ﺍﻟﺒﺎﺭﺕ 7
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﻛﺘﻠﻬﺎ ﺷﻌﻨﺪﺝ ﻛﺎﻋﺪﻩ ﻟﻬﻴﺞ ﻭﻗﺖ
ﺍﻧﺎﻡ ﻫﻮﺍﻱ ﺑﺎﻟﻨﻬﺎﺭ ﻭﺑﺎﻟﻠﻴﻞ ﺍﺑﻘﻰ ﻛﺎﻋﺪﻩ
ﻭﻟﻴﺶ ﻫﺎﻟﺨﺮﺑﻄﻪ ﻟﻴﺶ ﻣﺘﻨﺎﻣﻴﻦ ﺑﺎﻟﻠﻴﻞ ﻣﺜﻞ ﺑﺎﻗﻲ ﺍﻟﻨﺎﺱ ﻭﺑﺎﻟﻨﻬﺎﺭ ﺗﻜﻌﺪﻳﻦ
ﻣﻼﻙ : ﻣﻦ ﺍﻭﻝ ﻳﻮﻡ ﺭﺟﻌﻮﺍ ﺑﻲ ﻋﻠﻲ ﻭﺯﻭﺟﺘﻪ
ﺷﺪﻥ ﻭﻳﺎﻳﻪ ﻫﻲ ﻭﺍﺧﺘﻬﺎ
ﻭﻋﻠﻴﻬﻦ ﺧﺒﺎﺛﻪ ﻣﻮ ﻃﺒﻴﻌﻴﻪ
ﻭﺗﺘﻨﻐﻮﺹ ﻓﻮﻙ ﺭﺍﺳﻲ ﻭﺧﺸﻤﻬﺎ ﻳﺎﺑﺲ
ﻫﻴﺞ ﺍﺷﺘﺮﺍﻟﻲ ﻭﻫﻴﺞ ﺳﻮﺍﻟﻲ
ﻣﻦ ﻳﺸﻮﻓﻨﻲ ﺑﺎﻟﻤﻄﺒﺦ ﻳﻜﻌﺪﻥ ﺳﻮﻳﻪ
ﻭﻳﺒﻘﻦ ﻳﺤﺠﻦ ﻭﻳﺬﺑﻦ ﺑﺴﺎﻣﻴﺮ
ﻣﺮﺍﺕ ﺍﺿﻮﺝ ﻭﻣﺮﺍﺕ ﻻ
ﺍﻛﻮﻝ ﺍﺫﺍ ﺍﻗﺮﺏ ﺍﻟﻨﺎﺱ ﺍﻟﻲ ﻣﺼﺪﻛﻮﻧﻲ ﻭﺍﺗﺒﺮﻭﺍ ﻣﻨﻲ
ﺷﻠﻮﻥ ﺍﻋﺘﺐ ﻉ ﺍﻟﻐﺮﺑﻪ
ﺩﺍﺋﻤﺎ ﺍﻧﻈﻒ ﺍﻟﻤﻄﺒﺦ ﺑﺲ ﺍﻏﻴﺐ ﺷﻮﻳﻪ ﻋﻨﻪ ﺍﻟﮕﻴﻬﻦ ﻣﺨﺒﺜﺎﺕ ﻭﻛﺎﻟﺒﺎﺗﻪ ﻛﻼﺏ
ﻭﺧﺎﻟﻪ ﺗﺮﺯﻟﻨﻲ ﻭﺩﺍﺋﻤﺎ ﺍﻛﻠﻬﺎ ﻭﺍﻟﻠﻪ ﻧﻈﻔﺖ ﺑﺲ ﻣﺘﺼﺪﻛﻨﻲ
ﺣﻴﻞ ﺑﺪﻥ ﻳﻀﻮﺟﻨﻲ ﻭﺍﻧﻲ ﻣﺎﺍﻛﺪﺭ ﺍﺷﺘﻜﻲ
ﺧﺎﻟﻪ ﻛﻞ ﻣﺎﺍﺣﺠﻴﻠﻬﺎ ﺗﻜﻠﻲ ﻣﺎﺍﺣﺐ ﺍﻟﻤﺸﺎﻛﻞ
ﺍﻟﺸﻐﻞ ﺫﺑﻨﻪ ﻋﻠﻴﻪ ﻛﻮﻟﻪ ﻭﻫﻢ ﻣﺎﻋﻨﺪﻱ ﻣﺎﻧﻊ ﺍﻫﻢ ﺷﻲ ﻣﺎﺍﻃﺒﺦ ﻻﻥ ﺣﻴﻞ ﺍﺿﻮﺝ ﻣﻨﻪ
ﺑﺲ ﺑﺪﺕ ﺧﺎﻟﻪ ﻭﻱ ﺍﻟﻄﺒﺦ ﺗﺨﻠﻴﻨﻲ ﺍﻧﻲ ﺍﻃﺒﺦ ﻭﻫﻲ ﻓﻮﻙ ﺭﺍﺳﻲ ﺗﻌﻠﻤﻨﻲ
ﺍﻧﻲ ﻣﺎﺍﻛﺪﺭ ﺍﻛﻮﻝ ﻻ ﻟﺨﺎﻟﻪ
ﺗﻜﻮﻟﻲ ﺍﻧﻲ ﻣﺎﺍﻟﻲ ﺧﻠﻚ ﻟﻠﻤﺸﺎﻛﻞ
ﻛﺘﻠﻬﺎ ﺻﺎﺭ ﺧﺎﻟﻪ
ﺑﺲ ﻫﺬﺍ ﺍﻟﺤﺠﻲ ﻛﻮﻟﻪ ﻣﻦ ﻣﺎﻣﻮﺟﻮﺩﻳﻦ ﻋﻤﻮ ﻭﻋﻠﻲ ﻭﺳﺠﺎﺩ
ﺑﺲ ﻣﻦ ﻣﻮﺟﻮﺩﻳﻦ ﻭﻳﻮﻡ ﺍﻟﺠﻤﻌﻪ ﻭﺍﻟﺴﺒﺖ ﺍﻧﻲ ﺍﻋﻴﺶ ﻣﻠﻜﻪ
ﺑﺲ ﺍﻧﻲ ﺑﻴﻪ ﻃﺒﻊ ﻣﻮﺣﻠﻮ
ﺑﺎﻟﻠﻴﻞ ﺍﺑﻘﻰ ﻛﺎﻋﺪﻩ ﻭﺑﺎﻟﻨﻬﺎﺭ ﺍﻧﺎﻡ ﻟﻤﻦ ﺍﺧﻠﺺ ﺷﻐﻠﻲ
ﻣﺎﻋﻨﺪﻱ ﺍﻱ ﺷﻲ ﻳﻠﻬﻴﻨﻲ ﺣﺘﻰ ﺷﺎﺷﻪ ﻣﺎﻛﻮ ﺑﺎﻟﻐﺮﻓﻪ
ﻋﻠﻲ ﺻﺎﺭﻟﻪ ﺗﻘﺮﻳﺒﺎ ﺷﻬﺮ ﻣﻦ ﺭﺟﻊ
ﻣﺮﺍﺕ ﻗﻠﻴﻠﻪ ﺍﻟﻲ ﺍﺷﻮﻓﻪ ﺑﻴﻬﻦ
ﺍﻟﻴﻮﻡ ﺟﻨﺖ ﻛﺎﻋﺪﻩ ﻣﻨﻌﺴﺎﻧﻪ ﺍﺑﺪ
ﺍﻧﺪﻙ ﺍﻟﺒﺎﺏ
ﻓﺘﺤﺘﻪ ﺍﺗﻔﺎﺟﺎﺕ ﺑﻌﻠﻲ ﻛﺒﺎﻟﻲ ﺩﺧﻞ ﻭﺳﺪ ﺍﻟﺒﺎﺏ
ﺍﻟﺼﺮﺍﺣﻪ ﺑﻘﻴﺖ ﻣﺴﺘﻐﺮﺑﻪ ﺷﻌﻨﺪﻩ ﺑﻬﻴﺞ ﻭﻗﺖ ﻭﺳﺪ ﺍﻟﺒﺎﺏ
ﺑﻌﺪﻳﻦ ﺳﺎﻟﻨﻲ ﺳﺆﺍﻝ ﻣﻤﺘﻮﻗﻌﺘﻪ ﻣﻨﻪ ﺍﺑﺪ
ﺣﺎﺏ ﺍﺳﺎﻟﺞ ﺳﺆﺍﻝ ﺑﺲ ﺍﺗﻤﻨﻰ ﺗﺤﺠﻴﻦ ﺍﻟﺤﻘﻴﻘﻪ ﻭﺑﺪﻭﻥ ﻟﻒ ﻭﺩﻭﺭﺍﻥ
ﺣﺘﻰ ﻣﺘﺠﺒﺮﻳﻨﻲ ﺍﺳﻮﻱ ﺷﻲ ﻣﻴﻌﺠﺒﺞ
ﺍﺗﻔﻀﻞ ﺍﺳﺎﻝ
ﺟﻬﺎﺯ ﻟﺠﻴﻦ ﻭﻳﻦ
ﺷﻨﻮ ..... ﻳﺎﺟﻬﺎﺯ .......
