#ذات_إنتفاضهه8
صهيب وانا مغمضهه شوفتي مغمضهه مستعدة افرزو من بين 1000نفر،قالت لي بمعنى كدة في حاجهه غلط،يعني عربيه صهيب إتلقت هناك كيف ؟وإذا الميت دة م صهيب زي م إنتي بتقولي معناها صهيب وين؟والحاصل عليه شنوو؟
وهي بتتكلم معي كدة دموعي جات جاريه،
قالت لي م تبكي انا اسفهه بس بجد دي حاجه بتجوط الراس ،خلاص انا اسفهه بطلي بكى على اساس انو انتي قويه وم حتبكي ابداً من يوم الحصل دمعتك نزلت اسي الجدة شنو؟
بقيت ازيد في البكى ،قولته ليها انا م عارفه الحاصل عليه شنو ولا إتعمل فيهو شنو ،م بكيت لاني واثقهه انو الميت دة م صهيب بس انا ببكي من خوفي عليهو ،يعني هو على الأقل لو عايز يختفي يتصل علي،
قالت لي هو قبل م يختفي م اتصل عليك خالص؟قولته ليها ابداً وبكيت مسااافهه بعدها قولته ليها اخر مرة سمعته صوتو لما طلعنا من المعتقل 😭💔
قالت لي طيب ي شهد اسي البكى م بفيدك في شي ،عايني اقول ليك حاجه انا إستنتجتها بعد م حضرته لايفاتو وشوفته نشاطو السياسي،صهيب م زيو زي اي ناشط عادي في الثورة دي لا ابداً م تفتكري كدة،
صهيب ابوهو نظامي،عارفه يعني شنو ابوهو نظامي ووزير كمان؟يعني ي شهد نشاطو وتأيدو للبحصل في الشارع دة اكبر خطر على الكيزان ليييه؟
لأنو بثبت وساختهم ،صهيب م طالع ضد الفساد الحاصل في البلد دي لا صهيب طالع ضد ابوهو اللي هو جزؤ من الكيزان والنظام الفاسد دة نفسو علشان كدة حيكون مستهدف او إستهدفوهو،
زدته في البكى،قولته ليها طيب م احمد ومحمد برضو بطلعو بشاركو في الاحداث دي ليييهه م حصل ليهم كدة؟
قالت لي يمكن هو نشاطو وظهورو اكتر م تستبعدي شي،إحتمال كبير يكون صهيب مختفي حمايه لنفسو بس م اكتر،
قولته ليها طيب وحكايه ميتو دي؟كيف يعني يقولو مات وهو مختفي بس؟
قالت لي قذاره ابوهو،اقصد قذارة الكيزان ي شهد الناس دي عشان تحمي مناصبها بتعمل اي شي حتى ولو كان على حساب اولادها،
قولته ليها ي رب ي بلسم كلامك دة يكون صح وصهيب م تكون حاصلهه ليهو حاجه من الكلاب ديل لكن هو رغم زعلو مني في حاجه زي دي مفروض يتصل علي يطمني عليهو حتى😭😭😭قالت لي الحكايه دي حسابات انتي زاتك تلفونك يمكن مراقب علشان كدة إستحاله يعمل حاجه زي دي بطلي هبل،خلاص يلا غسلي وشك وارح نطلع ،طبعاً انا شايله معي اللابكوت علشان قولته لي امي ماشه العيادة وجبته ليك معي حقي التاني ،اول م نصل الموكب حانلبسو لو إتقبضنا ننكر حطب ونحن دكاترة ماشين المستشفى ولاقينا الناس دي فهمتي؟
قولته ليها طيب وانا كمان جبته كمامات من الصيدليه،قالت لي ووووووب كان إتفتشنا؟قولته ليها م بنتفتش يخ وبعدين في ناس بتحتاجها يعني إحتياطي شايله كميه منها،
قالت لي طيب ماشي يلا ارح علشان م يكرتنو الشوارع،
قولته ليها طيب يلا ،ونحن ماشين جمبنا كان في محل كبير كدة فاتحنو مكتبه ،قولته ليها دقيقه عايزة حاجه انا،قالت لي عايزة شنو شهد حنتأخر،قولته ليها دقايق بس،
دخلته المكتبه قولته لبتاع المكتبه السلام عليكم،قال لي اهلين كيفك،قولته ليهو الحمدلله،قال لي وين الشاب دة ليكم كم يوم م شايفكم بجاي،قولته ليهو موجودين والله،يلا اسمعني عايزة لي دفتر ،قال لي دفتر عااادي ولا حاجهه كدة مميزة؟قولته ليهو م بتفرق،
قال لي حأديك المميز😅
بلسم إتغاظت منو طبعاً قالت لي اووووووففففففف،
جاب لي كم شكل كدة قال لي ديي دفاتر مضيئة بالليل في الضلام بتحسي انو قدامك مجرات حسب الشكل الماخداهو انتي،قولته ليهو بجد؟
بلسم قالت لي شههههد
قال ليها مالك عليها انتي مستعجلهه ي زوله؟
عاينت ليهو بطرف عينها وسكتت
