انكسار فتاة بريئة

15

-#انكسار_فتاة_بريئه
بقلم رونق
بااااارت مفاجئ
#بارت١٥
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﺍﺗﻔﺎﺟﺄﻧﻪ ﺑﻠﺠﻴﻦ ﻛﺒﺎﻟﻨﻪ
ﻋﻠﻲ ﻃﻔﺮ ﻣﺜﻞ ﺍﻟﻤﺨﺒﻞ
ﻛﺎﻣﺖ ﺗﺼﻴﺢ ﻫﺎﻱ ﺷﺘﺴﻮﻥ ﻛﺎﻋﺪ
ﻛﺎﻡ ﻳﺤﺠﻲ ﻋﻠﻲ ﻭﻳﺼﻴﺢ
ﺍﻧﺘﻲ ﻣﻨﻮ ﻛﻠﺞ ﺍﺩﺧﻠﻴﻦ ﻟﻠﻐﺮﻓﻪ ﺑﺪﻭﻥ ﻣﺪﮔﻴﻦ ﺍﻟﺒﺎﺏ
ﻫﺎ ﺍﻟﻌﻔﻮ ﻧﺴﻴﺖ ﺍﻟﻤﻔﺮﻭﺽ ﺍﺩﻙ ﺍﻟﺒﺎﺏ ﻟﻤﻦ ﺗﻐﻴﺮﻭﻥ ﺍﻟﻮﺿﻌﻴﻪ
ﻭﺑﻌﺪﻫﺎ ﻳﻠﻪ ﺍﺩﺧﻞ
ﺍﻟﻴﻮﻡ ﺍﻛﻠﺐ ﺍﻟﺪﻧﻴﺎ ﻋﻠﻴﻜﻢ
ﺍﺗﺨﻮﻧﻮﻧﻲ ﻭﺍﻧﺘﻮ ﺍﺑﻴﺘﻲ
ﻟﺞ ﻣﺨﺒﻠﻪ ﺷﺎﺧﻮﻥ ﻫﺎﻱ ﺯﻭﺟﺘﻲ ﺣﺎﻟﻬﺎ ﺣﺎﻟﺞ
ﻻ ﻋﻴﻨﻲ ﻻﺯﻭﺟﺘﻚ ﻭﻻ ﺷﻲ
ﻫﺎﻱ ﺣﺒﻴﺒﺔ ﺍﺑﻦ ﺧﺎﻟﺘﻬﺎ ﻻ ﺗﻨﺴﻰ ﻣﻮ ﻣﻠﻜﻚ ﺍﻧﺖ ﻫﺎﻱ ﺍﻭﻝ ﻭﺗﺎﻟﻲ ﻧﻬﺎﻳﺘﻬﺎ ﻟﺤﺒﻴﺒﻬﺎ
ﺍﻧﻲ ﻫﻨﺎ ﺣﺴﻴﺖ ﺑﺪﻭﺧﻪ
ﻋﻠﻲ : ﻧﺼﺒﻨﻪ ﺍﻟﻐﺮﻓﻪ ﻭﻛﻤﻠﻨﺎﻫﺎ ﻭﺟﺒﺖ ﻋﺸﺎ ﺟﺎﻫﺰ
ﻟﺠﻴﻦ ﻛﻠﺒﺖ ﺍﻟﺨﻠﻘﻪ
ﻣﻼﻙ ﺭﻓﻀﺖ ﺗﺘﻌﺸﻪ ﻭﻳﺎﻧﻪ ﻭﺩﺧﻠﺖ ﻟﻠﻐﺮﻓﻪ
ﻟﺠﻴﻦ ﺑﺪﺕ ﺗﺤﺠﻲ
ﺷﻨﻮ ﺍﺛﺜﺖ ﺍﻟﻐﺮﻓﻪ ﻛﻠﺸﻲ ﺟﺪﻳﺪ ﺷﺒﻴﻬﺎ ﺍﻟﺒﺮﺩﻩ ﺍﻟﻘﺪﻳﻤﻪ ﻭﺍﻟﻔﺮﺍﺵ
ﻭﻫﻲ ﺍﻳﺎﻡ ﻭﺗﺮﺟﻊ
ﻛﺘﻠﻬﺎ ﻟﺘﺪﺧﻠﻴﻦ ﻭﻋﻮﺩ ﻣﻦ ﺗﺮﺟﻊ ﻻﻫﻠﻲ ﺗﺒﻘﻰ ﺍﻟﻐﺮﻓﻪ ﺍﻟﻨﻪ
ﺯﻳﻦ ﻟﻴﺶ ﺟﺒﺘﻠﻬﺎ ﺍﺣﻠﻰ ﻣﻦ ﻏﺮﻓﺘﻲ ﻭﻧﺴﻘﺘﻬﺎ ﺑﻨﻔﺴﻚ
ﻳﻌﻨﻲ ﺷﻠﻮﻥ ﻗﺎﺑﻞ ﺍﺧﻠﻴﻬﺎ ﻫﻲ ﺗﻄﻠﻊ ﻭﺗﺨﺘﺎﺭ
ﻭﺍﻟﻐﺮﻓﻪ ﻣﺎﻟﺘﻨﻪ ﺍﺣﺴﻦ ﺑﻬﻮﺍﻱ ﻭﺍﻧﻲ ﻋﺎﺟﺒﺘﻨﻲ
ﻭﺍﺫﺍ ﻉ ﺍﻟﺒﺮﺩﻩ ﻭﺍﻟﻔﺮﺷﻪ ﺍﻧﻲ ﺑﺎﺟﺮ ﺍﺟﻴﺒﻠﺞ ﺟﺪﺩ
ﺑﺲ ﺍﺳﻜﺘﻲ ﻭﺷﻨﻮ ﺍﻟﺘﺮﺩﻱ ﺍﺟﻴﺒﻪ
ﺍﻭﻙ ﺑﺎﺟﺮ ﺍﻟﻌﺼﺮ ﻧﻄﻠﻊ ﺳﻮﻳﻪ
ﺍﻟﻠﻪ ﻛﺮﻳﻢ
ﺗﻤﻮﺕ ﻉ ﺍﻟﻄﻠﻌﻪ ﻭﺍﻟﺴﻮﻙ
ﺍﻧﻄﻴﺘﻬﺎ ﻉ ﻣﺎﻳﻬﺎ ﺍﺭﻳﺪﻫﺎ ﺗﻔﻚ ﻳﺎﺧﻪ ﻣﻨﻲ
ﺍﻟﺤﻘﻴﻘﻪ ﻏﺮﻓﺔ ﻣﻼﻙ ﺍﺧﺘﺎﺭﻳﺘﻬﺎ ﺍﺣﻠﻰ ﺷﻲ ﻭﺍﻏﻠﻰ ﺷﻲ ﺍﺣﻠﻰ ﻣﻦ ﻏﺮﻓﺘﻨﻪ ﺑﻬﻮﺍﻱ
ﻭﺍﻟﺒﺮﺩﻩ ﻧﺴﻘﺘﻬﺎ ﻭﻱ ﻟﻮﻥ ﺍﻟﻐﺮﻓﻪ ﻣﻦ ﺍﺭﻗﻰ ﻭﺍﺣﺪ ﻋﺪﻧﻪ ﻭﺍﻟﻔﺮﺷﻪ ﻛﺬﻟﻚ
ﻣﻬﺘﻤﻴﺖ ﻻ ﻟﻠﺴﻌﺮ ﻭﻻ ﻟﻐﻴﺮ ﺷﻲ
ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺑﺲ ﺣﺒﻴﺖ ﺍﺧﺘﺎﺭﻟﻬﺎ ﺍﺭﻗﻰ ﺷﻲ
ﻛﻤﻠﻨﻪ ﺍﻟﻌﺸﻪ ﻭﺑﻌﺪﻫﺎ ﺭﺍﺣﺖ ﻟﺠﻴﻦ ﻟﻠﻐﺮﻓﻪ ﻛﻌﺪﺕ ﻉ ﺍﻟﻔﻴﺲ
ﺍﺳﺘﻐﻠﻴﺘﻬﺎ ﻭﺭﺣﺖ ﺻﻌﺪﺕ ﻟﻠﺴﻄﺢ ﺳﻮﻳﺖ ﺍﻟﺴﺘﻼﻳﺖ ﻛﻠﺖ ﺧﻄﻴﻪ ﺧﻠﻲ ﺗﻠﻬﻲ ﻧﻔﺴﻬﺎ ﺑﺎﻟﻤﺴﻠﺴﻼﺕ
ﺑﻌﺪﻫﺎ ﺭﺣﺖ ﻳﻢ ﻣﻼﻙ
ﻗﺮﺭﺕ ﺍﺧﺬﻫﺎ ﺑﺎﺟﺮ ﻟﻠﻤﻮﻻﺕ ﻛﻠﺖ ﺧﻄﻴﻪ ﺍﺷﺘﺮﻳﻠﻬﺎ ﻣﻼﺑﺲ
ﻭﻋﻄﻮﺭ ﻭﺷﺎﻣﺒﻮ ﻭﺍﺫﺍ ﺗﺤﺐ ﺗﺠﻴﺐ ﺍﺷﻴﺎﺀ ﻟﻠﻐﺮﻓﻪ
ﺑﺲ ﻋﺎﻧﺪﺗﻨﻲ ﻭﻣﻘﺒﻠﺖ ﺗﺮﻭﺡ
ﺍﻟﺼﺮﺍﺣﻪ ﺍﻧﻲ ﺍﻣﺎﻣﻬﺎ ﺍﻧﺴﺎﻥ ﺿﻌﻴﻒ ﻻﺣﻮﻝ ﻭﻻ ﻗﻮﻩ ﺍﻟﻲ
ﺍﺣﺲ ﺷﻲ ﻳﺸﺪﻧﻲ ﺍﻟﻬﺎ ﻭﺍﺗﻤﻨﻰ ﻗﺮﺑﻬﺎ
ﺑﺪﻳﺖ ﺍﺗﻘﺮﺏ ﻋﻠﻴﻬﺎ ﻭﻫﻲ ﺟﺎﻧﺖ ﺧﺠﻮﻟﻪ ﺑﺸﻜﻞ ﻭﺗﺮﺟﻊ ﻟﻠﺨﻠﻒ ﻭﺍﻧﻲ ﺍﺗﻘﺪﻡ
