#انكسار_فتاة_بريئه
بقلم رونق
#بارت١٤
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
ﺍﻟﺒﺎﺭﺕ 14
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﺣﻀﻨﺖ ﻣﺎﻣﺎ ﺑﺪﻭﻥ ﻛﻼﻡ ﺑﺲ ﺩﻣﻮﻋﻲ ﺗﺠﺮﻱ ﺍﻧﻬﺎﺭ
ﻣﺒﺎﺩﺭﺕ ﺍﻣﻲ ﺑﺤﻀﻨﻲ ﻭﻻ ﺿﻌﻔﺖ ﺍﻣﺎﻣﻲ ﻭﻻﻛﺎﻧﻮ ﺍﻧﻲ ﺑﻨﺘﻬﺎ
ﺟﺮﻧﻲ ﺑﺎﺑﺎ ﺣﻴﻞ ﻭﺿﺮﺑﻨﻲ
ﻛﺎﻝ ﺍﻧﻲ ﺷﻜﻢ ﻣﺮﻩ ﻛﺎﻳﻠﺞ ﻣﺘﺮﺍﻭﻳﻨﻲ ﻭﺟﻬﺞ ﺍﺑﺪ
ﺑﺎﺑﺎ ﺍﻟﻠﻪ ﻳﺨﻠﻴﻚ ﺑﺲ ﺍﻓﺘﻬﻤﻨﻲ
ﻭﺍﻟﻠﻪ ﻣﻈﻠﻮﻣﻪ ﻭﺍﻟﻘﺮﺍﻥ ﻣﻈﻠﻮﻣﻪ
ﺿﺮﺑﻨﻲ ﻣﺮﻩ ﻟﺦ
ﻟﺞ ﺳﺎﻗﻄﻪ ﺍﻧﺖ ﺑﺎﻟﻨﺴﺒﻪ ﺍﻟﻨﻪ ﻣﻴﺘﻪ .... ﻣﻴﺘﻪ ...... ﺗﻔﺘﻬﻤﻴﻦ
ﺍﻟﺘﻔﺖ ﻉ ﻋﻠﻲ ﻭﻛﻠﻪ
ﺍﻧﻲ ﺷﻜﻠﺘﻠﻚ ﻳﺎﻋﻠﻲ ﻣﻮ ﻛﺘﻠﻚ ﻣﺎﺍﺭﻳﺪ ﺍﺷﻮﻓﻬﺎ
ﻣﻌﻨﺎﻫﺎ ﺍﻃﺮﺩﻭﻧﻲ ﻣﻦ ﺑﻴﺘﻜﻢ
ﻳﻠﻪ ﺍﻡ ﺳﺮﻣﺪ ﻛﻮﻣﻲ ﺧﻞ ﺧﻞ ﻧﺮﺟﻊ
ﺍﻟﻈﺎﻫﺮ ﻣﺘﻌﻤﺪﻳﻦ ﻳﻐﺜﻮﻧﻪ
ﺣﺠﻪ ﻋﻤﻮ ﺍﺳﺘﻬﺪﻱ ﺑﺎﻟﺮﺣﻤﻦ ﺍﺑﻮ ﺳﺮﻣﺪ ﮔﻮﻝ ﻳﺎﺍﻟﻠﻪ
ﻻ ﺍﺑﻮ ﻋﻠﻲ ﺍﻧﻲ ﻛﺘﻠﻜﻢ ﻣﺎﺍﺭﻳﺪ ﺍﺷﻮﻓﻬﺎ ﺍﺑﺪ
ﺍﻧﻬﻀﻤﺖ ﻭﺍﻧﻜﺴﺮﺕ ﺣﻴﻞ
ﻋﻔﺘﻬﻢ ﻭﺻﻌﺪﺕ ﻟﻔﻮﻙ
ﺍﻛﺜﺮ ﻛﺴﺮﺗﻲ ﻣﻦ ﻣﺎﻣﺎ
ﻣﻦ ﺭﻓﻀﺖ ﺗﺤﻀﻨﻲ
ﺣﺴﻴﺖ ﺑﻨﻔﺴﻲ ﺣﻴﻞ ﻣﺨﻨﻮﻛﻪ ﻭﻛﻠﺒﻲ ﻛﺎﻡ ﻳﻮﺟﻌﻨﻲ ﺣﻴﻞ
ﺑﺎﺑﺎ ﻋﺎﺩﻱ ﻫﻮ ﺍﺳﺎﺳﺎ ﻗﺎﺳﻲ ﻭﻣﻴﺘﻔﺎﻫﻢ
ﺑﺲ ﺍﻣﻲ ﻻ ﺣﻨﻮﻧﻪ ﺑﺸﻜﻞ
ﺩﺧﻠﺖ ﻟﻠﻐﺮﻓﻪ ﻭﻗﻔﻠﺘﻬﺎ ﻋﻠﻴﻪ
ﺍﺗﻤﻨﻰ ﺍﺧﺘﻔﻲ ﻣﻦ ﺍﻟﻮﺟﻮﺩ
ﻣﺮﺍﺕ ﺍﻛﻮﻝ ﻟﻮ ﺟﺎﻳﻪ ﺍﻟﻄﻠﻘﻪ ﺑﻜﻠﺒﻲ ﻭﻣﻴﺘﻪ ﻫﻮﺍﻱ ﺍﺣﺴﻦ ﺍﻟﻲ
ﻟﺸﻮﻳﻪ ﺍﻧﺪﻛﺖ ﺍﻟﺒﺎﺏ ﻋﻠﻴﻪ ﻣﺤﺒﻴﺖ ﺍﻓﺘﺢ ﺍﻟﺒﺎﺏ
ﺳﻤﻌﺖ ﺻﻮﺕ ﻧﺮﻣﻴﻦ ﻛﺎﻟﺖ ﻋﻔﻴﻪ ﻣﻼﻙ ﺍﻓﺘﺤﻲ ﺍﻟﺒﺎﺏ
ﻓﺘﺤﺘﻪ ﻛﻠﺖ ﻋﻴﺐ ﻣﻨﻬﺎ
ﺟﺎﻳﺒﺘﻠﻲ ﺍﻟﻐﺪﻩ ﺣﻄﺘﻪ ﻉ ﺍﻟﻤﻴﺰ
ﻛﺎﻟﺖ ﻣﻼﻙ ﻻ ﺗﻀﻮﺟﻴﻦ ﻭﺍﻟﻠﻪ ﻳﺠﻲ ﻳﻮﻡ ﻭﺗﻔﺮﺝ
ﻻﺑﺪ ﺍﻟﻠﻪ ﻳﻈﻬﺮ ﺍﻟﺤﻘﻴﻘﻪ ﺑﻴﻮﻡ
ﻭﺍﻟﻠﻪ ﺗﻌﺒﺖ ﻣﺎﺍﺗﺤﻤﻞ ﺑﻌﺪ
ﻫﻮﺍﻱ ﻋﻠﻴﻪ ﻫﻴﺞ ﻇﻠﻢ
ﻣﺎﺑﺪﻳﻨﻪ ﺷﻲ ﻭﺍﻟﻠﻪ ﺣﺘﻰ ﺑﺎﺑﺎ ﻣﻘﺒﻞ ﻉ ﻋﻤﻮ ﻭﺑﻘﻪ ﻳﺤﺠﻲ ﻭﻳﺎ
ﺑﺲ ﻋﻤﻮ ﻣﻴﺘﻔﺎﻫﻢ ﺍﺑﺪ
ﻛﻞ ﻟﺒﺎﺑﺎ ﺑﻌﺪ ﺍﺫﺍ ﺷﻔﺘﻬﺎ ﻣﺘﻠﻮﻣﻮﻧﻲ ﺷﺮﺍﺡ ﺍﺳﻮﻱ ﺑﻴﻬﺎ
ﺯﻳﻦ ﺷﻌﺠﺐ ﺟﺎﻳﻴﻦ ﺷﻌﺪﻫﻢ
ﺟﺎﻳﻴﻦ ﻳﺨﻄﺒﻮﻧﻲ ﻻﺧﻮﺝ ﻣﺎﻫﺮ
ﺷﺮﺍﺡ ﻳﻜﻮﻥ ﺭﺍﻳﻜﻢ
ﻭﺍﻟﻠﻪ ﻣﺎﺍﺩﺭﻱ ﺷﺎﻛﻮﻟﺞ ﻳﺎﻣﻼﻙ
ﺍﻛﻴﺪ ﺑﺎﺑﺎ ﻳﺴﺘﺤﻲ ﻣﻦ ﻋﻤﻮ
ﻭﺭﺍﺡ ﻳﻮﺍﻓﻖ
ﻣﻮ ﻣﻬﻢ ﺍﻫﻢ ﺷﻲ ﺭﺍﻳﺞ ﺍﻧﺘﻲ
ﺩﻳﺮﻱ ﺑﺎﻟﺞ ﺗﺴﻮﻳﻦ ﻣﺜﻞ ﻣﺎﺍﻧﻲ ﺳﻮﻳﺖ
ﺑﻘﻴﺖ ﺳﺎﻛﺘﻪ ﻟﻤﻦ ﺻﺎﺭ ﺍﻟﻲ ﺻﺎﺭ
ﻭﺍﻟﻠﻪ ﻳﺎﻣﻼﻙ ﺍﻟﺼﺮﺍﺣﻪ ﺍﻧﻲ ﻣﺎﺍﺑﺎﻟﻲ ﺷﺨﺺ ﺍﺑﺪ
ﺟﺎﻧﺖ ﻋﻨﺪﻱ ﻋﻼﻗﻪ ﺳﻄﺤﻴﻪ ﺑﺸﺎﺏ ﻭﻳﺎﻳﻪ ﺑﺎﻟﻜﻠﻴﻪ ﻭﺍﺗﺰﻭﺝ
ﺑﺲ ﺑﻨﻔﺲ ﺍﻟﻮﻗﺖ ﺍﺧﻮﺝ ﻣﺎﺍﻋﺮﻓﻪ ﻭﻻ ﻳﻌﺮﻓﻨﻲ
ﻣﺎﺍﻋﺮﻑ ﻃﺒﻊ ﺍﻫﻠﺞ ﻭﺍﻧﻲ ﺧﺎﻳﻔﻪ ﻣﻨﻬﻢ ﺣﻴﻞ
ﺷﻔﺖ ﺭﺩﺕ ﻓﻌﻠﻬﻢ ﺍﺗﺠﺎﻫﺞ ﻭﻣﻘﺒﻠﻮ ﻳﺴﻤﻌﻮﺝ ﻭﻻ ﻳﺼﺪﻛﻮﺝ
ﻭﺍﻧﺖ ﺑﻨﺘﻬﻢ ﻣﻦ ﺩﻣﻬﻢ ﻭﻟﺤﻤﻬﻢ
ﺣﻴﻞ ﺧﺎﻳﻔﻪ ﻣﻨﻬﻢ
