#انكسار_فتاة_بريئه
بقلم رونق
#بارت٢٢
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ
ﻋﻴﺪ ﺳﻌﻴﺪ ﻭﻛﻞ ﻋﺎﻡ ﻭﺍﻧﺘﻮﺍ ﺑﺎﻟﻒ ﺍﻟﻒ ﺧﻴﺮ ﻳﺎﺭﺏ ﻳﻨﻌﺎﺩ ﻋﻠﻴﻜﻢ ﺑﺎﻟﺼﺤﻪ ﻭﺍﻟﺴﻼﻣﻪ ﻭﺭﺍﺣﺔ ﺍﻟﺒﺎﻝ ﻳﺎﺭﺏ
ﺛﻘﻮﺍ ﺑﺎﻟﻠﻪ ﻣﺎﻛﺪﺭﺕ ﺍﻧﺰﻝ ﺑﺎﺭﺕ ﺍﺿﺎﻓﻲ ﻻﻥ ﻣﺸﻐﻮﻟﻪ ﺍﻟﻲ ﺍﺗﺮﺟﻰ ﻣﻨﻜﻢ ﻟﻄﻠﺒﻮﻥ ﺑﺎﺭﺕ ﻣﻔﺎﺟﺊ ﻻﻥ ﺍﻟﻘﺼﻪ ﻉ ﻭﺷﻚ ﺍﻟﻨﻬﺎﻳﻪ ﻻﻥ ﻣﺎﻋﻨﺪﻱ ﻭﻗﺖ ﺍﻟﻠﻪ ﺷﺎﻫﺪ
ﻫﺬﺍ ﺍﻟﺒﺎﺭﺕ ﺭﺍﺡ ﻳﻜﻮﻥ ﻧﻬﺎﻳﺔ ﺍﻻﺣﺰﺍﻥ ﻭﺍﻻﻧﻜﺴﺎﺭ ﻭﺍﻟﻌﺬﺍﺏ ﺍﻟﻲ ﻣﺮﺕ ﺑﻲ ﺑﻄﻠﺘﻨﻪ ﺑﺎﻟﻨﺴﺒﻪ ﺍﻟﻲ ﻣﻦ ﺍﺟﻤﻞ ﺍﻟﺒﺎﺭﺗﺎﺕ ﺍﻟﻲ ﻛﺘﺒﺘﻬﻦ ﺑﺎﺛﻨﺎﺀ ﺍﻟﻘﺼﻪ ﻭﻣﻦ ﺍﻃﻮﻝ ﺍﻟﺒﺎﺭﺗﺎﺕ ﻟﺤﺪ ﺍﻻﻥ
ﻻﻳﺨﻠﻮ ﻣﻦ ﺍﻟﺤﺰﻥ ﻟﻜﻦ ﺑﻲ ﻟﺬﺓ ﺍﻟﻨﺼﺮ
ﺍﻧﻲ ﻣﺜﻠﻜﻢ ﺍﺗﺎﻟﻢ ﻣﻦ ﺍﻛﺘﺐ ﻭﺩﻣﻮﻋﻲ ﻣﺘﺘﻮﻗﻒ ﺍﺛﻨﺎﺀ ﺍﻟﻜﺘﺎﺑﻪ
ﻟﻜﻦ ﺍﺅﻣﻦ ﺑﺎﻥ ﺍﻟﻠﻪ ﻳﻤﻬﻞ ﻭﻻ ﻳﻬﻤﻞ
ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
ﺍﻟﺒﺎﺭﺕ 22
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﺳﻮﻟﻔﺖ ﻻﺑﻮﻳﻪ ﺍﺳﺘﻐﺮﺏ ﻫﻤﻴﻦ
ﺭﺟﻊ ﺍﺑﻮﻳﻪ ﺍﺗﺼﻞ ﺑﻲ
ﻭﻛﻠﻪ ﺧﻴﺮﻙ ﺍﺑﻮ ﺳﺮﻣﺪ ﺻﺎﻳﺮ ﺷﻲ
ﻛﻠﻪ ﻻ ﻣﺎﻛﻮ ﺷﻲ
ﺍﺻﺮ ﺍﺑﻮﻳﻪ ﻋﻠﻲ
ﻛﻠﻪ ﺯﻳﺪ ﻣﺴﻮﻱ ﺣﺎﺩﺙ ﺧﻄﻴﺮ ﻭﺣﺎﻟﺘﻪ ﺣﺮﺟﻪ ﺣﻴﻞ
ﺑﺲ ﺍﻋﺘﺮﻑ ﺑﺎﺷﻴﺎﺀ ﻭﻛﺎﻝ ﻟﻤﻦ ﻳﺠﻮﻥ ﻋﻠﻲ ﻭﻣﻼﻙ ﺍﻛﻤﻞ ﺍﻟﺒﺎﻗﻲ
ﻋﻨﺪﻩ ﺣﺠﻲ ﻣﻘﺎﺑﻞ ﻳﺤﺠﻲ ﺍﻟﻪ ﻟﻌﻠﻲ ﻭﻣﻼﻙ
ﺍﻟﻈﺎﻫﺮ ﺍﻧﻈﻠﻤﺖ ﺑﻨﺘﻲ ﻫﻮﺍﻱ
ﻛﻤﻠﻮ ﺍﻟﺤﺠﻲ ﻭﻃﺒﻜﻪ
ﻭﺳﻮﻟﻔﻠﻲ ﻭﺟﺎﻥ ﺍﻧﺼﺪﻡ ﺍﺣﺲ ﺑﻨﻔﺴﻲ ﺍﻧﺸﻤﺮﺕ ﻣﻦ ﺍﻋﻠﻰ ﺑﻨﺎﻳﻪ ﻟﻠﻜﺎﻉ
ﺷﻨﻮ ﺍﻧﻈﻠﻤﺖ
ﻳﻌﻨﻲ ﻣﻌﻘﻮﻟﻪ ﺣﺠﻴﻬﺎ ﻛﻠﻪ ﻳﻄﻠﻊ ﺻﺪﻙ ﻭﺍﺑﻦ ﺧﺎﻟﺘﻬﺎ ﻣﺨﺪﺭﻫﺎ ﻭﻻﻋﺐ ﺑﻴﻬﺎ ﺟﻮﻟﻪ ﺑﺪﻭﻥ ﻋﻠﻤﻬﺎ
ﻛﻠﻲ ﺍﺑﻮﻳﻪ ﺍﺧﺬﻫﺎ ﻭﺭﻭﺣﻮ ﺍﺳﻤﻌﻮ ﻣﻦ ﺍﻟﻮﻟﺪ
ﺍﻟﻈﺎﻫﺮ ﻣﺘﻨﺪﻡ ﻭﻫﻮ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ
ﻭﻣﺎﻛﺪﻳﻦ ﺍﻻﻃﺒﺎﺀ ﻣﻴﺒﻘﻰ ﻋﺎﻳﺶ
ﻛﺘﻠﻪ ﺧﻞ ﻧﺸﻮﻓﻬﺎ ﻣﻼﻙ ﻭﻳﺼﻴﺮ ﺧﻴﺮ
ﺭﺟﻌﻨﻪ ﻟﻠﺒﻴﺖ ﺑﻴﻮﻣﻬﺎ ﻟﺠﻴﻦ ﻋﻨﺪ ﺍﻫﻠﻲ
ﺍﺗﻌﺸﻴﻨﻪ ﻭﻛﻤﻠﻨﻪ ﻭﺻﻌﺪﻧﻪ ﺍﻧﻲ ﻭﺍﺑﻮﻳﻪ ﻳﻤﻬﺎ
ﻣﻼﻙ : ﺑﻌﺪ ﻣﺎﻋﺮﻓﻮ ﻛﻠﻬﻢ ﺑﻴﻪ
ﺳﺠﺎﺩ ﺧﻄﻴﻪ ﻛﺎﻡ ﻳﺠﻲ ﻳﻮﻣﻴﻪ ﻳﺪﺧﻞ ﻋﻠﻴﻪ
ﻳﺴﻮﻟﻒ ﻳﻀﺤﻚ ﺣﺐ ﻳﻐﻴﺮ ﻋﻠﻴﻪ ﺷﻮﻳﻪ
ﻣﺎﻳﺪﺭﻱ ﺑﻴﻪ ﻛﻠﺒﻲ ﻳﻨﺰﻑ ﺩﻡ
ﺑﺪﻳﺖ ﺍﺗﺎﺫﻩ ﻫﻮﺍﻱ ﻣﻦ ﺍﻻﻟﻢ ﺑﻜﻠﻴﺘﻲ
ﻣﺎﺍﻧﺎﻡ ﺍﻟﻠﻴﻞ ﻣﻦ ﺷﺪﺓ ﺍﻻﻟﻢ
ﻭﺻﻠﺖ ﻟﻤﺮﺣﻠﻪ ﺍﺗﻜﻄﻊ ﺗﻜﻄﻊ ﺍﻻﻟﻢ ﺑﻌﺪ ﻣﺎﺍﺗﺤﻤﻠﻪ
ﺣﺠﻴﺖ ﻭﻱ ﻋﻤﻮ ﻳﻮﺩﻳﻨﻲ ﻟﻠﺪﻛﺘﻮﺭ
ﻓﻌﻼ ﺍﺧﺬﻧﻲ ﻋﻤﻮ ﻭﺳﻮﺍﻟﻲ ﺳﻮﻧﺎﺭ ﻭﺗﺤﺎﻟﻴﻞ
ﻃﻠﻊ ﻋﻨﺪﻱ ﻋﺠﺰ ﺑﻜﻠﻴﺘﻲ ﺍﻟﺜﺎﻧﻴﻪ
ﻗﺮﺭ ﺍﻟﺪﻛﺘﻮﺭ ﺍﻟﻪ ﻋﻤﻠﻴﻪ
ﺣﺠﻪ ﻭﻳﺎﻱ ﻋﻤﻮ ﻛﻠﻲ ﻣﻮﺯﻳﻦ ﻋﻠﻴﺞ ﺗﺒﻘﻴﻦ ﻫﻴﺞ
ﻻﺯﻡ ﺗﺴﻮﻳﻦ ﺍﻟﻌﻤﻠﻴﻪ ﺣﺘﻰ ﺗﺮﺗﺎﺣﻴﻦ
ﺍﻧﻲ ﻗﺮﺭﺕ ﺍﺳﻮﻳﻬﺎ ﺑﻠﻜﻲ ﻣﺎﺗﻨﺠﺢ ﻭﺍﻣﻮﺕ ﻭﺍﺧﻠﺺ
ﺧﺒﺮﺕ ﻋﻤﻮ
ﻭﻓﻌﻼ ﺍﺧﺬﻭﻧﻲ ﻟﻠﻤﺴﺘﺸﻔﻰ ﻣﺎﺍﻋﺮﻑ ﻭﻳﻦ ﺑﺎﻟﻀﺒﻂ
ﺑﺲ ﺣﺒﻴﺖ ﺍﺳﻤﻊ ﺻﻮﺕ ﺍﻣﻲ ﻭﺍﺑﻮﻳﻪ ﻗﺒﻞ ﻻ ﺍﺩﺧﻞ ﻟﻠﻌﻤﻠﻴﻪ
ﻛﻠﺖ ﺧﺎﻑ ﺍﻣﻮﺕ ﻭﻫﻤﻪ ﻣﺮﺍﺿﻴﻦ ﻋﻠﻴﻪ