ﺍﻛﺜﺮ ﺷﻲ ﻳﺠﺬﺑﻨﻲ ﻟﻤﻼﻙ ﺧﺠﻠﻬﺎ
ﻣﻨﻄﻘﺖ ﻭﻻ ﺣﺮﻑ ﺣﺴﻴﺖ ﺑﺎﻧﻔﺎﺳﻨﺎ ﺍﺧﺘﻠﻄﺖ
ﺣﺴﻴﺖ ﺑﻜﻠﺒﻬﺎ ﻳﺪﻙ ﺳﺮﻳﻊ ﻭﺩﻛﺎﺗﻪ ﺟﺎﻧﺖ ﻣﺴﻤﻮﻋﻪ
ﺑﺴﺘﻬﺎ ﻣﻦ ﺷﻔﺘﻬﺎ ﻭﺟﺎﻥ ﺟﺴﻤﻬﺎ ﻳﺮﺟﻒ
ﺍﺣﺴﺎﺳﻲ ﺟﻤﻴﻞ ﻣﻴﻨﻮﺻﻒ ﺑﻬﺎﻱ ﺍﻟﻠﺤﻀﻪ
ﺍﺗﻤﻨﻰ ﻳﺘﻮﻗﻒ ﺍﻟﻌﺎﻟﻢ ﻭﻣﺘﺨﻠﺺ ﻫﺎﻱ ﺍﻟﻠﺤﻀﻪ
ﺍﺣﺴﻬﺎ ﻧﺼﻔﻲ ﺍﻟﺜﺎﻧﻲ
ﺍﻧﻲ ﺑﺪﻭﻧﻬﺎ ﺍﻧﺴﺎﻥ ﻣﻮ ﻛﺎﻣﻞ
ﺑﺲ ﻗﻄﻌﺖ ﺍﻟﻠﺤﻀﻪ ﻋﻠﻴﻨﻪ ﻟﺠﻴﻦ ﻣﻦ ﺩﺧﻠﺖ ﻋﻠﻴﻨﻪ ﺩﻭﻥ ﺍﺳﺘﺎﺫﺍﻥ
ﺍﻟﺼﺮﺍﺣﻪ ﺣﻴﻞ ﺗﻌﺼﺒﺖ ﻣﻨﻬﺎ ﻻﻥ ﻣﻴﺠﻮﺯ ﻫﻴﺞ ﺗﺪﺧﻞ ﺑﻬﺎﻱ ﺍﻟﻄﺮﻳﻘﻪ
ﻭﻓﻮﻛﺎﻫﺎ ﻫﻲ ﺍﻟﻲ ﺗﺼﻴﺢ ﻭﺧﻨﺘﻮﻧﻲ
ﺑﺲ ﺣﻴﻞ ﺿﻮﺟﺘﻨﻲ ﻣﻦ ﻛﺎﻟﺖ ﺣﺒﻴﺒﺔ ﺍﺑﻦ ﺧﺎﻟﺘﻬﺎ
ﻛﺘﻠﻬﺎ ﺍﺳﻜﺘﻲ ﻭﻟﺘﺪﺧﻠﻴﻦ ﺍﺑﻴﻨﺎﺗﻨﺎ
ﺍﻟﻤﻔﺮﻭﺽ ﺗﺼﻴﺮ ﻋﻨﺪﻙ ﻛﺮﺍﻣﻪ ﻭﻣﺘﺘﻘﺮﺏ ﺍﻟﻬﺎ
ﻓﻀﻠﺖ ﺍﺑﻦ ﺧﺎﻟﺘﻬﺎ ﻋﻠﻴﻚ
ﻭﺭﺍﺣﺖ ﻧﺎﻣﺖ ﺑﺤﻀﻨﻪ ﻭﻫﻲ ﻉ ﺫﻣﺘﻚ ﻭﺍﻧﺖ ﺟﺎﻱ ﺗﺒﻮﺱ ﺑﻴﻬﺎ
ﺗﺴﻜﺘﻴﻦ ﻻ ﻭﻣﺤﻤﺪ ﺍﺑﺘﻠﻲ ﺑﻴﺞ
ﻟﺞ ﺍﻧﺖ ﻳﺎﻟﺴﺎﻗﻄﻪ ﻟﻮ ﺑﻴﺞ ﺧﻴﺮ ﺟﺎﻥ ﺻﻨﺘﻲ ﻧﻔﺴﺞ ﻭﻣﺸﻮﻫﺘﻲ ﺳﻤﻌﺘﺞ
ﻭﺳﻤﻌﺖ ﺍﻫﻠﺞ
ﺍﻟﻌﺘﺐ ﻣﻮ ﻋﻠﻴﻚ ﺍﻧﺖ ﺍﻟﻌﺘﺐ ﻋﻠﻴﻬﺎ ﻫﻲ ﺍﻟﻲ ﺗﻐﺮﻙ
ﺑﺲ ﻭﺍﻟﻠﻪ ﺍﻛﻠﺐ ﺍﻟﺪﻧﻴﺎ ﻋﻠﻴﺞ ﺑﺲ ﺗﺘﻘﺮﺑﻴﻦ ﻟﻮ ﺗﺤﺎﻭﻟﻴﻦ ﺗﺘﻘﺮﺑﻴﻠﻪ
ﻣﻼﻙ ﺑﺲ ﺩﻣﻮﻋﻬﺎ ﺗﺠﺮﻱ ﻣﻨﻄﻘﺖ ﻭﻻ ﺣﺮﻑ
ﺟﺮﻳﺘﻬﺎ ﺑﺎﻟﻜﻮﻩ ﻭﻭﺩﻳﺘﻬﺎ ﻟﻠﻐﺮﻓﻪ ﺷﻤﺮﺗﻬﺎ ﺑﺎﻟﻔﺮﺍﺵ
ﻟﺴﺎﻧﺞ ﺍﻛﺼﻪ ﺍﺫﺍ ﺣﺠﻴﺘﻲ ﻋﻠﻴﻬﺎ
ﺍﻱ ﻋﻴﻨﻲ ﺩﺍﻓﻊ ﻋﻨﻬﺎ ﺣﻘﻚ ﺧﺒﻠﺘﻚ ﺍﻛﻴﺪ
ﻳﺠﻮﺯ ﺗﺘﻨﻐﻮﺹ ﻓﻮﻙ ﺭﺍﺳﻚ
ﺑﺲ ﻳﺎﺭﻳﺖ ﻣﺎﺗﻨﺴﻰ ﻫﺎﻱ ﻭﺣﺪﻩ ﺳﺎﻗﻄﻪ ﺑﺎﻳﻌﻪ ﺷﺮﻓﻬﺎ
ﺿﺮﺑﺘﻬﺎ ﺭﺍﺟﺪﻱ
ﻟﻬﻨﺎ ﻭﻛﺎﻓﻲ ﺳﻜﺘﺘﻠﺞ ﻫﻮﺍﻱ
ﺍﻛﺼﻪ ﻟﺴﺎﻧﺞ ﺍﺫﺍ ﺟﺒﺘﻲ ﻃﺎﺭﻳﻬﺎ ﺑﺤﺠﺎﻳﻪ
ﻛﺎﻣﺖ ﺗﺒﺠﻲ
ﺍﻧﻲ ﺗﻀﺮﺑﻨﻲ ﻉ ﻣﻮﺩﻫﺎ ﻭﻳﺎﺭﻳﺖ ﺗﺴﺘﺎﻫﻞ
ﻫﺴﻪ ﺗﻮﺩﻳﻨﻲ ﻻﻫﻠﻲ ﺑﻌﺪ ﻣﺎﺍﺑﻘﻪ ﻳﻤﻚ ﻭﻻ ﺩﻗﻴﻘﻪ ﻭﺧﻞ ﺗﻔﻴﺪﻙ ﻟﻬﺎﻱ ﺍﻟﺴﺎﻗﻄﻪ
ﻟﺠﻴﻦ ﺍﻟﻌﻨﻲ ﺍﻟﺸﻴﻄﺎﻥ ﻭﺍﺳﻜﺘﻲ ﻻ ﻭﺭﺑﺞ ﺍﺩﻓﻨﺞ ﻋﺪﻟﻪ
ﺭﺍﺩﺕ ﺗﺘﺼﻞ ﺑﺎﻫﻠﻬﺎ ﺟﺮﻳﺖ ﺍﻟﺠﻬﺎﺯ ﻣﻨﻬﺎ
ﺍﻧﻌﻠﻲ ﺍﻟﺸﻴﻄﺎﻥ ﻭﻻ ﺗﻜﺒﺮﻳﻦ ﺍﻟﺴﺎﻟﻔﻪ
ﻣﻼﻙ ﻣﻮ ﻏﺮﻳﺒﻪ ﺑﺎﻟﻨﺴﺒﻪ ﺍﻟﻲ ﻫﻢ ﺑﻨﺖ ﻋﻤﻲ ﻭﻫﻢ ﺯﻭﺟﺘﻲ ﺣﺎﻟﻬﺎ ﺣﺎﻟﺞ
ﻭﺍﻧﻲ ﻣﺎﺍﺭﻳﺪﻫﺎ ﻭﻻ ﺍﺭﻳﺪ ﻗﺮﺑﻬﺎ
ﻟﻮ ﺍﺭﻳﺪﻫﺎ ﺟﺎﻥ ﻣﻦ ﺯﻣﺎﻥ ﺍﺗﻘﺮﺑﺖ ﻋﻠﻴﻬﺎ
ﺷﺘﻔﺴﺮ ﺍﻟﺒﻮﺳﻪ
ﺍﺳﺘﻔﺰﺗﻨﻲ ﺑﺎﻟﺤﺠﻲ ﻭﺭﺩﺕ ﺍﺍﺩﺑﻬﺎ
ﺍﺻﻼ ﻣﺎﺍﺣﺒﻬﺎ ﻭﺍﻣﻮﺕ ﻣﻨﻬﺎ ﻭﻟﻮ ﺗﺒﻘﻰ ﺑﺲ ﻫﻲ ﺑﺎﻟﺪﻧﻴﻪ ﻣﺎﺍﺗﻘﺮﺏ ﻋﻠﻴﻬﺎ
ﺑﺲ ﺷﻨﻮ ﺗﺎﺩﺑﻬﺎ ﺑﺎﻟﺒﻮﺳﻪ ﻫﺎﻱ ﻭﻳﻦ ﻟﻜﻴﺘﻬﺎ
ﻣﻮ ﺍﺩﺭﻱ ﺑﻴﻬﺎ ﺗﺘﺨﺒﻞ ﻣﻨﻲ
ﻟﺞ ﻣﺨﺒﻞ ﺍﻋﻮﻑ ﺍﻟﻜﻤﺮ ﺍﻟﻴﻤﻲ ﻭﺍﺭﻭﺡ ﻋﻠﻴﻬﺎ
ﺍﻱ ﻣﻀﺒﻮﻁ ﻣﺘﻀﺤﻚ ﻋﻠﻴﻪ ﺑﻬﺬﺍ ﺣﺠﻴﻚ
ﻃﺒﻌﺎ ﺭﺩﺕ ﺑﺲ ﺍﺳﻜﺘﻬﺎ ﺷﻠﻮﻥ ﻣﺠﺎﻥ ﻭﻫﻴﺞ ﺣﺠﻴﺖ