ﻣﻮ ﻛﻠﻨﻪ ﺑﺪﻭﻥ ﻟﻒ ﻭﺩﻭﺭﺍﻥ
ﻣﻮﺑﺎﻳﻠﻬﺎ ﻣﺨﻠﻴﺘﻪ ﺑﺎﻟﻤﻄﺒﺦ ﻭﺭﻩ ﺷﻮﻳﻪ ﻻﻛﻴﺘﻪ ﻣﺎﻫﻮ
ﻭﻣﺎﻛﻮ ﺍﺣﺪ ﺍﻟﻪ ﻣﺼﻠﺤﻪ ﻳﺎﺧﺬﻩ ﻏﻴﺮﺝ ﺍﻧﺖ
ﺷﻨﻮ ﺍﻓﻬﻢ ﻣﻦ ﻛﻼﻣﻚ ﺍﻧﻲ ﺍﻟﻲ ﺍﺧﺬﺗﻪ
ﺍﻛﻴﺪ ﺍﻧﺖ ﻣﻨﻮ ﻏﻴﺮﺝ
ﺍﺷﻮ ﺍﻟﻜﻮﻝ ﻋﻨﺪﻩ ﻣﻮﺑﺎﻳﻠﻪ ﺍﻟﺨﺎﺹ ﺑﻲ ﻭﺍﺭﻗﻰ ﺍﻻﺟﻬﺰﻩ
ﺍﻧﺖ ﺍﻟﻮﺣﻴﺪﻩ ﺍﻟﻲ ﻣﺎﻧﻌﻴﺞ ﻣﻦ ﺍﻟﻤﻮﺑﺎﻳﻞ
ﻟﻬﺬﺍ ﺍﻟﺴﺒﺐ ﺳﺮﻗﺘﻲ
ﺍﺣﺲ ﺑﻜﻼﻣﻪ ﻳﺬﺑﺤﻨﻲ ﺫﺑﺢ
ﻣﻌﻘﻮﻟﻪ ﺍﻧﻲ ﺑﺎﻟﻨﺴﺒﻪ ﺍﻟﻚ ﺣﺮﺍﻣﻴﻪ
ﺍﻧﻲ ﻣﺘﺎﻛﺪ ﻣﺴﺘﻌﺪﻩ ﻛﻮﻟﺸﻲ ﺗﺴﻮﻳﻦ ﺣﺘﻰ ﺗﺘﺼﻠﻴﻦ ﺑﺎﺑﻦ ﺧﺎﻟﺘﺞ
ﺍﻧﻲ ﻟﻮ ﺍﺭﻳﺪﻩ ﻻﺑﻦ ﺧﺎﻟﺘﻲ ﺟﺎﻥ ﺷﺮﺩﺕ ﻭﻳﺎ ﻣﻦ ﺯﻣﺎﻥ
ﻭﻣﺒﻘﻴﺖ ﻋﻨﺪﻛﻢ
ﺿﺮﺑﻨﻲ ﺭﺍﺟﺪﻱ
ﻟﺞ ﺣﻘﻴﺮﻩ ﻭﺍﻟﻠﻪ ﺍﺫﺍ ﻓﻜﺮﺗﻲ ﺗﻬﺮﺑﻴﻦ ﻭﻳﺎ ﺭﺍﺡ ﺗﻜﻮﻥ ﻧﻬﺎﻳﺘﺞ ﻉ ﺍﺩﻳﻪ
ﻭﻏﻼﺕ ﻣﺎﻣﺎ ﺍﻟﻪ ﺍﻛﺘﻠﺞ ﺑﻴﺪﻱ
ﺳﻜﺘﺖ
ﻭﻫﺴﻪ ﻛﻮﻟﻲ ﻭﻳﻦ ﺍﻟﺠﻬﺎﺯ
ﻣﺎﺣﺠﻴﺖ ﺑﻘﻴﺖ ﺳﺎﻛﺘﻪ
ﺑﺲ ﺍﻟﻲ ﺍﺫﺍﻧﻲ ﺍﻛﺜﺮ ﺑﺪﻩ ﻳﻔﺘﺶ ﺍﻟﻐﺮﻓﻪ ﻣﻦ ﻓﻮﻙ ﻟﺠﻮﻩ
ﺍﺣﺴﻪ ﺳﺠﻴﻨﻪ ﻭﺩﺟﻨﻲ ﺑﻜﻠﺒﻲ
ﻣﺤﺠﻴﺖ ﺷﻲ ﻋﻔﺘﻪ ﻉ ﺭﺍﺣﺘﻪ ﻳﺪﻭﺭ
ﻛﻠﺒﻬﺎ ﻟﻠﻐﺮﻓﻪ ﻛﻼﺏ
ﺣﺘﻰ ﺟﻮﻩ ﺍﻟﻔﺮﺍﺵ ﻣﺎﻟﺘﻲ ﺩﻭﺭ
ﺍﻟﺼﺮﺍﺣﻪ ﺍﻧﺘﺎﺑﻨﻲ ﺷﻌﻮﺭ ﺍﻟﺨﻮﻑ ﺍﺧﺎﻑ ﺗﻄﻠﻊ ﻟﺠﻴﻦ ﺿﺎﻣﺘﻪ ﺑﻐﺮﻓﺘﻲ
ﺑﻘﻴﺖ ﺍﻗﺮﻩ ﺍﻟﻔﺎﺗﺤﻪ ﻭﺍﻫﺪﻳﻬﺎ ﻻﻡ ﺍﻟﺒﻨﻴﻦ
ﻛﻮﻥ ﻣﻴﻠﮕﻲ ﺑﻐﺮﻓﺘﻲ
ﺍﺧﺮ ﺷﻲ ﻛﻤﻞ ﺍﻟﺘﻔﺘﻴﺶ ﻭﻣﺎﻟﮕﻪ ﺍﻱ ﺷﻲ
ﺍﻟﺤﻤﺪ ﻟﻠﻪ ﺭﺟﻊ ﺍﻟﺪﻡ ﺑﻮﺟﻬﻲ
ﺍﻟﻐﺮﻓﻪ ﻋﺒﺎﺭﻩ ﻋﻦ ﻫﻮﺳﻪ ﺧﻼﻫﺎ
ﺩﻣﻮﻋﻲ ﻛﺎﻣﺖ ﺗﺠﺮﻱ ﺑﺪﻭﻥ ﻣﺎﺍﺳﻴﻄﺮ ﻉ ﻧﻔﺴﻲ
ﺭﺟﻊ ﮔﻠﻲ ﻭﻳﻦ ﺿﺎﻣﺘﻪ
ﺑﻘﻴﺖ ﺳﺎﻛﺘﻪ
ﻣﻮ ﺍﺣﺠﻲ ﻭﻳﺎﺝ
ﺑﻘﻴﺖ ﺳﺎﻛﺘﻪ ﺑﺲ ﺩﻣﻮﻋﻲ ﺯﺍﺩﻥ
ﺍﺳﻤﻌﻲ ﻣﻼﻙ ﻗﺴﻤﺎ ﺑﺎﻟﻠﻪ ﺍﺫﺍ ﻣﻄﻠﻌﺘﻲ ﻟﻠﺠﻬﺎﺯ ﺍﻟﻪ ﺍﻧﺪﻣﺞ
ﻳﻌﻨﻲ ﻛﻮﻩ ﺗﺮﻳﺪﻧﻲ ﺍﻛﻮﻝ ﺳﺮﻗﺘﻪ ﻟﺠﻬﺎﺯ ﺯﻭﺟﺘﻚ
ﻭﻻ ﻳﻬﻤﻚ ﺍﻧﻲ ﺳﺮﻗﺘﻪ ﻭﺿﻤﻴﺘﻪ
ﺣﺘﻰ ﺍﺧﺎﺑﺮ ﺑﻲ ﺣﺒﻴﺒﻲ
ﺿﺮﺑﻨﻲ ﻫﺎﻟﻤﺮﻩ ﺭﺍﺟﺪﻱ ﻣﻦ ﺻﺪﻭﻙ ﺣﺴﻴﺖ ﺍﻟﺪﻧﻴﺎ ﻛﺎﻣﺖ ﺗﻔﺘﺮ ﺑﻴﻪ
ﻳﻌﻨﻲ ﺑﻜﻮﻝ ﻭﻗﺎﺣﻪ ﻫﻴﺞ ﺗﻌﺘﺮﻓﻴﻦ
ﺑﻘﻴﺖ ﺳﺎﻛﺘﻪ
ﻫﺴﻪ ﻃﻠﻌﻴﻠﻲ ﺍﻟﺠﻬﺎﺯ ﺍﻓﻀﻞ ﺍﻟﺞ
ﺑﺲ ﺍﻧﻲ ﻣﻮ ﺣﺮﺍﻣﻴﻪ ﻭﺍﺳﺮﻗﻪ ﻟﻠﺠﻬﺎﺯ
ﻭﻣﻤﻌﻘﻮﻟﻪ ﻋﻔﺖ ﺍﺟﻬﺰﺗﻜﻢ ﻛﻮﻟﻜﻢ ﻭﺍﺟﻴﺖ ﻟﺠﻬﺎﺯﻫﺎ ﻟﺰﻭﺟﺘﻚ
ﺍﺷﻮ ﺟﻬﺎﺯ ﺧﺎﻟﻪ 24 ﺳﺎﻋﻪ ﺷﺎﻣﺮﺗﻪ ﺑﺎﻟﺼﺎﻟﻪ
ﻣﻔﻜﺮﺕ ﺍﺳﺮﻗﻪ ﺷﻤﻌﻨﻰ ﺟﻬﺎﺯﻫﺎ ﻟﺰﻭﺟﺘﻚ ﺍﻟﻲ ﺳﺮﻗﺘﻪ
ﺑﺲ ﺍﺣﺐ ﺍﻛﻮﻟﻚ ﺷﻲ ﻭﺍﺣﺪ
ﺷﻜﺮﺍ ﺍﻟﻚ ﻫﻮﺍﻱ ﻉ ﻫﺎﻟﺠﺮﺡ ﺍﻟﺠﺮﺣﺘﻨﻲ ﺑﻲ ﻭﻃﻠﻌﺘﻨﻲ ﺣﺮﺍﻣﻴﻪ
ﺛﻘﻲ ﺑﺎﻟﻠﻪ ﻭﺭﺳﻮﻟﻪ ﺍﺫﺍ ﺍﺗﺎﻛﺪﺕ ﻣﻨﺞ ﺍﻟﺠﻬﺎﺯ ﻋﻨﺪﺝ ﻭﺗﺨﺎﺑﺮﻳﻦ ﺑﻲ ﻧﻬﺎﻳﺘﺞ ﻉ ﺍﻳﺪﻱ
ﻭﺍﻛﻮ ﺷﻐﻠﻪ ﺛﺎﻧﻴﻪ ﻛﺎﻓﻲ ﺳﺎﺩﻩ ﺍﻟﻐﺮﻓﻪ ﻋﻠﻴﺞ 24 ﺳﺎﻋﻪ ﻭﺑﺲ ﻳﻠﻪ ﺍﻛﻞ ﻭﻧﻮﻡ
