صباح يوم جديد تستيقظ نغم في الساعة السابعة كما تعودت دائما وتوضات وادت فريضتها ثم ذهبت واعدت لنفسها كوب القهوة وذهبت للشرفة ووقفت فيها وهي تبتسم ونسمات الهواء تلمس وجهها وخصلات شعرها تتطاير وهي غير منتبهة لتلك العيون التي تراقبها فما كان سوي اسر الذي يقف في الشرفة المجاورة فكان يبتسم بتلقائية حينما تبتسم هي لتتحول ابتسامته لغضب شديد وهو يري احد العمال ينظر اليها باعجاب شديد وتلك الحمقاء غيرمنتبه له ليقول في نفسه : اكيد شايفاه وبتعمل كدة عن قصد وانا اللي كنت فاكرها محترمة هي اكيد زيهم كل الستات حاجة واحدة ثم دخل للداخل وبقيت نغم لفترة حتي تستيقظ ليلي وبالفعل استيقظت ليلي وتجهزوا للنزول لاستكشاف المكان قبل ما يبدا معاد العمل والعمال ينزلوا
**********************************************
في شقة اسر وفارس
اسر : صباح الخير يا فارس عامل ايه دلوقتي
فارس بنشاط : الحمد لله انا بقيت زي الحصان هي البرشامة دي فيها مفعول سحري ولا ايه
اسر بتريقة : مفعول سحري !! طب قوم يلا اخلص عشان ننزل
فارس : مابراحة عليا ياعم انت متعصب كدة ليه
اسر : مفيش حاجة تقدر تعصبني قوم اخلص
فارس وهو يتجه للحمام : يا ساتركتله برود ماشية علي الارض دة انت تلاجة يا شيخ
رمقه اسر بنظرة مخيفة وفي لمح البصركان فارس اختفي من قدامه وتجهزوا هم ايضا وتوجهوا للاسفل لمقابلة نغم وليلي
***********************************************
بالاسفل
فارس : صباح الخير
نغم وليلي : صباح النور
نغم : حمدلله علي سلامتك يا استاذ فارس
فارس : الله يسلمك متشكر ليكي جدا بجد البرشامة خلتني كويس
ليلي : برشامة ايه انتو بتتكلموا علي ايه
نغم: ابدا دة الاستاذ فارس كان تعبان امبارح بليل فاديتوا برشامة مسكن والحمد لله بقي كويس
ليلي: الف سلامة عليك يا استاذ فارس
فارس بتعجب وهو يشير الي نفسه : انا انتي بتقولي كدة ليا انا
ليلي بتريقة: ايوة امال هكون بقول لمين يعني
فارس : اصل اول مرة يعني تقولي كلام من غير ما تحدفي طوب
ليلي بعصبية: تصدق انا غلطانة اني سالت عليك انت اصلا مينفعش معاك غير الدبش عشان تلم نفسك
فارس: ايوة بقي اظهري علي حقيقتك وعاملة فيها رقيقة
ليلي : ولا لم نفسك احسنلك لحسن هسيب لساني عليك وانت حر بقي