ﻭﻟﻮ ﻣﺎﺍﻟﻬﺎ ﺣﻖ ﺗﺤﺎﺳﺒﻨﻲ ﺑﺲ ﻣﺎﺍﺭﻳﺪ ﻣﺸﺎﻛﻞ
ﻗﺮﺑﺘﻬﺎ ﺍﻟﻲ ﻟﺞ ﻟﺘﺼﻴﺮﻳﻦ ﻣﺨﺒﻠﻪ
ﺍﻧﻲ ﺍﺣﺒﺞ ﺍﻟﺞ ﻭﻣﺎﺍﺑﺪﻟﺞ ﺑﺎﻟﺪﻧﻴﺎ
ﻫﺪﺋﺖ ﺷﻮﻳﻪ
ﺑﺎﺟﺮ ﻧﺮﻭﺡ ﻟﻠﺴﻮﻙ ﻭﺷﻨﻮ ﺍﻟﻲ ﺗﺮﺩﻱ ﺍﺷﺘﺮﻱ ﺍﻟﺞ
ﻃﺒﻌﺎ ﺭﺍﺡ ﺍﻏﻴﺮ ﺭﺍﻳﻲ ﻣﺎﺍﺧﺬ ﻣﻼﻙ ﺑﺎﺟﺮ
ﺑﺎﻟﻲ ﻭﻋﻘﻠﻲ ﻭﻛﻠﺒﻲ ﻳﻤﻬﺎ
ﺍﺥ ﻟﻮ ﻣﺎﺟﺎﻳﻪ ﻟﺠﻴﻦ
ﻧﻤﻨﻪ ﻭﺛﺎﻧﻲ ﻳﻮﻡ ﺟﺎﻥ ﺩﻭﺍﻡ ﻋﻨﺪﻱ ﺍﺧﺬﺕ ﻟﺠﻴﻦ ﻭﻳﺎﻱ ﻫﻤﻴﻦ
ﺑﺎﻟﻄﺮﻳﻖ ﻭﺻﻴﺘﻬﺎ ﻟﺠﻴﻦ ﻛﺘﻠﻬﺎ ﻣﺎﻋﻠﻴﺞ ﺑﻤﻼﻙ
ﺗﻌﺘﺒﺮ ﺧﻄﺎﺭ ﻋﺪﻧﻪ ﺍﻭﻝ ﻭﺗﺎﻟﻲ ﺭﺍﺡ ﺗﺮﺟﻊ ﻻﻫﻠﻲ
ﺗﻌﺮﻓﻴﻦ ﺭﺍﺡ ﻧﺮﺗﺎﺡ ﺑﻮﺟﻮﺩﻫﺎ
ﻧﺮﺟﻊ ﻧﻠﻜﻲ ﺍﻻﻛﻞ ﺟﺎﻫﺰ ﻭﺍﻟﺒﻴﺖ ﻧﻀﻴﻒ
ﺍﻧﻲ ﻣﺎﻋﻠﻴﻪ ﺑﻴﻬﺎ ﺑﺲ ﺍﻫﻢ ﺷﻲ ﺗﺒﺘﻌﺪ ﻋﻨﻚ
ﺍﺫﺍ ﺷﻔﺘﻜﻢ ﻣﺜﻞ ﺍﻣﺲ ﻭﺍﻟﻠﻪ ﺍﻛﻠﺒﻬﺎ ﻟﻠﺪﻧﻴﺎ ﻋﻠﻴﻜﻢ
ﻋﻤﻲ ﻣﺎﻋﻠﻴﻪ ﺑﻴﻬﺎ ﺑﻌﺪ ﺑﺲ ﺍﻫﻢ ﺷﻲ ﺍﺑﺘﻌﺪﻱ ﻋﻨﻬﺎ
ﻫﺎﻱ ﻫﻲ ﺍﺗﻔﻘﻨﻪ ﺍﻧﺖ ﺍﺑﺘﻌﺪ ﻭﺍﻧﻲ ﻣﺎﻋﻠﻴﻪ ﺑﻴﻬﺎ
ﺑﻘﻴﺖ ﻉ ﺍﺗﺼﺎﻝ ﻭﻱ ﻟﺠﻴﻦ
ﺻﺎﺭﺕ ﺍﻟﺴﺎﻋﻪ ﺏ 1 ﺑﺪﺕ ﺗﺘﻨﻌﻮﺹ ﺣﺒﻴﺒﻲ ﻭﻋﻤﺮﻱ ﻭﺣﻴﺎﺗﻲ
ﻋﺮﻓﺖ ﻣﻼﻙ ﻳﻤﻬﺎ
ﺭﺟﻌﺖ ﻟﻠﺒﻴﺖ ﻭﻟﻜﻴﺖ ﺍﻻﻛﻞ ﺟﺎﻫﺰ ﻭﺍﻟﺮﻳﺤﻪ ﺗﺨﺒﻞ
ﻟﻜﻴﺖ ﺑﺲ ﻟﺠﻴﻦ
ﺳﺎﻟﺘﻬﺎ ﻉ ﻣﻼﻙ
ﻛﺎﻟﺖ ﺟﻮﻩ ﻧﺎﻳﻤﻪ
ﻟﻌﺪ ﺻﺒﻴﻨﻪ ﻏﺪﻩ ﺟﻮﻋﺎﻥ ﺣﻴﻞ
ﺭﺣﺖ ﺑﺪﻟﺖ ﻭﺭﺟﻌﺖ
ﻟﻜﻴﺖ ﻟﺠﻴﻦ ﺻﺎﺑﻪ ﻏﺪﻩ
ﺟﺎﻥ ﺗﻤﻦ ﻭﺗﺒﺴﻲ ﺑﻴﺬﻧﺠﺎﻥ
ﻭﺟﺎﻥ ﻃﻴﺐ ﺑﺸﻜﻞ
ﺑﻌﺪﻫﺎ ﻛﻠﺘﻠﻲ ﺧﻞ ﻧﺮﻭﺡ ﻟﻠﺴﻮﻙ
ﻛﺘﻠﻬﺎ ﻳﻠﻪ ﺟﻬﺰﻱ ﻧﻔﺴﺞ
ﺭﺣﻨﻪ ﻭﺍﺷﺘﺮﺕ ﺍﺷﻜﺎﻝ ﻋﺒﺎﻟﻚ ﻣﺸﺎﻳﻔﻪ ﻳﻤﻜﻦ ﺍﻟﻐﻴﺮﻩ ﺻﺎﻋﺪﻩ ﻋﺪﻫﺎ ﻓﻮﻝ
ﻫﻢ ﺍﺿﻄﺮﻳﺖ ﺍﺗﺼﻞ ﺑﺎﺑﻮﻳﻪ ﻭﺍﻋﺘﺬﺭ ﻣﻨﻪ ﻣﺎﺍﺟﻲ ﻟﻠﻤﻜﺘﺐ
ﺭﺟﻌﻨﻪ ﻭﺭﻩ ﺍﻻﺫﺍﻥ
ﻭﻫﻢ ﺟﺒﺖ ﻭﻳﺎﻱ ﻛﻨﺘﺎﻛﻲ ﻟﻠﻌﺸﻪ
ﺩﺧﻠﻨﻪ ﻭﻟﻜﻴﺖ ﻣﻼﻙ ﺗﺼﻠﻲ
ﻟﺠﻴﻦ ﺣﺘﻰ ﻣﻮﺍﻋﻴﻦ ﺍﻟﻐﺪﻩ ﻋﺎﻓﺘﻬﻦ ﻛﺎﻟﺖ ﻣﻦ ﻧﺮﺟﻊ ﺍﻏﺴﻠﻬﻦ
ﻟﻜﻴﻨﻪ ﻣﻼﻙ ﻏﺎﺳﻠﺘﻬﻦ ﻭﻣﺮﺗﺒﻪ ﺍﻟﺒﻴﺖ ﻛﻠﻪ
ﻛﻤﻠﺖ ﺍﻟﺼﻼﻩ ﻭﺍﺣﻨﻪ ﺑﺪﻟﻨﻪ
ﻛﺘﻠﻬﺎ ﺗﻌﺎﻟﻲ ﺍﺗﻌﺸﻲ ﻭﻳﺎﻧﻪ
ﺭﻓﻀﺖ ﻣﺜﻞ ﻛﻞ ﻣﺮﻩ
ﻋﺰﻟﻨﻪ ﺍﻟﻬﺎ ﻭﺍﺗﻌﺸﻴﻨﺎ
ﻣﻼﻙ : ﺣﻴﻞ ﺿﺠﺖ ﻣﻦ ﺗﺼﺮﻑ ﻋﻠﻲ ﻭﻟﺠﻴﻦ
ﺿﺠﺖ ﻣﻦ ﻋﻠﻲ ﻻﻥ ﺭﺍﻓﻀﻨﻲ ﻭﻣﻴﺮﻳﺪﻧﻲ ﻭﺑﻨﻔﺲ ﺍﻟﻮﻗﺖ ﺑﺎﻱ ﻭﻗﺖ ﻳﻌﺠﺒﻪ ﻳﺒﻮﺳﻨﻲ
ﻭﺿﺠﺖ ﻣﻦ ﻟﺠﻴﻦ ﻻﻥ ﺩﺧﻠﺖ ﺑﺪﻭﻥ ﺍﺳﺘﺎﺫﺍﻥ
ﻭﺣﺠﺖ ﻋﻠﻴﻪ ﻫﻮﺍﻱ ﺣﺠﻲ ﻭﺟﺎﻥ ﺍﺑﺎﻟﻬﺎ ﺍﻧﻲ ﺍﻟﻲ ﺍﻏﺮ ﻋﻠﻲ
ﻃﺒﻌﺎ ﺣﺘﻰ ﻓﺮﺣﺘﻲ ﺑﺎﻟﻐﺮﻓﻪ ﺭﺍﺣﺖ
ﻧﻤﺖ ﻭﻛﻌﺪﺕ ﺍﻟﺼﺒﺢ ﻟﻜﻴﺘﻬﻢ ﺑﺎﻟﺪﻭﺍﻡ
ﻛﻤﻠﺖ ﺗﻨﻀﻴﻒ ﺍﻟﺒﻴﺖ ﻭﺍﺣﺘﺎﺭﻳﺖ ﺷﺎﺳﻮﻱ ﻏﺪﻩ
ﺍﻟﺼﺮﺍﺣﻪ ﻣﺎﺍﻋﺮﻑ ﺍﻃﺒﺦ ﻭﺍﺧﺎﻑ ﻣﻴﻌﺠﺒﻬﻢ
ﺳﻮﻳﺖ ﺗﻤﻦ ﻭﺗﺒﺴﻲ
ﺑﻌﺪﻫﺎ ﺍﺗﺮﻳﻜﺖ
ﺻﻠﻴﺖ ﻭﻛﻤﻠﺖ ﺑﻌﺪﻫﺎ ﺭﺟﻌﺖ ﻟﺠﻴﻦ ﻭﺟﺎﻧﺖ ﺷﺎﻳﻠﻪ ﺧﺸﻤﻬﺎ ﻋﻠﻴﻪ
ﺑﺪﻟﺖ ﻭﺭﺟﻌﺖ ﺟﻨﺖ ﺍﺟﻬﺰ ﺑﺎﻟﺰﻻﻃﻪ
ﻛﺎﻟﺖ ﺍﺳﻤﻌﻴﻨﻲ ﻭﻟﺞ
