#بالباب من واكف جنت
مرت عليه اترف بنت
عجبتني بس عيب #التفت
والناس ضحكوا چي دخت
حته انه كمت اضحك علي
عود بفرعنه وتيهت...💕
حسين: لج يسرى احبج اعشق التراب التمشين عليه😍
يسرى:فدوه لكلبك اني هم احبك❤️حياتي شوكت تجي تخطبني
حسين:حياتي انتي اكثر وحده تعرفين ظروفي بس اصبريلي فتره يا گلب حسين
يسرى :حبيبي اني مستعده انتظرك لحد ماصير عجوزه وما أمل من حبك
حسين :ههههه لا يابه شسوي بيج عجوزه متفيديني يخلص الاكسباير مالج😂😂
يسرى(بزعل) : هااا هيح يعني موو اضيع شبابي علمودك تالي تكلي شسوي بيج عجوزه يله راح اروح😔
حسين :لج تعاي وين رايحه اشاقه وياج لج انتي حياتي وعمري وكلشي بدنيتي 😍
يسرى (بدلع):واني هم اعشقك فدوه لكلبك😘وهسه يله خلي نرجع تأخرت
حسين: اوكي يله امشي
هوب هوب هوب Stop🖐️ وانتو وين رايحين وياهم😏تعالو خلي اعرفكم على بطلتنا قلابيني 😍
هلو حبايبي♥️ اني يسرى ومثل مكلت سابقا مواليدي ١٩٨٢ ومواصفاتي(طولي ١٥٧ وجسمي حلو مثالي من الله وشعري اسود طويل وسرح وعيوني سود طبعا اني جنت سافره)جنت محبوبه من قبل كل الناس...
اني سنيه وساكنه ويه اختي بالاعظميه واهلي جانو كاعدين بمنطقه شيعيه قبل لتصير الطائفيه وره فتره رجعت اعيش ويه اهلي رحت وبديت اتعرف عالجوارين واتعرفت على جوارينه ام علي
ام علي : هلا بيج حبيبتي يسرى تفضلي فوتي
يسرى: هلا بيج خاله شونكم
ام علي :والله الحمدلله برحمته
يسرى : بأثناء مدنحجي دخل علينه شاب بس شنو من شاب ما شالله عالخلقه الشايلهه طويل وابيض والشعر اسود وسرح ف اول مدخل جان يكول
حسين :هلا بيسرى شونج وجان يذب بوجهي مي بارد وضحك
يسري:مرديت عليه بس شهكت من المي جان بارد وسكتت وطلعت من بيتهم خجلانه من الموقف (وطبعا صار بينهم حب من اول نضره😍)
حسين: طلعت يسري من بيتنه بس ماخذه كلبي وياهه اعشقهه واعشق كل تفاصيلهه وعشقتهه من اول يوم فاتت للمنطقه واحب برائتها
يسرى:كمت كلما اطلع اشوف حسين واكف ويباوع عليه ومن اطلع للسوك لو افتر يلحكني ومره من المرات
حسين:شفتهه طلعت لحكتهه كلت مابيهه مجال لازم اعترفلهه بعد يسرى بس لحظه
يسرى: وكفت وانداريت ل حسين الجان جاي بأتجاهنه اني واختي خلود... تفضل حسين
حسين :يسرى اريد احجي وياج بموضوع
يسرى :تفضل كول
حسين :ويلقي نظراته ل خلود لااا مو موضوع مهم ممكن عالانفراد
يسرى :حسين خلود اختي وكلشي ماضم عليهه تكدر تحجي كدامهه
حسين :باوعت على خلود ورجعت باوعت ل يسرى دنجت راسي وغمضت وحجيت يسرى اني احبج ومعجب بيج واتمنى تنطيني فرصه وراح اكون اسعد واحد اذا وافقتي
يسرى :تفاجأت وفرحت بكلبي (اييي واخيرا😍) بس مرديت عليه التزمت السكوت وابتسمت وكملت طريقي
حسين :رفعت راسي وفتحت عيوني شفتهه ابتسمت وراحت بس محجت شي ضجت كلشش بس من ابتسمت كلت احاول احاجيهه غير مره
يسرى :وره كم يوم
ام علي من وره الحايط : خاله يسرى جيبي العجين وتعاي خبزي يله
يسرى : اي خاله راح اجي ورحت ب بيتهم وخبزت لان مجان عدنه تنور ف اخبز بتنورهم ومن كملت وردت ارجع للبيت
حسين: اوكفي يسرى خلي اشيلج قنينه الغاز واوصلج
يسرى : تسلم ماريد اتعبك
حسين :لا عيوني تعبج راحه
يسرى :وصلني للباب ونزل قنينه الغاز ولزم ايدي
حسين: لج يسرى والله احبج بس انطيني فرصه
قراءة ممتعه قلابيني RusulAli336 ❤️
