رجعت لأهلي قلته لأمي ننتظر كلنا ولاا كان نمشي البيت امي قالت لي انتي ومجاهد وشدن امشو طلعو ملابسكم وجيبو لمنى حاجاتها معاكم نحن باللبشه ما شلنا شي معانا،،قلته لي أمي طيب وطلعنا انا ومجاهد وشدن،،مجاهد قال لي للحظه حسيت رجولي ما شايلاني وقلبي وقف قلته ليهو وانا كمان والله حسيت ح يغبي علي مجاهد كان سايق عربيتو وصلنا البيت قلته لشدن ح ترجعي معانا تاني وبتقدري تستحملي السهر قالت لي اي "" شدن عمرها 12سنه ضعيفونه بشرتها بيضاء" بعد استحميت ولبسته وشلته شنطت منى اختي ،،مجاهد جا قال لي اتاخرتي سريع يااخ ارح قلته ليهو بسم الله مالك مستعجل قال لي ارح بس شلته الحاجات وطلعنا مجاهد ساايق سرريع قلته ليهو ي ولد فشنو انت سايق سرريع كدا واتنهرت فيهوو فشنوو؟؟ وقربنا نصل ضغطه عليهو قال لي قالو منى تعبت قلته ليهو كييف كلااامك كدا مجاهد منى مالا،،قاااال لي تعبانه والله ،،
عايز نصل سريع نشوفه مالا اختي منال اتصلت وقالت تعبت شويه ،،وصلنااا كداا جرينا خشيناا عاينته بأبوي خاتي يدينو في راسو وقاعد فالاأرض وأمي ماف واختي منال دموعها عشره عشره مشيت عليها وانا حاااسهه رجوولي تقيييله سألته ممنال في شنو انتو ممحنين كدا عاينت لي بعيونها المليييانه دمووع وهزت راأسها قلته ليها منال منى اختي مالا؟؟ هي مش فالغرفه مشيت منها كدا مسكتني رجعتني من يدي وحضنتني بقووه وقالت لي منى الله يرحمها يا ميساء،،قلته ليها منال؟؟ انت بتقولي ف شنو؟؟ منى اختي مستحيل تموت وتموت كيف وهي كويسه ،،مجاهد جا مسكني وحضني شدديد قال لي مشت يا أختي مشت وخلتناا،،فكيت منو مشيت لابوي الدموع كأنها محجره جووا عينو وسرحان،،قلته ليهو أبوي منى مالا؟؟ مالا يا أبوي وحضنتو شديد دموعو نزلت وقال لي ربنا يتقبلا ،،جا واحد قال انتو اهل منى محمد زول ييحي عشان نسلمكم الجثه ،،لمن قال جثه حسيت قلبي بيتقطع مجااهد قال ليهووو انا جااي قلته ليهو دقيقه جاايه معاك مشينا خشينا المشررحه وكانو خاتنها في تربيزه طوويله ومغطيه وشها بس ظاهر لحظه شفته منى اختي فالوضعيه دي ياداب اقتنعت انو خلاص مشت ،،مشيت عليها كانت بيضاء شديد وراقده مبتسمهه فضلنا انا ومجاهد بنعاين ليها هبشته يدها كانت بااارده شدييد زي المطلعنها من الفريز ،، قلته ليها بجواااي انا بس مشيت بجااي تمشي انتي؟؟ من غير ما تودعيني ؟؟ خلاص دا اخر لقاء لينا وتاني ما ح اشوفك للابد ؟؟
مجاهد قال لي ارح طلعنا امي كانت هبطت لمن سمعت الخبر ،،وادوها دربات بعدين طلعو البيت وكان الُفراش،، البيبي كانت في المستشفى انا فضلته معاها مع انه قالو م بيحتاج وممكن تمشو واصلا ح يهتمو بيها بس انا ما قدرت أخليهااا ،، قلت ليهم بقعد معاها شويه وبجي ،، قعدته وحاسه بي قلبي مقطع لشرائح ،،وبين تصديق وعدم تصديق ،،في راسي منى لسه موجوده وانو ما فاتت ،،والموت بالنسببه لي كان بعيد شديد ،، مشت خلت وراها طفله ما شافت الدنيا كل ما اعاين ليها قلبس بتقطع تالت وعاشر،،جات الممرضه قالت لي عايزين تسموها منو قلته ليها اكيد ح يكون إسم أمها منى ، قالت لي الله يرحمها قلته ليهاااا امين يااا رب ان شاء الله،، الاذان التاني اذن مشيت صليت وجيت قعدته اتصل علي فهد وكنت نسيتو خالص رديت عليه قااال لي صبااااح اللخيرر ي قللبي،،قلته ليهو صبااح النور قال لي صووتك دا مالو كدا طوالي دموعي نزلت قلته ليهو منى اختي اتوفت ي فهد قال لي شنوو؟؟ لاحولا ولاقوةإلا بالله ،،متين الكلام دا قلته ليه فلمحة بصرر انا ما قادرة أستوعب كيف زول بعد كويس يرجع يموت م عارفه ي فهد ،، قال لي طيب طيب دا قدرها ونصيبها يا انا وانت م تهلكي نفسك كداا،،انتي وين اسيي قلته ليهو فالمستتشفى،،قال لي كيف قلته ليهو مع بتها وحااسه نفسس مخنوقه وم قادره استحمل ،،قال لي برااك؟ قلته ليهوو اي قال لي طييب انا جااي عليكك ،،المفروض زول يقعد معاك،،قلته ليهو انا وجودي زاتو م منو فايده لكن حسسيت م عايزه اخليها براها