ﺍﺗﺼﻞ ﻋﻤﻮ ﺑﻴﻬﻢ ﺑﺲ ﻙ ﺍﻟﻌﺎﺩﻩ ﺭﻓﻀﻮ ﻳﺤﺠﻮﻥ ﻭﻳﺎﻳﻪ
ﺭﻏﻢ ﻣﺎ ﺧﺒﺮﻫﻢ ﻋﻤﻮ ﺭﺍﺡ ﻳﺪﺧﻠﻮﻧﻲ ﻟﻠﻌﻤﻠﻴﺎﺕ
ﺍﺣﺲ ﺍﻟﺪﻧﻴﺎ ﺿﺎﻛﺖ ﻋﻠﻴﻪ
ﺣﻴﻞ ﺿﺠﺖ ﻭﺍﻧﻬﻀﻤﺖ
ﻭﻗﺮﺭﺕ ﻫﺎﻟﻤﺮﻩ ﻣﻦ ﺻﺪﻭﻙ ﺭﺍﺡ ﺍﺗﺒﺮﻩ ﻣﻨﻬﻢ
ﺑﻌﺪ ﻣﺎﺍﺭﻳﺪﻫﻢ
ﺍﺗﻤﻨﻴﺖ ﺍﻟﻤﻮﺕ ﻳﺎﺧﺬﻧﻲ ﺣﺘﻰ ﻳﺒﻘﻮﻥ ﻳﺘﻨﺪﻣﻮﻥ ﻉ ﺍﻟﺴﻮﻭ ﺑﻴﻪ
ﺩﺧﻠﺖ ﻟﻠﻌﻤﻠﻴﻪ ﻭﺍﻧﻲ ﺍﺣﺲ ﺑﻨﻔﺴﻲ ﻣﺒﻨﺠﻪ ﻣﻦ ﺍﻻﺳﺎﺱ
ﻛﻤﻠﺖ ﺍﻟﻌﻤﻠﻴﻪ ﻭﺭﻏﻢ ﺍﻟﻤﻲ
ﺑﺲ ﻣﻬﺘﻤﻴﺖ ﺍﺑﺪ
ﻻﻥ ﺍﻟﻢ ﺭﻭﺣﻲ ﺍﻛﺒﺮ ﻭﺍﻟﻢ ﻛﻠﺒﻲ ﻣﻴﻨﻮﺻﻒ
ﻃﻠﻌﺖ ﻟﻠﺒﻴﺖ ﺑﺲ ﺟﺎﻥ ﺍﻛﻮ ﺍﺣﺴﺎﺱ ﻏﺮﻳﺐ ﺍﺣﺲ ﺑﻲ
ﺣﺴﻴﺖ ﺑﻨﻔﺴﻲ ﺑﻐﻴﺮ ﻋﺎﻟﻢ
ﺣﺴﻴﺖ ﺑﻠﺴﺎﻧﻲ ﺛﻜﻴﻞ
ﺻﻌﺐ ﻋﻠﻴﻪ ﺍﻧﻄﻖ
ﺍﻭﺑﺎﻻﺣﺮﻯ ﻣﺎﺍﺣﺐ ﺍﺣﺠﻲ ﻭﻱ ﺍﻱ ﺷﺨﺺ
ﻓﻘﺪﺕ ﺭﻏﺒﺘﻲ ﺑﺎﻟﻜﻼﻡ
ﻗﺮﺭﺕ ﺍﺑﻘﻰ ﺑﺪﻭﻥ ﻛﻼﻡ ﻟﻮ ﻣﻬﻤﺎ ﻳﺼﻴﺮ
ﻓﻘﺪﺕ ﺭﻏﺒﺘﻲ ﺑﺎﻟﺤﻴﺎﺓ
ﺍﺗﻤﻨﻰ ﻣﻦ ﺻﺪﻙ ﺍﻣﻮﺕ ﻭﺍﺧﻠﺺ
ﺑﻘﻴﺖ ﺍﻋﺎﻧﻲ ﻫﻮﺍﻱ
ﻣﻦ ﺟﻬﺎ ﺍﻟﻤﻲ ﺑﻜﻠﻴﺘﻲ
ﻭﻣﻦ ﺟﻬﺎ ﺑﺼﺮﻱ ﺑﺪﻳﺖ ﺍﺿﻮﺝ ﻣﻦ ﻭﺿﻌﻲ ﺣﻴﻞ
ﺧﻄﻴﻪ ﻓﺎﻃﻤﻪ ﺗﺤﺠﻲ ﻭﻳﺎﻳﻪ ﺍﺑﺪ ﻣﺎﺍﺟﺎﻭﺑﻬﺎ
ﺑﺲ ﺑﺎﻟﺒﺪﺍﻳﻪ ﻃﻠﺒﺖ ﻣﻨﻬﺎ ﺗﻠﺰﻡ ﺍﻟﺼﻤﺖ ﻭﻣﺘﺨﺒﺮ ﺍﺣﺪ ﺍﻧﻲ ﺭﺍﺡ ﺍﺭﻓﺾ ﺍﻟﻜﻼﻡ
ﺑﻘﺖ ﺗﺤﺠﻲ ﻋﻠﻴﻪ ﺑﺲ ﺑﺪﻭﻥ ﺟﺪﻭﻯ
ﻛﺎﻣﺖ ﺗﺤﺠﻲ ﻭﻳﺎﻱ ﻭﻻ ﺍﺟﺎﻭﺑﻬﺎ
ﺍﺣﺲ ﺑﻨﻔﺴﻲ ﺟﺴﺪ ﺑﻼ ﺭﻭﺡ
ﺍﺳﺘﺴﻠﻤﺖ ﻉ ﺍﻻﺧﺮ
ﺍﻧﻲ ﻣﺘﺎﻛﺪﻩ ﻣﺮﺍﺡ ﺗﻈﻬﺮ ﺑﺮﺍﺋﺘﻲ
ﺑﻘﻴﺖ ﺍﻟﻮﻗﺖ ﻛﻠﻪ ﻧﺎﻳﻤﻪ
ﺟﻨﺖ ﻗﺒﻞ ﺍﻟﻌﻤﻠﻴﻪ ﺍﺗﺤﺮﻙ ﺍﻓﺘﺮ ﺑﺎﻟﻐﺮﻓﻪ ﺍﻛﻌﺪ ﻉ ﺍﻟﻜﺮﺳﻲ
ﻫﺴﻪ ﻻ ﺑﺲ ﻧﺎﻳﻤﻪ
ﺧﻠﻮﻧﻲ ﺑﻐﺮﻓﻪ ﻣﻌﺰﻭﻟﻪ ﺍﺧﺎﻑ ﻣﻮ ﺯﻳﻦ ﻋﻠﻴﻪ ﺍﺣﺪ ﻳﺪﺧﻞ ﻟﻠﻐﺮﻓﻪ
ﺧﻠﺼﺖ ﻓﺘﺮﺓ ﺍﻟﻨﻘﺎﻫﻪ ﻭﺻﺎﺭﻟﻲ ﺗﻘﺮﻳﺒﺎ ﺍﺳﺒﻮﻉ ﺍﻭ 10 ﺍﻳﺎﻡ
ﺍﻟﻴﻮﻡ ﺟﻨﺖ ﻧﺎﻳﻤﻪ ﺍﺟﻮﻱ ﻋﻤﻮ ﻭﺍﻋﺘﻘﺪ ﻋﻠﻲ
ﺳﺎﻟﻨﻲ ﻉ ﺻﺤﺘﻲ
ﺑﺲ ﻣﺠﺎﻭﺑﺘﻪ
ﻳﻮﻣﻴﻪ ﻣﻦ ﻳﺠﻴﻨﻲ ﻋﻤﻮ ﺍﺳﻮﻱ ﻧﻔﺴﻲ ﻧﺎﻳﻤﻪ
ﻣﺎﺍﻟﻲ ﺧﻠﻚ ﺍﺣﺠﻲ ﻭﻱ ﺍﺣﺪ
ﺣﺎﻭﻟﺖ ﻭﻳﺎﻳﻪ ﻓﺎﻃﻤﻪ ﺑﺲ ﺍﺑﺪ ﻣﺠﺎﻭﺑﺘﻬﺎ
ﺣﺘﻰ ﺍﻛﻠﻲ ﻣﻮ ﺷﻲ ﻣﺎﺍﺷﺘﻬﻲ
ﻓﻘﺪﺕ ﺭﻏﺒﺘﻲ ﺑﺎﻟﺤﻴﺎﺓ ﻉ ﺍﻻﺧﺮ ﺑﺤﻴﺚ ﻣﻦ ﺻﺪﻙ ﺍﺗﻤﻨﻴﺖ ﻭﺍﺷﺘﻬﻴﺖ ﺍﻟﺘﺎﺑﻮﺕ
ﺿﺠﺖ ﺣﻴﻞ ﻣﻦ ﻧﻔﺴﻲ
ﺣﺴﻴﺖ ﺻﺮﺕ ﻋﺒﺊ ﺛﻘﻴﻞ ﻉ ﻋﻤﻮ ﻭﻋﺎﺋﻠﺘﻪ
ﺧﻄﻴﻪ ﻋﻤﻮ ﺷﻨﻮ ﺫﻧﺒﻪ ﻛﺎﻋﺪ ﻳﻨﻄﻲ ﻟﻔﺎﻃﻤﻪ ﺭﺍﺗﺐ ﺷﻬﺮﻱ ﺿﺨﻢ ﻉ ﻣﻮﺩﻱ
ﻭﺍﻧﻲ ﺑﺪﻳﺖ ﺍﻋﺎﻧﻲ ﻫﻮﺍﻱ ﻣﻦ ﻓﻘﺪﺍﻧﻲ ﻟﻠﺒﺼﺮ
ﮔﻮﻩ ﺍﺳﺒﺢ .... ﮔﻮﻩ ﺍﻛﻞ ..... ﮔﻮﻩ ﺍﺗﺤﺮﻙ ..... ﮔﻮﻩ ﺍﺑﺪﻝ ﻣﻼﺑﺴﻲ ....
ﺍﻣﻨﻴﺘﻲ ﺍﻣﻮﺕ ﻭﺍﺧﻠﺺ
ﻣﺎﺍﺭﻳﺪ ﺍﻧﺘﺤﺮ ﻭﺍﺭﻭﺡ ﻟﺠﻬﻨﻢ ﺣﺮﺍﻡ ﻋﻠﻴﻪ
ﺍﺭﻳﺪ ﺍﺣﺪ ﻳﻘﺘﻠﻨﻲ ﺍﻭ ﺍﻣﻮﺕ ﺑﻤﺮﺽ
ﺑﻌﺪ ﻣﻴﻬﻤﻨﻲ ﺗﺜﺒﺖ ﺑﺮﺍﺋﺘﻲ ﻟﻮ ﻻ
ﻻﻥ ﻣﺴﺘﺤﻴﻞ ﺗﻈﻬﺮ ﺍﻟﺤﻘﻴﻘﻪ ﺑﻴﻮﻡ
ﻣﻠﻴﺖ ﻣﻦ ﺍﻟﺪﻋﺎﺀ ﻭﻣﻠﻴﺖ ﻣﻦ ﺍﻟﺘﻮﺳﻞ ﺑﺮﺑﻲ ﺣﺘﻰ ﺗﺜﺒﺖ ﺑﺮﺍﺋﺘﻲ ﺑﺲ ﺑﺪﻭﻥ ﺟﺪﻭﻯ
ﻭﻫﺴﻪ ﺣﺎﻟﻴﺎ ﻭﺻﻠﺖ ﻟﻤﺮﺣﻠﻪ ﺣﺘﻰ ﻟﻮ ﺛﺒﺘﺖ ﺑﺮﺍﺋﺘﻲ ﻣﺘﻘﺪﻡ ﻭﻻ ﺗﺎﺧﺮ
ﻻﻥ ﺑﺎﻟﻨﺴﺒﻪ ﺍﻟﻲ ﺑﻌﺪ ﻣﻴﻬﻤﻨﻲ
ﻻﻥ ﺩﻣﺮﻭﻧﻲ ﻉ ﺍﻻﺧﺮ
ﺟﻨﺖ ﻉ ﻣﻮﺩ ﺍﻫﻠﻲ
ﻫﺴﻪ ﺣﺘﻰ ﺍﺫﺍ ﺍﻫﻠﻲ ﻳﺘﻘﺒﻠﻮﻧﻲ ﺍﻧﻲ ﺭﺍﺡ ﺍﺭﻓﻀﻬﻢ ﻣﺎﺍﺗﻘﺒﻠﻬﻢ ﺑﺤﻴﺎﺗﻲ
ﻭﺑﺎﻟﻨﺴﺒﻪ ﻟﻌﻠﻲ ﻛﺬﻟﻚ
ﺟﻨﺖ ﺍﺗﻌﺸﻪ ﻭﻛﺎﻋﺪ ﺗﻐﺼﺒﻨﻲ ﻓﺎﻃﻤﻪ ﻛﻮﻩ ﺍﻛﻞ
