺸﻮﻓﻬﺎ ﻟﺤﻀﻪ
ﻛﻮﻩ ﻛﺪﺭﺕ ﺍﻧﺎﻡ ﺑﺎﻟﻠﻴﻞ ﻣﺸﺘﺎﻗﻪ ﺍﺷﻮﻓﻬﻢ ﻛﻮﻟﻬﻢ ﺣﺘﻠﻮ ﺑﺲ ﺑﺎﻟﺼﻮﺭ
ﻭﺣﺘﻠﻮ ﻣﻴﺮﺩﻭﻧﻲ
ﺧﻄﻴﻪ ﺍﻟﺒﻨﺎﺕ ﻳﺒﺠﻦ ﻭﻳﺎﻳﻪ
ﻛﺘﻠﻬﻦ ﻭﻏﻼﺗﻬﻢ ﻋﻨﺪﻱ ﻣﻔﻜﺮﺕ ﺑﻴﻮﻡ ﺍﻧﺰﻝ ﺭﻭﺳﻬﻢ ﻭﻻ ﺧﻨﺘﻬﻢ ﺍﺑﺪ ﻭﻣﻈﻠﻮﻣﻪ ﻭﺍﻟﻠﻪ
ﻭﺍﻟﻠﻪ ﻧﻌﺮﻑ ﺑﺲ ﺷﺒﺪﻳﻨﻪ ﻋﻠﻴﺞ
ﻛﺎﻟﺖ ﺣﻨﻴﻦ ﻟﺞ ﻧﺮﻣﻴﻦ ﺑﺲ ﺗﺘﺰﻭﺟﻴﻦ ﻣﺎﻫﺮ ﺍﺧﺬﻱ ﺣﻖ ﻣﻼﻙ ﻣﻨﻪ
ﻳﻮﻣﻴﻪ ﺷﺒﻌﻲ ﻛﺘﻞ
ﻛﻤﻨﻪ ﻧﻀﺤﻚ ﺷﻮﻳﻪ
ﻃﺒﻌﺎ ﻧﺴﻴﺖ ﺍﻟﻀﺤﻚ ﻭﻧﺴﻴﺖ ﺍﻟﻔﺮﺡ
ﺻﺎﺣﺘﻨﻪ ﺧﺎﻟﻪ ﻟﻠﻐﺪﻩ
ﻧﺰﻟﻨﻪ ﻟﻜﻴﻨﻪ ﻋﻤﻮ ﻭﻋﻠﻲ ﺟﺎﻳﻴﻦ
ﺻﺒﻴﻨﻪ ﺍﻟﻐﺪﻩ ﻭﻟﺠﻴﻦ ﺍﺧﺬﺕ ﺍﻟﻐﺪﻩ ﻭﺻﻌﺪﺕ ﻓﻮﻙ
ﻛﻌﺪﻧﻪ ﺳﻮﻳﻪ ﺍﺗﻐﺪﻳﻨﻪ
ﻭﺑﻌﺪﻫﺎ ﺭﺍﺣﻮ ﻋﻤﻮ ﻭﻋﻠﻲ
ﻛﺎﻟﻦ ﺍﻟﺒﻨﺎﺕ ﺧﻞ ﻧﺴﻮﻱ ﻛﻴﻚ
ﺳﻮﻳﻨﻪ ﺍﻟﻜﻴﻜﻪ ﻭﺑﻌﺪﻫﺎ ﻛﺘﻠﻬﻦ ﺧﻞ ﺍﻧﻈﻒ ﺍﻟﺼﺎﻟﻪ ﻭﻏﺮﻓﺔ ﻋﻤﻮ
ﺑﺪﻳﻨﻪ ﺍﻧﻈﻒ ﻭﺭﺗﺒﻨﻪ ﺍﻟﺒﻴﺖ
ﻭﺟﻬﺰﺕ ﺍﻟﻜﻴﻜﻪ
ﻧﺮﻣﻴﻦ ﺍﺧﺬﺕ ﻟﺨﺎﻟﻪ ﻭﺻﺒﻴﻨﻪ ﺍﻟﻬﺎ ﺟﺎﻱ
ﺍﺫﻥ ﺍﻻﺫﺍﻥ ﺻﻠﻴﻨﻪ ﻭﺧﻠﺼﻨﻪ
ﺑﻘﻴﻨﻪ ﻓﻮﻙ ﺑﻐﺮﻓﺔ ﺍﻟﺒﻨﺎﺕ
ﺑﻌﺪﻫﺎ ﻧﺰﻟﺖ ﻟﺨﺎﻟﻪ ﺳﺎﻟﺘﻬﺎ ﻉ ﺷﻜﻢ ﺍﻛﻠﻪ ﻣﺎﺍﻋﺮﻓﻠﻬﺎ
ﻋﻠﻤﺘﻨﻲ ﺑﻴﻬﻦ
ﺑﻌﺪﻫﺎ ﺍﺟﻮﻱ ﻋﻤﻮ ﻭﻋﻠﻲ ﻭﺍﺗﻌﺸﻴﻨﺎ
ﻋﻤﻮﻃﻠﺐ ﻣﻦ ﻋﻠﻲ ﺍﺑﻘﻪ ﻭﻓﺮﺣﺖ ﻻﻥ ﻫﻨﺎﻙ ﺍﺣﺲ ﺑﻮﺣﺪﻩ ﻣﻮ ﻃﺒﻴﻌﻴﻪ
ﺑﺲ ﺍﺗﻔﺎﺟﺎﺕ ﺑﺮﻓﺾ ﻋﻠﻲ
ﻭﻛﺎﻡ ﻳﺼﻴﺢ ﻋﻠﻴﻪ ﻛﺪﺍﻣﻬﻢ
ﻳﻜﻞ ﻟﻌﻤﻮ ﻣﺎﺍﻛﺪﺭ ﺍﻋﻮﻑ ﻟﺠﻴﻦ ﺑﻮﺣﺪﻫﺎ
ﻭﺍﻧﻲ ﻣﻦ ﺍﺑﻘﻰ ﺑﻮﺣﺪﻱ ﻋﺎﺩﻱ
ﺭﺣﻨﻪ ﻟﻠﺒﻴﺖ ﺑﺲ ﺣﺴﻴﺘﻪ ﻣﻮ ﻃﺒﻴﻌﻲ ﻭﻣﻌﺼﺐ ﻭﻳﺴﻮﻕ ﺳﺮﻳﻊ
ﻭﺻﻠﻨﻪ ﻟﻠﺒﻴﺖ ﻭﺩﺧﻠﺖ ﻟﻠﻐﺮﻓﻪ ﻗﻔﻠﺘﻬﺎ ﻋﻠﻴﻪ ﻻﻥ ﺍﺭﻳﺪ ﺍﺑﺪﻝ
ﺍﺗﻔﺎﺟﺄﺕ ﺑﺎﻟﺒﺎﺏ ﻳﻨﺪﻙ ﻗﻮﻱ ﻓﺘﺤﺘﻪ ﻋﻠﻲ ﺻﺎﺭ ﻛﺒﺎﻟﻲ ﺑﺲ ﻧﺎﺭﺻﺎﻳﺮ ﻭﻣﺎﺍﻋﺮﻑ ﺷﻨﻮ ﺍﻟﺒﻲ
ﺿﺮﺑﻨﻲ ﻭﻛﻠﻲ ﻟﻮﻳﺶ ﺍﻟﺒﺎﺏ ﻗﺎﻓﻠﺘﻬﺎ
ﻛﺘﻠﻪ ﻻﻥ ﺍﺑﺪﻝ
ﺍﺷﻮ ﻫﺬﺍ ﻓﻘﺪ ﺑﺲ ﻳﻀﺮﺏ ﺑﻴﻪ
ﺍﺭﻳﺪ ﺍﻋﺮﻑ ﻉ ﺷﻨﻮ ﻭﻟﻮﻳﺶ ﻳﻀﺮﺑﻨﻲ
ﺑﺲ ﻣﻨﻄﺎﻧﻲ ﻣﺠﺎﻝ
ﺣﻴﻞ ﺍﺫﺍﻧﻲ
ﺑﻌﺪﻳﻦ ﻛﻠﻲ ﻭﺍﻟﻠﻪ ﺍﻟﺞ ﻣﻬﻠﻪ ﺧﻤﺲ ﺩﻗﺎﻳﻖ ﺍﺫﺍ ﻣﻄﻠﻌﺘﻲ ﺍﻟﺠﻬﺎﺯ
ﺍﺍﺫﻳﺞ ﻭﺍﻟﻠﻪ
ﻫﺎﻱ ﺷﺪﺗﺤﺠﻲ ﺍﻧﺖ ﻣﻦ ﻛﻮﻝ ﻋﻘﻠﻚ ﻋﻨﺪﻱ ﺟﻬﺎﺯ
ﺷﻜﻢ ﻣﺮﻩ ﻓﺘﺸﺘﻨﻲ ﺷﻜﻢ ﻣﺮﻩ ﺣﻠﻔﺘﻠﻚ
ﻭﺍﻟﻘﺮﺍﻥ ﻣﺎﻋﻨﺪﻱ ﺍﻱ ﺟﻬﺎﺯ
ﺿﺮﺑﻨﻲ ﺑﻮﻛﺲ ﺧﺸﻤﻲ ﻭﺣﻠﮕﻲ ﻛﺎﻣﻦ ﻳﺠﺮﻥ ﺩﻡ
ﺣﻴﻞ ﺍﺫﺍﻧﻲ ﺑﻬﺎﻱ ﺿﺮﺑﺘﻪ
ﻟﺘﺤﻠﻔﻴﻦ ﺑﺎﻟﻘﺮﺍﻥ
ﻟﺞ ﺍﻧﺖ ﺷﻨﻮ ﻣﻦ ﺑﺸﺮ