فهد جا ومعاهو فتون عزوني وبكيت معاهم شديد،،فهد قال لي ربنا يعوضها بالجنهه،،وانت كمان لازم تمشي البيت البيبي والله م ح يقصرو معاها عشان ترتاحي وتسندي ناس البيت ،،قلته ليهوو انا اصلا م ح اقدر اخش البيت وهي ما فيهوو ما ح اقدر منى دي بالنسبه لي ،،فتون جات مسكتني قالت لي عارفين والموت حاار بس كمان قسمتها ونصيبهاا كدا وربنا عالم بالخير وين ،،قلته ليها ونعم بالله ي فتون ،،قالت لي يلا نوصلك البيت و نعزي اهلك وللمساء تعالي شوفيها كمان تاني مالو بس قعادك هنا لا بقدم لا بأخر قلته ليها طيب نمشي
مشينا طوالي البيت وخليته يعزو اهلي يلا قدمتهم طلعوا،، رجعت لقيت وجن قالت لي ما اعرف اقول لك شنو بس زعلانه شديد عشانك ومني الله يرحمه وتقبله قبول حسن قلت ليها ان شاء الله ربنا يجيب الخير خشيت كذا قالوا هيثم وصل فطلع لنا كلنا نعزيه، حالتو كات كانت صعبه شديد شديد
.:
تحسسوا زي كانه زي كانه ما مستوعب حالتو تحنن ، البيت كئيب ،، والحزن معبئ الدنيا
...مرت تلاته شهور الناس خفت ومنى الصغيره جبناها البيت ،، روان اختي الجات راجعه من طريق شهر العسل مشت هي وراجلا ،، نزلت شغلي بس من غير نفس ،،كل حاجه كانت باهته ورماديه،،لسه جو الفقد في بيتنا ،، وانا فهد بعد خلصنا حلقتنا قاعدين قال لي ميساء انت لازم تتقبلي الموت دا و‘ترجعي طبيعيه انا م بقول ليك أنسى اختك الله يرحمه بس كمان انت لازم تعيشي مش تأذي نفسك بالأسلوب دا؟ قلته ليهو فهد م قادره أصدق اإنها مشت وخلتني ما قادره أكمل انت عارف كويس انو منى دي بالنسبهه لي كانت شنو منى دي أمي الروحيه واختي وصحبتي ودموعي نزلت ،،مسحها لي وقال لي ميساء حبيبتي عارف والله ،،تتزكري تتزكري أمجد صحبي ولمن اتوفى حالتي كانت كيف انا كمان ما كنت مصدق وشفتيني اتبهدلت كيف ،،اها رجع!!! لا انا عذبتو بس وانت كمان كده بتعذبيها هي مشت لربها وما محتاجه منك غير الدعاء،،قلته ليهو ياا فهد ما ودعتها والله ما ودعتها ،،قال لي ممكن تصلي عالنبي ،،قلته ليهو عليه الصلاة والسلام ،،قال لي الموت حق ودا قضاء وقدر وما منى اختك براها ،،كلنا ح نمشي في يوم ،،عندك اولاداها اهتمي بيهم وشوفي امهم فيهم،،قلته ليه اصلاً المصبرني وجودهم ولولا كدا كنته انتحرت،،قال لي طيب شوفي ما تفهميني غلط بس انا عايز اكلم فتون اختي تجي ونجيكم المره الفاتت ياهو حصل الوفاة قلته ليه تعبناها معانا زاته،،قال لي ما مشكلهه ،،لكن اسي نجيكم وبعتقد ما فيها شي صااح؟ يعني عالاقل دخل فرحهه فالبيت ،،قلته ليه والله م بعرف وم عايزه ناأجل اكتر،،خلاص انا بوري اهلي ونشوف قال لي تمام طيب ارح أوصلك البيت
فالبيت وصلتهه واستحميت جبت حلييب اديهو لمنى ،،شلتها قعدته جات اختي منال قالت لي كيف الشغل قلته ليها الحمد لله ماش الحال ومجبورين ،،قالت لي ميساء نحن ح نسافر بعد كدا ،قلته ليها ماف طريقه تقعدو اكتر من كداا؟ اتعودتا عليكم قالت لي انت عارفه ماف طريقه مدرسه شدن وكداا،،واشغالنا قلته ليها الله يكتب السلامه ،،قالت لي عايزه اقول ليك كلام قلته ليها قولي ،،قالت لي بما إنو منى اختي الله يرحمه عندها اولاد واسي مشتتين وابوهم ما بيقدر براه يربيهم ويهتم بيهم وشغال كتتير مع انه قال بيستقر هنا فصعب عليه قلت ليها صعب شديد خصوصاً هم أطفال لسه،،قالت لي اي والله هو أستاذن ابوي وقال عايز يعرس ويسوقهم قلته ليها يعرس م مشكله لكن ديل اولاد وفي عيوناااختنا وم بنخليهم عاد ،،قالت لي الله ينور عليك ،،عشان كدا أبوي قال ليهو بعقد ليك ميساء ،،قلته ليها شنووو؟؟ ميساء منو!!!! قالت لي انتي وعايزين نعملو قبل م اسافر قلته ليها انا أعرس هيثم؟؟؟ لا وكمان مقرريين عني؟