ﺍﻧﺪﻛﺖ ﺍﻟﺒﺎﺏ ﻓﺘﺤﺘﻬﺎ
ﺳﻤﻌﺖ ﻋﻤﻮ ﻭﻋﻠﻲ
ﻋﺪﻟﺖ ﺣﺠﺎﺑﻲ ﻗﺒﻞ ﻟﻴﺪﺧﻠﻮﻥ
ﻛﺎﻝ ﻋﻤﻮ ﻛﻤﻠﻦ ﻋﺸﺎﺟﻦ
ﻛﻠﺘﻠﻪ ﻓﺎﻃﻤﻪ ﺍﻧﻲ ﻣﻜﻤﻠﻪ ﺑﺲ ﻣﻼﻙ ﻛﻮﻩ ﺍﺟﺒﺮﻫﺎ ﺗﺎﻛﻞ ﺷﺎﻟﻌﻪ ﻛﻠﺒﻲ
ﻛﻠﻠﻬﺎ ﺍﻧﻲ ﺭﺍﺡ ﺍﻭﻛﻠﻬﺎ ﺑﻴﺪﻱ
ﺑﺪﻩ ﻳﻮﻛﻠﻨﻲ ﻭﻳﻜﻮﻟﻲ ﺑﺲ ﻫﺎﻱ ﻉ ﺣﺴﺎﺑﻲ
ﻛﻮﻩ ﺍﺗﻘﺒﻠﺖ ﺑﺲ ﻟﻜﻤﻪ ﺯﻏﻴﺮﻩ
ﺑﻌﺪﻫﺎ ﺣﺠﻪ ﻭﻳﺎﻳﻪ ﻛﻠﻲ ﻋﻤﻮ ﺟﻬﺰﻱ ﻧﻔﺴﺞ ﺑﺎﺟﺮ ﺗﺮﻭﺣﻴﻦ ﻟﺒﻐﺪﺍﺩ
ﺳﻜﺘﺖ ﻣﺤﺠﻴﺖ ﺷﻲ
ﺑﺲ ﺑﺪﺍﺧﻠﻲ ﻛﻠﺒﻲ ﻧﺎﺭ ﺷﻜﻮ ﻭﻟﻮﻳﺶ ﺻﺎﻳﺮ ﺷﻲ
ﻛﻠﻲ ﺍﺑﻮﺝ ﻳﺮﻳﺪﺝ ﺍﻧﺖ ﻭﻋﻠﻲ ﺳﻮﻳﻪ
ﻳﺎﺭﺑﻲ ﻣﻌﻘﻮﻟﻪ ﺻﺎﻳﺮ ﺷﻲ ﻉ ﺍﻫﻠﻲ
ﻛﻠﺒﻲ ﻛﺎﻡ ﻳﺪﻭﻙ ﻣﺜﻞ ﺍﻟﺪﻣﺎﻡ
ﺑﺎﻟﻠﺤﻀﻪ ﻧﺴﻴﺖ ﺯﻋﻠﻲ ﻋﻠﻴﻬﻢ ﻭﻧﺴﻴﺖ ﺍﺫﻳﺘﻬﻢ
ﻫﺎ ﻋﻤﻮ ﺍﺷﻮ ﺳﺎﻛﺘﻪ
ﻛﻠﺘﻠﻬﻢ ﻓﺎﻃﻤﻪ ﻣﻦ ﺳﻮﺕ ﺍﻟﻌﻤﻠﻴﻪ ﻟﻬﺴﻪ ﻣﺘﺤﺠﻲ ﺍﺑﺪ
ﺍﺗﺨﺒﻞ ﻋﻤﻮ ﻛﺎﻡ ﻳﺼﻴﺢ
ﺷﻨﻮ ﻣﻌﻨﺎﻫﺎ ﺧﺮﺳﻪ
ﻻ ﻣﻮ ﺧﺮﺳﻪ ﺑﺲ ﻫﻲ ﺭﺍﻓﻀﻪ ﺍﻟﻜﻼﻡ
ﺷﻨﻮ ﻳﻌﻨﻲ
ﻳﻌﻨﻲ ﻓﻘﺪﺕ ﺭﻏﺒﺘﻬﺎ ﺑﺎﻟﺤﻴﺎﺓ ﻛﻠﻬﺎ
ﻭﻣﺘﺤﺐ ﺗﺤﺠﻲ ﻭﻱ ﺍﻱ ﺷﺨﺺ
ﺣﺘﻰ ﺍﻧﻲ ﻭﺍﻟﻠﻪ ﺻﺎﺭﻟﻬﺎ ﺷﻜﺪ ﻣﺘﺤﺎﺟﻴﻨﻲ
ﻟﺞ ﺑﺎﺑﺎ ﺷﺪﺳﻮﻳﻦ ﺑﻨﻔﺴﺞ ﻣﺘﻜﻠﻴﻠﻲ
ﻟﻴﺶ ﻫﻴﺞ ﺗﻌﺎﻗﺒﻴﻦ ﻧﻔﺴﺞ
ﺍﺣﺐ ﺍﺑﺸﺮﺝ ﺍﺑﻦ ﺧﺎﻟﺘﺞ ﻣﺴﻮﻱ ﺣﺎﺩﺙ ﻭﺣﺎﻟﺘﻪ ﺧﻄﺮﻩ
ﻭﻣﻌﺘﺮﻑ ﺑﻜﻠﺸﻲ ﻭﺛﺒﺘﺖ ﺑﺮﺍﺋﺘﺞ
ﺍﻟﻠﻪ ﺍﺧﺬ ﺣﻮﺑﺘﺞ ﻣﻨﻪ
ﺍﻧﻲ ﻫﻨﺎ ﻓﻘﺪﺕ ﻛﻤﺖ ﺍﺑﺠﻲ ﺣﻴﻞ
ﺻﺪﻙ ﻋﻤﻮ ﻛﻮﻝ ﻭﺍﻟﻠﻪ
ﺍﺧﺎﻑ ﺩﺗﻘﺸﻤﺮ ﻋﻠﻴﻪ ﺗﺮﻳﺪﻧﻲ ﺑﺲ ﺍﺣﺠﻲ
ﻻ ﻭﺍﻟﻠﻪ ﻋﻤﻮ ﺍﺣﺠﻲ ﺻﺪﻙ ﻭﺑﺎﺟﺮ ﻳﺮﺩﻭﻛﻢ
ﻻﻥ ﻳﻜﻮﻝ ﻋﻨﺪﻱ ﺣﺠﻲ ﻫﻮﺍﻱ ﻣﺎﺍﺣﺠﻲ ﺍﻟﻪ ﻛﺪﺍﻡ ﻣﻼﻙ ﻭﻋﻠﻲ
ﺑﺲ ﻋﻤﻮ ﻣﺎﺍﺭﻳﺪ ﺍﺭﻭﺡ ﻭﻻ ﺍﺭﻳﺪ ﺍﻟﺘﻘﻲ ﺑﺎﻱ ﺷﺨﺺ
ﺛﺒﺘﺖ ﺑﺮﺍﺋﺘﻲ ﺧﻼﺹ ﻳﻜﻔﻲ
ﺧﻞ ﻳﺮﻭﺡ ﻋﻠﻲ ﺑﻮﺣﺪﻩ ﻭﺧﻞ ﻳﺴﻤﻊ ﻣﻨﻪ
ﻻﻥ ﺍﻧﻲ ﻣﺎﺍﺭﻳﺪ ﺍﺳﻤﻌﻪ ﻟﺼﻮﺗﻪ ﺯﻳﺪ
ﺍﻧﻲ ﺑﺎﻟﻨﺴﺒﻪ ﺍﻟﻲ ﻣﺴﺘﺤﻴﻞ ﺭﺍﺡ ﺍﺳﺎﻣﺤﻪ
ﻭﻻ ﺍﺳﺎﻣﺢ ﺍﻟﻲ ﺳﺎﻋﺪﻭﺍ
ﻭﻻ ﺍﺳﺎﻣﺢ ﺍﻫﻠﻲ
ﻭﻻ ﺍﺳﺎﻣﺢ ﻋﻠﻲ
ﻋﻤﻮ ﺑﺲ ﺍﻟﻮﻟﺪ ﺣﺎﻟﺘﻪ ﺧﻄﺮﻩ ﻭﺍﻛﻴﺪ ﻳﻤﻮﺕ ﻭﻟﻮ ﺍﻻﻋﻤﺎﺭ ﺑﻴﺪ ﺍﻟﻠﻪ
ﺑﺲ ﺭﻭﺣﻲ ﻭﺍﺳﻤﻌﻲ ﻣﻨﻪ ﺣﺘﻰ ﺗﺮﺗﺎﺣﻴﻦ
ﻣﺤﺎﺑﻪ ﺗﺴﻤﻌﻴﻦ ﻣﻨﻮ ﺍﻟﻲ ﺳﺎﻋﺪﻩ
ﻻ ﻋﻤﻮ ﺍﻧﻲ ﺍﻋﺮﻑ ﻛﻮﻟﺶ ﺯﻳﻦ ﻣﻦ ﺍﻟﻲ ﺳﺎﻋﺪﻩ
ﻭﻣﺎﺍﻋﺘﻘﺪ ﻋﻨﺪﻩ ﻛﻼﻡ ﺟﺪﻳﺪ ﻋﻠﻴﻪ
ﻉ ﺭﺍﺣﺘﺞ ﻋﻤﻮ
ﺍﻧﻲ ﻭﻋﻠﻲ ﺑﺎﺟﺮ ﻧﺮﻭﺡ ﻭﻧﺴﺘﻔﺴﺮ ﻣﻨﻪ
ﻋﺎﻓﻮﻧﻲ ﻭﻃﻠﻌﻮ
ﺷﺒﻌﺖ ﺑﻮﺍﺟﻲ ﻭﺍﺧﻴﺮﺍ ﺛﺒﺘﺖ ﺑﺮﺍﺋﺘﻲ
ﻭﺍﺧﻴﺮﺍ ﻇﻬﺮ ﺍﻟﺤﻖ
ﻭﺍﺧﻴﺮﺍ ﺍﻟﻠﻪ ﺍﺧﺬ ﺣﻘﻲ ﻣﻦ ﺯﻳﺪ
ﻣﺎﺍﺳﺎﻣﺤﻪ ﺍﺑﺪ ﻉ ﺍﻟﺴﻮﺍ ﺑﻴﻪ
ﺩﻣﺮ ﺣﻴﺎﺗﻲ ﻛﻮﻟﻬﺎ
ﻣﺸﻜﻮﻟﻪ ﺫﻣﺘﻪ ﻟﻴﻮﻡ ﺍﻟﺪﻳﻦ
ﺛﺎﻧﻲ ﻳﻮﻡ ﺭﺍﺣﻮ ﻟﺒﻐﺪﺍﺩ
ﺭﻏﻢ ﻣﺎﺛﺒﺘﺖ ﺑﺮﺍﺋﺘﻲ ﻣﺎﺟﻨﺖ ﻓﺮﺣﺎﻧﻪ
ﺍﺗﻮﻗﻌﺖ ﻣﻦ ﺗﺜﺒﺖ ﺑﺮﺍﺋﺘﻲ ﺭﺍﺡ ﺍﻛﻮﻥ ﺍﺳﻌﺪ ﻭﺣﺪﻩ ﺑﺎﻟﺪﻧﻴﻪ
ﺍﺷﻮ ﻫﺴﻪ ﻻ
ﺧﺴﺮﺕ ﻫﻮﺍﻱ ﺑﺤﻴﺎﺗﻲ
ﻭﻫﺬﺍ ﺍﻟﺸﻲ ﻣﺨﻠﻴﻨﻲ ﺣﺰﻳﻨﻪ ﺑﺸﻜﻞ
ﺍﺩﻣﺮﺕ ﻉ ﺍﻻﺧﻴﺮ ﻭﺧﻠﻮﻧﻲ ﺟﺴﺪ ﺑﻼ ﺭﻭﺡ
ﺑﺎﻟﻨﺴﺒﻪ ﻻﻫﻠﻲ ﺭﺍﺡ ﺍﻧﺴﺎﻫﻢ ﻣﺜﻞ ﻣﻨﺴﻮﻧﻲ
ﻣﺜﻞ ﻣﺘﺨﻠﻮ ﻋﻨﻲ ﺑﺎﺻﻌﺐ ﺿﺮﻭﻓﻲ
ﺟﻨﺖ ﺑﺎﻣﺲ ﺍﻟﺤﺎﺟﻪ ﺍﻟﻬﻢ
ﻃﻠﺒﺖ ﻣﻦ ﻓﺎﻃﻤﻪ ﺗﻨﺰﻟﻨﻲ ﻟﻠﺤﺪﻳﻘﻪ
ﺣﺴﻴﺖ ﺑﻨﻔﺴﻲ ﻣﺨﻨﻮﻛﻪ ﻣﺎﺍﻛﺪﺭ ﺍﺷﺘﻢ ﺍﻟﻬﻮﻯ
