لبسته عبايتتي وشلت تلفونو وتلفوني وشنطتي ،،قفلتت البيت وطلعت ،،ركبت مواصلات ونزلت ركبته ركشه حسب العنوان الادتني ليهوو،،اتصلته عليها قلته ليها انا خلاص شبه وصلت انتي ويين،،قالت لي قربته عليكي بس اقيفي لي تحت العماره القلتها ليك دي ،، وقفته منتظراها الحته كانت رااقيه شديد،،واول مره كنته اجيهاا،،بعد شوويه جات عربيه لاندكروزر لونها ابيض وقفت نزلت منها بت ضعيفه ولابسه لبسه وبنطلون ،، حسيت نفسي اني شايفة البت دي في حته بس وين م بعرف ،، جات علي قالت لي انتي؟؟ قلته ليها ميساء الإتكلمت معاك ،،نزلت نظارتها قالت لي اوو كيفك وسلمت علي ،،قلته ليهاا الحمد لله تمام،، قالت لي معليش انا وقفتكك كتييير،،قلت ليها لا عادي قالت لي ههه تعالي فضلي معاي قلته ليها لا انا أستأذن قالت لي معقوله بس لازن تتفضلي لالا تعالي ،، طلعت ظريفه مع اني اتوقعتها عكس ذلك،، طلعنا بالاصانصير وقفنا قدام شقه قالت لي دي شقتة اخوي فهد معليش م وريتك اسمي اسمي فتون،،قلته ليها هههه لام مشكلة ،،قالت لي معاي مفاتيح فتحت الباب خشينا نحن الاتنين،،
الشقه كانت مقلوبه رأساً على عقب ملابس فالهوول وجوطه وقزايز غريبه كدا وسجاير الشفت هناك عمري م شفتو في محل ،،قالت لي معليش البيت جايط وبقت بتنادي يا فهد ياا فهدد وخشت جواا ،،وقفت في محلي مصدوومة من الشايفاهو،،قلته اخر الزمن كمان الجابني شنو المفروض م كان ادخل زاتو ،، بعد شويه جات طالعه قالت لي اقعدي بحواااي اقعد وين ي يمه هو ف محل ابره؟؟ زحت الحاجات كدااا قعدته قامت جابت باااارد من التلاجة وادتني وجابت مويه،، قالت لي فهد اخوي دا انا غالبني اتعامل معاهو كييف وصراحة انا اسفه للكلام القلتو ليك فالتلفون ،،قلته ليها لالا ياااخ م مشكلة،،قالت لي هو كان شبه كدا بس من امي اتوفت مشا للاسواأ قلته ليهاااا ربنا يرحمه قالت لي اممين ،،فلمن انتي اتصلتي انا افتكرتك وحده من صحباتووو،، فالاثنااء دي هو جاا طالع ،، لابس شورت وفنيله وبتكلم ي فتون يخ انت الليله الجابك شنو وبحك ف شعرو وحفيان اول م شافني وقف وقال سلام عليكم م وريتيني انو عندنا ضيووف وحمر ليها،،
قالت ليهو دي ميسااء ،، سلم علي،،قلته ليهم انا بستأذن يااا جماعه وفتحت شنطتي طلعت التلفون قلته ليهو وفضل دا تلفونكك،، مسكو قال لي تلفوني؟؟ قلته ليهو ايواا امس بالليل شلتو منك عشان اعمل مكالمة ولمن رجعت اديك ليهوو ما لقيتك ،،قال لي امس حصل الكلام دا؟ فتون قالت ليهو انت متعود ي فهد تنسى تلفوناتك لكن اول مره زول يعبررك ويرجعو لانها بت حلال،،اتلفت قال ليها لاني طبيعي بخليهو في حتات مشبوهه،،قال لي انتي البت الامس ادتني البخاخ؟ قلته ليهو ايواا،،قال لي بالجد شكرا لولاك يمكن كنته ميت،،فتون قالت لي بخاخ؟ حكيت ليها الحصل وطبعا م كل التفاصيل فهمتها انو وقع وجاه ضيق تنفس،،جاطت فيهو انا مية مرة فهمممتك تخلي بالك من نفسك ي فهد مش قال ليها الازمة جات فجأه وهو وقع مني د كل الحصلل،، قلته ليهم ي جماعه انا والله أتاخرت وح امشي يلا فتون قالت لي طيب دقيقه اوصلك ،، وشالت شنطتها قلت ليهو مع السلامه قال لي شكرا ليك الله يسلمك ،،
