بسم الله الرحمن الرحيم
نور العشق بقلم اسماء السيد
الحلقه الثامنه عشر
عند سيف ونور
سيف : صباح الخير
نور بتكاسل : صباح النور
سيف : انا هبقي اروح اجيب التحاليل واشوف الدكتور وانتي خليكي ذاكري
نور : ماشي هو اصلا لسه ٣ يوم علي الامتحان وانا مراجعه قبل كده بس انا طبعا بحب قبل الامتحان اراجع مره واتنين
سيف : ايه الشطاره ده يابنتي
نور : يابني ده انا بجيب امتياز كل سنه
سيف : اتجدعني بقي انت عايز امتياز السنادي كمان
نور : حاضر أن شاء الله سلام
سيف : سلام
ناديه : يالا يا سيف عشان الفطار
سيف : حاضر جاي اهو يا ست الكل
سيف نزل وقعد علي السفره
سيف لرحمه : انتي مش هتروحي بيت جوزك بقي
رحمه : شايف يا بابا ابنك بيقولي ايه
محمد : تقعد براحتها انت مالك
رحمه : جوزي جاي الاسبوع الجاي وهمشي معاه وبعدين هتقول ولا يوم من ايامك يا رحمه يا حبيبتي يا رحمه ده انتي كنتي نواره البيت
سيف بيكمل كلامها : ده البيت من غير مضلم ولا عارفين نعيش عارف عارف الكلام ده المهم امال فين فارس
ناديه : فوق يا سيف مش راضي ينزل مش عارفه ماله اطلعله يا بني
سيف : حاضر يا ماما
محمد : خاطبتك عامله ايه
سيف : الحمدلله يا بابا كويس
رحمه : الصراحه يا سيف حته عسل كتله ادب واحترام وأخلاق ماشيه علي الأرض
سيف : انا طالع لفارس انتي الكلام معاكي مبيخلصش
سيف طلع لفارس لقاه قاعد
سيف : مالك قاعد مكتأب ليه وقاعد لوحدك ليه
فارس : مفيش حاجه
سيف : لأ فيه مش انا صاحبك قولي في ايه
فارس بضيق : خديجه في واحد متقدملها
سيف : وماله
فارس : سيف ركز يا حبيبي خديجه ده اللي انا بحبها
سيف : اه يعني انت مكتأب عشان عايز تخطب
فارس : ايون يا خويا
سيف : طب ركز كده معايا
فارس : معاك اهو
سيف : انت تظبط الدنيا تلبسلي الحته اللي علي الحبل وتظبط كده وهعدي عليك نروح لابوها العياده بتاعته ونتكلم معاه
فارس : طب افرض ما وفقش
سيف : تفائلوا اولا انت بتشتغل
فارس : اه
سيف : ثانيا انا هقنعه متقلقيش ولا انت هتشك في قدرات اخوك ولا ايه
فارس بفرح : لأ يا معلم انا هقوم اجهز اللبس
سيف : لأ انت مش تجهز اللبس انت تقوم تذاكر يالا
فارس : حاضر انت تؤمر
سيف : انا ماشي رايح الشركه
فارس : ماشي سلام يا اخويا
سيف نازل علي السلم
محمد : سيف انت مبتروحش المستشفى ليه
سيف : عندي شغل كتير يا بابا بس متقلقش هروح أن شاء الله قريب
محمد : أن شاء الله
سيف ركب عربيته وراح المعمل
سيف للممرضه اللي هناك : لو سمحتي انا عايز التحاليل اللي باسم نور عبد الكريم واتفضلي الوصل اهو
الممرضه : ثانيه واحده يا فندم اتفضل التحاليل اهي بس الدكتور كان عايز حضرتك ثانيه واحده هعرف الدكتور
سيف : ماشي
الدكتور : اهلا بيك يا دكتور سيف الواحد معدش بيشوفك ليه في المستشفى
سيف : معلش بقي ظروف بخصوص التحليل بتاع نور عامل ايه
الدكتور : الصراحه تحاليلها مش مبشره خالص
سيف : تمام شكرا يا دكتور
الدكتور : شكر علي ايه يا راجل بس ابقي خلينا نشوفك
سيف : حاضر أن شاء الله سلام
الدكتور : سلام
سيف خرج من المعمل وركب عربيته وراح عند دكتور اللي طلب منه التحاليل والأشعة
وصل المستشفي وهو قلقا اوي
سيف دخل المستشفى وبعدها راح القسم بتاع علاج السرطان
سيف : دكتور اشرف اذي حضرتك
اشرف : ٱذيك يا دكتور سيف انت بتقطع اوي ليه في المستشفى
سيف : معلش بقي مشاغل اتفضل التحاليل والأشعة اللي انت طلبتها مني بخصوص نور
اشرف اخد منه الاشعه وبيشوفها
اشرف : الصراحه التحاليل بتاعتها مش حلوه خالص ولازم تبدأ تتعالج في اقرب وقت يعني أقصي حاجه شهر
سيف : طب ينفع بعد ما تخلص امتحانات هتخلص كمان ٢٠ يوم
اشرف : تمام خالص
سيف : انا هاخدها واسافر امريكا
اشرف : بس علاجها هيستمر سنتين انصحك تفضل هنا
سيف : هشوف كده بس مش عايز حد يعرف الموضوع ده
اشرف : من غير ما تقول والله
سيف : تمام سلام
اشرف : انت رايح فين خليك في المستشفى المستشفى محتاجك خلي ابوك في الشركات وانت امسك المستشفى
سيف : حاضر بس هتصل اقول لوالدي الاول
سيف اتصل بوالده
سيف : السلام عليكم يا والدي
محمد : وعليكم السلام
سيف : معلش يا والدي بس انا الفتره ده هكون في المستشفى
محمد : احسن حاجه يا بني ارجع لي مجالك احسن