ﻧﺰﻟﺘﻨﻲ ﻭﻃﻠﻌﻨﻪ ﺑﺎﻟﺤﺪﻳﻘﻪ
ﺍﻧﻲ ﻭﻳﺎﻫﺎ
ﻣﺠﺎﻥ ﺍﺣﺪ ﺑﺎﻟﺒﻴﺖ ﻛﻠﻬﻢ ﺑﺎﻟﺪﻭﺍﻡ ﺑﺲ ﻫﺪﻯ
ﻭﻫﺪﻯ ﻭﺟﻮﺩﻫﺎ ﻭﻋﺪﻣﻪ ﻧﻔﺲ ﺍﻟﺸﻲ
ﺗﻜﻌﺪ ﺏ 12
ﺍﺗﻨﻔﺴﻴﺖ ﺍﻟﻬﻮﻯ
ﺣﺴﻴﺖ ﺑﻨﻔﺴﻲ ﻛﺎﻧﻮ ﺍﻭﻝ ﻣﺮﻩ ﺍﺗﻨﻔﺲ
ﺣﺴﻴﺖ ﺑﺮﺍﺣﻪ ﺟﺒﻴﺮﻩ
ﺭﻏﻢ ﻣﺎﺍﺷﻮﻑ ﺑﺲ ﺭﻓﻌﺖ ﻋﻴﻨﻲ ﻟﻠﺴﻤﺎ
ﻛﻠﺖ ﺍﻟﻒ ﺷﻜﺮ ﺍﻟﻚ ﺭﺑﻲ
ﺍﺧﻴﺮﺍ ﺣﻨﻴﺖ ﻋﻠﻴﻚ ﻭﺍﺳﺘﺠﺎﺑﻴﺖ ﺩﻋﺎﺋﻲ
ﻛﺘﻠﻬﺎ ﻓﺎﻃﻤﻪ ﺷﻮﻓﻲ ﺧﺎﻟﻪ ﻃﺎﺑﺨﻪ ﻟﻮ ﻻ
ﺩﺧﻠﺖ ﻟﻠﻤﻄﺒﺦ
ﻛﺎﻟﺖ ﻣﺎﻛﻮ ﺷﻲ
ﻛﺘﻠﻬﺎ ﺧﻞ ﻧﺴﻮﻱ ﻏﺪﻩ
ﺍﺷﺘﺎﻗﻴﺖ ﻟﻠﻄﺒﺦ ﻭﺍﺷﺘﺎﻗﻴﺖ ﻟﻠﺘﻨﻈﻴﻒ ﻭﺍﺷﺘﺎﻗﻴﺖ ﻟﻠﺤﺮﻛﻪ ﺑﺎﻟﺒﻴﺖ
ﺩﺧﻠﻨﻪ ﻟﻠﻤﻄﺒﺦ
ﻛﺘﻠﻬﺎ ﺷﻮﻓﻲ ﺍﻛﻮ ﺩﺟﺎﺝ ﺑﺎﻟﻤﺠﻤﺪﻩ
ﻻﻥ ﺍﻟﻠﺤﻢ ﻣﻴﻠﺤﻚ ﻳﺴﺘﻮﻱ
ﻃﻠﻌﺖ ﺍﻟﺪﺟﺎﺝ ﻭﻣﻮﻋﺘﻪ
ﺳﻮﻳﺖ ﻣﻨﺪﻱ ﺩﺟﺎﺝ
ﺍﻧﻲ ﻭﻳﺎﻫﺎ ﺍﺗﺴﺎﻋﺪﻧﻪ
ﻛﻤﻠﻨﻪ ﻭﺧﻠﻴﻨﺎ ﺑﺎﻟﻔﺮﻥ ﻭﺻﻌﺪﻧﻪ
ﺭﺟﻌﺖ ﻟﻠﻐﺮﻓﻪ ﺻﻠﻴﺖ ﻭﻧﻤﺖ ﻭﻛﺘﻠﻪ ﺭﺍﻗﺒﻲ ﺍﻻﻛﻞ
ﻛﻌﺪﺕ ﻟﻜﻴﺖ ﺍﻟﺴﺎﻋﻪ ﺏ 4
ﺍﺧﺬﺗﻨﻲ ﻟﻠﺤﻤﺎﻡ ﻭﺭﺟﻌﺘﻨﻲ
ﺟﺎﺑﺘﻠﻲ ﻏﺪﻩ
ﺑﻌﺪﻫﺎ ﺍﺟﻪ ﻋﻤﻮ ﺩﺧﻞ ﻋﻠﻴﻪ
ﺳﻠﻢ ﻋﻠﻴﻪ ﻭﻛﻠﻲ
ﺍﻟﻒ ﻣﺒﺮﻭﻙ ﻋﻤﻮ ﺭﺑﺤﺘﻲ ﺍﻟﻘﻀﻴﻪ ﻛﻠﻬﺎ
ﻛﻤﺖ ﺍﺑﺠﻲ ﻛﺘﻠﻪ ﺑﺲ ﻫﻮﺍﻱ ﻃﻮﻟﺖ
ﻭﺧﺴﺮﺗﻨﻲ ﻫﻮﺍﻱ ﺍﺷﻴﺎﺀ
ﺧﺴﺮﺗﻨﻲ ﺍﻫﻠﻲ ﻭﻧﺎﺳﻲ ﻭﺧﺴﺮﺗﻨﻲ ﺟﺎﻣﻌﺘﻲ ﻭﻣﺴﺘﻘﺒﻠﻲ
ﻭﺧﺴﺮﺗﻨﻲ ﻭﺣﺪﻩ ﻣﻦ ﻛﻠﻴﺎﺗﻲ ﻭﺧﺴﺮﺗﻨﻲ ﻧﻈﺮﻱ
ﻣﻮ ﻣﻬﻢ ﻛﻠﻬﻦ ﺗﺮﺟﻌﻴﻬﻦ
ﻧﻀﺮﺝ ﻳﺮﺟﻊ ﻭﻛﻠﻴﺘﺞ ﺗﺮﺟﻊ ﻭﻣﺴﺘﻘﺒﻠﺞ ﻭﺟﺎﻣﻌﺘﺞ ﺗﺮﺟﻊ
ﻭﺍﻫﻠﺞ ﻳﺮﺟﻌﻮﻥ
ﻭﻻ ﻳﻬﻤﺞ
ﺍﻃﻠﻌﺞ ﻟﻠﺨﺎﺭﺝ ﺍﻋﺎﻟﺞ ﻋﻴﻮﻧﺞ ﻭﺍﺷﻮﻓﻠﺞ ﺍﺣﺪ ﻳﺘﺒﺮﻉ ﺑﻜﻠﻴﺘﻪ
ﺗﺮﺟﻌﻴﻦ ﺍﺣﺴﻦ ﻣﻦ ﻗﺒﻞ
ﻋﻤﻮ ﻓﺪﻭﻩ ﺑﺲ ﺭﺟﺎﺀ ﻋﻨﺪﻱ ﻣﺎﺭﻳﺪ ﺍﻫﻠﻲ ﻭﻻ ﺍﺭﻳﺪ ﺍﺭﺟﻊ ﻳﻤﻬﻢ
ﻣﺎﺍﺭﺟﻌﻠﻬﻢ ﺑﻌﺪ ﻭﻻ ﺍﺣﺐ ﺍﺣﺠﻲ ﻭﻳﺎﻫﻢ
ﺍﺭﻳﺪ ﺍﻧﺴﺎﻫﻢ ﻣﺜﻞ ﻣﻨﺴﻮﻧﻲ
ﻭﻟﺘﺤﺎﻭﻝ ﺗﻘﻨﻌﻨﻲ ﺑﻐﻴﺮ ﺷﻲ
ﻻﻥ ﺟﺮﺣﻮﻧﻲ ﺟﺮﺡ ﻋﻤﻴﻖ
ﺩﻣﻮﻋﻲ ﺗﺠﺮﻱ ﺣﺴﻴﺖ ﺑﺎﻳﺪﻩ ﺍﻟﺤﻨﻴﻨﻪ ﺗﻤﺴﺢ ﺩﻣﻮﻋﻲ
ﻣﺜﻞ ﻣﺎﺗﺮﺩﻳﻦ ﺗﺪﻟﻠﻴﻦ
ﺯﻳﻦ ﺳﻮﻟﻔﻠﻲ ﺷﺼﺎﺭ ﻫﻨﺎﻙ
ﺯﻳﺪ ﺍﻋﺘﺮﻑ ﻛﺎﻝ ﺧﺪﺭﺗﻬﺎ ﺑﺪﻭﻥ ﻋﻠﻤﻬﺎ
ﺯﻳﻦ ﻭﺍﻟﻲ ﺗﻨﻄﻲ ﺍﻟﻤﻌﻠﻮﻣﺎﺕ ﻋﻨﻲ
ﺍﻛﻴﺪ ﻟﺠﻴﻦ ﻣﻮ
ﺍﻱ ﻋﻤﻮ ﻛﺎﻝ ﺗﺮﺍﺳﻠﻨﻲ ﻭﺗﻨﻄﻴﻨﻲ ﺍﻻﺣﺪﺍﺙ ﺍﻭﻝ ﺑﺎﻭﻝ
ﺳﻜﺘﺖ ﺑﻌﺪ ﻣﺎﺍﺭﻳﺪ ﺍﺣﺠﻲ ﺷﻲ
ﺍﻧﻲ ﺩﺍﺋﻤﺎ ﺍﻧﻄﻌﻦ ﺑﻈﻬﺮﻱ ﻣﻦ ﺍﻗﺮﺏ ﻧﺎﺳﻲ
ﻣﻮ ﻣﻦ ﻏﺮﺑﻪ
ﻭﺭﻩ ﻳﻮﻣﻴﻦ ﻭﺻﻠﻨﻪ ﺧﺒﺮ ﻭﻓﺎﺓ ﺯﻳﺪ
ﻋﺎﺩﻱ ﻋﻨﺪﻱ ﺍﻟﺨﺒﺮ ﻣﺎﺣﺰﻧﺖ ﺍﺑﺪ
ﻻﻥ ﺍﻟﺴﻮﺍ ﺑﻴﻪ ﻣﻮ ﺷﻮﻳﻪ
ﺛﺎﻧﻲ ﻳﻮﻡ ﺭﺍﺣﻮ ﻋﻤﻮ ﻭﺧﺎﻟﻪ ﻭﻋﻠﻲ
ﻟﺒﻐﺪﺍﺩ ﺣﻨﻴﻦ ﺑﻴﻮﻣﻬﺎ ﻣﺪﺍﻭﻣﺖ
ﻛﺎﻟﺖ ﺧﺎﻑ ﻫﺪﻯ ﺷﻮ ﺷﺘﺴﻮﻳﻠﺞ
ﻻﻥ ﺍﻟﻈﺎﻫﺮ ﻋﻠﻲ ﻣﻄﻠﻚ ﻟﺠﻴﻦ
ﻭﺩﺍﺯﻫﺎ ﻻﻫﻠﻬﺎ
ﻣﺎﻋﺮﻓﺖ ﺍﻟﺘﻔﺎﺻﻴﻞ ﻭﻻ ﺍﺭﻳﺪ ﺍﻋﺮﻑ
ﺧﻠﺼﺖ ﺍﻟﻔﺎﺗﺤﻪ ﻭﺭﺟﻌﻮ ﻋﻤﻮ ﻭﺧﺎﻟﻪ
ﻋﻠﻲ ﺑﺎﻗﻲ ﺑﺎﻟﺒﻴﺖ ﺑﻮﺣﺪﻩ
ﺧﺎﻟﻪ ﻃﺎﻟﺒﻪ ﻣﻨﻪ ﻳﻘﻔﻠﻪ ﺍﻟﺒﻴﺖ ﻭﻳﺮﺟﻊ ﺍﻟﻨﻪ
ﻓﻌﻼ ﺭﺟﻊ ﻋﻠﻲ
ﺍﻟﻴﻮﻡ ﺳﻤﻌﺖ ﺍﻫﻠﻲ ﺟﺎﻳﻦ ﻛﻠﻬﻢ
ﻃﻠﺒﺖ ﻣﻦ ﻓﺎﻃﻤﻪ ﺗﺒﺤﺜﻠﻲ ﻋﻦ ﺷﻌﺮ ﺗﻮﺍﻟﻢ ﺣﺎﻟﺘﻲ ﺣﺘﻰ ﺑﺲ ﻳﺠﻮﻥ ﺍﻫﻠﻲ ﺍﺷﻐﻠﻬﺎ ﻣﺎﺍﺣﺐ ﺍﺣﺠﻲ
ﻛﺎﻣﺖ ﺗﺴﻤﻌﻨﻲ ﻟﻤﻦ ﺻﻔﻴﺖ ﻉ ﻭﺣﺪﻩ ﻟﺴﺮﻣﺪ
ﺟﻨﺖ ﻛﺎﻋﺪﻩ ﺑﻔﺮﺍﺷﻲ
ﺣﺴﻴﺖ ﺑﺎﻟﺒﺎﺏ ﺍﻧﻔﺘﺤﺖ ﻋﻠﻴﻪ
