ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
ﺍﻟﺒﺎﺭﺕ 21
🍀🍀 ﺍﻧﻜﺴﺎﺭ ﻓﺘﺎﺓ ﺑﺮﻳﺌﻪ 🍀🍀
🍀🍀 ﻟﻠﻜﺎﺗﺒﻪ ﺭﻭﻧﻖ 🍀🍀
ﺭﺟﻌﺖ ﻟﺒﻴﺖ ﺍﻫﻠﻲ ﺑﻌﺪﻫﻢ ﻣﺠﺎﻳﻴﻦ
ﺻﻌﺪﺕ ﻟﻐﺮﻓﺔ ﻣﻼﻙ
ﺩﻛﻴﺖ ﺍﻟﺒﺎﺏ ﻃﻠﻌﺖ ﺍﻟﺒﻨﻴﻪ
ﻛﺘﻠﻬﺎ ﻣﻤﻜﻦ ﺍﻃﻠﻌﻴﻦ ﺷﻮﻳﻪ
ﻛﺎﻟﺖ ﺑﺲ ﺍﻟﻮﺍﻟﺪ ﻣﺎﻧﻊ ﺍﺣﺪ ﻳﺪﺧﻞ ﻋﻠﻴﻬﺎ ﻟﻮ ﻣﻬﻤﺎ ﻳﺼﻴﺮ
ﺑﺲ ﺍﻧﻲ ﻣﻮ ﺍﻱ ﺍﺣﺪ ﺍﻧﻲ ﺯﻭﺟﻬﺎ
ﻗﺼﺪﻙ ﻃﻠﻴﻘﻬﺎ
ﻫﺬﺍ ﺍﻟﺸﻲ ﻣﻴﺨﺼﺞ ﺍﺧﺘﻲ
ﺍﻃﻠﻌﻲ ﺑﻬﺪﻭﺀ ﺍﻓﻀﻠﺞ
ﻣﻼﻙ ﺟﺎﻧﺖ ﻧﺎﻳﻤﻪ
ﻣﺎﺍﻋﺮﻑ ﻏﺎﻓﻴﻪ ﻟﻮ ﺗﺘﻈﺎﻫﺮ
ﻃﻠﻌﺖ ﺍﻟﺒﻨﻴﻪ
ﻗﻔﻠﺖ ﺍﻟﺒﺎﺏ
ﻛﺘﻠﻬﺎ ﺍﻛﻌﺪﻱ ﻳﺎﻟﺤﺒﺎﺑﻪ
ﻭﻻ ﺟﻨﻲ ﻭﻳﺎﻫﺎ
ﺍﻛﻌﺪﻱ ﻳﺎﻟﺸﺮﻳﻔﻪ
ﻫﻢ ﻭﻻ ﻛﺎﻧﻮ ﻭﻳﺎﻫﺎ
ﻭﺧﺮﺕ ﺍﻟﻐﻄﻪ ﻋﻨﻬﺎ ﻭﻫﺰﻳﺘﻬﺎ ﺣﻴﻞ
ﻛﻌﺪﺕ ﺍﻟﻈﺎﻫﺮ ﺟﺎﻧﺖ ﻧﺎﻳﻤﻪ ﻣﻦ ﺻﺪﻙ
ﺿﺮﺑﺘﻬﺎ ﺭﺍﺟﺪﻱ ﻛﺘﻠﻬﺎ ﺷﻠﻮﻥ ﻳﻌﻨﻲ ﻧﺎﻭﻳﻪ ﺗﻜﺴﺮﻳﻦ ﻭﺟﻬﻨﺎ ﻛﺪﺍﻡ ﺍﻟﻌﺎﻟﻢ ﺣﺘﻰ ﺗﺮﺗﺎﺣﻴﻦ
ﻣﻨﻄﻘﺖ ﻭﻻ ﺑﺤﺮﻑ
ﺷﻨﻮ ﺧﺮﺳﻪ ﻣﺘﺤﺠﻴﻦ
ﺍﺫﺍ ﻧﺎﻭﻳﻪ ﺗﺘﺰﻭﺟﻴﻨﻪ ﻻﺑﻦ ﺧﺎﻟﺘﺞ ﺍﺣﺐ ﺍﻛﻠﺞ ﻧﺠﻮﻡ ﺍﻟﺴﻤﺎ ﺍﻗﺮﺑﻠﺞ
ﺣﻴﻞ ﺿﻮﺟﺘﻨﻲ ﻭﻻ ﻛﺎﻧﻮ ﺍﺣﺠﻲ ﻭﻳﺎﻫﺎ
ﺩﺍﻳﺮﻩ ﻭﺟﻬﺎ ﻟﻐﻴﺮ ﺻﻔﺤﻪ ﻭﺫﺍﺑﺘﻪ ﻉ ﺍﻟﺼﺎﻣﺖ
ﻣﺘﺤﺠﻴﻦ ﺧﺮﺳﻪ
ﺍﻋﺘﻘﺪ ﺑﻌﺪ ﻣﺎﺍﻟﻚ ﺣﻖ ﺗﺤﺎﺳﺒﻨﻲ ﻭﻻ ﺗﻀﺮﺑﻨﻲ
ﻋﻤﻮ ﻫﻮ ﺍﻟﻮﺣﻴﺪ ﺍﻟﻲ ﺍﻟﻪ ﺣﻖ ﻳﺤﺎﺳﺒﻨﻲ
ﺿﺮﺑﺘﻬﺎ ﻣﺮﻩ ﺛﺎﻧﻴﻪ
ﻣﻮ ﻋﺒﺎﻟﺞ ﻃﻠﻜﺘﺞ ﻭﻫﺎﻱ ﻫﻲ ﺗﺴﻮﻳﻦ ﺍﻟﻲ ﻳﻌﺠﺒﺞ
ﺍﺑﻘﻰ ﺍﺑﻦ ﻋﻤﺞ ﻭﺍﻟﻲ ﺣﻖ ﻛﻠﺸﻲ ﺍﺳﻮﻱ ﺑﻴﺞ
ﺑﻌﺪﻫﺎ ﺣﺠﺖ ﺑﻌﺼﺒﻴﻪ
ﻣﻮ ﻫﺎﻱ ﺍﻟﺒﻨﻴﻪ ﻣﺮﺍﻗﺒﺘﻨﻲ 24 ﺳﺎﻋﻪ
ﻣﻨﻴﻦ ﺍﺟﻴﺐ ﻣﻮﺑﺎﻳﻞ ﻭﺍﺭﺍﺳﻞ
ﺟﺮﻳﺘﻬﺎ ﺣﻴﻞ ﻭﻗﺮﺑﺖ ﺍﻟﺠﻬﺎﺯ ﻉ ﻭﺟﻬﺎ
ﻫﺎﺝ ﺍﻗﺮﻱ ﻭﺷﻮﻓﻲ
ﻟﺞ ﺣﻘﻴﺮﻩ ﻟﻴﺶ ﺗﻜﻮﻟﻴﻠﻪ ﻛﻞ ﺣﺮﻛﺎﺗﻨﻪ ﻭﻃﻠﻌﺎﺗﻨﻪ
ﺳﻜﺘﺖ
ﺭﻛﻌﺘﻬﺎ ﺑﺎﻟﺠﻬﺎﺯ ﻉ ﺭﺍﺳﻬﺎ
ﻣﺎﺗﺤﺠﻴﻦ ﻛﻠﺒﻪ ﺣﻘﻴﺮﻩ
ﻛﺎﻋﺪ ﺗﻐﻠﻂ ﺑﺤﻘﻲ ﻫﻮﺍﻱ ﻫﻮﺍﻱ
ﻭﺭﺍﺡ ﻳﺠﻴﻚ ﻳﻮﻡ ﺍﻟﻲ ﺗﺘﻨﺪﻡ ﺑﻲ ﻭﺗﻌﺾ ﺍﺻﺎﺑﻴﻌﻚ ﻧﺪﻡ
ﻭﻫﺴﻪ ﺍﻃﻠﻊ ﺑﺮﻩ
ﺟﺮﻳﺘﻬﺎ ﻣﻦ ﺍﻳﺪﻫﺎ
ﻟﺞ ﺍﺣﺠﻲ ﺷﻜﻢ ﻣﺮﻩ ﻧﺎﻳﻢ ﻭﻳﺎﺝ
ﻭﻟﺞ ﻳﻌﺮﻑ ﺗﻔﺎﺻﻴﻞ ﺟﺴﻤﺞ ﻛﻠﻬﺎ
ﻟﻴﺶ ﻣﺎﺗﺨﺎﻓﻴﻦ ﺍﻟﻠﻪ
ﻣﺘﺨﺎﻓﻴﻦ ﻉ ﺳﻤﻌﺖ ﺍﻫﻠﺞ
ﻣﺘﺨﺎﻓﻴﻦ ﻉ ﺳﻤﺔ ﻋﻤﺞ
ﺳﺤﺒﺘﻬﺎ ﻭﻭﺩﻳﺘﻬﺎ ﻟﻠﻤﺮﺍﻳﻪ
ﻛﺘﻠﻬﺎ ﺷﻮﻓﻲ ﻧﻔﺴﺞ ﻋﺎﺟﺒﺞ ﻫﺬﺍ ﻭﺿﻌﺞ
ﺷﺤﺎﻟﺞ ﺻﺎﻳﺮﻩ
ﺣﻴﻞ ﺣﻴﻞ ﻣﺘﻐﻴﺮﻩ
ﺍﻫﻠﺞ ﺍﺗﺒﺮﻭﺍ ﻣﻨﺞ
ﺍﻧﻲ ﻃﻠﻜﺘﺞ ﻭﺍﺣﺘﻘﺮﺝ ﻭﺍﻣﻮﺕ ﻣﻨﺞ
ﻉ ﺷﻨﻮ ﻫﻴﺞ ﺗﺴﻮﻳﻦ ﻉ ﻣﻮﺩ ﻧﺰﻭﺗﺞ
ﺗﻒ ﻋﻠﻴﺞ ﻭﻉ ﻧﻔﺴﻴﺘﺞ ﺍﻟﻤﺎﺑﻴﻬﺎ ﺧﻴﺮ
ﻫﺪﻳﺘﻬﺎ
ﺍﻧﺖ ﻋﻼﺟﺞ ﺍﻟﻮﺣﻴﺪ ﺍﺧﺒﺮ ﺍﺧﻮﺗﺞ ﻭﻋﻤﻲ ﻭﻫﻤﻪ ﻳﺘﺼﺮﻓﻮﻥ ﻭﻳﺎﺝ
ﺍﻧﺖ ﺣﺮﺍﻡ ﺗﺒﻘﻴﻦ ﻋﺎﻳﺸﻪ ﻭﺗﺘﻨﻔﺴﻴﻦ
ﺑﺲ ﺍﻧﻲ ﻣﺎﺍﺣﺐ ﺍﻟﻠﻮﺙ ﺍﺩﻳﻪ ﺑﺪﻣﺞ ﺍﻟﻨﮕﺲ
ﺩﻣﻮﻋﻬﺎ ﻛﺎﻣﻦ ﻳﺠﺮﻥ
ﻛﺎﻣﺖ ﺗﺼﻴﺢ ﻓﺎﻃﻤﻪ .... ﻓﺎﻃﻤﻪ ......
ﺍﻋﺘﻘﺪ ﻉ ﺍﻟﺒﻨﻴﻪ ﺍﻟﻮﻳﺎﻫﺎ ﺑﺎﻟﻐﺮﻓﻪ
ﺭﺍﺩﺕ ﺗﺮﺟﻊ ﻟﻔﺮﺍﺷﻬﺎ ﺑﺲ ﻓﺎﺟﺄﺗﻨﻲ ﺑﺤﺮﻛﺎﺗﻬﺎ
ﺗﺘﻠﻤﺲ ﺑﺎﻟﻬﻮﻯ ﻭﺗﻤﺸﻲ
ﺍﺟﺖ ﻳﻤﻲ ﻭﻟﺰﻣﺘﻨﻲ
ﺣﺴﺖ ﺑﻴﻪ ﻭﺧﺮﺕ ﺍﺩﻳﻬﺎ
ﺟﺎﻧﺖ ﺷﺎﺩﻩ ﻛﺎﻧﻮﻻ ﺑﻴﺪﻫﺎ
ﻛﺎﻣﺖ ﺗﺼﻴﺢ ﻓﺎﻃﻤﻪ ....
