اسر : طبعا انتو عارفين السبب الحقيقي لمجينا هنا
نغم : طبعا عارفين
ليلي : دلوقتي نقدر نتعرف علي بعض بشكل افضل
فارس : هاي انا فارس كاد اسر الحديث ولكن قاطعته نغم : يا جماعة احنا اكيد عارفين الاسماء ياريت كل واحد يقول هويته الحقيقية غير مهندس البترول طبعا انتو فاهمني
فارس : خلاص نعيد المشهد من الاول تاني هاي انا فارس ضابط في الجيش سابقا متدرب علي جميع انواع الاسلحة وقناص كمان
ليلي : هاي انا ليلي بلافخر انا اكبر هاكر في مصر
فارس : يعني انتي تقدري تخترقي اي حساب وتشوفي كل اللي عليه
ليلي : بالظبط كدة
نغم : انا الكابتن نغم في فرقة تعطيل القنابل بالجيش سابقا
فارس : ايه جيش انتي بجد بتعطلي قنابل وكدة الله
اسر : في ايه مالك مستغرب كدة ليه انا اسر مسئول عن صنع اي مواد كيماوية لاني متدرب علي كدة برة مصر
نغم : يعني ايه انا مش فاهمة
اسر : يعني انا اللي هصنع المواد اللي هنحتاجها هنا لان طبعا مينفعش نجيبها هنا
ليلي : الله انا متحمسة اوي
نغم : طب يا جماعة انا كنت قولتلكوا ان احنا قبل ما نيجي قابلنا شخص
اسر : اه افتكرت طب هو الشخص دة قال ايه
ليلي : قال ان الدور اللي تحتينا اللي هو المفروض مهجور مجهز بكل حاجة ممكن نحتاجها ولكل واحد فينا غرفة يتدرب فيها علي مجال شغله كويس
نغم : وكمان ادانا ورق مهم
اسر : ورق ايه
نغم بعد ان قامت باخراج الورق من حقيبتها : دة دي خريطة للمكان كله والمكان اللي بيحطوا فيه المتفجرات
اسر وفارس : متفجرات ايه
ليلي : انا هحكيلكوا
فلاش باك
المدير : اتفضلوا اقعدوا
نغم : خير يا فندم حضرتك كنت طالبنا
المدير : بصراحة كدة كنت عايز منكم خدمة
ليلي : خدمة مننا احنا !!
نغم : خير يا استاذ مدحت اتفضل
مدحت :بس الاول عايزكوا تعرفوا ان انا عارف كل حاجة عنكم
ليلي : افندم !!
نغم : ازاي يعني حضرتك عارف كل حاجة عننا مش فاهمة
مدحت : بصي يا نغم انا عارف انك قبل ما تيجي الشركة هنا كنتي فالجيش وكمان في قسم تعطيل القنابل وكنتي مستعملة اسم والدك عشان يرضوا يدخلوكي وفعلا نجحتي وادربتي هناك سنتين بس بعدين حصلت ظروف وسيبتي الجيش كلامي صح