ﺑﺲ ﺗﺮﺩﻳﻦ ﺍﻟﺼﺪﻙ ﻣﺎﻫﺮ ﺩﺭﻩ ﻭﺣﺒﺎﺏ ﺑﺸﻜﻞ ﻣﻮ ﻻﻥ ﺍﺧﻮﻳﻪ ﺑﺲ ﻭﺍﻟﻠﻪ ﻣﺘﺤﺼﻠﻴﻦ ﺍﺣﺴﻦ ﻣﻨﻪ
ﺍﻧﻲ ﺭﺍﺡ ﺍﻓﻜﺮ ﻭﺍﺷﻮﻑ ﻭﻟﺘﻨﺴﻴﻦ ﺍﻟﻘﺮﺍﺭ ﺍﻻﻭﻝ ﻭﺍﻻﺧﻴﺮ ﻟﺒﺎﺑﺎ ﻭﻣﺎﻣﺎ
ﺍﻟﻠﻪ ﻛﺮﻳﻢ ﺍﻟﺒﻲ ﺻﺎﻟﺢ ﻳﺼﻴﺮ ﺍﻥ ﺷﺎﺀ ﺍﻟﻠﻪ
ﺍﻛﻠﻲ ﻫﺴﻪ ﻋﻔﻴﻪ ﻟﺘﻌﺎﻗﺒﻴﻦ ﻧﻔﺴﺞ
ﻳﻤﻌﻮﺩﻩ ﻭﻳﻨﻲ ﻭﻳﻦ ﺍﻻﻛﻞ
ﻛﺮﻫﺖ ﺍﻟﺪﻧﻴﺎ ﻛﻮﻟﻬﺎ ﻭﺍﻟﻠﻪ
ﺷﻴﻠﻬﺎ ﺍﻟﺼﻴﻨﻴﻪ ﻭﻟﻮ ﺯﺣﻤﻪ ﻋﻠﻴﺞ
ﻻ ﻳﻤﻌﻮﺩﻩ ﺗﺤﺠﻴﻦ ﺻﺪﻙ
ﻭﺍﻟﻠﻪ ﺍﻧﻲ ﻣﺴﺘﺤﻴﻪ ﻣﻨﺞ ﻫﻮﺍﻱ ﻻﻥ ﻣﺮﺍﺕ ﻣﺎﺍﺣﺠﻲ ﻭﻳﺎﺝ ﻣﺠﺒﻮﺭﻩ ﻭﺍﻟﻠﻪ
ﻫﻮ ﺍﻫﻠﻲ ﻭﺍﺧﻮﺍﺗﻲ ﻣﻴﺤﺠﻦ ﻭﻳﺎﻱ ﺷﺘﺘﻮﻗﻌﻴﻦ ﺍﻋﺘﺐ ﻋﻠﻴﺞ
ﺍﺧﺬﺕ ﺍﻟﺼﻴﻨﻪ ﻭﻃﻠﻌﺖ
ﻗﻔﻠﺖ ﺍﻟﺒﺎﺏ ﻭﻧﻤﺖ ﺑﻌﺪﻫﺎ
ﻛﻌﺪﺕ ﻉ ﺻﻮﺕ ﺍﻟﺒﺎﺏ ﻳﻨﺪﻙ ﺣﻴﻞ
ﻓﺘﺤﺖ ﺍﻟﺒﺎﺏ ﻭﻋﻴﻮﻧﻲ ﺍﺣﺴﻬﻦ ﻣﻮﺭﻣﺎﺕ ﻭﻳﻠﺰﻛﻦ ﺍﻛﻴﺪ ﻣﻦ ﺍﻟﺒﺠﻲ
ﺟﺎﻥ ﻋﻠﻲ ﺑﺎﻟﺒﺎﺏ
ﺍﻱ ﻣﺎﺗﻔﺘﺤﻴﻦ ﺍﻟﺒﺎﺏ ﻟﺨﺎﻃﺮ ﺭﺑﺞ
ﺍﺳﻔﻪ ﺟﻨﺖ ﻧﺎﻳﻤﻪ
ﻟﺞ ﻫﺬﺍ ﻳﺎﻧﻮﻡ ﺍﻛﺜﺮ ﻣﻦ ﻧﺺ ﺳﺎﻋﻪ ﺻﺎﺭﻟﻲ ﺍﺩﻙ ﺑﺎﻟﺒﺎﺏ
ﻭﺍﻟﻠﻪ ﻣﺎﺳﻤﻌﺘﻚ ﺍﺑﺪ
ﻋﻮﻓﻴﻨﻪ ﻣﻦ ﻫﺎﻱ ﺍﻟﺴﺎﻟﻔﻪ
ﺟﻬﺰﻱ ﻧﻔﺴﺞ ﺧﻞ ﺍﺧﺬﺝ ﻭﻳﺎﻱ ﻟﻠﺒﻴﺖ
ﺷﻨﻮ ﻳﺎﺑﻴﺖ
ﺭﺍﺡ ﺗﺮﻭﺣﻴﻦ ﻭﻳﺎﻱ ﺗﻌﻴﺸﻴﻦ ﺍﺑﻴﺘﻲ
ﺑﺲ ﺍﻧﻲ ﻣﻤﻮﺍﻓﻘﻪ ﺍﺑﻘﻰ ﻫﻨﺎ ﻳﻢ ﻋﻤﻮ
ﻣﻮ ﺑﻜﻴﻔﺞ ﺗﺮﺣﻴﻦ ﻏﺼﺒﺎ ﻋﻨﺞ
ﺣﺘﻰ ﺗﺒﻄﻠﻴﻦ ﻋﻨﺎﺩ
ﻛﺘﻠﺞ ﻟﻄﻠﻌﻴﻦ ﻣﻦ ﺍﻫﻠﺞ ﻣﻮﺟﻮﺩﻳﻦ
ﺑﺲ ﺍﻧﺖ ﺍﻟﻈﺎﻫﺮ ﺍﻟﻌﻨﺎﺩ ﻋﻨﺪﺝ ﻳﻤﺸﻲ ﺑﺪﻣﺞ
ﺑﺲ ﻣﻮ ﺑﻜﻴﻔﻚ ﻣﺎﺍﺭﻭﺡ ﻟﺒﻴﺘﻚ ﺍﺑﺪ
ﻟﺘﻌﺎﻧﺪﻳﻦ ﺭﻭﺣﻲ ﺟﻬﺰﻱ ﻧﻔﺴﺞ ﻉ ﺍﻟﺴﺮﻳﻊ
ﻭﻟﺘﻨﺴﻴﻦ ﺍﻫﻠﺞ ﺭﺍﺡ ﻳﺘﻮﺍﺟﺪﻭﻥ ﺩﺍﺋﻤﺎ ﻫﻨﺎ
ﻭﻣﺎﺍﻋﺘﻘﺪ ﺗﺤﺒﻴﻦ ﻳﻮﻣﻴﻪ ﺗﺘﺮﺯﻟﻴﻦ ﻭﺗﻨﻬﺎﻧﻴﻦ
ﺍﺣﻔﻈﻲ ﻛﺮﺍﻣﺘﺞ ﻭﺍﻣﺸﻲ ﻭﻳﺎﻱ ﺍﺣﺴﻦ
ﺣﻴﻞ ﺿﺠﺖ ﻣﻦ ﺍﻟﺤﺠﻲ ﺑﺲ ﺻﺪﻙ ﺣﺠﻴﻪ
ﻻﺯﻡ ﺍﻗﻮﻱ ﻛﻠﺒﻲ ﻭﺍﺑﺘﻌﺪ ﻣﻼﺯﻡ ﺍﺿﻌﻒ
ﻻﻥ ﺭﺍﺡ ﻫﻮﺍﻱ ﻳﺠﻮﻥ ﺍﻫﻠﻲ
ﺍﺟﻪ ﻋﻤﻮ ﻟﻐﺮﻓﺘﻲ
ﻭﻋﻠﻲ ﺑﻌﺪﻩ ﻣﻮﺟﻮﺩ
ﻛﻠﻲ ﻋﻤﻮ ﻟﺘﻔﺘﻬﻤﻴﻨﻪ ﻏﻠﻂ
ﺍﻟﻠﻪ ﺷﺎﻫﺪ ﺍﺣﺒﺞ ﻭﺍﻋﺰﺝ ﻣﺜﻞ ﺑﻨﺎﺗﻲ
ﻭﻟﻮ ﺗﺒﻘﻰ ﻋﻠﻴﻪ ﺍﺧﻠﻴﺞ ﺑﻮﺳﻂ ﻋﻴﻨﻲ
ﺑﺲ ﺍﻟﻈﺮﻭﻑ ﺣﻜﻤﺖ
ﻻﺯﻡ ﺗﺮﻭﺣﻴﻦ ﻭﻱ ﺯﻭﺟﺞ ﻋﻠﻲ ﺗﻌﻴﺸﻴﻦ ﺍﺑﻴﺘﻪ
ﻟﻤﻦ ﻳﺨﻠﺺ ﺍﻟﺰﻭﺍﺝ ﺍﺭﺟﻌﺞ ﻭﻭﻋﺪ ﻣﻨﻲ ﺍﻟﺞ ﻣﺎﺍﺧﻠﻴﺞ ﺗﺒﺘﻌﺪﻳﻦ ﻋﻨﻲ ﺍﺑﺪ
ﻛﺘﻠﻪ ﻋﻤﻮ ﺍﻧﺖ ﺗﺎﻣﺮ ﺍﻣﺮ
ﺍﻟﻲ ﺗﺮﻳﺪﻩ ﺍﻧﻔﺬﻩ ﺑﺪﻭﻥ ﻧﻘﺎﺵ
ﺑﺲ ﺍﻟﺤﻘﻴﻘﻪ ﻛﻠﺒﻲ ﻳﻨﺰﻑ ﺩﻡ ﺑﺪﺍﺧﻠﻪ
ﻣﻬﻤﺎ ﻳﻜﻮﻥ ﺍﻧﻲ ﻫﻨﺎ ﺍﺑﻴﺖ ﻋﻤﻮ ﺍﺣﺲ ﺑﺎﻣﺎﻥ ﻭﻫﺪﻯ ﺗﺨﺎﻑ ﻣﻦ ﻋﻤﻮ ﻣﺘﺎﺫﻳﻨﻲ
ﺑﺲ ﺍﺫﺍ ﺭﺣﺖ ﻳﻢ ﻋﻠﻲ ﻣﻌﺮﻑ ﺷﺮﺍﺡ ﺗﺴﻮﻱ ﺑﻴﻪ ﻟﺠﻴﻦ
ﺣﻀﺮﺕ ﺍﻟﺠﻨﻄﻪ ﻣﺎﻟﺘﻲ
ﻧﺰﻟﻮ ﻭﻋﺎﻓﻮﻧﻲ
ﺑﺪﻟﺖ ﺑﻌﺪﻫﺎ ﻧﺰﻟﺖ
ﻃﺒﻌﺎ ﺧﺎﻟﻪ ﺭﺍﻓﻀﻪ ﺭﻓﺾ ﻧﻬﺎﺋﻲ ﻫﺬﺍ ﺍﻟﺰﻭﺍﺝ
ﺑﺲ ﻋﻤﻮ ﻣﺜﻞ ﺑﺎﺑﺎ ﻣﺼﻤﻢ ﺍﻟﻪ ﺍﻟﺰﻭﺍﺝ ﻳﺘﻢ
ﻋﻔﻨﺎﻫﻢ ﻭﻃﻠﻌﻨﺎ
ﻭﺻﻠﻨﺎ ﻟﻠﺒﻴﺖ
ﺍﺣﺲ ﺑﻨﻔﺴﻲ ﻏﺮﻳﺒﻪ ﻭﻣﺘﻀﺎﻳﻘﻪ ﻫﻮﺍﻱ