ﺍﺟﺘﻲ ﺍﻟﺒﻨﻴﻪ ﺩﻛﺖ ﺍﻟﺒﺎﺏ ﻭﺩﺧﻠﺖ
ﻛﺎﺩﺗﻬﺎ ﻭﻭﺩﺗﻬﺎ ﻟﻔﺮﺍﺷﻬﺎ
ﺍﻫﺪﺋﻲ ﻓﺪﻭﻩ ﺍﺭﻭﺣﻠﺞ ﺍﺳﻜﺘﻲ
ﻛﻠﺘﻠﻬﺎ ﺍﺗﺼﻠﻲ ﺑﻌﻤﻮ ﺣﺒﺎﺑﻪ ﺧﻞ ﻳﺠﻲ
ﻭﻃﻠﻌﻲ ﻟﻬﺬﺍ ﺍﻟﻬﻤﺠﻲ ﻣﺎﺍﺭﻳﺪﻩ ﻳﺒﻘﻰ ﻫﻨﺎ ﻭﻻ ﺩﻗﻴﻘﻪ
ﺍﻟﺼﺮﺍﺣﻪ ﺩﺧﺖ ﻭﻣﺎﺍﻋﺮﻑ ﺗﻔﺴﻴﺮ ﺗﺼﺮﻓﺎﺗﻬﺎ ﺍﺑﺪ
ﻛﻠﺘﻠﻲ ﺍﻟﺒﻨﻴﻪ ﺭﺟﺎﺀﺁ ﺍﺧﻲ ﺍﻃﻠﻊ ﺑﺮﻩ
ﺍﻟﻮﺍﻟﺪ ﺟﺎﻱ ﺑﺎﻟﻄﺮﻳﻖ
ﺩﻙ ﺟﻬﺎﺯﻱ ﻃﻠﻊ ﺍﺑﻮﻳﻪ
ﻛﻠﻲ ﺍﻃﻠﻊ ﻣﻦ ﺍﻟﻐﺮﻓﻪ ﺍﻧﻲ ﺟﺎﻱ ﺭﺍﺡ ﺍﻭﺻﻞ
ﻭﺍﻟﻠﻪ ﻳﺎﻋﻠﻲ ﺍﺫﺍ ﺗﻠﻤﺴﻬﺎ ﺍﻧﺪﻣﻚ ﻭﺍﻟﻠﻪ
ﻃﻠﻌﺖ ﺑﺮﻩ ﺑﺲ ﺩﺍﻳﺦ ﺷﻨﻮ ﺍﻟﻲ ﺩﻳﺼﻴﺮ
ﻣﻼﻙ : ﺣﻴﻞ ﻣﺘﺨﺮﺑﻄﻪ ﻫﺎﻱ ﺍﻟﻔﺘﺮﻩ ﻛﻠﻴﺘﻲ ﻛﺎﻋﺪ ﺗﻮﺟﻌﻨﻲ ﺣﻴﻞ
ﺩﺯﻳﺖ ﺗﺤﻠﻴﻞ ﺍﻟﻲ ﺑﻴﺪ ﻋﻤﻮ ﻭﻃﻠﻊ ﻋﻨﺪﻱ ﺭﻣﻞ ﺑﺎﻟﻜﻠﻪ ﻭﻛﻠﻴﺘﻲ ﺣﻴﻞ ﻣﻠﺘﻬﺒﻪ ﻭﺗﻌﺒﺎﻧﻪ
ﻣﻘﺒﻠﺖ ﺍﺭﻭﺡ ﻟﻠﺪﻛﺘﻮﺭ ﺍﺑﺪ
ﻣﺎﺍﺣﺐ ﻧﻀﺮﺓ ﺍﻟﻌﻄﻒ ﻭﺍﻟﺸﻔﻘﻪ ﻋﻠﻴﻪ
ﺍﺧﺬ ﺍﻟﺘﺤﻠﻴﻞ ﻋﻤﻮ ﻭﺭﺍﺡ ﻟﻠﺪﻛﺘﻮﺭ ﻛﻠﻪ ﻻﺯﻡ ﺳﻮﻧﺎﺭ ﻛﻠﻪ ﻣﺘﻜﺪﺭ ﺗﻄﻠﻊ ﻭﺷﺎﺭﺣﻠﻪ ﺣﺎﻟﺘﻲ
ﻛﻠﻪ ﺭﺍﺡ ﻧﻨﻄﻴﻬﺎ ﻋﻼﺝ ﻭﺑﺲ ﺗﺒﻘﻰ ﺗﺸﻜﻲ ﻣﻨﻬﺎ ﻻﺯﻡ ﺗﺠﻴﺒﻬﺎ ﻧﺎﺧﺬﻟﻬﺎ ﺳﻮﻧﺎﺭ ﻭﻧﻔﺤﺼﻬﺎ
ﺟﺎﺑﻠﻲ ﻋﻼﺝ ﻭﺍﻟﺒﻨﻴﻪ ﺷﺪﺗﻠﻲ ﺍﻟﻜﺎﻧﻮﻻ ﻭﺑﺪﺕ ﺗﻨﻄﻴﻨﻲ ﻋﻼﺟﻲ ﻛﻮﻝ ﻭﻗﺖ ﺑﻮﻗﺘﻪ
ﻋﺮﻓﺖ ﺣﻨﻴﻦ ﻧﺨﻄﺒﺖ ﻋﻤﻮ ﻳﻨﻄﻴﻨﻲ ﺍﻻﺧﺒﺎﺭ ﺍﻭﻝ ﺑﺎﻭﻝ
ﺑﺲ ﺍﻧﻲ ﻭﻳﺎ ﺭﺍﻓﻀﻴﻦ ﺍﺣﺪ ﻳﺸﻮﻓﻨﻲ ﻭﻳﻌﺮﻓﻨﻲ ﻓﻘﺪﺕ ﺍﻟﺒﺼﺮ
ﻋﻘﺪﻭﺍ ﺳﻴﺪ ﻭﺳﻤﻌﺖ ﺍﻟﻬﻮﺳﻪ ﺑﺎﻟﺒﻴﺖ
ﺍﻧﻲ ﻣﻮ ﻳﻤﻲ ﻫﺎﻱ ﺍﻟﺴﻮﺍﻟﻒ
ﻣﺮﺍﺕ ﺍﺣﺲ ﺑﻨﻔﺴﻲ ﺻﺎﺭ ﻋﻨﺪﻱ ﻣﺮﺽ ﺍﻟﺘﻮﺣﺪ
ﻣﺎﺍﺣﺐ ﺍﻟﺘﻘﻲ ﺑﺎﺣﺪ ﺑﺲ ﻋﻤﻮ ﺍﺗﻠﻬﻒ ﺍﻟﻪ
ﻭﻫﺎﻱ ﺍﻟﺒﻨﻴﻪ ﺍﺳﻤﻬﺎ ﻓﺎﻃﻤﻪ ﺣﺒﺎﺑﻪ ﺑﺸﻜﻞ ﻭﺳﻮﻟﻔﺘﻠﻲ ﻗﺼﺘﻬﺎ
ﺣﺎﻟﺘﻬﻢ ﻉ ﻛﺪﻫﻢ ﻭﺍﺑﻮﻫﺎ ﺟﺎﺑﺮﻩ ﻉ ﺷﺨﺺ ﺟﺒﻴﺮ ﺑﺎﻟﻌﻤﺮ ﺣﺘﻰ ﻳﺨﻠﺺ ﻣﻦ ﺍﻟﻤﺴﺆﻟﻴﻪ
ﻛﺎﻋﺪﻳﻦ ﺍﻳﺠﺎﺭ ﻭﺍﻟﺒﻴﺖ ﺑﻲ ﻏﺮﻓﺘﻴﻦ
ﻭﻫﻤﻪ ﻫﻮﺍﻱ ﺍﺧﻮﻩ ﻭﺍﺧﻮﺍﺕ ﻫﻲ ﺍﻟﺠﺒﻴﺮﻩ
ﺗﻜﻮﻝ ﺭﺍﻭﺍﻧﻲ ﺍﻟﻨﺒﻲ ﻋﺮﺑﻲ ﺯﻭﺟﻲ
ﻣﺘﺰﻭﺟﻨﻲ ﺑﺎﻟﺴﺮ ﺍﺗﺤﻤﻠﺖ ﻛﻮﻟﺸﻲ ﻭﺳﺎﻛﺘﻪ
ﻟﺤﺪ ﻣﺎﺩﺭﻭﺍ ﺑﻲ ﺍﻫﻠﻪ ﻭﻫﺪﻭﺍ ﻋﻠﻴﻪ ﺿﺮﺑﻮﻧﻲ ﻭﻫﺎﻧﻮﻧﻲ
ﻭﺟﺒﺮﻭﺍ ﻳﻄﻠﻜﻨﻲ
ﻭﻫﺴﻪ ﺍﻧﻲ ﻣﺴﺘﻌﺪﻩ ﻭﻳﻦ ﻣﺎﺍﺷﺘﻐﻞ ﺑﺲ ﻛﻮﻥ ﺷﻐﻠﻪ ﺷﺮﻳﻔﻪ ﻭﺍﺳﺎﻋﺪ ﺍﻫﻠﻲ
ﺍﺑﻮﻫﺎ ﺻﺎﻳﺮﻩ ﺑﻲ ﺟﻠﻄﻪ ﻭﻣﺮﻳﺾ ﺭﺟﺎﻝ ﺟﺒﻴﺮ
ﺣﻴﻞ ﻗﻬﺮﺗﻨﻲ ﺍﻛﻮﻝ ﺍﻟﺪﻧﻴﺎ ﺑﻴﻬﺎ ﺍﺷﻜﺎﻝ ﻭﺍﻟﻠﻮﺍﻥ
ﺍﻧﻲ ﻫﻢ ﺳﻮﻟﻔﺘﻠﻬﺎ ﻗﺼﺘﻲ ﻛﻮﻟﻬﺎ ﺑﺲ ﻃﻠﺒﺖ ﻣﻨﻬﺎ ﻭﻋﺪ ﻟﻠﻤﻮﺕ ﻣﺘﺤﺠﻲ ﺍﻱ ﺷﻲ ﺳﻤﻌﺘﻪ ﻣﻨﻪ
ﺍﺗﻌﻠﻘﻨﻪ ﺍﺑﻌﺾ ﺍﻧﻲ ﻭﻳﺎﻫﺎ
ﻧﺴﻮﻟﻒ ﻭﻧﻀﺤﻚ ﺭﻏﻢ ﻣﺎﻧﺴﻴﺖ ﺍﻟﻔﺮﺡ ﻭﺍﻟﻀﺤﻚ ﺑﺲ ﻭﻳﺎﻫﺎ ﺍﻧﻔﺘﺢ
ﺍﻟﻴﻮﻡ ﺑﻴﺖ ﻋﻤﻮ ﺭﺍﻳﺤﻴﻦ ﻟﻠﻨﺠﻒ ﻟﻠﺰﻳﺎﺭﻩ
ﺑﻘﻴﻨﻪ ﺑﺲ ﺍﻧﻲ ﻭﻳﺎﻫﺎ
ﺍﺗﻐﺪﻳﻨﻪ ﻣﺘﺎﺧﺮﻳﻦ
ﺍﺫﻥ ﺍﻟﻤﻐﺮﺏ ﺻﻠﻴﺖ ﻭﻛﻤﻠﺖ
ﻧﻌﺴﺖ ﻛﺘﻠﻬﺎ ﺍﺫﺍ ﻧﻤﺖ ﻟﺘﻜﻌﺪﻳﻨﻲ ﻟﻠﻌﺸﻪ
ﺻﺪﻙ ﻧﻤﺖ
ﺣﺴﻴﺖ ﺑﺎﻟﻐﻄﻪ ﺍﺗﻮﺧﺮ ﻋﻨﻲ ﻭﺳﻤﻌﺖ ﺻﻮﺕ ﻋﻠﻲ
ﺍﻟﺼﺮﺍﺣﻪ ﺍﺳﺘﻐﺮﺑﺖ
