بسم الله الرحمن الرحيم
نور العشق بقلم اسماء السيد
الحلقه الرابعه والعشرون
نور : انا عايزه اركب ده كمان
سيف : لأ كفايه كده
نور : ده اخر واحده
سيف : بقالك سنه بتقولي اخر واحد
نور بضحك : ده اخر مره بجد مش هزار
سيف : يعني اخد كلامك ثقه
نور بثقه : اخر مره يا عم يالا بقي
سيف : حاضر يا اميرتي اتفضلي قدامي
وبالفعل سيف اخد نور
وراحوا اخر لعبه
بعدها خرجوا
نور : اه ياني ياما مش قادره ريقي ناشف
سيف راح جبلها مايه
سيف : اتفضلي اكيد بعد المجهود ده لازم تتعبي
نور : يا عم عادي يالا عشان انا جعانه
سيف : مش احنا لسه واكلين
نور : ده احنا بقالنا ٣ ساعات وانا بجوع بسرعه
سيف : تحبي تروحي فين
نور : اي مكان
سيف : طب يالا بينا
في العربيه سيف مشغل اغنيه
نور : اقفل الاغاني
سيف : ليه مش بتحبي الاغنيه ده
نور : بتعب منها
سيف : ده انا اعرف عن البنات ان هما علي طول مشغلين اغاني وفيديوهات حزينه
نور : انا لو سمعت الحاجات ده تاني يوم بكون تعبانه
سيف: ماشي هقفل الاغاني بس سليني انتي
نور : هو حد قالك اني تسالي
سيف : تسالي احلى عالم
نور بصتلوا باستغراب
سيف : مش حلوه صح
نور : مش حلوه خالص
سيف : النهارده هنروح عشان نخطب لفارس
نور : مانا عارفه
سيف : ما تيجي معانا
نور : اجي معاك فين
سيف : تجي معانا واحنا راحين نخطب لفارس
نور : مينفعش مش فاضيه
سيف : ليه وراكي ايه
نور : هروح انا والبنات اجيب الحاجات اللي لازماني
سيف : طب افتحي التابلوا
نور : ليه
سيف : افتحيه بس
نور فتحته لقت فيه فلوس كتير
سيف : خديهم عشان تجيبي اللي تحتجيه
نور : بس انا عايزه اجبهم من معايا
سيف : وانا قولت لأ
نور : انا معايا فلوس وعايزه اشتريهم من معايا
سيف : بس انتي مسؤله مني واسمعي الكلام يا نور والا منتيش جايبه حاجه
نور : حاضر يا سيف انا جعانه
سيف : يالا وصلنا
سيف ونور قاعدين وبيضحكوا
لارا : اضحكي اضحكي كلها شهر وتموتي
سيف : لارا
نور : استني يا سيف لو سمحت
نور : لو ربنا ريدلي اني هموت هموت مفيش مفر كل حاجه بإرادة ربنا ياعالم مين يموت قبل مين يالا يا سيف اصل نفسي اتسدت عن الاكل
سيف : يالا يا نور
في العربيه
سيف : نور مش عايزك تزعلي انتي ان شاء الله هتخفي وهتكوني كويسه
نور : انا مش زعلانه كله بإرادة ربنا وديني مطعم تاني بقي
سيف : حاضر انتي تؤمري
وراحوا علي مطعم تاني وقاعدوا اتعشوا سوي وسط ضحك وهزار
نور بضحك : كفايه انا معنتش قادره
سيف : احنا كده هنتأخر تعالي اوصلك يا زوجتي
نور : هيا بنا يا زوجي العزيز
نور روحت البيت لقتهم قاعدين مستنينها
ساره : كل ده تأخير يالا عشان نلحق نيجي قبل ٩
نهي : يالا
ساره : انا هشتري انا كمان
نهي : انا مش عارفه
ساره : متشتري وخلاص معانا
نهي : ماشي هشتري
وخرجوا التلاته وقاعدوا يلفوا
★★★★★★★★★★★★★★★★★★
سيف وفارس وناديه ومحمد وصلوا بيت دكتور محمود
دكتور محمود : أهلا أهلا يا دكتور محمد اتفضلوا اتفضلوا
سهام زوجه الدكتور محمود لبسه نقاب وهي بشوشه وطيبه جدا
سهام : أهلا يا ام سيف
ناديه : ٱذيك يا حبيبتي
قاعدوا يتكلموا كلام كتير
في غرفة خديجه
زينب زوجه اخوها : يالا ديجا عشان اكيد ماما هتيجي تناديكي يا جميل
نرجع لمجلسهم
ناديه بهزار : هي فين عروستنا
سهام : حاضر هناديها
اسر اخو خديجه الكبير
اسر : خليكي يا امي انا هناديها
اسر راحه لخديجه يناديها
اسر بيخبط علي الباب بهدوء
ففتحوا الباب
اسر لزينب : اموت واعرف لما تكوني مع ديجا وانا اجي انادي لازم تنزلي النقاب ليه
زينب : عادي يا اسر انا بحب كده
خديجه : خلصتوا كنت جاي عايز ايه
اسر : اه صدقي نسيت تعالي اخرجي يالا
خديجه : نقابي معدول كل حاجه معدوله
اسر : اه اتفضلي يالا
خديجه : ما تيجي معايا يا زينب
اسر : زينب مش هتخرج من الاوضه
زينب : اخوكي أصدر فرمان بعدم خروجي من الغرفه اعصيه وأخرج من الاوضه واخد سئه يرضيكي