ﻫﺴﺘﻮﻧﻲ ﻳﻠﻪ ﺍﻋﺮﻓﺖ ﻟﻴﺶ ﺍﻫﻠﺞ ﺣﺘﻰ ﻣﺤﺪ ﻳﺴﺎﻝ ﻋﻠﻴﺞ
ﻻﻥ ﻣﺘﺎﻛﺪﻳﻦ ﻣﻦ ﻧﺬﺍﻟﺘﺞ ﻭﺧﻴﺎﻧﺘﺞ
ﺍﻧﺖ ﺍﻟﻤﻔﺮﻭﺽ ﻣﻴﺴﻤﻮﻧﺞ ﻣﻼﻙ
ﺍﻟﻤﻔﺮﻭﺽ ﻳﺴﻤﻮﺝ ﺷﻴﻄﺎﻧﻪ
ﻫﺴﻪ ﺍﺭﻳﺪ ﺍﻟﺠﻬﺎﺯ ﺍﻟﻲ ﺗﺮﺍﺳﻠﻴﻦ ﺑﻲ ﺣﺒﻴﺐ ﺍﻟﻜﻠﺐ
ﻟﺞ ﺣﻘﻴﺮﻩ ﺷﻠﻮﻥ ﺗﻔﻜﺮﻳﻦ ﺍﻧﺖ ﺑﺬﻣﺘﻲ ﻭﺗﺤﺠﻴﻦ ﻭﻳﺎ ﻭﺗﻔﺘﺤﻴﻦ ﻛﺎﻡ ﻭﻳﺎ
ﻭﺗﻨﻄﻲ ﺗﻔﺎﺻﻴﻠﻨﻪ
ﺍﻧﺖ ﻣﻨﻴﻠﻚ ﻫﺬﺍ ﺍﻟﺤﺠﻲ
ﻫﻮ ﺩﺯﻟﻲ ﺭﺳﺎﻟﻪ ﻣﺘﻮﻫﻢ ﺑﻴﻬﺎ ﻉ ﺍﺳﺎﺱ ﺍﻟﺞ ﻭﻭﺻﻠﺖ ﺑﺎﻟﻐﻠﻂ
ﺑﺲ ﻭﺍﻟﻠﻪ ﺍﻟﻌﻈﻴﻢ ﻣﺎﺍﻟﻬﺎ ﺻﺤﻪ
ﺑﻌﺪﻧﻲ ﻣﻤﻜﻤﻠﻪ ﺭﺟﻊ ﺿﺮﺑﻨﻲ
ﻣﺎﺍﺭﻳﺪ ﺗﺤﻠﻔﻴﻦ ﺍﺑﺪ
ﻻﻥ ﻣﺎﺍﺻﺪﻛﺞ ﺍﺑﺪ
ﺳﻜﺘﺖ ﺑﻌﺪ ﻣﺤﺠﻴﺖ ﺷﻲ
ﻛﻮﻣﻲ ﻃﻠﻌﻲ ﻟﻠﺠﻬﺎﺯ
ﺳﻜﺘﺖ
ﻣﻮ ﺩﺍ ﺍﺣﺠﻲ ﻭﻳﺎﺝ
ﺍﻟﺼﺪﻛﺘﻨﻲ ﻭﺍﻟﻤﺼﺪﻛﺘﻨﻲ ﻣﻴﻬﻤﻨﻲ
ﻣﺎﻋﻨﺪﻱ ﺟﻬﺎﺯ ﺍﺑﺪ
ﺍﺫﺍ ﺗﺤﺐ ﺷﺪ ﻛﺎﻣﻴﺮﺍﺕ ﺑﻜﻮﻝ ﺍﻟﺒﻴﺖ ﻭﺭﺍﻗﺒﻨﻲ
ﺑﺪﻳﺖ ﺍﻣﺴﺢ ﺑﺎﻟﺪﻡ ﺍﻧﻤﻠﻴﺖ ﻣﻠﻲ
ﺟﺒﺖ ﻛﻠﻴﻨﻜﺲ ﻭﺑﺪﻳﺖ ﺍﻣﺴﺢ ﺑﻲ
ﺭﻭﺡ ﺟﻴﺐ ﻟﺠﻴﻦ ﻫﻢ ﺧﻞ ﺗﻔﺘﺸﻨﻲ
ﻭﺍﺫﺍ ﺣﺎﺏ ﺍﻧﺖ ﻫﻢ ﻓﺘﺸﻨﻲ ﻣﺘﻔﺮﻕ ﻋﻨﺪﻱ ﺑﻌﺪ
ﻟﺘﺒﻘﻰ ﻳﻮﻣﻴﻪ ﺟﺎﻳﺒﻠﻲ ﺳﺎﻟﻔﻪ
ﻻ ﻭﺍﻟﻠﻪ ﺍﺑﻘﻰ ﻭﺭﺍﺝ ﻭﺭﺍﺝ ﻟﻤﻦ ﺗﻨﻄﻴﻨﻲ ﺍﻟﺠﻬﺎﺯ
ﻻ ﻭﺍﻟﻠﻪ ﻧﻬﺎﻳﺘﺞ ﻉ ﺍﻳﺪﻱ
ﺣﻴﻞ ﺿﻮﺟﻨﻲ ﺑﺤﺠﻴﻪ
ﻭﺑﺪﻳﺖ ﺍﻛﺮﻫﺎ ﻟﻌﻠﻲ
ﺍﻧﻲ ﻫﻮﺍﻱ ﺍﺗﺴﺎﻫﻠﺖ ﻭﻳﺎﺝ ﻭﺍﻧﻄﻴﺘﺞ ﻣﺠﺎﻝ ﺍﻛﺜﺮ ﻣﻦ ﺍﻟﻼﺯﻡ
ﺑﺲ ﻣﻨﺎ ﻭﺭﺍﻳﺢ ﺍﻧﻲ ﺍﻋﺮﻑ ﺷﺎﺗﺼﺮﻑ ﻭﻳﺎﺝ
ﻻﻫﻠﻲ ﺑﻌﺪ ﻣﺘﺮﺣﻴﻦ ﺍﺑﺪ
ﺍﺑﻘﻲ ﻫﻨﺎ ﺧﺪﺍﻣﻪ ﻻ ﺍﻗﻞ ﻭﻻ ﺍﻛﺜﺮ
ﺳﻜﺘﺖ ﻭﺑﻘﻴﺖ ﺍﻟﺘﻬﻲ ﺍﻣﺴﺢ ﺑﺎﻟﺪﻡ
ﻋﺎﻓﻨﻲ ﻭﻃﻠﻊ
ﺭﺣﺖ ﺍﺑﺎﻭﻉ ﻟﻮﺟﻬﻲ ﻣﺸﻮﻩ
ﺍﺧﺬﺕ ﻣﻼﺑﺲ ﻭﺭﺣﺖ ﻟﻠﺤﻤﺎﻡ
ﺑﺪﻳﺖ ﺍﻣﺴﺢ ﺑﺎﻟﺪﻡ
ﺑﻌﺪﻫﺎ ﺳﺒﺤﺖ
ﺑﺲ ﺩﻣﻮﻋﻲ ﺗﺠﺮﻱ
ﺟﺎﻥ ﻋﻠﻲ ﻭﻳﺎﻱ ﺯﻳﻦ ﻫﺴﻪ ﻣﺎﺍﻋﺮﻑ ﺷﺒﻲ
ﺣﻴﻞ ﺍﺫﺍﻧﻲ ﺑﺎﻟﻀﺮﺏ
ﻛﻤﻠﺖ ﻭﻃﻠﻌﺖ
ﻟﻜﻴﺖ ﻋﻠﻲ ﻛﺒﺎﻟﻲ
ﻳﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ
ﻧﻈﺮﺍﺗﻪ ﻏﺮﻳﺒﻪ
ﺩﺧﻠﺖ ﻟﻠﻐﺮﻓﻪ ﺍﺷﻮ ﻫﺬﺍ ﻫﻢ ﺩﺧﻞ ﻭﻳﺎﻳﻪ
ﻛﻠﻲ ﻫﺎ ﺧﺎﺑﺮﺗﻲ ﻟﺤﺒﻴﺒﺞ
ﻓﺘﺤﺘﻲ ﻛﺎﻣﻴﺮﺍ
ﻫﺎﻱ ﺍﻧﺖ ﺗﺤﺠﻲ ﻣﻦ ﻛﻮﻝ ﻋﻘﻠﻚ
ﺑﻴﻚ ﺷﻲ ﺍﻟﻴﻮﻡ
ﺑﻼ ﻟﻐﻮﻩ ﻭﺗﻌﺎﻱ ﺍﻓﺘﺸﺞ
ﻋﻠﻲ ﻟﻬﻨﺎ ﻭﻛﺎﻓﻲ ﺗﺮﻩ ﻣﺼﺨﺘﻬﺎ
ﻭﺫﻟﻴﺘﻨﻲ ﺑﻤﺎ ﻳﻜﻔﻲ
ﺗﻌﺎﻝ ﻣﻦ ﺍﻻﺧﻴﺮ ﺷﻨﻮ ﺍﻟﺘﺮﻳﺪﻩ ﻣﻨﻲ
ﺍﺭﻳﺪ ﺍﻓﺘﺸﺞ
ﻣﺎﺍﺭﺗﺎﺡ ﻟﻤﻦ ﺍﻃﻠﻌﻴﻦ ﺍﻟﺠﻬﺎﺯ