ﻭﺍﻟﻠﻪ ﺍﺧﻠﻴﺞ ﺗﺘﻨﺪﻣﻴﻦ ﻣﺪﻯ ﺍﻟﻌﻤﺮ ﺑﺲ ﺗﺤﺎﻭﻟﻴﻦ ﺗﺘﻘﺮﺑﻴﻦ ﻉ ﻋﻠﻲ ﻟﻮ ﺗﻐﺮﻳﻨﺎ
ﺍﺩﺭﻱ ﺑﺴﻮﺍﻟﻔﺞ ﺍﻟﺘﻌﺒﺎﻧﻪ
ﺍﺗﺰﻭﺝ ﺍﺑﻦ ﺧﺎﻟﺘﺞ ﻭﻋﺎﻓﺞ ﻛﺘﻲ ﺧﻞ ﺍﺟﻠﺐ ﺑﻌﻠﻲ
ﻟﻮ ﺗﻤﻮﺗﻴﻦ ﻣﺎﺍﺧﻠﻴﺞ ﺗﺼﻴﺮﻳﻦ ﻟﻌﻠﻲ ﺯﻭﺟﻪ ﺣﻘﻴﻘﻴﻪ
ﻫﻮ ﻋﻠﻲ ﻫﻢ ﺟﺎﺑﺞ ﺧﺪﺍﻣﻪ ﻻ ﺍﻗﻞ ﻭﻻ ﺍﻛﺜﺮ
ﺍﻟﺒﺎﺭﺣﻪ ﻛﻠﻲ ﻟﻮ ﺍﻣﻮﺕ ﻣﺎﺍﺗﻘﺮﺏ ﻉ ﻭﺣﺪﻩ ﺳﺎﻗﻄﻪ
ﻭﻛﺎﻝ ﺍﻧﻲ ﺟﺒﺘﻬﺎ ﻉ ﻣﻮﺩ ﺗﺨﺪﻣﻨﺎ ﺍﺣﺴﻦ ﻣﻨﺠﻴﺐ ﺧﺪﺍﻣﻪ ﻏﺮﻳﺒﻪ
ﺍﻧﺼﺤﺞ ﺍﻋﺮﻓﻲ ﻗﻴﻤﺘﺞ ﺯﻳﻦ
ﺍﻧﺖ ﻭﺣﺪﻩ ﺳﺎﻗﻄﻪ ﺍﻫﻠﺞ ﺗﺒﺮﻭﺍ ﻣﻨﺞ ﻭﺻﺎﺣﺒﺞ ﻫﻢ ﻋﺎﻓﺞ ﻭﺍﺗﺰﻭﺝ
ﺍﻧﻲ ﺍﻟﺼﺮﺍﺣﻪ ﻭﻱ ﻛﻞ ﻛﻠﻤﻪ ﺗﺤﺠﻴﻬﺎ ﺍﺣﺴﻬﺎ ﺍﺩﺟﻨﻲ ﺑﺴﺠﻴﻨﻪ ﺑﻜﻠﺒﻲ
ﺣﻴﻞ ﺍﻧﻘﻬﺮﺕ ﻭﺿﺠﺖ ﻭﺍﻟﻤﺸﻜﻠﻪ ﻣﺎﺍﻛﺪﺭ ﺍﺩﺍﻓﻊ ﻋﻦ ﻧﻔﺴﻲ
ﻭﺍﻟﻀﻮﺟﻨﻲ ﺍﻛﺜﺮ ﺗﻔﻜﻴﺮ ﻋﻠﻲ
ﻣﻌﻘﻮﻟﻪ ﻳﻔﻜﺮ ﺑﻴﻪ ﺧﺪﺍﻣﻪ
ﺍﻱ ﺍﻛﻴﺪ ﻭﻓﺮﺣﺎﻥ ﻫﻤﻴﻦ
ﺍﻟﻠﻪ ﻛﺮﻳﻢ ﻻﺑﺪ ﺗﻔﺮﺝ ﺑﻴﻮﻡ
ﺳﻜﺘﺖ ﻣﻨﻄﻘﺖ ﻭﻻ ﺣﺮﻑ ﻭﻳﺎﻫﺎ
ﺑﻌﺪﻫﺎ ﺍﺗﺼﻞ ﺑﻴﻬﺎ ﻋﻠﻲ
ﻭﻫﻲ ﺗﺘﻨﻌﻮﺹ ﻭﺣﺒﻴﺒﻲ ﻭﻣﺪﺭﻱ ﺷﻨﻮ
ﻣﺎﺍﻋﺮﻑ ﺗﺮﻳﺪ ﺗﺘﻜﺸﺦ ﺍﻭ ﺗﻐﻴﻀﻨﻲ ﻣﺎﺍﻋﺮﻑ ﺷﻨﻮ
ﺍﻧﻲ ﺍﺻﻼ ﻭﻻ ﻳﻤﻲ ﻭﻻ ﻳﻬﻤﻮﻧﻲ ﺍﺑﺪ
ﻛﻤﻠﺖ ﺷﻐﻠﻲ ﻭﺩﺧﻠﺖ ﻟﻐﺮﻓﺘﻲ
ﻧﻤﺖ ﺑﻌﺪﻫﺎ ﻛﻌﺪﺕ ﺟﻮﻋﺎﻧﻪ ﻭﺟﺎﻥ ﺍﻟﺒﻴﺖ ﻫﺪﻭﺀ
ﺍﻟﺼﺮﺍﺣﻪ ﻣﺎﺍﻋﺮﻑ ﻣﻮﺟﻮﺩﻳﻦ ﻟﻮ ﻧﺎﻳﻤﻴﻦ
ﺍﺗﻐﺪﻳﺖ ﺑﻌﺪﻫﺎ ﺍﺫﻥ ﻭﺻﻠﻴﺖ
ﺳﻤﻌﺖ ﺻﻮﺕ ﺍﻟﺴﻴﺎﺭﻩ ﻭﺍﻟﺒﺎﺏ ﺍﻧﻔﺘﺢ
ﺩﺧﻠﻮ ﻟﻠﺒﻴﺖ ﻳﻌﻨﻲ ﺟﺎﻧﻮ ﻃﺎﻟﻌﻴﻦ
ﻃﻠﺐ ﻣﻨﻲ ﻋﻠﻲ ﺍﺗﻌﺸﺎ ﻭﺍﻧﻲ ﺟﻨﺖ ﻣﺎﺍﺷﺘﻬﻲ
ﻭﺭﻩ ﻓﺘﺮﻩ ﺍﺟﻮﻱ ﻋﻤﻮ ﻭﺧﺎﻟﻪ ﻭﺍﻟﺒﻨﺎﺕ
ﻃﺒﻌﺎ ﺣﻴﻞ ﻓﺮﺣﺖ ﺷﻌﻮﺭﻱ ﻣﻴﻨﻮﺻﻒ
ﺍﺗﻌﺠﺒﻦ ﺍﻟﺒﻨﺎﺕ ﻣﻦ ﺩﺧﻠﻦ ﺑﻐﺮﻓﺘﻲ
ﻭﺑﻘﻦ ﻳﻤﻲ ﻭﻳﺴﻮﻟﻔﻦ
ﺍﻟﻈﺎﻫﺮ ﻣﻮﺍﻓﻘﻪ ﺧﺎﻟﻪ ﻉ ﺍﺧﻮﻳﻪ
ﺣﻴﻞ ﻓﺮﺣﺖ ﻻﻥ ﻧﺮﻣﻴﻦ ﺣﺒﺎﺑﻪ
ﻧﺮﻣﻴﻦ ﻛﺎﻟﺖ ﺍﻟﺨﻤﻴﺲ ﺭﺍﺡ ﻳﺠﻮﻥ ﻳﺘﻔﻘﻮﻥ ﻉ ﺍﻟﺤﺎﺿﺮ ﻭﺍﻟﻐﺎﻳﺐ ﻭﺭﺍﺡ ﻳﺠﻲ ﻣﺎﻫﺮﺣﺘﻰ ﻳﺤﺠﻲ ﻭﻳﺎﻫﺎ
ﺑﻌﺪﻫﺎ ﻃﻠﻌﺖ ﻧﺴﻴﺖ ﻣﻘﺪﻣﺖ ﺍﻟﻬﻢ ﺷﻲ
ﻟﻜﻴﺖ ﻟﺠﻴﻦ ﻭﻻ ﻛﺎﻧﻮ
ﺭﺣﺖ ﻗﺪﻣﺖ ﺍﻟﻬﻢ ﻣﻦ ﺍﻟﻜﻴﻜﻪ ﺍﻟﺴﻮﻳﺘﻬﺎ
ﻭﺍﻧﻄﻴﺘﻬﻢ ﻋﺼﻴﺮ
ﻋﻤﻮ ﻛﻠﻲ ﺍﺭﻳﺪ ﺟﺎﻱ ﺑﻨﻴﺘﻲ ﻭﻟﻮ ﺭﺍﺡ ﺍﺗﻌﺒﺞ
ﻻ ﻋﻤﻮ ﺗﻌﺒﻚ ﺭﺍﺣﻪ
ﺳﻮﻳﺖ ﺍﻟﺠﺎﻱ ﻭﺻﺒﻴﺘﻪ ﻭﺍﻧﻄﻴﺘﻪ ﺍﻟﻪ
ﺍﺳﻤﻌﻴﻨﻲ ﺑﻨﻴﺘﻲ ﺍﺫﺍ ﺣﺴﻴﺘﻲ ﻣﺘﻀﺎﻳﻘﻪ ﻫﻨﺎ ﻟﻮ ﻣﺎﺍﺭﺗﺎﺣﻴﺘﻲ
ﻛﻮﻟﻴﻠﻲ ﻭﺍﺭﺟﻌﺞ ﻟﻠﺒﻴﺖ
ﻣﺤﺒﻴﺖ ﺍﺣﺮﺟﻪ ﻟﻌﻤﻮ ﻛﻠﺖ ﺧﻞ ﻳﺨﻠﺺ ﺍﻟﺰﻭﺍﺝ ﻭﺍﺭﺟﻊ
ﻛﺘﻠﻪ ﻻ ﻋﻤﻮ ﻣﺮﺗﺎﺣﻪ ﻣﺎﻋﻨﺪﻱ ﺷﻲ
ﺭﺍﺡ ﺍﺑﻘﻰ ﻟﻤﻦ ﻳﺨﻠﺺ ﺍﻟﺰﻭﺍﺝ ﻳﻠﻪ ﺍﺭﺟﻊ
ﻛﺎﻝ ﻟﻌﻠﻲ
ﺍﺳﻤﻌﻨﻲ ﻋﻠﻲ ﻳﻮﻡ ﺍﻧﺘﻮ ﺗﺠﻮﻥ ﻭﻳﻮﻡ ﺍﺣﻨﻪ ﻧﺠﻲ
ﻛﻠﻪ ﻋﻠﻲ ﺻﺎﺭ ﻳﺎﺑﻪ ﺗﺪﻟﻞ
ﺑﻘﻮﺍ ﻓﺘﺮﻩ ﺑﻌﺪﻫﺎ ﺍﺟﻪ ﺳﺠﺎﺩ ﻭﺟﺎﻥ ﺑﺪﻭﻥ ﻋﺸﺎ
ﺣﻤﻴﺘﻠﻪ ﺍﻟﻔﻨﻜﺮ ﻭﺟﺎﻳﺒﻴﻦ ﻭﻳﺎﻫﺎ ﻣﻘﺒﻼﺕ
