بعدما خرج اسر وفارس من الشركة بعدما قال لهم المدير بان ياخذوا هذا اليوم اجازة لكي يستطيعوا التفكير جيدا ركبوا عربية اسر
فارس : اسر ايه رايك في الموضوع دة
قال له اسر وهو يقود ولم يلتفت له حتي : والله انا مش عارف بس هو بيقول ان هيبقي معانا مهندسين تانيين من شركة *** هيساعدونا لانهم شركاء مع شركتنا
فارس: انا شايف ان الموضوع حلو
اسر بهدوء: طب ينفع تسكت بقي لحد ما نوصل فرح الزفت عمر وتوجه الي الفيلا المقام بها حفل زفاف صديقه
***************************
وصلت نغم وليلي للفيلا اخذوا متعلقاتهم من السيارة وولكن توقفت نغم فجاة متذكرة : اوبس نسيت شنطة الفساتين في العربية
ليلي : يووه هي دي حاجة تتنسي خدي امسكي دول واعطتها الحقائب التي كانت تحملها ثم قالت : خشي انتي لمني وانا هجيب الشنطة واجي علي طول وحاولي تهدي مني لحد ما ارجع
نغم : ااه عشان كدة انا هروح اجيب الشنطة عشان تخلعي وتدبسيني انا في مني صح لكن دا بعدك يا ماما
ليلي: ماشي يلا ونبقي نهديها سوا بدل ما تاخدي انتي العلقة لوحدك ناخدها احنا الاتنين
رمقتها نغم بنظرة مميتة فخافت ليلي وقالت : خلاص انتي هتتحولي ولا ايه يلا بيناا بسرعة مش ناقصة تاخير واتجهوا نحو السيارة
ليلي بمكر: بصي بقي كدة يا نغم يا حبيبتي الفرح اللي جوة دة مليان عرسان عايزاكي تروحي انهاردة وفي ايديكي عريس ايوة امال ايه
نغم بعصبية : صدقي وتؤمني بالله
ليلي: لا اله الا الله
نغم : انا مش هعكر مزاجي ولا هتعصب انا هعمل كدة ثم قامت بوضع الحقائب من يدها وغادرت ودخلت الفيلا تحت دهشة ليلي فكيف لها ان تحمل كل تلك الحقائب وحدها ثم صاحت ليلي : نغم استني انا هشيل دول ازاي ياااا نغم يووه دخلت وسابتني ااااااااااه
اسر : انتي كويسة يا انسة
ليلي بمكر : كويسة ازاي وانت خبطتني بالعربية ااااه يا رجلي
فارس: علي فكرة العربية فرملت وملمستكيش وبعدين انتي الغلطانة انتي اللي كنتي بتجري زي المجنونة
ليلي بعصبية: مين دي اللي مجنونة يا حيوان انت دة انا هعلمك الادب
كاد فارس ان يتكلم ولكن قاطعه اسر قائلا بحدة: بببسس ايه خلاص الموضوع مش مستاهل كل دة ثم وجه حديثه لليلي : احنا اسفين ممكن بقي تمشي دلوقتي
ليلي : لا مش همشي انا رجلي وجعاني ومش هقدر اشيل الشنط بتاعتي ممكن تشيلهالي
فارس بعصبية : قولي كدة بقي انتي عايزة تستغلينا يلا يا شاطرة روحي من هنا العبي بعيد يلا يا ماما