ﺑﺤﺠﺔ ﺗﺨﺘﻔﻴﻦ ﻣﻦ ﻭﺟﻬﻲ
ﻣﻦ ﺑﺎﺟﺮ ﺗﻨﺰﻟﻴﻦ ﺣﺎﻟﺞ ﺣﺎﻝ ﺍﻟﺒﻨﺎﺕ ﺗﻨﻈﻔﻴﻦ ﻭﺗﺘﻮﺍﺟﺪﻳﻦ ﺍﻟﻨﻬﺎﺭ ﻛﻠﻪ ﺟﻮﻩ ﻭﻋﻮﺩ ﺑﺎﻟﻠﻴﻞ ﺍﺻﻌﺪﻱ ﻧﺎﻣﻲ ﻭﺍﺭﺗﺎﺣﻲ
ﻣﻤﺠﺒﻮﺭﺍﺕ ﺍﻟﺒﻨﺎﺕ ﻳﺨﺪﻣﻦ ﺑﻴﺞ ﺣﺘﻰ ﺍﻛﻠﺞ ﻳﺼﻌﺪﻧﻪ ﺍﻟﺞ
ﻋﺎﻓﻨﻲ ﻭﻃﻠﻊ
ﻛﻤﺖ ﺍﺑﺠﻲ ﺑﺤﺮﻛﻪ
ﻭﻟﻚ ﺯﻳﺪ ﺻﻴﺮ ﻣﺮﻩ ﻭﺣﺪﻩ ﺑﺤﻴﺎﺗﻚ ﺭﺟﺎﻝ ﻭﺍﻋﺘﺮﻑ ﺑﺎﻟﺤﻘﻴﻘﻪ
ﺧﻠﺼﻨﻲ ﻣﻦ ﻫﺬﺍ ﺍﻟﻮﺿﻊ
ﻭﻫﺬﺍ ﺍﻟﻐﺒﻲ ﺍﻟﺜﺎﻧﻲ ﻣﻦ ﻛﻮﻝ ﻋﻘﻠﻪ ﺍﺳﺮﻕ ﺍﻟﺠﻬﺎﺯ ﺣﺘﻰ ﺍﺧﺎﺑﺮ ﺯﻳﺪ
ﺍﻟﻪ ﺗﺨﺒﻠﺖ ﻫﻮ ﺳﺒﺐ ﺩﻣﺎﺭﻱ ﻛﻮﻟﻪ
ﺑﺲ ﺍﻟﺼﺮﺍﺣﻪ ﺣﻴﻞ ﺿﺠﺖ ﻣﻦ ﺗﻬﻤﻨﻲ ﻫﻴﺞ ﺍﺗﻬﺎﻡ
ﺍﻧﻲ ﻣﺘﺎﻛﺪﻩ ﻫﺎﻱ ﻟﻌﺒﻪ ﻣﻦ ﻋﺪﻫﺎ
ﺍﻧﻲ ﻻﺯﻡ ﺍﻛﻮﻥ ﺣﺬﺭﻩ ﺑﺲ ﺍﻃﻠﻊ ﻣﻦ ﺍﻟﻐﺮﻓﻪ ﺍﻗﻔﻠﻬﺎ ﻟﻠﺒﺎﺏ ﻭﺭﺍﻳﻪ
ﺛﺎﻧﻲ ﻳﻮﻡ ﻣﺎﺭﺳﺖ ﻳﻮﻣﻲ ﻃﺒﻴﻌﻲ ﺑﺲ ﻫﺎﻱ ﻫﺪﻯ
ﻛﻮﻝ ﺷﻮﻳﻪ ﻭﺫﺑﺘﻠﻬﺎ ﺣﺠﺎﻳﻪ
ﺍﺣﺴﻬﺎ ﺗﺠﻴﻨﻲ ﺑﺎﻟﻌﻈﻢ ﺑﺲ ﻣﺎﺑﻴﺪﻱ ﺷﻲ ﻭﻻ ﺍﻟﻲ ﺳﻠﻄﻪ ﺍﺟﺎﻭﺑﻬﺎ
ﻭﻫﺎﻱ ﺍﺧﺘﻬﺎ ﺍﻟﻌﻮﺑﻪ ﻝ 12 ﺍﻟﻈﻬﺮ ﻳﻠﻪ ﺗﻜﻌﺪ ﻭﻛﻮﻟﺸﻲ ﻣﺘﺴﻮﻱ
ﻛﻤﻠﺖ ﻃﺒﺦ ﺍﻟﻐﺪﻩ
ﺍﺳﺘﻐﻠﻴﺖ ﻭﺟﻮﺩ ﺧﺎﻟﻪ ﺑﻐﺮﻓﺘﻬﺎ
ﺭﺣﺖ ﺍﻟﻬﺎ ﺩﻛﻴﺖ ﺍﻟﺒﺎﺏ ﻛﺎﻟﺖ ﺍﺩﺧﻠﻲ
ﻫﻴﻪ ﺍﺗﻔﺎﺟﺎﺕ ﻻﻥ ﺍﻭﻝ ﻣﺮﻩ ﺍﺳﻮﻳﻬﺎ
ﻛﺎﻟﺖ ﻫﺎ ﻣﻼﻙ ﺍﻛﻮ ﺷﻲ
ﻛﺘﻠﻬﺎ ﺧﺎﻟﻪ ﺍﻣﺲ ﻋﻠﻲ ﻃﻠﺐ ﻣﻨﻲ ﺍﺑﻘﻰ ﺟﻮﻩ ﻟﻤﻦ ﻳﺼﻴﺮ ﺍﻟﻠﻴﻞ
ﻋﺒﺎﻟﻪ ﺍﺑﺪ ﻣﺎﺍﻧﻈﻒ ﻭﻻ ﺍﺳﻮﻱ ﺷﻲ
ﺷﻤﺪﺭﻳﺞ
ﻫﻮ ﻛﻠﻲ ﻛﺎﻓﻲ ﺑﺲ ﺍﻛﻞ ﻭﻧﻮﻡ
ﻭﺍﻧﺖ ﺗﻜﻮﻟﻴﻠﻲ ﺍﺧﺘﻔﻲ ﻣﻦ ﻳﺠﻲ
ﺣﺎﻳﺮﻩ ﻫﺴﻪ ﺍﻧﻔﺬ ﻛﻼﻡ ﻣﻨﻮ ﻣﺎﺍﺩﺭﻱ
ﺧﺎﻟﻪ ﺍﻧﻲ ﻣﻮ ﻗﺼﺪﻱ ﺷﻲ ﻣﻦ ﻫﻴﺞ ﺍﻛﻮﻟﺞ
ﺑﺲ ﺍﺧﺎﻑ ﻳﺸﻮﻓﺞ ﻫﻮﺍﻱ ﻛﺪﺍﻣﻪ ﻭﺍﻧﺘﻮﺍ ﻋﺎﻗﺪﻳﻦ ﻭﺍﺧﺎﻑ ﻳﺘﻘﺮﺑﻠﺞ
ﻻ ﺧﺎﻟﻪ ﺍﻧﻲ ﻣﻮ ﻃﻔﻠﻪ ﻭﺍﻗﺒﻞ ﺑﻬﺬﺍ ﺍﻟﺸﻲ
ﻋﻠﻲ ﺻﺎﺭﺕ ﺍﻟﻪ ﺣﻴﺎﺗﻪ ﺍﻟﺨﺎﺻﻪ ﻭﺍﺗﺰﻭﺝ ﻭﺍﺳﺘﻘﺮ
ﺍﻧﻲ ﻣﺴﺘﺤﻴﻞ ﺍﺗﻘﺒﻠﻪ ﻙ ﺯﻭﺝ ﺍﻟﻲ
ﻭﻣﻮ ﻗﺼﺪﻱ ﻏﻴﺮ ﺷﻲ ﻭﺗﻔﻬﻤﻴﻨﻲ ﻏﻠﻂ
ﺑﺲ ﺍﻧﻲ ﻣﺎﻋﻨﺪﻱ ﺍﻱ ﻫﺪﻑ ﺑﻬﺎﻱ ﺣﻴﺎﺗﻲ ﺑﺲ ﺍﺣﺐ ﺍﺛﺒﺖ ﺑﺮﺍﺋﺘﻲ
ﻭﺑﻌﺪﻫﺎ ﺍﻃﻠﻚ ﻣﻨﻪ
ﻛﺎﻟﺖ ﺧﺎﻟﻪ ﻟﻌﺪ ﺍﻧﺖ ﺣﺮﻩ ﺷﺘﺴﻮﻳﻦ ﺳﻮﻱ
ﻣﺪﺍﻣﺞ ﻋﺎﻗﻠﻪ ﻭﻓﺎﻫﻤﻪ
ﻭﺍﻧﻲ ﻋﻠﻲ ﻫﻢ ﺭﺍﺡ ﺍﺣﺠﻲ ﻭﻳﺎ ﻭﺍﻓﻬﻤﻪ ﺷﻜﻢ ﺷﻐﻠﻪ
ﺍﺗﺮﺧﺼﺖ ﻭﻃﻠﻌﺖ
ﺍﻧﻲ ﺍﻟﻴﻮﻡ ﻃﺒﺨﺖ ﺍﻟﻐﺪﻩ ﺳﻮﻳﺖ ﺗﻤﻦ ﺍﺣﻤﺮ ﻭﺳﻤﻚ
ﺑﺲ ﻣﻦ ﺍﺟﻮﻱ ﻳﺘﻐﺪﻭﻥ ﻋﻤﻮ ﻭﺧﺎﻟﻪ
ﺍﺗﻔﺎﺟﺎﺕ ﺑﺎﻟﺘﻤﻦ ﻳﻤﻜﻦ ﺑﻲ ﻧﺺ ﻛﻴﻠﻮ ﻣﻠﺢ
ﻣﻤﻌﻘﻮﻟﻪ ﺍﻧﻲ ﺍﺣﻂ ﻣﻠﺢ ﻫﺎﻟﻜﺪ
ﺑﻘﺖ ﺧﺎﻟﻪ ﺗﺤﺠﻲ ﻋﻠﻴﻪ
ﻛﺘﻠﻬﺎ ﻭﺍﻟﻠﻪ ﺧﺎﻟﻪ ﻃﺒﺨﺘﻪ ﻃﺒﻴﻌﻲ ﻭﻣﺠﺎﻥ ﻣﺎﻟﺢ ﺍﺑﺪ
ﺑﺲ ﻣﻦ ﺍﺟﻴﺘﺞ ﻭﺣﺎﺟﻴﺘﺞ ﺑﻌﺪﻫﺎ ﺻﺎﺭ ﻣﺎﻟﺢ
ﻃﻔﺮﻥ ﻋﻠﻴﻪ ﺍﺛﻨﻴﻨﻬﻦ ﺍﻻﺧﻮﺍﺕ ﺷﻨﻮ ﻗﺼﺪﺝ ﻭﺣﺪﻩ ﻣﻦ ﻋﺪﻧﻪ ﺣﻄﺖ ﻣﻠﺢ