ﻭﺳﻮﻳﺖ ﻭﻳﺎﻫﺎ ﺑﻴﺾ ﻭﻃﻤﺎﻃﺎ
ﺍﻛﻞ ﺍﻟﺒﻴﺾ ﻭﺍﻟﻄﻤﺎﻃﺎ ﻭﺑﻘﻪ ﺍﻟﻔﻨﻜﺮ
ﻛﺎﻝ ﻧﻔﺴﻲ ﺗﻠﻌﺐ ﻣﻦ ﺍﻟﺠﺎﻫﺰ ﺑﻜﺪ ﻣﻨﺎﻛﻞ ﻳﻮﻣﻴﻪ
ﻋﺎﺷﺖ ﺍﻳﺪﺝ ﻣﻠﻮﻛﻪ
ﺳﻮﻳﺖ ﺟﺎﻱ ﻭﺻﺒﻴﺖ ﺍﻟﻬﻢ ﻣﺮﻩ ﺛﺎﻧﻴﻪ
ﻋﻤﻮ ﻛﻠﻲ ﺗﻌﺎﻟﻲ ﻳﻤﻲ ﺍﻛﻌﺪﻱ
ﺭﺣﺖ ﻛﻌﺪﺕ ﺑﺼﻔﻪ
ﺳﺎﻟﻨﻲ ﻣﺮﺗﺎﺣﻪ
ﻛﺘﻠﻪ ﺍﻱ ﻋﻤﻮ ﻣﺎﻋﻨﺪﻱ ﺷﻲ
ﮔﻠﻲ ﻭﺍﻟﻠﻪ ﻋﻤﻮ ﻉ ﺍﻋﺼﺎﺑﻲ ﺧﻠﻴﺘﺞ ﻫﻨﺎ ﺑﺲ ﻣﺠﺒﻮﺭ
ﻭﺗﻌﺮﻓﻴﻦ ﺍﺑﻮﺝ ﻭﻃﺒﻌﺎ
ﻛﺘﻠﻪ ﻋﻤﻮ ﺍﻟﻠﻪ ﻛﺮﻳﻢ ﻻﺑﺪ ﺗﻄﻠﻊ ﺑﺮﺍﺋﺘﻲ ﺑﻴﻮﻡ ﻭﻳﻌﺮﻓﻮﻧﻲ ﺟﻨﺖ ﻣﻈﻠﻮﻣﻪ
ﺍﻟﻠﻪ ﻛﺮﻳﻢ ﺍﺑﻨﻴﺘﻲ
ﺍﻭﻝ ﻣﺮﻩ ﺍﻛﻌﺪ ﺍﺑﻴﻨﺎﺗﻬﻢ
ﻳﺴﻮﻟﻔﻮﻥ ﻭﻳﻀﺤﻜﻮﻥ ﻭﺍﻧﻲ ﻣﻮ ﻳﻤﻬﻢ ﺍﺑﺪ
ﻋﻴﻮﻥ ﻋﻠﻲ ﺗﺮﺍﻗﺒﻨﻲ
ﺑﻌﺪﻫﺎ ﺭﺍﺣﻮ ﺑﻴﺖ ﻋﻤﻮ
ﺭﺣﺖ ﻧﻤﺖ ﺑﺪﻭﻥ ﻋﺸﻪ ﻣﺎﺍﺷﺘﻬﻲ
ﺛﺎﻧﻲ ﻳﻮﻡ ﻛﻌﺪﺕ ﻭﻟﻜﻴﺖ ﻣﺤﺪ ﺑﺎﻟﺒﻴﺖ ﺑﺎﻟﺪﻭﺍﻡ
ﻧﻈﻔﺖ ﺍﻟﻄﺎﺭﻣﻪ ﻭﺍﻟﺤﺪﻳﻘﻪ ﺭﺩﺕ ﺑﺲ ﺍﻗﻀﻲ ﻭﻗﺖ
ﻭﻃﺒﺨﺖ ﺍﻟﻐﺪﻩ
ﺑﻌﺪﻫﺎ ﺭﺟﻌﺖ ﻟﺠﻴﻦ
ﺑﺲ ﺗﺘﺎﻣﺮ ﻫﺬﺍ ﺷﻨﻮ ﻭﻫﺬﺍ ﻟﻴﺶ ﻭﻫﺬﺍ ﻣﺎﺍﺣﺒﻪ
ﺗﺘﻌﻴﻘﻞ ﻓﻮﻙ ﺭﺍﺳﻲ
ﺍﻧﻲ ﺍﻟﺼﺮﺍﺣﻪ ﻫﺎﻣﻠﺘﻬﺎ ﻭﻻ ﺍﺟﺎﻭﺑﻬﺎ ﺍﺑﺪ
ﺧﺎﺑﺮﺕ ﻋﻠﻲ ﻭﻛﻠﺘﻠﻪ ﺟﻴﺐ ﻭﻳﺎﻙ ﻏﺪﻩ
ﻻﻥ ﻣﻮﻃﻴﺐ ﺍﻟﻲ ﻃﺎﺑﺨﺘﻪ ﺑﻨﺖ ﻋﻤﻚ
ﺻﺪﻙ ﺿﻮﺟﺘﻨﻲ ﻓﻮﻙ ﻣﺎﺍﻃﺒﺦ ﺗﻌﻴﺐ
ﺳﻮﻳﺖ ﺍﻟﻬﻢ ﺗﻤﻦ ﻭﺳﻮﺏ ﻟﺤﻢ ﺍﺣﻤﺮ
ﻻﻥ ﻛﻮﻟﺸﻲ ﻣﺎﻋﺪﻫﻢ
ﺍﺟﻪ ﻋﻠﻲ ﻭﺟﺎﻳﺐ ﻭﻳﺎ ﺍﻛﻞ
ﺍﻧﻲ ﻣﻨﻄﻘﺖ ﻭﻻﺣﺮﻑ
ﺑﺲ ﺑﻘﻴﺖ ﺑﺎﻟﻤﻄﺒﺦ ﺣﺒﻴﺖ ﺍﺷﻮﻑ ﻋﻠﻲ ﻫﻢ ﻣﺮﺍﺡ ﻳﺎﻛﻮﻝ ﺣﺘﻰ ﺑﻌﺪ ﻣﺎﺍﺗﻌﺐ ﻧﻔﺴﻲ
ﻛﻠﻲ ﺍﻻﻛﻞ ﺣﺎﺭ ﻟﻮ ﺑﺎﺭﺩ
ﻻ ﺣﺎﺭ ﻭﺟﺎﻫﺰ
ﻟﻌﺪ ﺻﺒﻴﻠﻲ ﻭﻳﺎﺝ ﺑﺪﻭﻥ ﺍﻣﺮ ﻋﻠﻴﺞ
ﺣﻴﻞ ﻓﺮﺣﺖ ﻛﺘﻠﻪ ﺗﺪﻟﻞ
ﻟﺠﻴﻦ ﺣﺴﻴﺖ ﺑﻴﻬﺎ ﺗﺮﻳﺪ ﺗﻨﻔﺠﺮ ﻣﻦ ﺍﻟﻐﻀﺐ
ﺭﺍﺡ ﺑﺪﻝ ﻭﺭﺟﻊ
ﺻﺒﻴﺖ ﺍﻟﻪ ﻭﺟﻨﺖ ﻣﺤﻀﺮﻩ ﺳﻠﻄﻪ ﻭﺍﻟﺨﻀﺮﻩ ﻭﻟﺒﻦ
ﻛﻠﻲ ﺗﻌﺎﻱ ﺍﺗﻐﺪﻱ ﻭﻳﺎﻧﻪ
ﻛﻠﺖ ﻫﺎﻟﻤﺮﻩ ﻉ ﻋﻨﺎﺩ ﻟﺠﻴﻦ ﺍﻛﻌﺪ ﻭﻟﻮ ﻣﺎﺍﺷﺘﻬﻲ
ﻛﺘﻠﻪ ﺧﻞ ﺍﺻﺐ ﺍﻟﻲ ﻭﺍﺟﻲ
ﻫﻮﺍﻱ ﻫﺬﺍ ﺗﻌﺎﻟﻲ ﺍﻛﻌﺪﻱ ﻭﻋﻮﺩ ﺍﺫﺍ ﻋﻮﺯﻧﻪ ﺻﺒﻲ
ﻃﺒﻌﺎ ﻭﺭﻃﺖ ﻧﻔﺴﻲ ﺍﺳﺘﺤﻲ ﺍﻛﻞ ﻳﻢ ﻋﻠﻲ ﻭﺍﺩﻭﺭ ﻧﻔﺲ ﺍﻟﻤﺎﻋﻮﻥ
ﻛﻌﺪﺕ ﺑﺎﻟﻜﺮﺳﻲ ﺍﻟﻲ ﺑﺼﻔﻪ
ﺟﺎﻳﺐ ﻭﻳﺎ ﻣﻨﺪﻱ
ﺑﺪﻭﺍ ﻳﺎﻛﻠﻮﻥ ﻭﺍﻧﻲ ﻛﻮﻩ ﺍﻛﻮﻝ ﺍﺳﺘﺤﻲ
ﺍﺑﺪ ﻣﺎﺍﻛﻞ ﻣﻦ ﺍﻟﺠﺎﻫﺰ
ﻋﺎﺷﺖ ﺍﻳﺪﺝ ﻃﻴﺐ ﺍﻻﻛﻞ
ﺍﻟﻒ ﻋﺎﻓﻴﻪ
ﺣﻴﻞ ﺍﻓﺮﺣﺖ ﺷﻌﻮﺭﻱ ﻣﻴﻨﻮﺻﻒ
ﻟﺞ ﻟﺠﻴﻦ ﺷﻼﻳﻜﻠﺞ ﻣﻦ ﺍﻛﻞ ﺍﻟﻤﻄﺎﻋﻢ ﺍﺷﻮ ﻣﻮ ﺻﺤﻲ ﻭﻻ ﻃﻴﺐ
ﺍﻧﻲ ﺍﺣﺒﻪ ﺍﺣﺴﻦ ﻣﻦ ﻃﺒﺦ ﺍﻟﺒﻴﺖ ﻭﺗﺒﺎﻭﻉ ﻋﻠﻴﻪ
ﻻﻥ ﻫﻢ ﻣﻮ ﻃﻴﺐ ﻭﻫﻢ ﻣﻦ ﻳﻜﻮﻝ ﻧﻀﻴﻒ
ﺍﻧﺖ ﺍﻛﻠﺘﻲ ﻭﺣﻜﻤﺘﻲ ﻋﻠﻲ ﻣﻮ ﻃﻴﺐ
ﻻ ﻣﻴﻌﺠﺒﻨﻲ ﺍﺿﻮﻙ
ﻟﻌﺪ ﻟﺘﺤﻜﻤﻴﻦ ﻭﺗﻜﻮﻟﻴﻦ ﻣﻮ ﻃﻴﺐ
ﺍﺻﻼ ﻃﻴﺐ ﺣﻴﻞ
ﺍﻧﻲ ﻛﻤﺖ ﻏﺴﻠﺖ ﻭﺣﻤﻴﺖ ﺍﻟﺠﺎﻱ
ﺑﻌﺪﻫﺎ ﻏﺴﻞ ﺻﺒﻴﺘﻠﻪ ﺟﺎﻱ
ﺷﻜﺮﺍ ..... ﺍﻟﻌﻔﻮﻭﻭﻭ .....
