بسم الله الرحمن الرحيم
نور العشق بقلم اسماء السيد
الحلقه التاسعه عشر
سيف : السلام عليكم ورحمه الله وبركاته
نور : وعليكم السلام ورحمه الله وبركاته
سيف : اصحي كده الساعه ٦ ونص عشان الامتحان تلحقي ترجعي وتلبسي
نور بضحك : ضحكتيني وانا ماليش نفس اضحك انا لسه ما نمتش
سيف بصدمه : ليه يا بنتي ما تناميش مش حرام عليكي ده
نور : اه وما ذاكرش كويس وماجبش امتياز صح
سيف : يعني عشان تيجبي امتياز لازم تهدري صحتك
نور : لما ابقي اجي من الامتحان هبقي انام
سيف : انتي مش قلقانه ليه
نور : واقلق ليه مذاكره المنهج ٣ مرات وربنا عارف انا تعبت الزاي فأكيد ربنا مش هيضيعلي تعب
سيف : انا هاجي اواديكي الامتحان
نور : لأ انا هروح عادي شكرا
سيف : انا أصلا مش بسألك انا بعرفك بس عشان يكون عندك علم مش اكتر
نور : والله
سيف : والله
نور : سيف انا جسمي بقاله فترة بيوجعني اوي ومش بقدر اخد نفس وظهر عندي علي جسمي بقع
سيف : كل الاعراض ده عادي بس انا ان شاء الله هروح للدكتور يكتبلي علي علاج
نور : ماشي سلام بقي عشان الحق ألبس
سيف : سلام
سيف اتصل علي اسلام
سيف : اسلام
اسلام : عايز ايه يا بني علي الصبح
سيف : انت تواصلت مع الدكتور ولا لسه
اسلام : لسه
سيف : طب تواصل معاه وقول له أن هي جسمها علي طول واجعها وفي بقع بتظهر علي جسمها وبيجي عليها فتره وتتنفس بصعوبه
فارس : ما كل الاعراض ده اعراض المرض فشئ عادي
سيف : بس انا مش مستحمل لها أن جسمها يوجعها أو مش قادره تتنفس
اسلام : انت بتحبها
سيف : ده انا عشقتها ده انا مسميها نور العشق
اسلام : الله الله انا عايز اعرف مين نور ده اللي خليت سيف سليمان بجلاله قدره يحب
سيف : المهم يا تشوف الدكتور يا تجيبلي رقمه وانا هتصل انا
اسلام : خلاص يا عم هكلمه
سيف بتحذير : النهارده
اسلام : حاضر يا عم النهارده متقلقش
سيف : بالله لو متصلتش هزعلك
اسلام : حاضر يا عم هتصل والله
★★★★★★★★★★★★★★★★★★★
سيف: يالا يانور انا مستنايكي تحت
نور : مش انا قولتلك هروح مع نفسي
سيف : انا مستنيكي متتأخريش بقي
نور : ماشي
نور بتقلد سيف : انا مستنيكي متتأخريش عسل يا ناس يا خراشي علي العسل
نور نزلت لسيف
سيف : مش عايزه تركبي معايا ليه
نور : الصراحه يا سيف مينفعش اني اركب معاك ولا حته اكلمك
سيف : ليه
نور : عشان حرام
سيف : طب ممكن تعتبريني السواق بتاعك طول فتره الامتحانات
نور : افكر
سيف : اواديكي فين يا هانم
نور : الجامعة يا عم اسماعيل
سيف : عيون عم اسماعيل بس كده حسابك هيكون كتير يا بنتي.
نور : خليه علي النوته معلشي يا عم اسماعيل
سيف : حاضر
نور وصلت الجامعه
سيف : ركزي كويس وسمي الله
نور : حاضر
سيف : لما تيجي تخرجي هستناكي
نور : ماشي
★★★★★★★★★★★★★★★★★★عند مصطفى وألفت
ام ألفت : حبي عماتك اخوات جوزك عشان تعرفي تعيشي انتي وعيالك جوزك معدش هيقدر أصبح عاجز قاعد علي كرسي هيشتغل ويجيب منين الزاي
فلاش
ألفت قاعده في الشقه هي وعيالها
