مرت تلاته ايام ،، كنا عايشين عادي ، هيثم يطلع شغله الصباح مع الاولاد ،،وانا ومنى نقضي اليوم نصو برانا ،بطبخ واغسل وروتين عادي الغريبه الايام دي اهلي ولا فكرو يتصلو تلفون يشوفوني ميته ولا عايشه ،،لحدي ما يوم بالليل بعد ما رتبت وغسلت ونومتهم،،هيثم جاني وانا فالمطبخ وقف قلته ليهو عايز حاجه ،،الفتره دي كلها بنتعامل باحترام ونادرر نتونس وكدا،،قال لي يمكن وابتسم ابتسامه خبيثه م فهمتها جاء في اتجاااهي وقرررب شديد قلته ليهو فشنو؟ قال لي في انتي دي انا راجعه لوراء وهو وراي ماشي لحد م ثبتتني تربيزه الاكل فالمساافه بيني وبينه بقت ضيقه شديد لدرجه حسيت بانفاسهه،، مسك شعري لماهو لوراء فضل ماسكو بيد والتانيه خاتيها في نصي ،،قلته ليهو وانا مرعوبه وبتمتمه في شنو ي هيثم يعني ،، فكاني من نصي وختا يدو ع شفايفي قال لي اشش ،،انتي خايفه مني ليه وملاحظ دايما لمن اخش من برا بتصلحي طرحتك او تلبسي توب نادر تقعدي بلبسك بتاع البيت ،،وليه عايزه تكون بينا حواجز انا وانتي ما راجل ومرتو ،،لمن قال كدا فكيت منه وعايزه امشي ثبتني تاني قال لي انا بعتقد عندي حقوق عليك ولازم اخدها صح ولا انا غلطان ،،قلته ليهو هيثم انا م عايزه اي شي ولو عايز حاجه زي دي تقدر تعرس م فارقه معاي وم تقول انه انا بزعل او شي زي دا ،،قال لي اعرس ليه يعني وضحك اعرس ليه وانا عايزك انتي ،، م تقولي حاجه تاني اصلاً ومسكني من يدي ومشينا ،،م كنته قادره اقول حاجه ولا كنته قادره اوقفه بالنسبه لي خلاص والله م ح تفرق بي حاجهه ،،باسني على راسي وقال لي م تعارضي حاجه وخلينا حلوين مع بعض ،،ونتجاوز المواقف الظروف ختتنا فيها ،،متاكد ح تتعودي وتعيشي حياه حلوه معاي انا.
الصباح كان حصل بيني وبين هيثم اي حاجه ممكن تحصل بين راجل ومرته ،، انا من اليوم م مرتو عالورق وبس انا حرفيا مرته في اي حاجهه،، قال لي انا الليله حابي البس على زوقك انت جهزي لي لبسي مسافه اطلع من الحمام قلته ليهو طيب،، قال لي في عقد عمل جاني لشغل فالشماليه تحديداً سد مروي وح يدوني سكن واي حاجه وممكن اخدكم معاي ،،قلته ليه عقد يعني ح نسافر ؟ قال لي ايوه وحلو شديد معاي غايتوو رايك شنو،،قلته ليه الحاجه دي بترجع ليك انا فلو عايز م عندنا مشكله لكن ،،قال لي لكن شنو قلته ليهو مدرستهم والجو هناك ،،قال لي بنقلهم ساهله والجو هناك حلو غايتو ادوني يومين افكر فيهو لو اوافق او ارفض وقلته اشاورك ،،قلته ليهو الحاجه البتشوفها انت ،،قال لي طيب نشوف ودخل الحمام ،،وانا فتحته دولابه وبفتش ليهو ع حاجه ظريفه جا طالع من الحمام وخاتي اللبشكير ع كتفه ولابس شورت اتزكرت فهد واليوم الكان عيان وانا في بيته البدله بتاعتو وقعت من يدي رفعتها سريع قال لي مالك،،قلته ليهوو لالا ابدا مافي حاجهه ح اجهز الاولاد وطلعته ليك اللبس دا يلا مشيت وانا حاسه نفسي ح ابكي وفعلا دموعي نزلت وانا بلبس في أمل قالت لي خالتو انتي بتبكي قلته ليها لالا خشت حاجه في عيوني ،،قالت لي اددها ليك " قصدها ادقها" قالته لي بوسيني في عيني ح طيب قالت لي خاضر وباستني قلته ليها اموله الشاطره حبيبتي يلا عشان تمشو مع بابا ،، وطلعتهم مشوو ،،قفلته الباب وجيت حممته منى ولبستها وعطرتها وقلته انضف البيت ،، سمعته الباب بخبط استغربته م حصل زول جاني لبسته مشيت فتحتو لقيتها اخت هيثم سلمت علي كويس قلته ليها فضلي خشت
جبته ليها مويه قالت لي الاخبار قلته ليها تمام والله،قالت لي الف الف مبروووك والله تتهنو قلته ليها الله يبارك فيك ،،قالت لي الاولاد كيف معاك م يكون معذبنك قلته ليها تمامين والله طلعو مع ابوهم بس ح اجيب ليك منى تشوفيها جبتها ليها شافتها وبتلعب فيها ،،قالت لي الله يعينك والله ،، الترييه م ساهله ،،انت كيفك وجو البيت معاك كيف ،،قلته ليها والله كله تمام الا زهجت الوحده ونص اليوم براي بس من يرجعو م بدوني فررصه،، اتونسنا وشربت قهوه ومشت
إتصل علي فهد انا لمن شفته رقمو اترددت كتير عشان ارد بس شوقي ليه يمكن خلاني انسى كل حاجه وارد عليه ،،
لمن فتحت الخط فضل ساكت وم بيتكلم بعدين قال لي ميسااء قلته ليهو نعم ،،قال لي مشتاق ليك،، والله مشتاق ليك💔💔اسف لاني اتصلته عليك اسي بس انا م قادر استتحمل ي ميساء انا مووجوع ،،لمن قال كدا انا م قدرته احبس دموعي قال لي بتبكي صاااح ما تبكي يخ م تقطعي قلبي اكتر ،،قلته ليه مهو انا سبب وجعك ،،قال لي ميساء نحن لازم نمشي قلته ليهو نمشي وين قال لي نسافر اي حته وترفعي قضيه تطلقي ،،لانه كدا ظلم وربنا م رضى بيه غلط زواجك بيه اصلا ،،زواجك الحصل دا غلط ولازم نصلحه نحن الاتنين بندفع فالتمن ،،لاا ح اقدر انساك ولا انتي ح تقدري ،،عشان كدا فكري فالموضوع،،،دا وخلينا نبدا حياة من تاني اهلك لازم غصب يرضو بينا ،،م ح اخليك تدفعي حاجه م ليك يد فيها،، ح اقيف حتى تتجاوزيها ونبقى ل بعض