ﺩﻣﻮﻋﻲ ﺗﺠﺮﻱ ﺍﺗﻘﺮﺑﺖ ﻋﻠﻲ
ﻋﻠﻲ ﻣﺘﺎﻛﺪ ﺍﻧﺖ ﻣﺤﺎﻣﻲ ﻭﺍﻧﺴﺎﻥ ﻣﺜﻘﻒ
ﻫﺎﻙ ﻓﺘﺸﻨﻲ
ﺑﺲ ﻭﺩﺍﻋﺖ ﻋﻤﻮ ﺭﺍﺡ ﺍﺧﻠﻴﻜﻢ ﻛﻠﻜﻢ ﺗﺘﻨﺪﻣﻮﻥ ﻉ ﺍﻟﻲ ﺳﻮﻳﺘﻮ ﺑﻴﻪ
ﻛﻤﺖ ﺍﺑﺠﻲ ﺑﺼﻮﺕ ....... ﺍﻟﻠﻪ ﻛﺮﻳﻢ ﺗﻬﻮﻥ
ﺑﺲ ﺛﻖ ﺑﺎﻟﻠﻪ ﻭﺍﻟﺮﺳﻮﻝ ﺭﺍﺡ ﺍﺧﻠﻴﻜﻢ ﺗﺒﺠﻮﻥ ﺍﺑﺪﺍﻝ ﺍﻟﺪﻣﻊ ﺩﻡ
ﺑﻜﻮﻝ ﻋﻴﻦ ﺻﻠﻔﻪ ﻓﺘﺸﻨﻲ
ﻭﺟﺴﻤﻲ ﺭﺟﻒ ﻣﻦ ﻟﻤﺴﻨﻲ
ﻣﻦ ﻭﺭﻩ ﻫﺎﻱ ﺳﻮﺍﻟﻔﺞ ﺭﺍﺡ ﺗﺠﺒﺮﻳﻨﻲ ﻣﺎﺍﻃﻠﻜﺞ
ﻭﺭﺍﺡ ﺍﺧﻠﻴﺞ ﻣﻌﻠﻜﻪ ﻫﻴﺞ ﻣﺠﺮﺩ ﺧﺪﺍﻣﻪ
ﺑﺲ ﺗﺤﻠﻢ ﺑﻬﺬﺍ ﺍﻟﺸﻲ
ﺍﻟﻠﻪ ﻋﺎﺩﻝ ﻣﺴﺘﺤﻴﻞ ﻳﺨﻠﻴﻨﻲ ﻫﻴﺞ
ﻻﺑﺪ ﺗﻈﻬﺮ ﺍﻟﺤﻘﻴﻘﻪ ﻭﺫﺍﻙ ﺍﻟﻮﻛﺖ ﺭﺍﺡ ﺍﻃﻠﻜﻨﻲ ﺑﺮﺿﺎﺗﻚ ﺍﻭ ﺑﺪﻭﻥ ﺭﺿﺎﺗﻚ
ﻫﺎ ﻭﻫﺴﻪ ﻣﻦ ﻓﺘﺸﺘﻨﻲ ﺍﺭﺗﺎﺣﻴﺖ
ﺑﺲ ﺍﺣﺐ ﺍﻛﻮﻟﻚ ﺷﻐﻠﻪ ﻭﺣﺪﻩ
ﺍﻧﻲ ﺷﻜﺪ ﺟﻨﺖ ﺍﺣﺘﺮﻣﻚ
ﺑﺲ ﻫﺴﻪ ﺍﺣﺐ ﺍﻛﻮﻟﻚ ﻭﺑﻮﺟﻬﻚ ﻣﻮ ﻣﻦ ﻭﺭﺍﻙ ﺍﺣﺠﻲ
ﺍﺣﺘﻘﺮﻙ ﻭﺍﻛﺮﻫﻚ ﻓﻮﻙ ﻣﺘﺘﺼﻮﺭ
ﻣﻮ ﻣﻬﻢ ﻋﻨﺪﻱ ﻻﻥ ﺍﻧﻲ ﻫﻢ ﺍﺣﺘﻘﺮﺝ ﻭﺍﻛﺮﻫﺞً
ﺍﺧﺮ ﺗﺤﺬﻳﺮ ﺍﻟﺞ ﻣﻮ ﻣﻦ ﺻﺎﻟﺤﺞ ﺗﺮﺍﺳﻠﻴﻦ ﺍﺑﻦ ﺧﺎﻟﺘﺞ
ﻭﺍﻟﻠﻪ ﺍﻋﺎﻧﺪ ﻭﻳﺎﻛﻢ ﻭﺍﺧﻠﻴﻜﻢ ﺗﺘﻨﺪﻣﻮﻥ
ﻋﺎﻓﻨﻲ ﻭﻃﻠﻊ
ﻟﻮ ﺍﻋﺮﻑ ﺷﺒﻲ ﻭﺷﺴﺎﻣﻊ ﺟﺎﻥ ﺍﺭﺗﺎﺣﻴﺖ
ﺑﻘﻴﺖ ﺍﺑﺠﻲ ﻟﻤﻦ ﻧﻤﺖ
ﻛﻌﺪﺕ ﺍﻟﺼﺒﺢ ﺍﺑﺎﻭﻉ ﻉ ﻭﺟﻬﻲ ﻣﻮﺭﻡ ﺣﻴﻞ
ﺑﻘﻴﺖ ﺑﺎﻟﻐﺮﻓﻪ ﻭﺍﺑﺪ ﻣﻄﻠﻌﺖ
ﻛﻠﺖ ﺑﻌﺪ ﻣﺎﺍﺳﻮﻱ ﺷﻲ ﺷﻨﻮ ﺟﺎﻳﺒﻨﻲ ﺧﺪﺍﻣﻪ
ﺍﺗﻮﺿﻴﺖ ﻭﺻﻠﻴﺖ
ﺍﺟﺘﻨﻲ ﻟﺠﻴﻦ
ﻛﺎﻣﺖ ﺗﺼﻴﺢ ﻛﻮﻣﻲ ﺳﻮﻱ ﻏﺪﻩ
ﻣﺠﺎﻳﺒﻴﻨﺞ ﺑﺲ ﺗﺎﻛﻠﻴﻦ ﻭﺗﻨﺎﻣﻴﻦ
ﻣﺤﺠﻴﺖ ﺷﻲ ﻋﻔﺘﻬﺎ ﺗﺤﺠﻲ ﻟﻤﻦ ﻣﻠﺖ
ﻋﺎﻓﺘﻨﻲ ﻭﻃﻠﻌﺖ
ﺍﻟﻴﻮﻡ ﺍﻟﻪ ﺍﻋﺎﻧﺪ ﻭﻳﺎﻫﻢ ﻭﻛﻠﻮﻟﺸﻲ ﻣﺎﺍﺳﻮﻱ ﻭﺍﻋﻠﻤﻬﻢ ﻣﻨﻮ ﺍﻟﺨﺪﺍﻣﻪ
ﺭﺟﻊ ﻋﻠﻲ ﻣﻦ ﺍﻟﺪﻭﺍﻡ
ﺩﺧﻞ ﻋﻠﻴﻪ ﺟﻨﻪ ﻣﺨﺒﻞ
ﻋﻮﺩ ﻋﺒﺎﻟﺞ ﻣﻦ ﺗﻌﺎﻧﺪﻳﻦ ﺣﻠﻮﻩ
ﻏﺼﺒﺎ ﻋﻠﻴﺞ ﺍﻃﺒﺨﻴﻦ ﻭﺗﻨﻈﻔﻴﻦ ﻭﺍﻧﺖ ﺍﻟﻤﻤﻨﻮﻩ
ﺍﺗﺠﺎﻫﻠﺘﻪ ﻭﻻ ﻛﺎﻧﻮ ﺍﺳﻤﻊ ﺷﻲ
ﺳﻮﻳﺖ ﻧﻔﺴﻲ ﻣﺎﺍﺳﻤﻊ
ﺳﺤﺐ ﺍﻟﻐﻄﻰ ﻣﻨﻲ
ﺍﻧﻲ ﺍﻋﺮﻑ ﺷﻠﻮﻥ ﺍﺧﻠﻴﺞ ﺗﻜﻌﺪﻳﻦ ﻭﺗﺤﺠﻴﻦ ﻣﺜﻞ ﺍﻟﺒﺸﺮ
ﺍﻧﻲ ﺧﻔﺖ ﻻ ﻳﺘﻠﻤﺴﻨﻲ ﻟﻮ ﺷﻮ ﺷﻴﺴﻮﻳﻠﻲ
ﻃﻔﺮﺕ ﻛﻌﺪﺕ
ﻟﺞ ﺍﺳﻤﻌﻲ ﻭﺍﻟﻠﻪ ﺍﺍﺫﻳﺞ ﺍﺫﺍ ﻣﺠﺮﻳﺘﻲ ﻋﺪﻝ
ﺍﻧﻲ ﺳﺎﻛﺘﻪ
ﺭﺍﺡ ﺍﻋﺎﻣﻠﺞ ﻣﻌﺎﻣﻠﻪ ﺗﻠﻴﻖ ﺑﻴﺞ ﻭﺑﻤﺴﺘﻮﺍﺝ ﺍﻟﺤﻘﻴﻘﻲ
ﻏﺼﺒﺎ ﻣﺎﻋﻠﻴﺞ ﺗﻨﻈﻔﻴﻦ ﻭﺍﻃﺒﺨﻴﻦ ﻭﻣﻤﻨﻮﻉ ﺍﺩﺧﻠﻴﻦ ﻟﻠﻐﺮﻓﻪ ﺑﺲ ﺑﺎﻟﻠﻴﻞ