ﺍﻧﻲ ﻣﺘﻬﻤﺘﺠﻦ ﻭﻻ ﺟﺒﺖ ﻃﺎﺭﻳﺠﻦ
ﺑﺲ ﻋﻤﻪ ﻭﺍﻟﻠﻪ ﻫﻲ ﻗﺼﺪﻫﺎ ﻭﺍﺿﺢ ﺣﺘﻰ ﻣﻨﺨﻠﻴﻬﺎ ﺗﻄﺒﺦ
ﻻ ﻭﺍﻟﻠﻪ ﺧﺎﻟﻪ ﺍﻧﻲ ﻟﻮ ﺍﺭﻳﺪ ﻣﺎﺍﻃﺒﺦ ﺟﺎﻥ ﻛﺘﻠﺞ
ﺧﺎﻟﻪ ﻭﻋﻤﻮ ﻛﺎﻟﻮ ﺳﺪﻭ ﺍﻟﻤﻮﺿﻮﻉ ﻭﺫﺑﻮﺍ ﻟﻠﺘﻤﻦ
ﻭﺳﻮﻥ ﻏﻴﺮﻩ
ﺍﻛﻠﻮ ﺑﺲ ﺍﻟﺴﻤﻚ ﺧﺎﻟﻪ ﻭﻋﻤﻮ
ﻭﺭﺣﺖ ﺫﺑﻴﺘﻪ ﺍﻟﺘﻤﻦ ﻭﻃﺒﺨﺖ
ﻫﻤﺰﻳﻦ ﻛﻤﻠﺘﻪ ﻗﺒﻞ ﻟﻴﺠﻮﻥ ﺍﻟﻮﻟﺪ
ﺍﻟﻠﻪ ﻟﻴﻮﻓﻖ ﻛﻮﻝ ﻇﺎﻟﻢ
ﻫﺎﻱ ﻓﻮﻙ ﻣﺎﺍﺧﺪﻣﻬﻦ ﻫﻴﺞ ﻳﺴﻮﻥ
ﺍﻟﻴﻮﻡ ﻗﺮﺭﺕ ﺍﺑﻘﻰ ﺟﻮﻩ ﻭﺍﺑﺪ ﻣﺎﺍﺻﻌﺪ ﻟﻔﻮﻙ
ﻟﻠﻴﻞ ﻳﻠﻪ ﺣﺘﻰ ﻫﻢ ﺑﻠﻜﻲ ﺗﺘﻐﻴﺮ ﻧﻮﻣﺘﻲ
ﻭﻫﻢ ﺣﻀﺮﺕ ﻋﻠﻲ ﻳﺘﺎﻛﺪ ﻣﻦ ﺍﻧﻲ ﺍﺧﺪﻡ
ﻣﻦ ﺍﺟﻮﻱ ﺍﻟﻮﻟﺪ ﻫﻨﻪ ﺻﺒﻦ ﻋﻔﺘﻬﻦ
ﺍﻣﺎ ﺑﻨﺎﺕ ﻋﻤﻮ ﻛﻠﺶ ﺣﺒﺎﺑﺎﺕ ﻭﻳﺴﺎﻋﺪﻧﻲ ﺩﺍﺋﻤﺎ ﺑﺲ ﺑﺪﻭﻥ ﻛﻼﻡ ﺍﺑﻴﻨﺎﺗﻨﻪ
ﺍﺗﻐﺪﻥ ﻫﻤﻴﻦ
ﺍﻧﻲ ﺍﺳﺘﻐﻠﻴﺖ ﺍﻟﻮﻗﺖ ﻛﻠﺖ ﺧﻠﻲ ﺍﻏﺴﻞ ﺍﻟﻄﺎﺭﻣﻪ ﻭﺍﻟﻜﺮﺍﺝ
ﻃﺒﻌﺎ ﺍﻛﻠﻲ ﺣﻴﻞ ﻗﻞ ﻣﻮ ﻣﺜﻞ ﻗﺒﻞ
ﻫﺴﻪ ﻣﺎﺍﺷﺘﻬﻴﺖ ﺍﻛﻮﻝ ﺍﺑﺪ
ﺭﻏﻢ ﻣﺎﺟﺎﻥ ﺍﻟﻮﻗﺖ ﺏ 3 ﻭﻧﺺ ﺍﻟﻈﻬﺮ
ﺑﺲ ﻣﻮ ﻣﻬﻢ ﺣﺎﺭﻩ ﻟﻮ ﻻ
ﺑﺪﻳﺖ ﺍﻋﺰﻟﻬﺎ ﺑﺎﻟﺒﺪﺍﻳﻪ ﻭﺑﻌﺪﻫﺎ ﺑﺪﻳﺖ ﺍﻏﺴﻞ ﺑﻴﻬﺎ
ﺑﻬﺎﻻﺛﻨﺎﺀ ﺍﺟﻪ ﺳﺠﺎﺩ
ﮔﻠﻲ ﺷﻨﻮ ﺍﻟﻤﻮﺍﺯﻳﺞ ﻫﺴﻪ ﺑﻬﺎﻟﺤﺮ ﺗﻐﺴﻠﻴﻨﻬﺎ
ﻋﺎﺩﻱ ﻣﻮ ﻛﻮﻟﺶ ﺣﺎﺭﻩ
ﻛﺎﻡ ﻳﻀﺤﻚ ﻟﺞ ﺍﺫﺍ ﺍﺏ ﻣﻮ ﺣﺎﺭﻩ ﻟﻌﺪ ﻳﺎﺷﻬﺮ ﺍﻟﺤﺎﺭ
ﻋﺎﺩﻱ ﻭﺍﻟﻠﻪ ﻣﻴﺼﻴﺮ ﺷﻲ
ﻉ ﺭﺍﺣﺘﺞ ﺧﻴﺘﻲ ﻛﻤﻠﻲ
ﺻﺪﻙ ﻛﻤﻠﺘﻬﺎ ﻭﺟﺎﻧﺖ ﺍﻟﺪﻧﻴﻪ ﻣﻮ ﺣﺎﺭﻩ ﺑﺲ ﺗﺴﻤﻂ ﻳﻤﻜﻦ ﺍﺫﺍ ﺍﺧﻠﻲ ﺑﻴﻀﻪ ﺗﺴﺘﻮﻱ
ﺑﺲ ﺍﻧﻲ ﻣﺎﺍﻋﺮﻑ ﺍﻟﺼﺮﺍﺣﻪ ﻟﻴﺶ ﺍﺧﺘﺎﺭﻳﺖ ﻫﻴﺞ ﻭﻗﺖ
ﻳﻤﻜﻦ ﻻﻥ ﺍﻟﺼﺒﺢ ﻣﻠﺘﻬﻴﻪ ﺑﺎﻟﻄﺒﺦ ﻭﺍﻟﻌﺼﺮ ﻻﺯﻡ ﺍﻧﻈﻒ
ﺩﺧﻠﺖ ﻟﻠﻤﻄﺒﺦ ﻭﺟﺎﻥ ﺍﺷﻮﻑ ﺍﻟﻤﻮﺍﻋﻴﻦ ﻣﺸﻤﻮﺭﺍﺕ ﻉ ﺍﻟﻜﺎﻭﻧﺘﺮ
ﺟﻨﺖ ﺣﻴﻞ ﻓﺎﻳﺮﻩ ﻣﻦ ﺍﻟﺤﺮ ﻭﺷﻔﺖ ﻫﺬﺍ ﺍﻟﻤﻨﻈﺮ ﻣﺘﺤﻤﻠﺖ
ﺭﺣﺖ ﻟﻠﺼﺎﻟﻪ ﻛﻠﺖ ﺍﺣﺎﺟﻴﻬﻦ ﺍﻧﻲ ﻣﻮ ﺧﺪﺍﻣﻪ ﻋﺪﻫﻦ
ﻣﺎﺍﻟﻬﻦ ﺍﺛﺮ ﻣﻌﻨﺎﻫﺎ ﺑﺪﻭﻥ ﻗﻮﺳﻴﻦ ﺍﻧﺖ ﻏﺴﻠﻴﻬﻦ
ﻳﺪﺭﻥ ﺑﺨﺎﻟﻪ ﻧﻈﻴﻔﻪ ﻭﺗﺤﺐ ﺍﻟﺘﺮﺗﻴﺐ
ﺑﺲ ﺗﻠﻜﻴﻬﻦ ﻭﺳﺨﺎﺕ ﺗﺮﺟﻊ ﻋﻠﻴﻪ ﺍﻧﻲ
ﺍﻣﺮﻱ ﻻﺍﻟﻠﻪ
ﻏﺴﻠﺘﻬﻦ ﺑﻬﺎﻻﺛﻨﺎﺀ ﺩﺧﻞ ﻋﻠﻲ
ﺻﺒﻴﻠﻲ ﺟﺎﻱ
ﺫﺑﻴﺖ ﺍﻟﻤﻮﺍﻋﻴﻦ ﻭﻏﺴﻠﺖ ﺍﺩﻳﻪ
ﺣﻤﻴﺘﻪ ﻟﻠﺠﺎﻱ ﻭﺻﺒﻴﺘﻠﻪ ﻭﺣﻄﻴﺘﻪ ﻛﺪﺍﻣﻪ
ﺭﺟﻌﺖ ﺍﻏﺴﻞ ﺍﻟﻤﻮﺍﻋﻴﻦ
ﮔﻠﻲ ﺍﻧﻲ ﻣﻦ ﻛﺘﻠﺞ ﺍﻧﺰﻟﻲ ﻭﻧﻈﻔﻲ
ﻣﻮ ﻣﻌﻨﺎﻫﺎ ﻛﺘﻠﺞ ﺍﻧﺘﻘﻤﻲ ﻣﻦ ﻧﻔﺴﺞ
ﻳﻌﻨﻲ ﺷﻨﻮ ﻣﻦ ﺗﻐﺴﻠﻴﻦ ﺍﻟﻄﺎﺭﻣﻪ ﺑﻬﺎﻟﺤﺮ
ﻋﻮﺩ ﺑﻄﻮﻟﻪ ﻣﻨﺞ ﻟﻮ ﺍﻧﺖ ﻧﻈﻴﻔﻪ
ﻻ ﻣﺘﻮﻫﻤﻪ ﺍﻛﻴﺪ
ﻫﺬﺍ ﻏﺒﺎﺀ ﻣﻨﺞ
ﺳﻜﺘﺖ ﺑﺲ ﺑﺪﺍﺧﻠﻲ ﺍﻓﻮﺭ
ﻭﺛﺎﻧﻴﻪ ﻭﺑﻌﺪ ﺍﻧﺖ ﻣﺎﺍﻟﺞ ﺣﻖ ﺗﻐﺴﻠﻴﻦ ﻣﻮﺍﻋﻴﻨﻪ ﻭﺍﻧﺖ ﺍﺳﺎﺳﺎ ﻣﻤﺎﻛﻠﻪ ﻭﻳﺎﻧﻪ
ﻳﻌﻨﻲ ﺑﺘﺼﺮﻓﺞ ﻫﺬﺍ ﺗﺮﺩﻳﻦ ﺗﻜﺒﺮﻳﻦ ﺑﻌﻴﻨﻲ ﻣﺜﻼ
