اها رايك شنو انتي ،، قلته ليهو ما عارفه يافهد قال لي ما عارفه كيف كمان ،،خايفه من اهلك انتي ؟؟ مش بتثقي فيني واي حاجهه وبتحبيني متردده ليه،،انت مش لسه في بيت اهلك ،،م قدرته ارد عليهو تاني قلته ليه اي،،قال لي طيب رايك شنو بكره نمشي ارفعي دعوة طلاق او اتكلمي مع الزول دا خليهو يطلقك ي ميساء لو رفض نلجأ للقانون ،،لو اهلك عارضو مستعد اأجر ليك بيت براك او نسافر لحدي ما يقتنعو ،، انا المرة الفاتت لمن شفتك معاهو قلبي كان بيتقطع يا ميساء انا من غيرك م ح اقدر اعيش ولا أكمل حياتي مستحييل يا ميساء ،،قلته ليهو ولا انا م قادره استحمل قال لي طيب ل بكرة نتكلم تاني واكيد ح نحل الموضوع دا قلته ليهو طيب،،
فضلتهه بفكر في كلام فهد دا ودي فرصه عشان نبدأ من جديد،،لكن هو م عارف اني ساكنه معاهم ولو عرف ردة فعلو ح تكون شنوو ،،
بالليل بعد الشفع نامو ،،هيثم قال لي بعد بكره ح نمشي ،،قلته ليهو جد يعني خلاص قررته؟؟ قال لي ايوه خلاص قررته مش موافقه انتي؟ قلته ليه ايوا وقمته خشيت المطبخ بفكر اقول ليه طلقني ولا اعمل شنو انا اسي ،، يا رب انا محتاره وم عارفه اعمل شنوو انا بين نارين ، سمعته هيثم بنادي لي مشيت ليهو ،، قال لي اختي سميره "اسم اخته" قالت ح تأخد آسر يقعد معاها قلته ليهو كيف يعني يقعد معاها؟ قال لي قالت احسن يقرأ هنا مدرستو حلوه وم عندها اولاد تهتم بيه قلته ليهو هي قبيل جات هنا لكن م فتحت معاي الموضوع ،،لكن م مشكله الانت تشوفو اعملو ،،قال لي طيب تمام ،،
كان قدامي خيارين يا أما امشي مع فهد يا أما مع هيثم ،، اختياري ل فهد بيعني مشاكل لي وليهو بيعني اتخلى عن اولاد أختي بيعني مشاكل كتتير ،،بس اختيارري ل هيثم بيعنى اني اخسر فهد ،،فكرت شدشد وكتتتير ،،انا ما كنته حِمل مشاكل تانيه خصوصاً اهلي ح يقولو فضحتنا وم ح يرضو وممكن كمان يخاصموني للابد،،في حين انه اولاد اختي في امس الحاجة لي وبعتبروني زي امهم ،، وانا تاني م حبيبتو لي فهد البحبها ،،انا مرت واحد تاني ،،فقررته ح اكمل فالطريق الصعب البديتو وح اسافو مع هيثم وأريّح فهد مني تماما واسيبو يعبش حياته واحتمال يتناساني ويكمل ،،الرجعه تاني اكبر غلط ممكن اعمله وجريمه في حق ناس كتيره وح يجيب مشاكل
أتصصل علي فهد وفضلنا نتكلم قلته ليه انا اسفه م ح اقدر اجي معاك ي فهد ،،قال لي الكلاام البتقوليه دا شنوو،،ليه انتي كدااا،،قلته ليه واسي كلامي معاك دا زاتو ما صاح ي فهد انساني وعيش حياتك
.:
او بالاصح ننسى بعض ،،قال لي انت بتطلبي المستحيل ،،لكن لو الحاجه دي بتريحك وعارف م بتريحك لكن راضي بيها لو ربنا كتب لينا كدا مع انه صعب علي وم عندنا حل تاني ،،يا ميساء امشي بس تأكدي اي لحظه لمن اموت انا ح افضل مستنيك ،،قفل مني وانا ببكي ببكي بحرقه من جواي ،،
صفحة فهد انطوت من حياتي لأجل غير مسمى يمكن اخترت الطريق الاضعف الاسهل ،،بس كنته شايفه الصح ،،
في جانب تاني فهد في الاذاعه ،،
يا وجن انت عارفه للان ساكت وبتعامل باحترام عشان ف يوم كنتي صديقه اعز زوله واحب زوله لي ،،تمام بس انتي اتجاوزتي حدودك لدرجة بتجي هنا. ،يعني الفتره المفروض تقيفي معاها انتي هنا بتسرقي في حبها،،قالت ليه يا فهد انا عايزاك لكن ،قال ليها يا وجن لمي باقي كرامتك واتوكلي تاني م تحاولي تصلي لي ولا تتصلي علي ولا تفتشيني لانه والله اسمعي كلمة والله م بحصل خير ولاني انا اصلا م في حاله اسايرك واواسيك فهمتي علي؟ قالت ليه طيب ومشت.
