وحشتوني جدا يا احلي متابعين عاملين إيه اوعو تكونوا نسيتوا الرواية يلا اللي لسة معملش متابعة يعمل واسفة اني مبردش علي كل التعليقات بس الفترة دي فعلا كانت اصعب فترة في حياتي ربنا ينتقم من الوزير وقراراته
دة غير اني كنت تعبانة ونفسيتي زي الزفت وشكرا لكل اللي سألوا عليا وكل اللي متابعني حبايبي ربنا يخليكو ليا 💜💜💜💜
★**★**★**★**★**★**★**★**★**★**★**★**★**★**★**★
أسر: دلوقتي احنا مش هينفع نعمل أي تصرف إلا بحرص شديد جداً أكيد هو هيعرف كل تحركاتنا وكل خطوة هنعملها حتي لو هو مش موجود معانا في نفس المكان أو احنا متصلناش بيه وقولناله اي حاجة أكيد هو ليه جواسيس هنا
فارس: ودة اللي يفسر ازاي قدر المخدر يوصل للعصير وازاي عرفوا ان نغم هتاخد العصير دة
ليلي مكملة : كل يوم بتطلب العصير دة بس ليه حطوا كوبايتين تفتكروا كانوا قاصدين ان البشمهندس اسر ياخد الكوباية التانية
اسر: لا معتقدش كدة كانوا حطينها احتياط مش اكتر بحيث انها تشرب العصير في اي حال
فارس: طب احنا دلوقتي هنعمل ايه الوقت بيضيع مننا ونغم هناك ومش عارفين إيه اللي ممكن يعملوه فيها
لمعت بعين ليلي لمعة خوف وقلق : طب إيه الخطة اللي انت قولت عليها
اسر : احنا من اول يوم جينا فيه هنا وانا وفارس روحنا عملنا استطلاع علي الشركة من غير ما حد يشوفنا وعرفنا ان ليها باب تاني بس هو تقريبًا قديم اوي او متفتحش من سنين هنخش انا وفارس منه ونحاول نلاقي الاوضة اللي موجودة فيها نغم ونطلع علي طول وانتي تظبطي الكاميرات عشان متجبناش ويكتروا علينا تمام
ليلي: لا طبعا انا مش هقعد هنا انا هاجي معاكوا وبعدين انت عايز تفهمني ان انت وفارس لوحدكوا كدة هتقدروا علي كل الحرس اللي جوة دول ياخدوكم يحطوكم جمب نغم لأ طبعا الخطة دي متنفعش خااالص
فارس : انا بقول كدة برضو احنا حققنا الهدف اللي جينا هنا عشانه ومفيش داعي نفضل هنا اكتر من كدة احنا نطلب منهم في القاهرة يبعتولنا البوليس خلاص ونشرحلهم كل اللي حصل
اسر: انا فكرت في كدة بس بعدين افتكرت الخاينين اللي محطوطين بينا هنا اكيد قبل ما نحاول ناخد اي خطوة ضدهم هيكونوا هما سابقينا بخطوة ودة مش في صالحنا ولا لنغم ابدا لانها معاهم دلوقتي
ليلي: اممم معاك حق انا عندي فكرة بس متضحكوش شفتها قبل كدة في الكرتون
فارس بتريقة: كرتون والنبي بس يا طفلة اركني علي جنب دلوقتي
ليلي: انا مبهزرش علي فكرة 😠ومتقوليش طفلة دي مااشي 😤😤
فارس: لا طفلة يا طفلة يا طفلللة
كادت ليلي ان ترد عليه الي ان اسر صااح: بببس
فزع فارس وليلي ونظروا لبعضهم وعم الصمت لدقائق حتي قطعه أسر: اتفضلي قولي فكرتك
