#ذات_إنتفاضهه25
مسكتو وضغطته على فنيلتو وقلته ليهو انا بس عايزاك انت،م تبعد مني ابداً ي صهيب،قال لي طيب حاضر انتي بس روقي وبعدين انا هنا معاك وليك دايماً؟عايني لي هنا ها هخليك لمنو يعني؟عندي كم في الدنيا زيك انا لمن اخليك انتي هبلهه ي بت؟قبل م يخلص كلامو باب الغرفه دق وقبل م ارفع راسي الباب فتح دخل علينا دكتور وليد ومعاهو محمد ونحن بالمنظر دهه😭وصهيب ابداً م اتحرك ليهو ساكن بس انا زحيت شويه وحسيت محمد.محرج خصوصا بعد دكتور وليد خجلنا زيادة وقال لينا خليكم زي م انتو😂😂😂💔وقال لي شهد دي شنو الحركات دي ياخ امس م اتفقنا على انو م حيكون في خوف ولا توتر وكنا حلوين؟صهيب قال ليهو احم كدة تعال برة ي دكتور،قال ليهو طيب،طلع معاهو برة محمد قال لي كويسه ولا ربطه الراس دي واجعاك؟قلته ليهو لا م واجعاني،قال لي طيب م تتخوفي من العمليه والله م حتاخد وقت ولا فيها نسبه خطورة اساساً وبعدين داخلين معاك اخصائين اكفاء وانا وامتثال حنكون معاك يعني انتي في ايدي امينهه❤قلته ليهو طيب🌸قال لي ماف شي بخوف وبعدين 25يوم غيبوبه ومستشفى كفاك ياخ اطلعي شمي هوا الله دة ساااي،
طبعاً بقيت اعاين ليهو بخلعه قلته ليهو كم كم؟
قال لي 25يوم صهيب م كلمك؟هزيت ليهو راسي بمعنى لا،
قال لي المهم الدكاترة كانو منتظرنك تصحي من الغيبوبه دي بفارق الصبر علشان يدخلوك عمليه على طول لانو التأخير م من صالحك حتى لو العمليه بسيطه،هزيت ليهو راسي بمعنى ايوة،قال لي كدة اشوف الجماعه ديل بقو على شنوو؟هو طالع هم جو داخلين،قال ليهم اها بقيتو على شنو؟دكتور وليد قال ليهو حنأجلها للإسبوع الاي كدة إنوشاءالله،محمد قال ليهو الاسبوع الجاي لكن م بعيد؟دكتور وليد قال ليهو ماف طريقه غير كدة
بعد مسااافه وانا بسمع في كلامهم قلته ليهو بتردد ي دكتور!!قال لي ااايوة.قلته ليهو م تأجل العمليه دخلوني ليها،كلهم بقو يعاينو لي،الدكتور قال لي اسي م كنا خايفين وبنبكي وم جاهزين ،قلته ليهو خلاص انا جاهزة،
صهيب بقى يعاين لي،قلته ليهو بجد خلاص دخلوني ليها بدل م انتظر للإسبوع الجاي،قال لي دة الانا داير اسمعو ليييه ننتظر للإسبوع الجاي ونأخر الوقت؟ندخلك على طول وم تخافي انتي في ايدين امينهه❤تعال معي ي محمد،طلع هو ومحمد وخلوني مع صهيب،صهيب قال لي حبيبي لو خايفه وم جاهزة خليها للإسبوع الجاي م فرقت،قلته ليهو لا احسن ادخل ياخ،قال لي متأكدة؟قلته ليهو ايوة ،بقى يعاين لي وهو ساااكت وانا منزله راسي وبعاين في ضفوري،قلته ليهو لو حصلت لي حاجه م اوصيك على كريم ولدي و...قبل م اتم كلامي قاطعني قال لي هشششششش اوعى تكملي فاهمه،عايني بطلي هبل حتطلعي لينا بألف خير ماف شي يخوف ابداً،رفع لي راسي ومسح لي دموعي وباسني في خدي مساااافهه وهو ساكت 💕الباب فتح جو داخلين الممرضات اتلفت علليهم قالو ليهو خلاص اقتنعت عشان نجهزها؟قال ليهم خلوني انا بجهزها وبنده عليكم،قالت ليهو طيب ،شال منهم الملابس بعد م طلعوو قفل الباب وجا غير لي ملابسي بعدها قال لي م تخافي ابداً فاهمه؟
فجأة الباب دق مشى فتح كان دكتور وليد قال ليهو الزمن الزمن نحن جاهزين مش خلاص؟قال ليهو اي،قال ليهو طيب يلا ي ممرضه سوقوها غرفه العمليات على طول،جو داخلين جابو الكرسي المتحرك صهيب بقى يعاين لي ،قال ليهم انا بوصلها دكتور وليد ضحك والممرضات برضو اتبسمو وقال ليهم طيب سرعه عشان المخدر منتظر،صهيب جا نزلني في الكرسي وقال ليهم يلا نمشي،طلعناا كنت خايفه من انو اللقى ناس حبوبه وكريم ولدي برة بس الحمدلله م لقيتهم،طلعنا الاصانصير وصلنا طابق العمليات لقينا محمد وامتثال واقفين مع بعض وبتكلمو ،اول م شاوفنا سكتو،لما وصلناهم امتثال قالت لي شهد ي خوافهه ياخ جهجهتي باكاتنا😂💔محمد قال ليها جرسهه ياخ،قالت لي عايني م تخافي العمليه بسيطه شديد وحتطلعي بخير حتى انا ومحمد معاك ماف شي يخوف ابداً اتفقنا،هزيت ليها راسي بمعنى ايوة،قالت لي يلا طيب الناس دي مجهزة نفسها ومنتظرة من قبيل،عايزة تسوقني صهيب قعد على رجولو وعاين لي وهو ماسك يدي قال لي م عايزك تخافي ابداً انا المفروض اخاف لانو م عندي استعداد اخسرك ابداً فهمتي؟حتدخلي العمليه وحتطلعي بالف سلامه وحتلقيني منتظرك هنااا إتفقنااا؟💕هو كان خلاص على وشك انو يبكي ودموعو في طرف جفونو بس متماسك،دموعي جات جاريه وانا بشوفو بالحاله دي هزيت ليهو راسي بمعنى ااايوة،
محمد قال ليهو صهيب م تبكيها ياخ م صدقنا انها رضت تدخل العمليه
قام على حيلو وباسني في جبهتي مساااااااافهه قدامهم كلهم وقال لي يلا في امان الله❤وبعدها وصلني جمب باب الغرفه وامتثال قالت ليهو خليها انا بدخلها ساقتني وانا في اللحظه ديك قلبي كان عايز يطير من محلو واول م دخلته الغرفه لقيت فيها اكتر من 15نفر في الغرفه ،في دكتور على طول قال ليها الزمن ي دكتورة إتأخرنا اكتر من اللازم دكتور صلاح ابدأ التخدير على طول،وانا خلاص الخوف اتملكني وانا بعاين ليهم وللغرفه وللأجهزة وللادوات القدامي من مقصات لغيرها وبقول