ﺳﻤﻌﺖ ﺻﻮﺕ ﻣﺎﻣﺎ ﺍﺣﺲ ﺭﻭﺣﻲ ﻛﻮﻟﻬﺎ ﺭﺍﺣﺖ
ﻧﻤﺖ ﻭﻏﻄﻴﺖ ﻭﺟﻬﻲ ﻭﺻﻤﻴﺖ ﺍﺫﺍﻧﻲ ﺣﺘﻰ ﻣﺎﺍﺳﻤﻊ ﺷﻲ
ﺍﻟﻈﺎﻫﺮ ﺍﻣﻲ ﻭﺍﺑﻮﻳﻪ ﻭﺍﺧﻮﺍﺗﻲ ﻭﺍﺧﻮﺍﻧﻲ ﻛﻮﻟﻬﻢ ﺟﺎﻳﻴﻦ
ﺣﺎﻭﻟﻮ ﻭﻳﺎﻳﻪ ﺍﺑﺪ ﻣﺎﻛﻌﺪﺕ ﻭﻻ ﺣﺒﻴﺖ ﺍﻟﺘﻘﻲ ﺑﻴﻬﻢ
ﺍﺟﻮﻱ ﻭﻭﺧﺮﻭ ﺍﻟﻐﻄﻪ ﻋﻨﻲ
ﻭﺑﺪﺕ ﺍﻣﻲ ﺗﺤﻀﻨﻲ
ﺍﻧﻲ ﺍﺑﺠﻲ ﻭﻫﻲ ﺗﺒﺠﻲ
ﻣﺎﻣﺎ ﺍﺷﺘﺎﻗﻴﺘﻠﺞ ﻫﻮﺍﻱ
ﻭﻟﺞ ﻳﻮﻣﻴﻪ ﺍﻧﺎﻡ ﻭﺩﻣﻮﻋﻲ ﻉ ﺧﺪﻱ
ﺍﻧﻲ ﻫﻨﺎ ﺻﺪﻭﻙ ﻓﻘﺪﺕ
ﻓﺎﻃﻤﻪ ﻃﻠﻌﻴﻬﻢ ﻛﻠﻬﻢ ﺑﺮﻩ
ﻣﺎﺍﺭﻳﺪ ﺍﺳﻤﻊ ﺍﺣﺪ
ﻭﺍﻟﻘﺮﺍﻥ ﺍﻛﺘﻞ ﻧﻔﺴﻲ
ﺫﻭﻟﻪ ﻧﺎﺱ ﻏﺮﺑﻪ ﻣﺎﺍﻋﺮﻓﻬﻢ
ﺍﺟﻪ ﺍﺑﻮﻳﻪ
ﻟﺞ ﻣﻠﻮﻛﻪ ﺻﺮﻧﻪ ﻏﺮﺑﻪ
ﺑﺠﻴﺖ ﺑﺎﻟﺰﺍﻳﺪ
ﻓﺎﻃﻤﻪ ﺍﻟﻠﻪ ﻳﺨﻠﻴﺞ ﺻﻴﺤﻴﻠﻲ ﻋﻤﻮ
ﺧﻞ ﻳﻄﻠﻌﻬﻢ
ﻫﺬﺍ ﺻﻮﺕ ﺭﺟﺎﻝ ﻏﺮﻳﺐ ﺍﺳﻤﻌﻪ
ﻛﻤﺖ ﺍﺻﻴﺢ ﻭﺍﺗﻬﺴﺘﺮﺕ
ﺍﺩﺧﻞ ﻋﻤﻮ ﻭﻋﻠﻲ
ﻋﻤﻮ ﻫﺪﺋﻨﻲ
ﺍﺳﻜﺘﻲ ﻋﻤﻮ ﻟﺘﻨﻔﻌﻠﻴﻦ
ﻋﻤﻮ ﺍﻧﻲ ﺷﻄﻠﺒﺖ ﻣﻨﻚ
ﻋﻤﻮ ﺫﻭﻟﻪ ﻧﺎﺱ ﻏﺮﺑﻪ
ﻣﺎﺍﻋﺮﻓﻬﻢ
ﻳﺎﻣﺎ ﺍﺗﻮﺳﻠﺖ ﺑﺲ ﺍﺳﻤﻊ ﺻﻮﺗﻬﻢ
ﻳﺎﻣﺎ ﺍﺗﻮﺳﻠﺖ ﺑﺲ ﻳﺴﻤﻌﻮﻧﻲ
ﺩﻓﻨﻮﻧﻲ ﻋﺪﻟﻪ ﻭﺣﺴﺒﻮﻧﻲ ﻣﻴﺘﻪ
ﺍﻧﻲ ﻫﻢ ﻧﺴﻴﺘﻬﻢ ﻭﺑﻌﺪ ﻣﺎﺍﻋﺮﻓﻬﻢ
ﻃﻠﻌﻮﺍ ﻛﻠﻬﻢ
ﻋﻤﻮ ﻛﻠﻲ ﺑﺲ ﺍﻫﺪﺋﻲ ﻣﺮﺍﺡ ﻳﺼﻴﺮ ﻏﻴﺮ ﺍﻟﻲ ﺍﻧﺖ ﺗﺮﺩﻱ
ﻛﺘﻠﻪ ﻋﻤﻮ ﻭﺍﻟﻠﻪ ﺟﺮﺣﻮﻧﻲ ﺟﺮﺡ ﻟﻠﻤﻮﺕ ﻣﺎﺍﻧﺴﺎﻩ
ﺑﺲ ﺍﻧﺖ ﺍﻟﻮﺣﻴﺪ ﺍﻟﻲ ﺻﺪﻛﺖ ﺑﻴﻪ
ﺍﻟﻜﻮﻝ ﻃﻌﻨﻲ ﻭﻣﺤﺪ ﻗﺒﻞ ﻳﺴﻤﻌﻨﻲ ﻭﻻ ﻳﺼﺪﻛﻨﻲ
ﻋﻤﻮ ﺍﺳﻜﺘﻲ ﻫﺎﻱ ﻫﻲ ﻃﻠﻌﺖ ﺑﺮﺍﺋﺘﺞ ﻭﺭﺍﺡ ﺗﻤﺸﻴﻦ ﺍﺩﻭﺭ ﻭﺍﻧﺖ ﺭﺍﻓﻌﻪ ﺭﺍﺳﺞ
ﺑﻘﻪ ﻳﻬﺪﺃ ﺑﻴﻪ ﺑﻌﺪﻫﺎ ﻋﺎﻓﻨﻲ ﻭﻃﻠﻊ
ﻓﻜﺮﺕ ﻛﻠﺖ ﺍﺟﻪ ﺍﻟﻮﻗﺖ ﺍﻟﻲ ﻻﺯﻡ ﺍﺧﻠﻴﻬﻢ ﻛﻠﻬﻢ ﻳﺘﻨﺪﻣﻮﻥ ﻉ ﺍﻟﺴﻮﻭ ﺑﻴﻪ
ﻋﻠﻲ : ﺍﺣﺲ ﺍﻧﻀﺮﺑﺖ ﻉ ﺭﺍﺳﻲ ﻣﻦ ﺳﻤﻌﺖ ﺣﺠﻲ ﻋﻤﻮ
ﺻﻌﺪﻧﻪ ﻟﻤﻼﻙ ﻭﺍﺑﻮﻳﻪ ﺣﺠﻪ ﻭﻳﺎﻫﺎ ﻭﺭﻓﻀﺖ ﺗﺮﻭﺡ ﻭﻳﺎﻧﻪ ﻟﺒﻐﺪﺍﺩ
ﺣﻴﻞ ﺍﺗﺎﺫﺕ ﻫﺎﻱ ﺍﻟﻤﺴﻜﻴﻨﻪ
ﺍﻧﻲ ﻣﺮﺍﺡ ﺍﺳﺎﻣﺢ ﻧﻔﺴﻲ ﺍﺑﺪ ﻉ ﺍﻟﺴﻮﻳﺘﻪ ﺑﻴﻬﺎ
ﻣﺎﺍﻟﻲ ﺟﺮﺋﻪ ﺣﺘﻰ ﺍﺣﺠﻲ ﻭﻳﺎﻫﺎ ﻭﻻ ﺍﻛﺪﺭ ﺍﻃﻠﺐ ﺍﻟﺴﻤﺎﺡ ﻣﻨﻬﺎ
ﻻﻥ ﺍﺫﻳﺘﻲ ﺍﻟﻬﺎ ﺟﺒﻴﺮﻩ ﻫﻮﺍﻱ
ﺛﺎﻧﻲ ﻳﻮﻡ ﺭﺣﻨﻪ ﻟﺒﻐﺪﺍﺩ
ﻟﻜﻴﺖ ﺍﺑﻦ ﺧﺎﻟﺘﻬﺎ ﺑﻤﻮﻗﻒ ﻣﺎﺍﻧﺴﻰ ﻣﺪﻯ ﺍﻟﻌﻤﺮ
ﺍﻟﺮﺟﻠﻴﻦ ﻣﻜﻄﻤﺎﺕ ﻭﺍﻳﺪ ﻫﻢ ﻣﺎﻛﻮ
ﺍﻟﻮﺟﻪ ﻣﺸﻮﻩ
ﻣﺴﺎﻓﺮ ﻻﺭﺑﻴﻞ ﻭﻣﻜﻠﻮﺑﻪ ﺑﻴﻬﻢ ﺍﻟﺴﻴﺎﺭﻩ ﻫﻮ ﻭﺍﺻﺪﻗﺎﺋﻪ
ﻣﻄﺎﻟﻊ ﻭﺍﺣﺪ ﻣﻨﻬﻢ ﺻﺎﺣﻲ
ﺍﻟﻜﻞ ﻣﻴﺖ ﺑﺎﻟﻠﺤﻀﻪ ﺑﺲ ﻫﻮ ﺑﺎﻗﻲ ﺍﻟﻪ ﺑﻴﻬﺎ ﺣﻜﻤﻪ ﺭﺏ ﺍﻟﻌﺎﻟﻤﻴﻦ
ﺍﻛﻴﺪ ﺣﻮﺑﺔ ﻣﻼﻙ
ﻃﻠﺐ ﻣﻨﻲ ﻳﺤﺠﻲ ﻭﻳﺎﻱ
ﺑﺲ ﺷﻨﻮ ﻛﻮﻩ ﺍﻟﻜﻠﻤﻪ ﺗﻄﻠﻊ ﻣﻨﻪ
ﻛﻠﻲ ﻣﻼﻙ ﻣﻦ ﺻﺪﻭﻙ ﻣﻼﻙ
ﻋﻼﻗﺘﻲ ﺳﻨﻴﻦ ﺑﻴﻬﺎ ﺑﺲ ﻣﺨﻠﺘﻨﻲ ﺍﻟﻤﺲ ﺍﻇﻔﺮ ﻣﻦ ﺍﻇﺎﻓﺮﻫﺎ
ﻭﻻ ﻻﻣﺲ ﺍﻱ ﺷﻲ ﻣﻨﻬﺎ
ﺑﺲ ﺍﺗﺨﺒﻠﺖ ﻣﻦ ﻭﺍﻓﻘﺖ ﻋﻠﻴﻚ ﻭﻣﻌﺘﺮﺿﺖ ﻛﺪﺍﻡ ﺍﻫﻠﻬﺎ
ﺧﺪﺭﺗﻬﺎ ﺑﺪﻭﻥ ﻋﻠﻤﻬﺎ ﺍﺑﺪ ﻭﺻﺎﺭ ﺍﻟﻲ ﺻﺎﺭ
ﻭﻫﺎﻱ ﺍﻟﻔﺘﺮﻩ ﺍﻟﻤﻀﺖ ﺍﺑﺪ ﻣﺤﺎﺟﻲ ﻭﻳﺎﻫﺎ ﻭﻻ ﻣﺘﺮﺍﺳﻞ ﻭﻳﺎﻫﺎ
ﺑﺲ ﺯﻭﺟﺘﻚ ﻟﺠﻴﻦ ﺍﺗﻔﻘﺖ ﻭﻳﺎﻳﻪ ﺣﺘﻰ ﺍﻧﺖ ﺍﻃﻠﻜﻬﺎ ﻭﺍﻧﻲ ﺍﺗﺰﻭﺟﻬﺎ
ﺑﺪﺕ ﺗﻨﻄﻴﻨﻲ ﺍﺧﺒﺎﺭﻫﺎ ﺍﻭﻝ ﺍﺑﺎﻭﻝ
ﻭﺍﻧﻲ ﺣﺒﻴﺖ ﺍﺧﺒﺚ ﻭﺍﻧﺘﻘﻢ ﻣﻨﻬﺎ
ﻭﺭﺩﺗﻬﺎ ﺑﺲ ﺍﻃﻠﻜﻬﺎ
ﻳﺤﺠﻲ ﻭﺍﻧﻲ ﺻﺎﻓﻦ ﻋﻠﻲ
ﺑﺲ ﻛﻮﻩ ﻳﺤﺠﻲ ﺣﺴﻴﺖ ﺑﻲ ﺣﻴﻞ ﻣﺘﺎﺫﻱ
