قالت لي العفو ما كدا بس يا ميساء دا الصاح والمفروض يحصل ،،قلته ليها صااح شنو؟ دا اكبر غلط والله ،،بتفكرو كيف انتو يعني اختي لسه م نشفت فالقبر انا اخد محلها،،قالت لي انت اولى من الغريب ،، قلته ليها كيف تدو الراجل كلمة من غير ما تعرفو راي انتو متخيلين ح اوفق طبعا لا والف لا ،،قالت لي يا ميساء اهدي الموضوع موضوع خير وبفيد الطرفين منو انت تعرسي وتلمي اولاد اختك،،قلته ليها قصدك شنو بكلاامك دي يا منال؟؟ إنو انااا!!! م ح اعرس اصلا عشان اكتب ع نفسي الوجع ،، العرس رزق وكنتهه منتظره رزقي وربنا عارف بجي متين بس ما اتوقعتها منك ،،قالت لي والله نحن عايزين مصلحتك ،، قلته ليها قصدك مصلحتكم شوفي انا بزولي الجاي يتقدم لي قالت لي منو دا جاي يتقدم ليك ؟ قلته ليها فهد قالت لي دا الشغاال معاك؟؟ قلته ليها اأي وكنت عايزه افتحمعاكم الموضوع دا
.:
قعدت فالسرير جنبي قالت لي فهد عدلان؟؟ يا ميساء أنتي جااده!! قلته ليها اي،،قالت لي ومن متين انتي وهو قلته ليها فتره يعني ،،قالت لي طيب لكن يا ميساء إرتباطك بيهو غلط فهد وانتي بعيدين من بعض من كل النواحي وما مناسب ليك زاتو،،قلته ليها كيف ما مناسب لي؟؟ قالت لي اي ما مناسب اسي فهد عدللااان وانتي بجمعكم شنو انا واخواتك كلنا عرسنا ناس من طبقتنا وناس قريبين لينا انتي عايزه هوب تقفذي قلته ليها ممنال ليه بتقولي كدا؟؟ انا م شايفه شكل فهد ولا قروشو ولا بتهمني انا بهمني فهد نفسو وحبو لي قالت لي بعد م حتت يدها في كتفي ميساء ابوك أدى كلمه وقال لي اوريك قلته ليها ليه م جمعنا وقال زي كل مره لانو غلط من الأساس قرارو دا،،قالت لي الحب بتنسسي وتلمي اولاد منى احسن ومشت ،،ما تتخيلو كلامها دا نزل ع راسي زي الصاقعه كيف؟ أحساس فهد خلاص ضااع مني ،،كمية إحباط عاينته للتلفون لقيتو بتصل م قدرت ارد عليه ودموعي جرت حضنته منى شدديد وقلته ليها أمك لو عايشه مستحيل ترضى أتظلم كدا ما عارفه اعاتبه لانها مشت وانا فالضيقه دي بسببها،،ولا أرمي الحِمل عليها واقول ليها من بعدك رموني فالنار ،، أتصرف كيف عشان الوجع الجواي دا اخلص منو،،كيف اتصرف اواجه اهلي كييف،،اقنعهم كيف،،اخلي ابوي يتراجع من قرارو دا كييف
اتنهدت وقلته ح تحليها يا ميساء ومستحيل مستحيل أتزوج غير فهد ،،لقيتو بضرب تاني رديت قلته األو قال لي مالك حبيبي قلته ليه بسم الله مالي؟ قال لي ممكن تردي طوالي من غير ما ترجعي تسألي قلته ليه تعبانه شويه وكدا م مستاهله قال لي ههه ذعلك وتقولي لي م مستاهله وجعك وتقولي لي م مستاهله تعبك وتقولي م مستاهله طيب البستاهل اقيف فيه شنو غير داا ،،انتي حبيبتي. م حكيتي لي تحكي لمنو وكيف؟ طيب الموضوع ليهو علاقه بمنى الله يرحمه؟قلته ليه ايوا وحسيت نفسي ح ابكي قلته ليه زعلانه لانها مشت وخلتني ،،قال لي لكن م بإرادتها وأتكلمنا في الموضوع دا اكتر من مره ودا قدر صح قلته ليه ايواا صح قال لي طيب فريحي لي قلبك عشان انا ارتاح كمان❤️