ﺟﻨﺖ ﺍﺑﻴﺖ ﻋﻤﻮ ﺭﻏﻢ ﺍﻧﻜﺴﺎﺭﻱ ﻭﺿﻌﻔﻲ ﺑﺲ ﺍﺣﺲ ﺑﺎﻻﻣﺎﻥ ﻻﻥ ﻋﻤﻮ ﻣﻮﺟﻮﺩ ﻭ ﻭﺍﻛﻒ ﻭﻳﺎﻳﻪ ﻭﻣﻴﻘﺒﻞ ﻋﻠﻴﻪ
ﻟﺠﻴﻦ ﻭﺟﻬﺎ ﺛﻜﻴﻞ ﺑﺲ ﻣﺤﺠﺖ ﺷﻲ
ﺩﺧﻠﻨﻪ ﻟﺠﻮﻩ ﻃﺒﻌﺎ ﺍﻟﺒﻴﺖ ﻣﻮ ﻧﻈﻴﻒ ﻭﻻ ﻣﺮﺗﺐ ﺍﺑﺪ
ﻋﻜﺲ ﺑﻴﺖ ﻋﻤﻮ ﺟﺎﻧﺖ ﺧﺎﻟﻪ ﻧﻈﺎﻣﻴﻪ ﻭﻧﻈﻴﻔﻪ ﺑﺸﻜﻞ ﻭﺟﺎﻥ ﺑﻴﺖ ﻋﻤﻮ ﺣﻠﻮ ﺑﺸﻜﻞ ﻭﻛﻮﻟﻪ ﻉ ﺍﻻﺗﻜﻴﺖ ﺍﻟﺤﺪﻳﺚ
ﻣﻦ ﺍﺟﻴﺖ ﺫﺍﻙ ﺍﻟﻴﻮﻡ ﻣﺎﺟﻨﺖ ﻣﻨﺘﺒﻬﺎ ﻉ ﺍﻟﺒﻴﺖ ﻭﻣﺠﻨﺖ ﻣﺮﻛﺰﻩ
ﻫﺴﻪ ﻣﻦ ﺩﺧﻠﻨﻪ ﻟﻠﺼﺎﻟﻪ ﺟﺎﻧﺖ ﺟﺒﻴﺮﻩ ﻭﺍﻛﻮ ﻏﺮﻑ ﺍﺛﻨﻴﻦ
ﻭﺣﺪﻩ ﻏﺮﻓﺘﻬﻢ ﺍﻛﻴﺪ
ﻭﺍﻟﺜﺎﻧﻴﻪ ﻓﺘﺤﻬﺎ ﻋﻠﻲ ﻭﻛﻠﻲ ﺩﺑﺮﻱ ﻧﻔﺴﺞ ﺑﺲ ﺍﻟﻴﻮﻡ ﺑﻴﻬﺎ ﻭﺑﺎﺟﺮ ﺍﺟﻴﺐ ﻏﺮﻓﻪ ﺍﻟﺞ
ﻛﺘﻠﻪ ﻣﺎﻛﻮ ﺩﺍﻋﻲ ﺗﺸﺘﺮﻱ ﻋﻮﻓﻨﻲ ﻫﻴﺞ ﻫﻮ ﺍﻧﻲ ﺍﺻﻼ ﻣﻤﻄﻮﻟﻪ
ﺍﻟﻐﺮﻓﻪ ﺟﺎﻧﺖ ﻣﻔﺮﻭﺷﻪ ﺑﻤﻮﻛﻴﺖ ﻉ ﻛﺒﺮﻫﺎ ﻭﻣﺒﻴﻬﺎ ﺷﻲ ﺛﺎﻧﻲ
ﻋﺎﻓﻨﻲ ﻭﻃﻠﻊ ﻭﺭﻩ ﺩﻗﺎﻳﻖ ﺍﺟﺖ ﻟﺠﻴﻦ ﻭﺟﺎﻳﺒﻪ ﻭﻳﺎﻫﺎ ﻓﺮﺍﺵ ﻭﻣﺨﺪﻩ ﻭﺑﻄﺎﻧﻴﺎ
ﺷﻤﺮﺗﻬﻦ ﺑﺎﻟﻜﺎﻉ ﻣﻦ ﻭﺭﻩ ﺧﺸﻤﻬﺎ
ﻋﺎﻓﺘﻨﻲ ﻭﻃﻠﻌﺖ
ﻟﺤﻀﺎﺕ ﻭﺍﺟﻪ ﻋﻠﻲ ﺟﺎﻳﺐ ﻭﻳﺎ ﺑﻌﺪ ﺑﻄﺎﻧﻴﺎ ﻛﻠﻲ ﺍﻱ ﺷﻲ ﺗﺤﺘﺎﺟﻲ ﻛﻮﻟﻲ
ﺷﻐﻠﻲ ﺍﻟﺘﺪﻓﺌﻪ ﻭﮔﻠﻲ ﺍﺧﺬﻱ ﺭﺍﺣﺘﺞ
ﺍﻟﻐﺮﻓﻪ ﻣﺎﺑﻴﻬﺎ ﺣﻤﺎﻡ ﺩﺍﺧﻠﻲ
ﺑﻴﺖ ﻋﻤﻮ ﻛﻮﻝ ﺍﻟﻐﺮﻑ ﺑﻴﻬﺎ ﺣﻤﺎﻡ ﺩﺍﺧﻠﻲ
ﺭﺍﺡ ﺍﻋﺎﻧﻲ ﻫﻨﺎ
ﺑﺲ ﺣﺴﻴﺖ ﺑﺠﻮﻉ ﻻﻥ ﻣﻦ ﺍﻟﺼﺒﺢ ﻟﻬﺴﻪ ﻣﻤﺎﻛﻠﻪ ﺷﻲ
ﺑﺲ ﺍﺳﺘﺤﻲ ﻫﻨﺎ
ﻛﻠﺖ ﺧﻠﻲ ﺍﺣﺎﻭﻝ ﺍﻧﺎﻡ ﺑﺲ ﻭﺭﻩ ﺍﻻﺫﺍﻥ ﺍﻟﻤﻤﻐﺮﺏ ﻛﻌﺪﺕ ﺷﻴﻨﻴﻤﻨﻲ ﺑﻌﺪ
ﺍﺗﺬﻛﺮﺕ ﻟﻬﺴﻪ ﻣﻤﺼﻠﻴﻪ
ﻛﻠﺖ ﺧﻞ ﺍﻛﺴﺮ ﺍﻟﺤﺎﺟﺰ ﻣﺎﻟﺖ ﺍﻟﻤﺴﺘﺤﻪ
ﻻﺯﻡ ﺍﻃﻠﻊ ﺍﺩﺧﻞ ﻟﻠﺤﻤﺎﻡ ﻭﺍﺗﻮﺿﻪ
ﻃﻠﻌﺖ ﻭﺟﻨﺖ ﺟﺎﻫﻠﻪ ﻭﻳﻦ ﺍﻟﺤﻤﺎﻡ
ﻟﻜﻴﺖ ﻋﻠﻲ ﺑﺎﻟﺼﺎﻟﻪ ﻛﺎﻋﺪ ﻫﻮ ﻭ ﻟﺠﻴﻦ
ﻫﻮ ﺑﺴﺮﻋﻪ ﻃﻔﺮ
ﻣﺤﺘﺎﺟﻪ ﺷﻲ
ﺍﺳﺘﺤﻴﺖ ﺍﻛﻮﻟﻪ ﻟﻠﺤﻤﺎﻡ
ﻛﺘﻠﻪ ﺍﺭﻳﺪ ﺍﺗﻮﺿﻪ ﻧﺎﺳﻴﻪ ﻧﻔﺴﻲ ﺑﻼ ﺻﻼﻩ
ﻛﻠﻲ ﺫﺍﻙ ﺍﻟﺤﻤﺎﻡ ﻭﺍﻟﻤﻐﺴﻠﻪ
ﺭﺣﺖ ﻟﻠﺤﻤﺎﻡ ﻭﺑﻌﺪﻫﺎ ﺍﺗﻮﺿﻴﺖ ﻭﺭﺟﻌﺖ
ﻟﻜﻴﺖ ﺑﺎﻟﻐﺮﻓﻪ ﺳﺠﺎﺩﻩ
ﺻﻠﻴﺖ ﻭﺩﻋﻴﺖ ﺭﺑﻲ ﻛﻮﻥ ﻳﻨﺼﻔﻨﻲ
ﺩﻣﻮﻋﻲ ﻳﺠﺮﻥ ﻭﺍﻧﻲ ﺍﺩﻋﻲ
ﺍﻧﺪﻙ ﺍﻟﺒﺎﺏ ﻣﺴﺤﺖ ﺩﻣﻮﻋﻲ ﻭﻛﻠﺖ ﺍﺩﺧﻞ
ﺩﺧﻞ ﻋﻠﻲ ﻭﺟﺎﻳﺐ ﺑﻴﺪﻩ ﻋﻼﻛﻪ
ﻛﻠﻲ ﻗﺒﻞ ﺍﻟﻠﻪ
ﺷﻜﺮﺍ
ﻋﻠﻲ : ﻣﻦ ﺭﺟﻌﺖ ﻣﻼﻙ ﻟﺒﻴﺖ ﺍﻫﻠﻲ ﻭﺣﺠﻴﺖ ﻭﻳﺎﻫﺎ ﻉ ﺯﻳﺪ ﻭﺯﻭﺍﺟﻪ
ﺣﺴﻴﺖ ﺑﻴﻬﺎ ﻣﻨﻜﺴﺮﻩ ﻭﺿﺎﻳﺠﻪ ﺣﻴﻞ ﻭﺣﺘﻰ ﺩﻣﻮﻋﻬﺎ ﻧﺰﻟﻦ
ﻃﺒﻌﺎ ﺻﻌﺐ ﻋﻠﻴﻪ ﺍﺷﻮﻓﻬﺎ ﺑﻬﻴﺞ ﺣﺎﻟﻪ
ﻳﻌﻨﻲ ﻋﺮﺿﻲ ﻫﻢ ﺯﻭﺟﺘﻲ ﻭﻫﻢ ﺑﻨﺖ ﻋﻤﻲ
ﺍﺷﻮﻓﻬﺎ ﺗﺒﺠﻲ ﻉ ﺣﺒﻴﺒﻬﺎ ﺍﻟﺴﺎﺑﻖ
ﻛﻮﻩ ﺻﺒﺮﺕ ﻧﻔﺴﻲ ﻋﻠﻴﻬﺎ
ﺑﻌﺪﻳﻦ ﻛﻠﺖ ﻛﻠﺸﻲ ﻳﺼﻴﺮ ﺑﺎﻟﻘﻮﻩ ﺍﻟﻪ ﺍﻟﺤﺐ ﻣﺴﺘﺤﻴﻞ ﺗﺤﺼﻞ ﻋﻠﻲ ﺑﺎﻟﻘﻮﻩ
ﺑﻌﺪﻫﺎ ﺭﺣﻨﻪ ﺍﻧﻲ ﻭﺍﺑﻮﻳﻪ ﻟﻠﻤﻜﺘﺐ ﻭﺭﺟﻌﺖ ﺑﺎﻟﻠﻴﻞ ﻭﺍﺧﺬﺕ ﺍﻟﻜﻴﻜﻪ
ﺯﻳﺪ ﺍﺗﺰﻭﺝ ﻭﺟﻨﺖ ﻓﺮﺣﺎﻥ ﺑﻠﻜﻲ ﺍﺗﺎﻳﺲ ﻣﻨﻪ ﻭﺗﻨﺴﺎﻩ ﻭﻟﻮ ﻫﺬﺍ ﺍﻟﺸﻲ ﻣﺴﺘﺤﻴﻞ ﺍﻧﻲ ﻣﺘﺎﻛﺪ ﻻﻥ ﻭﺍﺿﺢ ﻋﻠﻴﻬﺎ ﺍﻟﺤﺐ