ﺑﺪﻩ ﻳﻀﺮﺑﻨﻲ ﻭﻳﻬﻴﻨﻲ ﺣﻴﻞ ﺟﺮﺣﻨﻲ
ﻳﻌﻨﻲ ﻣﺎﺍﻋﺮﻑ ﺷﻠﻮﻥ ﻣﺤﺎﻣﻲ
ﻳﻌﻨﻲ ﻣﺘﻜﺪﺭ ﺗﻔﻜﺮ ﺍﻧﻲ ﻣﻘﻔﻮﻟﻪ ﻋﻠﻴﻪ ﺍﻟﻐﺮﻓﻪ ﺷﻠﻮﻥ ﺍﺧﺎﺑﺮ
ﻭﻛﻔﻨﻲ ﻣﻘﺎﺑﻴﻞ ﺍﻟﻤﺮﺍﻳﻪ
ﻋﺒﺎﻟﻪ ﺍﺷﻮﻑ ﻣﺎﻳﺪﺭﻱ ﺑﻴﻪ ﻓﻘﺪﺕ ﺑﺼﺮﻱ ﺑﺴﺒﺒﻪ
ﺭﺩﺕ ﺍﺭﺟﻊ ﺑﺲ ﻣﺎﺍﻛﺪﺭ ﺻﺤﺖ ﻉ ﻓﺎﻃﻤﻪ ﺑﺲ ﻣﺎﻛﻮ
ﺣﺴﻴﺖ ﺍﻧﻄﺨﻴﺖ ﺑﺠﺴﻤﻪ ﻟﻌﻠﻲ
ﻭﺧﺮﺕ ﺑﺴﺮﻋﻪ ﻋﻨﻪ ﻭﺍﺟﺘﻲ ﻓﺎﻃﻤﻪ ﻭﺻﻠﺘﻨﻲ ﻟﻔﺮﺍﺷﻲ
ﻃﻠﺒﺖ ﻣﻨﻬﺎ ﺍﻃﻠﻌﻪ ﻟﻌﻠﻲ
ﻃﻠﻊ ﺑﺲ ﺍﻧﻲ ﺩﻣﻮﻋﻲ ﻳﺠﺮﻥ
ﺿﺮﺑﻨﻲ ﺑﺎﻟﻤﻮﺑﺎﻳﻞ ﻭﺣﻴﻞ ﺍﺫﺍﻧﻲ
ﻳﻌﻨﻲ ﻣﺎﺍﺧﻠﺺ ﻣﻨﻪ ﻭﻻ ﻣﻦ ﺯﻳﺪ
ﻭﺭﻩ ﻓﺘﺮﻩ ﺍﺟﻪ ﻋﻤﻮ ﻣﺘﺨﺒﻞ
ﻛﻠﻲ ﺍﺫﺍﺝ ﺷﺴﻮﺍﻟﺞ
ﻛﺘﻠﻪ ﻣﺴﻮﺍﻟﻲ ﺷﻲ ﺑﺲ ﺭﺍﺟﺪﻳﻦ ﻣﻮ ﻫﻮﺍﻱ ﻭﺿﺮﺑﻨﻲ ﺑﺎﻟﻤﻮﺑﺎﻳﻞ
ﻳﻤﻜﻦ ﻋﻠﻲ ﻳﻤﻪ
ﻛﺎﻟﻪ ﻭﺍﻟﻠﻪ ﺍﺫﺍ ﻟﻤﺴﺖ ﺷﻌﺮﻩ ﻣﻨﻬﺎ ﻳﺎﻋﻠﻲ ﻧﻬﺎﻳﺘﻚ ﻉ ﺍﻳﺪﻱ
ﻛﻠﻪ ﻋﻠﻲ ﻫﺎﻙ ﺷﻮﻑ ﺍﻟﺮﺳﺎﺋﻞ ﻭﺍﻧﺖ ﻋﺒﺎﻟﻚ ﻣﺮﺍﻗﺒﻬﺎ ﻭﻫﻲ ﺻﺎﻳﻨﺘﻚ
ﻻ ﻳﺎﺑﻪ ﻣﺘﻮﻫﻢ ﺍﻟﺴﺎﻗﻄﻪ ﺗﺒﻘﻰ ﺳﺎﻗﻄﻪ ﻟﻮ ﺷﻴﺼﻴﺮ
ﺳﻤﻌﺖ ﻋﻤﻮ ﻳﻤﻜﻦ ﺿﺮﺏ ﻋﻠﻲ
ﺻﺎﺭ ﻫﺪﻭﺀ ﺑﻌﺪﻫﺎ
ﻋﻤﻮ ﺻﺎﺡ ﺧﺎﻟﻪ ﻭﺍﻟﺒﻨﺎﺕ ﺻﺎﺡ ﺻﻮﺕ ﺭﺝ ﺍﺭﻛﺎﻥ ﺍﻟﺒﻴﺖ
ﻛﻠﻠﻬﻢ ﺍﺳﻤﻌﻮﻧﻲ ﺍﻧﺘﻮ ﻋﺒﺎﻟﻜﻢ ﺍﺷﻚ ﺑﻴﻬﺎ ﻭﻣﺨﻠﻲ ﺍﻟﺒﻨﻴﻪ ﺗﺮﺍﻗﺒﻬﺎ
ﻻ ﻣﺘﻮﻫﻤﻴﻦ ﻛﻠﻜﻢ
ﻛﺘﻠﻪ ﻋﻤﻮ ﻓﺪﻭﻩ ﻟﻌﻤﺮﻙ ﺍﺳﻜﺖ ﻻﺗﺤﺠﻲ
ﺭﺩﺕ ﺑﻌﺪ ﻭﻗﺖ ﺑﻠﻜﻲ ﻳﻨﻜﺸﻔﻮﻥ
ﻛﻠﻲ ﺍﺳﻜﺘﻲ ﺑﺎﺑﺎ ﻟﻬﻨﺎ ﻭﻛﺎﻓﻲ
ﺗﻌﺮﻑ ﻳﺎﺍﺳﺘﺎﺫ ﻋﻠﻲ ﺍﻧﺖ ﺷﺴﻮﻳﺖ ﺑﻬﺎﻱ ﺍﻟﻤﺴﻜﻴﻨﻪ
ﺍﻧﺖ ﺳﻠﺒﺘﻬﺎ ﻧﻀﺮﻫﺎ
ﺍﻟﺒﻨﻴﻪ ﻓﺎﻗﺪﻩ ﻟﻠﺒﺼﺮ ﺍﺑﺪ ﻣﺘﺸﻮﻑ
ﻭﻣﻮ ﺑﺲ ﻫﺎﻱ ﻻ
ﻛﻠﻴﺘﻬﺎ ﺍﻟﺜﺎﻧﻴﻪ ﻫﻢ ﺍﺫﻳﺘﻬﺎ ﺑﺎﻟﻀﺮﺏ ﻣﺎﻟﺘﻚ
ﻋﺒﺎﻟﻚ ﻣﻦ ﺗﻀﺮﺏ ﻫﻴﺞ ﺭﺟﻮﻟﻪ ﻫﺎﻱ
ﻻ ﻣﺘﻮﻫﻢ ﻫﺎﻱ ﻳﺴﻤﻮﻫﺎ ﻧﺬﺍﻟﻪ ﻭﻗﻠﺔ ﺭﺟﻮﻟﻪ
ﻻﻋﺒﺎﻟﻚ ﺳﻜﺘﺘﻠﻚ ﻣﻌﻨﺎﻫﺎ ﺍﻧﺖ ﻣﻮ ﻏﻠﻄﺎﻥ ﻻ
ﻏﻠﻄﺎﻥ ﻣﻦ ﺭﺍﺳﻚ ﻟﺮﺟﻠﻴﻚ
ﺭﻭﺡ ﺷﻮﻑ ﻣﻨﻮ ﻟﻌﺐ ﻋﻠﻴﻚ ﻫﺎﻱ ﺍﻟﻠﻌﺒﻪ ﺍﻟﻮﺳﺨﻪ
ﺧﻞ ﻧﻔﺮﺽ ﻉ ﺍﺗﺼﺎﻝ ﻭﻱ ﺍﺑﻦ ﺧﺎﻟﺘﻬﺎ ﻣﺜﻞ ﻣﺘﻜﻮﻝ
ﻫﻞ ﻣﻦ ﺍﻟﻤﻌﻘﻮﻝ ﻣﺎﺗﻜﻠﻪ ﻓﻘﺪﺕ ﺍﻟﺒﺼﺮ
ﻫﻞ ﻣﻦ ﺍﻟﻤﻌﻘﻮﻝ ﺗﻜﻠﻪ ﻣﺮﺍﻗﺒﻴﻨﻲ
ﻭﻫﻲ ﺍﺳﺎﺳﺎ ﻣﺎﺍﺭﺍﻗﺒﻬﺎ ﻟﻮ ﺍﻣﻮﺕ
ﺍﻟﻜﻮﻝ ﺳﺎﻛﺖ
ﺻﺎﺡ ﻟﻔﺎﻃﻤﻪ ﺗﻌﺎﻟﻲ ﺑﻨﺘﻲ
ﻫﺬﺍ ﺍﻟﻘﺮﺍﻥ ﻭﺍﺣﻠﻔﻲ ﺑﻲ
ﻣﻦ ﺍﺟﻴﺘﻲ ﻟﻠﻴﻮﻡ ﻫﻢ ﻣﻼﻙ ﻟﻤﺴﺖ ﺟﻬﺎﺯ ﺍﻭ ﺧﺎﺑﺮﺕ ﺍﻭ ﺭﺍﺳﻠﺖ
ﺍﻣﺎﻧﺔ ﺍﻟﻠﻪ ﻭﺍﻟﺮﺳﻮﻝ ﻭﺩﺍﻋﺖ ﺍﺑﻮﻳﻪ ﻭﺩﺍﻋﺖ ﺍﻣﻲ ﻭﺩﺍﻋﺖ ﺍﺧﻮﺍﺗﻲ ﻭﺍﺧﻮﺗﻲ
ﻟﻠﻴﻮﻡ ﻣﺎﺑﺪﺭ ﻣﻨﻬﺎ ﺍﻱ ﺗﺼﺮﻑ ﻳﺜﻴﺮ ﺍﻟﺸﻚ ﻭﻻ ﻟﻤﺴﺖ ﺑﻴﻮﻡ ﺟﻬﺎﺯ ﻭﻻ ﺧﺎﺑﺮﺕ
ﻭﺍﺻﻼ ﻣﺘﺸﻮﻑ ﺷﻠﻮﻥ ﺗﺘﺼﻞ ﻟﻮ ﺗﺮﺍﺳﻞ ﺑﻮﺣﺪﻫﺎ
ﺣﺴﻴﺖ ﺧﺎﻟﻪ ﺍﺟﺘﻨﻲ ﻛﻠﺘﻠﻲ
ﺧﺎﻟﻪ ﻳﻌﻨﻲ ﻫﺴﻪ ﺍﻧﺖ ﻣﺘﺸﻮﻓﻴﻨﻲ
ﻻ ﺧﺎﻟﻪ ﻛﻠﺸﻲ ﻣﺎﺍﺷﻮﻑ
ﺍﺗﺨﺒﻠﺖ ﻛﺎﻣﺖ ﺗﺒﺠﻲ
ﺷﻠﻮﻥ ﻓﻘﺪﺗﻲ ﺍﻟﺒﺼﺮ
ﺭﻭﺣﻲ ﺍﺳﺎﻟﻲ ﻋﻠﻲ ﻭﻫﻮ ﻳﺠﺎﻭﺑﺞ
ﻋﻠﻲ ﺍﺣﺠﻲ ﺷﻠﻮﻥ ﻛﺪﺭﺕ ﺗﺎﺫﻳﻬﺎ ﻫﻴﺞ
ﻣﺎﻣﺎ ﻣﺘﺨﺎﻑ ﻣﻦ ﺍﻟﻠﻪ
