بسم الله الرحمن الرحيم
نور العشق بقلم اسماء السيد
الحلقه الخامسه والعشرون
سيف بخضه : نور حبيبتي انتي كويسه مبتروديش ليه علي تلفوناتي
فلاش باك
نور : تيجوا نقفل التليفونات ومنفتحهاش غير لما نخلص
ساره : والنعمه انتي دماغك فله ونشوف هيحصل ايه
نهي : اشطا
باك
نور : الحمدلله كويسه يا سيف
سيف بهدوء : انتي لسه برا
نور : احنا قربنا علي البيت اهو
سيف : طب لما توصلي هكلمك تمام
نور : حاضر
سيف توصلوا بالسلامه
نور : يا رب
نور قفلت مع سيف
ساره : يا سلام ماشي يا احمد لما اروح بس هوريك تزعقلي ازاي كده
نهي : هو غلطان المفروض كان جه اداكي قلمين صح يانور
نور : اه عايزه كدا
ساره : طب افتحي يا ختي ما نشوف استاذ مصطفى هيعمل ايه
نهي : بالعند فيكي مش فاتحه
ساره : بارده
نهي : مش أبرد منك ساره تعالي اركيني العربية
ساره بعند : مش راكنه حاجه
نهي ركنت العربيه وطلعوا الشقه
نور : انا هدخل انام عشان مش قادره
نهي : وانا كمان
ساره : انا هروح اصالح احمد
عند نهي في غرفتها
نهي : اكيد مصطفى متصلش عليا بس يمكن اتصل انا هفتح وخلاص
نهي فتحت تليفونها لقت مكالمات كتير ورسائل كتير انا مش هرد عليكي يا مصطفى خليها بكرا عشان عايزه انام
الصبح
الباب بتاع الشقه خبط
العامل : لو سمحتي هي ده شقه الانسه نهي
نهي : اه
العامل : طب لو سمحت فين الانسه نهي عشان تستلم الفستان
نهي : انا نهي
العامل : اتفضلي يا انسه والف مبروك
نهي : الله يبارك في حضرتك بس مين اللي بعته
العامل : الاستاذ مصطفى هو اللي طلبه
نهي : شكرا لحضرتك
العامل : العفو يا فندم
نهي دخلت وقفلت الباب
نهي بصريخ : يا بنات تعالوا شوفوا الفستان بتاعي عامل ازاي
ساره ونور فتحوا الفستان بسرعه
ساره ونور : واو تبارك الله قسيه يا نهي
نهي : لأ مش هقيسه هروح اكلم مصطفي باي
نور لساره : عملتي ايه مع احمد امبارح
ساره بدموع باكيه : كانت شكله طويلة وانتهت اني قفلت في وشه السكه
نور : طب هتعملي ايه
ساره : هستناه أن هو يجي يصالحني
نور : بس انتي اللي غلطانه
ساره : لأ مش غلطانه مهو سيف مزعقش ليكي
نور : ساره مينفعش تقارني جوزك بحد وعيب في حقه أنه يتقارن
ساره : انا اسفه معدتش هتتكرر
نور : اتصلي عليه واعتذري منه عشان انتي قرينتي بحد وانك قفلتي في وشه السكه
ساره : حاضر هتصل عليه
نور : اهدي كده يا حاجه ساره ولمي لسانك اللي بيسقط دبش
ساره : حاضر
ساره اتصلت علي احمد
ساره : احمد من غير كلام كتير انا اسفه
احمد : متعتذريش ياروحي انا كنت هتصل بس كمان شويه عشان بحسبك هتكوني نايمه
ساره : لأ صاحين من بدري عشان نجهز لكتب الكتاب
احمد : انا عامل ليكي مفاجأة بعد كتب الكتاب
ساره : مفاجأة ايه
احمد : انتي هبله هتكون مفاجأة ازاي لو قولتلك
ساره : طيب مفاجأة حلوه ولا عاديه
احمد : انتي هتتبسطي اوي
ساره : انا هعد الثواني عشان اشوفها انتي عامل إيه
احمد : سلام يا مجنونه
ساره بصوت واطي : مجنونه بيك
احمد : علي فكره سمعتك
ساره اتكسفت وقفلت في وشه السكه
عند نهي ومصطفى
نهي : بجد شكرا يا مصطفى الفستان تحفه فنيه
مصطفى : بجد عجبك
نهي : عجبني اوي
مصطفى :الميكاب ارتست هتكون عندك كمان ساعتين
نهي : تمام سلام
مصطفى : سلام
★★★★★★★★★★★★★★★★★★
بليل نهي كانت جميله اوي
وجه المأذون
المأذون مين وكيلك يا عروسة
اللحظه ده كل بنت بتتمني ان ابوها يكون وكيلها وهو اللي يسلمها لعريسها نهي فكرت في كل ده ساعتها
نهي : محمد ابن عمي
المأذون : علي خيره الله
مصطفى كان حاسس بيها وبيتأمل اكتر منها
مصطفى : وعد مني يا نهي اني هكون ليكي الاب والاخ اللي تتمنيه
المأذون : بارك الله بكم وجمع بينكما في الخير
بعد فتره من الزمن احمد بيوشوش ساره
احمد : ساره تعالي يالا معايا عشان اوريكي المفاجأة بتاعتك
ساره بحماس : يالا
احمد خد ساره علي مطعم وكان في شخص مستنيها
ساره بصدمه : بابا انت اللي جبته يا احمد
احمد : هو اللي طلب مني أنه يشوفك
لطفي : انا عرفت انك مظلومه وان رشا ظلمتك
ساره : وعرفت ازاي
لطفي :.........