ﻣﻜﺪﺭﺕ ﺍﺟﺎﻭﺑﻪ ﻭﻻ ﺑﺤﺮﻑ
ﻻﻥ ﺍﻟﺒﻲ ﻣﻜﻔﻲ
ﺍﺻﻼ ﺍﻧﻲ ﺿﺎﻳﺞ ﻋﻠﻲ
ﻛﺘﻠﻪ ﺑﺲ ﺷﻲ ﺍﺑﺎﻟﻲ ﺣﺎﺏ ﺍﻋﺮﻓﻪ
ﻟﺠﻴﻦ ﻣﻨﻴﻦ ﺣﺼﻠﺖ ﺭﻗﻤﻚ
ﻣﻦ ﺍﺟﻴﺘﻮ ﻟﺒﻐﺪﺍﺩ ﺍﺧﺬﺗﻪ ﻣﻦ ﺳﺠﻰ
ﺍﻛﻮﻝ ﺷﺤﺼﻠﺖ ﻣﻦ ﺩﻣﺮﺕ ﺍﻟﺒﻨﻴﻪ ﺩﻣﺎﺭ
ﻫﺴﻪ ﺭﺍﺡ ﺗﺮﻭﺡ ﻟﻠﻌﺬﺍﺏ
ﺑﻌﺪﻫﺎ ﺑﻘﻪ ﺍﺑﻮﻳﻪ ﻭﻳﺎﻩ ﺑﻮﺣﺪﻫﻢ
ﻋﻔﺘﻬﻢ ﻭﻃﻠﻌﺖ
ﺟﻠﺒﻮ ﺑﻴﻨﻪ ﺑﻴﺖ ﻋﻤﻮ ﻉ ﺍﻟﻐﺪﻩ ﻣﻘﺒﻠﻨﻪ
ﻋﻤﻮ ﺣﻴﻞ ﺿﺎﻳﺞ ﻭﻳﻜﻮﻝ ﻣﺘﻨﺪﻡ ﻉ ﺍﻟﺴﻮﻳﺘﻪ ﺑﻴﻬﺎ ﺧﻄﻴﻪ
ﺍﻣﻬﺎ ﺗﺒﺠﻲ ﻭﺗﺼﻴﺢ ﺍﻧﻈﻠﻤﺖ ﺑﻨﺘﻲ ﻭﻛﻠﺒﻲ ﺟﺎﻥ ﻳﻌﻠﻤﻨﻲ ﺑﻴﻬﺎ ﻣﻈﻠﻮﻣﻪ
ﻟﻌﺪ ﻭﻳﻦ ﺟﻨﺘﻲ ﻋﻨﻬﺎ ﻣﻦ ﺟﺎﻧﺖ ﺑﺎﻣﺲ ﺍﻟﺤﺎﺟﻪ ﺍﻟﺞ
ﺭﺟﻌﻨﺎ ﻭﻟﻜﻴﻨﻪ ﻣﻼﻙ ﻭﻓﺎﻃﻤﻪ ﻫﻨﻪ ﺍﻟﻲ ﻣﺠﻬﺰﺍﺕ ﺍﻟﻐﺪﻩ ﺣﻴﻞ ﻓﺮﺣﻨﻪ
ﺧﻠﺼﻨﻪ ﺍﻟﻐﺪﻩ ﻭﻃﻠﺒﺖ ﻣﻦ ﻣﺎﻣﺎ ﻧﺮﻭﺡ ﻟﺒﻴﺖ ﺧﺎﻟﻮ ﺣﺘﻰ ﻧﺘﻔﺎﻫﻢ ﻭﻳﺎ
ﻭﻟﺠﻴﻦ ﻫﻲ ﺍﺳﺎﺳﺎ ﻋﻨﺪ ﺍﻫﻠﻬﺎ
ﺭﺣﻨﻪ ﺍﻧﻲ ﻭﺍﺑﻮﻳﻪ ﻭﺍﻣﻲ
ﻛﻌﺪﻧﻪ ﻭﻱ ﺧﺎﻟﻲ ﻭﺣﺠﻴﻨﺎﻟﻪ ﻛﻠﺸﻲ
ﻛﺘﻠﻪ ﺧﺎﻟﻮ ﺍﻟﺒﻨﻴﻪ ﻓﻘﺪﺕ ﺑﺼﺮﻫﺎ ﺑﺴﺒﺐ ﻟﺠﻴﻦ ﻭﺍﺑﻦ ﺧﺎﻟﺘﻬﺎ
ﺍﻟﺒﻨﻴﻪ ﻃﻠﻌﺖ ﺑﺮﻳﺌﻪ ﻭﺍﺷﺮﻑ ﻣﻦ ﺍﻟﺸﺮﻑ
ﺩﺯ ﻋﻠﻴﻬﺎ ﺧﺎﻟﻲ
ﻛﺘﻠﻪ ﺑﺲ ﺍﺳﺎﻟﻬﺎ ﻛﻠﻠﻬﺎ ﺷﻨﻮ ﻗﺼﻮﺭﻫﺎ ﺍﻟﺒﻨﻴﻪ
ﺍﺷﻮ ﺷﻐﻠﻨﺎﻫﺎ ﺧﺪﺍﻣﻪ ﻭﻫﻲ ﺳﺎﻛﺘﻪ ﺍﺑﺪ ﻣﻌﺘﺮﺿﺖ
ﺍﺷﻮ ﺗﻜﻌﺪ ﺏ 1 ﺍﻟﻈﻬﺮ ﺗﻠﻜﻲ ﺍﻟﻐﺪﻩ ﺟﺎﻫﺰ ﻭﺍﻟﺒﻴﺖ ﻧﻈﻴﻒ
ﺷﻨﻮ ﻗﺼﻮﺭﻫﺎ ﺍﻟﺒﻨﻴﻪ ﻭﻫﻴﺞ ﺗﺴﻮﻱ ﺑﻴﻬﺎ
ﻛﺎﻡ ﺧﺎﻟﻲ ﺑﺪﻩ ﻳﻀﺮﺑﻬﺎ ﺣﻴﻞ
ﺍﺫﺍﻫﺎ ﻛﻮﻩ ﻓﻜﻬﺎ ﺍﺑﻮﻳﻪ ﻣﻨﻪ
ﻛﻠﻲ ﺧﺎﻟﻲ ﺷﺘﻘﺮﺭ ﺍﻧﻲ ﻭﻳﺎﻛﻢ
ﻻﻥ ﻫﺬﺍ ﺷﺮﻑ ﺑﻨﻴﻪ ﻣﻮ ﻫﻴﻦ
ﻛﺘﻠﻪ ﺧﺎﻟﻮ ﺍﻟﻤﺮﻩ ﺍﻟﻲ ﺗﺘﻮﺍﺻﻞ ﻭﻱ ﺭﺟﺎﻝ ﻏﺮﻳﺐ
ﻭﺗﺤﺠﻲ ﻭﻳﺎ ﻣﺘﺼﻠﺢ ﺗﻜﻮﻥ ﺯﻭﺟﻪ ﺍﻟﻲ
ﻣﺜﻞ ﻣﺪﺧﻠﻨﻪ ﺑﺎﻟﻤﻌﺮﻭﻑ ﻧﻄﻠﻊ ﺑﺎﻟﻤﻌﺮﻭﻑ
ﻛﻠﻲ ﻫﺎﻱ ﻫﻲ ﺧﺎﻟﻮ ﺳﻮﻱ ﺍﻟﺘﺮﻳﺪﻩ
ﻫﻲ ﻛﺎﻣﺖ ﺗﺒﺠﻲ ﻭﺍﻟﻠﻪ ﻣﻮ ﻗﺼﺪﻱ
ﻫﻮ ﺷﻨﻮ ﺍﻟﻤﻮ ﻗﺼﺪﺝ
ﺍﻟﺒﻨﻴﻪ ﻳﻮﻣﻴﻪ ﺍﺿﺮﺑﻬﺎ ﻭﺍﺫﻳﻬﺎ ﻛﺪﺍﻣﺞ
ﻭﺍﻧﺖ ﺗﺪﺭﻳﻦ ﻛﻠﺶ ﺯﻳﻦ ﻫﻲ ﺑﺮﻳﺌﻪ
ﻣﻜﻠﺘﻲ ﺣﺮﺍﻡ ﻋﻠﻴﻪ ﻋﻠﻴﻪ ﺧﻄﻴﺘﻬﺎ ﺑﺮﻛﺒﺘﻲ
ﺷﻨﻮ ﺫﻧﺒﻬﺎ ﻓﻘﺪﺕ ﺍﻟﺒﺼﺮ ﻭﻫﻲ ﺑﻌﺪﻫﻲ ﻃﻔﻠﻪ
ﻣﺎﻣﺎ ﺍﺑﺪ ﻣﻌﺘﺮﺿﺖ ﻣﺪﺭﻱ ﺷﻌﺠﺐ
ﻃﻠﺒﺖ ﻣﻦ ﻋﻤﻮ ﺍﺣﺎﺟﻴﻬﺎ ﻉ ﺍﻧﻔﺮﺍﺩ
ﺻﻌﺪﻧﻪ ﺍﻧﻲ ﻭﻳﺎﻫﺎ
ﻣﺜﻞ ﻣﺎﺍﺫﻳﺖ ﻣﻼﻙ ﺍﺫﻳﺘﻬﺎ
ﺿﺮﺑﺘﻬﺎ ﺑﻜﻠﻴﺘﻬﺎ ﻭﺿﺮﺑﺘﻬﺎ ﻉ ﺭﺍﺳﻬﺎ ﺍﺟﺮﻣﺖ ﺑﻴﻬﺎ ﻭﻫﻲ ﺗﺼﻴﺢ
ﺍﺧﺮ ﺷﻲ ﺍﺩﺧﻠﻮﺍ ﺍﺧﻮﺗﻬﺎ ﻭﺧﺎﻟﻲ ﻭﺍﺑﻮﻳﻪ
ﻛﻮﻩ ﻫﺪﻳﺘﻬﺎ
ﺍﻟﻠﻪ ﺭﺍﺡ ﻳﻨﺘﻘﻢ ﻣﻨﺞ ﻣﺜﻞ ﻣﻨﺘﻘﻢ ﻣﻦ ﺯﻳﺪ
ﻃﻠﻌﻨﻪ ﻣﻨﻬﻢ
ﺛﺎﻧﻲ ﻳﻮﻡ ﺑﺪﻳﺖ ﺑﺎﺟﺮﺍﺀﺍﺕ ﺍﻟﻄﻼﻙ
ﻓﻌﻼ ﻉ ﺣﺴﺎﺏ ﺍﺑﻮﻳﻪ ﺑﻴﻮﻣﻬﺎ ﺍﻃﻠﻜﻨﻪ
ﻭﺑﻌﺪﻫﺎ ﻃﻠﻜﺘﻬﺎ ﺳﻴﺪ
ﻫﻮﺍﻱ ﺍﺗﻮﺳﻠﺖ ﺑﻴﻪ ﺑﺎﻟﺮﺳﺎﺋﻞ ﺑﺲ ﺍﻧﻲ ﻛﺘﻠﻬﺎ
ﻟﺨﺎﻃﺮ ﺧﺎﻟﻲ ﻭﺍﻟﻠﻪ ﺳﻜﺘﺖ ﻋﻨﺞ ﺑﺲ ﺍﺫﺍ ﺍﺷﻮﻓﺞ ﺍﻟﻪ ﺍﻛﻔﺮ ﺑﻴﺞ ﺍﺫﺏ ﺣﺮﮔﺔ ﻋﻴﻮﻥ ﻣﻼﻙ ﺍﻟﻲ ﻋﻤﻴﺘﻬﻦ ﻣﻦ ﻭﺭﺍﺝ ﺑﻴﺞ ﻛﻠﻬﺎ
ﺍﻧﻄﻴﺘﻬﺎ ﺣﻀﺮ
ﻃﺒﻌﺎ ﻣﺎﻣﺎ ﺍﺑﺪ ﻣﻌﺘﺮﺿﺖ ﻉ ﻗﺮﺍﺭﻱ
ﺑﻌﺪ ﻳﻮﻣﻴﻦ ﺳﻤﻌﻨﻪ ﺑﺰﻳﺪ ﺍﺗﻮﻓﻪ
ﺳﺎﻓﺮﻧﻪ ﻟﺒﻐﺪﺍﺩ ﺍﻧﻲ ﻭﻣﺎﻣﺎ ﻭﺍﺑﻮﻳﻪ
ﻋﻴﺐ ﻣﻦ ﺑﻴﺖ ﻋﻤﻮ
ﺑﻘﻴﻨﻪ ﻳﻮﻣﻴﻦ ﻫﻨﺎﻙ
ﻛﺎﻝ ﺍﺑﻮﻳﻪ ﻋﻴﺐ ﻣﻨﻬﻢ ﻻﺯﻡ ﻧﺒﻘﻪ
ﻃﺒﻌﺎ ﻋﻤﻲ ﺣﺎﻟﺘﻪ ﻣﺘﻨﻮﺻﻒ
