لبسته وجهزت نفسي خلاص طالعهه،، وجن جات سمعتها بتتونس برا مع أمي طلعته ليهم قالت لي ارح ما أتاخرنا نحن ؟ امي قالت ليها انتي مااشهه معاها ولاشنو،،قالت ليها اي يا خالتو زهجت ومليت من قعاد البيت وقلته اغير جو،،امي قالت ليها كويس والله احسن ،،قلته ليهت نمشي يلا ،،عاينته لمنى اختي ملامح وشها زعلانه ومغيوظه من وجن شديد، طلعنا قالت لي اها ناس شكلكم ظريفين ولا عادين ولت شايفين روحهم،،قلته ليها لالا ظريفين ،،قالت لي ايواا وفهد كيف وتعاملو كيف ،،قلته ليها ظريف ،،قالت لي يعني الزول بقدر يخش فيهم بسهوله؟؟ قلته ليها نوعاً ما ،،قالت لي من زمان بسمع برنامجهه وما اتوقعت يجي يوم واشوفه،،
قلته ليها يا ستي ولا انا لكن هدا اليوم شغاله معاهم وعادي،،قالت لي اي والله سبحان الله ،،ركبنا المواصلات ووصلنا هناك دخلنا سلمته على ايناس قلته ليها أعرفك صحبتي وجن سلمته عليها بكل حب وقالت لي فهد مستنيك جوا ،، قلته ليها طيب مشيت خبطه الباب وفتحتو قال لي مي.. ولمن شاف وجن سكت مساافه وقال وعليكم السلام سلمته عليهم وقلته ليهو دي وجن صحبتي سلم عليهاا وقعدنا سألها احوالك واخبارك قالت ليه الحمد لله تمام وبدت تتكلم صراحه انا معجبه بإذاعتكم وشغلكم حلو شديد ،قال ليها تسلمي تشربو شنو قهوه عصير وجن قالت ليه اي حاجه عاين لي بنظره حب انتي قهوه صح وابتسم،،وجن ربطت وشها في ستين محل ،، طلع كلم ايناس وجا راجع قال لينا الاخبار شنو طوالي وجن ردت ليهو الحمد لله. ،
قال لي انتو ساكنين جنب بعض،،وجن ردت ليهو ااي اصدقاء من الطفوله وكل شي،،قال ليها ايواا،، بس نستأذنك عشان ح نحضر للبرنامج قالت ليه فضل طوالي فقام وقعد فحته تانيه وانا شلته ورقي ومشيت وبدينا نتكلم ووجن كانت بتعاين لينا بنظرات غريبه ،، قرب علي قال لي انتي الليله حلوه كدا ليهه،،قلته ليهو فهد اسكت عليك الله هههه،،قال لي دي مش صحبتك المفروض تكون عارفه ثم ثانياً ليه حسيت انك م مرتاحهه بوجودها ،،قلته ليه دي الحكيت ليك عنها ،قال لي وتاني الجمعكم سوا شنو،،قلته ليهو اعتذرت وكدا،،قال لي طيب يا ستي. ،المهم ما تزعلي نفسك ماشي؟ قلته ليه طيب،، هاك الورقه دي علاجات كتبتهم ليك اختي منى جيبها طووالي،،قال لي حااضر دايما بتثبتي انو قلبك علي
وبتخجليني بالحاجات البتعمليها قلته ليهو فهد ما تقول كدااا ،،،وارح عشان نجهز للبرنامج ،،وفعلا بعد نص ساعه خشينا للبرنامج وقدمانو وكان حلو جدا بعد خلصنا قال لي اوصلك الليله؟ قلته ليهو لالا ،،خصوصا معاي وجن بفضل نرجع بالترحييل،، قال لي طيب العايزاه بحصل لكن اول ما تصلي اتصلي علي،،قلته ليهوو انت كمان ما تنسى تشتري العلاجات قال لي ما ح انسى،،جات وجن الحلقهه سمحه عديل والله ابدعتوو وانا مبسووطه انه حضرتها هنا ،،فهد قال ليها تسلمي ان شاء الله ،،قالت ليهو استاذ فهد ممكن رقم تلفونك وطلعت تلفونها ،، عاين لي وانا عاينته ليهو ،،قال ليها جدا وكتبو ليها جا وقف جنبي قال لي عارف حبييتي غيوره بس دي صحبتك وعيب علي احرجا وما تخافي انا مستحيل اعاين لبت غيرك،،وجن قالت ليهوو شكراااا ليك والله قال ليها عالرحب
فالترحيل قالت لي فهد دا مهذب شديد وراقي مال وجمال وذوق ما شاء اللهر،،قلته ليها فعلاا،، قالت لي قريبا ح اجي معاك قلته ليها ان شاء الله. قالت لي لسه زعلانه مني قلته ليها ابدااا،،قالت لي بتمنى