ﺑﺲ ﺍﻧﻲ ﻣﺎﺍﻋﺘﻘﺪ ﺧﺪﺍﻣﻪ ﻋﻨﺪﻙ
ﺧﺪﺍﻣﻪ ﻭﻏﺼﺒﺎ ﻣﺎﻋﻠﻴﺞ
ﻻﻥ ﺍﻻﺣﺘﺮﺍﻡ ﻣﻴﺠﻴﺐ ﻧﺘﻴﺠﻪ
ﻭﺍﻧﻲ ﻣﺘﻮﻫﻢ ﺟﻨﺖ ﺑﻤﻌﺎﻣﻠﺘﻲ ﻭﻳﺎﺝ
ﻭﺩﻳﻨﻲ ﻟﻌﻤﻮ ﻣﺎﺍﺑﻘﻰ ﻭﻳﺎﻙ ﻭﻻ ﻟﺤﻀﻪ
ﺣﺘﻰ ﺗﺎﺧﺬﻳﻦ ﺭﺍﺣﺘﺞ ﻫﻨﺎﻙ ﺗﺨﺎﺑﺮﻳﻦ ﻭﺗﺘﺮﺍﺳﻠﻴﻦ ﻣﺎﻛﻮ ﺣﺴﺎﺏ
ﺭﺟﺎﺀﺁ ﺍﺣﺠﻲ ﻋﺪﻝ
ﻭﻟﺘﺠﻔﺺ ﺑﺎﻟﺤﺠﻲ
ﺍﺷﻮ ﻫﺬﺍ ﺿﺮﺑﻨﻲ ﺭﺍﺟﺪﻱ
ﻟﺘﺘﺠﺎﻭﺯﻳﻦ ﺑﺎﻟﺤﺠﻲ
ﺑﺲ ﺍﻧﻲ ﻣﺤﺠﻴﺖ ﺷﻲ
ﺍﻃﻠﻌﻲ ﻛﺪﺍﻣﻲ ﺭﻭﺣﻲ ﺳﻮﻱ ﺍﻟﻐﺪﻩ
ﺣﻴﻞ ﺿﻮﺟﻨﻲ
ﺭﺣﺖ ﻟﻠﻤﻄﺒﺦ ﺑﺲ ﺍﻓﻮﺭ ﺩﻡ
ﺭﺣﺖ ﺳﻮﻳﺖ ﺍﻟﻬﻢ ﻏﺪﻩ
ﺳﻮﻳﺖ ﻛﺒﺎﺏ ﻭﻛﺒﻪ ﻭﻃﻤﺎﻃﺎ
ﻛﻌﺪﻭﺍ ﻭﻫﺎﻱ ﻟﺠﻴﻦ ﺗﺴﻮﻟﻒ ﻭﺗﻀﺤﻚ ﺑﺲ ﺗﺮﻳﺪ ﺗﻐﺜﻨﻲ
ﺑﻘﻴﺖ ﺍﻟﻬﻲ ﻧﻔﺴﻲ ﺑﺎﻟﺘﻨﻈﻴﻒ
ﻃﻠﻌﺖ ﻧﻀﻔﺖ ﺍﻟﺤﺪﻳﻘﻪ ﻭﺭﺗﺒﻬﺎ
ﻭﺭﺟﻌﺖ ﻟﻜﻴﺖ ﺍﻟﻤﻮﺍﻋﻴﻦ ﻉ ﻣﻜﺎﻧﻬﻦ
ﺣﻴﻞ ﺍﻧﻐﺜﻴﺖ ﺷﻨﻮ ﺍﻧﻲ ﺧﺪﺍﻣﻪ ﻋﺪﻫﻢ
ﻋﻔﺘﻬﻦ ﻭﺭﺣﺖ ﺍﻧﻈﻒ ﺍﻟﺼﺎﻟﻪ
ﺻﺎﺣﻨﻲ ﻋﻠﻲ ﺟﺎﻥ ﺑﺎﻟﻤﻄﺒﺦ
ﺍﺗﺠﺎﻫﻠﺘﻪ ﻭﻻ ﻛﺎﻧﻮ ﺍﺳﻤﻌﻪ
ﺍﺟﺎﻧﻲ ﻟﻠﺼﺎﻟﻪ
ﺷﻨﻮ ﻃﺮﻣﻪ ﻭﻣﺘﺴﻤﻌﻴﻦ
ﻣﺤﺠﻴﺖ ﺷﻲ
ﺭﻭﺣﻲ ﺍﻏﺴﻠﻲ ﺍﻟﻤﻮﺍﻋﻴﻦ
ﺭﺣﺖ ﻟﻠﻤﻄﺒﺦ ﻏﺴﻠﺘﻬﻦ ﺑﺪﻭﻥ ﻛﻼﻡ
ﺑﺲ ﺍﺣﺲ ﺑﻨﻔﺴﻲ ﺍﺭﻳﺪ ﺍﻧﻔﺠﺮ ﻣﻦ ﺍﻟﻘﻬﺮ
ﺍﺟﻪ ﻭﺭﺍﻳﻪ ﻟﻠﻤﻄﺒﺦ
ﺳﻮﻳﻠﻲ ﺟﺎﻱ
ﺳﻮﻳﺖ ﻭﺻﺒﻴﺘﻠﻪ
ﺑﻘﻴﺖ ﺣﺎﻳﺮﻩ ﺷﺎﺳﻮﻱ ﺍﺩﺭﻱ ﺑﻲ ﻳﺮﻳﺪ ﺣﺠﻪ
ﻛﻠﺖ ﺧﻞ ﺍﻟﻬﻲ ﻧﻔﺴﻲ ﺍﺳﻮﻱ ﻛﺒﻪ
ﺧﺎﻟﻪ ﻋﻠﻤﺘﻨﻲ
ﻃﻠﻌﺖ ﻟﺤﻢ ﻭﺧﻠﻴﺘﻪ ﻉ ﺍﻟﻄﺒﺎﺥ
ﻭﻃﺒﺨﺖ ﺍﻟﺘﻤﻦ ﻭﺍﻟﺒﺮﻏﻞ
ﻫﻮ ﺭﺍﺡ ﻟﻠﻐﺮﻓﻪ
ﺑﻘﻴﺖ ﺍﻟﻬﻲ ﻧﻔﺴﻲ ﻣﺎﺍﺭﻳﺪ ﺍﻋﺎﻧﺪ ﻣﻮ ﻣﻦ ﺻﺎﻟﺤﻲ
ﺍﺑﻘﻰ ﻫﻴﺞ ﻟﻤﻦ ﺍﻟﻠﻪ ﻳﻔﺮﺟﻬﺎ ﻋﻨﻲ
ﺑﺲ ﺍﺷﻮﻑ ﻋﻤﻮ ﺍﻃﻠﺐ ﻣﻨﻪ ﺍﺭﺟﻊ ﻳﻤﻬﻢ ﻭﺑﻴﻮﻡ ﺍﻟﻴﺠﻮﻥ ﺍﻫﻠﻲ ﺍﺧﺘﻔﻲ ﺑﺎﻟﻐﺮﻓﻪ ﻣﺎﺍﺧﻠﻲ ﺑﺸﺮ ﻳﺸﻮﻓﻨﻲ
ﻭﺭﻩ ﻓﺘﺮﻩ ﻃﻠﻊ ﻋﻠﻲ
ﻭﺍﻧﻲ ﺑﻘﻴﺖ ﺍﺳﻮﻱ ﺍﻟﻜﺒﻪ
ﺑﺲ ﻣﺸﻜﻠﺘﻲ ﻣﺎﺍﻋﺮﻑ ﺍﻟﻔﻬﺎ ﻟﻠﻜﺒﻪ
ﺑﻘﻴﺖ ﺍﻛﺜﺮ ﻣﻦ ﺳﺎﻋﻪ ﺑﻮﺣﺪﻩ ﺍﺟﺮﺏ ﻟﻤﻦ ﺷﻮﻳﻪ ﻇﺒﻄﺘﻬﺎ
ﺑﺲ ﻫﻢ ﺗﻤﻮﺕ ﻣﻦ ﺍﻟﻀﺤﻚ
ﺑﻘﻴﺖ ﻟﻠﻤﻐﺮﺏ ﻛﻤﻠﺘﻬﻦ
ﻟﺠﻴﻦ ﻣﺎﻃﻠﻌﺖ ﻣﻦ ﺑﺎﺏ ﺍﻟﻐﺮﻓﻪ ﺑﺲ ﻟﺤﻀﻪ ﻭﺣﺪﻩ ﺩﺧﻠﺖ ﺷﺎﻓﺘﻨﻲ ﺍﺳﻮﻱ ﺍﻟﻜﺒﻪ ﻭﺭﺟﻌﺖ ﻣﺤﺠﺖ ﺷﻲ ﻭﻳﺎﻳﻪ ﺍﺑﺪ
ﺍﺫﻥ ﺭﺣﺖ ﺻﻠﻴﺖ ﻭﻗﺮﻳﺖ ﻗﺮﺍﻥ
ﺑﻘﻴﺖ ﻓﺘﺮﻩ ﺑﺎﻟﻐﺮﻓﻪ ﺍﻗﺮﻩ ﻗﺮﺍﻥ
ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻭﺭﻩ ﻟﺤﻀﺎﺕ ﺩﺧﻞ ﻋﻠﻴﻪ ﻋﻠﻲ ﻣﺜﻞ ﺍﻟﻤﺨﺒﻞ