ﺷﻠﻮﻥ ﻛﺪﺭﺕ ﻫﻴﺞ ﺗﺴﻮﻱ ﻣﺘﻜﻮﻝ ﺷﺎﺑﻪ ﻭﺧﻄﻴﻪ ﺣﺮﺍﻣﺎﺕ ﺿﺎﻉ ﺷﺒﺎﺑﻬﺎ ﻫﻴﺞ
ﻋﻠﻲ ﺳﺎﻛﺖ ﻣﻨﻄﻖ ﻭﻻ ﺑﺤﺮﻑ
ﺣﺠﺖ ﻭﻱ ﻋﻤﻮ
ﺍﻧﺖ ﻟﻴﺶ ﻣﺤﺠﻴﺖ ﻣﺎﻛﻠﺖ
ﺳﻜﺘﺖ ﺭﺩﺕ ﻋﻠﻲ ﻳﻜﺘﺸﻒ ﻏﻠﻄﻪ
ﻟﻮ ﻛﺎﻳﻞ ﺍﻟﻜﻢ ﺟﺎﻥ ﻭﺻﻠﺖ ﺍﻟﻤﻌﻠﻮﻣﺎﺕ ﻻﺑﻦ ﺧﺎﻟﺘﻬﺎ
ﻭﺟﺎﻥ ﻳﺒﻘﻰ ﻳﺴﺘﻔﺰ ﻋﻠﻲ
ﺑﺲ ﺍﺣﺐ ﺍﻛﻠﻜﻢ ﺷﻲ ﻭﺍﺣﺪ ﻳﻮﻡ ﺍﻟﻲ ﺍﻛﺸﻒ ﺍﻟﺸﺨﺺ ﺍﻟﻲ ﻟﻌﺐ ﻫﺎﻱ ﺍﻟﻠﻌﺒﻪ ﺍﻟﻘﺬﺭﻩ ﺿﺪ ﺑﻨﺖ ﺍﺧﻮﻳﻪ ﻣﺮﺍﺡ ﺍﺳﺎﻣﺤﻪ ﻣﺪﻯ ﺍﻟﻌﻤﺮ
ﺍﻧﻲ ﺍﻋﺮﻓﻪ ﺯﻳﻦ ﻣﻨﻮ ﺑﺲ ﺍﺭﻳﺪ ﺍﻟﺰﻡ ﺍﻟﺪﻟﻴﻞ ﺑﻴﺪﻱ ﻳﻠﻪ ﺍﻛﻠﻜﻢ ﻣﻨﻮ
ﺯﻳﻦ ﻟﻴﺶ ﻣﺎﻋﺮﺿﺘﻬﺎ ﻉ ﻃﺒﻴﺐ ﻣﻤﻌﻘﻮﻟﻪ ﻣﺎﺍﻟﻬﺎ ﻋﻼﺝ
ﺧﺎﻟﻪ ﺍﻧﻲ ﻣﺎﺍﺣﺐ ﺍﺗﻌﺎﻟﺞ ﺣﺎﺑﻪ ﺍﺑﻘﻰ ﻫﻴﺞ ﺍﺣﺴﻨﻠﻲ
ﻣﺎﺍﺣﺐ ﺍﺷﻮﻑ ﺍﻱ ﺍﺣﺪ
ﻭﺍﻟﻠﻪ ﻛﺮﻫﺖ ﺍﻟﺤﻴﺎﺓ ﻛﻮﻟﻬﺎ ﻣﺎﺍﻟﻲ ﻭﺍﻫﺲ ﺑﻜﻮﻟﺸﻲ
ﻓﻘﺪﺕ ﻛﻠﻴﺘﻲ ﻭﻓﻘﺪﺕ ﺑﺼﺮﻱ ﻭﻫﺴﻪ ﺍﺣﺘﻤﺎﻝ ﺍﻣﻮﺕ
ﻣﺎﺍﻋﺘﻘﺪ ﺍﺣﺪ ﺭﺍﺡ ﻳﺰﻋﻞ ﻋﻠﻴﻪ ﻟﻮ ﻳﺤﺲ ﺑﻴﻪ
ﺍﻧﻲ ﻣﻤﺨﻠﻴﻨﻲ ﻣﺘﻤﺴﻜﻪ ﺑﺎﻟﺤﻴﺎﺓ ﺑﺲ ﺷﻐﻠﻪ ﻭﺣﺪﻩ
ﺍﺗﻤﻨﻰ ﺍﺛﺒﺖ ﺑﺮﺍﺋﺘﻲ ﺍﻣﺎﻡ ﺍﻟﺠﻤﻴﻊ
ﺑﻌﺪﻫﺎ ﻣﺮﺍﺡ ﺍﺗﺮﺩﺩ ﻭﻻ ﺛﺎﻧﻴﻪ ﻭﺣﺪﻩ ﺑﺎﻻﻧﺘﺤﺎﺭ
ﻟﺞ ﺧﺎﻟﻪ ﻣﻴﺼﻴﺮ ﻫﻴﺞ ﺗﺤﺠﻴﻦ
ﺑﻌﺪﺝ ﺷﺎﺑﻪ ﻭﺍﻟﺤﻴﺎﺓ ﺍﻣﺎﻣﺞ ﻃﻮﻳﻠﻪ
ﺍﻛﻴﺪ ﺭﺍﺡ ﺗﻨﺜﺒﺖ ﺑﺮﺍﺋﺘﺞ ﻭﺭﺍﺡ ﺗﻤﺸﻴﻦ ﻣﺮﻓﻮﻉ ﺭﺍﺳﺞ
ﻭﺭﺍﺡ ﺗﻨﺴﻴﻦ ﻛﻠﺸﻲ
ﺑﺲ ﺍﻧﻲ ﻣﺎﺍﺭﻳﺪ ﺍﻧﺴﻰ ﺍﺭﻳﺪ ﺍﺑﻘﻰ ﺍﺗﺬﻛﺮ
ﺣﺘﻰ ﻣﺎﺍﺳﺎﻣﺢ
ﻻﻥ ﺣﺘﻠﻮ ﻏﻠﻄﺖ ﻣﺤﺪ ﻓﻜﺮ ﻳﺴﺎﻣﺤﻨﻲ ﻭﻳﻜﻮﻝ ﺣﺘﻠﻮ ﻏﻠﻄﺖ ﻳﺠﻮﺯ ﻣﻮ ﺑﻮﻋﻴﻬﺎ
ﻋﻤﻮ ﻛﺎﻝ ﻟﻬﻨﺎ ﻭﻛﺎﻓﻲ ﻋﻮﻓﻮﻫﺎ ﻭﺍﻃﻠﻌﻮ ﺧﻞ ﺗﺮﺗﺎﺡ ﺍﻟﺒﻨﻴﻪ
ﻣﻮ ﺯﻳﻦ ﻋﻠﻴﻬﺎ ﺍﻟﺠﻬﺪ ﻻﻥ ﻛﻠﻴﺘﻬﺎ ﺗﻌﺒﺎﻧﻪ
ﻭﺍﻧﺖ ﻋﻠﻲ ﺣﺴﺎﺑﻚ ﺑﻌﺪﻳﻦ ﻭﻳﺎﻱ
ﻃﻠﻌﻬﻢ
ﺭﺍﺣﺖ ﻓﺎﻃﻤﻪ ﺟﺎﺑﺖ ﺍﻟﻌﺸﻪ
ﺭﻓﻀﺖ ﺍﻛﻞ ﻛﻠﺘﻠﻲ ﻻﺯﻡ ﺍﺿﺮﺑﺞ ﻣﻮ ﺯﻳﻦ ﻋﻠﻴﺞ
ﺍﺗﻌﺎﻓﻲ ﻭﺻﻴﺮﻱ ﺯﻳﻨﻪ ﺣﺘﻰ ﺗﻜﺪﺭﻳﻦ ﺗﺜﺒﺘﻴﻦ ﺑﺮﺍﺋﺘﺞ
ﺍﻛﻠﺖ ﺑﺲ ﻣﺎﺍﻟﻲ ﻭﺍﻫﺲ ﻉ ﻣﻮﺩ ﺍﻟﻌﻼﺝ
ﻛﻤﻠﺖ ﻭﺿﺮﺑﺘﻨﻲ ﺍﻻﺑﺮ ﻭﺍﻧﻄﺘﻨﻲ ﻋﻼﺟﻲ
ﺩﺧﻠﺘﻨﻲ ﻟﻠﺤﻤﺎﻡ ﻭﺑﻌﺪﻫﺎ ﻧﻴﻤﺘﻨﻲ ﻭﺭﺍﺣﺖ ﻻﻫﻠﻬﺎ
ﺛﺎﻧﻲ ﻳﻮﻡ ﺩﺧﻠﺘﻠﻲ ﺣﻨﻴﻦ ﺧﻄﻴﻪ ﺗﺒﺠﻲ
ﺷﻠﻮﻥ ﺍﻧﻄﺎﺝ ﻛﻠﺒﺞ ﻭﺗﻀﻤﻴﻦ ﻋﻠﻴﻨﻪ ﺍﻧﻲ ﻭﻧﺮﻣﻴﻦ
ﺗﺪﺭﻳﻦ ﻳﻮﻣﻴﻪ ﺍﺟﻲ ﻭﺍﺗﻤﻨﻰ ﺍﺷﻮﻓﺞ ﺑﺲ ﺍﺑﻮﻳﻪ ﻣﺤﺬﺭﻧﻪ ﻣﻨﺞ
ﻭﻣﺼﺪﻛﺖ ﻳﻄﻠﻊ ﻣﻨﺞ ﺷﻲ ﻣﻮ ﺯﻳﻦ
ﻛﻠﺖ ﺍﻛﻴﺪ ﺍﻛﻮ ﻏﻠﻂ ﺑﺎﻟﻤﻮﺿﻮﻉ
ﻟﺞ ﻭﺍﻟﻠﻪ ﻉ ﺍﻋﺼﺎﺑﻲ ﻣﺎﺍﺷﻮﻓﺠﻦ
ﺑﺲ ﺗﺪﺭﻳﻦ ﺑﺎﺧﻮﺝ ﺩﻣﺮ ﺣﻴﺎﺗﻲ ﺳﻠﺒﻨﻲ ﻧﻀﺮﻱ
ﻭﻣﻬﻤﺎ ﻳﻜﻮﻥ ﻛﻠﺖ ﺍﻛﻴﺪ ﻳﻮﻛﻔﻦ ﺑﺼﻒ ﺍﺧﻮﻫﻦ
ﻳﺎﺍﺧﻮﻳﻪ ﻳﺎ ﺑﻄﺮﻳﻖ
ﻭﻟﺞ ﻭﺍﻟﻠﻪ ﺍﺧﺘﻨﺎ ﺍﻧﺖ ﺍﻟﻠﻪ ﺷﺎﻫﺪ ﻋﻠﻴﻪ
ﻋﻠﻲ : ﺻﺪﻣﺔ ﻋﻤﺮﻱ ﻣﻦ ﻋﺮﻓﺘﻬﺎ ﻓﺎﻗﺪﻩ ﺍﻟﺒﺼﺮ ﻭﺑﺴﺒﺒﻲ
ﻭﻛﻠﻴﺘﻬﺎ ﻫﻤﻴﻦ ﻣﺘﺎﺫﻳﻪ
ﺍﻧﻲ ﺍﺗﺬﻛﺮ ﺩﻓﺮﺗﻬﺎ ﺑﻜﻞ ﻣﻜﺎﻥ ﺑﺠﺴﻤﻬﺎ ﻭﺣﺘﻰ ﻛﻠﻴﺘﻬﺎ
ﻭﺍﺫﻳﺖ ﺭﺍﺳﻬﺎ ﺑﺲ ﻣﻤﺘﻮﻗﻊ ﻣﺎﺫﻳﻬﺎ ﻟﻬﺎﻟﺪﺭﺟﻪ
ﺍﺑﻮﻳﻪ ﻳﺤﺠﻲ ﻭﺍﻧﻲ ﺳﺎﻛﺖ
