ـ محظـوظـۂ فيـڪ للحـد اللــي يخليــني أڪتفـي ولا أتمنــى شــئ مـن بعــدڪ Ⓐ ..🥀✨
يسرى :راحت احلام مرت وليد لأهلهه زعلانه وهيه حامل بالشهر السادس ووليد رافض طروح يرجعهه ومن نسئله يرد
وليد :وليش اروح ارجعهه مو هيه الطلعت وراحت بدون علمنه مثل ما رحت هيه ترجع
ام يسرى :ولك يمه البنيه حامل شون تبقى يم اهلهه
وليد :اي هاهيه خليهه هناك ماجيبهه اني تردون انتو روحو جيبوهه
ام يسرى :واحنه شعلينه ونروح نجيبهه بينك وبينهه احنه حتى منعرف على شنو متعاركين
يسرى :صدك وليد انتو مكلتولنه على شنو تعاركتو وراحت زعلانه شصاير بينكم
وليد :هيج سالفه بيني وبينهه
يسرى :استمر هذا الحال فتره ٣ أشهر ووليد معاند ميقبل بروح يجيب مرته واني على نفس كعدتي بيت اهلي يجي أنمار يشوفني وينطيني مصرف ويروح وطبعاً ككت اساعدهم بالايجار يعني حالي حال الي مأجره جنه كاعدين وخابرونه اهل احلام كالو احلام جابت ولد وسمو محمد خطيه امي كولش فرحت وراحت صعدت عل وليد واني صعدت وراهه
ام يسرى :يمه وليد مرتك جابت ولد شوكت نروح نجيبهم
وليد :اي مبروك يتربه بعزهه ماروح اني معليه
ام يسرى :لك يمه لتخبلني شون تريد ابنه يتربه بتكريت يم الغربه
وليد :عوفيني هسه يمه رحمه لوالديج اسكتي وعوفيني الله كريم عود
ام يسرى :ماشي يمه براحتك الله يهدي سركم
يسرى :ثاني يوم جنه كاعدين وطب علينه وليد
وليد :السلام عليكم
الكل :وعليكم السلام
وليد :يسرى اليوم خابرني الحجي ابو محمد
يسرى :اي وشيريد
وليد :يريد البيت يكول فرغوليا وانطانه مهله شهر ندور غير بيت
يسرى :اهووو هاي وجانت وين راح نلكه بيت
وليد :راح اطلع ادور اليوم بلكت الكه
يسرى :واني هم راح اوصي أنمار
ام يسرى :لعد خلي نبدي نلملم بالغراض من هسه شويه شويه حتى مننخبص
يسرى :ووره ٣ ايام يله لكينه بيت مناسب النه وحولنه وره ما حولنا بفتره اتصل اخو احلام على وليد واحنه جنه كاعدين يمه
اخو احلام :شونك وليد شكو ماكو
وليد :الحمد لله انتو شونكم
اخو احلام :والله الحمدلله اكلك وليد باجر احنه يمكم بحيل الله راح نجيب احلام ونجي
وليد :هلا بيكم بأي وقت
