بسم الله الرحمن الرحيم
نور العشق بقلم أسماء السيد
الحلقه الخامسه
نور راحت الشركه
السكرتيره (منال ) : حضرتك عايزه ايه
نور : انا كنت جايه اقدم في
منال: اه حضرتك اللي لسه بتدرس
نور: اه
منال : ممكن تديني السف بتاعك
نور : طبعا اتفضلي
منال : لأ ممتاز اوي حضرتك متفوقه جدا
نور: شكرا ليكي
منال : انتي دلوقتي معدش ليكي غير موافقة المدير انتي كل حاجه عندك تمام وهو نصف ساعة وهيجي
نور : طيب تسمحيلي اقعد استناه معاكي
منال : طبعا يا حبيبتي اتفضلي
بعد ساعه
نور : عد ساعه ومجاش هو هيجي امتي
منال : زمانه جاي اصبري خمسه كمان كده
نور: حاضر
المدير : مدام منال في اي مواعيد
منال: اه يا فندم فيه مقابله مع الانسه نور
المدير : طيب خليها تتفضل
منال: نور
نور: نعم
منال : روحي للمدير في مكتبه اللي في وشك ده
نور: طيب متيجي معايا انا متوترة شويه
منال : جمدي قلبك كده وخدي شهيق وزفير بصوت عالي وسمي الله قبل متدخلي
نور عملت زي ماهي قالتله
منال: كلنا لها
نور خبطت علي الباب
المدير: ادخل
نور دخلت استغربت اوي عشان لقت المدير سيف
وسابت الباب مفتوح والحركه ده خلت سيف يبتسم
سيف : كويس جدا السفي بتاعك ممتاز بس انتي لازم تاخدي شغل خفيف
نور : لأ عادي يا فندم بس يعني حضرتك هترضي تشغلني هنا
سيف :وفيها ايه ومشغلكيش ليه
نور: عشان الموضوع الى فات
سيف: ده حاجه وده حاجه انا مبحبش ادخل حياتي الشخصية في حياتي العملية اعملي حسابك انك هتشتغلي في المعمل علي تصنيع الأدوية وتسليمها للمستشفيات والصيدليات
نور : حاضر يا فندم بس الشغل هيبتدي امتي وبالنسبة اني بدرس هيكون ايه النظام
سيف : شغلك هيبتدي ١ وينتهي ٧ وهبتدي من بكرا
نور : شكرا يا فندم عن اذن حضرتك
سيف : اتفضلي يا انسه
سيف لنفسه احسن حاجه عملتها انا هظلمها ليه معايا وهي اصل مغلطتش واخويا هو اللي غلطان وهي محتاجه شغل لأ كده صح عشان هي محترمه وتستاهل كل خير
نور وهي مروحه انا المفروض اروح احلل خليها لما اشتغل واقبض هبقي احلل اروح البيت اشوف ايه اللي حصل
نور روحت البيت لقت اخواتها كلهم موجودين
ايمان اختها : أهلا بالست نور فين الدهب ودتيه فين
نور : انا معيش حاجه
سماح : بت الظبطي تطلعيه والا هتشوفي من وش تاني خالص
نور : هو انتوا مش اخواتي المفروض قلبكوا عليا وتخافوا عليا مش تعاملوني كده كل همكم الفلوس الفلوس وانا اتفلق انا اكل او مكلش مش مهم بنام كويس ولا مبنمش مش مهم بكون بردانه ولا حرانه مش مهم اهم حاجه عندكوا نفسكوا ارحموني انا انسانه ابوها وامها ماتوا وعايشه لوحدي وانتوا كلكوا ضدي ومش بتحبوني انا مش عايزه منكوا حاجه غير انكوا تحبوني بس مش تتمنوا لي الشر
ادم : احنا مبنتمناش لحد الشر احنا عايزين حقنا بس
نور : حقكوا اللي هو الدهب والشقه مصطفى خد الشقه فاضل الدهب حاضر هجبهولكوا بس انسوا ان ليكوا اخت اسمها نور انسوها خالص كأني متولدتش وملكوش دعوه بيا ماشي
ادم : ماهو الدهب متبعش اهوا ليه وقعتي قلبي
نور : انا مش جشعه زيكوا عشان ابيع الحاجه اللي ماما بتحبها
ادم : اخلصي روحي جيبي الدهب
نور مشيت وكانت عمال تعيط اوي دخلت جابته وادتهولهم
ادم لمصطفى : انت تشوف الشقه تجيب كام وتبيعها عشان نقسم كل حاجه علينا
ايمان هتقسم علينا احنا الكام
ادم : اللي اربعه
نور : مش انا الخمسه بتاعتكوا
ادم : مانتي فضلتي عايشه في الشقه وخدتي العزال وياعالم سرقتي ايه من الدهب
نور : انا مش حراميه وسبيتهم ومشيت راحت شقه اللي قاعده فيها مع ام ابراهيم ونامت علي السرير تعيط اوي لعند مانامت
نروح عند ساره رقم غريب بيرن
ساره: السلام عليكم ورحمه الله وبركاته مين معايا
احمد: وعليكم السلام ورحمه الله وبركاته انا احمد
ساره : طيب مع السلامه
احمد: ليه اظن انك خطيبتي ومن حقي اني اكلمك في التليفون ونخرج سوي
ساره : خطيبتك مش مراتك
احمد : خلاص ماشي يا ستي يوم الجمعة الجاية كتب الكتاب ولا تزعلي
ساره قفلت السكه
ساره لنفسها : انا غبيه كنت رديت عليه وقولتله انت غبي دلوقتي يقول فعلاً اني مصدقت مانا فعلاً ما صدقت انا هكدب ليه
عند احمد : والله فكره فيها ايه لما يكون كتب الكتاب يوم الجمعة لسه اسبوع وفيها ايه انا هروح اقول لبابا
احمد : لو سمحت يا والدي ممكن طلب
فاروق : اتفضل
احمد : ممكن تتفق مع والد ساره أن كتب الكتاب يكون يوم الجمعة
فاروق ,: ليه بدري كده ده انتوا خطوبتكوا كانت امبارح
احمد : عشان منعملش حاجه نغضب فيها ربنا
فاروق : عين العقل حاضر هقوله وان شاء الله هيكون يوم الجمعة
احمد : يارب ياوالدي طيب متكلمه دلوقتي
فاروق : حاضر السلام عليكم ٱذيك يا لطفي باشا
لطفي : بخير الحمدلله اخبارك ايه يا استاذ فاروق
فاروق : الحمدلله احنا كنا عايزين نعمل كتب الكتاب يوم الجمعة أن شاء الله
لطفي : وليه الاستعجال ده
فاروق: ولا استعجال ولا حاجه احنا عايزين الاولاد ياخدوا راحتهم
لطفي : هشوف رأي ساره وارد علي حضرتك
فاروق : مع السلامه
لطفي : سلام
رشا : وهي الاستاذه ستره ليها رأي انت توافق وخلاص عشان نستريح من همها وقرفها
لطفي : يعني اوافق أن كتب الكتاب يكون الجمعه
رشا : انا من رأي انك توافق بس أسأل بنتك يمكن لها رأي تاني غير رأيك
الكلام ده كله سمعته ساره وحزنت اوي وراحت علي غرفتها وقاعدت تبكي