ﺍﻧﻲ ﺑﻌﺪﻧﻲ ﻻﺑﺴﻪ ﺍﻻﺣﺮﺍﻡ
ﻛﺎﻡ ﻳﺼﻴﺢ ﻋﻠﻴﻪ
ﺷﻠﻮﻥ ﻭﻳﺎﺝ ﻧﺎﻭﻳﻪ ﺍﻛﺘﻠﺞ ﻭﺍﺩﺧﻞ ﺳﺠﻦ ﻣﻦ ﻭﺭﺍﺝ
ﻭﺍﻟﻠﻪ ﺧﺒﻠﺘﻴﻨﻲ
ﺷﻨﻮ ﻣﻦ ﺑﺸﺮ ﺍﻧﺖ ﻣﺎﺍﺩﺭﻱ
ﺷﻤﺴﻮﻳﻪ ﺍﻧﻲ
ﺿﺮﺑﻨﻲ ﺑﻜﻞ ﻗﻮﻩ ﺭﺍﺟﺪﻱ
ﻫﻮ ﺷﻨﻮ ﺍﻟﻤﺎﺳﻮﻳﺘﻲ ﺑﻌﺪ
ﺷﻨﻮ ﺗﻨﻄﻴﻦ ﺗﻔﺎﺻﻴﻠﺞ ﻟﻬﺬﺍ ﺍﻟﺴﻜﻂ ﺍﺑﻦ ﺍﻟﺴﻜﻂ
ﻭﺍﻟﻠﻪ ﺍﻋﺎﻧﺪ ﻭﻳﺎﺝ ﻟﻮ ﺗﻤﻮﺗﻴﻦ ﻣﺎﺍﻃﻠﻜﺞ ﻭﻻ ﺍﺧﻠﻴﺞ ﺗﺘﻬﻨﻴﻦ ﻭﻳﺎ
ﻫﺎﻱ ﺍﻧﺖ ﺷﺪﺗﺤﺠﻲ
ﻣﻦ ﻛﻮﻝ ﻋﻘﻠﻚ
ﻳﺎﺑﻪ ﻭﺣﻖ ﻫﺬﺍ ﺍﻟﻘﺮﺍﻥ ﺍﻟﺒﻴﺪﻱ ﻣﺎﻋﻨﺪﻱ ﺍﻱ ﺟﻬﺎﺯ ﻭﻻ ﻣﺮﺍﺳﻠﻪ ﺍﺣﺪ ﺍﺑﺪ
ﻣﺎﺍﺭﻳﺪ ﺟﺬﺏ ﺍﺑﺪ ﻭﻟﺘﺤﻠﻔﻴﻦ ﻻﻥ ﻣﺎﺍﺻﺪﻛﺞ ﺍﺑﺪ
ﻟﺘﺼﺪﻛﻨﻲ ﻭﺍﻧﻲ ﻫﻢ ﻣﻤﺠﺒﻮﺭﻩ ﺑﻌﺪ ﺍﺣﻠﻒ ﻭﺍﺑﺮﺭ
ﺍﺫﺍ ﺣﺎﺏ ﺷﺪ ﻛﺎﻣﻴﺮﺍﺕ ﺑﺎﻟﺒﻴﺖ ﻛﻮﻟﻪ ﻭﺭﺍﻗﺒﻨﻲ
ﻟﺘﻀﻞ ﻛﻞ ﺷﻮﻳﻪ ﻭﺗﺎﻫﻤﻨﻲ
ﻫﻮ ﻫﻢ ﻫﻴﺞ ﺭﺍﺡ ﺍﺳﻮﻱ ﺍﻓﻀﻞ
ﻣﻦ ﺑﺎﺟﺮ ﺍﺷﺪ ﺍﻟﻜﺎﻣﻴﺮﺍﺕ ﻭﺍﻋﻠﻤﺞ ﺷﻠﻮﻥ ﺗﺘﺮﺍﺳﻠﻴﻦ
ﻭﺧﻞ ﻳﻜﻮﻥ ﺑﻌﻠﻤﺞ ﺑﻌﺪ ﻣﻤﻨﻮﻉ ﺍﺩﺧﻠﻴﻦ ﺍﻟﻐﺮﻓﻪ ﺍﻟﻪ ﺑﺎﻟﻠﻴﻞ
ﻭﻫﺴﻪ ﻳﻠﻪ ﺭﻭﺣﻲ ﺷﻮﻓﻲ ﺷﻐﻠﺞ ﺳﻮﻱ ﻋﺸﻪ
ﺣﻴﻞ ﺍﻧﺨﻨﻜﺖ ﻛﻮﻩ ﺳﻴﻄﺮﺕ ﻉ ﺩﻣﻌﺘﻲ
ﺭﺣﺖ ﺳﻮﻳﺖ ﺍﻟﻌﺸﻪ
ﺳﻮﻳﺖ ﻛﺒﻪ ﻭﻓﻨﻜﺮ ﻭﺳﻮﻳﺖ ﺯﻻﻃﻪ
ﻫﻮ ﺟﺎﻳﺐ ﻭﻳﺎ ﺻﻤﻮﻥ
ﻛﻤﻠﺖ ﺻﺤﺘﻬﻢ ﻭﺍﺟﻮﻱ
ﻛﻌﺪﻭ ﺍﺗﻌﺸﻮ ﻭﺳﻮﻳﺖ ﺟﺎﻱ
ﺍﻟﻴﻮﻡ ﻟﻬﺴﻪ ﻣﻤﺎﻛﻠﻪ ﺷﻲ ﻭﺟﻮﻋﺎﻧﻪ ﻫﺴﻪ ﺑﺲ ﺧﻞ ﻳﺮﺣﻮﻥ ﻭﺍﺗﻌﺸﻪ
ﻛﻤﻠﻮ ﺍﻟﻌﺸﻪ ﻭﻟﺠﻴﻦ ﻏﺴﻠﺖ ﻭﺗﺮﻛﺖ ﺍﻟﻤﻮﺍﻋﻴﻦ
ﺣﺘﻰ ﺍﻟﺠﺎﻱ ﻃﻠﺒﻪ ﻣﻨﻲ
ﺣﻴﻞ ﺍﻧﻬﻀﻤﺖ ﻭﺿﺠﺖ
ﻏﺴﻠﺘﻬﻦ ﻭﻧﺰﻟﺖ ﺩﻣﻮﻋﻲ
ﻳﻌﻨﻲ ﻣﻦ ﺻﺪﻭﻙ ﺧﻠﻮﻧﻲ ﺧﺪﺍﻣﻪ
ﻣﺎﺍﻋﺮﻑ ﻟﻮﻳﺶ ﻳﺸﻚ ﺑﻴﻪ ﻫﻴﺞ
ﺭﺍﺣﻮﺍ ﺑﻌﺪﻫﺎ ﻟﻐﺮﻓﺘﻬﻢ ﺳﻮﻳﺘﻠﻲ ﻟﻔﻪ
ﻭﻛﻌﺪﺕ ﺣﺎﻭﻟﺖ ﺍﻛﻞ ﺭﻏﻢ ﻣﺎﺍﻧﻲ ﺟﻮﻋﺎﻧﻪ ﺣﻴﻞ ﺣﻴﻞ
ﺑﺲ ﻛﻮﻩ ﻛﺪﺭﺕ ﺍﻛﻮﻝ ﻧﺺ ﺍﻟﻠﻔﻪ ﻭﺍﻟﻨﺺ ﺍﻟﺜﺎﻧﻲ ﺣﻄﻴﺘﻪ ﺑﺎﻟﻤﺎﻋﻮﻥ ﻛﺒﺎﻟﻲ
ﻭﺟﻨﺖ ﺻﺎﻓﻨﻪ ﺍﻛﻮﻝ ﻭﻳﻦ ﺟﻨﺖ ﻭﻳﻦ ﻫﺴﻪ ﺻﺮﺕ
ﻟﻮ ﻣﺎ ﺯﻳﺪ ﻫﺴﻪ ﺍﻧﻲ ﺍﺩﺍﻭﻡ ﺑﺎﻟﻜﻠﻴﻪ ﻭﺑﻨﺺ ﺍﻫﻠﻲ
ﺍﻟﻠﻪ ﻟﻴﻮﻓﻘﻚ ﺯﻳﺪ
ﻓﺠﺄﻩ ﻟﻜﻴﺖ ﻋﻠﻲ ﻛﺒﺎﻟﻲ
ﮔﻌﺪ ﻛﺒﺎﻟﻲ ﻭﻛﻠﻲ
ﺍﺳﻤﻌﻴﻨﻲ ﺯﻳﻦ ﻣﻼﻙ
ﻫﺎﻱ ﺍﺧﺮ ﻣﺤﺎﻭﻟﻪ ﻭﻳﺎﺝ ﻻﺯﻡ ﺗﻨﻄﻴﻨﻲ ﺍﻟﺠﻬﺎﺯ ﻭﺍﺗﺮﻛﻴﻦ ﺯﻳﺪ
ﻣﻮ ﻣﻦ ﺻﺎﻟﺤﺞ ﺗﺘﺮﺍﺳﻠﻴﻦ ﻭﻳﺎ ﻭﺍﻧﺖ ﺑﺬﻣﺘﻲ
ﺍﻧﻲ ﻣﺎﺍﺣﺐ ﺍﺍﺫﻳﺞ ﺑﺲ ﺍﻧﺖ ﻛﺎﻋﺪ ﺗﺠﺒﺮﻳﻨﻲ ﻉ ﻫﺬﺍ ﺍﻟﺸﻲ
ﺗﻌﺒﺖ ﻣﻦ ﺍﻟﺘﺒﺮﻳﺮ ﻭﻫﻮﺍﻱ ﺍﺣﻠﻔﺖ ﻣﻠﻴﺖ