ﺑﻌﺪ ﻣﺮﺣﺖ ﻻﻫﻠﻲ ﺧﻼﻝ ﺍﺳﺒﻮﻉ
ﺑﺲ ﻳﻮﻡ ﺍﻟﺨﻤﻴﺲ ﺟﻨﻪ ﻛﺎﻋﺪﻳﻦ ﺍﻧﻲ ﻭﺍﻟﻮﺍﻟﺪ ﺑﺎﻟﻤﻜﺘﺐ
ﻭﺧﺎﺑﺮ ﻋﻤﻲ ﻉ ﺍﺑﻮﻳﻪ
ﻭﺧﺒﺮﻩ ﺑﺎﺟﺮ ﻳﻤﺮ ﻋﻠﻴﻨﻪ ﻭﺧﺒﺮﻩ ﺍﻫﻢ ﺷﻲ ﻣﻴﺸﻮﻑ ﻣﻼﻙ ﺍﺑﺪ
ﺟﻨﻪ ﻣﺘﻔﺎﺟﺄﻳﻦ ﺑﺎﻟﺠﻴﻪ ﻣﺎﻟﺘﻪ ﺷﻌﻨﺪﻩ ﻭﻟﻴﺶ ﻳﺠﻲ ﻻﻥ ﻣﻮ ﻣﻦ ﻋﻮﺍﻳﺪﻩ
ﻛﻠﻲ ﺍﺑﻮﻳﻪ ﺷﻠﻮﻥ ﻧﺨﺒﺮﻫﺎ ﺧﻄﻴﻪ
ﻛﺎﻝ ﺍﻧﻲ ﺻﻌﺒﻪ ﻋﻠﻴﻪ ﺍﺣﺠﻲ ﻭﻳﺎﻫﺎ
ﻛﺘﻠﻪ ﺍﺗﺮﻙ ﺍﻟﻤﻮﺿﻮﻉ ﻋﻠﻴﻪ
ﻭﻓﻌﻼ ﺣﺠﻴﺖ ﻭﻳﺎﻫﺎ ﻭﺷﻔﺖ ﺍﻟﺤﺰﻥ ﺑﻌﻴﻮﻧﻬﺎ ﻭﺍﺿﺢ
ﻃﻠﺒﺖ ﻣﻨﻬﺎ ﻣﺘﻨﺰﻝ ﺍﺑﺪ
ﺛﺎﻧﻲ ﻳﻮﻡ ﺍﺟﻴﺖ ﻳﻢ ﺍﻫﻠﻲ ﻣﻦ ﺍﻟﺼﺒﺢ ﺍﻧﻲ ﻭﻟﺠﻴﻦ
ﻭﺍﺟﻮﻱ ﺑﻴﺖ ﻋﻤﻲ ﻭﺍﺗﻔﺎﺟﺄﻧﻪ ﺑﻄﻠﺐ ﻋﻤﻲ ﻃﻠﺐ ﺍﻳﺪ ﻧﺮﻣﻴﻦ ﺍﺧﺘﻲ ﻻﺑﻨﻪ ﻣﺎﻫﺮ
ﻛﻤﻠﻨﻪ ﺍﻟﻐﺪﻩ ﻭﻛﺎﻋﺪﻳﻦ ﻧﺴﻮﻟﻒ ﻓﺠﺄﻩ ﻧﺰﻟﺖ ﻣﻼﻙ
ﻭﺣﻀﻨﺖ ﺍﻣﻬﺎ ﻭﺟﺎﻧﺖ ﺍﻣﻬﺎ ﺟﺎﻣﺪﻩ ﻣﻦ ﻧﺎﺣﻴﺘﻬﺎ
ﺑﻌﺪﻫﺎ ﻋﻤﻲ ﺿﺮﺑﻬﺎ ﻭﺳﻤﻌﻬﺎ ﻛﻼﻡ ﻣﻮ ﺣﻠﻮ
ﺍﻟﺼﺮﺍﺣﻪ ﺣﻴﻞ ﺿﺠﺖ ﻋﻠﻴﻬﺎ ﻭﺍﻧﻘﻬﺮﺕ ﺑﺲ ﻣﺎﺑﻴﺪﻱ ﺣﻴﻠﻪ
ﺑﻌﺪﻫﺎ ﺻﻌﺪﺕ ﻭﺑﻘﻴﻨﻪ ﻧﺴﻮﻟﻒ ﻉ ﺍﻟﺨﻄﻮﺑﻪ
ﺻﻌﺪﺗﻠﻬﺎ ﻧﺮﻣﻴﻦ ﻭﺍﺧﺬﺗﻠﻬﺎ ﺍﻟﻐﺪﻩ
ﺑﺲ ﺭﻓﻀﺖ ﻭﻣﺎﺍﻛﻠﺖ ﺍﺑﺪ
ﻭﺭﻩ ﻓﺘﺮﻩ ﺭﺍﺡ ﻋﻤﻲ ﻣﻘﺒﻞ ﻳﺒﺎﺕ
ﻣﺎﻣﺎ ﺟﺎﻧﺖ ﺭﺍﻓﻀﻪ ﺍﻟﺨﻄﻮﺑﻪ ﻧﻬﺎﺋﻲ
ﺑﺲ ﺑﺎﺑﺎ ﻣﺼﻤﻢ ﻭﻛﺎﻝ ﻣﺎﺍﻛﺪﺭ ﺍﺭﻓﺾ ﻭﺍﻟﻮﻟﺪ ﺣﺒﺎﺏ ﻭﻣﻮﺿﻒ
ﺍﻧﻲ ﻫﻢ ﻣﺜﻞ ﺑﺎﺑﺎ ﺭﺍﻳﻲ ﺍﻟﻮﻟﺪ ﻣﺎﺑﻲ ﻟﻮﻟﻪ ﻣﺎﻋﻨﺪﻱ ﻣﺎﻧﻊ
ﺑﻘﻴﻨﻪ ﻧﺘﻨﺎﻗﺶ ﻭﻧﻘﻨﻊ ﻣﺎﻣﺎ
ﺍﺫﻥ ﻭﺻﻠﻴﻨﻪ ﻭﺑﻌﺪﻫﺎ ﺍﺗﻌﺸﻴﻨﺎ
ﻧﺴﻴﺖ ﻣﻼﻙ ﺣﺘﻰ ﺟﺎﻧﺖ ﺑﺪﻭﻥ ﺍﻛﻞ
ﻛﻠﻲ ﺍﺑﻮﻳﻪ ﻻﺯﻡ ﺗﺎﺧﺬﻫﺎ ﻭﻳﺎﻙ ﻟﺒﻴﺘﻚ ﺍﻓﻀﻞ ﺍﻟﻬﺎ ﺣﺘﻰ ﻣﺘﻨﻬﺎﻥ ﺩﺍﺋﻤﺎ
ﻭﺍﻛﻴﺪ ﺭﺍﺡ ﻳﺘﻮﺍﺟﺪﻭﻥ ﺩﺍﺋﻤﺎ ﺑﻴﺖ ﻋﻤﻚ
ﻭﻣﺎﺍﺣﺐ ﺑﻌﺪ ﺗﺼﻴﺮ ﻣﻮﺍﺟﻬﺎ ﺑﻴﻨﻬﻢ
ﺻﺎﺭ ﻳﺎﺑﻪ ﺍﻧﻲ ﺍﺣﺠﻲ ﻭﻳﺎﻫﺎ ﻭﺍﺧﺬﻫﺎ
ﺻﻌﺪﺕ ﻳﻤﻬﺎ ﻭﻛﺴﺮﺕ ﺍﻟﺒﺎﺏ ﺍﺑﺪ ﻣﻔﺘﺤﺖ ﺍﻟﺒﺎﺏ
ﺑﺎﻟﻲ ﺭﺍﺡ ﻟﺒﻌﻴﺪ ﻛﻠﺖ ﺍﺧﺎﻑ ﺍﻧﺘﺤﺮﺕ
ﻋﻘﻠﻲ ﻭﻛﻒ ﺭﺩﺕ ﺍﻛﺴﺮ ﺍﻟﺒﺎﺏ
ﺑﺲ ﺑﺎﺧﺮ ﻟﺤﻀﻪ ﻓﺘﺤﺘﻪ
ﻭﺟﺎﻧﺖ ﻋﻴﻮﻧﻬﺎ ﻣﻮﺭﻣﺎﺕ ﻣﻦ ﺍﻟﺒﺠﻲ
ﻭﺍﻟﻈﺎﻫﺮ ﺟﺎﻧﺖ ﻧﺎﻳﻤﻪ
ﺣﺠﻴﺖ ﻭﻳﺎﻫﺎ ﻭﺭﻓﻀﺖ ﺑﺲ ﺍﺑﻮﻳﻪ ﻛﺪﺭ ﻳﻘﻨﻌﻬﺎ
ﺭﺣﻨﻪ ﻟﻠﺒﻴﺖ ﻭﺩﺧﻠﻨﻪ ﻗﺮﺭﺕ ﺑﺎﺟﺮ ﺍﺷﺘﺮﻱ ﻏﺮﻓﻪ ﺍﻟﻬﺎ
ﺩﺧﻠﺖ ﻟﻠﻐﺮﻓﻪ
ﻭﻟﺠﻴﻦ ﺑﺪﺕ ﺗﺎﻛﻞ ﻛﻠﺒﻲ
ﺷﻨﻮ ﺟﺒﺘﻬﺎ ﻭﻟﻴﺶ
ﻭﻧﺮﻳﺪ ﻧﺎﺧﺬ ﺭﺍﺣﺘﻨﻪ
ﺑﻘﻴﺖ ﺍﺣﺠﻲ ﻋﻠﻴﻬﺎ ﻭﻛﺘﻠﻬﺎ ﻟﺘﺪﺧﻠﻴﻦ
ﻭﻣﺎﺍﺭﻳﺪ ﻣﺸﺎﻛﻞ ﺍﺑﻴﻨﺎﺗﺠﻦ ﺍﺑﺪ
ﻃﻠﻌﺖ ﺍﺗﻮﺿﺖ ﻭﺭﺍﺣﺖ ﺗﺼﻠﻲ ﺗﺬﻛﺮﺕ ﻣﻤﺎﻛﻠﻪ ﺷﻲ
ﺭﺣﺖ ﻳﻤﻨﻪ ﻣﻄﻌﻢ ﺟﺒﺘﻠﻬﺎ ﻟﻔﺘﻴﻦ ﻛﺺ ﻭﻗﻮﻃﻴﻪ ﻣﻴﺮﻧﺪﺍ
ﻭﺟﺒﺘﻠﻬﺎ ﺣﻠﻮﻳﺎﺕ ﻣﻦ ﺍﻟﺴﻮﺑﺮ ﻣﺎﺭﻛﺖ
ﻛﻠﺖ ﺧﻄﻴﻪ ﺍﻛﻴﺪ ﺗﺴﺘﺤﻲ
ﻟﻜﻴﺘﻬﺎ ﺗﺼﻠﻲ
ﺍﺑﺎﻭﻉ ﻋﻠﻴﻬﺎ ﻭﻫﻲ ﺑﺎﻻﺣﺮﺍﻡ ﻣﺜﻞ ﺍﻟﻤﻼﻙ
ﺣﻠﻮﻩ ﺑﺸﻜﻞ ﻛﻠﺸﻲ ﺑﻴﻬﺎ ﻳﻌﺠﺒﻨﻲ
ﻃﻠﺒﺖ ﻣﻨﻬﺎ ﺗﺎﻛﻞ ﻭﺗﺎﺧﺬ ﺭﺍﺣﺘﻬﺎ ﺑﺎﻟﺒﻴﺖ
ﻭﻛﺘﻠﻬﺎ .....