ﺭﺣﺖ ﻟﻠﻐﺮﻓﻪ ﻃﻠﻌﺖ ﻣﻼﺑﺲ ﺣﺘﻰ ﺍﺳﺒﺢ
ﺭﺣﺖ ﻟﻠﺤﻤﺎﻡ ﻟﻜﻴﺖ ﻋﻠﻲ ﺑﺎﻟﺼﺎﻟﻪ
ﻛﻠﻲ ﺭﺍﺡ ﺍﺭﻭﺡ ﻟﻠﻤﻜﺘﺐ ﻭﺍﺭﺟﻊ ﻣﻦ ﻭﻛﺖ ﺍﻟﻜﻴﺞ ﻣﺠﻬﺰﻩ ﻧﻔﺴﺞ ﻧﺮﻭﺡ ﻟﺴﺠﺎﺩ ﻟﻠﻤﻮﻝ ﺷﻮﻓﻲ ﺷﺘﺤﺘﺎﺟﻴﻦ ﺟﻴﺒﻲ
ﻉ ﻣﻮﺩ ﺍﻻﻛﻞ
ﻛﺘﻠﻪ ﺍﺳﺠﻠﻚ ﺑﻘﺎﺋﻤﻪ
ﻻ ﻣﺎﺍﻋﺮﻑ ﺍﻻﺷﻴﺎﺀ ﺭﻭﺣﻲ ﺍﻧﺖ
ﺍﻟﻠﻪ ﻛﺮﻳﻢ
ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﺭﺣﺖ ﻧﺸﻔﺖ ﺷﻌﺮﻱ ﻻﻥ ﺟﺎﻥ ﺍﻟﺠﻮ ﺑﺎﺭﺩ
ﺑﻌﺪﻫﺎ ﻧﻤﺖ
ﻋﻠﻲ : ﺷﻔﺖ ﻣﻼﻙ ﻓﺮﺣﺖ ﻣﻦ ﺍﺟﻮﻱ ﺍﻫﻠﻲ
ﻭﺟﻨﺖ ﻣﺮﺍﻗﺒﻬﺎ ﺻﺤﻴﺢ ﺑﻐﻴﺮ ﻋﺎﻟﻢ ﺍﺣﺴﻬﺎ ﺑﺲ ﺍﺣﺴﻬﺎ ﻓﺮﺣﺎﻧﻪ ﺑﻮﺟﻮﺩ ﺍﺧﻮﺍﺗﻲ
ﺍﻟﻴﻮﻡ ﺟﻨﺖ ﺑﺎﻟﺪﻭﺍﻡ ﻭﺧﺎﺑﺮﺗﻨﻲ ﻟﺠﻴﻦ ﻉ ﻏﺪﻩ
ﻛﻠﺘﻠﻲ ﻣﻮﻃﻴﺐ ﺍﻻﻛﻞ
ﺍﻧﻲ ﻣﺘﺎﻛﺪ ﺟﺬﺍﺑﻪ ﺍﺧﺬﺕ ﻭﻳﺎﻱ
ﻛﻠﺖ ﺣﺘﻰ ﻟﻮ ﻣﻮ ﻃﻴﺐ ﺍﻻﻛﻞ ﻻﺯﻡ ﺍﺷﺠﻌﻬﺎ ﻣﻼﻙ
ﻭﻻﺯﻡ ﺍﻣﺪﺡ ﺑﻴﻬﺎ
ﻻﻥ ﺍﻧﻲ ﻣﻤﺘﻌﻮﺩ ﻉ ﺍﻛﻞ ﺍﻟﻤﻄﻌﻢ ﻣﺎﺍﺣﺒﻪ
ﺭﺟﻌﺖ ﻟﻠﺒﻴﺖ ﻭﻃﻠﺒﺖ ﻣﻨﻬﺎ ﺗﺼﺐ ﺍﻟﻲ ﻭﺷﻔﺖ ﺍﻟﻔﺮﺣﻪ ﺑﻌﻴﻮﻧﻬﺎ
ﺍﺗﻔﺎﺟﺎﺕ ﻣﻦ ﻃﻠﺒﺖ ﻣﻨﻬﺎ ﺗﻜﻌﺪ ﻳﻤﻨﻪ ﻭﺍﻓﻘﺖ
ﺟﻨﺖ ﺍﺳﻌﺪ ﻭﺍﺣﺪ ﻣﻦ ﺗﺎﻛﻞ ﻭﻳﺎﻱ ﺑﻨﻔﺲ ﺍﻟﻤﺎﻋﻮﻥ
ﺟﺎﻥ ﺍﻻﻛﻞ ﻃﻴﺐ ﺣﻴﻞ ﻭﻗﺮﺭﺕ ﻻﺯﻡ ﺍﺧﺬﻫﺎ ﺗﺸﺘﺮﻱ ﺍﻟﻲ ﺗﺤﺘﺎﺟﻪ
ﺣﺘﻰ ﺗﻄﺒﺦ ﺍﺣﺴﻦ
ﺣﺠﻴﺖ ﻭﻳﺎﻫﺎ ﺑﻌﺪﻫﺎ ﺭﺣﺖ ﻟﻠﻤﻜﺘﺐ ﻻﻥ ﺻﺎﺭﻟﻲ ﻳﻮﻣﻴﻦ ﻣﺮﺍﻳﺢ
ﺭﺟﻌﺖ ﻣﻦ ﻭﻛﺖ ﺑﺲ ﻟﻜﻴﺖ ﺍﻟﺒﻴﺖ ﻫﺪﻭﺀ
ﻟﺠﻴﻦ ﻧﺎﻳﻤﻪ ﻛﻌﺪﺗﻬﺎ ﺣﺘﻰ ﺗﺤﻀﺮ ﻧﻔﺴﻬﺎ ﻭﺗﺮﻭﺡ ﻭﻳﺎﻧﻪ
ﺍﺩﺭﻱ ﺑﻴﻬﺎ ﺗﺴﻮﻳﻠﻲ ﺳﺎﻟﻔﻪ ﺑﺲ ﻣﺎﺍﺧﺬﻫﺎ
ﻃﻠﺒﺖ ﻣﻨﻬﺎ ﺗﺮﻭﺡ ﺗﺼﻴﺢ ﻣﻼﻙ
ﻛﺎﻟﺖ ﻣﺎﻋﻠﻴﻪ ﺑﻴﻬﺎ
ﺭﺣﺖ ﺍﻧﻲ ﺩﻛﻴﺖ ﺍﻟﺒﺎﺏ ﻭﺭﻩ ﺷﻮﻳﻪ ﻓﺘﺤﺘﻪ ﻭﺟﺎﻧﻦ ﻋﻴﻮﻧﻬﺎ ﺣﻤﺮ ﺗﻔﺮﻙ ﺑﻴﻬﻦ
ﻛﺘﻠﻬﺎ ﻳﻠﻪ ﺟﻬﺰﻱ ﻧﻔﺴﺞ
ﻛﺎﻟﺖ ﺧﻞ ﺍﺳﻮﻳﻠﻚ ﻋﺸﻪ
ﻛﺘﻠﻬﺎ ﻟﻤﻦ ﻧﺮﺟﻊ
ﺑﻘﻴﺖ ﺍﻧﺘﻈﺮﻫﻦ
ﻣﻼﻙ ﻛﻤﻠﺖ ﺑﺴﺮﻋﻪ
ﻣﺮﺍﺕ ﺍﺻﻔﻦ ﻋﻠﻴﻬﺎ ﺍﻛﻮﻝ ﺳﺒﺤﺎﻥ ﺍﻟﻠﻪ ﺍﺳﻢ ﻉ ﻣﺴﻤﻰ ﺟﻨﻬﺎ ﻣﻼﻙ
ﻭﺟﻬﺎ ﺻﺎﻓﻲ ﻳﺨﺒﻞ ﻭﻣﺘﺨﻠﻲ ﻣﻜﻴﺎﺝ
ﻋﻜﺲ ﻟﺠﻴﻦ ﻛﻴﻠﻮ ﻃﺤﻴﻦ ﺗﺨﻠﻲ ﺑﻮﺟﻬﺎ
ﻛﻠﺸﻲ ﺑﻤﻼﻙ ﻋﺎﺟﺒﻨﻲ ﻭﺍﻣﻨﻴﺘﻲ ﺗﺘﻘﺒﻠﻨﻲ
ﺑﺲ ﻣﺴﺘﺤﻴﻞ ﻫﺬﺍ ﺍﻟﺸﻲ
ﺑﻘﻴﻨﻪ ﻧﻨﺘﻈﺮ ﻟﺠﻴﻦ ﺑﻌﺪﻳﻦ ﻃﻠﻌﺖ
ﺭﺣﻨﻪ ﻟﻠﻤﻮﻝ ﻣﺘﻔﻖ ﻭﻱ ﺍﺑﻮﻳﻪ ﻳﺠﻴﺐ ﺍﻣﻲ ﻭﺍﺧﻮﺍﺗﻲ
ﺍﺗﺼﻠﺖ ﺑﻲ ﻛﺎﻝ ﺍﺣﻨﻪ ﺭﺍﺡ ﻧﻮﺻﻞ
ﻭﺻﻠﻨﻪ ﻭﻟﻜﻴﻨﺎﻫﻢ ﻛﺒﻠﻨﻪ
ﺷﻔﺖ ﻣﻼﻙ ﺣﻴﻞ ﻓﺮﺣﺖ ﻣﻦ ﺷﺎﻓﺖ ﺍﻟﺒﻨﺎﺕ
ﺳﺠﺎﺩ ﺍﺟﻪ ﻭﻳﺎﻧﻪ ﻳﻔﺘﺮ ﻭﺷﺎﻳﻞ ﺯﻧﻮﺑﻪ ﺑﻨﺘﻪ
ﻛﻞ ﻟﻤﻼﻙ ﺍﻟﻴﻮﻡ ﺍﻟﻤﻮﻝ ﻣﻨﻮﺭ ﺑﺠﻴﺘﺞ ﻣﻠﻮﻛﻪ
ﻛﻠﺘﻠﻪ ﺷﻜﺮﺍ ﻣﻨﻮﺭﻩ ﺑﺎﺻﺤﺎﺑﻬﺎ ﺍﻛﻴﺪ
ﻛﺘﻠﻬﺎ ﺷﻨﻮ ﺍﻟﺘﺤﺘﺎﺟﻲ ﺍﺧﺬﻱ
ﺗﻤﺸﻲ ﻭﻱ ﻧﺮﻣﻴﻦ ﻭﺣﻨﻴﻦ
ﻭﺍﻻﺧﻮﺍﺕ ﺭﺍﺣﻦ ﺳﻮﻩ
ﺍﺧﺬﺕ ﻓﺎﺻﻮﻟﻴﺎ ﻭﻋﺪﺱ ﻭﻣﻌﺠﻮﻥ ﻭﻣﻌﻜﺮﻭﻧﻴﻪ ﻭﺷﻌﺮﻳﻪ ﻭﺍﺳﺒﻜﺘﻲ ﻭﻟﺰﺍﻧﻴﺎ ﻭﻛﺸﻤﺶ
ﺍﺧﺬﺕ ﺗﻤﻦ ﻋﻨﺒﺮ ﻛﺘﻠﻬﺎ ﺍﺧﺬﻱ ﻃﺮﺷﺎﻧﻪ ﻭﺧﻠﻲ ﻣﺎﻣﺎ ﺗﻌﻠﻤﺞ ﺑﻴﻬﺎ ﻻﻥ ﺍﺣﺒﻬﺎ
ﺍﺧﺬﺕ ﺍﻟﻄﺮﺷﺎﻧﻪ ﻭﺍﺧﺬﺕ ﺗﻤﺮ ﻫﻨﺪ ﻭﺧﻞ ﻭﺩﺑﺲ ﺍﻟﺮﻣﺎﻥ
ﺍﺧﺬﺕ ﻧﻮﻣﻲ ﺑﺼﺮﻩ ﻭﺑﻬﺎﺭﺍﺕ ﻫﻮﺍﻱ ﺍﺧﺬﺕ ﻣﺨﻠﺖ ﺷﻲ ﻣﺎﺍﺧﺬﺕ ﻣﻨﻪ
