بسم الله الرحمن الرحيم
نور العشق بقلم اسماء السيد
الحلقه السابعه
محمد : انا جهزت الاوراق وهنسافر بكرا
جميله : ماشي هجهز الشنط
محمد : تمام انا خارج هخلص شويه شغل وجاي مش هتأخر
جميله : في رعاية الله
عند سيف
فارس : سيف انا عايز اقولك على حاجه
سيف : اتفضل
فارس : سيف انا بحب وبحب بجد هي منتقبه بس انا حبيت احترامها لنفسها عيونها اثرتني وجننتني خليتني بقول مينفعش ده تكون لغيري حبيتها اوي هتقول ازاي بس انا حبتها بجد
سيف بهيام : الله الله علي الحب وكلامه قول يا اخوي قول
فارس : سيف انا بجد مش بتريق انا بحب وعايز اخطبها بس طبعا بابا مش هيرضي غير لما سياتك تخطب وتتجوز
سيف : ومين قالك اني مش هخطب انا ان شاء الله هخطب سيباك من الحوار ده تيجي نخرج
فارس : ياريت والله
سيف : اشطا يالا
فارس : هتوديني فين
سيف : هنخرج نتعشا سوي وبعدها نلف بالعربيه شويه
فارس : تمام
""""""''"""""""""""""""""""""""""""""”"""""""""""""""""
عند نور
نور : نهي انا لازم اروح عشان اخد اجازه من الشغل واظبط حالي
نهي : تمام مع السلامه وربنا معاكي علي البلاوي اللي في البيت
نور : يارب
""""""""""""""”"""""""""”""""""""""""""""""""""""""""
نور روحت وهي ماشيه مش قادره وكانت مستحمله ومش راضيه تقول لحد فأغمي عليها في الشارع وكانت الساعه ٩ مساء
نور وقعت في الشارع والناس اتلميت عليها فابصدفه سيف معدي وشافها فنزل جري
سيف وطي علي رجليه: نور قومي وحاول يفوقها
ونور مفيش اي رد
سيف قام شايلها ومشي علي العربية
واحده من اللي كانوا واقفين : احنا منعرفكش يابني انت واخدها علي فين
سيف : تعالي اركبي انا واخد نور علي المستشفى
الست ركبت معلش يا بني اصل ولاد الحرام مخلوش لولاد الحلال حاجه
سيف : حقك يا حجه
اطلع بسرعه يا فارس علي اقرب مستشفى
فارس : اقرب مستشفى لهنا المستشفى بتاعتنا
سيف : يكون احسن
وصلوا المستشفى
سيف : انتي راحه فين يا حجه
الست : تشكر يابني اصل انا مكنتش لاقيه تاكسي يوصلني فعرفت ان انت هتاخدها لأقرب مستشفى فركبت معاك عشان انا بيتي هنا عايز حاجه يا بني
سيف سابها ومشي عشان ميتعصبش عليها
فارس بضحك : معلشي يا بني
سيف : قسم بالله لو مسكت لهحجزلك غرفه هنا
فارس : انا سكت اهو شوف انت الدكتور هيقول ايه
الدكتور : هي هتفواق اهي بس احنا لازم نعملها شويه تحاليل
سيف : ماشي يا دكتور اعمل اللي حضرتك عاوزه بس خليهم يستعجلوا بالنتيجة
الدكتور : حاضر يا دكتور سيف
الدكتور بعت الممرضة اخدت عينه دم وودها المعمل ووصي عليها أن هم يخلصوها في اقرب وقت
بعد ساعه
نور فاقت
انا ايه اللي جابني هنا
سيف : اهدي يا انسه حضرتك كان مغمي عليكي
نور : انا لازم اروح
سيف : اصبري بس نتيجة التحاليل هتظهر وتقدري تروحي دخل الدكتور وقال : انسه نور هو حضرتك مبتأخديش اي علاج
نور : لأ يا فندم
الدكتور : انا اسف بس انا عندي خبر وحش
نور : من غير متقول يا دكتور انا عارفه انا عندي انا عندي لوكميا صح