ﻣﻼﻙ ﺍﻟﻲ ﺍﻃﻠﺒﻪ ﻣﻨﺞ ﺍﻱ ﺷﻲ ﻳﺼﻴﺮ ﺑﻴﻨﺞ ﻭﺑﻴﻦ ﻟﺠﻴﻦ ﺗﺨﺒﺮﻧﻲ ﺑﻲ
ﻟﺘﻀﻤﻴﻦ ﺷﻲ ﻋﻠﻴﻪ
ﻭﺍﺫﺍ ﺣﺎﻭﻟﺖ ﺍﺗﺎﺫﻳﺞ ﺑﺲ ﻛﻮﻟﻲ ﻭﺷﻮﻓﻲ ﺷﺮﺍﺡ ﺍﺳﻮﻱ ﺑﻴﻬﺎ
ﺍﺑﺪ ﻣﺎﺣﺠﺖ ﺷﻲ
ﻋﻔﺘﻬﺎ ﻭﻃﻠﻌﺖ
ﺭﺣﺖ ﻟﻠﻐﺮﻓﻪ ﻟﻜﻴﺖ ﻟﺠﻴﻦ ﻻﺑﺴﻪ ﻣﻼﺑﺲ ﻧﻮﻡ ﻭﺧﺎﺑﺼﻪ ﺍﻟﺪﻧﻴﻪ
ﺍﺳﺘﻐﺮﺑﺖ ﺍﺷﻮ ﻳﻮﻣﻴﻪ ﻣﻦ ﺗﻄﻠﻊ ﺑﻜﺎﻣﻞ ﺍﻧﺎﻗﺘﻬﺎ ﺑﺲ ﻳﻤﻲ ﻋﺒﺎﻟﻚ ﺭﺟﺎﻝ
ﻛﻠﺖ ﺍﻛﻴﺪ ﺍﻟﻐﻴﺮﻩ ﺍﺷﺘﻐﻠﺖ
ﺍﺗﻘﺮﺑﺖ ﻋﻠﻴﻬﺎ ﻭﺑﻌﺪﻫﺎ ﺳﺒﺤﺖ ﻭﻧﻤﺖ
ﺛﺎﻧﻲ ﻳﻮﻡ ﻛﻌﺪﺕ ﻣﺘﺎﺧﺮ ﻻﻥ ﺳﺒﺖ ﻭﻣﺎﻛﻮ ﺩﻭﺍﻡ
ﺍﺧﺬﺕ ﻣﻼﺑﺲ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ
ﻃﻠﻌﺖ ﺷﻔﺖ ﻣﻼﻙ ﻛﺒﺎﻟﻲ ﺗﻨﻈﻒ ﺑﺎﻟﺒﻴﺖ
ﻟﺠﻴﻦ ﻝ 12 ﻳﻠﻪ ﺗﻜﻌﺪ ﺍﺫﺍ ﻣﺎﻛﻮ ﺩﻭﺍﻡ
ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ
ﺍﺳﻮﻳﻠﻚ ﺭﻳﻮﻙ
ﺍﻱ ﻭﺍﻟﻠﻪ ﻳﺎﺭﻳﺖ ﻭﻟﻮ ﺍﺗﻌﺒﺞ ﻭﻳﺎﻳﻪ
ﻻ ﻋﺎﺩﻱ ﻣﺎﻛﻮ ﻣﺸﻜﻠﻪ
ﺭﺍﺣﺖ ﻟﻠﻤﻄﺒﺦ
ﺍﻧﻲ ﻣﺘﺎﻛﺪ ﻣﺘﻨﺪﻝ ﺷﻲ
ﺭﺣﺖ ﻭﺭﺍﻫﺎ
ﻟﻜﻴﺖ ﺍﻟﻤﻄﺒﺦ ﻣﺴﻮﻳﺘﻪ ﻳﺨﺒﻞ
ﻣﺮﺗﺒﺘﻪ ﻭﻣﻨﻈﻔﺘﻬﺎ
ﻣﻼﻙ ﺍﺳﻤﻌﻴﻨﻲ
ﺍﻧﻲ ﺟﺒﺘﺞ ﻫﻨﺎ ﻣﻌﺰﺯﻩ ﻣﻜﺮﻣﻪ ﺑﺼﻔﺘﺞ ﺑﻨﺖ ﻋﻤﻲ
ﻣﺎﺟﺒﺘﺞ ﺧﺪﺍﻣﻪ
ﺍﺗﺼﺮﻓﻲ ﻛﺎﻧﻮ ﺍﺑﻴﺘﺞ ﻭﻻ ﺗﺘﻘﻴﺪﻳﻦ
ﻭﻫﻮ ﻛﺬﻟﻚ ﻣﺪﺍﻡ ﺑﻴﺘﻲ ﺍﻧﻈﻒ ﻋﺎﺩﻱ ﻣﺎﻋﻨﺪﻱ ﻣﺸﻜﻠﻪ ﺑﺎﻟﺘﻨﻈﻴﻒ
ﺷﺘﺤﺐ ﺗﺘﺮﻳﻚ
ﺳﻮﻳﻠﻲ ﺑﻴﻀﻪ ﻭﺣﺪﻩ ﻋﻴﻦ
ﺗﻌﺮﻓﻴﻦ ﻟﻮ ﻻ
ﺍﻱ ﺍﻋﺮﻑ ﺍﻛﻴﺪ
ﺳﻮﺗﻠﻲ ﺍﻟﺮﻳﻮﻙ ﻭﺻﺒﺘﻠﻲ ﺟﺎﻱ
ﻭﺣﻄﺘﻪ ﻛﺪﺍﻣﻲ
ﻭﺍﻧﺖ ﺍﺗﺮﻳﻜﺘﻲ ﻟﻮ ﺑﻌﺪﺝ
ﻻ ﺍﻧﻲ ﻣﺎﺍﺗﺮﻳﻚ ﻣﻦ ﺍﻟﺼﺒﺢ
ﺑﺪﻳﺖ ﺍﺗﺮﻳﻚ
ﺷﺎﺳﻮﻱ ﻟﻠﻐﺪﻩ
ﺍﻧﻲ ﺍﺟﻴﺐ ﺟﺎﻫﺰ ﻭﻳﺎﻱ ﻟﺘﻌﺒﻴﻦ ﻧﻔﺴﺞ
ﻻ ﻭﺍﻟﻠﻪ ﺍﻟﻬﻲ ﻧﻔﺴﻲ ﺑﺎﻟﻄﺒﺦ ﻭﺍﻟﺘﻨﻈﻴﻒ
ﻟﻌﺪ ﻉ ﺭﺍﺣﺘﺞ ﺷﺘﺴﻮﻳﻦ ﺳﻮﻱ
ﺭﻭﺣﻲ ﺷﻮﻓﻲ ﺍﻟﺜﻼﺟﻪ ﻭﺍﻟﻤﺠﻤﺪﻩ ﺷﺒﻴﻬﻦ
ﻭﺍﻱ ﺷﻲ ﺗﺤﺘﺎﺟﻴﻦ ﻣﻦ ﺍﻟﻤﺴﻮﺍﻙ ﻛﻮﻟﻲ ﻻﻥ ﺭﺍﺡ ﺍﻃﻠﻊ ﻟﻠﺴﻮﻙ ﻫﺴﻪ
ﻛﻠﺘﻠﻲ ﺟﻴﺐ ﻭﻳﺎﻙ ﻭﺭﻕ ﻟﻠﺪﻭﻟﻤﻪ ﺍﺳﻮﻱ ﺑﺎﺟﺮ
ﻭﺑﻌﺪ
ﺑﻜﻴﻔﻚ ﺷﺘﺠﻴﺐ ﺟﻴﺐ ﻭﺍﻟﻠﻪ ﻣﺎﺍﺩﺭﻱ ﺷﻤﺤﺘﺎﺟﻴﻦ
ﻛﻤﻠﺖ ﺍﻟﺮﻳﻮﻙ ﻭﺑﺪﻟﺖ ﻭﻃﻠﻌﺖ
ﺭﺣﺖ ﻟﻠﺴﻮﻙ ﺍﻭﻝ ﺷﻲ ﺍﺷﺘﺮﻳﺖ ﻏﺮﻓﺔ ﺍﺧﺸﺎﺏ ﺗﺮﻛﻴﻪ ﻭﺍﺗﻔﻘﺖ ﻭﻱ ﺍﻟﺮﺟﺎﻝ ﺏ 2 ﻳﺠﻮﻥ ﻳﺸﺪﻭﻫﺎ ﻭﺑﻌﺪﻫﺎ ﺭﺣﺖ ﺍﺷﺘﺮﻳﺖ ﺑﺮﺩﻩ ﺑﻠﻮﻥ ﺍﻟﻐﺮﻓﻪ
ﻭﺑﻌﺪﻫﺎ ﺍﺳﻮﻛﺖ ﻟﻠﺒﻴﺖ ﻛﻠﺸﻲ ﺟﺒﺖ ﻛﻠﺖ ﺧﻠﻲ ﺗﻄﺒﺦ ﻣﻼﻙ ﺣﺘﻰ ﻟﻮ ﻣﻮ ﻃﻴﺐ ﺍﻫﻢ ﺷﻲ ﻃﺒﺦ ﺑﻴﺖ
ﻻﻥ ﺍﻧﻲ ﻣﻠﻴﺖ ﻣﻦ ﺍﻛﻞ ﺍﻟﻤﻄﺎﻋﻢ
ﻻﻥ ﻟﺠﻴﻦ ﻭﻻ ﺗﻌﺮﻑ ﺗﻄﺒﺦ ﻭﻻ ﺗﺮﻳﺪ ﺗﺘﻌﻠﻢ
ﻭﻣﻠﻴﺖ ﻭﻳﺎﻫﺎ ﺣﺘﻰ ﻟﺨﺎﻟﻲ ﻛﻠﺘﻠﻪ ﻭﻟﻤﺎﻣﺎ ﺑﺲ ﺑﺪﻭﻥ ﻓﺎﻳﺪﻩ
ﺟﻨﺖ ﺣﻴﻞ ﻓﺮﺣﺎﻥ ﺑﻮﺟﻮﺩ ﻣﻼﻙ ﻳﻤﻲ