ﺭﺣﻨﻪ ﻟﻘﺴﻢ ﺍﻟﺨﻀﺮﻭﺍﺕ
ﺍﺧﺬﻧﻪ ﻣﻦ ﻛﻮﻟﺸﻲ ﻭﺍﺧﺬﺕ ﻭﺭﻕ ﺩﻭﻟﻤﻪ
ﺑﻌﺪﻫﺎ ﺭﺣﻨﻪ ﻟﻘﺴﻢ ﺍﻻﺟﺒﺎﻥ ﻫﻢ ﺍﺧﺬﺕ ﺍﻧﻲ ﻫﻮﺍﻱ ﺍﺷﻴﺎﺀ
ﻭﺑﻌﺪﻫﺎ ﺭﺣﻨﻪ ﻟﻘﺴﻢ ﺍﻟﻠﺤﻮﻡ
ﺍﻛﻮ ﻣﺠﻤﺪ ﻭﺍﻛﻮ ﻃﺎﺯﺝ
ﺣﺘﻰ ﺍﻟﺪﺟﺎﺝ ﻛﺬﻟﻚ
ﺍﺧﺬﺕ ﻟﺤﻢ ﻏﻨﻢ ﻃﺎﺯﺝ
ﻃﺒﻌﺎ ﺩﺭﺟﻪ ﺍﻭﻟﻰ ﺍﻟﻠﺤﻢ
ﻭﺍﺧﺬﻧﻪ ﻗﺴﻢ ﻟﺤﻢ ﺑﻘﺮ ﺷﺮﺡ ﻭﺛﺮﻣﻨﺎ ﻭﻛﺎﻟﺖ ﻣﺎﻣﺎ ﺍﺛﺮﻣﻮ ﻭﻳﺎ ﺷﺤﻢ
ﻭﺍﺧﺬﺕ ﻣﻌﻼﻙ ﻫﻤﻴﻦ
ﻭﺍﺧﺬﺕ ﺩﺟﺎﺝ ﻗﺴﻢ ﺩﺟﺎﺝ ﻣﻘﺴﻢ ﻭﻗﺴﻢ ﻋﺪﻝ
ﻭﻳﺒﻴﻌﻮﻥ ﺍﺟﻨﺤﻪ ﻭﺣﺪ ﻭﺍﻓﺨﺎﺫ ﻭﺣﺪ ﻭﺻﺪﺭ ﺩﺟﺎﺝ ﻫﻤﻴﻦ ﺑﺲ ﻃﺎﺯﺝ
ﻫﻤﻴﻦ ﺍﺧﺬﺕ ﻣﻨﻬﻢ
ﺿﺤﻚ ﺳﺠﺎﺩ ﻭﻛﺎﻝ ﺍﻟﻴﻮﻡ ﺷﻜﻮ ﻭﺷﺼﺎﻳﺮ ﻭﻫﻠﮕﺪ ﺗﺴﻮﻛﻮﻥ
ﻛﺘﻠﻪ ﻫﺎﻱ ﻣﻼﻙ ﺗﺮﻳﺪﻫﻢ ﺗﺮﻳﺪ ﺗﻄﺒﺦ
ﺍﺫﺍ ﻟﻤﻠﻮﻛﻪ ﺗﺪﻟﻞ ﺍﻱ ﺷﻲ ﺗﺮﻳﺪﻩ ﻭﺗﺤﺘﺎﺟﻪ ﺑﺲ ﺧﺒﺮﻧﻲ ﻭﺍﻧﻲ ﺭﺍﺡ ﺍﺟﻴﺒﻬﻦ ﺑﻨﻔﺴﻲ
ﻃﺒﻌﺎ ﺍﻟﻤﻮﻝ ﺩﺭﺟﻪ ﺍﻭﻟﻰ
ﺑﻌﺪﻫﺎ ﻃﻠﺒﺖ ﻣﻦ ﺍﻟﺒﻨﺎﺕ ﻛﺘﻠﻬﻦ ﺍﺧﺬﻥ ﻣﻼﻙ ﻭﺭﻭﺣﻦ ﻟﻘﺴﻢ ﺍﻟﻤﻼﺑﺲ ﻭﺍﻟﻌﻄﻮﺭ
ﻛﻠﺖ ﻟﻤﻼﻙ
ﺭﻭﺣﻲ ﻭﻱ ﺍﻟﺒﻨﺎﺕ ﻭﺍﻱ ﺷﻲ ﺷﻲ ﻳﻌﺠﺒﺞ ﺟﻴﺒﻲ
ﺷﻜﺮﺍ ﻣﻤﺤﺘﺎﺟﻪ ﺷﻲ
ﻟﺘﻌﺎﻧﺪﻳﻦ ﺭﻭﺣﻲ ﻭﻳﺎﻫﻦ
ﻧﺮﻣﻴﻦ ﺍﺫﺍ ﺍﺧﺘﺎﺭﺕ ﺯﻳﻦ
ﻭﺍﺫﺍ ﻻ ﺍﻧﺖ ﺍﺧﺘﺎﺭﻱ ﻉ ﺫﻭﻗﺞ
ﺭﺣﻨﻪ ﻛﻌﺪﻧﻪ ﻳﻢ ﺍﻻﺳﺘﻌﻼﻣﺎﺕ
ﻃﺒﻌﺎ ﻣﺎﻣﺎ ﻛﺎﻟﺖ ﻟﺴﺠﺎﺩ ﻣﺘﺎﺧﺬ ﺍﻱ ﺷﻲ ﻣﻦ ﺍﺧﻮﻙ
ﺍﻧﻲ ﻣﻘﺒﻠﺖ
ﺑﺲ ﻣﺎﻣﺎ ﺍﺻﺮﺕ
ﻫﻮ ﺻﺤﻴﺢ ﺍﻟﻤﻮﻝ ﺳﺠﺎﺩ ﻛﺎﻋﺪ ﺑﻲ
ﺑﺲ ﻫﻮ ﻻﻣﻲ ﻭﺣﺘﻰ ﺍﻟﻮﺍﺭﺩ ﺍﻟﻬﺎ ﺑﺲ ﺳﺠﺎﺩ ﺍﻟﻪ ﺭﺍﺗﺐ ﺷﻬﺮﻱ ﻭﻋﺎﻟﻲ ﺣﻴﻞ
ﻣﺎﻣﺎ ﺩﺍﺋﻤﺎ ﺗﻄﻠﺐ ﻣﻨﻲ ﺍﺟﻲ ﺍﺗﺴﻮﻙ ﻣﻨﺎ ﺑﺲ ﺍﻧﻲ ﻣﺎﺍﻗﺒﻞ ﻻﻥ ﻟﺠﻴﻦ ﺍﺑﺪ ﻣﺘﻄﺒﺦ
ﺑﻌﺪﻫﺎ ﻃﻠﺒﺖ ﻣﺎﻣﺎ ﻣﻦ ﺳﺠﺎﺩ
ﻛﺎﻟﺖ ﻣﺎﻣﺎ ﺍﺧﺬ ﺣﻠﻮﻳﺎﺕ ﻟﺒﻨﺖ ﻋﻤﻚ ﺧﻄﻴﻪ ﺧﺎﻑ ﺗﺴﺘﺤﻲ ﺗﺎﻛﻞ ﻭﻳﺎﻫﻢ
ﺍﻧﻄﻴﻬﻴﺎ ﺑﻴﺪﻙ
ﻛﺎﻟﻠﻬﺎ ﺗﺪﻟﻠﻴﻦ ﻣﺎﻣﺎ
ﺍﻧﻲ ﺭﺍﺣﺖ ﻣﻦ ﺑﺎﻟﻲ ﻫﺎﻱ ﺍﻟﺴﺎﻟﻔﻪ
ﻭﺍﻟﻠﻪ ﺻﺪﻙ ﻭﺭﻩ ﺷﻮﻳﻪ ﺟﺎﻳﺐ ﺍﻟﻌﻼﻛﻪ ﺷﻜﺒﺮﻫﺎ
ﺑﺲ ﺗﺪﺭﻱ ﻟﺠﻴﻦ ﺗﺘﺨﺒﻞ
ﻃﺒﻌﺎ ﻫﺪﻯ ﻭﻟﺠﻴﻦ ﺍﺳﺘﻐﻼﻟﻴﺎﺕ ﻣﻦ ﻳﺠﻦ ﻟﻠﻤﻮﻝ ﻳﺤﻤﻠﻦ ﺍﺷﻜﺎﻝ ﻭﺍﻟﻠﻮﺍﻥ
ﺑﻘﻴﻨﻪ ﻧﻨﺘﻈﺮ ﻭﺭﻩ ﺷﻮﻳﻪ ﺍﺟﻦ ﻣﻼﻙ ﻭﺍﻟﺒﻨﺎﺕ
ﻛﺎﻟﻦ ﻣﻘﺒﻠﺖ ﻛﻠﺸﻲ ﺗﺎﺧﺬ
ﻣﺎﻣﺎ ﻛﻠﺘﻠﻬﺎ
ﺍﺫﺍ ﻣﺮﺣﺘﻲ ﻭﺍﺧﺘﺎﺭﻳﺘﻲ ﺍﻧﺖ ﺭﺍﺡ ﺍﻧﻲ ﺍﺧﺘﺎﺭﻟﺞ ﺑﺲ ﻣﻮﺣﻠﻮﺍﺕ ﻭﺍﺟﺒﺎﺭﻱ ﺗﻠﺒﺴﻴﻬﻦ
ﺳﻜﺘﺖ ﻛﺎﻟﺖ ﻳﻠﻪ ﺭﻭﺣﻦ
ﺭﺍﺣﻦ ﻫﺎﻟﻤﺮﻩ ﻃﻮﻟﻦ
ﻣﺎﻣﺎ ﻛﺎﻟﺖ ﺟﻮﻋﺎﻧﻴﻦ ﺧﻞ ﻳﺠﻦ ﻧﺘﻌﺸﺎ ﻭﺑﻌﺪﻫﺎ ﻳﻜﻤﻠﻦ
ﻣﺎﻣﺎ ﺧﺎﺑﺮﺕ ﻧﺮﻣﻴﻦ
ﻟﺤﻀﺎﺕ ﻭﺍﺟﻦ ﺍﻟﺒﻨﺎﺕ
ﺑﻘﻦ ﺍﻟﺰﻭﺝ
ﺧﺎﺑﺮﺕ ﻉ ﻟﺠﻴﻦ ﻛﺘﻠﻪ ﺗﻌﺎﻟﻲ ﻧﺘﻌﺸﻪ ﻭﺍﺭﺟﻌﻲ ﻛﻤﻠﻲ
ﺍﺟﻦ ﺭﺣﻨﻪ ﻉ ﺍﻟﻤﻄﻌﻢ ﺍﻟﻲ ﺑﺎﻟﻤﻮﻝ
ﻃﻠﺒﻨﻪ ﺳﺠﺎﺩ ﻟﻔﺎﺕ ﻛﺺ ﻭﺻﺎﺝ
ﺍﻟﻜﻮﻝ ﻳﺎﻛﻞ ﻃﺒﻴﻌﻲ ﻭﻣﺎﺧﺬ ﺭﺍﺣﺘﻪ ﺍﻟﻪ ﻣﻼﻙ
ﺣﺴﻴﺘﻬﺎ ﺧﺠﻼﻧﻪ ﻭﻣﺮﺗﺒﻜﻪ
ﻛﻮﻩ ﺍﻛﻠﺖ ﻧﺺ ﻟﻔﻪ ﻭﺭﺟﻌﺖ ﻧﺺ
ﺍﺑﻮﻳﻪ ﻛﺎﻡ ﻳﺤﺠﻲ ﻋﻠﻴﻬﺎ ﻭﻛﻠﻠﻬﺎ ﺍﺯﻋﻞ ﻭﻳﺎﺟﺎﺫﺍ ﻣﻜﻤﻠﺘﻲ
ﻛﺎﻟﺖ ﻭﺍﻟﻠﻪ ﻣﺎﺍﺷﺘﻬﻲ
ﺑﺲ ﺿﻐﻂ ﻋﻠﻴﻬﺎ
ﺍﻛﻠﺘﻬﺎ
ﻋﻴﻮﻧﻲ ﺗﺮﺍﻗﺒﻬﺎ ﻏﺼﺒﺎ ﻋﻠﻴﻪ
ﺭﺍﺣﺖ ﺗﻐﺴﻞ ﺳﺎﻟﺖ ﺣﻨﻴﻦ ﺑﺼﻔﻲ
