في صباح يوم ملئ بالمفاجات
تستيقظ بطلتنا وهي تتململ بانزعاج من اشعة الشمس التي تنفذ من النافذة لتعلن عن بدء يوم جديد وتبدا معه قصتنا فتحت عينها بتكاسل شديد لتنظر لباب الغرفة المغلق بالمفتاح جيدا نعم فهي تعلم ان هذا الشخص لن يتركها بحالها ابدا لتفزع حينما تري شخصا يحاول فتح الباب من الخارج قامت سريعا وارتدت ازدالها وتوجهت بخطي بطيئة للباب ثم قامت بفتحه ليظهر من وراؤه هذا الشخص
نغم بشجاعة مزيفة: انت ايه اللي جابك هنا انا قولتلك قبل كدة 100 مرة متقربش مني ولامن اوضتي ابدا ثم صاحت بغضب : ايه البعيد مبيفهمش اتفضل امشي من هنا احسنلك
رامي بنظرات مقززة وهو يتفحص ازدالها بدقة: انتي قافلة الباب من جوة ليه وبعدين هو انتي بتنامي بالازدال ولا ايه دة حتي الجو حرالنهاردة
نغم بصدمة مما سمعته :انت انسان حقير وزبالة ثم توجهت لتغلق الباب ولكنه امسكها من ذراعها وقال بصوت كفحيح الافعي : انتي اتماديتي اوي وانا مش هسكتلك اكتر من كدة مدام مش عايزة تيجي بالذوق هاخد اللي انا عايزه منك بالعافية فاعقلي كدة وفكري كويس قبل ما تتكلمي معايا بالطريقة دي تاني ثم صاح بها بغضب: فاهمة
نغم وهي تحاول تحرير يدها استمعت لذلك الصوت التي تكرهه فنغم لم تكره ابدا شخص بحياتها الا هذان الاثنان فهي زوجة ابيها (سامية) وابنها المتعجرف المغرور(رامي)
سامية: ايه اللي بيحصل دة انتي لسة ملبستيش يلا ياختي شدي حيلك كدة عشان تنضفي الفيلا كلها النهاردة جايلنا ضيوف
نغم وهي تبتسم لها ابتسامة استهزاء: الله الله الخدامة اللي كانت هنا في القصر دلوقتي بتامر اهله بس شكلك نسيتي اني مش زي اي حد هنا يسمع كلامك وهو مغمض عينه وبعدين ضيوفك انتي نضفيلهم براحتك ويلا بقي من هنا انتي وابنك اخرتوني علي شغلي
رامي بغضب وعصبية: انتي ازاي تكلمي امي كدة
سامية بابتسامة شر: خلاص يا رامي سيبها انا هدفعها تمن كل كلمة قالتها دلوقتي ثم اخذته وخرجت واقفلت نغم الباب واستندت عليه تبكي بحسرة من حالها وزادت شهقاتها حينما تذكرت كلام رامي وظلت هكذا بعض الوقت حتي افاقت علي صوت رنين هاتفها
بقلمي منة محمد 🔥🔥
نغم وهي تمسح دموعها فقالت بثبات مصطنع : الو
"انتي يا حيوانة يا زفتة الطين اتاخرتي كدة ليه كلنا هنا مستنينك " فلم ياتيها الرد فقالت باستغراب من هدوء صديقتها: الو الو نغم انتي معايا الو يا نغم حاولت نغم التماسك : الو ايوة يا ليلي معاكي بصي انا مش هاجي الشغل انهاردة ممكن تعمليلي الاذن دة
ليلي: ماشي يا نغم انما عارفة ان في سبب بس مش هنتكلم دلوقتي لما اشوفك هتقوليلي كل حاجة واة متنسيش انهاردة فرح البت مني وانتي وعدتيها انك هتحضري