نزلنا وانا مشيت البيت ،،تلفوني دقه لقيتو رقم غرييب وشكلو دولي رديت عليهو الووو قالت لي ميسوووو❤️❤️قلته ليهاا فتووون ،،قالت لي اي كويس انك عرفتييني من صووتي ،،قلته ليها وهل يخفى القمرر اكيد بعررفك ،،قالت لي معلييش لو اتصلته في وقت غلط بس ما قدرته انتظر للصبااح والله ،،قلته ليهاا خير ان شااء الله قالت لي انتي وفهد اسي هو كلمني قبل شويهه،قلته ليهاا بالله هو ما بيقدر يصبر شويه،قالت لي ي بت هو لاقييك!! ❤️يصصصبر ليه؟ انا ما صدقته لمن كلمني ،،عايزه اقول لي هو محظوظ بيك شديد ،قلته ليها انا المحظوظه بيكم،،قالت لي يا ستي المهم انا خلال شهر بنزل السودان ما عايزاه يجيكم براهوو لازم نعمل حاجهه بتليق بيك وح نجيكم كلنا،،قلته ليها براحتكم يا فتون،،قالت لي لالا لازم نستعجل عشان م تتخطفي منناا
المهم انا مبسوطه بيك شديد واخوي وصحبتي ،، وعارفه كويس مهما عملنا م ح نقدر نوفييك،، ووفهد اخيرا ح يستقر زمان كنته بخااف لمن تجيني فكرة نتقدم ليهوو لوحده وكدا ،،بس انتي عارفاه وفاهماه وكل شي وهو بيحببك شديد والله ي ميساء ،،قلتهه ليها انا كمان مبسووطه بيكم شديد وان شاء اكون قدر الثقهه ،،قالت لي اكيد يلا ما اطول عليكك مع السلامه ،،قفلته منها واصلا كان خشيت البيت منى قالت لي كنتي بتتكلمي مع منو؟ قلته ليهاا مع فتون ،،قالت لي ايواا حماتك وكداااا 😂😂😂قلته ليها م تستعجلي هوي،،قالت لي المهم يزوله م علينا اليوم كان كيف ووجن معاك، قلته ليها ظريف نوعا ما،،قالت لي نوعا ما ليه؟ قلته ليها وجن بقت ظريفه زياده عن اللزووم ،،قالت لي انت البقيتي شاايفه ياداب.،،قلته ليها يمكن،،اها روان وين قالت لي بتتكلم مع خطيبا وبجهزو وكده عشان تتحبس ،،قلته ليها ظريف ومنال اختي اتكلمتو معاها ولا لسه قالت لي اتكلمنا قالت بتجي في خلال اسبوع ،،قلته ليها ظريف
إتصلل علي فهدد قال لي وصلتي كييف قلته ليه كويسه ،،انت كيف قال لي تمام. ، اشتريت العلاج بس اختك جاده ح اخد دا كلو 😂 قلتهه ليهو يزول لمصلحتتك والله ،،قال لي تمام ي ستي ،،قلته ليهوو انت كويس يعني من كل النواحي ،، قال لي والله كويس م تخاافي علي انا ميه الميه،،، سكتت مساافه قال لي ف رقم غريب خااشي الويتينغ انا طنششتهه بس معلش احتمال في شي مهم طيبب ممكن ارد،،قلته ليهو رد ، رجع لي بعد تلاته دقايق قلته ليه رجعت سريع خيير😂قال لي م عارف اقول ليك ولا لاا قلته ليهوو ليه ماالك!! قال لي دي وجن الكانت متتصلهه علي،،قلتهه ليهوو وجن ما غيرها!!!! قال لي اي والله وممكن ارسل ليك الرقم تتأكدي بس دي هي ،،قلته ليهو وعايزه شنوو قال لي ولاشي عايزه تتكلم ساي إختصرتها لكن انا يمكن غلطه ف حتته الرقم وصراحه ما اتوقعته تتصل ،،قلته ليهو ما عارفه ي فهد مصدومه زاتي،،قال لي بحترمها لانها صحبتك انا لكن بعتقز احسن توريها بموضوعناا عشان نكون فالنور وافضل، قلتهه ليهوو ان شااء الله انا كمان شايفهه احسن ، قال لي زعلانه؟ قلته ليهو ابداً انت صريح معاي وبحب الحاجه دي فيك ،،قال لي بتحبي الحاجه دي ولا بتحبيني شخصياً قلته ليهو امممم الاتنين ،قال لي اها الاتنين،،قلتهه ليهوو اتصلت علي فتون قال لي اها عايزه تغيري الموضوع ، قلته ليهوو لا بس قال لي اها وقالت ليك شنو قطعت فيني صح ،،قلتهه ليهوو فتون بتخاف عليك شديد ي فهد ،،قال لي فتون دي بتعتبر نفسها ف محل امي،،وبتحاول دايماً تخليني اتجاوز نقطه فقد امي،،عارفه حنييينه شديد كتير بتقطع تذكره وتجيني حتى لو الموضوع تافهه وهسي ح ترتاح مني ههههه