قولته ليهو عايزة الاسود،قال لي جاي واحد بس وي بختك ذوقك حلو شديد،
قولته ليهو بكم؟قال لي300
بلسم قالت ليهو300لييييهه بكتب على نفسو براهو؟قال ليها لا معاهو قلم إضافه لي إنو كبير وورقو مميز حتى ممكن تشوفيه،لكن عشان ولد الزوله دي صحبي شديد م مشكله السعر م بينا لو شالتو ساي حلال عليها😂😂😂💔طلعته القروش حسبتها قولته ليهو اتفضل هاك دي200جنيه بعد ارجع بجيب ليك ال100لاني م قادرة ارجع البيت بس وم معي قروش كافيه،قال لي ي زوله ابشري والله تاني م ترجعيهم حلال عليك الدفتر،قولته ليهو لا بجد،قال لي جادي معاك انا م حأشيلها حتى لو جبتيها،قولته ليهو طيب شكراً ليك،قال لي العفو وبالله صحبي دة م تقطعي مني ياخ سلمي لي عليهو 😂💜
قولته ليهو طيب إن شاءالله،طلعنا من المكتبه بلسم قالت لي بس عليهو م بطيقو نهائي الكريه دة،قولته ليها مالك عليهو؟قالت لي م عارفه بس ثقيل وسخيف وعامل نفسو واو شديد وبعدين انتي بتعرفي من وين؟قولته ليها لما م نلقى في البقاله رصيد بجي بحول منو علشان كدة حفظني عارفه انتي لياقه كريم ولدي💔قالت لي اهاا،ركبنا المواصلات لما صلنا المحطه الوسطى كان فيها كميه تاتشرات وبكاسي جهاز م طبيعيه،وكانو برجعو الناس وبركبوهم العربات غصب،كل دة منعاً للتجمعات،وكان في بومبان مفكوك ساااي من غير اي سبب،بلسم طلعت اللابكوت حقها لبستو وادتني التاني قالت لي اللبسي،لبسانهم وإتحركنا فجأة وقفونا بي نهرة كدة تعالو هنا انت هي انتو تعالو هنا ماشين وين يلا اركبو العربيه دي سرعه،نفس الحافله الجينا بيها عايزين يرجعونا بيها،
بلسم قالت ليهو معليش بس نحن ماشين احمد قاسم هنا ،
قال ليها احمد قاسم لشنو؟
قالت ليهو كيف يعني ماشين لشنو م شايفنا لابسين لابكوتاتنا ؟
قال ليها بصوت عالي قولتي شنوووو؟بتتلائمي مالك انتي هوووووي ي زوله ورفع اصبعو في وشها ومسكها من يدها وجراها بكل قوتو وهي بتتقالع معاهو ،قالت ليهو فكني م تمسكني وقعت في الارض برضو بقى جاريها وانا بصرخ وبقول ليها بلسم ،مسكتو من يدو التانيه و
قولته ليهو معليش ي اخوي هي م قصدها كدة قصدها انو نحن نحن دكتورات هناك بس عليك الله خليها ،حلفتك بالله خليها وانا بتكلم معاه ودموعي جاريه وبرجف
قال لي م تتكلم زي الناس طيب قله ادبكم دي يلا اتخارجو وم اشوفكم واقفين هنا يلا امشو وبقى يدق بالعصى حقتو في الحافلهه الجمبو
مسكتها ورفعتها من الارض وإتحركنا بسرعه قلته ليها انتي كويسه؟قالت لي كويسه ايوة ،قولته ليها ديل قاعدين للزول على الهبشه انتي م عارفه قذارتهم يعني البخليك تتلايمي معاه شنووو؟
طلعته ليها منديل من شنطتي مسحت بيهو جسمها ،
الحاجه البتوجع انو وهو جاريها في الارض وبالمنظر دة كان في ناس واقفه وبتعاين ليها ورجال كبار وشباب كمان ماف واحد فكر انو يجي يمسكو او يحاول يفهم الحاصل شنو او يحاول يمنعو ،م قدرته احدد مات الضمير ولا إنعدمت الشهامهه ؟؟
قلته ليها واضح انو م حيكون في موكب هنا لانو شايفاهم منتشرين في السوق كيف؟
قالت لي حنمشي بحري المؤسسه الشعبيه جمب المؤسسه او الدروشاب ديل مواكبهم ثابته،قولته ليها طيب ارح،ركبنا المواصلات اول م وصلنا المؤسسه لقينا بالفعل في موكب شغال اظن الكجر م كانو عارفين المطرة صابه وين ركزو في المحطه الوسطى ونسو المؤسسه والأولاد مقفلين الشوارع كلها ومولعين اللساتك،
نزلنا على طول اول حاجه عملتها طلعته الدفتر من الشنطه وكتبته عليهو
"صهيب
صوتك وصل موكب 2019/ /
منتظراك ترجع في اقرب وقت ونكمل المشوار البديتو مع بعض ،بس لمن يحين موعد رجعتك انا حأكون هنا علشان اوصل صوتك...🌸💕
#تسقط_بس"