ﻣﺮﻳﺖ ﺑﺎﻟﺴﻮﺑﺮ ﻣﺎﺭﻛﺖ ﻭﺍﺷﺘﺮﻳﺖ ﺍﺟﺒﺎﻥ ﻭﻗﺸﻄﻪ ﻭﺣﻠﻮﻳﺎﺕ
ﺑﻌﺪﻫﺎ ﻣﺮﻳﺖ ﻉ ﻣﺤﻞ ﺻﺎﺣﺒﻲ ﻳﺒﻴﻊ ﺍﺟﻬﺰﻩ ﻛﻬﺮﺑﺎﺋﻴﻪ ﺍﺷﺘﺮﻳﺖ ﻣﻨﻪ ﺑﻼﺯﻣﺎ ﻭﺳﺘﻼﻳﺖ ﻭﺛﻼﺟﻪ ﺍﺭﻳﺪﻫﻦ ﻟﻐﺮﻓﺔ ﻣﻼﻙ
ﺑﻌﺪﻫﺎ ﻣﺮﻳﺖ ﻉ ﺍﻟﺨﺒﺎﺯ ﻭﺟﺒﺖ ﺧﺒﺰ ﻭﺭﺟﻌﺖ
ﻟﻜﻴﺖ ﺭﻳﺤﻪ ﻃﻴﺒﻪ ﻣﺎﻟﺖ ﺍﻟﻄﺒﺦ
ﻭﻟﺠﻴﻦ ﺑﻌﺪﻫﻲ ﻧﺎﻳﻤﻪ
ﻛﺘﻠﻬﺎ ﺍﺑﻘﻲ ﺑﺎﻟﻤﻄﺒﺦ ﻻﺍﻃﻠﻌﻴﻦ
ﺩﺧﻞ ﺍﻟﻮﻟﺪ ﺍﻟﺒﻼﺯﻣﺎ ﻭﺍﻟﺴﺘﻼﻳﺖ ﻭﺍﻟﺜﻼﺟﻪ ﺧﻼﻫﻦ ﺑﺎﻟﺼﺎﻟﻪ
ﻭﻃﻠﻊ ﺍﻟﻮﻟﺪ
ﻛﺘﻠﻬﺎ ﺍﻃﻠﻌﻲ ﺍﺫﺍ ﺗﺮﺩﻳﻦ
ﻧﺰﻟﺖ ﺍﻟﻤﺴﻮﺍﻙ
ﺑﺪﺕ ﺗﺼﻔﻲ ﺑﻲ ﻟﻜﻴﺖ ﻣﻨﻈﻔﻪ ﺍﻟﺜﻼﺟﻪ ﻭﻣﻄﻠﻌﻪ ﻛﻞ ﺍﻟﻐﺮﺍﺽ ﺍﻟﺒﻴﻬﺎ
ﺭﺗﺒﺖ ﻛﻮﻟﺸﻲ
ﻫﻢ ﺟﺒﺖ ﻭﻳﺎﻙ ﺭﻭﺑﻪ ﻻﻥ ﻣﻄﺒﺨﺖ ﻣﺮﻙ
ﺑﺲ ﺑﺮﻳﺎﻧﻲ ﻭﻻﺯﻡ ﺭﻭﺑﻪ
ﻻ ﻣﺎﺟﺒﺖ ﻫﺴﻪ ﺍﺭﻭﺡ ﻟﻠﻤﺤﻞ ﺍﻟﻴﻤﻨﻪ
ﺑﺮﺩﺕ ﺍﻟﺨﺒﺰ ﻭﺿﻤﺘﻪ ﺭﺣﺖ ﺟﺒﺖ ﺭﻭﺑﻪ
ﻛﻤﻠﺖ ﻛﻠﺸﻲ ﻫﻲ ﻭﺍﺑﺎﻭﻉ ﻉ ﺍﻟﺴﺎﻋﻪ ﺏ 12 ﺍﻟﻰ ﺭﺑﻊ
ﻛﺘﻠﻬﺎ ﺗﻌﺎﻟﻲ ﺧﻠﻲ ﻧﺸﻴﻞ ﺍﻟﻔﺮﺍﺵ ﻣﺎﻟﺖ ﺍﻟﻐﺮﻓﻪ ﻻﻥ ﺏ 2 ﻳﺠﻮﻥ ﻳﻨﺼﺒﻮﻥ ﺍﻟﻐﺮﻓﻪ
ﻭﺍﻟﻠﻪ ﻣﺎﻛﻮ ﺩﺍﻋﻲ ﻛﺘﻠﻚ ﺧﻠﻴﻨﻲ ﻫﻴﺞ
ﺍﺱ ﻭﻻ ﺣﺮﻑ
ﺩﺧﻠﻨﻪ ﻟﻠﻐﺮﻓﻪ ﺍﻟﻔﺮﺍﺵ ﺣﻴﻞ ﺛﻜﻴﻞ ﻭﺍﻧﻲ ﻣﺘﺎﻛﺪ ﻣﺎﺗﻜﺪﺭﻟﻪ ﺑﻮﺣﺪﻫﺎ
ﻧﻀﻔﺘﻪ ﻭﻃﻠﻌﺖ ﺟﻨﻄﺘﻬﺎ ﻭﻏﺮﺍﺿﻬﺎ
ﻟﻤﻴﻨﺎ ﻭﻃﻠﻌﻨﺎ
ﺑﻌﺪﻫﺎ ﺻﻌﺪﺗﻪ ﺑﻮﺣﺪﻱ ﻟﻠﻤﺨﺰﻥ
ﻧﺰﻟﺖ ﻟﻜﻴﺖ ﻟﺠﻴﻦ ﻛﺎﻋﺪﻩ
ﻭﺗﺤﺠﻲ ﺷﻨﻮ ﻫﺎﻟﻬﻮﺳﻪ ﻭﺷﻨﻮ ﻫﺎﻻﺯﻋﺎﺝ ﻣﻦ ﺍﻟﺼﺒﺢ
ﻟﺞ ﻳﺎﺻﺒﺢ ﻫﺬﺍ ﺷﻮﻓﻲ ﺑﻴﺶ ﺍﻟﺴﺎﻋﻪ
ﺍﻱ ﻳﺎﺣﺒﻴﺒﻲ ﻳﺎﻋﻼﻭﻱ ﺍﻟﻴﻮﻡ ﻏﻴﺮ ﻋﻄﻠﻪ ﻳﻌﻨﻲ ﺷﻜﻌﺪﻙ ﻣﻦ ﺍﻟﺼﺒﺢ
ﻣﻮ ﻭﺭﺍﻳﻪ ﻛﻮﻣﺔ ﺷﻐﻞ
ﺭﻭﺣﻲ ﻓﻀﻴﻬﺎ ﺏ 2 ﻳﺠﻮﻥ ﻳﺠﻴﺒﻮﻥ ﺍﻟﻐﺮﻓﻪ
ﻫﺎﻱ ﻳﺎﻏﺮﻓﻪ
ﻏﺮﻓﻪ ﻟﻤﻼﻙ
ﻭﺍﻟﻠﻪ ﻋﻤﻲ ﺣﻈﻮﻅ
ﻭﻳﻦ ﻻﻛﻴﺘﻬﺎ ﻫﻴﺞ ﻋﻴﺸﻪ
ﻟﺠﻴﻦ ﺍﻧﻌﻠﻲ ﺍﻟﺸﻴﻄﺎﻥ ﻭﺍﺳﻜﺘﻲ ﺍﺣﺴﻦ ﺍﻟﺞ
ﻏﻴﺮﺕ ﺍﻟﻤﻮﺿﻮﻉ
ﻣﺘﺮﻳﻚ ﺣﺒﻴﺒﻲ ﻟﻮ ﺑﻌﺪﻙ
ﺗﺮﻳﻜﺖ ﻣﻦ ﺯﻣﺎﻥ ﻭﻫﺴﻪ ﺧﻞ ﻧﺼﻠﻲ ﻭﺭﺍﻫﺎ ﻧﺘﻐﺪﻩ ﻋﻮﻓﻲ ﺍﻟﺮﻳﻮﻙ
ﺍﻭﻙ ﺣﺒﻲ
ﺻﻠﻴﻨﻪ ﻭﺻﺒﺖ ﺍﻟﻐﺪﻩ ﻣﻼﻙ
ﺟﺎﻧﺖ ﻣﺴﻮﻳﻪ ﺑﺮﻳﺎﻧﻲ ﻣﺎﻟﺖ ﻟﺤﻢ ﻭﺳﻮﺏ ﻭﻳﺎ ﻭﺯﻻﻃﻪ ﻭﺧﻀﺮﻩ ﻭﺭﻭﺑﻪ
ﻳﻤﻜﻦ ﺟﺎﻥ ﺑﺎﻟﻨﺴﺒﻪ ﺍﻟﻲ ﺍﻃﻴﺐ ﻏﺪﻩ
ﺟﺎﻥ ﻃﻴﺐ ﺑﺸﻜﻞ
ﻃﺒﻌﺎ ﺭﻓﻀﺖ ﻣﺎﺍﻛﻠﺖ ﻭﻳﺎﻧﻪ
ﺧﻠﺼﻨﻪ ﻭﻃﻠﺒﺖ ﻣﻦ ﻟﺠﻴﻦ ﺗﻐﺴﻞ ﺍﻟﻤﻮﺍﻋﻴﻦ
ﻭﻛﺘﻠﻬﺎ ﺳﺎﻋﺪﻳﻬﺎ ﺑﺎﻟﺘﻨﻈﻴﻒ ﻭﺍﻟﻌﺸﺎ ﻋﻠﻴﺞ
ﻭﻫﻲ ﺍﻟﻐﺪﻩ ﺍﻃﺒﺨﻪ
ﺍﻧﻲ ﺷﻔﺘﻬﺎ ﻟﺠﻴﻦ ﻓﺮﺣﺎﻧﻪ ﻣﻦ ﺷﺎﻓﺖ ﺍﻟﻐﺪﻩ ﻣﻄﺒﻮﺥ ﻭﺍﻟﻤﻄﺒﺦ ﻧﻀﻴﻒ
ﻛﺘﻠﻬﺎ ﻣﺎﺍﺣﺐ ﺗﺼﻴﺮ ﻣﺸﺎﻛﻞ ﺑﻴﻨﺎﺗﺠﻦ
ﻛﺎﻟﺖ ﻻ ﻭﻋﻠﻴﺶ ﺍﻟﻤﺸﺎﻛﻞ ﺍﺣﺴﺒﻬﺎ ﺧﺪﺍﻣﻪ
ﻛﺘﻠﻬﺎ ﺷﻨﻮ ﺍﻛﻠﺐ ﺍﻟﺪﻧﻴﺎ ﺍﺫﺍ ﻋﺪﺗﻴﻬﺎ ﻫﺎﻱ ﺍﻟﺤﺠﺎﻳﻪ