ﻳﻌﻨﻲ ﺷﻨﻮ ﺩﻣﺮﺕ ﺣﻴﺎﺗﻬﺎ ﻭﻫﻲ ﺑﻌﺪﻫﻲ ﺷﺎﺑﻪ
ﺍﻛﻴﺪ ﻣﺮﺍﺡ ﺍﺳﺎﻣﺢ ﻧﻔﺴﻲ ﺍﺑﺪ ﻉ ﺍﻟﺴﻮﻳﺘﻪ ﺑﻴﻬﺎ
ﺩﺍﺋﻤﺎ ﺟﻨﺖ ﺍﻛﻮﻝ ﻉ ﻋﻤﻲ ﻫﻤﺠﻲ ﻭﻣﻴﺘﻔﺎﻫﻢ
ﻃﻠﻌﺖ ﺍﻧﻲ ﻣﺎﺍﻓﺮﻕ ﻋﻨﻪ
ﺷﻌﻮﺭﻱ ﺻﻌﺐ ﻣﺎﺍﻋﺮﻑ ﺷﺎﻭﺻﻔﻪ
ﺻﺤﻴﺢ ﻣﺎﻋﻨﺪﻱ ﺩﻟﻴﻞ ﺿﺪﻫﺎ
ﺷﻜﺪ ﻓﺘﺸﺖ ﺍﻟﺒﻴﺖ ﻭﻓﺘﺸﺘﻬﺎ ﺍﻟﻬﺎ ﺍﺑﺪ ﻣﻌﺜﺮﺕ ﻉ ﺟﻬﺎﺯ
ﻭﺛﺎﻧﻴﻪ ﺑﻌﺪ ﺭﺍﻗﺒﺘﻬﺎ ﺑﺎﻟﻜﺎﻣﻴﺮﺍﺕ ﺍﺑﺪ ﻣﺒﺪﺭ ﻣﻨﻬﺎ ﻣﻮﻗﻒ ﻳﺨﻠﻴﻨﻲ ﺍﺷﻚ ﺑﻴﻬﺎ
ﺍﻟﻤﻔﺮﻭﺽ ﺍﺗﺎﻧﻪ ﻭﺍﺗﺎﻛﺪ
ﺑﺲ ﻫﺬﺍ ﺍﻟﺤﺠﻲ ﻣﻴﻔﻴﺪ ﺑﻌﺪ
ﻻ ﻭﻓﻮﻛﺎﻫﺎ ﺍﻧﻲ ﺍﻻﺛﻮﻝ ﺭﺣﺖ ﻃﻠﻜﺘﻬﺎ
ﻛﻄﻌﺖ ﺍﺧﺮ ﺍﻣﻞ ﺑﻴﻨﻲ ﻭﺑﻴﻨﻬﺎ
ﺧﻠﻲ ﻧﻔﺮﺽ ﺟﺎﻥ ﻋﺪﻫﺎ ﺟﻬﺎﺯ ﻭﺗﺘﺮﺍﺳﻞ ﻭﻳﺎ
ﺑﺲ ﺑﻌﺪ ﺍﻟﺤﺎﺩﺙ ﻭﺑﻌﺪ ﻣﺎﻓﻘﺪﺕ ﺑﺼﺮﻫﺎ ﺷﻠﻮﻥ ﺍﺗﻮﺍﺻﻠﺖ ﻭﻳﺎ
ﺍﻛﻴﺪ ﺍﻛﻮ ﻟﻌﺒﻪ
ﻣﻌﻘﻮﻟﻪ ﻫﺎﻱ ﺍﻟﺒﻨﻴﻪ ﺗﺴﺎﻋﺪﻫﺎ
ﺯﻳﻦ ﻟﻴﺶ ﻣﻜﻠﺘﻠﻪ ﺑﺴﺎﻋﻴﺘﻬﺎ ﺍﻧﻲ ﻣﻄﻠﻜﻪ
ﺍﺣﻨﻪ ﺧﻠﻴﻨﺎ ﺍﻟﻤﻮﺿﻮﻉ ﺳﺮﻱ ﺑﻴﻨﻲ ﻭﺑﻴﻦ ﺍﺑﻮﻳﻪ
ﺑﺲ ﻣﻦ ﻋﻠﻨﺎ ﻭﺻﻞ ﺍﻟﺤﺠﻲ ﺍﻟﻪ
ﺑﺪﻳﺖ ﺍﺭﺑﻂ ﺍﻻﺣﺪﺍﺙ ﻣﻊ ﺑﻌﻀﻬﺎ
ﺑﺲ ﻣﺎﺍﻛﺪﺭ ﺍﺛﺒﺖ ﺷﻲ
ﺍﻧﻘﻠﺒﺖ ﺣﻴﺎﺗﻲ 180 ﺩﺭﺟﻪ ﺑﻌﺪ ﻣﻌﺮﻓﺘﻬﺎ ﺻﺎﺭﺕ ﻋﻤﻴﻪ
ﺍﺩﺭﻱ ﺑﻴﻬﺎ ﻋﻨﻮﺩﻳﻪ ﺑﺸﻜﻞ ﺍﺫﺍ ﺭﻓﻀﺖ ﺗﻌﺎﻟﺞ ﺍﻛﻴﺪ ﺗﺼﻤﻢ ﻉ ﺭﺍﻳﻬﺎ
ﺑﺪﻳﺖ ﺍﻓﻜﺮ ﻣﻨﻮ ﻣﺼﻠﺤﺘﻪ ﻳﻮﺻﻞ ﺍﻟﻤﻌﻠﻮﻣﺎﺕ ﻻﺑﻦ ﺧﺎﻟﺘﻬﺎ ﻭﺷﻨﻮ ﺍﻟﻐﺎﻳﻪ
ﺑﺪﻳﺖ ﺍﺷﻚ ﺑﻠﺠﻴﻦ ﺑﺲ ﻛﻠﺖ ﻣﻌﻘﻮﻟﻪ ﺗﺴﻮﻳﻬﺎ
ﺯﻳﻦ ﻭﻳﻦ ﺣﺼﻠﺖ ﺭﻗﻤﻪ ﻭﺷﻠﻮﻥ ﺍﺗﻮﺍﺻﻠﺖ ﻭﻳﺎ
ﺍﺫﺍ ﻃﻠﻌﺖ ﻟﺠﻴﻦ ﻭﺭﻩ ﻛﻠﺸﻲ ﻳﻤﻜﻦ ﺍﺟﺮﻡ ﺑﻴﻬﺎ
ﺑﺲ ﻫﻤﻲ ﺍﻟﻮﺣﻴﺪ ﺷﻠﻮﻥ ﺭﺍﺡ ﺍﻛﺪﺭ ﺍﻭﺍﺟﻬﺎ ﻟﻤﻼﻙ ﺍﺫﺍ ﻃﻠﻌﺖ ﺑﺮﻳﺌﻪ
ﺷﻠﻮﻥ ﺭﺍﺡ ﺍﺭﺟﻌﻠﻬﺎ ﻧﻀﺮﻫﺎ
ﻣﻌﻘﻮﻟﻪ ﻳﻄﻠﻊ ﺍﺑﻦ ﺧﺎﻟﺘﻬﺎ ﻧﺬﻝ ﻭﺻﺪﻙ ﻣﺨﺪﺭﻫﺎ ﻭﻣﺎﺧﺬ ﻋﺬﺭﻳﺘﻬﺎ
ﻻﻥ ﺍﻟﺸﺨﺺ ﺍﻟﻲ ﻫﻴﺞ ﻳﺴﻮﻱ ﺑﻴﻬﺎ ﻭﻳﻄﻌﻦ ﺑﺸﺮﻓﻬﺎ ﺍﻛﻴﺪ ﻣﺴﻮﻳﻬﺎ ﻗﺒﻞ ﻭﻳﺎﻫﺎ ﻭﺩﺍﻙ ﺍﻟﻨﺎﻗﺼﻪ
ﺍﺟﺎﻧﻲ ﺳﻴﻒ ﺍﻗﺮﺏ ﺷﺨﺺ ﺍﻟﻲ ﻫﻮ
ﻛﻠﻲ ﺷﺒﻴﻚ ﻣﻬﻤﻮﻡ
ﺳﻮﻟﻔﺘﻠﻪ ﻛﻠﺸﻲ
ﻛﻠﻲ ﻭﻟﻚ ﺍﺛﻮﻝ ﺍﻧﺖ ﻭﻟﻮ ﺍﻛﺒﺮ ﻣﻨﻲ ﺑﺲ ﻣﻦ ﺻﺪﻙ ﻋﺼﺒﺘﻨﻲ
ﺍﺫﺍ ﻫﻲ ﺻﺪﻙ ﺗﺮﺍﺳﻠﻪ ﻣﻌﻘﻮﻟﻪ ﻳﻔﺘﻦ ﻋﻠﻴﻬﺎ
ﻣﻌﻘﻮﻟﻪ ﻳﺨﺒﺮﻙ ﻛﻞ ﺣﺮﻛﺎﺗﻬﻢ
ﺯﻳﻦ ﺍﺫﺍ ﻣﺜﻞ ﻣﺘﻜﻮﻝ ﺍﻧﺖ ﺷﺎﺩ ﻛﺎﻣﻴﺮﺍﺕ ﺑﺎﻟﺒﻴﺖ ﻭﻫﻲ ﺗﺪﺭﻱ
ﺷﻠﻮﻥ ﺗﺨﺎﻃﺮ ﻭﺍﺩﺧﻠﻪ ﻟﻠﺒﻴﺖ
ﻳﻤﻜﻦ ﻟﻮ ﺗﻬﺮﺏ ﻭﻳﺎ ﻫﻮﺍﻱ ﺍﻓﻀﻞ ﻣﻦ ﺍﺩﺧﻠﻪ ﻟﻠﺒﻴﺖ ﺑﻮﺟﻮﺩ ﺍﻟﻜﺎﻣﻴﺮﺍ
ﺻﻔﻨﺖ ﻉ ﺣﺠﻴﻪ ﺻﺤﻴﺢ ﻫﺬﺍ ﺍﻟﺸﻲ
ﻳﻌﻨﻲ ﺷﺘﺘﻮﻗﻊ ﻣﻦ ﺍﻋﺮﻑ ﺑﻴﻬﺎ ﺍﺑﻮﺳﻬﺎ ﻣﻦ ﺣﻠﻜﻬﺎ ﻣﺜﻼ
ﺍﻛﻴﺪ ﺗﺘﻮﻗﻊ ﺗﻜﻮﻥ ﻧﻬﺎﻳﺘﻬﺎ
ﻛﺘﻠﻪ ﻟﻌﺪ ﻭﺍﻟﻤﺤﺎﺩﺛﻪ ﺍﻟﻲ ﻳﺼﻮﺭﻫﺎ ﻭﻳﺪﺯﻫﺎ ﺍﻟﻲ
ﺣﺠﻴﻬﺎ ﻫﻲ ﻭﻳﺎ ﻭﻳﺘﻐﺎﺯﻟﻮﻥ ﺳﻮﻳﻪ
ﻣﻮ ﻣﺸﻜﻠﻪ ﺍﻛﻮ ﻣﻦ ﻳﺤﺠﻲ ﻧﻴﺎﺑﻪ ﻋﻨﻬﺎ
ﺣﺠﻴﺖ ﻭﻳﺎ ﺑﻘﻪ ﺑﺲ ﺷﻲ ﻣﺪﻭﺧﻨﻲ
ﺍﺑﺪ ﻣﺘﺪﺧﻞ ﻟﻐﺮﻓﺘﻨﺎ
ﺷﺪﺧﻠﻬﺎ ﺑﺬﺍﻙ ﺍﻟﻴﻮﻡ ﻭﻫﻞ ﻫﻲ ﺻﺪﻓﻪ ﻟﻮ ﻟﻌﺒﻪ ﺿﺪﻫﺎ
ﻛﻠﻲ ﺑﺴﻴﻄﻪ
ﻧﺨﻠﻲ ﺣﻨﻴﻦ ﺗﺴﺘﻔﺴﺮ ﻣﻨﻬﺎ ﺷﻌﺪﻫﺎ ﺩﺧﻠﺖ