ﺑﻘﻴﺖ ﺳﺎﻛﺘﻪ ﻋﻔﺘﻪ ﻳﺤﺠﻲ ﻭﻛﻤﺖ ﻣﺠﺎﻭﺑﺘﻪ
ﻟﺰﻡ ﺍﻳﺪﻱ ﻭﺭﺟﻌﻨﻲ
ﻣﻦ ﺍﺣﺠﻲ ﻭﻳﺎﺝ ﺟﺎﻭﺑﻴﻨﻲ
ﻣﺎﻋﻨﺪﻱ ﺣﺠﻲ ﻭﻳﺎﻙ ﺍﺑﺪ
ﻭﺧﺮﺕ ﺍﻳﺪﻱ ﻣﻦ ﺍﻳﺪﻩ
ﻛﻤﺖ ﺿﻤﻴﺖ ﺍﻟﻠﻔﻪ ﺍﻟﺒﻘﺖ ﻭﻏﺴﻠﺖ ﻣﺎﻋﻮﻧﻲ
ﺳﻜﺖ ﻫﻮ ﻭﺑﻌﺪﻫﺎ ﻋﺎﻓﻨﻲ ﻭﻃﻠﻊ
ﺭﺣﺖ ﻟﻐﺮﻓﺘﻲ ﺑﺲ ﺭﻭﺣﻲ ﻃﺎﻟﻌﻪ ﻣﻦ ﺍﻟﺪﻧﻴﺎ ﻛﻮﻟﻬﺎ
ﺛﺎﻧﻲ ﻳﻮﻡ ﺭﺟﻊ ﻣﻦ ﺍﻟﺪﻭﺍﻡ ﻭﺟﺎﻳﺐ ﻭﻳﺎ ﻛﺎﻣﻴﺮﺍﺕ ﻭﺷﺪﻭﻫﻦ ﻭﺣﺪﻩ ﺑﺎﻟﺼﺎﻟﻪ ﻭﺣﺪﻩ ﺑﺎﻟﻤﻄﺒﺦ ﻭﺣﺪﻩ ﺑﺎﻟﺤﺪﻳﻘﻪ
ﻣﻦ ﺻﺪﻭﻙ ﺣﺴﻴﺖ ﺑﺎﻟﺬﻝ
ﺑﻘﻴﻨﻪ ﻫﺎﺩﺋﻴﻦ ﻟﻨﻬﺎﻳﺔ ﺍﻻﺳﺒﻮﻉ
ﺍﻧﻲ ﻳﻮﻣﻴﻪ ﺣﺎﻟﻲ ﺣﺎﻝ ﺍﻟﺨﺪﺍﻣﻪ
ﺍﻧﻈﻒ ﻭﺍﻃﺒﺦ ﻭﻣﺎﺍﺩﺧﻞ ﻟﻐﺮﻓﺘﻲ ﺍﺑﺪ ﻟﻠﻴﻞ ﻳﻠﻪ
ﻋﻠﻲ : ﻋﻘﻠﻲ ﺭﺍﺡ ﻳﻮﻛﻒ ﺍﺗﻤﻨﻰ ﺍﻧﺪﻝ ﺍﻟﺠﻬﺎﺯ ﻭﻳﻦ ﻣﺨﻠﻴﺘﻪ ﺑﺲ ﻣﻠﻴﺖ
ﻭﻫﺬﺍ ﺍﻟﺤﻘﻴﺮ ﻛﺎﻋﺪ ﻳﺴﺘﻔﺰﻧﻲ ﺑﻬﻮﺍﻱ ﺍﺷﻴﺎﺀ
ﻣﻦ ﺭﺟﻌﺖ ﻣﻦ ﺍﻫﻠﻲ ﻫﻮﺍﻱ ﺍﺍﺫﻳﺘﻬﺎ ﻟﻤﻼﻙ ﻭﺿﺮﺑﺘﻬﺎ
ﻭﺭﺍﻫﺎ ﺍﺗﻨﺪﻣﺖ ﺣﻴﻞ ﻛﻠﺖ ﺧﻞ ﺍﺟﻲ ﻟﻠﻐﺮﻓﻪ ﺍﻋﺘﺬﺭ ﻣﻨﻬﺎ
ﺑﺲ ﻣﻦ ﺷﻔﺘﻬﺎ ﺑﺎﻟﺤﻤﺎﻡ ﺍﺗﺨﺒﻠﺖ ﺍﺗﺬﻛﺮﺕ ﺑﺎﻟﺮﺳﺎﻟﻪ ﻣﻦ ﻛﻠﻠﻬﺎ ﺍﺩﺧﻠﻲ ﺑﺎﻟﺤﻤﺎﻡ ﻭﺧﺎﺑﺮﻳﻨﻲ
ﺍﻧﺘﻈﺮﺗﻬﺎ ﻟﻤﻦ ﻃﻠﻌﺖ
ﻛﺘﻠﻬﺎ ﺧﻞ ﺍﻓﺘﺸﺠﺞ
ﺭﻓﻀﺖ ﻭﺟﻨﺖ ﻣﺘﺎﻛﺪ ﻋﺪﻫﺎ ﺍﻟﺠﻬﺎﺯ
ﺻﻤﻤﺖ ﺍﻓﺘﺸﻬﺎ ﺑﻴﺪﻱ
ﻭﻓﻌﻼ ﻓﺘﺸﺘﻬﺎ
ﻛﻠﺒﻲ ﺭﺟﻒ ﻣﻦ ﻟﻤﺴﺘﻬﺎ
ﻭﺍﻣﻮﺭﻱ ﺍﺗﺨﺮﺑﻄﺖ ﻣﻦ ﺍﺗﻘﺮﺑﺘﻠﻬﺎ
ﺑﺲ ﻛﻠﺖ ﻣﻼﺯﻡ ﺍﺿﻌﻒ ﻛﺪﺍﻣﻬﺎ ﺍﺑﺪ
ﺑﻌﺪﻳﺖ ﺗﻔﺎﺟﺎﺕ ﻫﻢ ﻣﺎﻛﻮ ﺟﻬﺎﺯ
ﻣﻌﻘﻮﻟﻪ ﺍﻃﻠﻊ ﻣﺘﻮﻫﻢ
ﺛﺎﻧﻲ ﻳﻮﻡ ﺩﺍﻭﻣﺖ ﻭﺍﺗﺼﻠﺖ ﺑﻴﻪ ﻟﺠﻴﻦ ﻭﻛﻠﺘﻠﻲ ﻣﺘﻘﺒﻞ ﺗﻄﻠﻊ ﻭﻻ ﺗﻄﺒﺦ
ﻛﺘﻠﻬﺎ ﺍﻧﻲ ﺍﺟﻴﺐ ﻭﻳﺎﻱ ﺟﺎﻫﺰ
ﻭﺭﻩ ﺷﻮﻳﻪ ﺍﺟﺘﻨﻲ ﺭﺳﺎﻟﻪ ﻣﻦ ﺯﻳﺪ
ﻟﻚ ﺣﻴﻮﺍﻥ ﻣﻨﻮ ﺳﻤﺤﻠﻚ ﺗﻀﺮﺏ ﺣﺒﻴﺒﺘﻲ ﻭﺗﺨﻠﻴﻬﺎ ﺯﺭﻛﻪ
ﻭﺍﻟﻠﻪ ﺍﺟﻴﻚ ﻟﻨﺺ ﺑﻴﺘﻚ ﻭﺍﺧﺬﻫﺎ ﻏﺼﺒﺎ ﻣﺎﻋﻠﻴﻚ
ﺗﺨﺒﻠﺖ ﺷﻤﺪﺭﻱ ﺑﻴﻪ ﺍﻧﻲ ﺿﺎﺭﺑﻬﺎ
ﺍﻛﻴﺪ ﻣﺮﺍﺳﻠﺘﻪ
ﺭﺟﻌﺖ ﻟﻠﺒﻴﺖ ﻭﻫﻢ ﺿﺮﺑﺘﻬﺎ
ﻭﻛﺘﻠﻬﺎ ﻏﺼﺒﺎ ﻋﻠﻴﺞ ﺗﺨﺪﻣﻴﻨﻪ ﻭﺍﻃﺒﺨﻴﻦ
ﺍﺑﺎﻭﻉ ﻉ ﻭﺟﻬﺎ ﺍﺣﻤﺮ ﻉ ﺍﺯﺭﻙ ﻉ ﺑﻨﻔﺴﺠﻲ
ﻛﻠﺖ ﺣﻴﻞ ﻭﻳﺎﻫﺎ ﺗﺴﺘﺎﻫﻞ ﻭﺣﺘﻰ ﺍﻫﻠﻬﺎ ﻣﻦ ﻫﻴﺞ ﻳﻌﺎﻣﻠﻮﻫﺎ ﺗﺴﺘﺎﻫﻞ
ﻻﻥ ﻃﻠﻌﺖ ﻭﺣﺪﻩ ﺑﻼ ﺍﺧﻼﻕ ﻣﻦ ﺻﺪﻙ
ﺭﺍﺣﺖ ﻟﻠﻤﻄﺒﺦ ﻭﺟﻬﺰﺕ ﺍﻟﻐﺪﻩ
ﻭﺑﻌﺪﻫﺎ ﺑﺪﺕ ﺗﻨﻈﻒ
ﺍﺭﺗﺎﺣﻴﺖ ﺷﻮﻳﻪ ﺑﻌﺪ ﺍﻟﻐﺪﻩ ﻭﺭﺣﺖ ﻟﻠﻤﻜﺘﺐ
ﺧﻠﻴﺘﻬﺎ ﺗﺴﻮﻱ ﻛﺒﻪ
ﺑﺎﻟﻤﻜﺘﺐ ﻭﺟﺎﻥ ﺗﺠﻴﻨﻲ ﺭﺳﺎﻟﻪ ﻣﻦ ﻫﺬﺍ ﺍﻟﺤﻘﻴﺮ