ﻫﻢ ﺳﻜﺘﺖ ﻭﺑﻘﻴﺖ ﺍﻋﺰﻝ ﺑﺎﻟﻤﻄﺒﺦ
ﺷﻨﻮ ﺍﻧﺖ ﺫﺍﺑﺘﻪ ﻛﻠﻪ ﻉ ﺍﻟﺼﺎﻣﺖ
ﺍﻟﺼﺮﺍﺣﻪ ﺣﻴﻞ ﻧﺮﻓﺰﻧﻲ ﺑﺎﻟﺤﺠﻲ ﻣﺎﻟﺘﻪ ﺑﺲ ﻣﺎﺍﻛﺪﺭ ﺍﺟﺎﻭﺑﻪ
ﺍﻧﻲ ﺍﻋﺘﻘﺪ ﻣﺎﺍﻟﻲ ﺣﻖ ﺍﺩﺍﻓﻊ ﻋﻦ ﻧﻔﺴﻲ ﺑﻬﺬﺍ ﺍﻟﺒﻴﺖ
ﻻﻥ ﻣﺎﻋﻨﺪﻱ ﺳﻨﺪ ﺣﺘﻰ ﻣﻦ ﺍﻧﻈﺮﺏ ﻟﻮ ﺍﻧﻬﺎﻥ ﻣﺎﻛﻮ ﺍﺣﺪ ﻳﺎﺧﻮﺫ ﺣﻘﻲ
ﻭﺍﻟﺤﺠﻴﺖ ﻭﺍﻟﻤﺎ ﺣﺠﻴﺖ ﻧﻔﺲ ﺍﻟﺸﻲ
ﻓﻀﻠﺖ ﺍﻟﺴﻜﻮﺕ ﺍﺣﺴﻦ
ﺗﻌﺎﻱ ﻓﻬﻤﻴﻨﻲ ﺍﻟﺘﻤﻦ ﺷﻨﻮ ﻓﻠﻤﻪ ﻟﻴﺶ ﺫﺑﻴﺘﻲ ﺑﺎﻟﺰﺑﻞ
ﻫﻢ ﻣﺠﺎﻭﺑﺘﻪ
ﻳﻤﻜﻦ ﺍﺣﺠﻲ ﻭﻱ ﺣﺎﻳﻂ ﺍﻛﻮﻡ ﺍﺻﻌﺪ ﻟﻐﺮﻓﺘﻲ ﺍﺭﺗﺎﺡ ﺍﺣﺴﻦ
ﻋﺎﻓﻨﻲ ﻭﻃﻠﻊ
ﺑﻘﻴﺖ ﺍﺭﺗﺐ ﺑﺎﻟﻤﻄﺒﺦ
ﺑﻌﺪﻫﺎ ﺻﻌﺪﺕ ﺳﺒﺤﺖ ﻭﻧﺰﻟﺖ
ﻛﻤﻠﺖ ﺍﻟﺼﺎﻟﻪ ﻭﺭﺣﺖ ﻟﻠﺤﺪﻳﻘﻪ ﺍﻟﺨﻠﻔﻴﻪ ﻛﻠﺖ ﺧﻠﻲ ﺍﻋﺰﻟﻬﺎ ﻭﺍﻧﻈﻔﻬﺎ
ﺑﻴﻬﺎ ﻛﺮﺍﺳﻲ ﻭﻃﺒﻠﻪ ﻭﻣﺴﻮﻳﻠﻬﺎ ﺿﻞ ﻛﻮﻟﺶ ﺣﻠﻮﻩ ﻭﻣﺮﺗﺒﻪ
ﻛﻤﻠﺘﻬﺎ ﻭﺭﺩﺕ ﺍﺩﺧﻞ ﻭﺟﺎﻥ ﺍﺷﻮﻑ ﻋﻠﻲ ﻛﺒﺎﻟﻲ ﻣﺒﺪﻝ ﻳﺮﻳﺪ ﻳﻄﻠﻊ
ﺷﻌﻨﺪﺝ ﻫﻨﺎ ﺷﺘﺴﻮﻳﻦ
ﺩﺍﺍﻧﻈﻒ
ﻭﺍﻧﺖ ﻋﻜﺲ ﺍﻟﻨﺎﺱ ﺍﻟﻪ ﺑﻬﻴﺞ ﻭﻗﺖ ﻳﻠﻪ ﺗﻨﻈﻔﻴﻦ
ﻟﻮ ﻋﻨﺪﺝ ﻏﻴﺮ ﻏﺎﻳﻪ ﻭﺗﺴﺘﻐﻠﻴﻦ ﺍﻟﻮﻗﺖ ﻭﺍﻟﻌﺰﻟﻪ
ﺣﻴﻞ ﺿﺠﺖ ﺣﺠﻴﺖ ﻭﻳﺎ ﺑﻬﺪﻭﺀ
ﻳﻌﻨﻲ ﺷﻠﻮﻥ ﺍﺳﺘﻐﻞ ﺍﻟﻮﻗﺖ
ﻣﺜﻼ ﺍﻭﺍﻋﺪﻟﻲ ﻭﺍﺣﺪ ﻳﺠﻴﻨﻲ ﺑﻬﻴﺞ ﻭﻗﺖ
ﺍﻧﺖ ﻟﻴﺶ ﻟﻮ ﺫﺍﺑﺘﻪ ﻉ ﺍﻟﺼﺎﻣﺖ ﻟﻮ ﻣﻦ ﺗﺤﺠﻴﻦ ﺣﺠﻴﺞ ﻳﻨﺮﻓﺰﻧﻲ ﻭﻳﺨﻠﻴﻨﻲ ﺍﻃﻠﻊ ﻣﻦ ﻃﻮﺭﻱ
ﻟﻌﺪ ﺑﻌﺪ ﻣﺎﺍﺣﺠﻲ ﺍﻓﻀﻞ
ﺍﺑﻘﻪ ﻉ ﺭﺍﺣﺘﻚ ﺍﺟﻔﺺ ﺍﺑﻄﻨﻲ ﻭﺧﺮﺑﻂ ﺑﺎﻟﺤﺠﻲ
ﻭﻋﺪ ﻣﻨﻲ ﻣﺮﺍﺡ ﺍﺟﺎﻭﺑﻚ ﻉ ﺍﻱ ﺷﻲ
ﻭﺍﻧﺖ ﺣﺮ ﺷﺘﻔﺴﺮ ﺗﺼﺮﻓﺎﺗﻲ ﻓﺴﺮﻫﻦ
ﻋﻔﺘﻪ ﻭﺭﺩﺕ ﺍﺩﺧﻞ ﻟﺠﻮﻩ
ﺟﺮﻧﻲ ﻣﻦ ﺍﻳﺪﻱ ﻭﺧﻼﻧﻲ ﺑﻤﺴﺘﻮﺍﻩ
ﺑﺲ ﺑﻌﺪﻧﻲ ﻣﻤﻜﻞ ﺍﻟﺤﺠﻲ ﻣﺎﻟﺘﻲ
ﻣﺎﺍﻟﺞ ﺣﻖ ﺗﻌﻮﻓﻴﻨﻲ ﻭﺍﺩﺧﻠﻴﻦ ﻭﺍﻧﻲ ﻣﻤﻜﻞ ﺣﺠﻴﻲ
ﺍﺳﻔﻪ ﻋﺒﺎﻟﻲ ﻛﻤﻠﺖ
ﻣﺮﻩ ﺛﺎﻧﻴﻪ ﺍﺫﺍ ﻟﻤﺤﺘﺞ ﺑﺎﻟﺤﺪﻳﻘﻪ ﻣﺘﻠﻮﻣﻴﻦ ﺍﻟﻪ ﻧﻔﺴﺞ
ﻭﻣﻤﻨﻮﻉ ﺗﻨﻈﻔﻴﻦ ﺍﻟﺤﺪﻳﻘﻪ ﻟﻮ ﺷﻴﺼﻴﺮ
ﻣﻔﻬﻮﻡ
ﺍﻭﻙ
ﻋﺎﻓﻨﻲ ﻭﺩﺧﻞ ﺍﻧﻲ ﻫﻢ ﺩﺧﻠﺖ ﻟﺠﻮﻩ
ﻋﻤﻮ ﻃﻠﻊ ﻭﻳﺎ ﻭﺳﺠﺎﺩ ﻫﻢ ﻃﺎﻟﻊ
ﺫﻧﻴﺞ ﺍﻟﺤﻴﺎﻳﻪ ﺑﻐﺮﻓﻬﻦ
ﻟﻜﻴﺖ ﺧﺎﻟﻪ ﻛﺎﻋﺪﻩ
ﻛﺘﻠﻬﺎ ﺧﺎﻟﻪ ﻋﻠﻲ ﻫﻴﺞ ﻭﻫﻴﺞ ﻛﻠﻲ
ﻟﻌﺪ ﻋﻮﻓﻴﻬﺎ ﻟﻠﺤﺪﻳﻘﻪ ﺧﻞ ﺗﻮﻟﻲ
ﺍﺧﻠﻲ ﻧﺮﻣﻴﻦ ﻟﻮ ﺣﻨﻴﻦ ﻳﺴﻮﻧﻬﻦ
ﻭﺍﻟﻤﻮﺍﻋﻴﻦ ﻣﺎﻟﺘﻬﻢ ﺍﺑﺪ ﻣﺘﻐﺴﻠﻴﻬﻦ ﻟﻮ ﻳﺒﻘﻦ ﺷﻬﺮ ﻉ ﺍﻟﻜﺎﻭﻧﺘﺮ
ﺻﺎﺭ ﺧﺎﻟﻪ
ﺍﺻﻌﺪﻱ ﺍﺭﺗﺎﺣﻲ
ﻛﻠﺖ ﺑﺲ ﺍﺻﻌﺪ ﺍﻧﺎﻡ ﻭﻣﺎﺍﺭﻳﺪ ﺍﻧﺎﻡ ﻫﺴﻪ
ﻛﺘﻠﻪ ﻟﻠﻴﻞ ﻭﺍﺻﻌﺪ ﺣﺘﻰ ﺍﻧﺎﻡ ﻓﺮﺩ ﻣﺮﻩ
ﺍﻧﻈﻔﻠﻜﻢ ﻏﺮﻓﺘﻜﻢ
ﻻ ﺧﺎﻟﻪ ﻋﻮﻓﻴﻬﺎ ﻣﺒﻴﻬﺎ ﺷﻲ
ﺭﻭﺣﻲ ﺍﺭﺗﺎﺣﻲ
ﻭﺍﻟﻠﻪ ﺍﺭﻳﺪ ﺍﻟﻬﻲ ﻧﻔﺴﻲ ﻣﺎﺍﻛﺪﺭ ﺍﺻﻌﺪ
ﺑﻜﻴﻔﺞ
ﺩﺧﻠﺖ ﻭﺍﺗﻔﺎﺟﺄﺕ ﺑﻐﺮﻓﺔ ﻋﻤﻮ
ﺗﺨﺒﻞ ﻭﻣﺮﺗﺒﻪ ﺣﻴﻞ ﻭﻧﻈﻴﻔﻪ
