#ذات_إنتفاضهه22
خليك من الڤيديو دة حسألك سؤال تاني جاوبي لي عليهو إنتي إشتغلتي في ماكس عفراء؟سكتت وم عرفته اقول ليهو شنو،قال لي سألتك انا جاوبي إشتغلتي صح؟وبدون علمي كمان ؟
قلته ليهو انت جبته الفديو دة من وين؟وايوة ي سيدي إشتغلته وين المشكله في كدة يعني؟
قال لي م ضروري تعرفي جبتو من وين وم تسأليني،ماف اي مشكله ي شهد المشكله كلها في كزبك ونفاقك دة،قفل الخط في وشي رجعته اتصلته عليهو م رد،تاني اتصلته برضو م رد فضلته اتصل كتير في الاخير فتح الخط وقال لي م تتصلي علي ابداً ووشك دة م داير اشوفو لاي سبب من الاسباب فهمتي؟مش انتي عايزة البينا ينتهي؟اعتبري البينا انتهى من اللحظه دي امشي مكان م بصوروك فيديوهات واخدي حريتك العايزاها،قفل الخط في وشي
ردة فعلو كلها م وجعتني اكتر من كلامو الاخير،م قادرة استوعب انو هو قال الكلام دة،م خلاني حتى ابرر ليه ولا انتظر مني افهمو الحصل شنو بالزبط رغم اني دايما بخت ليهو بدل العزر100 وبخلق ليهو مبررات من مافي،م إنتظر دقيقتين علشان اشرح ليهو وانا منتظراه بالشهور وصابرة عليه،اتفقعتهه بكى باقي الليل داك واصلي م نمته كنت منتظرة الصباح متين يصبح ،صليت ركعتين علشان كميه الضيق الكنت حاساهو لو م قابلته بيهو ربنا م عارفه كنت هعمل شنو في نفسي،
الصباح اصبح مهما شرحت حالتي وشكلي م بقدر اوصفو وشي كان متورم من البكاء وعيوني اصلا م ظاهرة،حتى حبوبه لاحظت وعلقت علي قالت لي ي بت مالك عيانه ولا شنو الليله؟قلته ليها ماف شي،قالت لي وشك دة م طبيعي شكلك عيانه م تمشي الشغل اليله امشي افحصي زاتو الشغل دة بلا ضعفك زيادة م سوى ليك شي وانتي م محتاجه ليهو زاتك ي بتي،قلته ليها لا بمشي كويسه ي حبوبه،قالت لي غايتو قوة راسك دي بتجيب اجلك،رغم الحاله الكنت فيها والصداع الكان حيككسر راسي طلعته مشيت الدوام اول م طلعته من البيت فتحته تلفوني وبقيت افتش في المكالمات عشان القى رقم فوكس ،اول م لقيتو اتصلته عليهو م برد،فضلته اتصل عليهو كتير لما م رد مشيت الدوام،فضلته قاعدة وانا على اعصابي وم متحمله ابداً،فجأة تلفوني ضرب رفعتو لقيتو فوكس الكلام دة حوالي الساعه 3 كدة،اول م فتحته الخط قال لي الووو؟قلته ليهو انت بأي حق صورتني فديو ي تافه؟وعلشان شنو؟ومرسلو لراجلي لشنوو؟انت منو اساساً وبتعرف صهيب من وين؟قال لي بسم الله في شنو ي بت الناس؟قلته ليهو وكمان بتسأل ي قذر ي حقير ي حيوان،قال لي دقيقة ي بت الناس في شنو،قلته ليهو اسمع انا ضاربه ليك عشان اسمع منك اسإله فارغه ،انت بتعرفني من ووين اساسا؟قال لي ي بت الناس انتي فايرة كدة م بعرف اتفاهم معاك وانا م عارف انتي بتقولي في شنو لكن بجي عشان افهم منك الحاصل،قلته ليهو وشك دة م عايزة اشوفو علشان م حيحصل خير لو شوفتك ،والفديو امسحو اسي من تلفونك والا صدقني م حيحصل خير بحق وحقيقه،وارجع اقول ليك انت انسان تافه جداً،قفلته في وشو الخط،
بعدها مشيت الاستراحه قدر م الله اداني قدرة بكيت،كنت مخنوقه من كل شي حوالي ،عايزة بس ابكي ،البكى كان اكتر حاجه ممكن تريحني،نهايه اليوم جا رجعت البيت كنت منتظرة زمن الفطور متين يجي بس علشان اخد لي حبه بندول،رجعته البيت بقى فكري كلو في الحصل ،يعني صهيب عرف من وين؟اتزكرته كلام دكتورة رفا لما قالت لي شايفاك في ماكس،قلته بس معناها هي الحقيرة القذرة بس هدفها شنو من دة كلو ،بعد الفطور مشيت لي بلسم وقعدته احكي ليها وابكي،قالت لي شهد كفايه لحدي هنا مفروض تكوني اكتفيتي وجع،صهيب دة مهما عملته ليهو غير الوجع م حتشوفي منو شي،ليييه م يسالك برواق؟لييه م يسمعك ويفهمك زي م انتي بتعملي؟البينكم انتهى؟ي زوله ريحك اصلا البينكم دة وجع بتفاقم كل م العلاقه دي استمرت،المشكله انو بعمل كدة عارفه لييييه؟علشان ضامن وجودك في حياتو،دايما انتي الطرف البكابر والبتنازل ليييه وعلشان شنو انتي م تعبتي؟قولي شافك في فديو مخل بالادب عديل لو عندو ثقه فيك حيقول مفبرك مش فديو اقل من عادي كل الفيهو انك بتضحكي وبتتونسي مع القدامك،عايني ي شهد البني ادم البيكون واقف ليك على الواحدة دة عمرو م بخت ليك عزر ومهما عملتي عشانو م بمطر فيهو انتي بتستهلك طاقتك في حاصل فارغ،والحيوانه الوصلت ليهو الفديو دة قولي ليها اشبعي بيهو،قلته ليها انا بس محتارة هو وصلها كيف اساساً،قالت لي اكيد الصور الڤيديو من العواليق البتعرفهم واضحهه م دايرة ليها درس عصر،اتحسبني عليهم كلهم وعلى راسهم صهيب الباطل واااااي انا هموت غييييظ منو لو علي امش انتفو تنتيف واعملو شاورما يعني حتى م بعاين للمعافرة البتعافريها علشانو دة شنو الحيوان دة بالجد الرجال ديل م منهم اي نفع الواحدة م ترهق نفسها في سبيل انها ترضيهم ولا شي،خلي يمشي بي فهمو ي زوله وم تتصلي عليه وم تركزي معاه ياخ كفااايه ي شهد كفايه انا لو علي اطلع قلبك دة من مكانو وارمي للكلاب💔وانا في بيت ناس بلسم فجاة تلفوني ضرب الرقم كان غريب م رديت عليهو،رسل لي رساله قال لي انا فوكس واقف جمب باب بيتكم اطلعي نتفاهم ،اول م قريت الرساله رجع اتصل قفلته االتلفون،