ﻟﻮﻳﺶ ﺍﺗﻌﺒﻮﻥ ﺣﺒﻴﺒﺘﻲ ﻭﺗﺨﻠﻮﻫﺎ ﺗﺴﻮﻱ ﻛﺒﻪ
ﺗﺎﻛﻠﻮﻥ ﺳﻢ ﺍﻥ ﺷﺎﺀ ﺍﻟﻠﻪ ﺍﻧﺖ ﻭﺍﻟﻌﻮﺑﻪ ﻣﺮﺗﻚ
ﺍﺗﺨﺒﻠﺖ ﺍﻟﻪ ﺷﻮﻳﻪ
ﻭﺣﺎﻳﺮ ﻣﺎﺍﻋﺮﻑ ﺷﺎﺗﺼﺮﻑ ﺑﻬﺎﻱ ﺍﻟﺤﺎﻟﻪ
ﺭﺟﻌﺖ ﻟﻠﺒﻴﺖ ﻭﺩﺧﻠﺖ ﻛﺒﻞ ﻋﻠﻴﻬﺎ ﻭﻟﻜﻴﺘﻬﺎ ﺑﻌﺪﻫﺎ ﺑﺎﻻﺣﺮﺍﻡ
ﻳﻤﻜﻦ ﻣﻦ ﺳﻤﻌﺘﻨﻲ ﺍﺟﻴﺖ ﻟﺒﺴﺘﻪ
ﺿﺮﺑﺘﻬﺎ ﻫﻤﻴﻦ ﻭﻛﺘﻠﻬﺎ ﺳﻮﻱ ﻋﺸﻪ
ﻣﺎﺍﺩﺭﻱ ﺑﻴﻬﺎ ﺗﺎﻛﻞ ﻻ
ﻛﻤﻠﻨﻪ ﺍﻟﻌﺸﻪ ﻭﺍﺗﻌﻤﺪ ﺍﺧﻠﻲ ﻟﺠﻴﻦ ﻣﺘﻐﺴﻞ ﺍﻟﻤﻮﺍﻋﻴﻦ
ﺍﺗﻐﻴﺮﺕ ﻣﻌﺎﻣﻠﺘﻲ ﻭﻳﺎﻫﺎ
ﻛﻠﺖ ﻻﺯﻡ ﺍﺳﺘﺸﻴﺮ ﺍﺑﻮﻳﻪ ﺷﺎﺗﺼﺮﻑ ﻭﻳﺎﻫﺎ
ﻋﻔﺘﻬﺎ ﻭﻃﻠﻌﺖ
ﺑﻌﺪﻳﻦ ﻛﻠﺖ ﺧﻞ ﺍﺣﺎﻭﻝ ﻭﻳﺎﻫﺎ ﺍﺧﺮ ﻣﺮﻩ
ﺩﺧﻠﺖ ﻟﻜﻴﺘﻬﺎ ﺻﺎﻓﻨﻪ ﻭﻣﺎﻛﻠﻪ ﻧﺺ ﻟﻔﻪ ﻭﻋﺎﻳﻔﻪ ﺍﻟﻨﺺ ﺍﻟﺜﺎﻧﻲ
ﺑﺲ ﺣﺠﻴﺖ ﻭﻳﺎﻫﺎ ﺗﺮﻛﺘﻨﻲ ﻭﻛﺎﻣﺖ.....قصص عراقيه حقيقيه من واقعنا.روعه الطائي
ﻧﺮﻓﺰﺗﻨﻲ ﺑﻬﺬﺍ ﺗﺼﺮﻓﻬﺎ ﻭﺭﺟﻌﺘﻬﺎ ﻭﺣﺠﻴﺖ ﻭﻳﺎﻫﺎ
ﻃﻠﺒﺖ ﺍﺷﺪ ﻛﺎﻣﻴﺮﺍﺕ
ﻭﻓﻌﻼ ﺍﻓﻀﻞ ﺣﻞ
ﺛﺎﻧﻲ ﻳﻮﻡ ﺷﺪﻳﺖ ﺍﻟﻜﺎﻣﻴﺮﺍﺕ
ﻭﺑﺪﻳﺖ ﺍﺭﺍﻗﺒﻬﺎ ﻃﺒﻌﺎ ﻟﺠﻴﻦ ﻣﺘﺪﺭﻱ ﺷﺎﺩ ﻛﺎﻣﻴﺮﺍﺕ
ﻣﺤﺒﻴﺖ ﺍﻓﻀﺤﻬﺎ ﻟﻤﻼﻙ ﻭﺍﻓﻀﺢ ﻧﻔﺴﻲ
ﺍﻛﺪﺕ ﻉ ﻣﻼﻙ ﻣﺤﺪ ﻳﻌﺮﻑ ﺑﺎﻣﺮ ﺍﻟﻜﺎﻣﻴﺮﺍﺕ
ﺷﺪﻳﺘﻪ ﺑﺎﻟﺠﻬﺎﺯ ﻣﺎﻟﺘﻲ
ﺍﺑﺪ ﻣﺘﺪﺧﻞ ﻟﻠﻐﺮﻓﻪ ﻭﺗﺒﻘﻰ ﺑﺲ ﺗﻨﻈﻒ
ﻣﺼﺤﻠﻲ ﻣﺠﺎﻝ ﺍﺣﺠﻲ ﻭﻱ ﺍﺑﻮﻳﻪ
ﺍﺗﻔﻖ ﻭﻳﺎﻱ ﻛﻠﻲ ﺑﺎﺟﺮ ﺳﺒﺖ ﻧﺮﻭﺡ ﻟﻠﻨﺠﻒ ﺍﻟﺼﺒﺢ ﻭﻧﺮﺟﻊ ﺑﺎﻟﻠﻴﻞ
ﻛﺘﻠﻪ ﺍﻟﻠﻪ ﻛﺮﻳﻢ
ﻣﻦ ﻳﻮﻡ ﺍﻟﺸﺪﻳﻨﻪ ﺍﻟﻜﺎﻣﻴﺮﺍﺕ ﻟﻠﻴﻮﻡ ﻣﺘﺠﻴﻨﻲ ﺭﺳﺎﺋﻞ ﻣﻦ ﺍﺑﻦ ﺧﺎﻟﺘﻬﺎ
ﻳﻌﻨﻲ ﻣﻌﻨﺎﻫﺎ ﻻﻥ ﻣﺮﺍﻗﺒﻪ
ﺭﺟﻌﺖ ﺑﺎﻟﻠﻴﻞ ﺳﻮﺕ ﻋﺸﻪ ﻭﺍﺗﻌﺸﻴﻨﻪ
ﻛﺘﻠﻬﻦ ﺑﺎﺟﺮ ﻧﺮﻭﺡ ﻟﻠﻨﺠﻒ ﺟﻬﺰﻥ ﻧﻔﺴﺠﻦ ﻣﻦ ﻭﻛﺖ ﻧﺮﻭﺡ
ﻃﻔﺮﺕ ﻫﻲ ﻛﺎﻟﺖ
ﺍﻧﻲ ﻣﺎﺍﺭﻭﺡ ﻟﺘﺤﺴﺒﻮﻥ ﺣﺴﺎﺑﻲ
ﺳﻜﺘﺖ ﻣﻜﺪﺭﺕ ﺍﺣﺠﻲ ﻭﻳﺎﻫﺎ ﻛﺪﺍﻡ ﻟﺠﻴﻦ
ﺭﺍﺣﺖ ﻟﺠﻴﻦ ﻟﻠﻐﺮﻓﻪ
ﺣﺠﻴﺖ ﻭﻳﺎﻫﺎ
ﺭﺍﺡ ﺍﺳﻮﻱ ﻧﻔﺴﻲ ﻣﺴﻤﻌﺖ ﺷﻲ
ﺑﺎﺟﺮ ﺏ 8 ﺍﻧﺖ ﺟﺎﻫﺰﻩ
ﺑﺲ ﻣﺎﺍﺭﻳﺪ ﺍﺭﻭﺡ
ﻣﻮ ﺑﻜﻴﻔﺞ
ﻟﻌﺪ ﺑﻜﻴﻒ ﻣﻨﻮ
ﺑﻜﻴﻔﻲ ﺍﻧﻲ ﻏﺼﺒﺎ ﻣﺎﻋﻠﻴﺞ ﺗﺮﺣﻴﻦ
ﻣﻮ ﺗﺮﺩﻳﻦ ﺗﺎﺧﺬﻳﻦ ﺭﺍﺣﺘﺞ ﺑﻮﺣﺪﺝ
ﺍﻟﺼﺮﺍﺣﻪ ﻫﻮﺍﻱ ﻣﺼﺨﺘﻬﺎ ﻭﻳﺎﻳﻪ
ﻭﻫﻨﺘﻨﻲ ﺑﻤﺎ ﻓﻴﻪ ﺍﻟﻜﻔﺎﻳﻪ
ﺍﻧﻲ ﻣﻮ ﻃﻔﻠﻪ ﻭﻣﺎﺍﻓﺘﻬﻢ ﻭﻃﻠﻌﺘﻨﻲ ﻣﻮ ﺷﺮﻳﻔﻪ ﻭﺳﺎﻗﻄﻪ
ﻟﻌﺪ ﺍﺫﺍ ﻣﻮ ﻃﻔﻠﻪ ﺍﺳﻤﻌﻲ ﺍﻟﺤﺠﺎﻳﻪ
ﺏ 8 ﺍﻧﺖ ﺟﺎﻫﺰﻩ