ﺑﺲ ﻳﺎﻋﻠﻲ ﺍﻧﻲ ﺍﺷﻚ ﺑﻤﺮﺗﻚ ﻟﺠﻴﻦ
ﺍﻛﺜﺮ ﻭﺍﺣﺪ ﻳﻌﺮﻓﻬﺎ ﺍﻧﻲ
ﻟﻚ ﺣﻴﺎﻳﻪ ﻣﺴﻤﻮﻣﺎﺕ ﻫﻨﻪ ﻭﺍﻣﻬﻦ
ﻭﺍﻟﻠﻪ ﻳﺎﺳﻴﻒ ﺍﺑﺪ ﻣﺮﺩﺗﻬﺎ ﺗﻜﻮﻥ ﻣﺮﺗﻲ
ﻭﻋﺎﻧﺪﺕ ﺍﻣﻲ ﻭﺍﻧﺖ ﺗﺪﺭﻱ
ﺑﺲ ﻣﻦ ﻋﺮﻓﺖ ﺑﺴﺎﻟﻔﺔ ﻣﻼﻙ
ﻗﺮﺭﺕ ﺍﺗﺰﻭﺟﻬﺎ ﺑﺲ ﺣﺒﻴﺖ ﺍﺳﻜﺖ ﺍﻣﻲ
ﺑﺲ ﺗﺪﺭﻱ ﻋﻠﻲ ﺍﺫﺍ ﻃﻠﻊ ﺣﺠﻴﻨﻪ ﺻﺤﻴﺢ
ﻣﻌﻨﺎﻫﺎ ﺍﻟﺒﻨﻴﻪ ﺻﺤﻴﺢ ﻣﺨﺪﺭﻩ ﻣﺎﺗﺪﺭﻱ ﺑﻨﻔﺴﻬﺎ
ﻭﻫﺬﺍ ﺍﺑﻦ ﺧﺎﻟﺘﻬﺎ ﻧﺬﻝ ﻭﺣﻘﻴﺮ
ﻳﻨﺮﺍﺩﻟﻪ ﻣﻦ ﻳﺎﺩﺑﻪ
ﻟﻚ ﻭﺍﻟﻠﻪ ﻣﺎﺍﺩﺭﻱ ﺷﺎﺳﻮﻱ ﻫﺎﻱ ﺍﻟﻤﺴﻜﻴﻨﻪ ﺿﻠﻤﻨﺎﻫﺎ ﻫﻮﺍﻱ
ﻓﻘﺪﺕ ﻛﻠﻴﺘﻬﺎ ﻭﻧﻀﺮﻫﺎ ﻭﻓﻘﺪﺕ ﺷﺮﻓﻬﺎ ﻭﻓﻘﺪﺕ ﺍﺣﺘﺮﺍﻡ ﺍﻟﻨﺎﺱ ﻭﺍﻻﻫﻢ ﻣﻦ ﻛﻠﺸﻲ ﻓﻘﺪﺕ ﺍﻫﻠﻬﺎ ﻣﺎﺍﻋﺘﻘﺪ ﺍﻛﻮ ﺍﺻﻌﺐ ﻣﻦ ﻫﺬﺍ ﺍﻟﺸﻲ
ﻭﺍﻟﻠﻪ ﻳﺎﻋﻠﻲ ﺍﻧﺖ ﺗﺪﺭﻱ ﺑﻴﻪ ﺻﺮﻳﺢ ﻭﻣﺎﺍﻋﺮﻑ ﺍﻟﻠﻒ ﻭﺍﻟﺪﻭﺭﺍﻥ
ﺑﻌﻤﺮﻱ ﻣﺎﺷﻜﻴﺖ ﺑﻴﻬﺎ ﻟﻠﺒﻨﻴﻪ
ﻻﻥ ﻣﺒﻴﻦ ﻋﻠﻴﻬﺎ ﺍﻻﺩﺏ ﻭﺍﻻﺧﻼﻕ ﺭﻏﻢ ﻣﺎ ﺷﺎﻳﻔﻬﺎ ﺑﺲ ﻣﺮﻩ ﻭﺧﻄﻒ
ﺑﺲ ﺍﻟﻜﺘﺎﺏ ﻣﺒﻴﻦ ﻋﻠﻲ ﻣﻦ ﻋﻨﻮﺍﻧﻪ
ﻳﺎﻣﺎ ﺩﺧﻠﺖ ﺍﻟﻜﻢ ﺍﻧﻲ ﻭﺍﻟﻮﻟﺪ
ﻣﺎﻳﻮﻡ ﺩﺧﻠﺖ ﻋﻠﻴﻨﻪ ﺭﻏﻢ ﻣﺎﺍﻧﺘﻮ ﻣﺎﻣﺎﻧﻌﻴﻬﺎ
ﻫﻲ ﺍﻟﻲ ﺗﻨﻄﻲ ﺷﺮﻓﻬﺎ ﺑﺎﺭﺍﺩﺗﻬﺎ ﺍﻛﻴﺪ ﻣﺎﻋﻨﺪﻫﺎ ﺧﺠﻞ ﻭﻻ ﺣﻴﺎﺀ
ﺑﺲ ﺑﻨﺖ ﻋﻤﻚ ﺣﺴﻴﺘﻬﺎ ﻏﻴﺮ
ﻭﺟﻨﺖ ﺩﺍﺋﻤﺎ ﺍﺭﻳﺪ ﺍﺣﺠﻲ ﻭﻳﺎﻙ ﺑﺲ ﻣﺘﺮﺩﺩ
ﻛﻠﺖ ﺍﺧﺎﻑ ﺗﻔﻬﻤﻨﻲ ﻏﻠﻂ
ﺍﻟﻤﻬﻢ ﻻﺯﻡ ﺗﺤﺎﻭﻟﻮﻥ ﻭﻳﺎﻫﺎ ﺗﺮﻭﺡ ﺗﻌﺎﻟﺞ ﻧﻈﺮﻫﺎ ﻳﺠﻮﺯ ﺷﻲ ﺑﺴﻴﻂ ﻭﻳﺮﺟﻊ ﺑﺼﺮﻫﺎ
ﻻﻥ ﻣﺎﻛﻮ ﻧﻌﻤﻪ ﺍﻓﻀﻞ ﻣﻦ ﺍﻟﺒﺼﺮ
ﺍﻛﻴﺪ ﺗﻌﺎﻧﻲ ﻛﺎﻋﺪ
ﺗﻌﺎﻝ ﺍﻛﻠﻚ ﺻﺪﻙ ﺷﻠﻮﻥ ﻓﻘﺪﺕ ﺍﻟﺒﺼﺮ
ﺿﺮﺑﺘﻬﺎ ﻫﻮﺍﻱ ﻉ ﻋﻴﻮﻧﻬﺎ ﻭﺭﺍﺳﻬﺎ
ﺍﺗﺨﺒﻠﺖ ﺑﺬﻳﺞ ﺍﻟﻠﺤﻀﻪ ﻣﺎﺍﻋﺮﻑ ﺷﺎﺻﺮﻑ
ﻣﻤﻜﻦ ﺳﺆﺍﻝ ﻭﺗﺠﺎﻭﺑﻨﻲ ﻉ ﺑﺼﺮﺍﺣﻪ
ﺍﺳﺎﻝ
ﺍﺗﺤﺒﻬﺎ ﺍﻧﺖ ﻟﻮ ﻻ ﺗﻌﻄﻒ ﻋﻠﻴﻬﺎ
ﻭﺍﻟﻠﻪ ﺍﺫﺍ ﺍﻛﻮﻝ ﻳﺠﻮﺯ ﻣﺘﺼﺪﻛﻨﻲ ﻭﻻ ﻭﺍﺣﺪ ﺭﺍﺡ ﻳﺼﺪﻛﻨﻲ
ﺍﺣﺒﻬﺎ ﺑﺠﻨﻮﻥ ﻭﺍﻋﺸﻘﻬﺎ ﻭﺟﻨﺖ ﻣﻮﺍﻓﻖ ﻋﻠﻴﻬﺎ ﺣﺘﻠﻮ ﻭﻱ ﺍﺑﻦ ﺧﺎﻟﺘﻬﺎ ﻋﺪﻫﻢ ﻋﻼﻗﻪ
ﺑﺲ ﻫﻲ ﺭﺍﻓﻀﺘﻨﻲ ﻭﺑﺸﺪﻩ
ﻣﺤﺴﺴﺘﻨﻲ ﺑﻴﻮﻡ ﺍﻧﻲ ﺍﻋﻨﻲ ﺷﻲ ﺑﺤﻴﺎﺗﻬﺎ
ﺍﺫﺍ ﻟﺤﺪ ﻫﺎﻱ ﺍﻟﺤﻀﻪ ﺷﻌﺮﻫﺎ ﻣﺸﺎﻳﻔﻪ ﻣﻨﺰﻋﺖ ﺍﻟﺤﺠﺎﺏ ﺍﺑﺪ ﻛﺪﺍﻣﻲ
ﻟﻚ ﺗﺤﺠﻲ ﺻﺪﻙ ﺍﺫﺍ ﺍﻧﺖ ﺯﻭﺟﻬﺎ ﻣﺎﻧﺎﺯﻋﻪ ﺍﻟﺤﺠﺎﺏ ﻛﺪﺍﻣﻚ ﺷﻠﻮﻥ ﺗﺼﺪﻙ ﺑﻴﻬﺎ ﺍﺩﺧﻞ ﺍﻟﻮﻟﺪ ﻟﺒﻴﺘﻚ ﻭﻟﻐﺮﻓﺘﻚ
ﻭﺍﻟﻠﻪ ﻣﺎﺍﺩﺭﻱ ﻳﺎﺳﻴﻒ
ﻣﺎﺍﻋﺮﻑ ﺷﻌﻤﺎﻧﻲ ﻭﻣﻔﻜﺮﺕ ﻣﺎﺍﺩﺭﻱ
ﺑﻘﻪ ﺍﻟﺤﺠﻲ ﻳﺪﻙ ﺑﺮﺍﺳﻲ
ﻃﻠﺒﻨﺎ ﻣﻦ ﺣﻨﻴﻦ ﺗﺴﺘﻔﺴﺮ ﻣﻨﻬﺎ
ﻛﺎﻟﺖ ﻟﺠﻴﻦ ﻃﺎﻟﺒﻪ ﻣﻨﻬﺎ ﺗﻨﻈﻒ ﺍﻟﻐﺮﻓﻪ
ﻛﺎﻝ ﺳﻴﻒ ﺷﺤﺠﻪ ﺍﻟﺒﻬﻠﻮﻝ
ﻣﻮ ﻛﺘﻠﻚ ﺍﻟﺤﻴﻪ ﻭﺭﺍﻫﺎ
ﻛﺘﻠﻪ ﺑﺲ ﻣﺎﻧﻜﺪﺭ ﻧﺤﺠﻲ ﻣﺎﻋﺪﻧﻪ ﺩﻟﻴﻞ
ﻛﻠﻲ ﺳﻴﻒ ﺍﺗﻌﺎﻣﻞ ﻭﻳﺎﻫﺎ ﻃﺒﻴﻌﻲ ﻭﺳﻮﻱ ﻧﻔﺴﻚ ﺗﺸﻚ ﺑﻌﺪﻙ ﺑﻤﻼﻙ
ﺑﻠﻜﻲ ﺗﺮﺍﺳﻠﻪ ﻣﺮﻩ ﺛﺎﻧﻴﻪ
ﺣﺘﻰ ﺑﺎﻟﻠﺤﻀﻪ ﺍﺩﻭﺭ ﻏﺮﻓﺘﻚ ﺯﻳﻦ ﺍﻛﻴﺪ ﺭﺍﺡ ﺗﻠﻜﻲ ﺍﻟﺠﻬﺎﺯ
ﻛﺘﻠﻬﻢ ﺻﺪﻙ ﺍﻟﻤﻜﺎﻥ ﺍﻟﻮﺣﻴﺪ ﺍﻟﻲ ﻣﺪﻭﺭﺕ ﺑﻲ ﻫﻲ ﻏﺮﻓﺘﻨﺎ
