متنسوش تعملوا فوت وكومنت
******************************
بعد اذان الفجر كانت تستعد نغم وليلي للسفر بعد ان ادوا فريضتهم وقاموا بجمع جميع الحقائب فكان الموعد المحدد للسفر ان العمال سيكونون بالباص في تمام الساعة 6 وان عليهم ان يكونوا هناك في نفس الموعد ولكنهم سيكونون بسيارتهم الخاصة
نجوي : ها يا بنات خلصتوا الشنط
ليلي : ايوة يا ماما خلصنا وفاضل بس تنزل العربية عشان هنمشي كمان ساعة
نجوي : خلاص هتسيبوني لوحدي كدة
نغم : لوحدك بس ايه يا نوجة امال عمو رافت بيعمل ايه بس
نجوي : لا عمك رافت مبيعدش معايا ومش مهتم بيا
ليلي : ايه دة بجد انتي شكلك معبية من بابا كتير
نجوي : اه يا بنتي والله متسيبكوا من حكاية السفر دي وتقعدوا معايا عشان مقعدش لوحدي
هنا انفجرت ليلي ونغم من الضحك وهم يقولوا من بين ضحكاتهم يا عيني .... عليكي يا نوجة ..... ههههههه
نجوي باستغراب : في ايه انتو بتضحكوا كدة علي ايه ( فاشارت لها نغم بعينها خلفها فالتفت نجوي ورائها لتري رافت يقف وينظر لها بغضب ) نجوي بارتباك : رافت انت هنا من امتي
رافت بنظرات نارية : من ساعة ما كنتي غلبانة وانا مش مهتم بيكي ومبعبركيش يا هانم
نجوي وهي تبتلع ريقها : لا ابدا يا حبيبي هو انا ليا مين غيرك دا انا بس كنت بحاول اخلي البنات يقعدوا ويسافروش مش اكتر هو انا ليا مين غيرك ربنا يخليك ليا يا حبيبي
رافت : ويخليكي ليا يا...
هنا قاطعتهم ليلي : احم احم احنا لسة هنا يا عصافير الحب
رافت : لمي نفسك يا بت انتي الله ويلا هتتاخروا علي معاد السفر
ليلي : انت بتطردنا يا بابا علي العموم يلا يا نغم
نغم بمكر : يلا نسيب عصافير الحب اظاهر ان احنا كاتمين علي نفسهم
ثم هرولوا للخارج بسرعة قبل ان يقوما بسبهم واتجهوا نحو الشركة وقابلوا هناك العمال وركبوا فكان اتوبيس العمال امامهم ونغم بسيارتها خلفهم وطبعا معاها ليلي
*************************************
عند فارس واسر
كانوا قد اتفقوا علي ان تجلس والدة فارس واخته الصغري مع والدة اسر في منزلهم لحين عودتهم من السفر
فارس : خلاص بقي يا ماما هو انا مهاجر دة كلها اسبوعين بطلي عياط بقي عشان خاطري
والدة فارس ( سعاد ) : اهو يا حبيبي بطلت بس انت هتوحشني اوي
فارس : وانتو كمان هتوحشوني والله وبعدين انا جبتلك طنط امل تقعدي معاها انتي وسارة
سعاد : خلاص ياحبيبي ربنا يرجعكوا بالسلامة