فلاش باك
رشا بتكلم صحبتها
رشا : انا الحمد لله خلصت من ساره عقبال ابوها معدش ليها حاجه فاكره يوم ما جوزها جه خدها انا خدت منها كل حاجه وروحت الخزنه وخدت فلوس واتهمتها فيها وقولتله ان هي شتمتني وهانتني
صاحبته : ده انتي طلعتي مش سهلها
رشا : هو لسه شاف حاجه
لطفي : هشوف ايه يا رشا
رشا بتوتر : مفيش حاجه يا لطفي
رشا : انت بتقول ايه يا لطفي
لطفي : بقول اللي سمعتيه انا دلوقتي هجيب المأذون وهطلقك
رشا كانت في الوقت ده زي اللي دلق عليها جردل مايه تلج
لطفي : مصدومه كده ليه
رشا : طلقني يا لطفي انا عايزه أطلق
لطفي : انتي طالق بالتلاته والمأذون هيجي ونخلص كل حاجه
بعد فتره المأذون جه
لطفي : خلص يا شيخنا إجراءات الطلاق
المأذون : يا جماعه فكروا تاني
رشا : خلاص يا شيخنا طلق
المأذون خلص إجراءات الطلاق
ورشا لمت هدومها
زين و يزن اخوات ساره
زين ويزن : ماما احنا مش جاين معاكي
رشا : احسن هستريح منكم يا تكوا الارف انا ماشيه ومشيت رشا
لطفي : متزعلوش
زين : يا بابا احنا مش زعلانين ولا حاجه هي عمرها ما كانت ام لينا
لطفي : انا هحاول ارجع ساره
يزن : ياريت يا بابا ساره كانت بالنسبة لينا الام وكل حاجه وبتحبنا اوي واحنا بنحبها علي الرغم أن ماما كانت بتحاول تخلينا نكرهها
لطفي : ربنا يخليكوا البعض
باك
لطفي : هاتسمحيني يا ساره
ساره قامت حضنت لطفي عمري ما ازعل منك يا بابا
احمد بضحك : ايه يا عم مراتي متحضنهاش
لطفي : بنتي قبل ما تكون مراتك هترجعي يا ساره
ساره : حاضر يا بابا بس بعد فرح نهي صاحبتي
لطفي : ليه
ساره : عشان هي قاعده لوحدها
لطفي : علي راحتك يا حبيبتي المهم أن احنا اتصالحنا
احمد : الحمدلله
★★★★★★★★★★★★★★★★★★
بعد حفل كتب الكتاب مصطفي خد نهي وخرجوا
مصطفى : انا النهارده اسعد يوم بالنسبة ليا انا بحبك اوي يا نهي بحبك من زمان وبجد بتمني من ربنا انك تحبيني زي ما بحبك
نهي بخفوت وصوت ضعيف بس مصطفى قدر يسمعها : انا بحبك اوي يا مصطفى من زمان
مصطفى : ما تعلي صوتك وتقولي بحبك يا مصطفى
نهي : اتكسف يا مصطفى
قعد مصطفي يرخم عليها اوي
نهي بجدية : مصطفى توعدني انك تفضل تحبني
مصطفى : اوعدك انا افضل احبك انتي هتكوني بنتي قبل زوجتي يا نهي
★★★★★★★★★★★★★★★★★
بعد عده ايام جه موعد زفاف نور
الصبح بدري
نور بتوتر : انا متوترة اوي
سيف : طب ممكن تهدي
نور : علي فكره انت بتعصبني
سيف : طب انتي متوتره ليه
نور : خايفه الميكب والفستان يكونوا وحشين
سيف : حبيب قمر هو اللي بيحلي الحاجه
نور : ماشي يا سيف ممكن بقي معنتش تتصل عشان متعصبش عليك
سيف بضحك : الله انتي زعلتي ولا ايه مني
نور : مش زعلانه انا بس متوتره ومتعصبه
