((بارت مفاجئه))
سَأرحَلُ عَنکَ يا وَطَني
وَفاضَ الدَمعُ في سَفَري
انا ماختَرتُ غُربَتِنا
وَلَكِن هُجرَتي قَدَري
وَتَبكي الأَرضُ تَسأَلَني
أتَرحَلُ قَاصِداً غَيري؟؟
أجَابَ الحِزنُ فِي قَلبي
سَأرحَلُ تَارِكاٍ عُمرِي.... 💔🥀😔
حسين :الدم صعد الراسي واني واكف واشوف شون ذلوهم وهجروهم وماكدر اسوي شي
يسرى :هجرونه من بيتنه وماعدنه مكان نروحله ف رحنه لبيت اختي بالاعظميه طبعا هذا كله واخويه عايفنه وما سأل علينه عايش بيت اختي معايش ويانه لان كاعدين بمنطقه شيعيه ف جان ماله دور بحياتنه ومن نروحلهم اغلب الاوقات طالع
ام يسرى :بنات راح نروح لبيت اختجن انفال منا لحد منشوف حل
يسرى :وصلنه لبيت انفال وحجينالهه الصار ويانه
انفال :هلا بيكم يمه البيت بيتكم
محمد زوج انفال: خاله انتو تنورونه شوكت متجون وان ما شالتكم الكاع اشيلكم على راسي
ام يسرى : الله يسلم راسك وليدي والنعم من تربيتك
انفال :بس يمه اكو موضوع لازم تعرفون بي
ام يسرى والبنات : احجي انفال شنو الموضوع صاير شي
انفال : يمه احنه راح نسافر طلعنه جوازت ومنتظرين الفيز تطلع ونسافر يمه العراق بعد مابي كعده مو امان
ام يسرى( بقهر) : لج يمه انفال هذا بلدج وين رايحه بالغربه هناك منو الج
شفا :انفال تره الغربه بهذله ومذله وتره محد يموت ناقص عمر
انفال :شفاا اني مرايحه لان خاف اموت بالعراق لا بس نريد نعيش حياتنه اني وعائلتي كلشي مشفنه بحياتنه بالعراق
ام يسرى :والله يا يمه انتو ناوين ومكملين كلشي بعد ماكدر احجي ولا اكدر اعترضلكم طريقكم توصلون بالسلامه
انفال :يمه هسه اني اريد افترح عليكم تعيشون هنا من نسافر ب بيتنه بس كل شهر تدفعون ايجار بس والله يمه مو الي لابو محمد هوه البيت مالتهم
ام يسرى :اي والله يمه خوش فكره هاي احنه اول وتالي لازم نأجر ف نكعد هناا احسن
يسرى :من سمعت حجيهم انقبض كلبي واختنكت يعني شنو بعد ماكو حسين بعد ماشوفه كل يوم بالليل اتصلت بيه
حسين :جنت كاعد ومنتظر اتصالهه على نار حتى اعرف شصار وياهه وين راحت وشويه ودك التلفون رفعته الوووو
يسرى : الووو حسين
حسين :يا بعد كلب حسين شونج شصار وياكم وين رحتو
يسرى :هسه احنه بالاعظميه بيت اختي بس اختي وعائلتهه راح يسافرون واحنه راح نبقى هناا كاعدين بيتهم
حسين :شنو يعني بعد ما شوفج مترجعين
يسرى :شنرجع حسين شنرجع شفت شسوو بينه وشون شمرونه
حسين :اووووووف الله لا يوفقهم الك..... حبيبتي اسف لان مكدرت ادخل اساعدكم
يسرى :لا حبيبي معذور محد يكدر عليهم
حسين :يله الله كربم حبيبتي لضوجين اهم شي سلامتكم واني شوكت متريديني اجيج
يسرى :يله الله كريم وضلينه نحجي لوقت متأخر كلش
حسين :يله حبيبتي تاخر الوقت روحي نامي
يسرى :ماشي تصبح على خير
حسين :وانتي بألف خير حياتي
يسرى : سديته من يمه ونمت
حسين :طبعا من تهجرو بيت يسرى من بيتهم امي شويه انقهرت عليهم لان شمروهم بالشارع بس فرحتهه جانت اكبر لان يسرى ابتعدت عني
يسرى :طبعا استمرت الايام مثل ما هيه يجي حسين عليه ونطلع نفتر اني وياا واتصالات بيناتنه منكطعت وراهه بفتره ودعنه اختي وبناتهه ورجلهه مقبلت نروح للمطار تكول الوداع يصير اصعب وهناا جنه متأكدين بعد منشوفهه لان راح يستقرون هناك وكلش اتقهرنه وبجينه راح نشتاقلهم الفراق صعب وامي اكثر وحده انكسرت وانقهرت على اختي
حسين : خابرتني يسري بالليل وجانت تبجي لان اختهه سافرت... حبيبتي ليش تبجين المفروض تفرحيلهه راح ترتاح هناك احسن من العراق الي ما شفنه منه غير الدمار والانفجارات
يسرى : اي صح راح ترتاح بس هاي اختنه قطعه من روحنه
حسين :اعرف حياتي افتهمج بس هيج دتعرضين طريقهم ومو زين كافي يله لتبجين مو اكلج لتبجين ذني عيونج الحلوات
يسرى :ضل يهدي بيه ويتغزل لحد ما سكتت ورتاحيت من حجيت ويااا شويه وسديته ورحت نمت
قراءه ممتعه RusulAli336😍
طبعا اني كلش كلش اعتذر منكم عن التأخير غوالي بس عندي شويه ظروف الله شاهد ف كلما يصير عندي مجال راح انزللكم بارت جوز اطول ايام او اسابيع يله انزل هذا سبب والسبب الثاني ليش ماكو تفاعل عالقصه يعني اشوف المشاهدات بالالف بس ماكو لا تعليقات ولا تصويتات حبايب قلبي تره متخسرون شي مجدر تضغطون عالنجمه وتشاركوني برأيكم بتعليق تعليقاتكم هي سبب استمراري غوالي احبكم😍