ﺑﻨﺖ ﻋﻤﻲ ﻭﺯﻭﺟﺘﻲ ﺣﺎﻟﻬﺎ ﺣﺎﻟﺞ ﺑﺎﻟﺒﻴﺖ
ﺍﺷﻚ ﺣﻠﻜﺞ ﺍﺫﺍ ﺣﺴﺒﺘﻴﻬﺎ ﺧﺪﺍﻣﻪ
ﻭﺷﺪﻋﻮﻩ ﻋﻠﻴﻚ ﻫﺴﻪ ﺍﻧﻲ ﺷﺤﺠﻴﺖ
ﻣﺘﻌﻴﺪﻳﻬﺎ ﻫﺎﻱ ﺍﻟﺤﺠﺎﻳﻪ ﺍﺑﺪ
ﺻﺎﺭ ﺣﺒﻴﺒﻲ ﺍﻫﻢ ﺷﻲ ﻟﺘﻐﺚ ﻧﻔﺴﻚ
ﺷﺮﺑﺖ ﺟﺎﻱ ﻭﺭﻩ ﺷﻮﻳﻪ ﺍﺗﺼﻠﻮ ﺑﻴﻪ ﻉ ﻣﻮﺩ ﺍﻟﻐﺮﻓﻪ
ﻃﻠﺒﺖ ﻣﻦ ﻣﻼﻙ ﺗﻄﻠﻊ ﻣﻦ ﺍﻟﻐﺮﻓﻪ
ﺭﻭﺣﻲ ﻳﻢ ﻟﺠﻴﻦ ﺑﺎﻟﻐﺮﻓﻪ ﻭﺍﺑﺪ ﻟﻄﻠﻌﻴﻦ
ﻻ ﺭﺍﺡ ﺍﺑﻘﻰ ﺑﺎﻟﻤﻄﺒﺦ
ﻉ ﺭﺍﺣﺘﺞ
ﺑﺲ ﺍﺗﻐﺪﻱ ﻟﺘﺒﻘﻴﻦ ﺻﺎﻳﻤﻪ
ﺍﻥ ﺷﺎﺀ ﺍﻟﻠﻪ
ﺑﺲ ﺟﻬﺰﻳﻨﻪ ﺑﺒﺴﻲ ﻟﻠﻌﻤﺎﻝ
ﺍﻭﻙ
ﺍﻛﻮﻝ ﺻﺪﻙ ﺗﻜﺪﺭﻳﻦ ﺗﺴﻮﻳﻦ ﻛﻴﻜﻪ ﻭﻟﻮ ﻛﺎﻋﺪ ﺍﺗﻌﺒﺞ ﻭﻳﺎﻱ
ﻻ ﻋﺎﺩﻱ ﻻﺗﻌﺐ ﻭﻻﺷﻲ ﺍﺻﻼ ﺍﺗﻠﻬﺎ ﺑﻴﻬﺎ ﻳﺎﺭﻳﺖ
ﺑﺲ ﺍﻛﻮ ﻃﺤﻴﻦ ﺻﻔﺮ ﺑﻴﻜﻨﻚ ﺑﺎﻭﺩﺭ
ﻻ ﻣﺎﻛﻮ ﻻﻥ ﻣﺤﺪ ﻳﺤﺘﺎﺝ ﻫﺎﻱ ﺍﻻﺷﻴﺎﺀ
ﻫﺎﺝ ﺍﻟﻤﻮﺑﺎﻳﻞ ﻭﺳﺠﻠﻲ ﺍﻻﺷﻴﺎﺀ ﺍﻟﺘﺤﺘﺎﺟﻴﻬﻦ ﺧﻞ ﺍﺟﻴﺒﻬﻦ ﺍﻟﺞ ﻗﺒﻞ ﻟﻴﺠﻮﻥ ﺍﻟﻮﻟﺪ
ﻛﺘﺒﺘﻠﻲ ﺍﻟﺘﺤﺘﺎﺟﻬﻦ ﻭﺭﺣﺖ ﺟﺒﺘﻬﻦ ﺍﻟﻬﺎ
ﺍﺗﺼﻠﺖ ﺑﺎﺑﻮﻳﻪ ﻭﻛﺘﻠﻪ ﺭﻭﺡ ﻟﻠﻤﻜﺘﺐ ﻭﺣﺪﻙ ﻣﺎﺍﻛﺪﺭ ﻉ ﻣﻮﺩ ﺍﻟﻐﺮﻓﻪ
ﺍﻟﺘﻬﻴﺖ ﻭﻱ ﺍﻟﻮﻟﺪ
ﻃﺒﻌﺎ ﺭﻳﺤﺔ ﺍﻟﻜﻴﻜﻪ ﺗﺮﺳﺖ ﺍﻟﺒﻴﺖ
ﺍﻧﻲ ﺍﺣﺐ ﺍﻟﻜﻴﻜﻪ ﺍﻟﻌﺎﺩﻳﻪ ﻣﺎﻟﺖ ﺍﻟﺒﻴﺖ ﻣﺎﺍﺣﺐ ﻣﺎﻟﺖ ﺍﻟﻤﺤﻼﺕ ﺍﻟﺠﺎﻫﺰﻩ
ﻣﻼﻙ : ﺣﻴﻞ ﺍﻓﺮﺣﺖ ﻣﻦ ﺟﺎﺑﻠﻲ ﻋﻠﻲ ﻟﻔﺎﺕ ﻭﺣﻠﻮﻳﺎﺕ
ﺟﻨﺖ ﺣﻴﻞ ﺟﻮﻋﺎﻧﻪ ﻭﺍﻓﺮﺣﺖ ﺍﻛﺜﺮ ﻻﻥ ﻣﻨﺴﺎﻧﻲ ﺑﺪﻭﻥ ﺍﻛﻞ
ﺍﻛﻠﺘﻬﻦ ﺍﻟﻠﻔﺘﻴﻦ ﻻﻥ ﺑﻼ ﺭﻳﻮﻙ ﻭﻻ ﻏﺪﻩ ﻭﻻ ﻋﺸﻪ
ﻭﺟﺎﻳﺒﻠﻲ ﺣﻠﻮﻳﺎﺕ ﻭﻋﻠﺒﺔ ﻧﻮﺗﻴﻼ ﻭﻧﺴﺎﺗﻞ
ﺑﻌﺪﻫﺎ ﻧﻤﺖ ﻭﻛﻌﺪﺕ ﺍﻟﺼﺒﺢ
ﻃﺒﻌﺎ ﺍﻟﺒﻴﺖ ﻫﻮﺳﻪ ﻭﻣﺒﻬﺬﻝ ﺣﻴﻞ ﻭﻣﻮ ﻧﻀﻴﻒ
ﺑﻠﺸﺖ ﺑﺎﻟﻤﻄﺒﺦ ﻧﻈﻔﺘﻪ ﻭﺭﺗﺒﺘﻪ ﻭﺍﻧﺪﻟﻴﺖ ﺍﻻﺷﻴﺎﺀ ﺑﻲ
ﺑﻌﺪﻫﺎ ﻛﻌﺪ ﻋﻠﻲ ﻭﺳﻮﻳﺘﻠﻪ ﺭﻳﻮﻙ
ﻃﺒﺨﺖ ﻟﻠﻐﺪﻩ ﺑﺮﻳﺎﻧﻲ ﻟﺤﻢ ﻭﺑﻲ ﺣﺸﻮ
ﻭﺑﻌﺪﻫﺎ ﺭﺟﻊ ﻣﻦ ﺍﻟﺴﻮﻙ
ﺍﻟﻬﺎﻧﻢ ﻟﻬﺴﻪ ﻧﺎﻳﻤﻪ
ﺍﻟﻠﻪ ﺍﻋﻠﻢ ﺷﺘﻮﻛﻠﻪ ﻳﻮﻣﻴﻪ
ﻳﻤﻜﻦ ﺷﺎﻟﻌﻪ ﻛﻠﺒﻪ
ﻛﻌﺪﺕ ﺏ 12 ﻭﺗﺘﻨﻐﻮﺹ ﻋﻠﻴﻨﻪ
ﺑﻌﺪﻫﺎ ﺍﺟﻮﻱ ﺍﻟﻮﻟﺪ ﻉ ﻣﻮﺩ ﺍﻟﻐﺮﻓﻪ ﻭﻃﻠﺐ ﻣﻨﻲ ﻋﻠﻲ ﻣﺎﺍﻃﻠﻊ
ﺻﺒﻴﺖ ﺍﻟﻲ ﻏﺪﻩ ﻭﺍﺗﻐﺪﻳﺖ
ﻭﺑﻌﺪﻫﺎ ﺳﻮﻳﺖ ﻛﻴﻜﻪ
ﻛﻤﻠﺘﻬﺎ ﻭﺭﺗﺒﺖ ﺍﻟﻤﻄﺒﺦ
ﺍﺫﻥ ﺍﻻﺫﺍﻥ ﻭﺑﻌﺪﻫﻢ ﻣﻤﻜﻤﻠﻴﻦ
ﻭﺭﺍﻫﺎ ﻛﻤﻠﻮ ﻭﺭﺍﺣﻮ ﻭﻋﻠﻲ ﺭﺍﺡ ﻭﻳﺎﻫﻢ
ﻣﺎﺍﻋﺮﻑ ﻭﻳﻦ
ﺭﺣﺖ ﺍﺗﻮﺿﻴﺖ ﻭﺻﻠﻴﺖ
ﻟﺠﻴﻦ ﻋﺒﺎﻟﻚ ﻣﻤﻮﺟﻮﺩﻩ
ﻭﺭﻩ ﻓﺘﺮﻩ ﺭﺟﻊ ﻋﻠﻲ ﻭﺟﺎﻳﺐ ﻭﻳﺎ ﻋﺸﻪ ﻭﺟﺎﻳﺐ ﻓﺮﺍﺵ ﻟﻠﺠﺮﺑﺎﻳﻪ
ﻭﺟﺎﻳﺐ ﻭﻳﺎ ﻣﺨﺎﺩ ﺍﺛﻨﻴﻦ ﻭﻓﺮﺷﻪ ﻭﺑﺮﺩﻩ ﺟﺪﻳﺪﻩ ﻭﻟﺤﺎﻑ ﺩﻳﺒﺎﺝ ﻭﻓﺮﺍﺵ ﻟﻠﻜﺎﻉ
ﺻﺎﺡ ﻟﺠﻴﻦ ﻭﻛﻠﻲ ﺗﻌﺎﻟﻲ ﻭﻳﺎﻧﻪ ﻧﺘﻌﺸﻪ
ﻣﺎﺍﺭﻳﺪ ﻫﺴﻪ ﻣﺎﺍﺷﺘﻬﻲ
ﻟﺘﻌﺎﻧﺪﻳﻦ ﺗﻌﺎﻱ ﺍﻛﻠﻲ ﻛﺒﻞ ﻟﻴﺒﺮﺩ ﺍﻻﻛﻞ
