حفيدة الدهاشنه ج١(مكتملة)

الحلقة السابِعة عشِر

#"حَـفيـدِة الدِهـاشِـنـه"
--
جلست نـوال أعلي المقعد تقول بإستغراب:
-تقصُد إيه بكلامِك دا ؟
قال حِسين بعُنف:
-يعني مارلين لسه عايشة وما متتش وطُول ما هي عايشة هبقي مِش مطمن مِن نحيتها وانها ترجع ف أي لحظة عادي.

نهضت نـوال بذهول، وقالت بعدم تصديق:
-عايشة!! إنت بتهزر ولا كأني ف رواية او قصة ، ازاي بس والقبر ال مدفونه فيه وال مكتوب عليه ٱسمها وبعد أربع سنين جاي تقولي عايشة.
قال حِسين بغموض:
-مارليـن ما متتش اصلاً علشان تتدفن..
قالت بضيق:
-انا مِش فاهمة حاجة!
قال ببرود:
-مِش لازم تفهمي وعلي الله أعرف او المح بس إنك قولتِ لآدم حاجة او اي حد.
قالت وهي تترُك الغُرفة:
-لما افهم انا ابقي اقولهم.
جلس علي مقعدُه وهُـو يُفكر ماذا سيفعل بالأيام، القادِمة.
--
جلست شادِية تضحك بسُخرية، لتقول فايزة بخُبث:
-عملتيها وخليتي البيت يتقلب.
قهقهت شادية قائلة بفخر:
-انـا ما فيش حاجة تصعب عليـا مهما كانت كبيرة.
قالت فايزة بتساؤل:
-وانتِ ايه ال يخليكِ واثقة اني ما حدِش هيعلم بال عملتيه ؟
قالت شادية بثقة:
-لإني ببساطة موضع ثقة للجميع وما حدِش هيفكر اني عملت كدا وهتكون ايه مصلحتي مِن دا كُله ف متجلجيش.

قالت فايزة بخُبث:
-دا انتِ تعبانة!
تابعت بقلق:
-طب أفتكري خف ورجع مع ال ما تتسمي وكتب ليهم الورث ساعتها ايه الحل ؟
قالت شادية بثقة:
-ال حصلُه هيخليه مِش هيقوم مِنها ولو قام هندبر ليه اي حاجة ونخلص مِنهُم الأتنين.
--
ربط رائف علي كِتف محمود قائلاً بحنو:
-ما تقلقش آدم هيبقي بخير.
قال محمود وخانتهُ دمعاته:
-يارب يا بني.
رن هاتف محمود ليقول بهدوء:
-هكلم ناهِد ورجعالك.
اومـأ برأسه وهبط للأسفل ليأتِ بمشروب للقهوه، اصطدم بطفلٍ صغير يبلُع حوالي الأربع سنوات، كان يبكي بشِدة أنحني اليهِ وقال:
-لِمـاذا تبكي ؟

قال الطفل ببراءة:
-ضيعت ماما.
أتسعت اعيُن رائف ف الطفل يتحدث العربية ولكِن شكلُه يُوحي انهُ أجنبي، حملهُ يبحث بعينيهِ عن أي شئ وما ان هم يسألُـه، ليستمع لصوتِ فتاة مِن خلفـة:
-يزيد.. يزيد تعالي هِنا والا هعاقبك.
التفت ليصطدم بها ، كانت فتاى بشعِر أشقر وعيون خضراء وبشرة بيضاء بها بعضِ النمش، قالت بأسف:
-اعتذِر و..

رأت يزيد الذي يختبأ بأحضانه حملتهُ بلهفة لتُملس علي وچنتيه برقة قائلة بعتاب:
-مِش قولتلك ما تروحش ف أي مكان ؟؟
قال يزيد وهُـو ينحني رأسُه بأسف:
-انا اسف ماما مِش هعملها تاني.
اومـات برأسها والتفتت لرائف قائلة بأمتنان:
-شُكراً ليك.
قال رائف بنبرة لطيفة وعيناه تتنقل علي ملامِحها الجذابة:
-ما فيش داعي للشُكر.

قالت بأبتسامة فرِحه:
-حضرتك مصِري ؟
اومـا برأسها لتنفرج ملامِحها بفرحة وتمد يديها قائلة بأبتسامة:
-اسمي مـارليـن، وإنت ؟؟
--
فتحت عينيها الفيروزية بفزع وهـي تقول إسمُـه ببكاء، فعاد الحِلم يُراودِها أمسكت رأسها بضعف شديد وأحست بأنها تتوجع مِن جانبها أثر العملية ولكِنها تركت أرهاقها ونظرت للناحية الأخري.