ﻣﺘﺤﺘﺎﺝ ﺗﺮﺗﻴﺐ ﺑﺲ ﻧﻈﻔﺖ ﺍﻟﻜﺎﻉ ﻭﻣﺴﺤﺘﻬﺎ
ﺩﺧﻠﺖ ﻟﻠﺤﻤﺎﻡ ﺭﺩﺕ ﺍﻧﻈﻔﻪ
ﻟﻜﻴﺘﻪ ﻧﻈﻴﻒ ﻭﻣﺮﺗﺐ ﺑﺸﻜﻞ
ﺍﻱ ﻣﻼﺑﺲ ﻭﺳﺨﻪ ﻣﺎﻛﻮ
ﺧﻠﺼﺘﻬﺎ ﻭﻃﻠﻌﺖ
ﻃﻠﻌﺖ ﻟﻜﻴﺖ ﻧﺮﻣﻴﻦ ﻭﺣﻨﻴﻦ ﺟﻮﻩ
ﻳﺤﻀﺮﻥ ﺑﺎﻟﻌﺸﻪ
ﻭﺍﻟﺤﺒﺎﺑﺎﺕ ﺑﻌﺪﻫﻦ ﻓﻮﻙ
ﻟﻜﻴﺘﻬﻦ ﻳﺤﺠﻦ ﻋﻠﻴﻬﻦ
ﻭﻳﻜﻮﻟﻦ ﻟﺨﺎﻟﻪ
ﻣﻴﺼﻴﺮ ﻫﻴﺞ ﺷﻨﻮ ﻣﺪﻟﻼﺕ
ﻛﻮﻟﺸﻲ ﻣﻴﺴﻮﻥ
ﺗﻜﻠﻬﻦ ﺧﺎﻟﻪ
ﺍﻧﻲ ﺍﺣﺠﻲ ﻭﻳﺎﻫﻦ ﺑﺲ ﻣﺎﺍﺣﺐ ﺍﻟﻤﺸﺎﻛﻞ ﻳﺎﻣﺎﻣﺎ
ﺍﻧﻲ ﺍﺧﻠﻲ ﺍﺑﻮﺟﻦ ﻳﺤﺠﻲ ﻭﻱ ﺍﺧﻮﺗﺠﻦ ﺍﺛﻨﻴﻨﻬﻢ ﺧﻠﻲ ﻭﺍﺣﺪ ﻣﻨﻬﻢ ﻳﻄﻠﻊ ﺍﺑﻴﺘﻪ
ﺩﺧﻠﺖ ﻟﺠﻮﻩ ﺍﻟﻜﻮﻝ ﺳﻜﺖ
ﺍﺗﻮﺿﻴﺖ ﻭﺻﻠﻴﺖ ﺍﻟﻤﻐﺮﺏ ﻭﺍﻟﻌﺸﺎ
ﺑﻌﺪﻫﺎ ﺳﻮﻳﺘﻠﻲ ﻟﻔﻪ ﺑﺲ ﺍﻟﻲ ﻗﺒﻠﻬﻢ
ﺍﺗﻌﺸﻴﺖ ﻭﺻﻌﺪﺕ
ﻧﻀﻔﺖ ﻏﺮﻓﺘﻲ ﻭﺩﺧﻠﺖ ﺳﺒﺤﺖ ﻣﺮﻩ ﻟﺦ
ﺍﻟﺠﻮ ﺣﻴﻞ ﺣﺎﺭ
ﻋﻠﻲ : ﻣﻦ ﺷﻔﺖ ﻣﻼﻙ ﻟﻠﻴﻮﻡ ﺍﻣﻮﺭﻱ ﻛﻠﻬﺎ ﺍﺗﺨﺮﺑﻄﺖ
ﺍﺑﺪ ﻣﺎﺍﻣﻴﺰ ﺑﻌﺪ ﺍﻟﺼﺢ ﻣﻦ ﺍﻟﻐﻠﻂ
ﻭﻻ ﺍﻋﺮﻑ ﺍﻟﺤﻘﻴﻘﻪ ﻣﻦ ﺍﻟﻜﺬﺏ
ﺍﻧﻲ ﺍﻟﻤﻔﺮﻭﺽ ﺑﺼﻔﺘﻲ ﻣﺤﺎﻣﻲ ﻣﺎﺍﺗﻬﻢ ﺍﻟﺸﺨﺺ ﻛﺒﻞ ﻻﺯﻡ ﺍﺟﻤﻊ ﺍﻻﺩﻟﻪ ﻳﻠﻪ ﺍﺣﻜﻢ ﻉ ﺍﻟﻘﻀﻴﻪ ﻛﻠﻬﺎ
ﺑﺲ ﻭﻱ ﻣﻼﻙ ﻛﺎﻋﺪ ﺍﺗﻬﻤﻬﺎ ﺑﺪﻭﻥ ﺩﻟﻴﻞ ﻗﺎﻃﻊ
ﻣﺎﺍﻋﺮﻑ ﻫﻞ ﺍﻟﺠﻬﺎﺯ ﻋﺪﻫﺎ ﻟﻮ ﻻ
ﻋﻘﻠﻲ ﻳﻜﻮﻟﻲ ﺍﻛﻴﺪ ﻋﺪﻫﺎ ﻭﺗﺤﺘﺎﺟﻪ
ﺑﺲ ﮔﻠﺒﻲ ﻳﻜﻮﻝ ﺍﻟﻌﻜﺲ
ﺩﺧﻠﺖ ﻟﻐﺮﻓﺘﻬﺎ ﻭﻓﺘﺸﺘﻬﺎ ﻭﻣﻠﻜﻴﺖ ﺍﺛﺮ ﻟﻠﺠﻬﺎﺯ
ﻭﺑﻌﺪﻫﺎ ﺻﺤﻴﺢ ﻃﻠﺒﺖ ﻣﻨﻬﺎ ﺗﺘﻮﺍﺟﺪ ﺟﻮﻩ ﻭﻣﺘﺘﻘﻴﺪ ﺑﻴﻨﻪ
ﺟﺎﻥ ﻫﺪﻓﻲ ﺍﺧﻠﻴﻬﺎ ﺗﺘﺎﻗﻠﻢ ﻭﻳﺎﻧﻪ ﻭﻫﻢ ﺗﺼﻴﺮ ﻛﺒﺎﻟﻨﻪ
ﺑﺲ ﻫﻲ ﺍﻓﺘﻬﻤﺘﻨﻲ ﻏﻠﻂ
ﻛﺎﻣﺖ ﺗﻈﻐﻂ ﻉ ﻧﻔﺴﻬﺎ ﻭﻫﺬﺍ ﺍﻟﺸﻲ ﺣﻴﻞ ﺯﻋﺠﻨﻲ
ﺑﺲ ﺍﻟﺰﻋﺠﻨﻲ ﺍﻛﺜﺮ ﻣﻦ ﻟﻜﻴﺘﻬﺎ ﺑﺎﻟﺤﺪﻳﻘﻪ ﺍﻟﺨﻠﻔﻴﻪ
ﺑﺎﻟﻲ ﺭﺍﺡ ﻟﺒﻌﻴﺪ ﺍﻛﻴﺪ ﺩﺗﺨﺎﺑﺮ ﻭﺭﺍﺣﺖ ﻟﻠﺤﺪﻳﻘﻪ ﺍﻟﺨﻠﻔﻴﻪ ﺣﺘﻰ ﺗﺎﺧﺬ ﺭﺍﺣﺘﻬﺎ
ﺑﺲ ﻣﻦ ﺭﺣﺖ ﻟﻠﻤﻜﺘﺐ ﺍﻓﻜﺮ ﺍﻛﻮﻝ ﺯﻳﻦ ﺍﻧﻲ ﺷﻜﻴﺖ ﺑﻴﻬﺎ ﺗﺨﺎﺑﺮ
ﻟﻴﺶ ﻣﺘﺮﻭﺡ ﻟﻐﺮﻓﺘﻬﺎ ﻭﺗﻘﻔﻠﻬﺎ ﻋﻠﻴﻬﺎ
ﺍﺣﺴﻦ ﻣﻦ ﺍﻟﺤﺪﻳﻘﻪ ﻭﻣﻌﺮﺿﻪ ﺑﺎﻱ ﻭﻗﺖ ﺍﺣﺪ ﻳﺪﺧﻞ ﻋﻠﻴﻬﺎ
ﻃﺒﻌﺎ ﻫﻮﺍﻱ ﻋﻘﻠﻲ ﻣﺸﻮﺵ ﻭﻣﺪﺍ ﺍﻋﺮﻑ ﺍﻟﺼﺢ ﻣﻦ ﺍﻟﻐﻠﻂ
ﺍﻣﻲ ﺣﺠﺖ ﻭﻳﺎﻳﻪ ﻛﻠﺘﻠﻲ ﻣﻴﺼﻴﺮ ﻧﺴﻮﺍﻧﻜﻢ ﻛﺎﻋﺪﺍﺕ ﻭﻳﺘﺎﻣﺮﻥ
ﻭﻫﺎﻱ ﺍﻟﻤﺴﻜﻴﻨﻪ ﺗﻨﻔﺬ ﺑﺪﻭﻥ ﻣﺘﻌﺘﺮﺽ
ﻭﺧﻞ ﻳﻜﻮﻥ ﺑﻌﻠﻤﻚ ﻣﻮ ﺗﺎﻛﻞ ﻭﺗﻨﺎﻡ
ﺑﺲ ﺍﻛﻮ ﻏﻴﺮﻫﺎ ﻣﻦ ﻳﺎﻛﻞ ﻭﻳﻨﺎﻡ
ﺍﺷﻮ ﺣﺘﻰ ﺍﻟﻄﺒﺦ ﻛﺎﻣﺖ ﺍﻃﺒﺨﻪ ﺑﻤﻜﺎﻧﻲ
ﺑﺲ ﺫﻧﻲ ﺍﻟﺤﻴﺎﻳﻪ ﻣﻴﻜﻌﺪﻥ ﺭﺍﺣﻪ
ﻣﺨﻠﻴﺎﺕ ﻣﻠﺢ ﻟﻠﺘﻤﻦ
ﻭﺍﻇﻄﺮﺕ ﻣﻼﻙ ﺗﺬﺑﻪ ﺑﺎﻟﺰﺑﻞ
ﻣﻴﺼﻴﺮ ﻫﻴﺞ ﻳﺎﻣﺎﻣﺎ
ﺍﺗﻮﺿﺤﺘﻠﻲ ﺍﻟﺼﻮﺭﻩ
ﻭﻃﻠﺒﺖ ﻣﻦ ﻣﻼﻙ ﺍﺑﺪ ﻣﺘﻐﺴﻞ ﺍﻟﻤﻮﺍﻋﻴﻦ ﺑﻌﺪ
ﺭﺣﺖ ﻟﻠﻤﻜﺘﺐ ﺭﺟﻌﺖ ﺑﺎﻟﻠﻴﻞ ﻭﺟﺎﻧﺖ ﻣﺎﻛﻮ