ﺣﻴﻞ ﺿﺎﻳﺞ ﻭﻣﻘﻬﻮﺭ ﻉ ﺍﻟﻈﻠﻢ ﺍﻟﻲ ﺳﺒﺒﻪ ﻟﺒﻨﺘﻪ
ﻭﻃﻠﻌﺖ ﻣﻈﻠﻮﻣﻪ
ﺍﺑﺎﻭﻉ ﻉ ﺳﺮﻣﺪ ﻭﻣﺎﻫﺮ ﺣﺎﻟﺘﻬﻢ ﻣﺘﻨﻮﺻﻒ
ﻳﻜﻮﻟﻮﻥ ﻟﻮﻣﺎ ﻋﻴﺐ ﻣﻦ ﺍﻟﻨﺎﺱ ﻣﺤﻈﺮﻧﻪ ﻓﺎﺗﺤﺘﻪ ﺍﺑﺪ
ﻃﺒﻌﺎ ﻧﺒﺎﺕ ﻳﻢ ﺑﻴﺖ ﻋﻤﻲ
ﺳﺮﻣﺪ ﻳﺮﻳﺪ ﻳﻄﻠﻚ ﺯﻭﺟﺘﻪ ﺍﻟﻲ ﻫﻲ ﺍﺧﺘﻪ ﻟﺰﻳﺪ
ﻫﻲ ﺍﻟﻲ ﻣﺴﺎﻋﺪﺗﻪ
ﺍﻟﻜﻞ ﻣﻘﺒﻞ ﻉ ﻗﺮﺍﺭﻩ ﻻﻥ ﺍﻃﻔﺎﻟﻪ ﺧﻄﻴﻪ ﻣﺎﺍﻟﻬﻢ ﺫﻧﺐ
ﺣﺘﻰ ﺍﺑﻮﻳﻪ ﺣﺠﻪ ﻭﻳﺎﻩ
ﻛﻠﻪ ﻋﺎﻗﺒﻬﺎ ﺍﻱ ﺷﻲ ﺑﺲ ﻟﺘﻨﻔﺼﻠﻮﻥ ﺧﻄﻴﻪ ﺟﻬﺎﻟﻚ
ﺑﻌﺪﻳﻦ ﻛﺎﻝ ﻋﻤﻲ ﻧﺠﻴﻜﻢ ﻭﻧﻄﻠﺐ ﺍﻟﺴﻤﺎﺡ ﻣﻨﻬﺎ
ﻃﺒﻌﺎ ﺍﻧﻲ ﻫﻢ ﺣﺠﻴﺘﻠﻬﻢ ﺍﻟﻤﻘﺘﻞ ﻛﻠﻪ ﻭﺷﻠﻮﻥ ﻓﻘﺪﺕ ﺍﻟﺒﺼﺮ
ﺍﻣﻬﺎ ﺧﻄﻴﻪ ﺑﺲ ﺗﺒﺠﻲ
ﺗﺤﺠﻲ ﻉ ﻋﻤﻲ ﺗﻜﻠﻪ ﻣﻦ ﻭﺭﺍﻙ ﻣﻨﻌﺘﻨﻲ ﻣﻦ ﺑﻨﺘﻲ
ﻭﻳﺎﻣﺎ ﻛﺘﻠﻚ ﺑﻨﺘﻲ ﻭﺍﺛﻘﻪ ﻣﻨﻬﺎ ﻭﻣﻦ ﺗﺮﺑﻴﺘﻬﺎ ﻣﺴﺘﺤﻴﻞ ﻫﻴﺞ ﺗﺴﻮﻱ
ﺑﺲ ﺍﻧﺖ ﻗﺎﺳﻲ ﻭﺟﺒﺮﺗﻨﻪ ﻛﻠﻨﻪ ﻣﻨﺘﻮﺍﺻﻞ ﻭﻳﺎﻫﺎ
ﺍﺧﻮﺍﺗﻬﺎ ﻭﺣﺪﻩ ﻋﻨﺪ ﺧﺎﻟﺘﻬﺎ ﻻﻥ ﻣﺘﺰﻭﺟﻪ ﺍﺧﻮ ﺯﻳﺪ ﺑﺲ ﺍﻟﺜﺎﻧﻴﻪ ﻫﻢ ﺗﺒﺠﻲ
ﻭﺑﺪﺕ ﺗﺴﺎﻟﻨﻲ ﻋﻠﻴﻬﺎ
ﻋﺮﻓﻮﻧﻲ ﺍﻧﻲ ﻣﻄﻠﻜﻬﺎ
ﺍﻛﺒﺮ ﻏﻠﻂ ﺳﻮﻳﺘﻪ ﻣﻦ ﻃﻠﻜﺘﻬﺎ
ﺣﺘﻰ ﻟﻮ ﺟﺎﻧﺖ ﻣﺬﻧﺒﻪ ﻣﻦ ﻣﺎﺕ ﺯﻳﺪ ﺟﺎﻥ ﺍﺗﻘﺒﻠﺘﻬﺎ
ﻣﻮ ﺍﺩﻭﺭ ﺗﻄﻠﻊ ﺑﺮﻳﺌﻪ ﻭﻣﻈﻠﻮﻣﻪ
ﺍﻟﺼﺮﺍﺣﻪ ﺣﻴﻞ ﺧﺎﻳﻒ ﺍﺧﺎﻑ ﺗﺮﺟﻊ ﻭﻱ ﺍﻫﻠﻬﺎ ﻭﺍﻧﻲ ﻣﺘﺎﻛﺪ ﻣﻦ ﺍﻟﻤﺴﺘﺤﻴﻞ ﺑﻌﺪ ﺗﻮﺍﻓﻖ ﻋﻠﻴﻪ
ﺍﻛﻴﺪ ﺻﺎﺭﺕ ﺑﺎﻟﻨﺴﺒﻪ ﺍﻟﻲ ﺣﻠﻢ ﻭﺑﻌﻴﺪ ﻣﺜﻞ ﺑﻌﺪ ﺍﻟﻨﺠﻤﻪ ﻉ ﺍﻻﺭﺽ
ﻣﻌﻘﻮﻟﻪ ﺍﻧﻲ ﺟﻨﺖ ﻏﺒﻲ ﻟﻬﺎﻟﺪﺭﺟﻪ
ﺍﻟﺒﻨﻴﻪ ﻣﺎﻳﻮﻡ ﻓﻜﺮﺕ ﺗﺪﺧﻞ ﻳﻢ ﻭﻟﺪ ﺧﺎﻟﻲ ﺍﻭ ﺧﺎﻻﺗﻲ
ﻭﻻﻳﻮﻡ ﻛﻌﺪﺕ ﻭﻱ ﺳﺠﺎﺩ ﻭﺣﺠﺖ ﻭﻳﺎﻩ
ﻭﻻ ﻧﺰﻋﺖ ﺍﻟﺤﺠﺎﺏ ﻛﺪﺍﻡ ﺍﺣﺪ
ﻭﺟﺎﻧﺖ ﻣﺆﺩﺑﻪ ﺑﻤﻌﻨﻰ ﺍﻟﻜﻠﻤﻪ
ﺭﻏﻢ ﻗﺴﺎﻭﺓ ﻣﺎﻣﺎ ﻭﻳﺎﻫﺎ ﺍﺑﺪ ﻣﻌﺘﺮﺿﺖ ﻭﻻﺳﻤﻌﻨﻪ ﻣﻨﻬﺎ ﻛﻠﻤﺔ ﻻ
ﺟﺒﻨﺎﻫﺎ ﻭﺟﺎﻧﺖ ﻣﺪﻟﻠﻪ ﺍﺑﻴﺖ ﺍﻫﻠﻬﺎ
ﻭﺧﻠﻴﻨﺎﻫﺎ ﺧﺪﺍﻣﻪ ﺍﺑﺪ ﻣﻌﺘﺮﺿﺖ
ﻛﺎﻣﺖ ﺗﻄﺒﺦ ﻭﺗﻨﻈﻒ ﺑﺪﻭﻥ ﻣﻠﻞ ﻭﻻ ﺍﻋﺘﺮﺍﺽ
ﻳﺎﻣﺎ ﺣﻠﻔﺖ ﻣﺎﻋﺪﻫﺎ ﺟﻬﺎﺯ ﺑﺲ ﺍﻧﻲ ﻏﺒﻲ ﻭﻻ ﻓﻜﺮﺕ ﺯﻳﻦ ﺷﻜﻢ ﻣﺮﻩ ﻓﺘﺸﺘﻬﺎ ﻭﻓﺘﺸﺖ ﻏﺮﻓﺘﻬﺎ ﻣﻠﻜﻴﺖ ﺍﺛﺮ
ﺍﻟﻤﻔﺮﻭﺽ ﺍﺻﺪﻛﻬﺎ
ﺍﺻﻌﺐ ﻣﻮﻗﻔﻴﻦ ﻣﺎﺍﺳﺎﻣﺢ ﻧﻔﺴﻲ ﻋﻠﻴﻬﻦ
ﻣﻦ ﻃﺮﺩﺗﻬﺎ ﻣﻦ ﺍﻟﻐﺮﻓﻪ ﻭﺷﺪﻳﺖ ﻛﺎﻣﻴﺮﺍﺕ ﻭﺍﺭﺍﻗﺒﻬﺎ
ﻭﻣﻦ ﺿﺮﺑﺘﻬﺎ ﻭﺑﺴﺒﺒﻲ ﻓﻘﺪﺕ ﺑﺼﺮﻫﺎ
ﻣﺴﺘﺤﻴﻞ ﺍﺳﺎﻣﺢ ﻧﻔﺴﻲ
ﻭﻣﺴﺘﺤﻴﻞ ﺍﻓﻜﺮ ﻫﻲ ﺗﺴﺎﻣﺤﻨﻲ
ﻛﻠﺖ ﺧﻠﻴﻬﺎ ﺧﻄﻴﻪ ﺗﺮﺟﻊ ﻻﻫﻠﻬﺎ ﻭﻟﺪﻻﻟﻬﻢ
ﻭﺗﺮﺟﻊ ﻟﺠﺎﻣﻌﺘﻬﺎ ﻻﻥ ﺣﺮﺍﻣﺎﺕ ﺻﻴﺪﻟﻪ ﻭﺍﻟﻤﺮﺍﺣﻞ ﺍﻻﺧﻴﺮﻩ ﻭﺑﻄﻠﺖ
ﺭﺟﻌﻨﺎ ﻟﻤﺤﺎﻓﻀﺘﻨﺎ
ﻭﻛﻠﺖ ﻻﺑﻮﻳﻪ ﻻﺯﻡ ﻧﺎﺛﺮ ﻋﻠﻴﻬﺎ ﻭﻧﻄﻠﻬﺎ ﺧﺎﺭﺝ ﺍﻟﻌﺮﺍﻕ ﻭﻧﻌﺎﻟﺞ ﻋﻴﻮﻧﻬﺎ
ﻛﺎﻝ ﺍﻟﻠﻪ ﻛﺮﻳﻢ
ﺑﻴﺘﻲ ﻗﻔﻠﺘﻪ ﻭﺭﺟﻌﺖ ﻻﻫﻠﻲ
ﻻﻥ ﻣﺎﺍﻛﺪﺭ ﺍﺑﻘﻪ ﺑﻮﺣﺪﻱ
ﺍﺑﻮﻳﻪ ﻣﺎﻛﻞ ﻛﻠﺒﻲ ﺍﻛﻞ
ﺷﻜﺘﻠﻚ ﻣﻮ ﻛﺘﻠﻚ ﺭﺍﺡ ﺗﺘﻨﺪﻡ
ﻣﻼﻙ ﺑﺎﻗﻴﻪ ﺑﻐﺮﻓﺘﻬﺎ ﺍﺑﺪ ﻣﺘﻄﻠﻊ
ﺑﻌﺪﻫﺎ ﺍﺟﻮﻱ ﺑﻴﺖ ﻋﻤﻲ ﻭﺍﻧﻘﺒﺾ ﻗﻠﺒﻲ
ﺍﻛﻴﺪ ﺭﺍﺡ ﺗﺮﺟﻊ ﻭﻳﺎﻫﻢ
ﻻﻥ ﺗﺤﺒﻬﻢ ﻭﻫﻮﺍﻱ ﺍﺗﻤﻨﺖ ﻳﺤﺠﻮﻥ ﻭﻳﺎﻫﺎ
ﺣﺘﻰ ﻗﺒﻞ ﻋﻤﻠﻴﺘﻬﺎ ﺍﺗﺼﻠﺖ ﺑﻴﻬﻢ
ﻛﺎﻟﻠﻬﻢ ﺍﺑﻮﻳﻪ ﻭﺭﻩ ﺍﻟﻐﺪﻩ ﻳﻠﻪ ﺗﺼﻌﺪﻭﻥ
ﻓﻌﻼ ﺍﺗﻐﺪﻭﺍ ﻭﺻﻌﺪﻭﺍ