الدكتور : للأسف الشديد صح
سيف : ممكن تتفضل انت يا دكتور
دكتور : حاضر
سيف لفارس : ممكن تتفضل انت كمان
فارس : حاضر
طيب طالما انتي عارفه أنه عندك لو كميا مبدأتيش علاج ليه
هذه الكلمات اردفها سيف لنور بعصبية شديدة
نور ببكاء هستيري لأول مره تبكي قدام حد : عشان انا مش مهمه بالنسبه لحد محدش بيحبني كله غدر وخيانه هعيش لمين لا في اب ولا في ام بس في اخوات بي عارفين الزاي ينهبوا وياخدوا كل حاجه اعيش عشان مين انا قولي اعيش عشان مين مفيش حد بيقف مع حد للنهايه لازم يحصل حاجه اخواتي اللي المفروض يكونوا سندي بعد موت ابويا وأمي بقوا سبب ضعفي اعمل ايه في عالم رافض اني اعيش فيه
سيف : تحاربي العالم ده
نور : عشان مين احارب محدش يستحق الحرب
سيف : عشان نفسك اهم حاجه
نور : ونفسي خلاص تعبت
سيف : نهاية الكلام انتي هتتحجزي في المستشفى وهتبدأي علاج وهتقولي امتحاناتي هبقي اوديك ومن غير نقاش هتتعالجي يعن هتتعالجي
نور : وانا مش عايزه صدقه من حد
سيف سميها زي ما تسميها خدي تليفونك ردي علي المكالمات اللي جايلك
نور : ألو يا ساره
ساره : انتي وصلتي امتي يا ختي ومتصلتيش ليه
نور : انا في المستشفى يا ساره
ساره : مستشفي ايه وليه
نور : متقلقيش انا هخرج بكرا وهجيلك متتعبيش نفسك
ساره : نور
نور ' خلاص يا ساره ريحيني قولتلك انا جايه بكرا
ساره : ماشي يا نور
سيف : ومين قالك اني هسمح انك تخرجي انتي تعرفي أن في حد مخطوف بيقدر يخرج
نور : مانا مش مخطوفه عشان مخرجش
سيف : لأ مخطوفه ومده خطفك هتخلص لما تخفي وده اخر كلام ومش عايز نقاش
""""""""""""""""""""""""""""""""""""""""""""""""""""""عند مصطفى ووالدته
مصطفى : انا حالف بالله ماهخلي حيلته حاجه
لبني : اهدا يا بني مش كده
مصطفى : ده اصلا انسان مبيفهمش حاجه ازاي يعمل كده في لحمه مسابش حاجه لولاد
الحرام ده لحم اخوه اللي وصاه عليه وامنه عليه يعمل فيه كده ده انسان مبيفهمش
لبني : يعني هتعمل ايه يعني
مصطفى مش هخلي حيلته حاجه وهرجع الحق لأصحابه
لبني : اعمل اللي تعمله واللي شايفه صح انا مش قادره هخش انام تصبح علي خير
مصطفى : وانتي من أهله
”"""""""""""""""""""""""""""""""""""""""""""""""""""""عند رشا و لطفي
رشا : انت بنتك من ساعة ما اتكتب كتابها و محدش هممها تخرج براحتها و تخش براحتها و ان حد سألها راحه فين و لا جايه منين تقول انا قايله للجوزي
لطفي : لأ مينفعش اللي هي بتعمله هي لسه في بيت ابوها متجوزتش عشان تعمل كده
رشا : و مجتش من امبارح بيت بره
لطفي : انا هتصل بجوزها يكون عارف هي فين
لطفي بيتصل بأحمد
لطفي : ايوه يا احمد ساره فين
احمد ببرود :ام صاحبتها اتوفت وهي قاعده معها عما تبقي كويسه
لطفي : ماشي يا بني
وقفل معاه
لطفي : شوفتي يا رشا طلعتي ظالمها طلعت قاعده مع واحده صاحبتها عشان والدتها اتوفت
رشا : يا عالم يمكن يكون كداب
لطفي : رشا دماغك اهي خفيت عشان تريحنا بدل وجع الدماغ
""""""""""""""""""""”""""""""""""""""""