خديجه : لأ ميرضنيش يا اختي مش هتأخر
اسر : يالا يا انسه ديجا
خديجه دخلت عليهم
خديجه بخفوت : السلام عليكم
كل اللي قاعدين : وعليكم السلام
خديجه قاعدت جنب والدتها بهدوء
الدكتور محمد : احنا يشرفنا أن احنا نطلب ايد الانسه خديجه لابني فارس
الدكتور محمود : الصراحه الرأي الأول والأخير لديجا رإيك ايه يا ديجا
خديجه : اللي حضرتك تشوفه يا بابا
الدكتور محمود : علي بركه الله نقرأ الفاتحه
وقرأوا الفاتحه
الدكتور محمد : طب نتفضل احنا في الصاله عشان الرؤية
الدكتور محمود : اتفضل يا دكتور
وقاعدوا في الصاله
عند فارس وخديجة
خديجه : هو لازم يعني ارفع النقاب
فارس : الصراحه لأ عشان سوء حلوه وحشه انا حبيت عنيك في أول مره شوفتك فيها
خديجه : بس انا وحشه جدا ووشي محروق وفي تشوهات كتير
فارس ببتسامه : وانا راضي
خديجه : متأكد عشان مترجعش تقول يع ايه الارف ده ده شكل بنا ادمه
فارس : لو ايه برده هتجوزك
خديجه براحه من كلام فارس وطمئنينه : خلاص ماشي ورفعت النقاب
فارس : بسم الله ما شاء الله تبارك الله انتي جميله اوي وعماله تقولي صفات مش فيكي ومعرفش ايه
خديجه : ده الاختبار اعمل حسابك ده اخر مره هتشوف شكلي مش هتشوفه غير بعد كتب الكتاب
فارس : خلاص هعجل بكتب الكتاب
عندهم برا
الدكتور محمد : فرح سيف ابني كمان اربع ايام وهو هيسافر بعد الفرح علي طول أمريكا فممكن يعني لو نعمل الخطوبه مع الفرح
الدكتور محمود : علي خيره الله اسر خش ناديهم
اسر : حاضر يا ابي
اسر : مش كفايه كده يا جدعان
فارس : ده اختك لسه رافعه النقاب بقالها دقيقة
اسر : رضا غير مشفهاش غير يوم كتب الكتاب اللي هو انا
فارس : يعيني عليك
اسر : اه والله يا بني يالا بقي وانتي خشي لزينب عشان تلاقيها قاعده زهقانه
فارس : زينب مين
اسر : زينب مراتي
فارس : ربنا يتمم لكوا علي خير
اسر : يارب
فارس واسر خرجوا للجماعه
الدكتور محمد : طب نستأذن احنا بقي
الدكتور محمود : ما انتوا قاعدين شويه
محمد : الايام جايه كتير
سهام : نورتونا والله
ناديه : بنورك
ومشيوا
اسر : انا هاخد زينب اوصلها شقتهم واجي
الدكتور محمود : ماشي
اسر وصل زينب شقتها اللي كانت فقهم علي طول
ونزل
الدكتور محمود : الصراحه ناس محترمه جدا
اسر : اكتر واحد عجبني سيف طريقه كلامه جميله وباين عليه أنه ذكي جدا
الدكتور محمود : سيف عنده ٢٦ سنه
اسر : وقدر ان هو يكون معروف الزاي ده اللي قده لسه متخرجين
الدكتور محمود : سيف : اخد الجامعه في امريكا بجانب شغله في شركه والده اللي في امريكا فقدر يخلص جامعه في فتره قصيره جدا عشان هو ذكي وبعد ما خلص عمل عمليات كتير في امريكا فجه مصر اتشهر عشان كان صغير وشاكر جدا ولعند دلوقتي مفيش حالة بتطلع من تحت ايده فيها غلطه ديجا رأيك ايه في فارس
خديجه : حاسه اني مستريحه ومطمنه
الدكتور محمود : علي بركه الله
عند سيف وعيلته في العربيه فارس سائق
وسيف قلقان وعمال يرن علي نور ولا حياة لمن تنادي
وصلوا البيت وقعد يرن عليها برده ومردتش
سيف : ياترا هي كويسه ولا لأ يارب ترد
ساره : اه ياني انا معنتش قادره
نور : هي الساعه كام يا نهي
نهي بصت في الساعه : الساعه ١١
ساره : يالهوي أما افتح تليفوني
ساره لقت احمد متصل عليها ٢٠ مره وهي ماسكه التليفون رن
احمد بعصبية : انتي فين يا دكتوره الساعه بقت ١١ ولسه مرجعتيش ليه
ساره : ماهو
احمد بعصبية : ما هو ايه يعني في واحده محترمه تفضل برا لنص الليل برا الناس تقول ايه و مبترديش علي الزفت ليه
ساره : احمد احنا في الطريق ولنا اروح هكلمك
احمد : اعملي في حسابك أن ده اخر مره مفهوم
وقام قافل السكه في وشها
ساره : بالله مانا مكلمك ولا رده عليك
نور كانت بتضحك ده اول حاله هتفتحي تليفونك الاول ولا انا
نهي بضحك : لأ اتفضلي انتي الاول
نور : فتحت لقت ٥٠ مكالمه
وفاجأه سيف رن