ﺻﺒﻮﻧﻪ ﺍﻟﻌﺸﺎ ﻭﺍﺗﻌﺸﻴﻨﻪ ﺑﺲ ﻣﻼﻙ ﻭﻻ ﻟﻤﺤﺘﻬﺎ ﺍﺑﺪ
ﻋﻔﺘﻬﺎ ﻗﺮﺭﺕ ﺑﻌﺪ ﻣﺎﻋﻠﻴﻪ ﺑﻴﻬﺎ
ﺛﺎﻧﻲ ﻳﻮﻡ ﻛﺬﻟﻚ ﻟﻜﻴﺘﻬﺎ ﻛﺎﻋﺪﻩ ﻭﺗﻨﻈﻒ
ﺑﺲ ﺫﺍﺑﺘﻪ ﻉ ﺍﻟﺼﺎﻣﺖ ﺍﺑﺪ ﻣﺘﺤﺠﻲ
ﺑﻘﻴﺖ ﻉ ﻫﺬﺍ ﺍﻟﻤﻨﻮﺍﻝ
ﻣﻦ ﺍﻟﺼﺒﺢ ﻟﻠﻴﻞ ﻫﻲ ﺟﻮﻩ
ﺑﺲ ﻗﺒﻞ ﻻﻧﺠﻲ ﺑﺎﻟﻠﻴﻞ ﺗﺨﺘﻔﻲ
ﻭﺭﺍﻫﺎ ﺍﻟﺨﻤﻴﺲ ﻭﻃﻠﺒﻨﻪ ﻣﻨﻬﻦ ﻳﺤﻀﺮﻥ ﻧﻔﺴﻬﻦ
ﺍﻟﻜﻮﻝ ﺟﻬﺰ ﻧﻔﺴﻪ
ﻣﻼﻙ ﻋﻴﻮﻧﻲ ﻳﺮﺍﻗﺒﻨﻬﺎ ﻏﺼﺒﺎ ﻋﻠﻴﻪ
ﻃﻠﻌﻨﻪ ﻭﺟﻬﺰﻧﻪ ﺍﻟﺴﻴﺎﺭﺍﺕ
ﻭﺑﺪﻭﺍ ﺍﻟﻜﻞ ﻳﺼﻌﺪ
ﺑﺲ ﺍﻟﺼﺮﺍﺣﻪ ﻣﺘﻮﻗﻌﺘﻪ ﻟﻤﻼﻙ ﺗﺮﻭﺡ ﺑﺴﻴﺎﺭﺓ ﺳﺠﺎﺩ
ﺍﻟﻤﻔﺮﻭﺽ ﺗﺼﻌﺪ ﻭﻳﺎﻳﻪ ﺣﻴﻞ ﺿﺠﺖ
ﺻﻌﺪﻭﺍ ﻭﻳﺎﻳﻪ ﺍﺑﻮﻳﻪ ﻭﺍﻣﻲ ﻭﻟﺠﻴﻦ
ﻭﺳﻴﺎﺭﺓ ﺳﺠﺎﺩ ﻫﻮ ﻭﺯﻭﺟﺘﻪ ﻭﻣﻼﻙ ﻭﻧﺮﻣﻴﻦ ﻭﺣﻨﻴﻦ
ﻧﻤﺸﻲ ﺑﻨﻔﺲ ﺍﻟﻤﺴﺘﻮﻯ ﺍﺛﻨﻴﻨﻪ ﺳﻴﺎﺭﺍﺗﻨﻪ ﻋﺎﻟﻴﻪ
ﻣﺮﺍﺕ ﺗﺼﻴﺮ ﺳﻴﺎﺭﺗﻪ ﺑﺼﻔﻨﻪ ﺍﺑﺎﻭﻉ ﻋﻠﻴﻬﺎ ﺑﻐﻴﺮ ﻋﺎﻟﻢ
ﻭﻻ ﻳﻤﻬﻢ ﺍﺑﺪ
ﻭﺻﻠﻨﻪ ﻟﻠﻜﺮﺍﺝ ﻭﺧﻠﻴﻨﻪ ﺍﻟﺴﻴﺎﺭﺍﺕ ﻭﻗﻄﻌﻨﻪ ﺍﻟﻮﺻﻞ ﻭﺭﺣﻨﻪ ﻟﻠﻔﻨﺪﻕ
ﺍﺣﻨﻪ ﺣﺎﺟﺰﻳﻦ
ﻗﺮﻳﺐ ﻛﻮﻟﺶ ﻉ ﺍﻟﻌﺒﺎﺱ ﺳﻼﻡ ﺍﻟﻠﻪ ﻋﻠﻴﻪ
ﺍﻧﻄﻮﻧﻪ ﺍﻟﻤﻔﺎﺗﻴﺢ ﻣﺎﻟﺖ ﺍﻟﻐﺮﻑ
ﺍﻟﻜﻮﻝ ﺍﻟﻐﺮﻓﻪ ﺍﻡ ﻧﻔﺮﻳﻦ ﺑﺲ ﺍﻟﺒﻨﺎﺕ ﺍﻡ 3
ﺍﺣﻨﻪ ﺑﻄﺎﺑﻖ ﻭﺍﻟﺒﻨﺎﺕ ﺑﻐﻴﺮ ﻃﺎﺑﻖ ﻻﻥ ﺗﺮﺗﻴﺐ ﺍﻟﻐﺮﻑ ﻫﻴﺞ ﺣﺴﺐ ﻋﺪﺩ ﺍﻻﺳﺮﻩ
ﺍﺗﻔﻘﻨﻪ ﻧﻐﺴﻞ ﻭﻧﺮﺗﺎﺡ ﻭﻧﺮﻭﺡ ﻧﺰﻭﺭ ﻭﻧﺼﻠﻲ ﺍﻟﻤﻐﺮﺏ ﻭﺍﻟﻌﺸﺎ ﻫﻨﺎﻙ
ﻓﻌﻼ ﺍﺳﺘﻘﺮﻳﻨﻪ ﺑﺎﻟﻐﺮﻑ ﺍﻧﻲ ﺳﺒﺤﺖ ﻭﺑﺪﻟﺖ ﻭﻃﻠﺒﺖ ﻣﻦ ﻟﺠﻴﻦ ﺗﻐﺴﻞ ﻣﻼﺑﺴﻲ
ﻭﺭﺍﻳﻪ ﻫﻲ ﺩﺧﻠﺖ
ﺟﻬﺰﻧﻪ ﺍﺛﻨﻴﻨﻪ
ﺧﺎﺑﺮﺕ ﺳﺠﺎﺩ ﻫﻢ ﻛﺎﻝ ﺟﺎﻫﺰﻳﻦ
ﻭﺍﺑﻮﻳﻪ ﻛﺬﻟﻚ
ﺑﻌﺪﻳﻦ ﺍﺗﺼﻠﺖ ﺑﻨﺮﻣﻴﻦ ﻛﺎﻟﺖ ﺍﻧﺘﻈﺮﻭﻧﻪ ﻟﺤﻀﺎﺕ
ﻭﺭﻩ ﺷﻮﻳﻪ ﻧﺰﻟﻦ ﻭﺭﺣﻨﻪ ﻧﺰﻭﺭ ﺍﻭﻝ ﺷﻲ ﺩﻭﺭﻧﻪ ﻉ ﻣﻜﺎﻥ ﻃﺒﻌﺎ ﺑﺼﻌﻮﺑﻪ ﻧﻠﻜﻲ ﻻﻥ ﺣﻴﻞ ﺍﺯﺩﺣﺎﻡ ﺍﻟﻴﻮﻡ ﺧﻤﻴﺲ
ﺑﻌﺪﻳﻦ ﻗﺮﺭﻧﻪ ﻧﺪﺧﻞ ﺳﻮﻳﻪ ﻭﻣﻦ ﻧﻄﻠﻊ ﻫﻨﺎ ﻧﻠﺘﻘﻲ
ﺍﻭﻝ ﺷﻲ ﺯﺭﻧﻪ ﺍﻻﻣﺎﻡ ﺍﻟﺤﺴﻴﻦ ﻉ
ﻭﺑﻌﺪﻫﺎ ﻃﻠﻌﻨﻪ ﻃﺒﻌﺎ ﻗﺒﻞ ﺍﻟﺒﻨﺎﺕ ﻭﺍﻣﻲ
ﺑﻘﻴﻨﻪ ﻧﻨﺘﻈﺮ ﻭﺭﻩ ﺷﻮﻳﻪ ﺍﺟﻨﻲ ﺑﺲ ﻣﻼﻙ ﻣﻦ ﺩﻭﻧﻬﻦ ﺍﻟﻌﻴﻮﻥ ﺣﻤﺮ
ﺻﺎﺭ ﺍﻟﻠﻴﻞ ﻃﺒﻌﺎ
ﺍﺟﻪ ﺳﺠﺎﺩ ﻭﻛﺎﻝ ﺣﺼﻠﺘﻠﻜﻢ ﻣﻜﺎﻥ ﺗﻌﺎﻟﻮ ﻧﺮﺗﺎﺡ ﺷﻮﻳﻪ
ﻭﻓﻌﻼ ﻣﻜﺎﻥ ﺑﻴﻦ ﺍﻟﺤﺮﻣﻴﻦ
ﺍﺳﺘﻘﺮﻳﻨﻪ ﺑﻲ
ﺭﺍﺣﻦ ﺍﻟﺒﻨﺎﺕ ﺯﺍﺭﻥ ﻭﺑﻌﺪﻫﻦ ﺍﺣﻨﻪ ﺭﺣﻨﻪ
ﻣﻼﻙ : ﺻﻌﺪﺕ ﻭﻱ ﺳﺠﺎﺩ ﺑﺴﻴﺎﺭﺗﻪ
ﻃﺒﻌﺎ ﻋﻠﻲ ﻣﺎﺟﻨﺖ ﻋﻨﺪﻱ ﻭﻳﺎ ﻣﺸﻜﻠﻪ ﻳﻌﻨﻲ ﻣﺎﺍﻛﺮﻫﺎ ﻭﻫﻢ ﻣﺎﻋﻨﺪﻱ ﺷﻌﻮﺭ ﺍﺗﺠﺎﻫﺎ
ﺑﺲ ﻫﺴﻪ ﺑﺪﻩ ﻳﺎﺫﻳﻨﻲ ﺑﺘﺼﺮﻓﻪ ﻭﺍﻟﺤﺠﻲ ﻣﺎﻟﺘﻪ
ﻳﻌﻨﻲ ﻳﺸﻚ ﺑﻴﻪ ﺑﺪﻭﻥ ﺩﺍﻋﻲ
ﺑﺪﻩ ﺣﻘﺪ ﺑﻜﻠﺒﻲ ﻳﻨﻮﻟﺪ ﺍﺗﺠﺎﻫﺎ
ﺻﻌﺪﺕ ﻭﻱ ﺍﻟﺒﻨﺎﺕ
ﻭﺍﻟﻜﻮﻝ ﻳﺤﺠﻲ ﻭﻳﻀﺤﻚ ﺑﺲ ﺍﻧﻲ ﺍﺣﺲ ﺑﻨﻔﺴﻲ ﺑﻐﻴﺮ ﻋﺎﻟﻢ
