إتجهنا انا والاولاد وهيثم لبيتو ،،ميساء جديده حاسه نفسي وحده تانيه خالص ،، الاستسلام للواقع دا كان شعووري بالضبط ،،نزلنا وانا كنته شايله منى ،، هيثم فتح باب البيت اللهو كان ببيت حالو متوسط ،، مضروب بالاخضر وقدامو سياج فيهو زراعه وطابق واحد عندو سطوح ،،هو بيت منى اختي الله يرحمه خشينا ،، منى كانت نايمه رقدتها بأعتباري عارفه البيت مداخلو و مخارجو بس هيثم اصر يوريني قال لي تعالي مشيت معاه قال لي دي غرفه للاولاد كان فيها شاشه كبييييره ودولاب ملابس وسريرين عاديين وسرير بيبي اللهو منى اختي كانت مجهزاهو لبتها ،، وسبت بتاع اللعاب ،طلعنا بتمشي باللهول في غرفه تانيه قال لي دي غرفتنا انا لمن قال لي كدا حسيت قلبي وقع من ختتو او في زول انتزعو لي خشينا قال لي ببرود انا غيرت كل العغش الفيها فعلا كان كل شي جديد قلته في نفسي متين لحق اصلا كان فيها دولاب من الجانب للجانب لونه اسود وسرير واحد كبير أسود وتسريحه برضو اسود اللون وستائر بالاسود والابيض خته الشنطه هنا ،،طلعنا وراني قال لي دي غرفه تالته لو جا ضيف وعندنا حمامين وفي غرفتنا في واحد ودا المطبخ عاين لي قال لي دا بيتك ومشى
هيثم دا م اتكلمته عنه يلا هو طويل ولونه قمحي ملتحي نقول عليه جميل نوعا ما بلبس جلاليب اكتر حاجهه ،،مهندس كهرباء امه وابوه متوفين علاقتو مع قرايبو م على قدر كدا عندو اخت وااحده ومتزوجة لكن ما عندها اولاد خالص ،، هيثم انا بعرفه من كلام اختي زول كويس وزول حاره لكن طبعا تجربتي الشخصيه ح تختلف وح توريني وتعرفني عليهو اكتر ،، انا نقدر نقول رضيت بالقسمو ربنا وبالقرار الاتخذوه اهلي ،، كان قدامي شي واحد اولاد اختي منى ديل بس انا مستعده اموت عشانهم ،، كنت قاعده فالمطبخ طلعته مشيت لقيتهم بلعبو حالتهم خلتني أدمع هم للان م فاهمين شي مشيت قعدته جنبهم. ،آسر هو الكبير عمرو 6 سنه هو في سنه أولى أما أمل 3سنوات فالروضه ،آسر قال لي خالتو ميساء مامارح تجي متين قلته ليهو حبيبي ماما م ح تجي بس نحن ح نمشي ليها أمل قالت لي طيب ارح نمش اسي انا عايزه ماما قلته ليهم ماما سافرت السماء فوق أمل قالت لي ليه م ساقتنا قلته ليها لانو ح نمشي ليها نحن طيب بس ح نمشي لمن ناكل ونقرأ وننوم ونبقى ناس كويسسين ح نقدر نمشي ليها ،،قالو لي حاضر وكملو لعب ،، يعني ح افضل متعايشه مع الوجع دا زي كأنو وجبه رئيسيه ،،قلته خليني اطلع العبايه دي وارتب حاجات الشفع وانومهم ،، فتحت دولابهم ورتبت حاجاتهم وفي حته كانت فاضيه ختيت بتاعات منى سألتهم عايزين تأكلو شنو قالو لي عايزين نشرب حليب بس قلته ليهم م عايزين تاكلو ليه قالو لي م جعانين مشيت المطبخ م كان في حليب ،، مشيت لبسته لي توب وجيت خبطه الباب لهيثم قال خش خشيت قال لي دي انتي كان تخشي طوالي قلته ليهو اسر وامل عايزين حليب قال لي اصلا بتعشو كدا حليب ببسكويت طيب طالع اسي خليتو مشيت قعدته معاهم ألعبهم،،
ونحن مندمجين وبنعلب وللحظه حسيت نفسي نسسيت كل شي جواي ونسيت العالم ،، انتبهته هيثم واقف جنب الباب وبعاين لينا شافوه وقامو جاريين عليهو ،،حضنوه انا قمت سريع لبسته توبي واخدته منه الحاجات مشيت المطبخ جهزت ليهم وناديتهم جو قعدو بيشربو قدامي
.:
شربو ومشيت معاهم نيمتهم ونومت منى وخلاص عايزه انوم جا هيثم قال لي خلاص نامو قلته ليه اي نامو الحمد لله بس بعد جوطه كبيره،، قال لي عايزه تاكلي قلته ليهو لا لا قال لي ولا اناطيب ونحن م ح ننوم قلته ليهو اه انا كنته عايزه انوم قال لي وين هنا ،،ارح غرفتنا ،،بقيت مبحلقه عيوني فيهو قال لي بتعايني لي كدا ليه ارح ومسكني من يدي مشيت معاهو قال لي دقيقه عايز اطفئ الضوء طفاهو ومشينا فضلنا ساكتين نحن الاتنين قال لي اسمعيني رفعته راسي كمل ،، انا وانتي اللي نحن فيهو دا غصب عنناا ،،
ما عايز نتعامل مع بعض فالبيت دا زي الاغراب ،، عايز نعيش عادي زي اي راجل ومرتو لانه قدامنا عمر كامل ح نقضيه زعل وإكتئاب لا لانه الله زاتو م برضاها لينا،،يبقى نعيش الحياة الاتقسمت لينا ونحن هنا ليه واتزوجنا ليه؟؟ مش عشان الاطفال الم ليهم ذنب ديل قلته ليهوو ايوا قال لي طيب؟؟ من حقنا كمان نتبسط بالحياه دي،،
انا م كنته عارفه ولا فاهمه هيثم فصدو شنو ولا ماله هل الكلام دا من قلبه وخوف عالعيال وم نسى اختي ،،ولا هو مجرد اناني واصلا م كان بيحبها زول غريب م بعرف عنه وعن شخصيتووو غير كان راجل اختي ،،لقيت نفسي بين يدينه ،، بس ما عندي حل غير اصدقه واتعايش معاه واقببل بالواقع داااا،، يمكن الخير معاه وربنا يكتب لي حاجات حلوه.
قال لي طيب هسي ممكن ننوم يلا قلته ليهو طيب ،، طلعته التوب الكنته لابساه ورقدته وهو رقد فالجانب التاني ومن غير م احس نومته ،،صحيت باصوات الشفع جايطين ومنى بتبكي بتبكي وتجعر من جواها،،فقمته مخلوعه افتكرتها وقعت او اي شي ،،جريت حصلتها لقيتها ف سريرها وبتبكي شلتها بحاول اسكتها هيثم جا قال لي مالا ي ربي بتبكي ليه ،،قلته ليه م عارفه م كان اخليها براها تنوم كان انومها معاي ،، فبقيت بحاول اسكت فيها جبته ليها حليب قلته يمكن جعانه وبعد مجازفات سكتت ،، بقيت شايلاها حايمه فالبيت،،هيثم قال لي انا ح اجهز نفسي وطالع الشغل وح اخد آسر معاي المدرسه وأمل الروضه انت اقفلي عليك الباب كويس،،قلته ليه م لبستهم ليك قال لي انا حممتهم وهم بعرفو يلبسو ارتاحي خليك بس مع منى قلته ليهو طب والشاي قال لي انا م عايز وهم شربو حليب قلته ليهو طيب ،، بعد شويهه طلعوو ،،للحظه حسيت انا قصرت فحقهم المفروض كان اصحى بدري واجهز ليهم لكن من بكره ح اعمل كدااا ، لقيت منى نامت قلته خلاص ح انضف البيت قبل تصحى وتبكي تاني رقدتها وشغلت ليها المكيف ف غرفتها،،
لاحظته تلفوني بضرب لقيتها فتون متصله علي استغربته عايزه مني شنو رديت لا شفته م حلوه مني اطنشها قالت لي ميساء حبيبتي كيفك قلته ليها الحمد لله قالت لي الحصل شنو انا فهد كلمني الليله صاح اتزوجتي،،قالت لي طب لي والحصل شنو ي بت وفهد؟ حكييت ليها الحصصل كلو ،،قالت لي م مصدقه قلتها ليها ولا انا كمان م عارفه اقول ليك شنو وابرر موقفي كيف بس الحصل حصل ويبدو ماف نصييب بينا،،قالت لي ربنا عالم كنته بتمناك لفهد كيف وعمري م اتخيلت يحصل كدا لعلاقتكم وحبكم داك ،،اهو نصيب وقدر ،، اتنهدت وسالتها فهد كيف؟ قالت لي حالتو أسوأ من حالتك،،بمراحل مضايق وحاسي نفسو قصر وكان ممكن يعمل اكتر من كدا،،قلته ليها فتون اقيفي جنبه هو دي ح تكون اكتر فتره محتاجك فيها وانا خايفه يرجع لحالتو ديك،،قالت لي اابدااا ي ميساء م اظن مع اني خايفه بس هو بطمن فيني بقول لي ماسك نفسي عشانها م عايز اضيع الطريق الهي هدتني ليهو ،،قلته ليها الله يعينو ويعيني بس
قالت لي يا رب م تتخيلي انا كمان موجوعه عشانكم شديد...
في جانب اخر
فهد بتكلم بالتلفون ،،
قلته ليك ستين الف مرع م تتصلي علي لا تكلي لا تملي كل لحظه برقم جديد ياخ م بتتعبي تاني مره لو حاولتي تتصلي علي ما بيحصل خير.