ﻛﻤﺖ ﻳﻮﻣﻴﻪ ﺗﻘﺮﻳﺒﺎ ﺍﺟﻲ ﻻﻫﻠﻲ ﺍﺗﻤﻨﻰ ﺍﺣﺠﻲ ﻭﻳﺎﻫﺎ
ﺑﺲ ﻣﺎﺍﻋﺮﻑ ﺷﺎﺣﺠﻲ ﺍﻋﺘﺬﺭ
ﻣﻴﻔﻴﺪ ﺍﻻﻋﺘﺬﺍﺭ ﺍﻛﻴﺪ
ﺍﺗﻮﺳﻞ ﺑﻴﻬﺎ ﻫﻢ ﻣﻴﻔﻴﺪ
ﺍﺑﻮﻳﻪ ﺍﻟﻮﺣﻴﺪ ﺍﻟﻲ ﻣﺎﺷﻚ ﺑﻴﻬﺎ ﻭﻻ ﻟﺤﻀﻪ
ﻭﺍﻧﻲ ﺍﻋﺮﻑ ﺍﺑﻮﻳﻪ ﻛﻠﺶ ﺯﻳﻦ ﺫﻛﻲ ﻭﻗﺎﺿﻲ ﺑﺎﻟﻌﺪﻝ ﺩﺍﺋﻤﺎ
ﺍﺑﺪ ﻣﻴﻈﻠﻢ ﺍﺣﺪ
ﻃﺒﻌﺎ ﻣﻨﻌﻨﻲ ﻣﻨﻌﺎ ﺑﺎﺗﺎ ﺍﻭﺻﻞ ﻟﻐﺮﻓﺘﻬﺎ ﻟﻮ ﺍﺣﺠﻲ ﻭﻳﺎﻫﺎ
ﺍﺳﻤﻊ ﺍﺧﺒﺎﺭﻫﺎ ﻣﻦ ﺣﻨﻴﻦ
ﺣﻴﻞ ﺿﺎﻳﺞ ﻋﻠﻴﻬﺎ ﺧﻄﻴﻪ ﺿﻴﻌﺘﻬﺎ ﻭﻳﺎﻱ
ﻟﻮ ﺍﺩﺭﻱ ﻫﻴﺞ ﻳﺼﻴﺮ ﺑﻴﻬﺎ ﻣﻦ ﻭﺭﺍﻱ ﺟﺎﻥ ﻣﺎﺧﻄﺒﺘﻬﺎ ﻭﻻ ﺍﺗﺰﻭﺟﺘﻬﺎ
ﺣﺎﻭﻟﺖ ﺍﻗﻨﻊ ﺍﺑﻮﻳﻪ ﻧﻌﺮﺿﻪ ﻟﺪﻛﺘﻮﺭ
ﺑﺲ ﻳﺮﻓﺾ ﻳﻜﻮﻝ ﻣﺎﺍﻛﺪﺭ ﺍﺟﺒﺮﻫﺎ
ﺍﺭﻳﺪﻫﺎ ﻣﻦ ﺫﺍﺗﻬﺎ ﺗﺠﻴﻨﻲ ﻭﺗﻄﻠﺐ ﻣﻨﻲ
ﻫﻮﺍﻱ ﺣﺠﻪ ﻋﻠﻴﻪ ﻻﻥ ﻣﺎﺫﻳﻬﺎ
ﻛﻠﻲ ﺍﻫﻢ ﺷﻲ ﻋﻨﺪﻱ ﻻﺯﻡ ﺍﻗﻨﻌﻬﺎ ﺍﻭﺩﻳﻬﺎ ﻟﻠﺪﻛﺘﻮﺭ ﻉ ﻣﻮﺩ ﻛﻠﻴﺘﻬﺎ ﺣﻴﻞ ﺗﻌﺒﺎﻧﻪ ﻭﻻﺯﻡ ﺍﺳﻮﻳﻠﻬﺎ ﺳﻮﻧﺎﺭ
ﻫﻮﺍﻱ ﺍﻓﻜﺮ ﺑﻴﻬﺎ ﻭﺍﻛﻮﻝ ﻣﻌﻘﻮﻟﻪ ﺍﻧﻲ ﻇﺎﻟﻢ ﻟﻬﺎﻟﺪﺭﺟﻪ ﻭﻳﺎﻫﺎ
ﺧﻄﻴﻪ ﺷﻜﻴﺖ ﺑﻴﻬﺎ ﺳﺮﻗﺖ ﺍﻟﻤﻮﺑﺎﻳﻞ
ﻭﺷﻜﻴﺖ ﺑﻴﻬﺎ ﺗﺨﻮﻧﻲ
ﻭﺷﻜﻴﺖ ﺑﻨﺰﺍﻫﺘﻬﺎ ﻭﻃﻬﺎﺭﺗﻬﺎ
ﻣﺎﺍﻋﺮﻑ ﺷﻠﻮﻥ ﺍﻛﻔﺮ ﻋﻦ ﺫﻧﺒﻲ ﺍﺗﺠﺎﻫﺎ
ﺳﻮﻳﺖ ﻧﻔﺴﻲ ﻃﺒﻴﻌﻲ ﺍﺗﺠﺎﻩ ﻟﺠﻴﻦ
ﻭﻛﻤﺖ ﺍﺣﺠﻲ ﻭﺍﻃﻌﻦ ﺑﺸﺮﻓﻬﺎ ﻟﻤﻼﻙ
ﻛﻤﺖ ﺍﺣﺠﻲ ﻭﺍﻛﻠﻠﻬﺎ
ﺗﺪﺭﻳﻦ ﺍﻛﺒﺮ ﻏﻠﻄﻪ ﺳﻮﻳﺘﻬﺎ ﺷﻨﻮ
ﺷﻨﻮ ؟؟؟؟؟؟؟
ﻟﻤﻦ ﻃﻠﻜﺘﻬﺎ ﻟﻤﻼﻙ ﻟﻮ ﻣﺨﻠﻴﻬﺎ ﻫﻨﺎ ﺧﺪﺍﻣﻪ ﻣﻮ ﺍﺣﺴﻦ
ﺍﻟﺒﻴﺖ ﻧﻈﻴﻒ 24 ﺳﺎﻋﻪ ﻭﺍﻻﻛﻞ ﺟﺎﻫﺰ ﺩﺍﺋﻤﺎ
ﻻ ﻳﻤﻌﻮﺩ ﻋﻠﻴﻤﻦ ﺗﺨﻠﻴﻬﺎ
ﺧﻞ ﺗﻮﻟﻲ ﻧﺒﻘﻰ ﺑﻮﺣﺪﻧﺎ ﺍﻓﻀﻞ
ﺷﻨﻮ ﺍﻟﻔﺎﻳﺪﻩ ﺗﻨﻈﻒ ﻭﺗﻄﺒﺦ ﻭﻫﻲ ﻣﻮ ﺷﺮﻳﻔﻪ
ﻟﻮ ﻳﻄﻴﺢ ﺑﻴﺪﻩ ﺍﺩﻭﺱ ﺍﺑﻄﻨﻬﺎ ﻭﺍﻗﻄﻊ ﻧﻔﺴﻬﺎ
ﻛﻮﻩ ﺍﺗﻤﺎﻟﻜﺖ ﺍﻋﺼﺎﺑﻲ
ﺳﻜﺘﺖ ﻛﺘﻠﻪ ﺧﻞ ﺗﻮﻟﻲ
ﺑﻘﻴﺖ ﺍﺩﻭﺭ ﻉ ﺍﻟﺠﻬﺎﺯ ﺑﺎﻟﻐﺮﻓﻪ ﺑﺲ ﻣﺎﺍﻟﻪ ﺍﺛﺮ ﺍﺑﺪ
ﺻﺎﺭ ﺗﻘﺮﻳﺒﺎ ﺷﻬﺮﻳﻦ ﻣﻦ ﻋﺮﻓﺘﻬﺎ ﻟﻤﻼﻙ ﻓﺎﻗﺪﻩ ﺍﻟﺒﺼﺮ ﻭﺗﻘﺮﻳﺒﺎ 7 ﺍﺷﻬﺮ ﻣﻦ ﺍﻟﺤﺎﺩﺙ ﻛﻠﻪ
ﺧﻼﻝ ﻫﺎﻟﺸﻬﺮﻳﻦ ﺍﺑﺪ ﻣﻠﺘﻘﻴﺖ ﺑﻴﻬﺎ ﻭﻻ ﻟﻤﺤﺘﻬﺎ ﺍﺑﺪ
ﺩﺍﺋﻤﺎ ﺍﻓﻜﺮ ﺑﻴﻬﺎ ﺧﻄﻴﻪ ﺷﻠﻮﻥ ﺗﺘﺤﺮﻙ ﺷﻠﻮﻥ ﺗﺒﺪﻝ ﺷﻠﻮﻥ ﺗﺴﺒﺢ
ﺣﺘﻰ ﺍﺫﺍ ﻭﺣﺪﻩ ﺗﺴﺎﻋﺪﻫﺎ ﺻﻌﺒﻪ
ﺍﻟﻴﻮﻡ ﺧﺎﺑﺮﻧﻲ ﺍﺑﻮﻳﻪ ﻛﻠﻲ ﻣﺮﺍﺡ ﺍﺟﻲ ﻟﻠﻤﻜﺘﺐ
ﺳﺎﻟﺘﻪ ﻟﻴﺶ
ﻛﻠﻲ ﺭﺍﺡ ﺍﺧﺬﻫﺎ ﻟﻤﻼﻙ ﻟﻠﺪﻛﺘﻮﺭ
ﺍﻧﻲ ﺍﺗﺨﺒﻠﺖ ﺷﺒﻴﻬﺎ
ﻛﻠﻲ ﻛﻠﻴﺘﻬﺎ ﺣﻴﻞ ﻣﺄﺫﻳﺘﻬﺎ
ﻻﺯﻡ ﻧﻌﺮﺿﻬﺎ ﻉ ﺩﻛﺘﻮﺭ
ﻛﺘﻠﻪ ﺭﺍﺡ ﺍﺟﻴﻜﻢ
ﺭﻓﺾ ﻣﻘﺒﻞ ﻛﻠﻲ ﻟﺘﺪﺧﻞ
ﺳﻜﺘﺖ ﺑﺲ ﺑﻘﻴﺖ ﺑﻘﻠﻖ
ﻛﻞ ﺷﻮﻳﻪ ﺍﺧﺎﺑﺮ ﻭﺍﻃﻤﺄﻥ
ﺍﺧﺮ ﺷﻲ ﻛﺎﻝ ﺭﺍﺡ ﻧﺪﺧﻞ
ﺑﻌﺪﻳﻦ ﻛﻠﻲ ﺗﻌﺎﻝ ﻟﻠﺒﻴﺖ ﻭﻧﺘﻔﺎﻫﻢ
ﺭﺣﺖ ﻛﺒﻞ
ﻛﻠﻲ ﺍﺑﻮﻳﻪ ﺗﺤﺘﺎﺝ ﻋﻤﻠﻴﻪ ﺯﻭﻉ ﻛﻠﻪ
ﺑﺲ ﺧﻄﺮﻩ ﻋﻠﻴﻬﺎ
ﻻﻥ ﺑﺲ ﻫﺎﻱ ﺍﻟﻜﻠﻪ
ﻭﺑﻨﻔﺲ ﺍﻟﻮﻗﺖ ﻻﺯﻡ ﻧﺴﻮﻳﻬﺎ ﻻﻥ ﻣﺄﺫﻳﺘﻬﺎ
ﻟﻌﺪ ﻧﺴﻮﻳﻬﺎ ﻭﻉ ﺍﻟﻠﻪ
ﺑﺲ ﺗﺪﺭﻱ ﺑﻴﻬﺎ ﻋﻨﻮﺩﻳﻪ
ﺭﻓﻀﺖ ﺗﺴﻮﻳﻬﺎ