اتكلمنا شويه وكنت حاسه بغمه فقلبي ،،انه هو م عارف الحاااصل واوريهو كيف يعني بس؟ كملنا كلامنا ونمت الصباح صحيت بجوطه فالبيت،،قمته قلت ل شدن فشنو جايطين كدا انتو ؟؟ قالت لي عرسك ي خالتو قلته ليها عرسي ؟؟ اناا ؟؟ منال اختي جات قالت لي ميساء نايمه ههههه قومي عايزين نجهز قلته ليها نجهز شنو قالت لي لعقدك قلته ليها بصرخه انتو جنيتو ولاشنو ياخ نفس ماف كيف يعني حتي رأي م عايزين تقيفو عليهو قالت لي ابوك عايز يتكلم معاك اصلا امشي ليهو فقمته من سريري لصالون ابوي من شافني قال لي تعالي عايزك مشيت قلته ليهو أبوي الحاصل شنو عاين لي مساافه قال لي بتي تعااي اقعدي تعال مشيت قال لي انا وهيثم اتكلممنا وو قلته ليه بمقاطعه يا ابوي أرحموني انا بحترمك وبحترم هيثم وعشان بحترمو م بقدر للحاجه دي كيف اخد محل اختي قال لي ي بتي اخير من يعرس غريبه قلته ليه يا ابوي براحتو لو عالاولاد عراسي بس اعفوني ي ابوي العرس دا مؤسسه معقوله أبنيها على خراب ؟ قال لي خراب شنو ي بت دا عرس عديل وتبني بيتك واسرتك وحياتك ي بتي وعموما انا أديت كلمه ،،قلته ليه بابا اسمعني ولبي رغبتي العرس دا م عايزاهو قال لي ميساء انت م عارفه مصلحتك وعايزه تعرسي متين يعني اختك الصغيره عرست ،،قلته ليه انت بس عايز تتصل للنقطه دي من قبييل وطوالي طلعته من جنبو قال لي ميساء ما رديت وانا طالعه لاقيت امس خاشه سامعاها بتسألو مالا دي قال ليهاا م موافقه امي قالت ليهو على كيفها هو
حرفيا بيتنا الواسع داك حسيتو قبر وضيق م عادي لبسته وطلعته مشيت لوجن م عارفه مشيت ليه بس مشيت ،،قعدنا قالت لي طولتي من جيتينا فجأه دموعي نزلت قالت لي ميساء ؟؟ ميساء بتبكي لي مالك وقامت جابت لي موويهه،،شربت قالت لي حبيبتي أحكي لي فشنو فبديت حكيت ليها القصه كلهههااا وقلته ليها م لقيت حته تانيه أمشي ليها تعرفي فالبيت حااسهه نفسسي في جهنم وهم م عايزين يسمعو لي اصلاً،،قالت لي ميساء عايزه الصراحه والحقيقه صااح قلته ليهااا أكيد ،،قالت لي احسن تعرسي هيثم وكلام منى اختك صاح ومنو تلمي الشفع قلته ليها وجن؟؟؟ دا كلامك قالت لي اي والله مالو وبتحصل كتير دي فرصه ولو ع فهد يختي م اظن جادي ف موضوعك دا والا كان اتقدم زمان وصدقتي اولاد الاغنياء ديل لعب ساي وزاتو معاهو م ح ترتاحي ،،قلته ليها وجن انا ماشيه البيت قالت لي تمشي ليه، خلينا نتفاهم وارتاحي وفرفشي قلته ليها لالا خليت منى نايمه ح تصحى قالت لي شفتي انتي الوحيده القلبك عالاولاد وفي رأي اختك منى برضو بتتمنى انو تمسكيهم ليها ،،
مشيت من وجن وم بررت ليها ولا اتناقشت معاها كلهم عايزين مصالحهم كلهم بفكرو نفس التفكير والحاجه الوحيده النفسي اقررا براي هم بياخدوها عني ،،بس م بقى شي يتقال ح اصارح فهد بس،،اتصلت عليهو كتتير بس م رد،، واستغربته ،،وورسلت ليه برضو م رد ،!! فعلاً بالليل لمن مشيت الشغل وقعدنا انا وفهد قلته ليه فهد عايزه اقول ليك حاجه حسيتو بتجنبني وكمان م مركز معاي كالعاده قال لي بعد الحلقه م لقيت فرصه أسألو بتعامل معاي كدا ليه،،بعد البرنامج والحلقه نقول عليها باااردهه،،طلعنا قلته ليهو مره تانيه فهد ممكن نتكلم انا وانت عاين لي مسافه قال لي ليه م وريتيني!!!!