ﺟﺎﻳﻴﻦ ﻋﻤﻲ ﻭﺯﻭﺟﺘﻪ ﻭﻧﺮﻣﻴﻦ ﻭﻣﺎﻫﺮ ﻭﺍﺧﻮﺍﺗﻬﺎ
ﻛﺎﻝ ﺍﺑﻮﻳﻪ ﺧﻠﻴﻬﻢ ﺑﻮﺣﺪﻫﻢً
ﺩﻗﺎﻳﻖ ﻭﺳﻤﻌﻨﻪ ﺍﻟﺼﺎﻳﺢ ﺻﻌﺪﻧﻪ ﻟﻔﻮﻙ ﺍﻧﻲ ﻭﺍﺑﻮﻳﻪ
ﺍﺗﻔﺎﺟﺄﻧﻪ ﺑﺮﺩﺓ ﻓﻌﻠﻬﺎ
ﻃﺮﺩﺗﻬﻢ ﻭﺣﻴﻞ ﺍﻧﻔﻌﻠﺖ
ﺍﺑﻮﻳﻪ ﺍﺗﺨﺒﻞ ﻛﺎﻡ ﻳﻬﺪﺉ ﺑﻴﻬﺎ
ﻃﺒﻌﺎ ﺍﺑﻮﻳﻪ ﺍﻟﻮﺣﻴﺪ ﺍﻟﻲ ﺻﺪﻛﻬﺎ ﻭﻭﻛﻒ ﻭﻳﺎﻫﺎ
ﻣﺎﺍﻋﺮﻑ ﻻﻥ ﻫﻮ ﻗﺎﺿﻲ ﻭﻳﻌﺮﻑ ﺍﻟﺤﻘﻴﻘﻪ ﻣﺎﺍﻋﺮﻑ ﺷﻨﻮ
ﻣﻦ ﻧﺮﺟﻊ ﻟﻠﻮﺍﻗﻊ ﺣﻘﻬﺎ ﺗﺮﻓﺾ ﺗﺴﺎﻣﺤﻬﻢ
ﻻﻥ ﺍﻟﺴﻮﻭ ﺑﻴﻬﺎ ﻣﺤﺪ ﻳﺴﻮﻱ
ﺣﻴﻞ ﻋﺎﻗﺒﻮﻫﺎ ﻋﻘﺎﺏ ﻗﺎﺳﻲ
ﻭﺯﻳﻦ ﻫﻲ ﻣﺘﺤﻤﻠﻪ ﻟﺤﺪ ﺍﻻﻥ
ﺍﻟﻮﺣﺪﻩ ﺍﻟﻐﻴﺮﻫﺎ ﻣﻦ ﺯﻣﺎﻥ ﺍﻧﺘﺤﺮﺕ
ﻃﻠﻌﻮﺍ ﻭﺟﺎﻧﺖ ﺍﻣﻬﺎ ﺗﺒﺠﻲ ﻭﻓﻘﺪﺕ
ﺑﻘﻪ ﺍﺑﻮﻳﻪ ﻳﻬﺪﺃ ﺑﻴﻬﺎ
ﺑﻌﺪﻫﺎ ﻧﺰﻝ ﺍﺑﻮﻳﻪ ﻭﻛﻌﺪﻧﻪ ﻭﻓﻬﻤﻬﻢ ﺍﺑﻮﻳﻪ ﻛﻠﻠﻬﻢ ﻧﻔﺴﻴﺘﻬﺎ ﺣﻴﻞ ﻣﺘﺎﺫﻳﻪ ﻭﺍﻟﺸﺎﻓﺘﻪ ﻣﻮ ﻫﻴﻦ
ﺻﻌﺐ ﻋﻠﻴﻬﺎ ﺗﻔﻘﺪ ﻛﻠﻴﺘﻬﺎ ﻭﺗﻔﻘﺪ ﺑﺼﺮﻫﺎ ﻭﺗﻔﻘﺪ ﺟﺎﻣﻌﺘﻬﺎ
ﻭﺑﺎﻻﺧﻴﺮ ﻧﺠﻲ ﺑﺴﻬﻮﻟﻪ ﻭﻧﻜﻠﻬﺎ ﺍﺳﻔﻴﻦ
ﻻﺯﻡ ﻧﻨﻄﻴﻬﺎ ﻣﺠﺎﻝ ﺗﺴﺘﻮﻋﺐ ﺍﻟﻲ ﺻﺎﺭ ﺑﻴﻬﺎ
ﻭﺍﻛﻴﺪ ﺭﺍﺡ ﺗﺴﺎﻣﺢ ﺍﻟﻜﻞ
ﻭﺭﻩ ﺷﻮﻳﻪ ﺍﺟﺘﻲ ﺍﻟﺒﻨﻴﻪ ﻓﺎﻃﻤﻪ ﺍﻟﻲ ﺗﺴﺎﻋﺪﻫﺎ
ﺳﻠﻤﺖ ﻉ ﺍﻟﺠﻤﻴﻊ ﻭﻛﺎﻟﺖ ﻣﻦ ﺭﺧﺼﺘﻜﻢ ﺩﺯﺗﻠﻜﻢ ﻣﻼﻙ ﻫﺎﻱ ﻛﺎﻟﺖ ﺧﻞ ﻳﺴﻤﻌﻮﻫﺎ
ﺑﻴﺪﻫﺎ ﺍﻡ ﺑﻲ ﺛﺮﻱ ﻭﺷﻐﻠﺘﻬﺎ ﻭﺟﺎﻥ ﺷﻌﺮ ﻓﺘﺤﺘﻪ 👇
ﺍﻟﺸﺎﻋﺮ ﺳﺮﻣﺪ ﺍﻟﺴﺒﺘﻲ ﺍﻧﻲ ﺗﻌﻠﻤﺖ ﻋﻠﻰ ﺍﻟﻌﻴﺸﻪ ﻭﺣﺪﺍﻧﻲ
ﺳﻤﻌﻨﺎ ﻭﺟﺎﻥ ﺩﻣﺎﺭ ﺑﺎﻟﻨﺴﺒﻪ ﺍﻟﻨﻪ
ﺍﻣﻬﺎ ﺍﻧﺘﻬﺖ ﻣﻦ ﺍﻟﺒﻮﺍﺟﻲ ﻭﻋﻤﻲ ﻣﺘﻨﻮﺻﻒ ﺣﺎﻟﺘﻪ ﺍﺑﺪ
ﻛﺎﻟﺖ ﻫﺎﻱ ﺍﻟﻮﺭﻗﻪ ﺩﺯﺗﻬﺎ ﺍﻟﻚ ﻣﻼﻙ
ﺍﺳﺘﻐﺮﺑﺖ ﻭﺭﻗﻪ ﻭﻣﻦ ﻣﻼﻙ
ﻛﺎﻟﺖ ﺧﻄﻴﻪ ﺟﻮﻋﺎﻧﻪ ﻃﻠﺒﺖ ﻣﻨﻲ ﺍﻛﻞ ﻭﻛﺎﻟﺖ ﻫﺎﻱ ﺍﻧﻄﻴﻬﺎ ﻟﻌﻠﻲ
ﻣﺘﺤﻤﻠﺖ ﻓﺘﺤﺘﻬﺎ ﺑﺎﻟﻠﺤﻀﻪ
ﻛﺎﺗﺒﻪ ﺑﻴﻬﺎ
ﻫﻠﻮ ﻋﻠﻲ ﺷﻠﻮﻧﻚ ﺷﺨﺒﺎﺭﻙ ﺍﻥ ﺷﺎﺀ ﺍﻟﻠﻪ ﻣﺮﺗﺎﺡ ﻣﻦ ﺩﻭﻧﻲ
ﻣﺜﻞ ﻣﻮﺍﻋﺪﺗﻚ ﻗﺒﻞ
ﺑﻴﻮﻡ ﺍﻟﻲ ﺗﻈﻬﺮ ﺑﺮﺍﺋﺘﻲ ﺭﺍﺡ ﺍﺭﻳﺤﻜﻢ ﻣﻨﻲ ﻟﻼﺑﺪ
ﻭﺍﺧﻠﺼﻜﻢ ﻣﻨﻲ ﻭﻣﻦ ﺷﺮﻱ
ﻭﺑﻨﻔﺲ ﺍﻟﻮﻗﺖ ﺍﺧﻠﻴﻜﻢ ﺗﻌﻀﻀﻮﻥ ﺑﺎﺻﺎﺑﻴﻌﻜﻢ ﻧﺪﻡ
ﻉ ﺍﻟﻲ ﺳﻮﻳﺘﻮ ﺑﻴﻪ
ﻭﻫﺴﻪ ﺛﺒﺘﺖ ﺑﺮﺍﺋﺘﻲ ﻭﺍﻟﺤﻤﺪ ﻟﻠﻪ ﺍﺟﻪ ﺍﻟﻮﻗﺖ ﺍﻟﻲ ﺍﻧﻔﺬ ﺑﻲ ﺍﻟﻮﺍﻋﺪﺗﻚ ﺑﻲ
ﺣﺒﻴﺖ ﺍﮔﻮﻟﻚ ﺍﻧﻲ ﺍﺷﺮﻑ ﻣﻦ ﺍﻟﺸﺮﻑ
ﻭﺍﻧﻲ ﻧﺰﻳﻬﺎ ﻣﻮ ﺣﺮﺍﻣﻴﻪ
ﻭﺍﺣﺐ ﺍﻛﻮﻟﻚ ﻣﻊ ﺍﻻﺳﻒ ﺍﻧﺖ ﻣﺤﺎﻣﻲ
ﻻﻥ ﺍﻟﻤﻔﺮﻭﺽ ﺗﻔﻜﺮ ﻭﺗﻜﻮﻝ ﻣﻦ ﺍﻟﻤﺴﺘﺤﻴﻞ ﺍﻛﻮ ﻛﺎﻣﻴﺮﺍﺕ ﻣﺮﺍﻗﺒﻪ ﻭﺍﺩﺧﻞ ﺣﺒﻴﺒﻬﺎ ﻟﻠﺒﻴﺖ ﻭﻟﻠﻐﺮﻓﻪ
ﺑﺲ ﻣﺎﺍﻛﻮﻝ ﻏﻴﺮ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﺑﺲ ﺭﺟﺎﺋﻲ ﺍﻟﻮﺣﻴﺪ ﺗﺴﻠﻤﻠﻲ ﻉ ﺍﻫﻠﻲ ﻭﺗﻜﻮﻟﻬﻢ ﻣﺎﻣﺴﺎﻣﺤﺘﻜﻢ ﺍﺑﺪ ﻟﻴﻮﻡ ﺍﻟﺪﻳﻦ
ﻣﻊ ﺗﺤﻴﺎﺕ ﺍﻟﻤﻈﻠﻮﻣﻪ .....
ﺍﺗﺨﺒﻠﺖ ﺷﻨﻮ ﻣﻌﻨﻰ ﻫﺬﺍ ﺍﻟﺤﺠﻲ ﺭﺣﺖ ﺍﺭﻛﺾ ﻟﻔﻮﻙ ﻟﻠﻐﺮﻓﻪ ﺳﻮﻳﺖ ﺍﻟﺪﺭﺝ ﻃﻔﺮﺗﻴﻦ
ﻭﺻﻠﺖ ﻟﻠﻐﺮﻓﻪ ﻓﺘﺤﺘﻬﺎ ﻭﺟﺎﻥ ﺍﻟﻜﻴﻬﺎ ﻣﻘﻔﻮﻟﻪ
ﺍﺗﺨﺒﻞ ﺍﻛﺜﺮ
ﻣﺴﺘﺤﻴﻞ ﺍﺧﻠﻴﻬﺎ ﺗﻨﺘﺤﺮ
ﻛﻤﺖ ﺍﺻﻴﺢ ﻣﻼﻙ .... ﻣﻼﻙ .....
ﻣﺎﻛﻮ ﺍﻱ ﺻﻮﺕ
ﺍﺟﻮﻱ ﺍﻫﻠﻲ ﻭﺍﻫﻠﻬﺎ ﻳﺮﻛﻀﻮﻥ
ﻛﺘﻠﻬﻢ ﻳﻤﻜﻦ ﺍﻧﺘﺤﺮﺕ
ﺑﺪﻳﺖ ﺍﺩﻓﺮ ﺑﺎﻟﺒﺎﺏ
ﺍﺟﻪ ﻭﻳﺎﻳﻪ ﻣﺎﻫﺮ
ﻛﻮﻩ ﺍﻧﻜﺴﺮﺕ ﺍﻟﺒﺎﺏ
ﺻﺎﺭﺕ ﻛﺒﺎﻟﻨﻪ ﻣﻼﻙ ﻭﺟﺎﻥ ...
