حفيدة الدهاشنه ج١(مكتملة)

الحلقة الثامِنة

#"حَـفِـيِـدِة الدِهَـاشِـنـة"
---
ضربت بيديها علي صِدرها قائلة:
-مُستحيل، انتِ اكيد سمعتي غلط مُمكن تكون بنيه تانيه!
تنهدت عنيات قائلة:
-للاسف يا ماي، دي بت الدهاشِنه صوح، وضاعت ف نفس اليوم ال اخويا لاقي البت، غلطتنا اننا مسألناش هُـو سمع كلام عويس الكلب وعمل كيف ما جله.
قالت فاطِمة بهدوء:
-الكلام دا بجاله ياما ولو انفتح احنا ما هنجدر علي الدهاشنه دول اكبر عائلة اهنه ولا كأنك سمعتي حاجة.

قالت عنيات بعصبية:
-بس يا ماي الساكت عن الحج شيطان اخرس، والمره تعبانه وقلبها محسور علي بنيتها اشحال ما كونتيش اُم.
قالت والِدتها بثبات:
-رجوعها ما هيغير شي، وانا ولدي ومرته محتاجنها جوي، وبعدين الام مِش ال خلفت دي ال ربت وما عاوزاش اسمع حديثك الماسخ ده تاني!
قالت عنيات بضيق:
-بس اني مِش هسكوت ولازم اجول ان حفيدة الدهاشِنه عايشة وما متتش
--
جلست عائلة عبدالرحمن علي الجانب الأيمن وعائلة محمود علي الجانب الأيسر، وبالمُقدِمة الظابِط ومجموعة معهُ.
قال بصرامة:
-ال المُشكلة دي لو ما أتحلتش اني هطر اخود اجراءات صارمة ف الموضوع دا وابلغ اللواء بنفسه يتصرف.
قال محمود بهدوء:
-انا اسف نيابةً عن اخويا يا حضرة الظابِط .. واوعدك مِش هيحصل مشاكِل تاني.
قال الظابط بصرامة:
-أتمني عدم تعرِض اي مِن الطرفين للآخر عاوزين ننهي الحكاية ال بقالها أكتر مِن سنين دي، ونرتاح ونتحضر بقا وما تنسوش ان الثأر حاجة مِش كويسه ولا حتي مُفيدة.

نهض محمود وقال بإحترام:
-انا بعتذِر قُدامك عن ال عمله اخويا لعبد الرحمن واحفاده.
نهض عبدالرحمن بدورهِ قائلاً:
-واني قابل اعتذارك المسامِح كريم.
نهض اخو محمود قائلاً بعجرفة:
-بس اني مِش مسامح العايلة دي ابداً !
نهض حامِد بدوره قائلاً:
-ما عاوزنكش تسامحنا واصل.
صرخ الظابط قائلاً:
-كفايكُم خناق وكُل واحِد علي بيته وأتمني عدم تشابُك تاني والا هيكون فيها السجن!
بالفعل انصتوا لحديثه وذهب كُلاً مِنهم لمنزِله ولكِن هل صفيت قلوبهم ؟
--
دلف عبدالرحمن بغضب قائلاً:
-علي اخر الزمن خالفنا شرع الله وهنحارب يا ولاد الدهاشِنة.!

-(عائلة الدهاشنه مكونه مِن "عبدالرحمن كبير العائلة وزوجته شوقية وابنائها الثلاثة عاصي واحمد وعادل ولديهِ خمس احفاد حامِد و رائف اولاد عاصي، وجمال وايمن وحسين اولاد عادل، وفتاه سُرقت ابنة احمد! وزوجاتهُن سميره وشاديه وكريمه)

توقف حامِد بغضب يُرافقة جمال وايمن وحسين، قال جمال بضيق:
-ما هُـو ما كنش ينفع اشوفك اجده يا جدي واسكُت .. ما حناش قُليلين عاد.
قال حسين يُوافقة في الرأي:
-جمال معاه حق يا جدي عائلة الصياد كان لازم تتربي.
صرخ بهم قائلاً:
-احنا هنبجي فتوات ولا ايه ؟ ما نش عاوز اسمع حديثكُم تاني الحكاية انتهت وخلصنا.

اقترب رائف بطالتهِ المُعتاده قائلاً:
-اهدي يا جدي مِش عاوز اشوفك مضايق خالص، كُله هيبقي تمام ال قصدوه اخواتي انهم خايفين عليك مِش أكتر انما ال انت عاوزه هيمشي.
ربط عبدالرحمن علي كِتفه وصعد للأعلي، ف حين تنهد رائف قائلاً:
-كُل واحد علي شُغله مِش عاوز خناقات كفاية كدا .. وعاوزين جدنا يرتاح وحقه هياخده بالقانون.