بسم الله الرحمن الرحيم
الحلقه الرابعه
النهارده خطوبه ساره نور معاها هي ونهب
نور: مبروك يا ساره
نهي : مبروك يا ساره
ساره : تعرفوا علي الرغم اني مشفتش العريس ولا مره بس انا مستريحه نفسيا ومتفائه أن هو اللي هيخلصني من كل ده
نور : أن شاء الله خير
الخطوبه في أكبر الفنادق في مصر
الباب بيخبط نور راحت فتحت لقت طنط رشا
رشا : قولي لساره تنجز في يومها الهباب ده عشان ابوها مستنيها برا
نور : حاضر يا طنط
نور لساره : يالا ياساره عشان والدك مستنيكي برا
ساره :حاضر باله
نور : متزغرطي يا نهي
نهي : حاضر لولولولولولوي
وضحكوا سوي
وطلعت لوالدها اللي مقالش ليه كلمه حلوه فساره زعلت اوي ونور حست بيها فنور مسكت أيديه وطمنتها انه خير
نزلوا علي السلالم فالعريس كان في نهاية السلم ساره اتفاجأت اوي لما شفته بس مبينتش فطلبت من والدها أن هو اللي يوديها الكوشه عشان مش من الحلال انه يمسك أيديها
في الكوشه
احمد : عرفتيني
ساره: اه افتكرت حضرتك
احمد: انتي بجد مكنتيش تعرفيني
ساره : الصراحه اه
احمد : اعرفيك بنفسي يا ستي
ساره : اتفضل
احمد:احم احم احمد فاروق ٢٧ سنه متخرج من هندسه وحاليا ماسك شركات السيارات بتاعتنا وبحاول أطور فيها
ساره:ربنا معاك دوري انا بقي اعرفك بنفسي
احمد: من غير متقولي انا عارف كل حاجه
ساره :عارف ايه واحنا اصلا اول مره نقعد مع بعض قاطعهم رشا
رشا: مش وقت رغي ابقوا ارغوا بعدين الناس بتبص عليكوا وانتي يا استاذه ساره متعمليش جو أن متفاجئه بيه
احمد : بس علي فكره هي اول مره تعرفني وحضرتك ملكيش اي دخل احنا بنعمل ايه
ساره في نفسها حست بفرحه رهيبه وبصتله أن هي بتشكره وهو بصلها يطمنها رشا اتكسفت ومشيت
احمد: انا مش عايزك تقلقي من اي حاجه وعايزك تثقي فيا
ساره: حاضر ساره حاسه ان هي طايره في السما عشان كان كلامه مريح بالنسبة ليها اوي
في الحفله نور خرجت عشان ترد علي التليفون قابلت سيف وهي خارجه عشان تتكلم في الفون وبصوا لبعض وبس
عند نور
بترد علي التليفون فكان اخوها ادم اللي هو اصغر من مصطفى علي طول
ادم : نور أهلا عامله ايه
نور :الحمدلله ايه سبب المكالمه السعيده ده
ادم : كنت عايزه افكرك أن الذهب بتاع ماما اللي انتي عاينه هيتوزع بكرا علينا احنا سيبنه لما كملتي ٢١ وانتي دلوقتي عندك ٢١ وكذا شهر
نور في دماغها حبت تشوف رد فعلهم ايه لما يعرفوا أن الدهب اتباع
نور : بس الدهب اتباع
ادم : اتباع ليه وانتي ده مش حقك انتي لوحدك
نور : انا كنت كل محتاج فلوس ابيع حاجه عشان انتوا محدش فيكوا كان بيصرف عليا
ادم :واحنا نصرف عليكي ليه
نور: مش انتوا اخواتي و انا مسئوله منكم
ادم: انا كفايه عليا مراتي وعيالي خلاصه الكلام احنا هنتجمع بكرا وتطلعي الدهب انا عارف انك مبعتهوش
نور : مش نهايه حاجه
ادم : بكرا نشوف
وقفل السكه
نور زعلت اوي من اخواتها ومش عارفه هم ليه بيعملوا كده فقررت أن هي تستأذن من ساره وتمشي فقابلت نهي
نهي : مالك يانور تعبانه ولا ايه
نور : انا كويسه بس حصل شويه ظروف لازم اروح
نهي : خير أن شاء الله
نور: أن شاء الله
نور عند ساره
نور : الف مبروك يا حبيبتي هستأذن انا بقي عشان حصل ظروف والدنيا ليلت اوي
ساره : ماشي يا حبيبتي مع الف سلامه
نور : مع السلامه
وهي خارجه كان في عيون بتراقبها اللي هو سيف فاستغرب من أنها ماشيه بادري بس معلقش
نور روحت ودخلت الاوضه بتاعتها وقاعدت تعيط لعند ماعنيها احمرت من كتر العياط ونامت صحيت علي اذان الفجر صلت وادت فرضها وقرأت الورد وقاعدت تجهز في نفسها عشان النهارده هيكون التقديم بتاعها