ﺑﺲ ﻣﻮ ﺑﻜﻴﻔﻬﺎ
ﻟﻌﺪ ﺑﻜﻴﻒ ﻣﻨﻮ
ﻣﺤﺪ ﻭﺻﻠﻬﺎ ﻟﻬﺎﻱ ﺍﻟﻤﺮﺣﻠﻪ ﻏﻴﺮ ﺍﻧﺖ
ﺩﻣﺮﺗﻬﺎ ﺩﻣﺎﺭ
ﺍﻱ ﻳﺎ ﻳﺎﺑﻪ ﺍﺫﺍ ﺍﻻﺩﻟﻪ ﺿﺪﻫﺎ ﺍﻧﻲ ﺷﻤﺪﻳﻨﻲ ﻳﻄﻠﻊ ﻣﻠﻌﻮﺏ
ﺍﻟﻤﻔﺮﻭﺽ ﺗﺘﺎﻧﻪ ﻭﺗﺎﺧﺬ ﺍﻻﻣﻮﺭ ﺑﻌﻘﻞ ﻣﻮ ﺑﻌﺼﺒﻴﻪ ﻭﺗﻬﻮﺭ
ﺍﻟﺒﻨﻴﻪ ﺷﻨﻮ ﺫﻧﺒﻬﺎ ﺗﻔﻘﺪ ﺑﺼﺮﻫﺎ ﺑﺴﺒﺒﻚ
ﻭﺣﺎﻟﺘﻬﺎ ﺍﻟﻨﻔﺴﻴﻪ ﺯﻓﺖ
ﻛﻮﻩ ﻭﺍﻓﻘﺖ ﺗﺮﻭﺡ ﻟﻠﺪﻛﺘﻮﺭ
ﺑﺲ ﺍﻟﻈﺎﻫﺮ ﻛﺎﻋﺪ ﺗﺘﺎﻟﻢ ﺣﻴﻞ
ﺧﻞ ﺍﺩﺧﻞ ﻳﻤﻬﺎ ﻭﺍﺣﺠﻲ ﻭﻳﺎﻫﺎ
ﻻ ﺍﺑﻮﻱ ﻋﻮﻑ ﺍﻟﺒﻨﻴﻪ ﺑﺤﺎﻟﻬﺎ ﺧﻄﻴﻪ
ﺍﻧﺖ ﺑﻌﺪ ﻣﺎﺍﻟﻚ ﺣﻖ ﻋﻠﻴﻬﺎ ﺍﺑﺪ
ﺑﺲ ﻣﺮﺍﺡ ﺍﺳﻮﻳﻠﻬﺎ ﺷﻲ ﺑﺲ ﺍﺣﺠﻲ ﻭﻳﺎﻫﺎ
ﻻ ﺧﻠﻴﻬﺎ ﺍﻧﻲ ﺍﻗﻨﻌﻬﺎ
ﻓﻌﻼ ﻗﻨﻌﻬﺎ ﺍﺑﻮﻳﻪ ﻭﺣﺪﺩﻭﺍ ﻣﻮﻋﺪ ﺍﻟﻌﻤﻠﻴﻪ ﺑﺎﺭﺑﻴﻞ
ﻛﻮﻩ ﺣﺼﻠﻨﻪ ﻣﺘﺒﺮﻉ ﺍﻟﻬﺎ
ﻃﻤﻨﻪ ﺍﻟﺪﻛﺘﻮﺭ ﻛﺎﻝ ﺍﻥ ﺷﺎﺀ ﺍﻟﻠﻪ ﺗﻨﺠﺢ
ﺍﻟﻴﻮﻡ ﻣﻮﻋﺪ ﺍﻟﻌﻤﻠﻴﻪ
ﺍﺑﻮﻳﻪ ﻛﻠﻲ ﺍﺻﺮﺕ ﺗﺘﺼﻞ ﻉ ﺍﻫﻠﻬﺎ
ﻛﺎﻝ ﻃﻠﺒﺖ ﺗﺴﻤﻊ ﺻﻮﺕ ﺍﻣﻬﺎ ﻗﺒﻞ ﻟﺘﺪﺧﻞ ﺍﻟﻌﻤﻠﻴﻪ
ﺑﺲ ﻟﻼﺳﻒ ﺭﺍﻓﻀﻴﻦ ﻳﺴﻤﻌﻮﻫﺎ ﻭﻻ ﻣﺤﺎﺟﻴﻬﺎ
ﺭﻏﻢ ﻣﺎﻋﺮﻓﻮﺍ ﺍﻟﻴﻮﻡ ﻋﻤﻠﻴﺘﻬﺎ
ﺣﻴﻞ ﻣﺘﺎﺛﺮ ﺍﺑﻮﻳﻪ
ﻳﻜﻮﻝ ﺧﻄﻴﻪ ﻣﺴﻜﻴﻨﻪ ﺿﺎﻳﺞ ﻋﻠﻴﻬﺎ
ﺍﻧﻲ ﻫﻮﺍﻱ ﻛﺎﻋﺪ ﺍﺣﺲ ﺑﺬﻧﺐ ﻉ ﺍﻟﺴﻮﻳﺘﻪ ﺑﻴﻬﺎ
ﻛﻠﻲ ﺍﺑﻮﻳﻪ ﻟﺘﺤﺴﺴﻬﺎ ﺍﻧﺖ ﺑﺎﻟﻤﺴﺘﺸﻔﻰ ﻭﻳﺎﻧﻪ
ﻻﻥ ﻃﺎﻟﺒﻪ ﻣﻦ ﺍﺑﻮﻳﻪ ﺍﺑﺪ ﻣﺎﺍﺣﻀﺮ ﻭﻳﺎﻫﻢ
ﺩﺧﻠﻮﻫﺎ ﻟﻠﻌﻤﻠﻴﻪ ﻭﺟﻨﻪ ﻗﻠﻘﻴﻦ ﻋﻠﻴﻬﺎ ﻫﻮﺍﻱ
ﺍﻟﺒﻨﻴﻪ ﻓﺎﻃﻤﻪ ﻭﻳﺎﻧﻪ ﻭﺍﻣﻲ ﻫﻤﻴﻦ
ﻓﺘﺮﻩ ﺑﻘﻴﻨﻪ ﻧﻨﺘﻈﺮ
ﻃﻠﻊ ﺍﻟﺪﻛﺘﻮﺭ ﻭﻃﻤﻨﻪ ﻋﻠﻴﻬﺎ
ﻛﺎﻝ ﻧﺠﺤﺖ ﺍﻟﻌﻤﻠﻴﻪ
ﺑﺲ ﻻﺯﻡ ﺗﺒﻘﻰ ﺑﻔﺘﺮﺓ ﻧﻘﺎﺀ ﻣﺪﺓ 6 ﺍﺷﻬﺮ
ﺍﻟﺤﻤﺪ ﻟﻠﻪ ﺟﻨﻪ ﺣﻴﻞ ﺧﺎﻳﻔﻴﻦ ﻋﻠﻴﻬﺎ
ﻣﻤﻨﻮﻉ ﺍﻟﺰﻳﺎﺭﻩ ﻭﺍﻟﻲ ﻳﺪﺧﻞ ﻋﻠﻴﻬﺎ ﻻﺯﻡ ﻳﻌﻘﻤﻮﻧﻪ ﻭﻳﻠﺒﺴﻮﻧﻪ ﻣﻼﺑﺲ ﺧﺎﺻﻪ
ﺩﺧﻠﺖ ﺍﻧﻲ ﺑﺲ ﻣﺤﺠﻴﺖ
ﻭﻫﻲ ﺍﺻﻼ ﻣﺤﺠﺖ ﺷﻲ
ﺑﻘﺖ ﺍﺳﺒﻮﻋﻴﻦ ﺑﺎﻟﻤﺴﺘﺸﻔﻰ
ﺑﻌﺪﻫﺎ ﻃﻠﺐ ﺍﻟﺪﻛﺘﺮ ﻧﻄﻠﻌﻬﺎ
ﻭﻓﻌﻼ ﻃﻠﻌﻨﺎﻫﺎ ﻭﺻﻌﺪﺗﻬﺎ ﺍﻟﺒﻨﻴﻪ ﻟﻐﺮﻓﺘﻬﺎ
ﺛﺎﻧﻲ ﻳﻮﻡ ﻫﻢ ﺍﺟﻴﺖ ﻭﺍﻃﻤﺎﻧﻴﺖ ﻋﻠﻴﻬﺎ
ﺳﺎﻟﺖ ﺍﺑﻮﻳﻪ ﻫﻢ ﺍﺣﺪ ﺳﺎﻝ ﻋﻠﻴﻬﺎ ﻣﻦ ﺍﻫﻠﻬﺎ
ﻛﻠﻲ ﻻ ﺍﺑﺪ
ﺧﻠﺼﺖ ﻓﺘﺮﺓ ﺍﻟﻨﻘﺎﺀ ﻭﻛﺪﺭﻧﻪ ﻧﺤﺎﻓﻆ ﻋﻠﻴﻬﺎ ﻣﻦ ﺍﻟﺘﻠﻮﺙ
ﺑﻌﺪﻫﺎ ﺑﻔﺘﺮﻩ ﺟﻨﻪ ﺑﺎﻟﻤﻜﺘﺐ ﺍﻧﻲ ﻭﺍﺑﻮﻳﻪ
ﺟﺎﻥ ﻳﺘﺼﻞ ﺑﻴﻪ ﻋﻤﻲ
ﺍﻟﺼﺮﺍﺣﻪ ﺍﺳﺘﻐﺮﺑﺖ ﺷﻨﻮ ﺍﻟﻤﻮﺿﻮﻉ
ﻋﻤﻮ ﺍﺑﺪ ﻣﻴﺘﺼﻞ ﺑﻴﻪ ﻧﻬﺎﺋﻴﺎ ﺑﺲ ﺍﻧﻲ ﺍﺧﺎﺑﺮﻩ ﻣﺮﺍﺕ
ﺭﻓﻌﺖ ﺧﻂ ﺑﻌﺪ ﺍﻟﺴﻼﻡ ﻭﺍﻟﺴﺆﺍﻝ ﻋﻦ ﺍﺑﻮﻳﻪ ﻭﺍﻣﻲ
ﻛﻠﻲ ﺍﺭﻳﺪﻙ ﺗﺠﻴﺐ ﻣﻼﻙ ﺑﺎﺟﺮ ﻇﺮﻭﺭﻱ ﻇﺮﻭﺭﻱ ﻟﻬﻨﺎ
ﺧﻴﺮﻙ ﻋﻤﻮ ﺻﺎﻳﺮ ﺷﻲ
ﻫﺎ ﻻ ﻣﺎﻛﻮ ﺷﻲ ﺑﺲ ﺟﻴﺒﻬﺎ ﻭﺑﻌﺪﻳﻦ ﻧﺘﻔﺎﻫﻢ ﻉ ﻛﻮﻟﺸﻲ
ﻃﺒﻜﻪ !!!!!
ﺑﻘﻴﺖ ﺑﺪﻭﺍﻣﻪ ﻋﺎﻳﺶ
ﺷﻨﻮ ﺍﻟﻤﻮﺿﻮﻉ ﻭﺷﻴﺮﻳﺪ ﻋﻤﻮ ﻣﻦ ﻣﻼﻙ
ﺗﻮﻗﻌﺎﺗﻜﻢ ﺣﺒﺎﻳﺐ
ﺷﻴﺮﻳﺪ ﻣﻨﻬﻢ ﺍﺑﻮ ﻣﻼﻙ
ﻭﻳﺎﺗﺮﻯ ﺭﺍﺡ ﺗﻨﻜﺸﻒ ﺍﻟﺤﻘﻴﻘﻪ ﻟﻮ ﺭﺍﺡ ﺗﺘﻌﻘﺪ ﺍﻛﺜﺮ
ﺍﻧﺘﻈﺮﻭﻧﻲ ﺑﺎﻟﺒﺎﺭﺕ ﺍﻟﻘﺎﺩﻡ