ﺧﻄﻴﻪ ﺳﺠﺎﺩ ﻳﺤﺎﻭﻝ ﻳﺨﻠﻴﻨﻲ ﺍﺣﺠﻲ ﻭﺍﺿﺤﻚ
ﺑﺲ ﺍﻧﻲ ﻓﺎﺭﻛﺘﻨﻲ ﺍﻟﻀﺤﻜﻪ ﻣﻦ ﻳﻮﻡ ﺍﻟﻲ ﺧﺴﺮﺕ ﺷﺮﻓﻲ ﺑﻲ
ﻭﺻﻠﻨﻪ ﻭﺭﺣﻨﻪ ﻟﻠﻔﻨﺪﻕ
ﻭﺑﺪﻳﻨﻪ ﻧﺴﺒﺢ ﻻﻥ ﺍﻟﺠﻮ ﺣﻴﻞ ﺣﺎﺭ ﻛﻮﻝ ﺍﻟﻲ ﺗﺪﺧﻞ ﺗﻐﺴﻞ ﻣﻼﺑﺴﻬﺎ ﻭﺗﻄﻠﻊ
ﺍﺗﺎﺧﺮﻧﻪ ﻋﻠﻴﻬﻢ ﺷﻮﻳﻪ
ﺑﻌﺪﻫﺎ ﺭﺣﻨﻪ ﻧﺰﻭﺭ
ﻣﻦ ﺩﺧﻠﺖ ﻟﻼﻣﺎﻡ ﺍﻟﺤﺴﻴﻦ ﻉ ﺍﻧﻔﺠﺮﺕ ﺑﺎﻟﺒﺠﻲ
ﺍﻟﻜﻮﻝ ﺻﺎﻓﻦ ﻋﻠﻴﻪ ﺣﺘﻰ ﺑﻨﺎﺕ ﻋﻤﻮ
ﺣﺠﻴﺖ ﺑﻴﻨﻲ ﻭﺑﻴﻦ ﻧﻔﺴﻲ ﻛﺘﻠﻪ ﺍﻧﻲ ﻣﻈﻠﻮﻣﻪ ﻣﺎﺍﺭﻳﺪ ﺷﻲ ﻣﻦ ﻫﺎﻟﺪﻧﻴﻪ ﺑﺲ ﺑﺮﺍﺋﺘﻲ
ﺍﻃﻠﺒﻬﺎ ﻣﻨﻜﻢ ﺍﻧﺘﻢ ﺍﻫﻞ ﺍﻟﺒﻴﺖ
ﻭﺑﻌﺪﻫﺎ ﻣﻮ ﻣﻬﻢ ﺍﻣﻮﺕ ﺍﺑﻘﻪ ﻋﺎﻳﺸﻪ
ﻃﻠﻌﻨﻪ ﻟﻠﻌﺒﺎﺱ ﻉ ﻫﻢ ﻛﺬﻟﻚ
ﺣﻴﻞ ﺍﺭﺗﺎﺣﻴﺖ ﻭﺣﺴﻴﺖ ﺑﻨﻔﺴﻲ ﻛﺎﻧﻮ ﻧﻮﻟﺪﺕ ﻣﻦ ﺟﺪﻳﺪ
ﺭﺟﻌﻨﻪ ﻟﻠﻤﻜﺎﻥ ﻧﻔﺴﻪ ﻃﺒﻌﺎ ﺍﻧﻲ ﻭﺑﻨﺎﺕ ﻋﻤﻮ ﻭﺣﺪﻧﻪ ﻭﺍﻟﺰﻭﺝ ﺍﻻﺧﻮﺍﺕ ﺑﻮﺣﺪﻫﻦ
ﻛﻌﺪﻧﻪ ﻭﺟﻨﻪ ﻣﻨﺘﻈﺮﻳﻦ ﺧﺎﻟﻪ ﺣﺘﻰ ﻧﺮﻭﺡ ﻟﻠﻤﻄﻌﻢ ﻧﺘﻌﺸﻰ
ﺍﻧﻲ ﻋﻴﻨﻲ ﻉ ﺍﻟﻨﺎﺱ ﺍﺷﻮﻓﻬﺎ ﻛﻮﻟﻬﺎ ﻧﺎﺱ ﻃﺒﻴﻌﻴﻦ ﻭﻳﻀﺤﻜﻮﻥ ﻭﻳﺴﻮﻟﻔﻮﻥ
ﻳﻤﻜﻦ ﺍﻧﻲ ﺍﻟﻮﺣﻴﺪﻩ ﺍﻟﻲ ﺣﻴﺎﺗﻲ ﻣﻌﻘﺪﻩ ﻭﻳﻤﻜﻦ ﻣﻦ ﺍﻟﻤﺴﺘﺤﻴﻞ ﺑﻴﻮﻡ ﺭﺍﺡ ﺍﻛﺪﺭ ﺍﻓﺮﺡ ﻟﻮ ﺍﺿﺤﻚ
ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﻣﻦ ﺳﺎﺑﻊ ﺍﻟﻤﺴﺘﺤﻴﻞ ﺍﺳﺎﻣﺤﻪ ﺑﻴﻮﻡ ﻫﻮ ﺯﻳﺪ
ﻭﺳﺠﻰ ﻫﻢ ﻣﻦ ﺍﻟﻤﺴﺘﺤﻴﻞ ﺍﺳﻤﺎﻣﺤﻪ
ﻻﻥ ﻫﻤﻪ ﺍﻟﻮﺣﻴﺪﻳﻦ ﺍﻟﻲ ﺳﺒﺒﻮﺍ ﺩﻣﺎﺭﻱ
ﻛﻤﺖ ﺍﺣﺴﺪﻫﺎ ﺍﻟﻲ ﺗﻤﺸﻲ ﺑﻄﻮﻟﻬﺎ ﻭﻱ ﺍﻫﻠﻬﺎ
ﺭﻏﻢ ﻗﺴﻮﺗﻬﻢ ﺍﻫﻠﻲ ﺑﺲ ﺣﻴﻞ ﻣﺸﺘﺎﻗﺘﻠﻬﻢ
ﺍﻧﻲ ﻫﺴﻪ ﺷﻌﻮﺭﻱ ﺍﺻﻌﺐ ﺑﻬﻮﺍﻱ ﻣﻦ ﺍﻟﻲ ﻳﻤﻮﺗﻠﻪ ﻋﺰﻳﺰ ﻉ ﻗﻠﺒﻪ
ﻉ ﺍﻻﻗﻞ ﺍﺫﺍ ﺷﺨﺺ ﻓﻘﺪﻟﻪ ﻋﺰﻳﺰ ﻳﻜﺪﺭ ﻳﺄﻳﺲ ﻣﻨﻪ ﻭﻳﻜﻮﻝ ﻣﻦ ﺍﻟﻤﺴﺘﺤﻴﻞ ﺑﻴﻮﻡ ﺍﻟﺘﻘﻲ ﺑﻲ ﻟﻮ ﺍﺣﺠﻲ ﻭﻳﺎ ﺑﺲ ﺑﺎﻟﺤﻠﻢ ﻭﻫﻢ ﻣﻮ ﺍﻛﻴﺪ ﻳﺸﻮﻓﻪ ﺑﺎﻟﺤﻠﻢ
ﺑﺲ ﺍﻧﻲ ﺍﺧﺘﻠﻒ
ﺻﺤﻴﺢ ﻣﻔﺎﺭﻛﺘﻬﻢ ﺑﺲ ﻫﻢ ﻉ ﻗﻴﺪ ﺍﻟﺤﻴﺎﺓ ﻭﺑﺎﺳﺘﻄﺎﻋﺘﻲ ﺍﺷﻮﻓﻬﻢ ﻭﻳﺸﻮﻓﻮﻧﻲ ﺑﺲ ﻣﺎﺍﻛﺪﺭ ﺍﺿﻤﻦ ﺍﻟﻨﺘﻴﺠﻪ ﺍﺫﺍ ﺍﻟﺘﻘﻴﻨﻪ ﺑﻴﻮﻡ
ﺍﺻﻌﺐ ﺷﻌﻮﺭ ﻓﺮﺍﻕ ﺍﻻﻫﻞ ﻭﻣﻮ ﺍﻱ ﺍﻫﻞ
ﺍﻫﻠﻲ ﺍﻟﻲ ﺩﻟﻠﻮﻧﻲ ﻭﻳﺤﺒﻮﻧﻲ ﻭﻋﻤﺮﻫﻢ ﻣﺎﻳﻮﻡ ﻏﺜﻮﻧﻲ ﻟﻮ ﺳﻤﻌﻮﻧﻲ ﺣﺠﺎﻳﻪ
ﻓﺠﺄﻩ ﺍﺻﻴﺮ ﺑﺎﻟﻨﺴﺒﻪ ﺍﻟﻬﻢ ﻣﻴﺘﻪ
ﺷﻌﻮﺭﻱ ﺻﻌﺐ ﺍﻭﺻﻔﻪ
ﻓﺎﺻﻠﻪ ﻋﻦ ﺍﻟﻌﺎﻟﻢ ﻛﻠﻪ
ﺑﺲ ﻋﻴﻮﻧﻲ ﺗﺒﺎﻭﻉ ﻉ ﺍﻟﻨﺎﺱ
ﻭﻛﻤﺖ ﺍﺣﺴﺪﻫﻢ ﻛﻠﻬﻢ ﻻﻥ ﺣﻴﺎﺗﻬﻢ ﻃﺒﻴﻌﻴﻪ
ﺍﻧﻲ ﺩﺍ ﺍﻓﻜﺮ ﻭﺟﺎﻥ ﺗﻨﻘﻄﻊ ﺳﻠﺴﻠﺔ ﺍﻓﻜﺎﺭﻱ ﻣﻦ ﻟﻤﺤﺖ ﺷﺨﺺ ﻋﻤﺮﻱ ﻣﻤﺘﻮﻗﻌﻪ ﺭﺍﺡ ﺍﺷﻮﻓﻪ ﻫﻨﺎ ﻭﺟﺎﻥ ﺟﺴﻤﻲ ﻳﺒﺪﻱ ﻳﺮﺟﻒ ﻣﻦ ﻓﻮﻙ ﻟﺠﻮﻩ ﻭﺟﺎﻥ ﻳﺼﻴﺮ ﻣﻘﺎﺑﻴﻠﻲ .......
ﺗﻮﻗﻌﺎﺗﻜﻢ ﺣﺒﺎﻳﺒﻲ ﻣﻨﻮ ﻫﺬﺍ ﺍﻟﺸﺨﺺ ﺍﻟﻲ ﺭﺍﺡ ﺗﻠﻜﻲ ﻣﻼﻙ
