#ذات_إنتفاضهه24
قال لي يومي قبل يومك م تقولي كدة ابداً إياااك فهمتي مسك يدي وهو ساكت ودموعو دي نهاااائي م وقفت،عاينته ليهو مسااااافه وهو ببكي كدة قلته ليهو بكاك دة معناها حأموت جدجد رغم إنو سؤالي م كان جادي😂قال لي ي زوله موت شنو لو في موت م كنتي حتتكلمي معي كدة في اللحظه دي،سرح فيني مساااااافهه وهو ساكت وختهه يدو في خدي وقال لي وبعدين كيف حتموتي وانا عايش عشانك إنتي وميت فيكك❤
انا م عارفه الحاصل شنو وم مصدقه انو دة صهيب بقول لي الكلام دة،صهيب القبل كم يوم من الحصل دة قال لي البينا انتهى بقيت اعاين ليهو بإستغرااب💔قبل م افتح خشمي بكلمه،فجأة الدكتور جا داخل فك يدي وقام على حيلو مسح دموعو،الدكتور عاين لي صهيب وقال لي شهد ي شهد،قلته ليهو اهلين،قال لي حاسه بأي وجع او شي كدة ولا كدة؟هزيت ليهو راسي بمعنى لا،جا فتح لي عيني وضاوة لي فيها،والتانيه برضو بنفس النمط وقال لي طيب تمام معناها بكرة إن شاءالله حندخلك العمليه عشان م نأجل وكدة والوقت يكون في صالحنا،عاينته ليهو بإستغراب وعاينته لي صهيب قلته ليهو عمليه شنوووووو؟
قال لي اااااااااااا عمليه بسيطه في الراس م عايزين اي توتر او خوف اتفقنا؟بقيت ساكته وضربات قلبي بقت متزايدة وانا بعاين لي صهيب اصلاً دموعو دي م كانت مطمناني،قال لي صهيب الليله حاول نوم وبطل سهر زي م شايف الزوله دي كويسه وم محتاجين تساهر الليل كلو حارسها النبطشيهه دي خليها لينا نحن ديل😂💔صهيب قال ليهو ابشر،الدكتور قال لي والله لو قلته ليك من دخلتي المستشفى نام ساعتين اكون بكزب عليك ولا برضى زول تاني يناوب بدلو من المغرب بكشهم ،المهم ي حبيب السهر م حيخليك تخلي بالك منها ف شنو ارتاح عشان تقدر تكون مرافق ممتاز وم تقع انت كمان رغم انك م مقصر ابداً بس كمان انا ك دكتور بوريك الكيس كلامي صح ولا لأ؟قلته ليهو صح،قال ليهو شايف؟المهم بكرة الصباح إن شاءالله حتكون العمليه الساعه10كدة صهيب تعال معي عشان الاجراءات باقي الليل دة وكدة،صهيب قال ليهو طيب تمام ،الدكتور طلع صهيب قال لي جايك اسي تمام ؟قلته ليهو ماشي،
صهيب لحق الدكتور في مكتبو كان جمب الغرفه،الدكتور قال ليهو إتفضل ي صهيب ،صهيب قال ليهو تسلم ي الدكتور،الدكتور قال ليهو نبدأ الاجراءات ونعمل العمليه طوالي علشان نحن اساساً كنا منتظرنها بفارغ الصبر تفتح عشان كل م اتأخرنا الوقت م في صالحنا وانا شرحته ليك الوضع قبل كدة،صهيب قال ليهو طيب ي دكتورة العمليه دي نسبه الخطورة فيها كم يعني؟
قال ليهو شوف مافي عمليه في الدنيا م فيها نسبه خطورة بس انت بتركز مع الجانب الايجابي،انا م عايزك تقلق لييه؟ لانو الحاجه دي بتنعكس عليها هي بصورة سلبيه ونحن م عايزين اي تخوف،قال ليهو طيب ااابشر ،الدكتور قال ليهو إن شاءالله نتوكل وندخل العمليه وتطلع سالمه بإذن الله م تشيل هم❤صهيب قال ليهو إن شاءالله إن شاءالله❤
بعد ربع ساعه كدة صهيب جا داخل وانا شبه جاتني غفوة ومع دخلتو فتحته عيوني ،قال لي م اكون صحيتك؟هزيت ليهو راسي بمعنى "لا"
قال لي عايزة حاجه؟جعانه ؟برضو هزيت ليهو راسي،قعد جمبي في الكرسي،قلته ليهو العمليه الحأدخلها خطيرة علشان كدة كنت بتبكي صح؟مسك يدي وقال لي هي م خطيرة بس ي شهد لو مدخلنك عمليه عشان شوكه دخلت في رجلك وعايزين يطلعوها ليك برضو دي حتكون حالتي،قلته ليهو حبوبه وكريم ولدي وين؟قال لي الدنيا ليل انتي عارفه انو الساعه ماشه ل2صباحاٌ اسي؟بقيت اعاين لي تفاصيل وشو المرهقه وعيونو اللي حتى لونها من برة متغير وبقى مايل للأسود ،ونحافتو ولحيتو المهمله بس شعر راسو محلوق نمرة1،قال لي حاولي نومي،قلته ليهو مفروض انت تعمل الحاجه دي م انا،قال لي م عايز انوم انا نومي انتي،قلته ليهو لازم تنوم وتخلي بالك من نفسك علشان لو حصلت ليك حاجه الحيخلي بالو مني منو و انا عايزاك تخلي بالك مني م زول غيرك،قال لي وانا هنا عشانك واكيد م محتاجه توصيني عليك،قلته ليهو طيب حاول نوم،قال لي طيب حاضر على طول جا قعد جمبي وضماني عليهو وقال لي انا راحتي جمبك هنا و حأنوم بعد م اضمن إنك نمتي يلا حبيبي اسمعي الكلام مش عايزاني انوم؟...