ﻛﺘﻠﻬﺎ ﺍﺧﺬﺕ ﻣﻼﺑﺲ ﻋﻄﻮﺭ
ﻛﺎﻟﺖ ﻛﺎﻋﺪ ﻧﺨﺘﺎﺭ ﻭﺧﺎﺑﺮﺗﻨﻪ ﻣﺎﻣﺎ
ﻫﺴﻪ ﻧﺮﺟﻊ ﻧﻜﻤﻞ
ﺧﻠﺼﻦ ﻭﺭﺍﺣﻦ
ﻟﺠﻴﻦ ﻫﻢ ﻛﺎﻟﺖ ﺭﺍﺡ ﻧﻜﻤﻞ ﺍﻧﻲ ﻭﻫﺪﻯ
ﻛﺘﻠﻬﺎ ﻟﺘﺘﺎﺧﺮﻳﻦ ﺑﺎﺟﺮ ﻭﺭﺍﻧﻪ ﻛﻌﺪﻩ ﻣﻦ ﺍﻟﺼﺒﺢ
ﺭﺟﻌﻦ ﺍﻟﺒﻨﺎﺕ ﻭﺟﺎﻧﻦ ﺑﻴﺪﻫﻦ ﺍﻟﻌﻼﻟﻴﻚ
ﺷﻔﺖ ﺑﻴﺪ ﻣﻼﻙ ﻋﻼﻛﻪ ﺣﻴﻞ ﺍﻓﺮﺣﺖ
ﺍﺷﺮﺕ ﻟﻨﺮﻣﻴﻦ ﺍﺟﺘﻲ
ﺍﺧﺬﺗﻬﺎ ﻉ ﺻﻔﺤﻪ ﺳﺎﻟﺘﻬﺎ ﺍﺧﺬﺕ ﻏﺮﺍﺽ ﻛﺎﻓﻴﻪ ﻟﻮ ﻻ
ﻛﺎﻟﺖ ﻛﻮﻩ ﻗﻨﻌﻨﺎﻫﺎ ﺍﺧﺬﺕ ﺑﺲ ﺩﺷﺪﺍﺷﻪ ﻭﺣﺪﻩ
ﻭﺍﺧﺬﺕ ﻋﻄﺮ ﻭﻣﻌﻄﺮ
ﻛﺘﻠﻬﺎ ﺗﻌﺎﻟﻲ ﻭﻳﺎﻱ ﺧﻞ ﻧﺨﺘﺎﺭ ﺍﻟﻬﺎ
ﺭﺣﻨﻪ ﺻﺪﻙ ﻭﺍﺧﺬﺕ ﺍﻟﻬﺎ ﻣﻼﺑﺲ ﻃﻠﻌﻪ ﻭﺩﺷﺎﺩﻳﺶ 2 ﻭﺷﺎﻻﺕ
ﻟﺠﻴﻦ ﻟﻜﻴﺘﻬﺎ ﻳﻤﻜﻦ ﻧﺺ ﺍﻟﻤﻮﻝ ﺟﺎﻳﺒﺘﻪ ﻭﻳﺎﻫﺎ
ﺍﻧﻲ ﻣﺎﻗﺒﻠﺖ ﻛﻠﺖ ﺑﺲ ﻧﻮﺻﻞ ﺍﺣﺠﻲ ﻭﻳﺎﻫﺎ
ﺑﻌﺪﻫﺎ ﺭﺟﻌﻨﻪ ﻟﻠﺒﻴﺖ ﺑﻘﺖ ﻫﻲ ﺗﺼﻔﻲ ﺑﺎﻟﻐﺮﺍﺽ
ﻟﺠﻴﻦ ﻭﻻ ﻳﻤﻬﺎ ﺩﺧﻠﺖ ﻋﻠﻴﻬﺎ
ﻛﺘﻠﻬﺎ ﻣﻴﺼﻴﺮ ﻛﻠﻤﺎ ﻧﺮﻭﺡ ﻟﻠﻤﻮﻝ ﺗﺠﻴﻦ ﻣﺤﻤﻠﻪ ﻋﻴﺐ ﻣﻦ ﺳﺠﺎﺩ ﻭﻣﺎﻣﺎ
ﻭﺍﻟﻠﻪ ﻣﻮ ﻣﺸﻜﻠﺘﻲ ﺍﺫﺍ ﻣﺎﺍﺧﺬﻭﺍ ﻓﻠﻮﺱ
ﺍﻧﺖ ﻭﻳﺎﻫﻢ ﺍﺗﻔﺎﻫﻢ ﻳﻨﻄﻮﻙ ﺑﻼﺵ ﺑﻔﻠﻮﺱ ﻣﻮ ﻣﺸﻜﻠﺘﻲ
ﺑﻘﺖ ﻣﻼﻙ ﻟﻮﻗﺖ ﻣﺘﺎﺧﺮ ﺗﺮﺗﺐ ﺍﻟﻐﺮﺍﺽ
ﻃﻠﻌﺖ ﻳﻤﻬﺎ ﻛﺘﻠﻬﺎ ﺍﺗﺮﻛﻲ ﺍﻟﺒﺎﻗﻲ ﻟﻠﺼﺒﺢ ﺧﺎﻑ ﺗﻌﺒﺘﻲ ﻟﻮ ﻧﻌﺴﺘﻲ
ﻛﺎﻟﺖ ﻻ ﻣﺎﻋﻨﺪﻱ ﺷﻲ ﺍﻛﻤﻞ ﻳﻠﻪ ﺍﻧﺎﻡ
ﺑﺲ ﻫﺎﻱ ﻋﻼﻛﻪ ﺑﻴﻬﺎ ﻣﻼﺑﺲ ﻳﻤﻜﻦ ﻣﺎﻟﺖ ﻟﺠﻴﻦ
ﻻ ﻫﺎﻱ ﺍﻟﺞ ﺍﻧﻲ ﺟﺒﺘﻬﻦ
ﺷﻜﺮﺍ ...... ﺍﻟﻌﻔﻮﻭﻭ
ﺷﺤﺎﺏ ﺑﺎﺟﺮ ﺍﺳﻮﻳﻠﻚ ﻏﺪﻩ
ﺟﺎﻥ ﺍﺣﻠﻰ ﺳﺆﺍﻝ ﺍﺳﻤﻌﻪ ﺑﺤﻴﺎﺗﻲ
ﻛﺘﻠﻪ ﺑﻠﻲ ﻳﻌﺠﺒﺞ ﺍﻱ ﺷﻲ ﻣﻦ ﺍﻳﺪﺝ ﻃﻴﺐ
ﻣﻤﻜﻦ ﺗﺴﻮﻳﻠﻲ ﺟﺎﻱ
ﺗﺪﻟﻞ
ﺳﻮﺗﻠﻲ ﻭﺻﺒﺘﻠﻲ
ﺍﺟﺖ ﻟﺠﻴﻦ ﻭﻛﻌﺪﺕ ﻳﻤﻲ
ﻳﻠﻪ ﺣﺒﻴﺒﻲ ﺗﻌﺎﻝ ﻣﺎﺍﻛﺪﺭ ﺍﻧﺎﻡ ﺍﻟﻪ ﻉ ﺍﻳﺪﻙ
ﺧﻞ ﺍﺧﻠﺺ ﺍﻟﺠﺎﻱ
ﺧﻠﺼﺖ ﻭﺭﺣﺖ ﻧﻤﺖ
ﺛﺎﻧﻲ ﻳﻮﻡ ﺩﺍﻭﻣﺖ ﻭﺭﺟﻌﺖ ﻟﻜﻴﺖ ﻣﺴﻮﻳﻪ ﺗﻤﻦ ﻭﻓﺎﺻﻮﻟﻴﺎ
ﻭﻟﻠﻌﺸﻪ ﻣﺴﻮﻳﻪ ﺍﺟﻨﺤﻪ ﺷﻮﻱ ﺑﺲ ﺍﻟﻄﻌﻢ ﺧﻴﺎﻟﻲ
ﻛﻠﺖ ﻟﻌﺪ ﺷﻠﻮﻥ ﻳﻜﻮﻟﻮﻥ ﻣﺘﻌﺮﻑ ﺗﻄﺒﺦ
ﺑﻌﺪﻫﺎ ﺟﻨﺖ ﻋﺎﻳﺶ ﻣﺜﻞ ﺍﻟﺤﻠﻢ
ﻳﻮﻣﻴﻪ ﺍﻛﻞ ﺷﻜﻞ ﻭﺍﻟﺒﻴﺖ ﻧﻈﻴﻒ
ﻗﺮﺭﻭﺍ ﺑﻴﺖ ﻋﻤﻮ ﻳﺠﻴﺒﻮﻥ ﺍﻟﻨﻴﺸﺎﻥ ﻭﻳﺠﻮﻥ ﻳﻌﻘﺪﻭﻥ ﻓﺮﺩ ﻣﺮﻩ ﺍﻭﻝ ﻳﻮﻡ ﻋﻄﻠﺔ ﻧﺼﻒ ﺍﻟﺴﻨﻪ ﻳﺼﺎﺩﻑ ﺟﻤﻌﻪ
ﺑﺪﺕ ﻟﺠﻴﻦ ﺗﺤﻀﺮ ﻭﺍﻧﺨﺒﺼﺖ
ﺍﺟﺘﻲ ﺍﻟﻌﻄﻠﻪ ﻭﺟﻨﺖ ﺣﻴﻞ ﺿﺎﻳﺞ ﻉ ﻣﻼﻙ
ﻭﺍﺷﻮﻑ ﻋﻼﻣﺎﺕ ﺍﻟﺤﺰﻥ ﻣﺮﺳﻮﻣﻪ ﺑﻮﺟﻬﺎ
ﻣﺎﺑﻴﺪﻱ ﺷﻲ ﻋﻠﻴﻬﺎ
ﻟﻮ ﻣﺎ ﻋﻤﻲ ﺟﺎﻥ ﺍﺧﺬﺗﻬﺎ ﻫﻢ ﺧﻄﻴﻪ
ﺭﺣﺖ ﻟﺒﻴﺖ ﺍﻫﻠﻲ ﺍﻧﻲ ﻭﻟﺠﻴﻦ ﻣﻦ ﺍﻟﺼﺒﺢ
ﺟﺎﻧﺖ ﺧﺒﺼﻪ ﻭﺑﻌﺪﻫﺎ ﺍﺟﻮﻱ ﺑﻴﺖ ﻋﻤﻲ ﻛﻠﻬﻢ ﺣﺘﻰ ﺍﺧﻮﺍﺕ ﻣﻼﻙ ﺍﺛﻨﻴﻨﻬﻦ
ﺳﻮﻳﻨﻪ ﺣﻔﻠﻪ ﺑﺴﻴﻄﻪ ﻣﻌﺰﻣﻨﻪ ﻧﺎﺱ ﺑﺲ ﺑﻴﺖ ﺧﺎﻟﻮ ﺍﺑﻮ ﻟﺠﻴﻦ ﻭﺧﺎﻻﺗﻲ
ﻛﻤﻞ ﺍﻟﻌﻘﺪ ﻭﺟﻨﻪ ﻛﺎﻋﺪﻳﻦ
ﻭﺟﺎﻥ ﻣﻮﺑﺎﻳﻠﻲ ﻳﺴﺒﻴﻨﻲ ﺑﺎﻟﺮﺳﺎﺋﻞ ﻭﺣﺪﻩ ﻭﺭﻩ ﺍﻟﻠﺦ
ﻓﺘﺤﺖ ﺍﻟﺮﺳﺎﺋﻞ ﻭﺟﺎﻥ ﻋﻘﻠﻲ ﻳﻄﻴﺮ ﻣﻦ ﺭﺍﺳﻲ ﺍﺗﺨﺒﻠﺖ
ﻭﺟﺎﻥ ....... 😜😜😜😜 ﻣﻨﺮﻫﻢ ﺑﺪﻭﻥ ﺍﻟﺠﺎﻥ ..... 🤣🤣🤣
ﺗﻮﻗﻌﺎﺗﻜﻢ ﺣﺒﺎﻳﺐ ﺷﻜﻮ ﺑﺎﻟﺮﺳﺎﺋﻞ ؟؟؟؟؟ ﻭﻣﻦ ﻣﻨﻮ ﺍﻟﺮﺳﺎﺋﻞ ؟؟؟؟؟