ﻭﺍﻟﻨﺒﻲ ﻣﺎﺍﺷﺘﻬﻲ ﻣﻦ ﺍﺟﻮﻉ ﺍﻛﻮﻝ
ﺭﺣﺖ ﻟﻠﻐﺮﻓﻪ ﺑﺪﻳﺖ ﺍﺭﺗﺐ ﺑﻴﻬﺎ
ﺟﺎﻧﺖ ﺍﻟﻐﺮﻓﻪ ﺗﺨﺒﻞ ﻭﻣﻨﺴﻖ ﺍﻟﻠﻮﺍﻥ ﺍﻟﻔﺮﺷﻪ ﻭﺍﻟﺒﺮﺩﻩ ﻭﻓﺮﺍﺵ ﺍﻟﻜﺎﻉ
ﺑﺪﻳﺖ ﺍﺭﺗﺐ ﻭﺣﻄﻴﺖ ﺍﻟﺒﺮﺩﻩ ﻭﻓﺮﺷﺖ ﺍﻟﻜﺎﻉ
ﻭﺭﺗﺒﺖ ﺍﻟﻔﺮﺷﻪ ﻃﻠﻌﺖ ﺍﻟﻐﺮﻓﻪ ﺗﺨﺒﻞ ﺍﺣﻠﻰ ﺑﻬﻮﺍﻱ ﻣﻦ ﻏﺮﻓﺘﻲ ﺍﻟﻲ ﺍﺑﻴﺖ ﻋﻤﻮ
ﺑﺪﻳﺖ ﺍﺭﺗﺐ ﻣﻼﺑﺴﻲ ﻭﻫﻨﻪ ﺍﺻﻼ ﻣﻌﺪﻭﺩﺍﺕ
ﻭﺭﻩ ﺷﻮﻳﻪ ﺍﻧﺪﻙ ﺍﻟﺒﺎﺏ ﻓﺘﺤﺘﻪ
ﺩﺧﻞ ﻋﻠﻲ ﺟﻮﻩ
ﮔﻠﻲ ﻋﺠﺒﺘﺞ ﺍﻟﻐﺮﻓﻪ
ﺍﻱ ﻋﺠﺒﺘﻨﻲ ﻛﻠﻮﺵ ﺣﻠﻮﻩ
ﺷﻜﺮﺍ ﺗﻌﺒﺘﻚ ﻭﻳﺎﻳﻪ
ﺗﻌﺒﺞ ﺭﺍﺣﻪ ﺗﺪﻟﻠﻴﻦ ﺑﺲ ﺍﻫﻢ ﺷﻲ ﻛﻮﻥ ﻋﺠﺒﺘﺞ ﺻﺪﻙ ﻣﺘﺠﺎﻣﻠﻴﻨﻲ
ﻻ ﻭﺍﻟﻠﻪ ﻛﻠﻮﺵ ﺣﻠﻮﻩ
ﺑﺎﺟﺮ ﺑﺎﻟﻠﻴﻞ ﺍﺧﺬﺝ ﻳﻢ ﺳﺠﺎﺩ ﻟﻠﻤﻮﻝ ﺍﺷﺘﺮﻱ ﺍﻻﺷﻴﺎﺀ ﺍﻟﻤﺤﺘﺎﺟﺘﻬﻦ
ﺑﺲ ﻣﻤﺤﺘﺎﺟﻪ ﺷﻲ
ﻟﺘﻨﺎﻗﺸﻴﻨﻲ ﺗﺠﻬﺰﻳﻦ ﻧﻔﺴﺞ ﺑﺪﻭﻥ ﺍﻋﺘﺮﺍﺽ
ﻭﻣﻨﺎﻙ ﺍﺧﺬﻱ ﻣﻼﺑﺲ ﺍﻟﺞ
ﻻ ﺍﻋﺬﺭﻧﻲ ﻣﺎﺍﺭﻭﺡ
ﺑﺲ ﺍﻧﻲ ﻣﺎﻃﻠﺒﺖ ﺭﺍﻳﺞ
ﺍﻧﻲ ﻛﺎﻋﺪ ﺍﺍﻣﺮﺝ ﺍﻓﺘﻬﻤﺘﻲ ﻟﻮ ﻻ
ﺑﺲ ﻣﺎﺍﻋﺘﻘﺪ ﺗﻜﺪﺭ ﺗﺠﺒﺮﻧﻲ ﻉ ﺷﻲ ﻣﺎﺍﺣﺐ ﺍﺳﻮﻱ
ﺑﺪﻩ ﻳﺘﻘﺮﺏ ﻋﻠﻴﻪ
ﻣﺜﻞ ﺷﻨﻮ ﺍﻟﻲ ﻣﺘﺤﺒﻴﻦ ﺍﺳﻮﻱ
ﺍﻧﻲ ﺭﺟﻌﺖ ﻭﻫﻮ ﻳﺘﻘﺪﻡ ﻋﻠﻴﻪ
ﺍﻧﻲ ﺍﻟﺸﻲ ﺍﻟﻲ ﺍﺭﻳﺪﻩ ﺍﺳﻮﻱ ﻟﻮ ﺷﻴﺼﻴﺮ
ﻭﻫﺴﻪ ﺣﺎﺏ ﺍﻋﺮﻑ ﺷﺮﺍﺡ ﺗﺴﻮﻳﻦ ﻣﻦ ﺍﺟﺒﺮﺝ ﻉ ﺷﻲ
ﺻﺎﺭ ﻗﺮﻳﺐ ﻋﻠﻴﻪ ﻟﺪﺭﺟﻪ ﺣﺴﻴﺖ ﻧﻔﺴﻪ ﺍﺧﺘﻠﻂ ﻭﻱ ﻧﻔﺴﻲ
ﺣﻴﻞ ﺍﺭﺗﺒﻜﺖ ﻭﺍﺧﺠﻠﺖ ﻣﻨﻪ
ﻭﺣﺴﻴﺖ ﻟﺴﺎﻧﻲ ﺍﻧﻌﻜﺪ ﻣﺎﺍﻛﺪﺭ ﺍﻧﻄﻖ ﻭﻻ ﺣﺮﻑ
ﻳﻨﺘﺎﺑﻨﻲ ﺷﻌﻮﺭ ﺻﻌﺐ ﺍﻭﺻﻔﻪ ﻣﻦ ﻳﺘﻘﺮﺏ ﻋﻠﻴﻪ ﻋﻠﻲ
ﺍﺣﺲ ﺍﻟﻌﺎﻟﻢ ﻳﺘﻮﻗﻒ
ﻛﺎﻡ ﻳﻤﺸﻲ ﺍﺻﺒﻌﻪ ﻉ ﻭﺟﻬﻲ
ﻭﻛﻠﻲ .... ﻭﻫﺴﻪ ﺣﺎﺏ ﺍﺷﻮﻑ ﺷﻠﻮﻥ ﺭﺍﺡ ﺗﻜﺪﺭﻳﻦ ﺗﻤﻨﻌﻴﻨﻲ
ﺣﺎﻭﻟﺖ ﺍﻓﻠﺖ ﻧﻔﺴﻲ ﻣﻨﻪ ﺑﺲ ﺣﺎﺻﺮﻧﻲ ﺑﺜﻨﻴﻦ ﺍﺩﻱ
ﺍﻧﻲ ﻣﺪﻧﻜﻪ ﺭﻓﻊ ﺭﺍﺳﻲ ﻟﻴﺶ ﻫﺎﻟﺨﺠﻞ ﻣﻨﻲ
ﺣﻴﻞ ﺍﺗﺨﺮﺑﻄﺖ ﻣﻦ ﺍﺗﻘﺮﺏ ﻋﻠﻴﻪ ﻭﺍﺣﺲ ﺑﻨﻔﺴﻲ ﺻﺨﻨﺖ
ﻗﺮﺏ ﺷﻔﺘﻪ ﻉ ﺷﻔﺘﻲ
ﻭﺑﺪﻩ ﻳﺒﻮﺳﻨﻲ ﺑﻜﻮﻝ ﻫﺪﻭﺀ
ﺍﻧﻲ ﺍﺣﺎﻭﻝ ﺍﺑﻌﺪﻩ ﻋﻨﻲ ﺑﺲ ﻣﺎﺍﻛﺪﺭﻟﻪ
ﺑﺪﻩ ﻳﺘﺠﺮﺃ ﺑﻠﻤﺴﺎﺗﻪ
ﺍﻧﻲ ﻫﻨﺎ ﻛﻤﺖ ﺍﺩﻓﺮ ﺑﻲ ﺑﺮﺟﻠﻴﻪ
ﺑﺲ ﻫﻮ ﻭﻻ ﻛﺎﻧﻮ ﻣﺴﺘﻤﺮ ﺑﺎﻟﺒﻮﺳﻪ
ﺑﻬﺎﻱ ﺍﻟﻠﺤﻀﻪ ﺣﺴﻴﻨﻪ ﺍﻟﺒﺎﺏ ﺍﻧﻔﺘﺤﺖ ﻋﻠﻴﻨﺎ
ﺻﺎﺭﺕ ﻟﺠﻴﻦ ﻛﺒﺎﻟﻨﻪ ﻭﺍﻛﻔﻪ
ﻭﺟﺎﻥ ﺗﺘﻔﺎﺟﺊ ﺑﻤﻨﻈﺮﻧﻪ ﻭﺻﺎﺭﺕ ﻭﺟﻬﺎ ﻣﺜﻞ 😤😡👈
ﻭﺟﺎﻥ .... 😜😜😜😜
ﻳﺎﺗﺮﻯ ﺷﺮﺍﺡ ﻳﻜﻮﻥ ﺭﺩﺓ ﻓﻌﻞ ﻟﺠﻴﻦ
ﻭﺷﺘﺘﻮﻗﻌﻮﻥ ﺷﻨﻮ ﺍﻻﺣﺪﺍﺙ ﺍﻟﻲ ﺗﻨﺘﻈﺮ ﻣﻼﻙ ﺍﺑﻴﺖ ﻋﻠﻲ
ﻫﻞ ﻳﺎﺗﺮﻯ ﺗﻘﻮﻯ ﺍﻟﻌﻼﻗﻪ ﺑﻴﻦ ﻣﻼﻙ ﻭﻋﻠﻲ
ﺍﻡ ﺗﻜﻮﻥ ﺑﺪﺍﻳﺔ ﺍﻟﻤﺂﺳﻲ ﺍﻟﺤﻘﻴﻘﻴﻪ ﻉ ﻣﻼﻙ
ﺍﻧﺘﻀﺮﻭﻧﻲ ﺑﺎﻟﺒﺎﺭﺕ ﺍﻟﻘﺎﺩﻡ
ﻻﺗﻨﺴﻮﻥ ﺍﻟﺘﺼﻮﻳﺖ ﺣﺒﺎﻳﺒﻲ 😘