اما انا في البيت جو اهلي عشان يودعوني وكدا امي بتسألني كيفك وكيف معاك البيت دا وكدا قلته ليها كلو تمام يا امي قالت لي الحمد لله اهم شي تعرفي انك مسؤوله منهم قلته ليها ايوه ي امي ،، ليه منال وروان م جو ،،قالت لي منال سافرت،،قلته ليها مت غير م تودعني؟؟ قالت لي هي م ودعتك يعني؟؟ قلته ليها ابدا لكن م مشكلهه،،وروان ،،قالت لي فالقاهره ،،قلتهه ليها كويس والله
ناس امي ودعوني ومشو وجات سميره اخدت آسر ،، حسيت م عايزه اديها ليهو بش لمن فكرت لقيت احسن خصوصاً المدرسه امل ومنى يكونو معاي ،،اشتريت ل نفسي رقم جديد وفرمطت الجهاز بحيث اي حاجه فحياتي تتفرمط معاه ،،حسيت نفسي عايزه أبدا من اول وجديد وأبدا حياتي من تاني ،، سافرنا بعربية هيثم وصلنا الضهر كدا بعد 6ساعاات سفر وصلنا هناك ونحن تعبانين شديد الحته كانت مروي ❤ البيوت كانت ظرريفه ومبنيه جديده البيت النزلنا فيهو كان بيج من طابقين وقدامه حديقه حلوه كان بيوحي بالسلام وحسيت بأطمئنان غريب لي زمن طويل م سافرت وم حسيت بالاستقلاااليهه ،، اتفأئلت وخشينا طبعاً كان عايز نضااافه تقيله ونحن فالحوش بتاعه جات وحده كدا لونها فاتح سلمت علينا قالت لينا انتو جيتو جداد هنا صح قلته ليها ايوه قالت لينا الا تتفضلو بي بيتنا انا اسمي هديل قلته ليها لالا شكرا قالت لي لا العفو اكيد اولادك تعبانين ومعاك طفله صغيره فضلو بالبيت ارتاحوو ونضفو البيت دا بعدين جيبيهم ،،هيثم قال ليها تمام ،،مشيينااا معاها قالت لينا زوجي فالششغل ما كان عندها اطفال جابت لينا مويه وعصيرر ،،وشغلت لينا التكييف نومته منى وامل فالسرير ،، واتونسنا واتعرفنا عليها قالت هي من دنقلا واتزوجت وسكنت هنا وزوجها اسمو وائل ،،
كانت ظريفه وطيبه شدديد وحسيتها خشت قلبي طوالي ،، طلعنا مشينا بدينا نرتب فالبيت وخليت معاها البنات نضفناااا كداا ورتبناا المطبخ وغرفتين وفوق م طلعتهه ،،لانو حسيت نفسي مرهقه وتعبته شديد قلته ل هيثم ح امشي اجيب البنات ،،قال لي البيت عجبك قلته ليهو حلوو شديد ومريح قال لي الحتهه هنا بررضو حلوه بكره بطلعكم مريحه شديد وح تتبسطو 🌸💕
وفعلااا حسيت المكان بشبهني وح ارتاح فيهو بعيد عن اي ضجه او زعل ومشااكلل ،، نفسياً ح ارتاح واكون علاقات جديده وبساعد نفسي انسي الفتره ديك من حياتي ،،حرفياً الرضا بالواقع 💕💕💕