ﻋﺎﻓﺘﻨﻲ ﻭﻃﻠﻌﺖ
ﻃﺒﻌﺎ ﻫﻮﺍﻱ ﺿﻌﻔﺎﻧﻪ ﻻﻥ ﻣﺘﺎﻛﻞ ﺯﻳﻦ
ﺍﻧﻲ ﻣﺎﺍﺿﻐﻂ ﻋﻠﻴﻬﺎ ﻋﻔﺘﻬﺎ ﻉ ﺭﺍﺣﺘﻬﺎ
ﺛﺎﻧﻲ ﻳﻮﻡ ﻛﻌﺪﻧﻪ ﻣﻦ ﺍﻟﺼﺒﺢ
ﺩﻛﻴﺖ ﺍﻟﺒﺎﺏ ﻉ ﻣﻼﻙ
ﻟﻜﻴﺘﻬﺎ ﺟﺎﻫﺰﻩ
ﺧﺎﺑﺮﺕ ﺳﺠﺎﺩ ﻛﺎﻝ ﺭﺍﺡ ﻧﻄﻠﻊ ﻛﺘﻠﻪ ﺍﻧﺘﻈﺮﻧﻲ ﻳﻢ ﺍﻟﺴﻴﻄﺮﻩ
ﺭﺣﻨﻪ ﻭﺻﻠﺖ ﻟﻠﺴﻴﻄﺮﻩ ﺍﺟﻨﻲ ﺍﻟﺒﻨﺎﺕ ﻭﻳﺎﻧﻪ
ﻭﺻﻠﻨﻪ ﻟﻼﻣﺎﻡ
ﺑﺎﻟﺒﺪﺍﻳﻪ ﺍﺳﺘﻘﺮﻳﻨﻪ ﺑﻤﻜﺎﻥ ﻭﺑﻌﺪﻫﺎ ﺩﺧﻠﻨﻪ ﻧﺰﻭﺭ ﺍﻧﻲ ﻭﺳﺠﺎﺩ ﻭﺍﺑﻮﻳﻪ
ﻭﺍﻣﻲ ﺍﺧﺬﺕ ﻧﺮﻣﻴﻦ ﻭﺣﻨﻴﻦ ﻭﻣﻼﻙ
ﺑﻘﺖ ﻟﺠﻴﻦ ﻭﻫﺪﻯ ﻛﺎﻟﺖ ﻟﻤﻦ ﺗﺨﻠﺼﻮﻥ
ﺧﻠﺼﻨﻪ ﺯﻳﺎﺭﻩ ﻭﻃﻠﻌﻨﻪ
ﻣﺎﻣﺎ ﻭﺍﻟﺒﻨﺎﺕ ﺑﻌﺪﻫﻦ
ﺩﺧﻠﻦ ﻟﺠﻴﻦ ﻭﻫﺪﻯ
ﻭﺭﻩ ﻓﺘﺮﻩ ﺍﺟﻦ ﺍﻟﺒﻨﺎﺕ ﻭﺍﻣﻲ
ﺭﺍﺡ ﺳﺠﺎﺩ ﻛﺎﻝ ﺍﺟﻴﺐ ﻟﻔﺎﺕ ﻭﺑﺒﺴﻲ
ﻻﻥ ﺟﻌﻨﻪ
ﻭﺍﻟﻐﺪﻩ ﺑﻌﺪﻳﻦ ﻧﺪﺧﻞ ﻟﻠﻤﻄﻌﻢ
ﺍﺟﻦ ﻫﺪﻯ ﻭﻟﺠﻴﻦ ﻭﺍﺟﻪ ﺳﺠﺎﺩ
ﺟﺎﻳﺐ ﻭﻳﺎ ﻟﻔﺎﺕ
ﺑﺪﻳﻨﻪ ﻧﺎﻛﻞ ﺑﻬﺎﻻﺛﻨﺎﺀ
ﺍﺟﺘﻲ ﺑﻨﻴﻪ ﺯﻏﻴﺮﻩ ﺷﺎﻭﺭﺕ ﻣﻼﻙ ﻭﺍﻧﻄﺘﻬﺎ ﻭﺭﻗﻪ ﺑﺪﻭﻥ ﻣﺤﺪ ﻳﺤﺲ ﻋﻠﻴﻬﺎ
ﺍﻧﻲ ﻣﺮﺍﻗﺒﻬﺎ ﻭﻣﺮﺍﻗﺐ ﻛﻞ ﺗﺼﺮﻓﺎﺗﻬﺎ ﻭﺣﺮﻛﺎﺗﻬﺎ
ﺷﻔﺘﻬﺎ ﺍﺭﺗﺒﻜﺖ ﺣﻴﻞ
ﻣﺤﺪ ﺣﺲ ﻋﻠﻴﻬﺎ ﻣﻦ ﺍﻫﻠﻲ
ﻭﺟﻬﺎ ﻛﺎﻡ ﻳﻨﻄﻲ ﺍﻟﻠﻮﺍﻥ
ﻛﺎﻣﺖ ﺍﻟﻠﻜﻤﻪ ﻛﻮﻩ ﺗﺒﻠﻌﻬﺎ
ﺍﺑﺎﻭﻉ ﻋﻠﻴﻬﺎ ﺧﻠﺼﺖ ﺑﻄﻞ ﺍﻟﻤﻲ ﻭﺍﻟﻘﻮﻃﻴﻪ ﻭﺍﻟﻠﻔﻪ ﻧﺼﻬﺎ ﺑﻌﺪﻫﻲ
ﺫﺑﺘﻬﺎ ﺍﻟﻠﻔﻪ ﻛﺎﻟﺖ ﻣﺎﺍﺷﺘﻬﻲ
ﻟﺠﻴﻦ ﻭﻫﺪﻯ ﻛﺎﻟﻦ ﻛﻮﻣﻮ ﺧﻞ ﻧﺮﻭﺡ ﻟﻠﺴﻮﻙ
ﺍﻟﺒﻨﺎﺕ ﻛﺎﻟﻦ ﻧﺮﻭﺡ ﻭﻱ ﻣﺎﻣﺎ
ﻭﻣﻼﻙ ﻛﺎﻟﺖ ﺍﺑﻘﻰ ﻳﻢ ﻋﻤﻮ ﻣﺎﺍﺭﻭﺡ
ﻛﻮﻣﻲ ﺭﻭﺣﻲ ﻭﻳﺎﻧﻪ ﺷﻌﻨﺪﺝ ﻫﻨﺎ ﺑﺎﻗﻴﻪ
ﻣﺎﺍﺭﻭﺡ ﺍﺭﻳﺪ ﺍﺑﻘﻪ ﻳﻢ ﻋﻤﻮ
ﻛﻠﻲ ﺍﺑﻮﻳﻪ ﺍﺗﺮﻛﻬﺎ ﻳﻤﻲ
ﺭﺣﻨﻪ ﻭﺑﻘﺖ ﻣﻼﻙ ﻭﺍﺑﻮﻳﻪ
ﺑﺲ ﺑﺎﻟﻲ ﺿﻞ ﻣﺸﻐﻮﻝ ﻋﻠﻴﻬﺎ ﻭﺍﻓﻜﺮ ﺑﺎﻟﻮﺭﻗﻪ
ﻭﺭﻩ ﺷﻮﻳﻪ ﻛﺘﻠﻬﻢ ﺩﺧﺖ ﻣﺎﺍﻛﺪﺭ ﺍﻛﻤﻞ ﺑﻌﺪ ﺭﺍﺡ ﺍﺭﺟﻊ
ﺭﺟﻌﺖ ﻭﺧﻠﻴﺘﻬﻢ ﺑﺎﻟﺴﻮﻙ
ﻭﺻﻠﺖ ﻗﺮﻳﺐ ﻋﻠﻴﻬﻢ
ﻭﺟﺎﻥ ﺍﺷﻮﻑ ﺻﺪﻣﺔ ﻋﻤﺮﻱ .......
ﺗﻮﻗﻌﺎﺗﻜﻢ ﺣﺒﺎﻳﺐ ﺷﻨﻮ ﺷﺎﻑ ﻋﻠﻲ
ﻭﺍﻟﻮﺭﻗﻪ ﺷﺘﺘﻮﻗﻌﻮﻥ ﻣﻨﻴﻦ ﻭﻟﻮﻳﺶ ﺍﻟﺒﻨﻴﻪ ﺍﻧﻄﺘﻬﺎ ﻟﻤﻼﻙ
ﺍﻧﺘﻈﺮﻭﻧﻲ ﺑﺎﻟﺒﺎﺭﺕ ﺍﻟﻘﺎﺩﻡ
ﻣﺎﺍﻋﺘﻘﺪ ﺑﻌﺪ ﻫﺎﻟﺘﻌﺐ ﺍﻟﻲ ﺗﻌﺒﺘﻪ ﻭﻳﺎﻛﻢ ﻭﺍﻛﺘﺐ ﺍﻟﻜﻢ ﻣﺎﺍﺳﺘﺎﻫﻞ ﺍﻟﺘﺼﻮﻳﺖ
ﺑﺲ ﺍﺫﺍ ﻣﻌﺠﺒﺘﻜﻢ ﺍﻟﻘﺼﻪ ﻉ ﺭﺍﺣﺘﻜﻢ ﻟﺘﺼﻮﺗﻮﻥ ﺑﻘﺖ ﻳﻤﻜﻢ
ﻭﺍﻟﻠﻪ ﺍﻟﺘﺼﻮﻳﺖ ﺍﺑﺪ ﻣﻴﺸﺠﻊ ﺑﺤﺒﺤﻮﻫﺎ ﺷﻮﻳﻪ ﻣﺮﺍﺡ ﺗﺨﺴﺮﻭﻥ ﺷﻲ
