#ذات_إنتفاضه15
قالت لي طيب ي ستي عندك علم إنو إنتي حتداومي معانا من اليوم؟
عاينته لي جوجو بخلعه م مصدقهه طبعاً او م مستوعبه كلامها اساسا😭💔جوجو بقت تضحك💔
قلته ليها بجد؟قالت لي ايوة ،جوجو قالت لي مبروك ياخ هههه طبعاً يئست من إنو إنتي تشغليها وكدة،
قالت لي تثبيتك عندنا حيكون عليك إنتي وشطارتك عندنا كميه بتاعه فايلات لناس مقدمين للشواغر ومؤهلين تماما بس حنديك الفرصه دي بما إنك محتاجاها❤
قلته ليها شكراً بجد❤❤قالت لي يلا تعالي حأوريك طبيعه شغلك والمفروض عليك وكدة،
قلته ليها طيب،جوجو قالت لي طيب ي شهد انا حمشي لأنو الزمن إتاخر علي وكدة،قلته ليها طيب ❤
بصراحه لغايه م جوجو اتحركت مشت وانا مشيت ورا المسؤله م كنت مستوعبه انو هي وافقت تشغلني بجد😭💔بعدها مشيت مع المسؤله قالت لي طبعا ي شهد انتي حتكوني واقفه هنا اي كاستمر "زباين"حيجو بالإتجاه دة انتي حتكوني معاهم ماشي إذا إحتاجو مساعدة حتساعديهم حتشوفي إختياراتهم حتجيبها لقسم الحسابات هناك ف بس دي كل القصه ماشي؟
قلته ليها ماشي،
اي نعم شغل بسيط ويمكن يكون نوعاً ما مرهق لأني حأكون على الحال دة طول اليوم بس اتحمسته ليييهه شديد❤
اول يوم كان صعب لدرجه انو كنت كل شويه اعاين لساعتي والزمن حالف كان يمشي بس ابداً م حسيت بالزهج والملل يمكن لأنو اول يوم وكدة الجديد شديد زي م بقولو😂💔
لما المغرب اذن حبوبه إتصلت علي قالت لي ي بت انتي وين مالك م جيتي لغايه الوقت دة؟
قلته ليها حبوبه زمن الدوام بخلص 10ي دوب الساعه 6،قلته لي شنو؟10بالليل؟
قلته ليها اي ي حبوبه،
قالت لي 10بالليل كيفن ؟ماف كلام زي دة ي بت ها ،يعني تقعدي برة البيت للساعه10 دة كلام شنو دة والبجيبك منو بالليل ،البلد دي كعبه ومواصلاتها اكعب،كلام زي دة م بجي،وخالك زاتو م بقبل بحاجه زي دي انتي عارفاه بعد المغرب عندو راي انو بت تقعد بره البيت خلي للساعه 10 لو عرف بكسر رقبتك،قلته ليها حبوبه صهيب برجعني البيت،قالت لي هي يا يمه هو صهيب دة م عندو شغله غيرك إنتي ي بت؟قلته ليها حبوبه هو قال لي الصباح انتي امشي براك المساء انا بجي بوصلك البيت اصلا هو في القيادة والقيادة م بعيدة شديد مننا اها اعمل ليهو شنو؟
قالت لي كدة لما تجي البيت نتفاهم اوووووعى تتأخري ي شهد فهمتي؟قولته ليها طيب😪
قلته ليها طيب💜
فضلته قاعدة ماشه وجايه لغااايه م الساعه10جات،طلعته اقرب امجاد جمبي اجرتها وانا خايفة لانو الدنيا ليل وانا براي غايتو م خليت ايهوحافظاها م قريتها 😭💔لما وصلته حاسبتو بعد خليتو مشى حتى دقيت الباب ،اظنها كانت حارساني جمبو اول م دقيتو فتحت،قالت لي لا إله الا الله للزمن دة شغل؟
قلته ليها مساء الخير ي حبوبه،قالت لي خير في عينك دي ي بت جايه نص الليل وبتقولي لي خير ،خير شنو ي بت؟
قلته ليها حبوبه والله العظيم دي قوانيهم كدة وفي ناس بطلعو 12بس علشان صهيب رفض وكدة خلوني اشتغل للساعه10لكن صهيب قال لي بحاول اخليهم يخلوك تطلعي بدري،
قالت لي وينو اسي هو صهيب؟
قلته ليها مشى قال عندو مشوار ضروري❤
قالت لي مشوار شنو ضروري في اخر الليل دة؟
قلته ليها حبوبه اضرب ليك ليهو تستفسري منو؟والله ي حبوبه انتي بقيتي غريبه خلاص😐كريم نام؟
قالت لي اي شرب اللبن وبكى كدااا و نام،قلته ليها كررر علي ي حبوبه بكى كتييير؟😭😢قالت لي بكى والله ،كنت شايله ليهو كيس فيهو حجات كتيرة،قلته ليها الكيس دة جابو صهيب،
قالت لي م قصر 💜شالتو مني ،قالت لي غيري هدومك اخت ليك اكل،قلته ليها اول شي حأشوف ولدي ،حبوبه كانت مفرشه سراير الحوش لقيتو نااايم وحبوبه كانت مغطياه بوستو مسااافه وشلتو على اساس انو يصحى وكدة بس حلف م يصحى ،حبوبه قالت لي خلي ي بت م تصحي م عارفه عذبني كيف لمن نام،قلته ليها هو زاتو ابا يصحى نومو تقيل زي ابوهو😪💔قالت لي امشي غيري اجهز ليك الأكل ،قلتها ليها اخخخخ جعانه بجد،قالت لي ولا بأكلوكم اكل نافع مش؟قلته ليها والله ي حبوبه يعني،دخلته استحميت وغيرته ملابسي وجيت لقيتها جهزت لي الأكل،إتزكرته اني جبته معي جبنه وزيتون ومِش في الكيس ،مشيت جبته علبه المش وبقيت اكل،قلته ليها صهيب جاب معاهو زيتون وجبنه وعلبه بتاعه اناناس ،قالت لي ماشاءالله بريد كريم ريدة تقول جنى حشاهو والله ولد هدي ورضي خلاص كان م امو دي والله ي بتي كان عايشين في بيتكم في احسن حال🌸
من بقت تقول كدة عرفتها عايزة تفتح ليها موضوع على طول قلته ليها خالي م اتصل؟قالت لي إتصل قال بقعد ليهو كم يوم هناك حتى بجي،قلته ليها ايوااا تمام،
خلصته اكل ورفعته الصحانه وجيت راجعه قلته ليها عايزة انوم لانو بكرة حأصحى بدري اشوف لي حاجه اللبسها،قالت لي شغلكم دة كلو يوم ي بت؟قولته ليها ايوة ي حبوبه،فكيت شعري ورقدته جمب ولدي وبقيت اعاين ليهو،صراحه انا بعاين لوش كرييم وانا مترددة لأنو الحاجه الوحيدة البتزكرني بصهيب وكل تفاصيلو وبتخليني احن ليهو اكتر ،بدون مبالغه كريم بزكرني بصهيب اكتر م بزكرني بي سعد ابوه الحقيقي💔يمكن علشان إتعودته اسرح فيهم لما يكونو مع بعض،او لأنو كريم ماخد معظم او كل طباعو💔
